సాధారణంగా సినిమాల్లో నటించే వాళ్ళకి నటనతో పాటు ఇంకా చాలా కళలు వచ్చి ఉంటాయి. కొంత మంది దర్శకులు అవుతారు. కొంత మంది ప్రొడ్యూసర్స్ అవుతారు. కొంత మంది మంచి డాన్సర్ అయ్యి ఉంటారు. కొంత మంది మంచి రైటర్స్ అయ్యి ఉంటారు. మరి కొంత మంది మంచి సింగర్స్ కూడా అయ్యి ఉంటారు. ఇలా కేవలం నటించడం మాత్రమే కాకుండా మిగిలిన కళల్లో కూడా నైపుణ్యం ఉన్న మల్టీ టాలెంటెడ్ నటులు ఎంతో మంది ఉన్నారు. వారిలో కొంత మంది సినిమాల్లోకి వచ్చాక వారిలోని మరొక టాలెంట్ బయటికి తీస్తే, కొంత మంది మాత్రం సినిమాల్లోకి రాకముందే వాళ్లలో ఉన్న టాలెంట్ ని ప్రేక్షకులకు పరిచయం చేసి ఉంటారు.
అలా పైన ఉన్న అమ్మాయి చిన్నతనంలో చాలా బాగా పాడేది. ఇప్పుడు పెద్దయ్యాక చాలా పెద్ద నటి అయ్యింది. నాని హీరోగా నటించిన అంటే సుందరానికి సినిమాతో తెలుగు సినిమా ఇండస్ట్రీ లోకి అడుగు పెట్టారు నజ్రియా నజీమ్. నజ్రియా చిన్నప్పటినుండి సినిమాల్లో ఉన్నారు. నజ్రియా చిన్నప్పుడు పాటలు కూడా పాడారు. ఈ వీడియోలు యూట్యూబ్ లో ఉన్నాయి. నజ్రియా పాడే విధానం చూస్తే తను పాడడాన్ని ఎంత బాగా ఎంజాయ్ చేస్తారో అనేది అర్థం అవుతుంది. నజ్రియా అప్పట్లో ఫేమస్ అయిన ఎన్నో సినిమా పాటలు స్టేజ్ మీద షోస్ లో పాడారు. ఆ తర్వాత హీరోయిన్ అయ్యారు.
అప్పుడు కూడా చాలా సందర్భాల్లో పాటలు పాడారు. నజ్రియా మంచి నటి మాత్రమే కాదు. మంచి సింగర్ కూడా. డాన్స్ కూడా చాలా బాగా చేస్తారు. మలయాళం లో నజ్రియాని ఎక్స్ప్రెషన్ క్వీన్ అని అంటారు. నజ్రియా మల్టీ టాలెంటెడ్ అని ఇవన్నీ చూస్తే తెలుస్తోంది. ఇటీవల ఆవేశం సినిమాతో ప్రొడ్యూసర్ గా కూడా మారారు. నజ్రియా సినిమాల్లోకి వచ్చి చాలా కాలం అయ్యింది. మధ్యలో కొంత కాలం బ్రేక్ తీసుకొని సినిమాలు చేశారు. అయినా కూడా ఇప్పటికీ ఆమెకి ఉన్న అభిమానులు ఏమాత్రం తగ్గలేదు. అంటే ఆమె ఎంత టాలెంటెడ్ నటి అనేది మనమే అర్థం చేసుకోవాలి.
దుల్కర్ సల్మాన్ సీతా రామం వంటి ప్రేమ కథ తరువాత థ్రిల్లర్ మూవీ గా తెరకెక్కిన ‘చుప్’ మూవీ ద్వారా ఆడియెన్స్ ను పలకరించారు. ఈ సినిమా కథ విషయానికి వస్తే, ముంబైలో వరుసగా మర్డర్స్ జరుగుతుంటాయి. హిందీ చిత్రాలకు తక్కువ రేటింగ్ ఇస్తూ రివ్యూలు రాసే క్రిటిక్స్‌ను లక్ష్యం చేసుకుని, వారు రివ్యూను ఏ స్టైల్‌లో రాశారో, ఒక సీరియల్ కిల్లర్ అదే స్టైల్‌లో వారిని హత్య చేస్తుంటాడు.
దాంతో క్రిటిక్స్ ఆ సీరియల్ కిల్లర్ ను చంపేవరకు రివ్యూలు రాయమని అని చెప్పడంతో, కిల్లర్ ను పట్టుకోవడానికి పోలిస్ ఆఫీసర్ సన్నీ డియోల్ వస్తాడు. ఆ తర్వాత ఏం జరిగింది? సీరియల్ కిల్లర్‌ను పట్టుకున్నారా? లేదా అనేది మిగిలిన కథ. సినిమాలకు రివ్యూలు రాసే క్రిటిక్స్ ను చంపడం, వాళ్ళ నుదుటి పై స్టార్స్ రేటింగ్ వేసే కిల్లర్ కాన్సెప్ట్ ఆసక్తికరంగా ఉంది. దర్శకుడు ఆర్ బాల్కీ కథ ఐడియా విషయంలో తన ప్రత్యేకత చాటుకున్నారు. అయితే దానిని మూవీ మొత్తం చూపించలేకపోయారు.
సినిమాటోగ్రఫీ, సంగీతం ఆకట్టుకుంటుంది. కానీ ఇంటర్వెల్ తర్వాత హంతకుడు ఎవరు అనే విషయం తెలిసిన తరువాత కథనం స్లోగా సాగుతుంది. సగటు థ్రిల్లర్ చిత్రాల తరహాలోనే ఈ మూవీ సాగింది. తిరిగి క్లైమాక్స్ లో ఇంట్రెస్ట్ వస్తుంది. దుల్కర్ సల్మాన్ ఈ మూవీలో మరోసారి అద్భుతమైన నటనతో పాత్రకు జీవం పోశారు. దుల్కర్ లేకపోతే మూవీ నిలబడేది కాదు. దుల్కర్ క్యారెక్టర్ లో మరొకరిని ఊహించలేము. శ్రేయా ధన్వంతరి, సన్నీ డియోల్ చక్కగా నటించారు. అమితాబ్ బచ్చన్ గెస్ట్ రోల్ లో ఒక్క సీన్ లో కనిపించారు. దుల్కర్ నటన కోసం చూడాల్సిన మూవీ ఇది.
