Featured

నిన్న మెన్స్ డే అన్న సంగతి తెలిసిందే. సాధారణంగా ఉమెన్స్ డే రోజు కనిపించే హడావిడి మెన్స్ డే రోజు కనిపించదు. అబ్బాయిలు కూడా.. మెన్స్ డే రోజు కనీసం విష్ కూడా చేయలేదు అనుకుంటూ ఉంటారు.

అలా.. ఆ విషయమై సోషల్ మీడియాలో చాలానే మీమ్స్ ట్రెండ్ అయ్యాయి. ఆ హవా వాట్సాప్ లో కూడా కొనసాగింది. మా మగాళ్ల బాధలు ఎవరు పట్టించుకుంటారు.. అంటూ మెన్స్ డే రోజు వాట్సాప్ లో ఓ మెసేజ్ వైరల్ అవుతోంది. దానిపై మీరు కూడా ఓ లుక్ వేయండి.

“ఈ దేవుడు చాలా దుర్మార్గుడు.. ఈరోజు మగాళ్ల దినోత్సవం ఉందని సంతోషించేలోపే మరుగుదొడ్ల దినోత్సవం కూడా ఉందని గుర్తు చేస్తాడు.. ఏదోలే ఎంజాయ్ చేద్దాం అనుకుంటే.. ఈరోజు కార్తీక పౌర్ణమి కూడా.. మా మగవాళ్ల బాధలు ఎవరికి అర్ధం అవుతాయి..? మాకెవరు శుభాకాంక్షలు చెబుతారు.. ఏడవలేక నవ్వుతూ..మాకు మేమే విషెస్ చెప్పుకుంటూ ఉంటాం..

అలిగితే ఆడపిల్లవా అంటూ హేళన చేస్తారు.. ఏడిస్తే, ఏడ్చే మగాడిని నమ్మకూడదు అంటూ లేనిపోని సూక్తులు చెబుతారు. సరదాగా బయటకు వెళ్తే..తిరుగుబోతు గా ముద్ర వేస్తారు. ఏదైనా బాధ వస్తే.. మరిచిపోదామని మందు తాగితే తాగుబోతు అంటారు. అమ్మ చెప్పినట్లు వింటే అమ్మ చాటు కొడుకు అంటారు.. భార్య చెప్పినట్లు వింటే పెళ్ళాం చాటు మొగుడు అని ముద్ర వేస్తారు.

చెల్లె, అక్క, బావ, బాబాయ్ లు చెప్పే మాటలు వింటే చేతకాని చవటగా చూస్తారు. ఫ్రెండ్స్ తో తిరిగితే జులాయి అంటారు. ఎక్కువ మాట్లాడితే పోకిరి అంటారు. మాట్లాడకపోతే పొగరు అంటారు.. ఏమి చేసినా.. ఏమి మాట్లాడినా తప్పు పట్టే లోకమే ఇది. ఇంట్లోనూ, బయటా చెప్పుకోలేని బాధలు ఉన్నా.. అన్నిటిని భరిస్తూ తండ్రిగా, భర్తగా, సోదరుడిగా, కొడుకుగా, మేనమామగా, అల్లుడిగా, ప్రేమికుడిగా, స్నేహితుడిగా ఇలా అందరికి ప్రేమను పంచుతూ త్యాగాలు చేస్తున్న “మగ” ధీరుల్లారా..

ప్రియురాలు-భార్యాభాధిత,అప్పుబాధిత, జనబాధిత, విధి వంచిత… శోకాతప్త హృదయుల్లారా..

• ఏ బాధ లేకుండా ఉన్న మహార్జాతకులారా..
• బాధలు ఉన్నా ఏడవలేక నిగ్రహించుకున్న నిస్సహాయా పురుషుల్లారా..
• బ్రతుకు సమరంలో చితికిపోయిన గరళకంఠుల్లారా…
• సమస్యలతో కుస్తీపట్టే మల్లయోధుల్లారా.
• కుటుంబ శ్రేయస్సు కోసం కష్టపడే జీతంలేని నిరంతర శ్రామికుల్లారా…

మీకంటూ ఓ రోజుని కేటాయించారు.. ఈ రోజైనా…అన్నీ…మరిచి, నీకోసం కాసేపైనా సమయం గడుపుతావని ఆశిస్తూ.. “అంతర్జాతీయ పురుషుల దినోత్సవ శుభాకాంక్షలు… ”

“సర్వే ‘మగ’ జనా సుఖినోభవంతు…”

Source: Whatsapp

పిల్లలకోసం తల్లి తండ్రులు ఎన్ని త్యాగాలు చేస్తుంటారో లెక్క లేదు. పిల్లలను కనడం, పెద్ద చేయడం, వారిని చదివించడం.. ప్రతి విషయం లోను తల్లితండ్రులు ఎన్నో త్యాగాలు చేస్తే తప్ప పిల్లలు పూర్తిగా తమ కాళ్లపై తాము నిలబడలేరు. అయితే.. ఇంత కష్టపడి చదివించక.. ఆ పిల్లలు వారి స్వార్ధానికి తల్లితండ్రులను వాడుకుంటూ ఉంటారు. ఇలా చెప్పడానికి ఈ స్టోరీనే ఉదాహరణ.

కర్ణాటకకు చెందిన మృత్యుంజయ, కృష్ణ కుమారి అనే భార్యాభర్తలకు ఓ కూతురు, కొడుకు ఉన్నారు. ఇద్దరు భార్యాభర్తలు కష్టపడి పిల్లలని పెంచి, ఉన్నత చదువులు చదివించారు. కూతురు కి ఆస్ట్రేలియా లో సెటిల్ అయిన ఓ సంబంధం చూసి వివాహం చేసారు. కూతురు కూడా చక్కగా చదువుకుని ఆస్ట్రేలియా లో మంచి జాబ్ చేస్తూ, భర్త తో హ్యాపీ గా ఉంది. మరో వైపు కొడుకు కూడా చెన్నై లో జాబ్ తెచ్చుకుని.. తన భార్య తో హ్యాపీ గానే ఉన్నాడు.

అంతా బాగుంది అనుకుంటున్న టైమ్ లో.. కూతురు ఫోన్ చేసింది. తనకు పాపను చూసుకోవడానికి ఇబ్బంది గా ఉందని.. తల్లితండ్రులు ఇద్దరు ఆస్ట్రేలియా కి రావాలని కోరింది. అయితే.. తాను ఆస్ట్రేలియా కు రాలేను అంటూ ఆ తండ్రి చెప్పి చూసాడు. కానీ, ఇద్దరం జాబ్ చేస్తూ..పాపను చూసుకోవడం కష్టం గా ఉంది.. కనీసం తల్లిని అయినా పంపమని కూతురు కోరేసరికి ఆ తండ్రి కాదనలేకపోయాడు.

ఏదో కొన్ని నెలలు సర్దుకుందాం అని.. తన భార్య కృష్ణ కుమారిని ఆస్ట్రేలియా కు పంపించాడు. అయితే.. ఎన్ని నెలలు గడిచినా.. తన కూతురు తల్లిని పంపించడానికి ఒప్పుకోవడం లేదు. ఇక ఉండబట్టలేక.. ఆ తండ్రి తన భార్యని పంపించాలి అంటూ గట్టిగానే అడిగాడు. అయితే.. ఆ కూతురు తండ్రి ఎంత చెప్పినా ఒప్పుకోలేదు. మరో వైపు అనారోగ్యం బారిన పడ్డ మృత్యుంజయ తన కొడుకు వద్ద ఉండడానికి చెన్నై వెళ్ళాడు. అక్కడ కోడలు కూడా మృత్యుంజయ ను సరిగ్గా పట్టించుకోకపోవడం తో తన భార్య ఉంటె బాగుండని అనుకున్నాడు.

మరోసారి కూతురుని అడిగినా.. ఆమె నుంచి అదే సమాధానం రావడంతో.. ఇక ఉండబట్టలేక కోర్ట్ లో కేసు వేసాడు. తన కూతురు.. తన భార్యను తీసుకెళ్లి తిరిగి పంపించడం లేదని.. ఆమెను తిరిగి పంపించేలా ఆదేశం ఇవ్వాలని కోరుతూ కోర్టులో కేసు వేసాడు. మృత్యుంజయ కొడుకు కూడా.. తన సోదరిపై కేసు వేసాడు. తన చెల్లి తల్లిని పంపడం లేదంటూ కేసు వేసాడు. ప్రస్తుతం.. కృష్ణ కుమారి అభిప్రాయం ఏమిటి అనేది కీలకం గా మారింది. ఈ స్టోరీ చూస్తే.. పిల్లలను చదివిస్తే.. వారికి రెక్కలొచ్చి విదేశాలకు వెళ్ళిపోయి.. తల్లితండ్రులను ఎన్ని ఇబ్బందుల్లో పడేస్తున్నారో అర్ధం అవుతూ ఉంది. అందరు ఇలానే ఉన్నారని కాదు.. కానీ చాలా మంది తల్లితండ్రులు ఇలాంటి ఇబ్బందులని ఎదుర్కుంటున్నారు.

ఒకప్పటి ప్రేమకి.. ఈ కాలంలో మనుషుల మధ్య నడుస్తున్న ప్రేమ వ్యవహారాలకు చాలా వ్యత్యాసం ఉంది. ఈ మధ్య ప్రేమ వివాహాలు, ప్రేమికులు ఎక్కువగానే ఉంటున్నప్పటికీ.. బంధాల నిలకడ మాత్రం తక్కువగానే ఉంటోంది. తాజాగా.. ఓ వ్యక్తి తను ప్రేమించిన అమ్మాయి బ్రేకప్ చెప్పిందని.. తన సమస్యకి పరిష్కారం చెప్పాలని కోరుతూ పంపిన మెసేజ్ ఇది.

నా పేరు ఆదిత్య (సెక్యూరిటీ కారణాల వలన పేరు మార్చాం). నేను కాలేజీలో జాయిన్ అయినప్పుడే దివ్య (పేరు మార్చాము) ని ఇష్టపడ్డా. స్నేహం తో మొదలైన మా బంధం ప్రేమ వరకు వచ్చింది.

మా బంధాన్ని మరింత పదిలంగా కాపాడుకోవడం కోసమే ఒకే కంపెనీ లో జాబ్ కూడా సంపాదించాం. అంతా బాగుంది అనుకున్న టైం లో మా మధ్య మనస్పర్థలు మొదలయ్యాయి. మొదట్లో తను నాలో ఏవి చూసి ఇష్టపడిందో.. వాటినే ఇప్పుడు ద్వేషిస్తోంది. క్రమంగా ప్రేమ మాయమై నేనంటే ద్వేషం పెంచుకుంటూ వచ్చింది.

మా మధ్య దూరం పెరుగుతూ.. చివరకు తను మాట్లాడడం మానేసేవరకు వచ్చింది. ఓ వీక్ ఆఫ్ రోజు తనతో మాట్లాడాలని ఫిక్స్ అయిపోయి.. తన ప్రాబ్లెమ్ ఏంటి అని అడిగాను.. మాట..మాట పెరిగి.. చివరకు నాతో ఉండడం ఇష్టం లేదని.. ఈ బంధాన్ని ఇక్కడితో వదిలేయాలని బ్రేక్ అప్ చెప్పేసింది. తను మరో ఫ్లాట్ కి మారడానికి ప్రయత్నాలు చేస్తూ ఉంది.

అంతలోనే ఓ రోజు కళ్ళు తిరిగి పడిపోతే.. ఆసుపత్రికి తీసుకెళ్లా.. తీరా, వెళ్ళాక తెలిసింది ఏంటంటే..తను గర్భవతి అయ్యింది. ఇప్పుడు తను మౌనంగా ఉంటోంది. ఏ పని పట్ల ఆసక్తి లేకుండా ఉంటోంది. పుట్టబోయే బిడ్డ కోసం కలిసి ఉండాలా..? లేక నేనంటే ఇష్టం లేని అమ్మాయితో ఎందుకు ఉండాలి అని అలోచించి వదిలేయాలా..? అర్ధం కావడం లేదు. నా సమస్యకి తగిన పరిష్కారం తెలపగలరు.

Note: Photos in this post are for reference purposes only. They are not the actual characters.

చిన్న పిల్లలు దైవ స్వరూపులు, అమాయకులు అని మనం భావిస్తూ ఉంటాము. వారికి ఏమి తెలియదు అని అనుకుంటూ ఉంటాం. కానీ వారు అబ్సర్వ్ చేసినంత లోతు గా మనం కూడా చెయ్యలేమేమో. ఇందుకు ఈ ఘటనే ఉదాహరణ. ఇది అర్ధం కావాలంటే.. ఈ స్టోరీ పూర్తి గా చదవండి.

ఎనిమిది సంవత్సరాల వయసు ఉన్న ఒక అబ్బాయి తన తల్లిని పోగొట్టుకున్నాడు. పిల్లవాడు చిన్న వయసు వాడు అవ్వడం తో.. అతని తండ్రి మరో పెళ్లి చేసుకున్నాడు. మరొక అమ్మాయిని తీసుకొచ్చి.. నీకు కొత్త అమ్మ ని తీసుకొచ్చా.. అంటూ ఆ పిల్లాడి కి పరిచయం చేసాడు.

కొన్ని రోజుల తరువాత ఆ తండ్రి తన కొడుకు వద్దకు వెళ్లి.. పాత అమ్మకి, కొత్త అమ్మకి తేడా ఏంట్రా..? అని ప్రశ్నించాడు. దానికి ఆ కొడుకు ఇచ్చిన సమాధానం ఏంటో తెలుసా..? “పాత అమ్మ అబద్ధం డాడీ.. కొత్త అమ్మ మాత్రం నిజం డాడీ” అని అన్నాడు.

దానికి షాక్ అయిన ఆ తండ్రి అదేంటి? అని ప్రశ్నించాడు. నేను ఎప్పుడైనా అల్లరి చేస్తే.. పాత అమ్మ వచ్చి ఇలా అల్లరి చేస్తే అన్నం పెట్టాను అనేది. కానీ.. ఆ తరువాత తానే వచ్చి తినిపించింది. ఈ కొత్త అమ్మ కూడా అల్లరి చేస్తే అన్నం పెట్టను అని చెప్పింది. నిజం గానే నాకు మూడు రోజుల నుంచి అన్నం పెట్టలేదు అంటూ ఆ కొడుకు సమాధానం ఇచ్చాడు. ఆ సమాధానం విన్న తండ్రి కన్నీళ్లు పెట్టుకున్నాడు.