Filmy Adda

చాలా మంది సీరియల్స్ ని చూడడానికి ఇష్టపడుతూ ఉంటారు. సీరియల్ టైం అవ్వగానే టీవీ ఆన్ చేసేస్తారు. అయితే ఇది వరకు సీరియల్స్ ని చాలా ఎక్కువ మంది చూస్తూ ఉండేవారు. పైగా అప్పట్లో సీరియల్స్ కూడా చాలా బాగుండేవి. అందరికీ నచ్చేవి. కంటెంట్ పరంగా చూసుకున్నట్లయితే అప్పుడు సీరియల్స్ నిజంగా మనల్ని బాగా కనెక్ట్ చేస్తూ ఉండేవి.

డైరెక్టర్లు సినిమాలను కానీ సీరియల్స్ ని కానీ తీసేటప్పుడు ఎంతో శ్రమించి కథ చూసుకుని.. నటుల్ని చూసుకుని మన ముందుకి తీసుకు వస్తూ ఉంటారు.

కానీ ప్రతి సీరియల్ ప్రతి సినిమా డైరెక్టర్లు అనుకున్నంతగా ఆడియన్స్ ని కనెక్ట్ చేయలేవు. కానీ కొన్ని కొన్ని మాత్రం ఎప్పటికీ మర్చిపోలేనివిగా మారిపోతాయి. అందరికీ నచ్చేస్తాయి పైగా ఆసక్తికరంగా ఉంటాయి. గతంలో వచ్చిన మొగలిరేకులు సీరియల్ మీకు గుర్తుందా..? మొగలిరేకులు సీరియల్ అప్పట్లో అందరిని బాగా కనెక్ట్ చేసేసింది. ప్రతి ఒక్కరూ మొగలిరేకులు సీరియల్ ని ఇష్టపడేవారు. మొగలిరేకులు సీరియల్ లో ఆర్కే నాయుడు చేసిన పాత్ర నిజంగా ఎవరు చేయలేరు. పోలీస్ పాత్రను చేసి ఆర్కే నాయుడు అదరగొట్టేసాడు.

ఇప్పటికీ ఆర్కె నాయుడు పాత్రని ఎవరు మర్చిపోలేరు. అంత బాగా నటించాడు మరి.. సినిమాల్లో కూడా ఇటువంటి రోల్స్ ని ఎవరు చేయలేరు. అయితే మీకు ఆర్కే నాయుడు గుర్తున్నారా..? మరి ఆర్కే నాయుడు ఇప్పుడు ఎలా ఉన్నారో మీకు తెలుసా మొగలిరేకులు లో ప్రధాన పాత్ర పోషించిన ఆర్కే నాయుడు సోషల్ మీడియాలో యాక్టివ్ గానే ఉంటున్నారు.

మరి ఆర్కే నాయుడు తన సోషల్ మీడియాలో షేర్ చేసిన ఫోటోలని ఇప్పుడు చూద్దాం. అప్పట్లో ఆర్కే నాయుడు ఎలా ఉన్నారో అలాగే ఇప్పుడు కూడా కనబడుతున్నారు. ఫొటోస్ లో తన ఎనర్జీ ఏమి తగ్గినట్టు కనపడటం లేదు. సోషల్ మీడియాలో ఎప్పటికప్పుడు ఆర్కే నాయుడు తన ఫొటోస్ ని షేర్ చేసుకుంటూ ఉంటారు. ఆర్కే నాయుడు కి ఇంస్టాగ్రామ్ లో ఫాలోవర్స్ కూడా ఎక్కువగానే ఉన్నారు.

https://www.instagram.com/p/CoaHYdCrArt/?utm_source=ig_web_copy_link

తెలుగు ప్రేక్షకులను తన నటనతో కాజల్ ఆకట్టుకుంది. ఇప్పటికే తెలుగులో చాలా సినిమాల్లో నటించి కాజల్ మంచి గుర్తింపు తెచ్చుకుంది. తాజాగా కాజల్ ఒక బిడ్డ కి జన్మనిచ్చింది కూడా. లక్ష్మి కళ్యాణం సినిమా తో కాజల్ తెలుగు ప్రేక్షకుల కి పరిచయమయ్యారు. తర్వాత చాలా తెలుగు సినిమాల్లో నటించి చక్కటి పాత్రల తో ప్రేక్షకుల కి బాగా దగ్గర అయింది కాజల్.

ఈమె ఇండస్ట్రీకి వచ్చి సుమారు 15 ఏళ్ళు అవుతోంది. అలానే ఈమె ఫాలోయింగ్ కూడా బాగా విపరీతంగా పెరిగిపోయింది. కాజల్ గౌతమ్ కిచ్లూ ని పెళ్లి చేసుకుంది.

తర్వాత ఈమె ప్రెగ్నెంట్ అవ్వడంతో కాస్త గ్యాప్ వచ్చింది కానీ అదే అందం తో కాజల్ మళ్ళీ సినిమాల్లో అవకాశాలని పొందుతోంది. కాజల్ ఇండియన్ టూ లో హీరోయిన్ గా చేస్తోంది. ఇండియన్ టూ లో కమల్ హాసన్ హీరోగా నటిస్తున్న విషయం తెలిసిందే. అయితే ఈ సినిమాకి ఎన్నో అవాంతరాలు ఎదురవుతూనే ఉన్నాయి. మళ్లీ సినిమాల్లోకి రీఎంట్రీ ఇచ్చిన కాజల్ ఇప్పుడు మళ్లీ అవకాశాలని పొందుతోంది. ఇంచుమించుగా ఈమె ఇప్పుడు మూడు కోట్ల రెమ్యూనరేషన్ ని తీసుకుంటోంది. కానీ బ్రేక్ ఇచ్చినా కూడా డిమాండ్ మాత్రం ఏ మాత్రం తగ్గలేదు.

కాజల్ అగర్వాల్ ఇప్పుడు ఇంకో అవకాశాన్ని కూడా పొందింది. అజిత్ హీరోగా వస్తున్న ఈ సినిమా లో కాజల్ అగర్వాల్ నటిస్తోంది. అయితే ఈమె ఒక టీచర్ పాత్ర చేయనుంది. ఈ పాత్ర చేసేందుకు కాజల్ బాగుంటుందని చిత్ర యూనిట్ అభిప్రాయం. ఈమె హీరోయిన్ గా చేయనుందా లేదంటే సెకండ్ లీడ్ రోల్ చేస్తుందా అనేది ఇంకా క్లియర్ గా తెలీదు. అయితే గతం లో ఈమె స్థానం లో చాలా మంది హీరోయిన్ల పేర్లు వినబడ్డాయి కానీ ఫైనల్ గా కాజల్ ని ఫిక్స్ చేశారు. త్వరలోనే అఫీషియల్ అనౌన్స్మెంట్ చేస్తారు.

కోలీవుడ్ అగ్ర కథానాయకుడు దళపతి విజయ్ హీరోగాగా నటించిన భారీ బడ్జెట్ మూవీ ‘వారసుడు’ (వారిసు). వంశీ పైడిపల్లి ద‌ర్శ‌క‌త్వంలో దిల్‌రాజు, శిరీష్‌, ప‌ర‌ల్ వి.పొట్లూరి, ప‌ర‌మ్ వి.పొట్లూరి ఈ చిత్రాన్ని నిర్మించారు. సంక్రాంతికి మూవీ తెలుగు, త‌మిళ భాష‌ల్లో భారీ ఎత్తున్న రిలీజ్ అయ్యింది. ఈ చిత్రం లో విజయ్ సరసన రష్మిక నటించింది.

ఈ సినిమా నుంచి త‌మిళంలో ఇటీవ‌ల రంజిత‌మే అనే సాంగ్‌ను మేక‌ర్స్ విడుద‌ల చేసిన సంగ‌తి తెలిసిందే. త‌మిళంలో ఇప్ప‌టికే 75 మిలియ‌న్ వ్యూస్‌ను సినిమా సంపాదించుకుంది. కాగా ఇపుడు టాలీవుడ్ ప్రేక్షకుల కోసం తెలుగు వెర్షన్‌ను విడుదల చేశారు మేకర్స్. ఎస్‌ థమన్ కంపోజ్ చేసిన ఈ పాటను అనురాగ్ కులకర్ణి, ఎంఎం మానసి పాడారు. రామజోగయ్య శాస్త్రి ఈ పాట రాశారు. తెలుగు వెర్షన్‌ కూడా రికార్డులు బద్దలు కొట్టడం ఖాయమైనట్టే తాజా సాంగ్‌తో అర్థమవుతుంది.

అయితే తాజాగా విడుదలైన లిరికల్ సాంగ్ లో విజయ్, రష్మిక ఫాస్ట్ బీట్ కి డాన్స్ లతో దుమ్ము రేపారు. అయితే ఈ సాంగ్ కి డాన్స్ చేస్తున్న సమయం లో రష్మిక కుడి కాలి పట్టీ ఊడిపోయింది. అయినా రష్మిక అలానే డాన్స్ చేసింది. అది చూసుకోకుండా మేకర్స్ సాంగ్ రిలీజ్ చేసారని పలువురు నెటిజన్లు కామెంట్లు చేస్తున్నారు. పట్టీ ఊడిపోయింది కదమ్మా.. చూసుకోవాలిగా.. అంటూ ఈ వీడియో కి ఫన్నీ కామెంట్లు పెడుతున్నారు నెటిజన్లు.

ఈ చిత్రం లో ప్రకాశ్‌ రాజ్‌, ప్రభు, శ్రీకాంత్‌, యోగిబాబు, శరత్‌ కుమార్‌, జయసుధ, ఖుష్బూ సుందర్‌ కీలక రోల్స్ పోషిస్తున్నారు. వారిసు సినిమా పూర్తి చేసిన తర్వాత, దళపతి విజయ్ దర్శకుడు లోకేష్ కనగరాజ్‌తో పని చేయనున్నారు. ఇది గ్యాంగ్‌స్టర్ డ్రామాగా తెరకెక్కనుంది.

 watch video:

హీరో ధనుష్ గురించి కొత్తగా చెప్పక్కర్లేదు. జాతీయ ఉత్తమ నటుడు ధ‌నుష్ మనందరికీ సుపరిచితమే. వెంకీ అట్లూరి దర్శకత్వంలో తెలుగులో ‘సార్’ పేరుతో ఈ సినిమా విడుదల కాగా తమిళంలో ‘వాతి’ టైటిల్‌తో రిలీజ్ అయ్యింది ఈ సినిమా. ఈ చిత్రం తో ధనుష్ కి ఒక మంచి హిట్ ని ఇచ్చింది. తమిళ్ కంటే తెలుగులోనే ఈ సినిమా కి క్రేజ్ వచ్చింది. ఈ సినిమా లో సంయుక్త ధనుష్ సరసన నటించింది.

సాయి కుమార్, సముద్రఖని, హైపర్ ఆది, తనికెళ్ల భరణి, సుమంత్ కీలక రోల్స్ చేసారు. ఫార్చ్యూన్ ఫోర్ సినిమాస్, సితార ఎంటర్టైన్మెంట్స్, శ్రీకర స్టూడియోస్ సంయుక్తంగా ఈ సినిమాని నిర్మించాయి.

తొలి రోజే సూపర్ హిట్ ని అందుకుంది ఈ సినిమా. మొదటి రోజు కంటే కూడా ఈ సినిమా కి కలెక్షన్స్ బాగా పెరిగాయి. తెలుగు రాష్ట్రాల్లో ఐదో రోజు ఈ సినిమా కి మంచి స్పందన వచ్చింది. ఇక ఈ సినిమా కలెక్షన్ల విషయానికి వస్తే.. నైజాం లో రూ.38 లక్షలు, సీడెడ్‌లో రూ.16 లక్షలు ని వసూల్ చేసింది. ఉత్తరాంధ్రా లో రూ.12 లక్షలు, ఈస్ట్‌ లో రూ.8 లక్షలు, వెస్ట్‌ లో రూ.4 లక్షలు రాగా గుంటూరు లో రూ.6 లక్షలు. కృష్ణా లో రూ.5 లక్షలు, నెల్లూరులో రూ.3 లక్షలు వచ్చాయి.

ఇలా మొత్తం అన్నీ కలిపి రూ.92 లక్షలు షేర్ సార్ సినిమా కి వచ్చింది. రూ. 1.75 కోట్లు గ్రాస్ ఈ సినిమా వసూలు చేసింది. ఈ ఐదు రోజుల్లో చూస్తే… నైజాంలో రూ. 4.39 కోట్లు, సీడెడ్‌లో రూ.1.59 కోట్లు వచ్చాయి. ఉత్తరాంధ్రాలో రూ.1.43 కోట్లు, ఈస్ట్‌ లో రూ.1.05 కోట్లు రాగా… వెస్ట్‌ లో రూ.42 లక్షలు, గుంటూరులో రూ.88 లక్షలు, కృష్ణా లో రూ. 74 లక్షలు, నెల్లూరు లో రూ. 42 లక్షలు వచ్చాయి. అలానే కర్నాటక మరియు ఇండియాలో మిగిలిన చోట్ల కలిపి రూ. 1.02 కోట్లతో కలిపి రూ. 11.94 కోట్లు షేర్, రూ. 22.45 కోట్లు గ్రాస్ వచ్చింది. ప్రపంచవ్యాప్తంగా రూ. 6.20 కోట్ల బిజినెస్ జరిగింది. రూ. 6.70 కోట్లు బ్రేక్ ఈవెన్ టార్గెట్ అయింది.

ఈ ఐదు రోజుల్లో తమిళ నాడులో రూ. 20.80 కోట్లు వసూల్ చేయగా… కర్నాటకలో రూ. 4.40 కోట్లు, కేరళలో రూ. 65 లక్షలు వసూల్ చేసింది. రెస్టాఫ్ ఇండియా లో రూ. 80 లక్షలు, ఓవర్సీస్‌లో రూ. 13.10 కోట్లు ఈ సినిమాకొచ్చాయి. ఇలా మొత్తం రూ. 60.11 కోట్లు గ్రాస్‌తో పాటు రూ. 31.30 కోట్లు వరకూ షేర్‌ ఈ సినిమా కైవసం చేసుకుంది. ఇంకా రూ. 4.70 కోట్లు ని ఈ మూవీ వసూల్ చేస్తే హిట్ అయ్యిపోతుంది.

అల్లు అర్జున్ హీరోగా నటించిన అల వైకుంఠపురములో సినిమా తెలుగులో ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. త్రివిక్రమ్ దర్శకత్వంలో వచ్చిన ఈ సినిమా తెలుగులో విడుదల అయినా కూడా లాక్ డౌన్ కారణంగా ఎంతో మంది ఈ సినిమాని చూశారు. ఒకరకంగా పుష్ప కంటే ముందే ఈ సినిమా అల్లు అర్జున్ కి జాతీయ స్థాయిలో గుర్తింపు సంపాదించి పెట్టింది.

ఇందులో పాటలు అయితే చాలా పెద్ద హిట్ అయ్యాయి. అందులో అల్లు అర్జున్ వేసిన స్టెప్స్ ఇంకా హైలైట్ అయ్యాయి. అసలు హీరో పాత్రలో అల్లు అర్జున్ ని తప్ప ఇంకొకరిని ఊహించుకోవడం కష్టం ఏమో అనిపించే అంతగా అల్లు అర్జున్ పాత్ర ప్రేక్షకులని ఆకట్టుకుంది. ఇప్పుడు ఈ సినిమాని హిందీలో రీమేక్ చేశారు. ఆ సినిమాని కూడా అల్లు అరవింద్ నిర్మించారు.

ఇందులో కార్తీక్ ఆర్యన్ హీరోగా నటించారు. సినిమా ట్రైలర్ విడుదల అయిన తర్వాత అల్లు అర్జున్ చేసిన అంత బాగా కార్తీక్ ఆర్యన్ చేయలేరు అని అన్నారు. సినిమా చూశాక తెలుగు సినిమాలో ఉన్న ఫీల్ అసలు హిందీ సినిమాలో లేదు అని కామెంట్స్ వస్తున్నాయి. అందుకు కారణం ఆ సినిమాలో చేసిన మార్పులు. హిందీ రీమేక్ లో చేసిన మార్పులు ఏంటో ఇప్పుడు చూద్దాం.

#1 ఇందులో హీరో పాత్ర అయిన బంటు, వాల్మీకి అనే వ్యక్తి ఇంట్లో పెరుగుతాడు. తెలుగులో వాల్మీకి కి భార్య ఉన్నట్టు చూపిస్తారు. అసలు ఒక రకంగా తనని పెంచిన తల్లి కారణంగానే, తాను తన సొంత తల్లిని తల్లి అని అంగీకరించలేను అని తెలుగులో బంటు అనుకుంటాడు. కానీ హిందీలో తల్లి పాత్ర చనిపోయినట్టు, తండ్రి బంటుని పెంచినట్టు చూపిస్తారు. దాంతో అసలు ఈ సినిమాకి మెయిన్ హైలైట్ అయిన మదర్ సెంటిమెంట్ హిందీ రీమేక్ లో లేదు.

#2 అంతే కాకుండా హీరో, హీరోయిన్ మధ్య లవ్ స్టోరీ కూడా, తెలుగులో ముందు హీరోయిన్ ని చూసి ఇష్టపడిన హీరో, ఆ తర్వాత హీరోయిన్ వ్యక్తిత్వాన్ని ఇష్టపడతాడు అన్నట్టు చూపించారు. కానీ హిందీలో మాత్రం వారి ఇద్దరి మధ్య వచ్చే స్టోరీ చాలా కమర్షియల్ సినిమాల్లో చూసినట్టు ఉంటుంది. హీరోయిన్ వెనకాల హీరో పడటం అనే కాన్సెప్ట్ తోనే వారి స్టోరీ ఉంటుంది. ఆ స్టోరీ కూడా ఇంకా కొంచెం బాగా చూపించి ఉంటే బాగుండేది ఏమో అని అనిపిస్తుంది.

#3 తెలుగులో అసలు సినిమాకి మొత్తానికి హైలైట్ అయిన సీన్ సెకండ్ హాఫ్ లో వచ్చే బోర్డ్ రూమ్ సీన్. అందులో అల్లు అర్జున్ అందరు స్టార్ హీరోల పాటకి డాన్స్ వేస్తారు. ఈ సీన్ చూసినప్పుడు థియేటర్లలో విజిల్స్ వేశారు. అంత మంచి సీన్ ని హిందీలో తీసేసారు. హీరో ఏదో ఒక స్పీచ్ చెప్పినట్టు చూపిస్తారు. అసలు సెకండ్ హాఫ్ చూసేదే ఈ సీన్ కోసం. అలాంటిది ఈ సీన్ లేకపోతే ఇంక సినిమా ఏం చూడాలి అనిపిస్తుంది అని కామెంట్స్ వచ్చాయి.

#4 తెలుగులో సుశాంత్ పోషించిన పాత్రకి పూర్తి భిన్నంగా హిందీలో ఆ పాత్ర పోషించిన వ్యక్తి పాత్ర ఉంటుంది. తెలుగులో సుశాంత్ కి చెడు అలవాట్లు ఉన్నా కూడా అవన్నీ బయటికి కనిపించకుండా కవర్ చేసే వ్యక్తి అని చూపించారు. హిందీలో మాత్రం అదేదో జోకర్ లాగా చూపించారు. దాంతో అది కూడా ఆల్రెడీ తెలుగు సినిమా చూసిన ప్రేక్షకులకి అంత గొప్పగా ఏమీ అనిపించలేదు.

#5 అసలు తెలుగు సినిమా హిట్ అవ్వడానికి ముఖ్య కారణం పాటలు, డాన్స్. ఇవి మాత్రమే కాకుండా దర్శకుడు త్రివిక్రమ్ శ్రీనివాస్ రాసిన డైలాగ్స్. త్రివిక్రమ్ శ్రీనివాస్ అంటేనే మామూలుగా తన డైలాగ్స్ కి చాలా క్రేజ్ ఉన్న వ్యక్తి. ఆయన సినిమాల్లో ప్రేక్షకులకు ఎప్పటికీ గుర్తుండిపోయేవి ఆయన రాసిన డైలాగ్స్. అలాంటిది హిందీ సినిమాలో అలాంటి డైలాగ్స్ లేకపోవడం వల్ల ఎమోషన్స్ తెరపై బాగా అనిపించవు.

ఈ కారణాల వల్ల తెలుగు సినిమా హిట్ అయినంత మంచి టాక్ హిందీ సినిమాకి రావట్లేదు. ప్రేక్షకులకి కూడా తెలుగు సినిమా నచ్చిన అంత బాగా హిందీ సినిమా నచ్చట్లేదు.

ఈ మధ్య పాన్ ఇండియా రేంజ్ లో వచ్చిన భారీ చిత్రాలు రెండు పార్ట్ లుగా వచ్చి సూపర్ హిట్స్ అయిన విషయం తెలిసిందే. ఇప్పుడు అలాగే అల్లు అర్జున్ నటించిన పుష్ప 2 కూడా ప్రేక్షకుల ముందుకి రానుంది. ‘పుష్ప’ సినిమాలో అల్లు అర్జున్‌ను కొత్తగా ఆవిష్కరించడమే కాదు.. ఆ చిత్రంలో చాలా సన్నివేశాలను ఇది వరకు ప్రేక్షకులు చూడని విధంగా చూపించారు దర్శకుడు సుకుమార్. అందుకే, దేశ వ్యాప్తంగా అన్ని భాషల ప్రేక్షకులను ఈ సినిమా ఆకట్టుకుంది.

అయితే ‘పుష్ప: ది రూల్’ వచ్చే ఏడాది ప్రేక్షకుల ముందుకి రానుంది. ఈ మూవీ పై భారీ అంచనాలు ఉన్నాయి. ఈ రెండో పార్ట్ తో వెయ్యి కోట్లు కలెక్ట్ చెయ్యాలని సుకుమార్ ప్లాన్ చేస్తున్నాడట. ఇప్పటికే ఈ చిత్ర షూటింగ్ శరవేగంగా జరుగుతోంది. అయితే తాజాగా ఈ చిత్రానికి సంబంధించిన ఒక అప్డేట్ వైరల్ గా మారింది. ‘కేజీయఫ్‌ 3’ అంటూ రెండో ‘కేజీయఫ్‌’ ఆఖరున చెప్పి ట్విస్ట్‌ ఇచ్చినట్లే.. ‘పుష్ప 3′ కూడా ఉండనున్నట్లు తెలుస్తోంది. ఈ మేరకు కథలో మార్పులు చేసే క్రమంలోనే పుష్ప 2 షూటింగ్‌ ఆలస్యంగా ప్రారంభమైంది అని సమాచారం.

లేటేస్ట్ అప్డేట్ ప్రకారం పుష్ప సెకండ్ పార్ట్ లో విజయ్ సేతుపతి, బాలీవుడ్ నటుడు మనోజ్ బాజ్ పాయ్ కీలకపాత్రలలో కనిపించనున్నట్లు టాక్ వినిపిస్తోంది. అలాగే ‘పుష్ప 2’ సినిమా క్లైమాక్స్‌లో బన్నీ కొత్త లుక్ లో కనిపిస్తాడని.. అది మూడో పార్ట్‌కి లీడ్‌లా ఉంటుందని సమాచారం. ఈ మేరకు ఓ లుక్‌ టెస్ట్‌ కూడా అయ్యిందని తెలుస్తోంది. పుష్ప ని ఒక ఫ్రాంచైజీ లా ముందుకు తీసుకెళ్లాలని మేకర్స్ భావిస్తున్నారట.

ఇంతకు ముందు కూడా పుష్పలో ప్రతినాయకుడి పాత్రలో కనిపించి మలయాళ నటుడు ఫహాద్ ఫాజిల్ ‘పుష్ప 3 ‘ ఉండే ఛాన్స్ ఉందని క్లారిటీ ఇచ్చేసాడు. అయితే ఇప్పటికే పుష్ప ని రెండు పార్టీలుగా తీస్తున్నారనే ప్రేక్షకులు కాస్త అసంతృప్తిగా ఉన్నారు. మళ్ళీ మూడో పార్ట్ కూడా అంటే ప్రేక్షకులు ఎంతవరకు ఆదరిస్తారన్నది అనుమానమే. ఇప్పటికే మైత్రి మూవీ మేకర్స్ ఈ చిత్రాన్ని 400 కోట్ల రూపాయల ఖర్చు తో తెరకెక్కిస్తున్నారు. కానీ సీక్వెల్ సెంటిమెంట్ వర్కౌట్ అవ్వకపోతే పుష్ప పరిస్థితి ఏంటి అని ఇండస్ట్రీ వర్గాల వారు చర్చించుకుంటున్నారు.

నందమూరి తారకరత్న మరణవార్త తెలుగురాష్ట్రాల ప్రజలు జీర్ణించుకోలేకపోతున్నారు. గత 23 రోజులుగా నారాయణ హృదయాలయ హాస్పిటల్ లో వెంటిలేటర్ పై ఉన్న తారకరత్న శనివారం రాత్రి కన్నుమూశారు. అయితే ఇన్ని రోజులు అతడిని కాపాడుకుంటూ వచ్చాడు బాబాయ్ బాలకృష్ణ. బాలయ్య మాట కాస్త కటువుగా ఉంటుంది.. మనసు మాత్రం వెన్న అని తెలిసిన వారు చెబుతూ ఉంటారు. ఇప్పటి వరకు అందరికి బాలకృష్ణ అంటే ఒక కోపిష్టి, అభిమానులపై చేయి చేసుకుంటాడు, ఏదేదో మాట్లాడుతాడు అనే తెలుసు.

కానీ గత 23 రోజులుగా తన అన్న కొడుకు కోసం బాలయ్య పడిన తపన చూశాక.. అందరూ ఆయనలోని మంచితనానికి ఫిదా అవుతున్నారు. ఇంత మంచి బాబాయిని పొందిన తారకరత్న అదృష్టవంతుడనుకుంటున్నారు. సినిమాల్లో రాణించలేకపోయేసరికి.. రాజకీయాల వైపు వద్దాం అనుకున్నారు తారక్ రత్న..అందుకే ఇటీవల టీడీపీ కార్యక్రమాల్లో చురుగ్గా పాల్గొన్నారు. ఈ లోపే అనర్థం జరిగిపోయింది. కెరీర్ విషయంలో తారకరత్నది బ్యాడ్ లక్ కావొచ్చేమో గానీ.. బాబాయి బాలకృష్ణ ప్రేమకు పాత్రుడు కావడం మాత్రం నిజంగా అతడి అదృష్టం.

తారకరత్న అంటే బాలయ్యకు ఎంతో ఇష్టం. తన అన్న కొడుక్కి గుండెపోటు వచ్చి కుప్పకూలాడు అని తెలియగానే బాలయ్య తల్లడిల్లాడు. కుప్పం నుంచి బెంగళూరు‌ నారాయణ హృదయాలయలో చేర్పించే వరకూ బాలయ్య విశ్రమించలేదు. హస్పిటల్‌లో డాక్టర్లతో తరచుగా మాట్లాడుతూ.. మెరుగైన చికిత్స అందేలా బాలయ్య జాగ్రత్తలు తీసుకున్నారు. ఇన్ని రోజులుగా తరచూ బెంగళూరు వెళ్తూనే ఉన్నారు బాలకృష్ణ. తారకరత్న క్షేమంగా తిరిగి రావాలని ఆకాంక్షిస్తూ.. చిత్తూరు జిల్లా బత్తలాపురంలోని మృత్యుంజయ స్వామి ఆలయంలో అఖండ జ్యోతిని వెలిగించారు.

తారకరత్న ఆరోగ్యవంతుడై తిరిగి రావడం కోసం బాలయ్య చేయని ప్రయత్నం లేదు. తారకరత్న కోసం బాలకృష్ణ ఎంత తపించారో చెప్పడానికి ఎంపీ విజయసాయి రెడ్డి చేసిన వ్యాఖ్యలే నిదర్శనం. తారకరత్న భార్యా, పిల్లల బాధ్యత తాము తీసుకుంటామని బాలకృష్ణ తనకు హామీ ఇచ్చారన్నారు. తారకరత్న పార్థీవ దేహాన్ని హైదరాబాద్ తీసుకొచ్చాక.. అతడి కూతురు భోరుమని ఏడ్చింది. బాలయ్య తాతా.. నాన్న లేవడం లేదు చూడంటూ.. పరిగెత్తుకుని వెళ్లి బాలకృష్ణను హత్తుకొని కన్నీరు కార్చింది. అంత కష్టంలోనూ బాలయ్య నవ్వుతూ ఆ చిన్నారిని ఓదార్చాడు.

ఇలాంటి సమయంలో ఆ చిన్నారి తన సొంత తాత దగ్గరకు కాకుండా.. చిన తాత దగ్గరకు వెళ్లడాన్ని బట్టి తారకరత్న పిల్లలకు బాలయ్యతో ఉన్న అనుబంధాన్ని అర్థం చేసుకోవచ్చు. అలాగే అంత్యక్రియల సమయం లోను తన అన్న మోహనకృష్ణకు ముందు నడుస్తూ.. చితి చుట్టూ తిరిగారు బాలకృష్ణ. ఇన్ని రోజులుగా బాలయ్య వేదనని చూసిన అందరికి తారకరత్న పట్ల బాలయ్యకు ఎంత ప్రేమ ఉందనేది మాత్రం అర్థమైంది. అలాగే తారక రత్నకి బాబాయ్ బాలకృష్ణ అంటే ప్రాణం కన్నా మిన్న. బాబాయ్ పై అంత ప్రేమ కురిపిస్తాడు. బాలకృష్ణ అంటే ఒక సింహం లాంటి మనిషి. కాబట్టి సింహం బొమ్మని టాటూగా వేయించుకుని దాని కింద బాలకృష్ణ సంతకాన్ని కూడా టాటూగా వేయించుకున్నాడు.

‘కేజీఎఫ్’ ఫేమ్ ప్రశాంత్ నీల్ దర్శకత్వంలో యంగ్ రెబెల్ స్టార్ ప్రభాస్ “సాలార్” చిత్రాన్ని చేస్తున్న విషయం మనకి తెలిసిందే. ఈ చిత్రం తెలుగు, తమిళ, కన్నడ, మలయాళ, హిందీ భాషల్లో విడుదల కానుంది. సెప్టెంబర్ 28న ఈ చిత్రాన్ని రిలీజ్ చేయబోతున్నారు. అయితే ప్రభాస్ గత చిత్రాలు నిరాశ పరచడం తో సలార్ పై రెబల్ స్టార్ ఫ్యాన్స్ బోలెడన్ని అంచనాలు పెట్టుకున్నారు. అందుకు తగ్గట్లుగా సర్వ హంగులతో ప్రశాంత్ నీల్ ఈ సినిమాను హ్యాండిల్ చేస్తున్నారు. భారీ యాక్షన్ ఎపిసోడ్స్ తో ప్రభాస్ ఫ్యాన్స్ కోరుకునే సర్వ హంగులతో ఈ సినిమాను రూపొందిస్తున్నారు.

ఇప్పటికే ఈ సినిమా నుంచి బయటకొచ్చిన అప్ డేట్స్ భారీ హైప్ తీసుకొచ్చాయి. కేజీఎఫ్ లాంటి భారీ సినిమాతో బాక్సాఫీస్ రికార్డులు షేక్ చేసిన డైరెక్టర్ ప్రశాంత్ నీల్.. ఇప్పుడు ప్రభాస్ సలార్ సినిమాతో ఆ సీన్ మళ్ళీ రిపీట్ చేయాలని ప్లాన్ చేస్తున్నారు. అయితే తాజాగా ఈ చిత్రం గురించి ఒక అప్డేట్ వైరల్ గా మారింది. తమిళ దర్శకుడు లోకేష్ కనకరాజ్ ;లోకేష్ సినిమాటిక్ యూనివర్స్‌’ను మొదటిసారిగా ప్రేక్షకులకు పరిచయం చేసిన విషయం తెలిసిందే. ఇప్పుడు ప్రశాంత్ నీల్ సలార్ సినిమా ద్వారా ‘నీల్ వర్స్’ స్టార్ట్ చేయబోతున్నాడని తెలుస్తోంది.

ప్రభాస్, శ్రుతి హాసన్ జంటగా నటిస్తున్న ‘సలార్’ చిత్ర షూటింగ్ చివరి దశకు చేరుకుంది. అయితే ఈ చిత్రంలో ‘కేజీఎఫ్’ స్టార్ యశ్ కేమియో రోల్ చేయనున్నాడని సమాచారం. అంతేకాదు ఈ మూవీ జూనియర్ ఎన్టీఆర్ వాయిస్‌తో ఎండ్ అవుతుందట. అంటే తన రానున్న చిత్ర హీరో ని కూడా ఇందులో భాగం చేసి ఈ చిత్రం తో లింక్ చేస్తున్నట్లు తెలుస్తోంది. అలాగే ‘కేజీఎఫ్’కు కూడా లింక్ ఉంటుందన్న మాట. ఈ అంశం పై సలార్ విడుదలయ్యాక క్లారిటీ వచ్చే అవకాశముంది. నిజానికి ప్రశాంత్ నీల్ గత చిత్రం ‘కేజీఎఫ్’, షూటింగ్ స్టేజ్‌లో ఉన్న ‘సలార్’ మూవీతో పాటు #NTR31 బ్యాక్‌గ్రౌండ్ థీమ్‌ కూడా ఒకేలా ఉన్నట్లు ఫస్ట్ లుక్ పోస్టర్స్ ద్వారా తెలుస్తోంది.

వరుస సినిమాలు లైన్ లో ఉన్నప్పటికీ సలార్ కోసం ప్రభాస్ కూడా స్పెషల్ కేర్ తీసుకుంటున్నారట. ప్రభాస్- ప్రశాంత్ నీల్ కాంబో చిరకాలం గుర్తుండేలా ఈ చిత్రంలోని సీన్స్ ఉండనున్నాయట. హోంబలే ఫిల్మ్స్ బ్యానర్‌పై భారీ ఎత్తున ఈ సలార్ సినిమాను చిత్రీకరిస్తున్నారు. ప్రభాస్ సరసన శృతి హాసన్ హీరోయిన్‌గా నటిస్తోంది. జగపతి బాబు, మలయాళ స్టార్ పృధ్విరాజ్ సుకుమారన్, ఈశ్వరీరావు కీలక పాత్రలు పోషిస్తుండగా.. రవి బస్రూర్ బాణీలు కడుతున్నారు.

తొలిప్రేమ, రంగ్‌దే వంటి చిత్రాలతో టాలీవుడ్‌లో హిట్స్ అందుకున్న వెంకీ అట్లూరి ఇటీవల తెరకెక్కించిన చిత్రం ‘సార్’. కోలీవుడ్ స్టార్ హీరో ధనుష్‌ నటించిన ఫస్ట్ స్ట్రెయిట్ తెలుగు ఫిల్మ్ ఇదే కాగా.. ఇందులో ఆయన కాలేజీ లెక్చరర్ పాత్రలో కనిపించారు. చదువు ప్రాముఖ్యతను తెలియజేస్తూ కార్పొరేట్ కాలేజీల దోపిడీని ఎండగట్టే కథతో తెరకెక్కిన ‘సార్’.. ఫిబ్రవరి 17న విడుదలై బాక్సాఫీస్ వద్ద మంచి కలెక్షన్స్ రాబడుతోంది. ఈ సినిమా ఫస్ట్ వీకెండ్‌లో రూ. 16.54 కోట్లు వసూలు చేసింది. ఇప్పటి వరకు తెలుగులో విడుదలైన ధనుష్ చిత్రాల్లో ఇవే మెజారిటీ కలెక్షన్స్ కావడం విశేషం.

అలాగే తమిళం లో ఈ చిత్రం గత మూడో రోజుల్లో 18.5 కోట్లకుపైగానే వసూళ్లను రాబట్టింది. ఇప్పటికే ధనుష్ నటించిన రఘువరన్ బీటెక్ సినిమాతో తెలుగులో ఒక్కసారిగా క్రేజ్ పెరిగిపోయింది. దీంతో ఇప్పుడు నేరుగా తెలుగులో మూవీ చేయడంతో అభిమానులు అదిరిపోయే వెల్కమ్ అందించారు ‘సార్’ మూవీ వీకెండ్‌లో భారీగానే కలెక్ట్ చేసినప్పటికీ.. నాన్ వీక్ డేస్‌లో బాక్సాఫీస్ వద్ద ఏ మేరకు సత్తా చాటుతుందో చూడాలి. సంయుక్త మీనన్ హీరోయిన్‌గా నటించిన ‘సార్’ చిత్రంలో సముద్రఖని, తనికెళ్ల భరణి, సాయి కుమార్, నర్రా శ్రీనివాస్, హైపర్ ఆది తదితరులు ప్రధాన పాత్రలు పోషించారు.

యంగ్ హీరో కిరణ్ అబ్బవరంకి బాక్స్ ఆఫీస్ దగ్గర రీసెంట్ టైంలో పెద్దగా సక్సెస్ లు లేవు. ఎస్ ఆర్ కళ్యాణ మండపం సినిమాతో అద్బుతమైన విజయాన్ని సొంతం చేసుకున్నా కానీ తర్వాత చేసిన సినిమాలు బాక్స్ ఆఫీస్ దగ్గర ఏమాత్రం ఇంపాక్ట్ ని చూపించ లేకపోయాయి. దీంతో తాజాగా వచ్చిన ‘వినరో భాగ్యము విష్ణు కథ’ చిత్రం పైనే అతడు ఆశలు పెట్టుకున్నాడు. ధనుష్ చిత్రం తో పోటీ పడుతూ ఉన్నంత లో ఈ చిత్రం మంచి కలెక్షన్స్ నే సాధిస్తోంది. కిరణ్ అబ్బవరం ఎస్ ఆర్ కళ్యాణ మండపం సినిమా తర్వాత ఈ మూవీ కే సెకెండ్ బెస్ట్ ఓపెనింగ్స్ ని అందుకోవడం ఖాయమని చెప్పాలి.

ఈ సినిమాకు ప్రపంచ వ్యాప్తంగా అన్ని ఏరియాలు కలిపి రూ. 4.00 కోట్లు మేర బిజినెస్ జరిగింది. అలాగే 2 రోజుల్లో ఈ చిత్రానికి ఊహించని విధంగా రూ. 2.81 కోట్లు షేర్‌తో పాటు రూ. 5.15 కోట్లు గ్రాస్ వసూలైంది. మరో రూ. 1.69 కోట్లు రాబడితేనే ఈ సినిమా క్లీన్ హిట్‌ స్టేటస్‌ను చేరుతుంది. ఈ చిత్రాన్ని అల్లు అరవింద్ సమర్పణలో జీఏ2 పిక్చర్స్ బ్యానర్‌పై బన్నీ వాసు నిర్మించారు. దీనికి చైతన్ భరద్వాజ్ సంగీతం ఇచ్చారు. ఇందులో మురళీ శర్మ, శుభలేక సుధాకర్ తదితరులు నటించారు.

గతేడాది తెలుగు చిత్ర సీమకి చెందిన చాలా మంది ప్రముఖులు కన్ను మూసిన విషయం తెలిసిందే. ఆ విషాదాల నుంచి బయటపడి కొత్త ఏడాది లో రెండు నెలలు గడవక ముందే మరి కొన్ని విషాదాలు నెలకొన్నాయి. ఈ ఏడాది ఇప్పటికే దర్శకుడు విశ్వనాధ్, సీనియర్ నటి జమున, హీరో నందమూరి తారక రత్న వంటి వారు మరణించారు. ఇక ఇప్పటి వరకు మొత్తంగా 2023లో కన్నుమూసిన సినీ ప్రముఖులు ఎవరో ఇప్పుడు చూద్దాం..

#1 కళా తపస్వి విశ్వనాథ్

కళాతపస్వి కె.విశ్వనాథ్ తెలుగు చిత్ర పరిశ్రమలోనే కాకుండా బాలీవుడ్ ఇండస్ట్రీలో కూడా మర్చిపోలేని సినిమాలను తెరపైకి తీసుకువచ్చారు. స్టార్ హీరోలు కూడా కమర్షియల్ గా ఆలోచించకుండా ఆయనతో సినిమాలు చేయడానికి ఎక్కువగా ఆసక్తిని చూపించేవారు. అటువంటి దిగ్గజ దర్శకుడు ఈ ఏడాది ఫిబ్రవరి 2 న కన్ను మూసారు.

#2 జమున

తెలుగు తెర సత్యభామ గా గుర్తింపు పొందిన సీనియర్ నటి జమున వయోభారం తో ఈ ఏడాది జనవరి 27 న మరణించారు.

#3 నందమూరి తారక రత్న

నందమూరి మూడో తరం నట వారసుడు తారకతర్న గత నెల 27న లోకేశ్ యువగళం పాత్రలో పాల్గొంటూ కుప్పకూలిపోయాడు. ఆ తర్వాత 23 రోజుల పాటు మృత్యువుతో పోరాడి ఫిబ్రవరి 18 న కన్నుమూసారు.

#4 వాణి జయరాం

ప్రముఖ నేపథ్య గాయని వాణీ జయరామ్ అటు దక్షిణాది నాలుగు భాషలతో పాటు హిందీ భాషల్లో తన సుమధుర గానంతో అలరించింది. ఉత్తమ గాయనీగా మూడు జాతీయ అవార్డులు అందుకున్న ఆమె ఫిబ్రవరి 3 న తన స్వగృహం లో మరణించారు.

#5 మయిల్ స్వామి

ప్రముఖ తమిళ హాస్యనటుడు మయిల్ సామి దాదాపు 300 పైగా చిత్రాల్లో వివిధ పాత్రల్లో నటించారు. ఆయన ఫిబ్రవరి 19 న కన్నుమూశారు.

#6 దర్శకుడు సాగర్

రాకాసి లోయ చిత్రంతో డైరెక్టర్‌గా తన సినీ జీవితాన్ని స్టార్ట్ చేసిన సాగర్ .. ఇక ఆ తర్వాత అమ్మదొంగ, స్టూవర్టుపురం దొంగలు, రామసక్కనోడు, ఖైదీ బ్రదర్స్, వంటి సినిమాలను తీశారు. ఆయన ఫిబ్రవరి 2 న మరణించారు.

#7 సునీల్ బాబు

సునీల్ బాబు మలయాళం, తెలుగు, తమిళం మరియు హిందీ చిత్రాలలో ఆర్ట్ డైరెక్టర్‌గా, ప్రొడక్షన్ డిజైనర్‌గా పనిచేశారు . అతను ఆర్ట్ డైరెక్టర్ సాబు సిరిల్ దగ్గర అసిస్టెంట్‌గా తన కెరీర్‌ని ప్రారంభించాడు. ఆయన గుండెపోటు తో జనవరి 6 న మరణించారు. ఈయన ఇటీవల ‘సీతా రామం’ చిత్రానికి ఆర్ట్ డైరెక్టర్ గా పని చేసారు.

#8 డబ్బింగ్ ఆర్టిస్ట్ శ్రీనివాస మూర్తి

ఎన్నో ఏళ్లుగా డబ్బింగ్ రంగంలో తన సేవలను అందించిన డబ్బింగ్ ఆర్టిస్ట్ శ్రీనివాస మూర్తి జనవరి 27 న గుండెపోటు తో మరణించారు. తెలుగులో సూర్య, అజిత్, మోహన్ లాల్, రాజశేఖర్, విక్రమ్ వంటి ఎందరో స్టార్ హీరోలకు ఆయన తెలుగులో డబ్బింగ్ చెప్పారు.

#9 జూడో కేకే రత్నమ్

తమిళం, తెలుగు, హిందీ సహా పలు భారతీయ భాషల్లో కొన్ని వందల చిత్రాలకు స్టంట్ మాస్టర్‌గా పనిచేసిన జూడో రత్నం జనవరి 26న కన్నుమూసారు.