Filmy Adda

సినిమా ఇండస్ట్రీలో నిలదొక్కుకోవడం అనేది చిన్న విషయం కాదు. చాలా సంవత్సరాల కష్టం తర్వాత వారికి గుర్తింపు వస్తుంది. ఇప్పుడు సినిమాల్లో గుర్తింపు తెచ్చుకున్న ఎంతో మంది నటులు అంతకుముందు పేరు లేని పాత్రలు చేశారు. అసలు వాళ్లు ఆ సినిమాలో ఉన్నట్టు కూడా మనకు తెలియదు. అలాంటి పాత్రలు వాళ్ళు పోషించారు. కొంతమంది నటులు అంతకుముందు యాంకర్లుగా చేశారు. కొంతమంది నటులు అడ్వర్టైజ్మెంట్స్ లో నటించారు. ఇలా అడ్వర్టైజ్మెంట్స్ లో నటించిన అవకాశాలు వస్తాయి. కానీ కొంతమంది నటులు అయితే అడ్వర్టైజ్మెంట్స్ లోనే సైడ్ పాత్రల్లో నటించారు. ఇప్పుడు ఆ అడ్వర్టైజ్మెంట్స్ లో వాళ్ళని చూడాలి అంటే మనం వెతుక్కోవాలి. ఎందుకంటే వాళ్లు ఆ అడ్వర్టైజ్మెంట్ లో లీడ్ హీరో, లేదా లీడ్ హీరోయిన్ కాదు.

ఇలా పైన ఉన్న వ్యక్తి కూడా ఒక అడ్వర్టైజ్మెంట్ లో సైడ్ పాత్రలో నటించారు. ఇప్పుడు ఇండస్ట్రీలోనే స్టార్ హీరోగా ఎదిగారు. హీరో అవ్వకముందు ముందు యాంకరింగ్ తో పాటు, సైడ్ పాత్రల్లో కూడా సినిమాల్లో నటించారు. శివకార్తికేయన్. తెలుగువారికి బాగా సుపరిచితులు. శివకార్తికేయన్ నటించిన అన్ని సినిమాలు కూడా తెలుగులో విడుదల అవుతున్నాయి. రెమో సినిమాతో తెలుగులో కూడా గుర్తింపు సంపాదించుకున్నారు. ఆ తర్వాత నుండి శివకార్తికేయన్ నటించిన అన్ని సినిమాలు కూడా తెలుగులో విడుదల అవుతున్నాయి. ఇప్పుడు శివ కార్తికేయన్ స్టార్ హీరోగా ఎదిగారు. ప్రొడ్యూసర్ కూడా అయ్యారు.

కానీ ఇంత గుర్తింపు రావడానికి ముందు చాలా కష్టపడ్డారు. ఒక డాన్స్ షో కి యాంకర్ గా చేశారు. ఇప్పుడు పైన ఉన్న ఫోటో శివకార్తికేయన్ వివెల్ యాడ్ లో నటించింది. ఈ యాడ్ లో త్రిష కూడా నటించారు. కానీ త్రిష అప్పటికే స్టార్ హీరోయిన్ అయిపోయారు. కానీ శివకార్తికేయన్ మాత్రం అప్పటికి ఎవరికీ తెలియదు. ఈ యాడ్ లో శివ కార్తికేయన్ ఒక సైడ్ పాత్రలో నటించారు. అది కూడా ఒక కామెడీ పాత్రలో నటించారు. ఆ తర్వాత నుండి కష్టపడుతూ ఇప్పుడు హీరోగా గుర్తింపు సంపాదించుకున్నారు.

watch video :

తెలుగులో ఒకప్పుడు మెగాస్టార్ చిరంజీవి, నందమూరి బాలకృష్ణ, తదితర స్టార్ హీరోలతో కలిసి హీరోయిన్ గా నటించి సినీ ప్రేక్షకులను ఎంతగానో అలరించిన టాలీవుడ్ ప్రముఖ సీనియర్ హీరోయిన్ “సుహాసిని” గురించి తెలుగు సినీ ప్రేక్షకులకు సుపరిచితమే.అయితే నటి సుహాసిని తన సినిమా జీవితంలో ఎలాంటి వివాదాలకు తావు లేకుండా ఉన్నారు సుహాసిని. తర్వాత దిగ్గజ దర్శకుడు మణిరత్నం తో ఆమెకు వివాహం జరిగింది. ఈమెకు ఒక కుమారుడు ఉన్నాడు.

ఆమె నటన కూడా ఎక్స్ పోజింగ్ కి దూరంగా ఉంటూ చీర కట్టులో తెలుగుదనం ఉట్టిపడేలా కనిపిస్తుంది. అందువల్లే ఒకప్పుడు హీరోయిన్ గా నటించినా ఇప్పటికీ క్యారెక్టర్ ఆర్టిస్ట్ పాత్రలలో కూడా నటిస్తూ ప్రేక్షకులను బాగానే అలరిస్తోంది. అయితే ఆమె వచ్చిన ప్రతీ పాత్రను ఒప్పుకోవడం లేదు. పైగా చాలా సెలెక్టివ్‌గా దర్శకులను చూసి సినిమా ఒప్పుకుంటున్నారు. దానివల్లే సుహాసిని వెండితెరమీద అంతగా కనిపించడం లేదు. ఇటీవల వెబ్ సిరీస్ లో ఏకంగా అమ్మమ్మ పాత్ర ద్వారా ప్రేక్షకులను అలరించారు.

అయితే సుహాసిని బాలకృష్ణతో ఎన్నో హిట్ చిత్రాల్లో నటించారు. మంగమ్మగారి మనవడు, బాలగోపాలుడు, ప్రెసిడెంట్ గారి అబ్బాయి వంటి ఎన్నో చిత్రాల్లో ఆమె నటించారు. అయితే సుహాసిని బాలకృష్ణ సరసన హీరోయినిగానే కాకుండా.. తల్లిగా కూడా నటించారు. బోయపాటి శ్రీను దర్శకత్వం లో 2014 లో బాలకృష్ణ లెజెండ్ మూవీ లో నటించారు. ఈ చిత్రం లో బాలకృష్ణ కి తల్లి పాత్రలో సుహాసిని కనిపించారు. ఇలా సుహాసిని బాలకృష్ణ సరసన హీరోయిన్ గా.. తల్లిగా నటించి మెప్పించారు.

సుహాసిని సోషల్ మీడియా లో చాలా యాక్టీవ్ గా ఉంటారు. తన సినిమాలు, ప్రాజెక్ట్‌లు, షోలకు సంబంధించిన క్యాస్టూమ్స్‌తో సుహాసిని ఫోటో షూట్ చేస్తుంటుంది. ఆ ఫోటోలను తన ఇన్ స్టా ఖాతాలో షేర్ చేస్తుంటారు. ఇక ఇప్పుడు ఆమె కొన్ని తెలుగు చిత్రాలను కూడా చేస్తోన్నారు. చిన్న సినిమా పెద్ద సినిమా అనే తేడా లేకుండా సుహాసిని తనకు నచ్చిన పాత్రలను పోషించుకుంటూ వెళ్తోన్నారు. అంతే కాకుండా తమిళ చిత్రాలతోకూడా ఆమె బిజీ గా ఉన్నారు.

త్రినయని సీరియల్ ద్వారా గుర్తింపు సంపాదించుకున్నారు నటి పవిత్ర జయరాం. ఈ సీరియల్ ద్వారా రెండు తెలుగు రాష్ట్రాల్లో ఫేమస్ అయ్యారు. ఈ సీరియల్ లో తిలోత్తమ అనే పాత్రలో పవిత్ర జయరాం నటించారు. ఎంతో మందికి ఈ పేరుతోనే సుపరిచితులు అయ్యారు. కొన్ని రోజుల క్రితం పవిత్ర ఈ లోకాన్ని విడిచి వెళ్లిపోయారు. పవిత్ర చనిపోవడం సినీ నటులతో పాటు, ఎంతో మంది ప్రేక్షకులని దిగ్భ్రాంతికి గురి చేసింది. అప్పటి వరకు సీరియల్ లో తిలోత్తమగా కనిపించిన పవిత్ర ఇలా అవ్వడం ఏంటి అని అందరూ బాధపడ్డారు. సీరియల్స్ లో పవిత్ర ప్రయాణం అంత సులభంగా జరగలేదు. మొదట్లో ఎన్నో ఇబ్బందులు ఎదుర్కొన్నారు. సరైన పారితోషకం వచ్చేది కాదు.

అయినా కూడా ధైర్యాన్ని కోల్పోకుండా తన ప్రయాణాన్ని కొనసాగించారు. ఒక్కొక్కసారి భోజనం పెట్టి పారితోషకం ఇవ్వకుండా పంపించేసేవారట.  మొదట్లో కన్నడ సీరియల్స్ లో పవిత్ర నటించారు. ఆ తర్వాత తెలుగులో నిన్నే పెళ్ళాడుతా అనే సీరియల్ లో నటించారు. ఆ సీరియల్ పవిత్ర కి గుర్తింపు తీసుకొచ్చింది. ఆ సీరియల్ తర్వాత ఇప్పుడు త్రినయని సీరియల్ లో నటించారు. పవిత్ర తన చివరి కోరిక తీరకుండానే ఈ లోకాన్ని విడిచి వెళ్లిపోయారు. పవిత్ర కి డైరెక్షన్ చేయాలి అనే కల ఉండేదట. మొదట పవిత్ర అసిస్టెంట్ డైరెక్టర్ గా కెరీర్ మొదలుపెట్టారు. ఆ తర్వాత నటిగా మారారు. పాటల డైరెక్షన్ తో మళ్ళీ డైరెక్షన్ మొదలుపెట్టారు. యాక్టింగ్ రాకపోతే డైరెక్టర్లు పవిత్రాన్ని తిట్టేవారట. అందుకే యాక్టింగ్ ఆ పట్టుదలతో నేర్చుకున్నారు.

ఒక సమయంలో పవిత్ర తెలుగు రాక చాలా ఇబ్బంది పడ్డారట. అలాంటి పవిత్ర తెలుగులో ఆ తర్వాత సాంగ్స్ డైరెక్ట్ చేశారు. ఎలాంటి ప్రాంప్టింగ్ లేకుండా పవిత్ర డైలాగ్స్ చెప్పేవారు. మొదటిసారిగా పవిత్ర ఆల్టో కార్ కొన్నారట. అప్పుడు తనకి ఏదో సాధించిన అంత గర్వంగా అనిపించింది అని అన్నారు. సినిమాల్లో నటించడం అంటే పవిత్రకి చాలా ఇష్టం ఉన్నా కూడా సీరియల్స్ చేయడంతో డేట్స్ కుదరలేదు అని చెప్పారు. త్రినయని సీరియల్ తనకి దేవుడు ఇచ్చిన వరం అని అన్నారు. ఎప్పటికైనా కూడా డైరెక్టర్ పవిత్ర జయరాం అనే పేరు రావాలి అని తన కల అని పవిత్ర ఒక ఇంటర్వ్యూలో అన్నారు. కానీ ఈ కల నెరవేరకుండానే పవిత్ర మరణించారు. పవిత్ర పట్ల సోషల్ మీడియా ద్వారా పలువురు ప్రముఖులు, ప్రేక్షకులు సంతాపం వ్యక్తం చేశారు.

ఇళయరాజా. కొంత కాలం క్రితం సినీ సంగీత ఇండస్ట్రీని ఏలిన మనిషి. ఇప్పటికి కూడా ఆయన పాటలకి చాలా మంది అభిమానులు ఉన్నారు. సీనియర్ హీరో సినిమాలు ఈయన పాటలు లేకుండా పూర్తి అయ్యేది కాదు. ఇళయరాజా తమిళ్ వారు అయినా కూడా చాలా తెలుగు సినిమాలకి మ్యూజిక్ కంపోజ్ చేశారు. ఎన్నో గుర్తుండిపోయే పాటలు ఇచ్చారు. ఇప్పుడు పాత తెలుగు పాటలన్నీ మనం గుర్తు చేసుకుంటూ ఉంటే, అందులో చాలా వరకు ఇళయరాజా పాటలు ఉంటాయి. అంతే కాకుండా, ఎస్పీ బాలసుబ్రమణ్యం గారు పాడిన పాటలు గుర్తు చేసుకుంటున్నా కూడా అందులో చాలా వరకు ఇళయరాజా పాటలు ఉంటాయి. అయితే ఇళయరాజా గత కొంత కాలం నుండి కాపీ రైట్ అనే విషయం మీద చాలా కఠినంగా ఉన్నట్టు తెలుస్తోంది.

తన పాటలని స్టేజ్ షోస్ లో పాడకూడదు అని ఒక సమయంలో ఇళయరాజా ఒక స్టేట్మెంట్ ఇచ్చారు. ఒకవేళ పాడాలి అంటే తన అనుమతి తీసుకున్నాకే పాడాలి అని అన్నారు. ఇది ఎస్పీ బాలసుబ్రమణ్యం గారికి కూడా వర్తిస్తుంది అని చెప్పారు. తర్వాత ఇటీవల రజనీకాంత్ హీరోగా నటించిన కూలి సినిమాలో ఆయన పాత పాట ఒకటి వాడారు. ఆ పాటని ఇళయరాజా స్వరపరిచారు. తన అనుమతి లేకుండా తన పాట వాడినందుకు ఆ సినిమా మీద కూడా కేసు వేశారు. ఇప్పుడు ఇటీవల విడుదల అయ్యి సూపర్ హిట్ అయిన మంజుమ్మ‌ల్ బాయ్స్ సినిమా మీద ఇళయరాజా నోటీస్ ఇచ్చారు.

తన అనుమతి లేకుండా, ఈ సినిమాలో, గుణ సినిమాలోని కమ్మని ఈ ప్రేమలేఖనే పాటని వాడుకున్నారు అని ఇళయరాజా సినిమా బృందానికి నోటీసులు జారీ చేశారు. ఈ సినిమా బృందం తన అనుమతి తీసుకోవాలి అని, లేదు అంటే రాయల్టీ చెల్లించాలి అని చెప్పారు. లేకపోతే లీగల్ గా చర్యలు తీసుకుంటాను అని ఇలా రాజా సినిమా నిర్మాతలకి నోటీసులు పంపించారు. గతంలో కొన్నిసార్లు కూడా ఇళయరాజా తన పాటలని ఇతర సినిమాల్లో వాడినందుకు ఇలాగే నోటీసులు పంపించారు. అందులో కొన్ని మద్రాస్ హైకోర్టు వరకు కూడా వెళ్లాయి. అయితే కోర్టు వారు నిర్మాతలకి అనుకూలంగా తీర్పు ఇచ్చారు.

సాధారణంగా ఏ సినిమాకి అయినా కూడా, ఆ సినిమాలో పాటలు వాడుకోవాలి అంటే సంప్రదించాల్సింది నిర్మాతలని, వారి నుండి అనుమతి తీసుకున్నాక ఆ పాటని వేరే సినిమాలో వాడే అవకాశం ఉంటుంది. ఇప్పుడు మంజుమ్మ‌ల్ బాయ్స్ సినిమా బృందం కూడా నిర్మాతలని సంప్రదించాక, అందరి అనుమతి తీసుకున్నాక పాటని సినిమాలో వాడారు. సినిమా బృందం ఈ విషయం గురించి ఒక ఇంటర్వ్యూలో మాట్లాడుతూ తాము ఇళయరాజా నుండి కాపీ రైట్స్ తీసుకున్నాం అని చెప్పారు.  ఇంత జాగ్రత్త తీసుకున్నాక కూడా ఇళయరాజా సినిమా బృందానికి ఇలా నోటీసులు పంపించడం అనేది చర్చనీయాంశంగా మారింది.

Team #ManjummelBoys Had Already Bought the Copyright For Kanmani Anbodu From Ilairaja.!!pic.twitter.com/6WrsaAmEDa

— Siddarth ツ 🧊🔥 (@TheCulpritVJ) May 23, 2024

ప్రభాస్ హీరోగా నటిస్తున్న కల్కి 2898 ఏడీ నుండి బుజ్జి ఇంట్రడక్షన్ వీడియో విడుదల చేశారు. బుజ్జి ఈ సినిమాలో ప్రభాస్ పోషిస్తున్న భైరవ పాత్రకి ఫ్రెండ్ అని తెలుస్తోంది. బుజ్జి అనేది ఒక చిన్న రోబోట్ లాగా కనిపిస్తోంది. ఈ పాత్రకి హీరోయిన్ కీర్తి సురేష్ డబ్బింగ్ చెప్పారు. నిన్న ఇంట్రడ్యూసింగ్ బుజ్జి అని ఒక ఈవెంట్ పెట్టి అందులో బుజ్జి తో తయారు చేసిన కార్ ని స్టేజ్ మీదకి తీసుకొచ్చారు. ఈ కార్ ని ప్రభాస్ ఈవెంట్ లో డ్రైవ్ చేస్తూ తీసుకొచ్చారు. అంతే కాకుండా, ఇంట్రడ్యూసింగ్ బుజ్జి అని ఒక చిన్న వీడియో కూడా విడుదల చేశారు. ఇందులో అన్ని భాషలు కలిపి ఒకే వీడియో విడుదల చేశారు.

అన్ని భాషల్లో కూడా కీర్తి సురేష్ డబ్బింగ్ చెప్పుకున్నారు. అయితే ఈ వీడియోలో ప్రభాస్ తో పాటు మరొక నటుడు కూడా కనిపించారు. వీడియో స్టార్టింగ్ లోనే ఇతను కనిపిస్తారు. ఇతను గతంలో కొన్ని సినిమాల్లో కూడా నటించారు. ఈ నటుడి పేరు హర్షిత్ రెడ్డి. హర్షిత్ రెడ్డి షార్ట్ ఫిలిమ్స్, వెబ్ సిరీస్ లో నటించారు. ప్రియదర్శి హీరోగా నటించిన లూజర్ వెబ్ సిరీస్ లో హర్షిత్ రెడ్డి నటించారు. ఆ తర్వాత వైజయంతి వారు నిర్మించిన మెయిల్ వెబ్ సిరీస్ లో కూడా నటించారు. ఇవి మాత్రమే కాకుండా తరగతి గది దాటి, అర్థమయ్యిందా అరుణ్ కుమార్ సిరీస్ లో కూడా హర్షిత్ రెడ్డి నటించారు.

ఇవన్నీ కూడా హర్షిత్ రెడ్డికి చాలా మంచి పేరు తీసుకొచ్చాయి. ఇప్పుడు కల్కి సినిమాలో హర్షిత్ కనిపిస్తున్నారు. ఈ సినిమాలో ఇంకా చాలా మంది పెద్ద పెద్ద నటీనటులు కూడా ఉన్నారు. ప్రభాస్ బుజ్జి ఇంట్రడక్షన్ ఈవెంట్ లో అందరి గురించి మాట్లాడుతూ అందరికి థాంక్స్ చెప్పారు. ముఖ్యంగా కమల్ హాసన్ ఈ సినిమాలో నటించినందుకు ఆయనకి చాలా సార్లు థాంక్స్ చెప్పారు. చిన్నప్పటి నుంచి కూడా తాను కమల్ హాసన్ అభిమానిని అని అన్నారు. కమల్ హాసన్ సాగర సంగమం సినిమాలో వేసుకున్నట్టు తనకి కూడా డ్రెస్ కుట్టించమని ఇంట్లో వాళ్ళని చాలా సార్లు అడిగేవారు అని ప్రభాస్ చెప్పారు. సినిమా బృందం ప్రమోషన్స్ చాలా డిఫరెంట్ గా డిజైన్ చేశారు.

watch video :

అలనాటి కాలంలో సినిమా తీయడమే ఎంతో కష్టంతో కూడుకున్నపని. ప్రస్తుతం ఉన్నట్టు అన్ని టెక్నాలజీలు లేవు. కానీ సినిమాలు మాత్రం చాలా అద్భుతంగా తీసేవారు. మరి ఆ రోజుల్లోనే గ్రాఫిక్స్ లేకున్నా ఆ సినిమాలో కమల్ హాసన్ ను పొట్టిగా చూపించారు దర్శకుడు. మరి అది ఎలానో తెలుసుకుందామా..?

అప్పటి కాలంలో ప్రముఖ దర్శకుడు సింగీతం శ్రీనివాసరావు మూవీస్ అన్ని చాలా విచిత్రంగా ప్రయోగాలతో కూడుకొని ఉండేవి. ఆ సమయంలో ఉన్నటువంటి స్టైల్ కు భిన్నంగా కొత్త కొత్త ఎలిమెంట్స్ తో చిత్రాలను విభిన్నంగా చూపించేవారు. ఇలా ఆ దర్శకుడు ఎన్నో భిన్నమైన హాస్యాస్పద చిత్రాలను అందించి ప్రేక్షకులను కడుపుబ్బ నవ్వించాడని చెప్పడంలో అతిశయోక్తి లేదు.

ఈ దర్శకుడు ఆయన సినిమాల్లో ఎక్కువగా కమలహాసన్ ని తీసుకున్నారు. దర్శకుడు సింగీతం శ్రీనివాసరావు మరియు కమల్ హాసన్ కాంబినేషన్లో ఒక సినిమా చేద్దాం అనుకుని కమల్ హాసన్ ఒక చిన్న స్టోరీ లైన్ చెప్పగానే శ్రీనివాస రావు పూర్తి కథ రాసుకోవడం జరిగింది. అయితే ఈ మూవీకి నిర్మాణ బాధ్యతలు కమలహాసన్ తీసుకున్నారట. మూవీ విచిత్ర సోదరులు. 1989లోనే విడుదలైన ఈ సినిమా బాక్సాఫీస్ వద్ద కాసుల వర్షం కురిపించింది.

ఎంతోమంది విమర్శకుల ప్రశంసలు కూడా అందుకుంది. మూవీలో పాత్ర అప్పు, అప్పు కు తల్లిగా శ్రీవిద్య నటించింది. ఇందులో హీరోయిన్ గా జానకి పాత్రలో గౌతమి నటించింది. ఇందులో మూడు పాత్రల్లో కమల్ హాసన్ నటించారు. ఒకటి అప్పు, రెండవది కమల్ హసన్ సేతుపతి, మూడవది రాజా. ఈ మూడు పాత్రల్లో మరుగుజ్జు పాత్ర కూడా ఉన్నది. మరి ఆ సమయంలో గ్రాఫిక్స్ లు అనేవి లేవు. కమలహాసన్ ఆ విధంగా ఎలా చూపించారు అనేది ఆ టైంలో ప్రేక్షకుల్లో మిస్టరీగా మిగిలిపోయిన ప్రశ్న. ఆ పాత్ర కాకుండా ఇంక వేరే పాత్రలో కమలహాసన్ ను చూపించడం కోసం కెమెరాని దూరం నుంచి లేదా దగ్గరనుంచి తీసేవారు.

మరి మరగుజ్జు పాత్ర కోసం ఆయన కాళ్ళను వెనుకకు మడిచి 18 అంగుళాల షూస్ తయారుచేయించి తొడిగేవారు. ఇందులో ఒక పాటలో కమల్ హాసన్ ను పొట్టిగా చూపించడం కోసం ప్రత్యేకంగా ఒక సోఫాను తయారు చేయించి అందులో కమల్ హాసన్ ని నడుము వరకు దించి అతని ముందు భాగంలో కృత్రిమ కాళ్లను అమర్చి, ఆ కాళ్లకు రెండు వైర్లు కట్టి కాళ్లు ఉగేలా చేసేవారు. దీనికోసం జపాన్ నుంచి ప్రత్యేకంగా ఒక వ్యక్తిని తెప్పించి చేశామని ఒక ఇంటర్వ్యూలో సింగీతం శ్రీనివాసరావు చెప్పారు.

మలయాళం సినిమా హీరోలకి తెలుగులో కూడా చాలా మంది అభిమానులు ఉన్నారు. కొంత కాలం నుండి మలయాళం సినిమాలని తెలుగు వాళ్ళు చాలా ఎక్కువగా చూస్తున్నారు. తెలుగు వాళ్ళు మాత్రమే కాదు. మలయాళం సినిమాకి గత కొంత కాలం నుండి భారతదేశం అంతటా ఎక్కువగా ఆదరణ లభిస్తోంది. కొన్ని సినిమాలు భారతదేశ ప్రేక్షకులని మలయాళ సినిమా ఇండస్ట్రీ వైపు చూసే లాగా చేశాయి. అందులో ముందుగా చెప్పుకోవాల్సిన సినిమా ప్రేమమ్. ఈ సినిమా తెలుగులో కూడా రీమేక్ అయ్యింది. కానీ మలయాళం లోనే ఈ సినిమా చాలా మంది చూశారు. 2015 లో ఈ సినిమా వచ్చింది. ఆల్ఫోన్స్ పుత్రేన్ దర్శకత్వం వహించిన ఈ సినిమాలో నివిన్ పౌలీ, అనుపమ పరమేశ్వరన్, సాయి పల్లవి, మడోనా సెబాస్టియన్ నటించారు.

రాజేష్ మురుగేశన్ ఈ సినిమాకి సంగీత దర్శకత్వం వహించారు. ఈ సినిమాతో చాలా మంది కొత్త వాళ్లు సినిమా ఇండస్ట్రీకి పరిచయం అయ్యారు. ఈ సినిమాతో హీరో నివిన్ పౌలీ మలయాళం లో స్టార్ హీరో అయిపోయారు. మలయాళం హీరోల స్క్రిప్ట్ సెలక్షన్ సాధారణంగానే డిఫరెంట్ గా ఉంటుంది. నివిన్ పౌలీ స్క్రిప్ సెలక్షన్ కూడా అలాగే ఉంటుంది. సినిమాకి, సినిమాకి అసలు పోలిక లేకుండా ఉండేలాగా స్క్రిప్ట్ లని తీసుకుంటారు. సినిమా కోసం తనని తాను పూర్తిగా మార్చుకుంటారు. అందుకే నివిన్ పౌలీ నటనకి ఇంత మంది అభిమానులు ఉన్నారు.

అయితే ఇటీవల నివిన్ పౌలీ వీడియో ఒకటి బయటకు వచ్చింది. ఒక ఈవెంట్ కి వెళ్లారు. అందులో నివిన్ పౌలీ పూర్తిగా మారిపోయి కనిపిస్తున్నారు. బరువు పెరిగినట్టు ఈ వీడియోలో కనిపిస్తున్నారు. కొంత మంది ఇది సినిమా కోసం అని అంటున్నారు. మరి కొంత మంది మాత్రం నివిన్ పౌలీకి థైరాయిడ్ ఉంది అని, అందుకే ఇలా మార్పు వచ్చింది అని అంటున్నారు. కానీ వీడియో చూశాక మాత్రం గుర్తు పట్టడానికి కాస్త కష్టంగా అనిపించింది. పరిశీలించి చూస్తే కానీ అక్కడ ఉన్న నటుడు నివిన్ పౌలీ అని తెలియలేదు. సాధారణంగా సినిమా కోసం నివిన్ పౌలీ తనని తాను మార్చుకున్నారు. గతంలో ఇలా చాలా సార్లు చేశారు. మరి ఇప్పుడు కూడా అలాగే చేశారా? లేదా నిజంగానే థైరాయిడ్ ఉందా? ఈ విషయం మాత్రం ఇంకా తెలియదు.

I thought it was Simbu for a second 👀 pic.twitter.com/XU2IiPxp5V

— Rajasekar (@prsekar05) May 20, 2024

ఈ మధ్య కాలంలో స్టార్ హీరోల పాటలలో వారి పక్కన స్టెప్స్ వేసే సైడ్ డాన్సర్లకు కూడా ఎక్కువగా గుర్తింపు లభిస్తోంది. అలా వారికి మరిన్ని ఆఫర్స్ వస్తున్నాయి. కొంతమంది ఓవర్ నైట్ లో స్టార్స్ గా మారుతున్నారు. ఇదంతా సోషల్ మీడియా ద్వారానే అని చెప్పవచ్చు.

ఆ మధ్యన వచ్చిన వారసుడు సినిమాలోని రంజితమే సాంగ్ లో విజయ్, రష్మికలతో పాటు సైడ్ డాన్సర్ హైలైట్ అయిన విషయం తెలిసిందే. ఈ క్రమంలో తెలుగులో పవన్ కళ్యాణ్, మహేష్ బాబు సాంగ్స్ లో ఎక్కువగా కనిపించే డాన్సర్ విఘ్నేష్ రాజేంద్రన్ గురించి ఇప్పుడు చూద్దాం..డాన్సర్ విఘ్నేష్ రాజేంద్రన్ అంటే చాలా మందికి తెలియక పోవచ్చు. కానీ చూస్తే గుర్తుపడతారు. అతను తెలుగులో అనేక పాటలలో సైడ్ డాన్సర్ గా చేశాడు. అలా విఘ్నేష్ టాలీవుడ్ స్టార్స్ అయిన పవన్ కళ్యాణ్, మహేష్ బాబు, నాని , విజయ్ దేవరకొండ వంటి వారితో పని చేశాడు.

అయితే అతను తమిళ ఇండస్ట్రీకి చెందిన డాన్సర్. ఎక్కువగా కోలీవుడ్ సినిమాలకి డాన్సర్ గా చేస్తాడు. విఘ్నేష్ రాజేంద్రన్ కోలీవుడ్ కొరియోగ్రాఫర్ దినేష్ టీమ్ మెంబర్. దినేష్ మాస్టర్ దళపతి విజయ్, అజిత్, శివ కార్తికేయన్ లాంటి స్టార్ హీరోల చిత్రాలకు కొరియోగ్రఫర్ గా పనిచేశాడు. ఈ క్రమంలో ఆయన టీమ్ మెంబర్ గా ఉన్న విఘ్నేష్ ఆ హీరోల సాంగ్స్ లో గ్రూప్ డాన్సర్ గా పనిచేశాడు.విఘ్నేష్‌ కొరియోగ్రాఫర్‌ నేర్పించే డ్యాన్స్ స్టెప్పులను తేలికగా నేర్చుకుంటాడు. అంతే కాకుండా సోషల్ మీడియాలో విఘ్నేష్‌కి ఫ్యాన్ ఫాలోయింగ్ కూడా ఎక్కువే. అతని ఇంస్టాగ్రామ్ ఖాతాను దాదాపు 50 వేల మంది ఫాలోవర్స్ ఉన్నారు. అంతే కాకుండా అతనికో ఫ్యాన్ పేజ్ కూడా ఉంది. ఆ పేజ్ కి 1536 ఫాలోవర్స్ ఉన్నారు. ప్రస్తుతం అతను డాన్సర్ గా కొనసాగుతూనే, యాక్టర్ గా కూడా మారినట్టు తెలుస్తోంది.

View this post on Instagram

A post shared by Vignesh Rajendran (@dancervicky_official)

View this post on Instagram

A post shared by Vignesh Rajendran (@dancervicky_official)

Also Read: “క్షణం కూడా నిన్ను మర్చిపోలేను..!” అంటూ… “తారకరత్న” భార్య అలేఖ్య రెడ్డి ఎమోషనల్ పోస్ట్..!

ఒక మనిషి జీవితంలో ఎంత కష్టపడినా, ఎంత డబ్బు సంపాదించినా, ఆరోగ్యం మాత్రం సరిగ్గా ఉండడం చాలా ముఖ్యమైన విషయం. ఆరోగ్యం అంటే కేవలం మనల్ని మనం కాపాడుకోవడం మాత్రమే కాదు. మనం మానసిక ఆరోగ్యాన్ని కూడా కాపాడుకోవడం. మనిషి తన జీవితంలో ఎంతో ఒత్తిడికి గురవుతాడు. కొంత మంది ఇలాంటి ఒత్తిడిని ఎక్కువగా తీసుకుంటారు. అలాంటప్పుడు వారికి మానసిక సమస్యలు వస్తూ ఉంటాయి. కొంత మంది ఒక సమయం తర్వాత ఏం మాట్లాడుతున్నారు అనేది కూడా అర్థం అవ్వదు. చుట్టూ ఉన్న మనుషులు, వారికి జరిగిన సంఘటనల వల్ల వారిలో ఈ మార్పు వస్తుంది. సింగర్ సుచిత్ర పరిస్థితి ఇప్పుడు ఇలాగే ఉంది అని అంటున్నారు. గతంలో ఎన్నో సూపర్ హిట్ సాంగ్స్ సుచిత్ర పాడారు.

తెలుగులో బిజినెస్ మాన్ సినిమాలో సార్ వస్తారా పాట సుచిత్రకి చాలా పాపులారిటీ తీసుకొచ్చింది. పోకిరి సినిమాలో ఇప్పటికింకా నా వయసు పాట పాడింది కూడా సుచిత్ర. సుచిత్ర కొంత కాలం క్రితం తన దగ్గర సెలబ్రిటీల వ్యక్తిగత ఫోటోలు ఉన్నాయి అంటూ ఆ ఫోటోలు సోషల్ మీడియాలో పోస్ట్ చేశారు. అప్పటి నుండి సుచిత్ర కి సింగర్ గా అవకాశాలు తగ్గడం మొదలు అయ్యాయి. సుచిత్ర భర్త కార్తీక్ కూడా, “సుచిత్ర మానసిక ఆరోగ్యం సరిగ్గా లేదు” అని, అందుకే తను అలా మాట్లాడుతున్నారు అని చెప్పారు. ఆ తర్వాత ఆర్జేగా సుచిత్ర చేశారు. దాంతో మళ్లీ సుచిత్ర ఈ విధంగా అయినా ప్రేక్షకులని పలకరిస్తూ ఉంటారు అని అనుకున్నారు. ఇటీవల సుచిత్ర ఇచ్చిన ఒక ఇంటర్వ్యూ చర్చనీయాంశంగా మారింది.

అందులో ధనుష్ జీవితంలోని కొన్ని విషయాల గురించి మాట్లాడారు. ధనుష్, ఐశ్వర్య రజినీకాంత్ గత 14 సంవత్సరాల నుండి గొడవల్లో ఉన్నారు అని చెప్పారు. ఒకరిని ఒకరు మోసం చేసుకుంటున్నారు అని అన్నారు. సుచిత్ర భర్త కార్తీక్, ధనుష్ తో ప్రేమలో ఉన్నారు అని అన్నారు. హీరో విజయ్ బయటకు కనిపించే అంత మంచి వ్యక్తి కాదు అని కూడా చెప్పారు. త్రిష, విజయ్ ఎలా చెప్తే అలా ఆడతారు అని అన్నారు. ఇండస్ట్రీలో ఉన్న చాలా మంది వ్యక్తుల మీద ఏదో ఒక రకంగా కామెంట్స్ చేస్తూనే ఉన్నారు. “సింగర్ శ్రేయ ఘోషల్ గొంతు అంత మంచి గొంతు ఏం కాదు” అని, ఆమె గొంతులో ఏం ఉండదు అని అన్నారు. ఎన్నో పాటలు పాడి గుర్తింపు తెచ్చుకున్న సింగర్ ఇప్పుడు ఇలా మాట్లాడుతుంటే అందరూ బాధపడుతున్నారు. సుచిత్రని చూస్తూ ఉంటే మొహం పీక్కుపోయినట్టుగా అయిపోయి, చాలా డల్ గా అనిపిస్తున్నారు.

ఆమె మానసిక పరిస్థితి సరిగ్గా లేదు అనే విషయం ఆమె ఇంటర్వ్యూలు చూస్తుంటేనే తెలుస్తోంది. అయితే ఇది ఒక ఇంటర్వ్యూ తో ఆగలేదు. ఆమె ఇంటర్వ్యూ చాలా ఫేమస్ అవడంతో, తర్వాత మరి కొంత మంది ఆమె ఇంటర్వ్యూలు తీసుకుంటున్నారు. “ఆమె మాట్లాడే మాటల్లో ఎంత నిజం ఉందో తెలియదు. ఒకవేళ ఉన్నా కూడా అవి సెలబ్రిటీల వ్యక్తిగత విషయాలు. వాటితో ప్రేక్షకులకు పని లేదు. కాబట్టి ఆమె అవన్నీ కూడా చెప్పడం తప్పు” అని అందరూ అంటున్నారు. అసలు ఆమె ఇలాంటి విషయాలు మాట్లాడడానికి ఇంటర్వ్యూలు తీసుకోవడం కరెక్ట్ కాదు ఏమో అని తమ అభిప్రాయాలని వ్యక్తం చేస్తున్నారు.

సినిమా అంటే పెద్ద కాన్సెప్ట్ ఉండాల్సిన అవసరం లేదు. కొన్ని సార్లు మామూలు కాన్సెప్ట్ ఉన్న సినిమా కూడా ఆసక్తికరంగా రూపొందిస్తే ప్రేక్షకులు చూస్తారు. మలయాళం లో ఇలాంటి సినిమాలు చాలా వస్తూ ఉంటాయి. సినిమా కాన్సెప్ట్ చాలా మామూలుగా ఉంటుంది. సాధారణంగా చాలా మంది ఇళ్లల్లో జరిగే విషయాలు, లేదా మానసికంగా వాళ్ళు ఎటువంటి పరిస్థితులు ఎదుర్కొంటున్నారు అనేది సినిమాల్లో వివరంగా చూపించే ప్రయత్నం చేస్తారు. అందుకే మలయాళ సినిమాలు ఒరిజినాలిటీకి దగ్గరగా ఉంటాయి అని అంటూ ఉంటారు. అలాంటి ఒక మలయాళం సినిమా తెలుగులో కూడా విడుదల అయ్యి మంచి టాక్ సంపాదించుకుంది. ఆ సినిమా పేరు వరనే అవశ్యముంద్. అనూప్ సత్యన్ ఈ సినిమాకి దర్శకత్వం వహించారు.

దుల్కర్ సల్మాన్, సురేష్ గోపి, శోభన, కళ్యాణి ప్రియదర్శన్ ఈ సినిమాలో ముఖ్య పాత్రల్లో నటించారు. ఈ సినిమా తెలుగులో పరిణయం పేరుతో విడుదల అయ్యింది. ఈ సినిమా ఆహాలో స్ట్రీమ్ అవుతోంది. ఇంక ఈ సినిమా కథ విషయానికి వస్తే, నీనా (శోభన) చెన్నైలో ఒక ఫ్రెంచ్ ట్యూటర్ గా పనిచేస్తూ ఉంటుంది. ఆమె ఒక క్లాసికల్ డాన్సర్ కూడా. ఆమె కూతురు నికిత (కళ్యాణి ప్రియదర్శన్). నీనా ప్రేమ పెళ్లి చేసుకొని భర్తతో విడిపోతుంది. తల్లిలాగా తను కాకూడదు అని నికిత ప్రేమ పెళ్లికి దూరంగా ఉంటుంది. మ్యాట్రిమోనియల్ సైట్స్ లో అబ్బాయిలని చూసుకొని, అరేంజ్డ్ మ్యారేజ్ చేసుకోవాలి అని అనుకుంటుంది. అలా ఒకసారి అభి అనే అబ్బాయిని కలుస్తుంది. అతనితో ప్రేమలో కూడా పడుతుంది.

ఇదే అపార్ట్మెంట్ లోకి రిటైర్డ్ మేజర్ ఉన్నికృష్ణన్ (సురేష్ గోపి) దిగుతాడు. ఉన్నికృష్ణన్ కి కోపం ఎక్కువగా వచ్చే సమస్య ఉంటుంది. ఉన్నికృష్ణన్, నీనా ఒకసారి అనుకోకుండా కలుస్తారు. ఆ తర్వాత వాళ్ళిద్దరూ ప్రేమలో పడతారు. అక్కడే ఉండే ఫ్లాట్‌మేట్స్ ఈ విషయాన్ని మాట్లాడుకోవడం నికితకి తెలుస్తుంది. నికిత ఈ విషయాన్ని తన తల్లిని అడిగితే ఆమె ఏమీ మాట్లాడదు. ఈ విషయాన్ని నికిత అభితో చెప్తే అభి మాట్లాడటం మానేస్తాడు. మరొక పక్క, అదే అపార్ట్మెంట్ లో బిబీష్‌ (దుల్కర్ సల్మాన్) దిగుతాడు. బిబీష్‌ కి ఒక అమ్మాయి తో బ్రేకప్ అవుతుంది. నికితకి అతనితో పరిచయం అవుతుంది. ఆ తర్వాత ఏం జరిగింది అనేది కథ. సినిమా ఒక మంచి ఫీల్ గుడ్ సినిమా. డబ్బింగ్ కూడా చాలా క్వాలిటీగా అనిపిస్తుంది.

ఒక వయసు వచ్చిన తర్వాత ప్రేమించడం అనేది చాలా సినిమాల్లో సరిగ్గా చూపించరు. కానీ ఈ సినిమాలో ఆ పాయింట్ చాలా బాగా చూపించారు. పెద్ద వయసు వచ్చాక ప్రేమించడం అనేది తప్పు కాదు అని ఈ సినిమాలో చెప్పడానికి ప్రయత్నించారు. శోభన మాట్లాడే డైలాగ్స్ చాలా ఎమోషనల్ గా అనిపిస్తాయి. 2020 లో విడుదలైన ఈ సినిమా మంచి టాక్ సంపాదించుకుంది. అందుకే ఈ సినిమాని తెలుగులోకి కూడా డబ్ చేసి విడుదల చేశారు. తెలుగులో కూడా ఈ సినిమా చూసిన వాళ్ళందరూ ఇలాంటి విషయాన్ని సినిమాలో చూపించడం అనేది బాగుంది అంటూ కామెంట్ చేశారు.