Author

Megha Varna

Megha Varna

ట్రాఫిక్ భరించలేక ఆఫీస్ కి వెళ్ళడానికి ఈ వ్యక్తి వింతగా ఏం చేసాడో తెలుసా.?

by Megha Varna February 27, 2022

written by Megha Varna

సాధారణంగా పెద్ద పెద్ద నగరాలలో ట్రాఫిక్ ఎక్కువగా ఉంటుంది. నిజానికి ఆ ట్రాఫిక్ నుండి బయట పడటం పెద్ద టాస్క్. ముఖ్యమైన పనులు చేసుకోవడానికి కూడా ఇబ్బందిగా ఉంటుంది. సమయానికి పనులు పూర్తి చేసుకోవాలని మనం అనుకుని ఎంతో వేగంగా బయలుదేరుతూ ఉంటాం. కానీ తీరా చూస్తే ట్రాఫిక్ లో చిక్కుకు పోవాల్సి వస్తుంది. ఈ బాధ అందరూ పడేదే. ఉదయం పూట ఆఫీస్ కి వెళ్లాలంటే ట్రాఫిక్ నుంచి ఎప్పుడు బయట పడతారో తెలీదు.

అందుకే చాలామంది ఒక గంట ముందే బయలుదేరుతూ ఉంటారు. ఒకపక్క ట్రాఫిక్.. మరోపక్క కాలుష్యం. దానికి తోడు ఒత్తిడి ఇలా ఎంతో చికాకుగా ఉంటుంది. అయితే చాలామంది ట్రాఫిక్ నుండి బయట పడాలంటే చిన్న చిన్న ట్రిక్స్ ని పాటిస్తూ ఉంటారు. కొంతమంది అయితే సిగ్నల్ పక్కన పెట్రోల్ బంక్ ఉంటే దానిలో నుంచి వచ్చేయడం లాంటివి చేస్తూ ఉంటారు. కొన్ని కొన్ని దేశాలలో అయితే బాగా డబ్బున్న వాళ్ళు ట్రాఫిక్ బాధలు ఎక్కువగా ఉంటాయని హెలికాప్టర్ లో తిరుగుతూ ఉంటారు.

అయితే అది అందరికీ సాధ్యం కాదు. జర్మనీలో ఒక అతను మాత్రం ఒక వింత ఆలోచనతో ట్రాఫిక్ బారినపడకుండా ఆఫీస్ కి వెళ్ళడం మొదలు పెట్టాడు. మరి అతను ట్రాఫిక్ ని భరించలేక ఏం చేశారో ఇప్పుడు చూద్దాం. జర్మనీ దేశంలో బెంజిమెన్ డేవిడ్ అనే ఒక వ్యక్తి ట్రాఫిక్ సమస్య ఎక్కువగా ఉందని ఆ నగరంలో ఉన్న ఇస్సార్ నది మీదగా ఆఫీస్ కి వెళ్లడం మొదలుపెట్టాడు. అయితే ఆ నది లో జల రవాణా సౌకర్యం లేదు.

అయినప్పటికీ ఏం చేశాడంటే తన వస్తువులను, బట్టల్ని ఒక వాటర్ ప్రూఫ్ బ్యాగ్ లో పెట్టి ప్రతిరోజు ఆ నీటిలో ఈదుకుంటూ ఆఫీస్ కి వెళ్లడం మొదలుపెట్టాడు. సాయంత్రం కూడా ఈత కొట్టుకుంటూ ఇంటికి వెళ్లిపోయాడు. గత రెండు సంవత్సరాలుగా ఇదే పద్ధతిని ఫాలో అవుతున్నాడు డేవిడ్. ఇతని ఇంటి నుండి ఆఫీస్ కి దూరం ఒకటిన్నర కిలో మీటర్లు. ఇలా వెళ్లడం వల్ల ట్రాఫిక్ బాధ ఉండదు. అలానే స్విమ్మింగ్ చేయడం వల్ల ఆరోగ్యానికి కూడా మంచిదే అని డేవిడ్ అన్నాడు.

watch video:

February 27, 2022

పెళ్లి చేసుకుంటానని నమ్మించి 500 కి అమ్మేశాడు… కుక్కలా అనుభవించిన వారి ముందే ఆమె ఎలా ఎదిగింది అంటే.?

by Megha Varna February 26, 2022

written by Megha Varna

గంగూభాయిని మొదట్లో ఎంతో హీనంగా చూసేవారు. ఆమె దగ్గర ఎక్కువ డబ్బులు కూడా ఉండేవి కాదు. కానీ అటువంటి గంగు భాయ్ అవమానించిన వాళ్ల కళ్ళ ముందే దర్జాగా బతికింది. మాఫియా క్వీన్ గా ఈమె మారింది.

అయితే గంగూభాయి రియల్ స్టోరీని మీరు చూస్తే ఆమె కోసం ఎన్నో విషయాలు తెలుసుకోవచ్చు. 500 రూపాయల కోసం గంగుభాయ్ ని ప్రేమించిన వ్యక్తి వ్యభిచారి గృహం కి అమ్మేశాడు. అక్కడి నుండి ఆమె మాఫియా క్వీన్ గా మారింది. మరి ఇప్పుడే చూసేయండి.

1939 గుజరాత్ లోని ఒక వ్యాపారికి గంగా అనే ఒక అమ్మాయి జన్మించింది. వ్యాపారి అవ్వడంతో తన కూతురికి మంచిగా చదువు చెప్పించాలని అనుకున్నాడు. కానీ ఈమె మాత్రం హీరోయిన్ అవ్వాలని అనుకుంది. దీంతో సినిమాలో అవకాశాలు కోసం ముంబై వెళ్లాలని అనుకుంది. అయితే గంగ తండ్రి దగ్గర ఒక అకౌంటెంట్ పనిచేసేవాడు. అతని పేరు లవ్నిక్ లాల్. అయితే వీళ్ళిద్దరూ మొదట మామూలుగా మాట్లాడుకునే వారు. తర్వాత ప్రేమ మొదలైంది. ఒకరోజు గంగ తనకి హీరోయిన్ అవ్వాలని ఉంది అని చెప్పింది.

ఇక ఆమెను అడ్డంపెట్టుకుని డబ్బు సంపాదించుకోవాలి అనుకున్నాడు. ఆమెకు మాయమాటలు చెప్పి ముంబై తీసుకువెళ్ళాడు. డబ్బు, బట్టలు తీసుకుని గంగ లవ్నిక్ లాల్ తో పాటు ముంబై వెళ్ళింది. త్వరలో పెళ్లి చేసుకుందామని ఒక గది తీసుకుని అందులో ఇద్దరు ఉన్నారు. కొన్ని రోజులకి తెచ్చుకున్న డబ్బులు అయిపోయాయి. ఇక గంగా పై ఆసక్తి తీరిపోయిన లవ్నిక్ లాల్ ఆమెను వదిలించుకోవాలని అనుకున్నాడు.

గంగా నువ్వు దగ్గర్లో ఉన్న మా చుట్టాల ఇంట్లో ఉండు నేను నీకోసం సినిమా వాళ్ళతో మాట్లాడడానికి వెళుతున్నాను అని చెప్పి టాక్సీ ఎక్కించాడు. టాక్సీ డ్రైవర్ కి అడ్రస్ చెప్పి గంగని తీసుకు వెళ్ళమన్నాడు. అయితే ఇక్కడ గంగకి తెలియని విషయం ఏమిటంటే ఆమెని వ్యభిచారి గృహానికి పంపిస్తున్నాడు. 500 రూపాయలు కి గంగని అమ్మేశాడు. గంగ ఇంక వ్యభిచార గృహానికి వెళ్లి పోయింది. అయితే అక్కడ పెద్ద పెద్ద వాళ్ళు అందరూ వచ్చి ఎక్కువ డబ్బులు ఇచ్చి గంగని అనుభవించేవారు.

ఈ డబ్బులు ఏమీ గంగకి ఇచ్చేవారు కాదు. అక్కడ ఉండే యజమానే డబ్బులు అన్నీ తీసుకునేది. అయితే గంగ యజమానురాలి పీడ వదిలించుకోవాలి అనుకుంది. కొన్ని రోజులకే ఆమెను తరిమేసి గంగ యజమానురాలు అయింది. ఆ తర్వాత గంగ ఎవర్ని హింసించేది కాదు. యజమాని అయినా సరే అందరి బాధలు అర్థం చేసుకునేది. రౌడీలు పోలీసులు గొడవలకి వచ్చినా తరిమేసేది గంగా. ఇలా గంగ ఒక నాయకురాలిగా మారింది. గంగ ఉండే రెడ్ లైట్ ఏరియా కరీంలాలా అధీనంలో ఉండేది.

ఒక రోజు అతని మనిషి వచ్చి గంగని దారుణంగా రేప్ చేశాడు. ఇలా చాలాసార్లు జరిగింది. దీనితో గంగ ఆస్పత్రిలో చేరింది. ఆస్పత్రి నుంచి బయటకు వచ్చాక డైరెక్టుగా కరీమ్ లాల దగ్గరికి వెళ్ళింది. ఆ తర్వాత అతను గంగ ధైర్యానికి మెచ్చి నీ దగ్గరికి ఇంకెవరు గొడవలకు రారు. నా మనుషులు కూడా రారు అని చెప్పాడు. ఓరోజు వేశ్య గృహాల ఎలక్షన్ జరిగింది. దానిలో గంగ నిల్చుని గెలిచింది. దీంతో గంగ గంగూబాయి కతీయవాడి అని పేరు మార్చుకుంది.

అలానే ఆమె వేశ్య ల ద్వారా వచ్చే డబ్బును వాళ్ళ కోసమే ఖర్చు చేసేది. వేశ్యల కోసం ఆమె విప్లవాత్మక ప్రసంగం చేసింది. అది అప్పట్లో ఎంతో ఫేమస్ అయ్యింది. వేశ్యలకి కూడా హక్కులు ఉండాలి అని ఆమె అప్పట్లో చెప్పగా… ఆమె మాటలు విన్న జవహర్ లాల్ నెహ్రూ ఆమెకి అపాయింట్మెంట్ ఇచ్చి మాట్లాడారు. మహారాష్ట్ర ప్రభుత్వంతో ఎవరు వేశ్యలని వేదించద్దు అని చెప్పారు. అలానే వారిని హీనంగా చూడకూడదని ఆదేశించారు. ఇలా వేశ్యల కోసం గంగుబాయి ఎంతగానో కష్టపడింది.

February 26, 2022

“అక్కడకి రాలేం.. ఇక్కడ ఉండలేం..” విజయవాడ అమ్మాయి కన్నీళ్లు.. వైరల్ అవుతున్న వీడియో..!

by Megha Varna February 26, 2022

written by Megha Varna

ఉక్రెయిన్ లో రష్యా దాడులు కొనసాగుతున్న సంగతి తెలిసిందే. గత రెండు రోజుల నుండి కూడా ఉక్రెయిన్ లో రష్యా దాడులు జరుగుతున్నాయి. ఇది మూడవ రోజు. అయితే అక్కడ నుంచి స్వదేశానికి రావాలని భారతీయులు చూస్తున్నారు. మొత్తం 19 వేల మంది భారతీయులు ఉక్రెయిన్ లో ఉన్నట్లుగా తెలుస్తోంది.

ఇది ఇలా ఉంటే తాజాగా ఉక్రెయిన్ లో చిక్కుకున్న విజయవాడ విద్యార్థిని ఒక వీడియోని రికార్డ్ చేసి పంపించారు. ఆమె పేరు విహారి. ఉక్రెయిన్ లో ఆమె మెడిసిన్ ఫైనల్ ఇయర్ చదువుతున్నారు.

అయితే వాళ్లకు ఎటువంటి సహాయం కూడా అందడం లేదని విహారి చెబుతున్నారు. పైగా అక్కడ పరిస్థితి బాగోలేదని.. దాడులు జరుగుతున్నాయని ఆమె ఈ వీడియో ద్వారా వివరించారు. ఇండియన్ ఎంబసీ వాళ్లకు రక్షణ కల్పించాలని సహాయం చేయాలని కోరుతున్నారు.

అలానే వాళ్ళు ప్రస్తుతం ఉంటున్న చోటు నుండి బోర్డర్ కి వెళ్లాలంటే పదిహేను గంటల ప్రయాణం చేయాల్సి ఉంటుందని చెప్పారు. ఇండియన్ ఎంబసీ బోర్డర్ కి వెళ్లడానికి ఎటువంటి ట్రాన్స్పోర్ట్ ని కల్పించడం లేదని విహారి చెప్పారు.

మీరే స్వయంగా బోర్డర్ కి రీచ్ అవ్వాలని అప్పుడు మేము యాక్షన్ తీసుకుంటామని ఇండియా ఎంబసీ చెబుతున్నట్లు ఆమె చెప్పారు. చాలా మంది భారతీయులు అక్కడ ఇరుక్కుపోయారని ఆమె తెలిపారు. వాళ్లు ఉంటున్న దగ్గర నుండి బోర్డర్ కి రీచ్ అవ్వడానికి ఏర్పాటు చేయాలని అక్కడ ఉన్న వాళ్ళు కోరుకుంటున్నట్లు ఆమె తెలిపారు.

February 26, 2022

లాఫింగ్ బుద్ధాని బహుమతిగా ఇవ్వడం వెనుక కారణం ఏమిటో మీకు తెలుసా..?

by Megha Varna February 26, 2022

written by Megha Varna

చాలా మంది ఇళ్లల్లో లాఫింగ్ బుద్ధాని పెడుతూ ఉంటారు. లాఫింగ్ బుద్ధాను ఇంట్లో ఉంచడం చాలా శుభకరంగా భావిస్తారు. అలాగే లాఫింగ్ బుద్ధ శ్రేయస్సు, ఆనందాన్ని తీసుకు వస్తుందని కూడా అందరు నమ్ముతూ ఉంటారు. పైగా లాఫింగ్ బుద్దని బహుమతిగా ఇవ్వడం చాలా మంచిదని కూడా అంటారు.

చైనాలో అయితే లాఫింగ్ బుద్ధాని దేవుడి కింద భావించి పూజలు కూడా చేస్తూ ఉంటారు. అయితే లాఫింగ్ బుద్ధా గురించి చాలా మందికి తెలుసు కానీ లాఫింగ్ బుద్ధా కథ గురించి తెలియదు. ఈరోజు ఆ కథ ఏంటో చూద్దాం.

చైనాలో హనోయి అనే ఒక బుద్ధుడి అనుచరుడు ఉండేవాడు. అయితే అతను కాలక్షేపం చేయడం.. అందరినీ నవ్వించడం.. జోకులు చెప్పడం లాంటివి చేస్తూ ఉండేవాడు. అయితే అతను ఎక్కడికి భిక్షాటనకి వెళ్ళినా సరే అందరూ అతన్ని చూసి ఎగతాళి చేసేవారు. ఎందుకంటే అతను చాలా లావుగా ఉండే వాడు. అతని బొడ్డు మరియు బలమైన శరీరం చూడడానికి కాస్త హాస్యంగా ఉండేది.

పైగా అతను అందర్నీ నవ్వించే వాడు. ఆనందాన్ని కూడా పంచుకునే వాడు. నిజానికి ఇదే అతని జీవిత లక్ష్యం. ఇలా లాఫింగ్ బుద్ధ విగ్రహానికి సంబంధించి అనేక కథలు ఉన్నాయి. ఇండియాలో కూడా లాఫింగ్ బుద్ధాను ఇంట్లో ఉంచడం వల్ల ఆనందం, శ్రేయస్సు కలుగుతుందని.. డబ్బు కూడా ఉంటుందని అంటారు.

అలాగే ఒకరికి గిఫ్ట్ కింద లాఫింగ్ బుద్ధాని ఇస్తే వాళ్ళు స్వార్ధపరులుకారని అంటారు. వాస్తు ప్రకారం ఇంట్లో కానీ ఆఫీస్ లో కానీ లాఫింగ్ బుద్ధాని పెట్టుకుంటే ఆర్థిక సమస్యలు తొలగిపోతాయి. తద్వారా ఐశ్వర్యం కలుగుతుంది. లాఫింగ్ బుద్ధాని పెట్టేటప్పుడు రెండున్నర అడుగుల ఎత్తులో పెడితే మంచిది. అలానే ముఖద్వారం ముందు ఉంటే మరీ మంచిది.

February 26, 2022

వయసు 54..పెళ్లిళ్లు 14.. ఈ నిత్య పెళ్లికొడుకు చేసిన మోసాలు చూస్తే తిట్టిపోస్తారు..!

by Megha Varna February 26, 2022

written by Megha Varna

దేవుడా..! ఈ వ్యక్తి మోసాలు చేయడంలో ఆరితేరి పోయాడు. సాధారణంగా ఎవరైనా ఒకటి లేదా రెండు పెళ్లిళ్లు చేసుకుంటూ ఉంటారు. కానీ ఇతను మాత్రం నిత్య పెళ్లి కొడుకు. ఏకంగా 14 సార్లు పెళ్లిళ్లు చేసుకున్నాడు. ఎక్కువగా ఇతను మధ్య వయస్సు ఉన్న మహిళలను టార్గెట్ చేస్తాడు.

అలానే విడాకులు తీసుకున్న వాళ్ళని కూడా టార్గెట్ చేసి మోసం చేస్తూ ఉంటాడు. ఇక మరి 14 పెళ్లి చేసుకున్న ఆ నిత్య పెళ్లి కొడుకు గురించి చూద్దాం. ఆంధ్రజ్యోతి కథనం ప్రకారం బిధు ప్రకాష్ స్వైన్‌ (54) ఒడిస్సా కి చెందిన వ్యక్తి. ఏం చేస్తాడో తెలీదు కానీ డాక్టర్ అని చెప్పుకుని తిరుగుతూ ఉంటాడు.

వివిధ రాష్ట్రాలకు చెందిన మహిళలను మోసం చేస్తాడు. పెళ్లి పేరుతో ఇలా చాలా మందిని ఇప్పటికే బిధు ప్రకాష్ మోసం చేశాడు. మొదటిసారి 1982లో వివాహం చేసుకున్నాడు. అప్పటి నుండి డాక్టర్ ని అని చెప్పుకొని 13 పెళ్లిళ్లు చేసుకున్నాడు. బాగా చదువుకుని గవర్నమెంట్ ఆఫీస్ లో పని చేస్తున్న మహిళల్ని… విడాకులు తీసుకున్న మహిళలనీ మ్యాట్రిమోనీ వెబ్సైట్ల ద్వారా సంప్రదించి పెళ్లి చేసుకుంటాడు. భారీగా కట్నం తీసుకుంటాడు.

representative image

చెప్పుకుపోతే సినిమాటిక్ రేంజ్ లో ఉంటుంది ఇతని కధ. ఢిల్లీ, అస్సాం, ఒడిశా, జార్ఖండ్, ఛత్తీస్గఢ్, పంజాబ్ ఇలా వివిధ రాష్ట్రాలకు చెందిన మహిళల్ని పెళ్లి చేసుకుని మోసం చేశాడు. పెళ్లి చేసుకున్న కొన్ని రోజుల తర్వాత పని మీద భువనేశ్వర్ వెళ్తున్నా అని చెప్పి మళ్లీ కనిపించేవాడు కాదు. 2021 జూలైలో ఒక టీచర్ ని ఢిల్లీలో పెళ్లి చేసుకున్నాడు.

representative image

ఆ తర్వాత కొన్ని రోజుల పాటు ఆమెతో ఉండి.. తరవాత వదిలి వెళ్లిపోయాడు. ఆమె ఊరుకోక పోలీసులకు కంప్లైంట్ చేసింది. ఆఖరికి భువనేశ్వర్ వెళ్లి అతడిని పోలీసులు అరెస్ట్ చేశారు. దీంతో అసలు విషయం బయటపడింది. ఈ ఒక్క మహిళలనే కాదు 13 మంది మహిళలని ఇలాగే మోసం చేశాడని పోలీసులు తెలుసుకుని అతన్ని అదుపులోకి తీసుకున్నారు.

February 26, 2022

గూగుల్ లో అమ్మాయిలు ఎక్కువగా వేటి గురించి వెతుకుతారో మీకు తెలుసా..?

by Megha Varna February 26, 2022

written by Megha Varna

గూగుల్ మనకి చాలా బాగా ఉపయోగపడుతుంది. గూగుల్ లో మనకు తెలియని విషయాలు సెర్చ్ చేసి ఎంతో ఈజీగా తెలుసుకోవచ్చు. చిన్నచిన్న అనుమానాలు ఏవైనా ఉంటే కూడా క్లారిటీగా మనం తెలుసుకోవచ్చు. అయితే తాజాగా గూగుల్ ఇటీవలే ఒక సర్వే రిపోర్ట్ ని విడుదల చేసింది. అయితే ఈ రిపోర్టు ద్వారా మహిళలు ఎక్కువగా ఏ విషయాలను గూగుల్ లో సెర్చ్ చేస్తారు అనేది గూగుల్ వెల్లడించింది. మరి వాటి కోసమే ఇప్పుడు మనం చూద్దాం.

15 కోట్ల ఇంటర్నెట్ యూజర్ల లో దాదాపు 6 కోట్ల మంది మహిళలే. ఈ మధ్య కాలం లో చాలా మంది మహిళలు ఇంటర్నెట్ ని వాడతారు.

చక్కగా జీవితాన్ని మార్చుకోవడానికి, కొత్త విషయాలని తెలుసుకోవడానికి, రానివి నేర్చుకోవడానికి ఇలా ఎంతో మంది ఎన్నో రకాలుగా ఇంటర్నెట్ ని వాడుతున్నారు. ఇలా ఇంటర్నెట్ ని వాడే వారిలో 75 శాతం మంది వయసు 15 నుండి 34 వరకు ఉంటుంది. మరి వారు ఎలాంటివి సెర్చ్ చేస్తున్నారో ఇప్పుడే చూసేద్దాం.

మహిళలకి గోరింటాకు అంటే ఎంత ఇష్టమో ప్రత్యేకించి చెప్పక్కర్లేదు. గూగుల్ కూడా ఈ విషయాన్ని చెప్పేసింది. ఎక్కువ మంది గోరింటాకు డిజైన్లు గురించి సెర్చ్ చేస్తారట.
అలాగే అమ్మాయిలకి పాటలు అంటే కూడా ఇష్టం. అమ్మాయిలు ఎక్కువగా రొమాంటిక్ పాటలు, రొమాంటిక్ కవితల కోసం వెతుకుతారట.
అదే విధంగా అందరి కంటే భిన్నంగా ఉండడం కోసం.. అందాన్ని మెరుగు పరచుకోవడం కోసం.. ఇంటర్నెట్ ని చాలా మంది అమ్మాయిలు వాడుతున్నట్లు గూగుల్ రిపోర్ట్ వెల్లడించింది.

ఆన్లైన్ షాపింగ్ సైట్ లను కూడా అమ్మాయిలు ఎక్కువగా చూస్తారు. బట్టలు, డిజైన్లు, కొత్త కలెక్షన్స్ వంటి వాటిని కూడా అమ్మాయిలు సెర్చ్ చేస్తారు.
ఏ కెరీర్ ఎంచుకోవాలి, ఏ కోచింగ్ తీసుకుంటే బాగుంటుంది అనేది కూడా అమ్మాయిలు వెతుకుతూ ఉంటారు అని గూగుల్ రిపోర్ట్ చెప్పింది.

February 26, 2022

ప్రపంచ నంబర్ వన్ మాగ్నస్ కార్ల్‌సెన్‌ పై ప్రజ్ఞా నంద విజయం..!

by Megha Varna February 26, 2022

written by Megha Varna

వయసు చిన్నదైనా సాధించిన రికార్డు మాత్రం పెద్దదే. ఇండియన్ గ్రాండ్ మాస్టర్ ప్రజ్ఞా నంద అద్భుతమైన రికార్డును సృష్టించాడు. ప్రత్యర్థిని ఓడించి అద్భుతమైన విజయాన్ని అందుకున్నాడు. ప్రపంచ నంబర్ వన్ మాగ్నస్ కార్లసన్ ను ఓడించాడు ప్రజ్ఞ నంద. మరిక దీని కోసం పూర్తి వివరాల్లోకి వెళితే..

ఆన్లైన్ ర్యాపిడ్ చెస్ టోర్నీ అయిన ఎయిర్‌థింగ్స్ మాస్టర్స్ 8th రౌండ్ లో ప్రజ్ఞా నందా కార్ల్‌సెన్‌ ని ఓడించి నెగ్గాడు. కేవలం 39 ఎత్తుల్లోనే విజయాన్ని అందుకున్నాడు ఈ బాలుడు.

సోమవారం జరిగిన టర్రాష్ వేరియేషన్ గేమ్‌ లో ప్రజ్ఞా నందా బ్లాక్స్ ని ఎంచుకుని ఆట మొదలెట్టాడు. ఇంకేం వుంది 39 ఎత్తుల్లోనే మాగ్నస్‌ను ఓడేలా చేసాడు. ఈ బాలుడు వయసు కేవలం పదహారు ఏళ్ళు. అయితే ఆన్లైన్ ర్యాపిడ్ చెస్ టోర్నీ అయిన ఎయిర్‌థింగ్స్ మాస్టర్స్ 8th రౌండ్ లో 8 పాయింట్లతో 8 రౌండ్ల తర్వాత 12వ స్థానంలో నిలిచాడు.

దీనికి ముందు అనీష్ గిరి, క్వాంగ్ లీమ్ లేతో ఆడగా అవి డ్రా అయ్యాయి. ఇది ఇలా ఉంటే ఎరిక్ హాన్సెన్, డింగ్ లిరెన్, జాన్-క్రిజ్‌స్టోఫ్ డుడా, షాఖ్రియార్ మామెద్యరోవ్ తో మాత్రం ఓడిపోయాడు ప్రజ్ఞ. అలానే కొన్ని నెలల ముంది కార్ల్‌సెన్ చేతిలో ఓడిన రష్యన్ ప్లేయర్ ఇయాన్ నెపోమ్నియాచి 19 పాయింట్లతో ఫస్ట్ ప్లేస్ లో వున్నాడు. డింగ్ లిరెన్, హాన్సెన్ ఇద్దరూ కూడా 15 పాయింట్ల తో ఉన్నారు. ఇండియన్ గ్రాండ్ మాస్టర్ ప్రజ్ఞా నంద మాత్రం 8 రౌండ్ల తర్వాత 12వ స్థానం లో నిలిచాడు.

February 26, 2022

ఆ సీనియర్ ప్లేయర్ ని RCB కొనడానికి కారణం ఇదేనా.? ఈసారైనా కప్ కొడతారంటారా.?

by Megha Varna February 26, 2022

written by Megha Varna

ఐపీఎల్ మ్యాచ్లు అన్నీ కూడా హోరాహోరీగా జరుగుతూ ఉంటాయి. అభిమానులు కూడా తమకి నచ్చిన టీం ని ప్రోత్సహిస్తూ ఉంటారు. పైగా ఐపీఎల్ మ్యాచ్ వస్తే సమయమే తెలియదు. అంతా టీవీ ముందే కూర్చుంటారు. అయితే ఇండియన్ ప్రీమియర్ లీగ్ 2022 సీజన్ 15వ ఎడిషన్ కోసం అన్ని టీములు కూడా తయారవుతున్నాయి.

అయితే రాయల్ ఛాలెంజర్స్ బెంగుళూరు పలు విషయాలపై ఇప్పటి నుంచి ఆలోచన చేస్తోంది. ప్లేయింగ్ 11 లో ఎవరెవరు తీసుకోవాలి..? అనే దాని మీద దృష్టి పెట్టింది.

దీనికోసం హెడ్ కోచ్ హెస్సెన్ ఒక సెషన్ ని కూడా ఏర్పాటు చేశారు. దీనిలో ఆయన పవర్ పాయింట్ ప్రజెంటేషన్ ని ఇచ్చారు. అలానే ఈసారి జట్టు బాధ్యతల్ని ఎవరికి అప్పగించాలనే దానిపై కూడా చర్చించారు. విరాట్ కోహ్లీ కెప్టెన్సీ పదవి నుండి తప్పుకున్న సంగతి తెలిసిందే. దీంతో ఎవరికి కెప్టెన్సీ బాధ్యత ఇవ్వాలి అనేది ఇప్పుడు ప్రశ్నార్థకంగా మారింది.

దీనికి సంబంధించిన ఒక వీడియోని రాయల్ ఛాలెంజర్స్ బెంగళూరు ఫ్రాంచైజ్ మేనేజ్మెంట్ ట్విట్టర్ లో పోస్ట్ చేశారు. అయితే జట్టు కెప్టెన్ గా డుప్లెసిస్‌ను నియమించాలని అనుకుంటున్నట్లు తెలుస్తోంది. థింక్ ట్యాంక్స్ అందరూ కూడా డుప్లెసిస్‌ కెప్టెన్ గా ఉంటే మంచిదని అంటున్నారు. అలాగే అతని ఎక్స్పీరియన్స్ కూడా జట్టు కి ఉపయోగపడుతుందని చెప్పారు.

విరాట్ కోహ్లీ, గ్లెన్ మాక్స్ వెల్, మహమ్మద్ సిరాజ్ తో పాటు ఎనిమిది మంది ప్లేయర్స్ ని రాయల్ చాలెంజర్స్ బెంగుళూరు జట్టు తీసుకుంది. చెన్నై సూపర్ కింగ్స్ జట్టు లో ఆడిన దక్షిణాఫ్రికా స్టార్ ఓపెనర్ డుప్లెసిస్‌ను ఈ టీం లోకి తీసుకున్నారు. అయితే టీ20, ఇంటర్నేషనల్ మ్యాచ్లు ఆడిన ఎక్స్పీరియన్స్ డుప్లెసిస్‌ కి ఉంది కాబట్టి రాయల్ చాలెంజర్స్ బెంగళూరు జట్టు బాధ్యతలు ఈ ఆటగాడికి అప్పగించాలని అనుకుంటున్నారు.

February 26, 2022

“భీమ్లా నాయక్” కి సూపర్‌హిట్ టాక్ రావడానికి… ఈ 6 విషయాలే కారణమా..? ఇలా లేకపోయుంటే..?

by Megha Varna February 26, 2022

written by Megha Varna

పవర్ స్టార్ పవన్ కళ్యాణ్ భీమ్లా నాయక్ సినిమా విడుదల అయిపోయింది. దీనితో ఫాన్స్ ఆనందంతో సినిమాని ఎంజాయ్ చేస్తున్నారు. తెలంగాణలో బెనిఫిట్ షోలు వేశారు.

ఆంధ్రప్రదేశ్ లో మాత్రం మార్నింగ్ షో నుండి ఈ సినిమా అలరిస్తోంది. అయితే ఈ సినిమాకు సంబంధించి కొన్ని విషయాలు బాగా ఇంట్రెస్టింగ్ గా ఉన్నాయి. వాటి కోసమే ఇప్పుడు చూద్దాం.

#1 భీమ్లా నాయక్ అనే ఒక గిరిజన ఎస్సై పాత్ర చేశారు పవన్ కళ్యాణ్. ఒక ట్రైబల్ రోల్ చేయడం అనేది కాస్త స్పెషల్ గా ఉంది.
అలానే ఇది పవన్ కళ్యాణ్ కి రెండవ మల్టీ స్టారర్ సినిమా. ఈ సినిమాలో పవన్ కళ్యాణ్ తో పాటు రానా నటించారు. అది కూడా స్పెషల్. బాహుబలి తర్వాత రానాకి అంత మంచి రోల్ పడింది అని ప్రేక్షకులు అంటున్నారు.

#2 మరొక విషయం ఏమిటంటే ఈ సినిమాలో ఉన్న ‘లాలా భీమ్లా’ అనే పాటను త్రివిక్రమ్ రాశారు. అలానే దర్శకుడిగానే కాకుండా స్క్రీన్ ప్లే, మాటలు కూడా త్రివిక్రమ్ అందించారు. పైగా అల వైకుంఠపురంలో లాంటి బ్లాక్ బస్టర్ సినిమా తర్వాత త్రివిక్రమ్ దర్శకత్వంలో వచ్చిన సినిమా ఇది. అంతే కాకుండా త్రివిక్రమ్ – పవన్ కళ్యాణ్ కాంబినేషన్ అంటే క్రేజ్ ఇంకా ఎక్కువ అయ్యింది.

#3 పవన్ కళ్యాణ్ పోలీస్ పాత్ర చేసిన నాలుగో సినిమా ఇది. అంతకుముందు కొమరం పులి, గబ్బర్ సింగ్, సర్దార్ గబ్బర్ సింగ్ సినిమాలో పోలీస్ పాత్రలో నటించారు పవన్ కళ్యాణ్. కానీ గబ్బర్ సింగ్ సినిమాలో నటించిన పాత్ర మాత్రం ప్రేక్షకులకి బాగా గుర్తుండిపోయే ఒక పాత్రగా నిలిచింది. ఆ పాత్రకి అంత మంచి రెస్పాన్స్ వచ్చింది. దాంతో పవన్ కళ్యాణ్ పోలీస్ పాత్ర అనగానే ఆసక్తి పెరిగింది.

#4 వకీల్ సాబ్ కి మంచి మ్యూజిక్ ఇచ్చిన తమన్ ఈ సినిమాకి కూడా అదిరిపోయే మ్యూజిక్ ని అందించారు. ఇది కూడా విశేషంగా మారనుంది. ఒక రకంగా చెప్పాలంటే సినిమా క్రేజ్ కి మరొక ప్లస్ పాయింట్ అయ్యింది. ఇటీవల విడుదలయ్యి సూపర్ హిట్ అయిన అఖండ సినిమాకి తమన్ బ్యాక్ గ్రౌండ్ స్కోర్ ఒక హైలైట్ గా నిలిచింది. దాంతో ఈ సినిమాపై కూడా ప్రేక్షకులకి భారీగా అంచనాలు నెలకొన్నాయి. అంతే కాకుండా భీమ్లా నాయక్ ఆడియో కూడా చాలా పెద్ద హిట్ అయ్యింది.

#5 సాగర్ కే చంద్ర 2012లో అయ్యారే సినిమాతో ఆకట్టుకున్నారు. ఆ తర్వాత 2016లో అప్పట్లో ఒకడుండేవాడు సినిమాతో మెప్పించాడు. ఇది అతని మూడో సినిమా. పవన్ కళ్యాణ్ లాంటి పెద్ద స్టార్ తో డైరెక్ట్ చేసే అవకాశం అతనికి వచ్చింది. అలాంటి కొత్త దర్శకుడితో ఇంత పెద్ద మల్టీ స్టారర్ సినిమా అంటే ఎలా ఉండబోతోందో అని జనాలు ఎదురు చూశారు.

#6 పవన్ కళ్యాణ్ పక్కన నిత్యా మీనన్ నటించారు. ఈమెది ఒక పవర్ ఫుల్ రోల్. అలానే రానా పక్కన సంయుక్త మీనన్ నటిస్తున్నారు. ఈమె మొదటి సినిమా ఇది. ఇది కూడా విశేషమే. నిత్యా మీనన్ నటన గురించి ప్రత్యేకంగా చెప్పాల్సిన అవసరం లేదు. దాంతో ఇలాంటి పెద్ద సినిమాలో నిత్యా మీనన్ నటిస్తూ ఉండడంతో, అది కూడా పవర్ స్టార్ పక్కన అవ్వడంతో, కాంబినేషన్ కొత్తగా ఉండటంతో ఇంకా కొంచెం ఆసక్తి పెరిగింది.

అంతే కాకుండా సినిమాకి సంబంధించి కొన్ని మార్పులు జరిగాయి. ఆ మార్పులు కూడా వర్కవుట్ అయ్యాయి. మన నేటివిటీకి తగ్గట్టు చేసిన ఆ మార్పులు ప్రేక్షకులకు చాలా బాగా నచ్చాయి. ఒరిజినల్ సినిమా కంటే తెలుగు సినిమా దాదాపు 30 నిమిషాల నిడివి తక్కువ ఉంటుంది. వీటన్నిటి వల్ల సినిమా క్రేజ్ ఇంకా పెరగడంతో ప్రస్తుతం సూపర్ హిట్ టాక్ తో థియేటర్లలో దూసుకుపోతోంది. మళ్లీ గబ్బర్ సింగ్ తర్వాత పవన్ కళ్యాణ్ కి ఈ సినిమాతో అంత పెద్ద హిట్ పడింది అని అంటున్నారు.

February 26, 2022

Filmy Adda Viral

ఇదేంటి… “భీమ్లా నాయక్”లో ఆ సెలబ్రిటీ ఎక్కడ ఉన్నారు..? చూసుకోవాలి కదా Book My Show..?

by Megha Varna February 25, 2022

written by Megha Varna

పవర్ స్టార్ పవన్ కళ్యాణ్ ఫ్యాన్స్ ఎప్పుడెప్పుడా అని ఎదురు చూస్తున్న భీమ్లా నాయక్ సినిమా విడుదలైంది. ఈ సినిమా మలయాళం సినిమా అయిన అయ్యప్పనుమ్ కోషియుమ్ కి రీమేక్ అన్న సంగతి తెలిసిందే. రానా దగ్గుబాటి కూడా మరొక హీరోగా నటించారు. నిత్యా మీనన్ ఈ సినిమాలో పవన్ కళ్యాణ్ కి జోడిగా నటించారు. అయితే వీరిద్దరూ కలిసి నటించడం ఇదే మొదటి సారి.

సినిమా రీమేక్ అయినా కూడా పవన్ కళ్యాణ్ నటిస్తూ ఉండటంతో, అది కూడా రానా దగ్గుబాటితో మల్టీస్టారర్ అవ్వడంతో ఈ సినిమాపై అంచనాలు భారీగా నెలకొన్నాయి. ట్రైలర్ విడుదల అయిన తర్వాత రెస్పాన్స్ కూడా అలాగే వచ్చింది.

కొంతమంది బాగుంది అంటే మరికొంతమంది మాత్రం ఒరిజినల్ సినిమాకి సంబంధం లేదు అని అన్నారు. కానీ ఈ సినిమా దాదాపు ఒరిజినల్ సినిమాలాగానే ఉంటుంది. స్టొరీ లైన్ పెద్దగా మార్చలేదు. కానీ పవన్ కళ్యాణ్ పాత్రకి తగ్గట్టు కొన్ని ఎలివేషన్స్ ఉన్నాయి. ఇదిలా ఉంటే తాజాగా ఒక మీమ్ వైరల్ గా మారింది. మరి ఇక దాని కోసం చూస్తే.. బుక్ మై షో లో వివి వినాయక్ ని భీమ్లా నాయక్ సినిమాలో యాక్టర్ గా చూపిస్తోంది.

సాధారణంగా ఏదైనా చిన్న తప్పు దొరికినా సరే మీమ్స్ తెగ వస్తూ ఉంటాయి అలాంటిది ఏకంగా డైరెక్టర్ ని యాక్టర్ గా చేసేసారు. ఇంత పెద్ద తప్పు కనపడితే ఊరుకుంటారా..? మరి మీమ్స్ రావా..? బుక్ మై షో లో వివి వినాయక్ ని డైరెక్టర్ గా కాకుండా యాక్టర్ గా చూపించడంతో సోషల్ మీడియాలో మీమ్స్ వచ్చాయి. అవి ఇప్పుడు వైరల్ అవుతున్నాయి. యో బుక్ మై షో చూసుకోవాలి కదా అంటూ ఆ మీమ్ సోషల్ మీడియాలో దుమారం రేపుతోంది.

February 25, 2022

Newer Posts

Older Posts