Filmy Adda

సూపర్ స్టార్ మహేష్ బాబు హీరోగా నటించిన సర్కారు వారి పాట సినిమా విడుదలైనది. అలానే అమెజాన్ ప్రైమ్ లో కూడా ఈ సినిమా వచ్చింది. ఇక ఇప్పుడు మరో సినిమా తో మహేష్ బాబు బిజీగా వున్నాడు. మహేష్ బాబు ఈ సినిమాకి సంబంధించి షూటింగ్ మొదలు అయ్యి పోయింది.

ఈ సినిమాకి త్రివిక్రమ్ శ్రీనివాస్ దర్శకత్వం వహిస్తున్నారు. ఇందులో పూజా హెగ్డే హీరోయిన్ గా నటిస్తున్నారు. అతడు, ఖలేజా తర్వాత మహేష్ బాబు, త్రివిక్రమ్ శ్రీనివాస్ కలిసి చేస్తున్న సినిమా ఇదే.

అలాగే మహేష్ బాబు, పూజా హెగ్డే కలిసి అంతకు ముందు మహర్షి సినిమాలో నటించారు. ఈ సినిమా కి తమన్ సంగీత దర్శకత్వం వహిస్తున్నారు. ఇందులో ఎంతో మంది ప్రముఖ నటీ నటులు ముఖ్య పాత్రల్లో నటిస్తున్నారు అనే వార్తలు వినిపిస్తున్నాయి ఈ సినిమా వచ్చే సంవత్సరం ఏప్రిల్ 28 వ తేదీన విడుదల అవుతుంది.

SSMB28 పేరు తో ఇప్పటికే ఫస్ట్ షెడ్యూల్ షూటింగ్ పూర్తి అయ్యి పోయింది. ఎప్పుడో అయ్యిపోవాలి కానీ హీరోయిన్ పూజ హెగ్డే కాలికి గాయమవడం తో షూటింగ్ ని పోస్ట్ పోన్ చేసినట్టు తెలుస్తోంది. మహేష్ కూడా ఈలోగా ఫిట్ నెస్ మీద దృష్టి పెట్టాడు. ఈ నేపథ్యంలో మహేష్ జిమ్ లో వున్నా పిక్ వైరల్ అవుతోంది. లుక్ చూసిన ఫ్యాన్స్ గ్రీక్ గాడ్ అని మహేష్ ని పొగుడుతున్నారు.

రౌడీ స్టార్ విజయ్ దేవరకొండ కెరీర్ ఒడిదుడుకుల ప్రయాణంగా సాగుతోంది. హీరోగా ఓ రేంజ్ క్రేజ్ కూడగట్టుకున్న ఈ హీరో.. సరైన హిట్ పట్టలేకపోతున్నాడు. అర్జున్ రెడ్డి , గీతాగోవిందం తర్వాత అలా చెప్పుకోదగిన సినిమానే ఆయన ఖాతాలో పడలేదు. ఇంతలో డాషింగ్ డైరెక్టర్ పూరి జగన్నాథ్ రంగంలోకి దిగి లైగర్ సినిమాను రూపొందించడంతో ఈ సినిమా సక్సెస్ ఊహించని విధంగా ఉంటుందని విజయ్ దేవరకొండ ఫ్యాన్స్ అనుకున్నారు. కానీ సీన్ రివర్స్ అయింది. విడుదల తర్వాత లైగర్ ఊహించని పరాజయం మూటగట్టుకుంది.

దీంతో విజయ్ దేవరకొండను హ్యాండిల్ చేసేందుకు డైరెక్టర్ హరీశ్ శంకర్ రంగంలోకి దిగుతున్నారని.. ఈ ఇద్దరి కాంబోలో ఓ సినిమా ప్లాన్ చేస్తున్నారని చెప్పుకుంటున్నారు. ఇప్పటికే పవన్ కళ్యాణ్ తో భవదీయుడు భగత్ సింగ్ సినిమా చేసేందుకు కమిట్ అయిన హరీశ్ శంకర్ ఆయన డేట్స్ కోసం వెయిట్ చేస్తున్నారు. ప్రస్తుతం పవన్ తన సినిమాలతో పాటు రాజకీయంగా ఫుల్ బిజీ అయ్యారు. ఈ క్రమంలోనే దిల్ రాజు చొరవతో హరీష్ శంకర్- విజయ్ దేవరకొండ మీట్ జరిగిందని సమాచారం.

ఈ ఇద్దరి కాంబోలో సినిమా కోసం చర్చలు నడిచాయని.. దాదాపు ఇద్దరూ ఓకే అయ్యారనే టాక్ నడుస్తోంది. త్వరలోనే ఈ కాంబినేషన్ సెట్స్ పైకి వచ్చే అవకాశాలు పుష్కలంగా ఉన్నాయని అంటున్నారు. ఇదే నిజమైతే రౌడీ ఫ్యాన్స్ పండగ చేసుకోవచ్చు.

కానీ అసలు విషయం ఏంటంటే..?ఇప్పటివరకు విజయ్ దేవరకొండకి హరీష్ కథ చెప్పలేదట. కథ చెప్పడానికి కొంత సమయం అడిగారట హరీష్ శంకర్. వారం లేదా పది రోజుల్లో ఒక మీటింగ్ ఉంటుందని సమాచారం. ఆ తరువాత ఈ కాంబో సెట్ అవుతుందో లేదో క్లారిటీ వచ్చేస్తుంది.

ఒకవేళ విజయ్ కి గనుక కథ నచ్చితే.. మైత్రి మూవీ మేకర్స్ బ్యానర్ లో సినిమాను తెరకెక్కించే ఛాన్స్ ఉంది. ఎందుకంటే ఇప్పటికే హరీష్ శంకర్.. మైత్రి సంస్థ దగ్గర అడ్వాన్స్ తీసుకున్నారు. అలానే ఈ సినిమాలో ‘జనగణమన’ నిర్మాతలు కూడా భాగమవుతారని తెలుస్తోంది.

పవన్ కళ్యాణ్ తో హరీష్ చేయాల్సిన ‘భవదీయుడు భగత్ సింగ్’ సినిమా ఆగిపోయింది. దీంతో హరీశ్ శంకర్ ఇతర హీరోల వైపు చూస్తున్నాడు. ఇందులో భాగంగా ఇప్పటికే రామ్ పోతినేనికి ఓ కథ వినిపించి గ్రీన్ సిగ్నల్ అందుకున్న ఈ దర్శకుడు, ఇప్పుడు విజయ్ దేవరకొండపై కూడా ఫోకస్ పెట్టాడు.

‘ఆర్ ఆర్ ఆర్’ తర్వాత రామ్ చరణ్ శంకర్ దర్శకత్వంలో ‘ఆర్‌సీ15’ ప్రాజెక్ట్‌లో నటిస్తున్నాడు. దాని తర్వాత గౌతమ్ తిన్ననూరి తో సినిమా ఉండేది.. కానీ ఆ చిత్రం ఆగిపోయినట్లు రాంచరణ్ టీం ప్రకటించింది. దీంతో రామ్ చరణ్ తదుపరి సినిమా ఏంటి.. అని అభిమానుల్లో చర్చలు మొదలయ్యాయి. ఈ నేపథ్యం లో రామ్ చరణ్‌ నెక్ట్స్ ప్రాజెక్ట్‌ గురించి క్రేజీ అప్‌డేట్ వెలుగులోకి వచ్చింది.

కళ్యాణ్ రామ్ హీరోగా నటించిన ‘బింబిసార’ మూవీ ఈ ఏడాది విడుదలై.. బ్లాక్ బాస్టర్‌ హిట్‌గా నిలిచింది. దీనికి వశిష్ట దర్శకత్వం వహించారు. బింబిసార మూవీతో వశిష్ట క్రేజీ డైరెక్టర్లలో ఒకడిగా మారిపోయాడు. మూవీని వశిష్ట ట్యాకిల్ చేసిన తీరుపై పెద్ద ఎత్తున ప్రశంసలు లభించాయి. దాంతో టాలీవుడ్‌లోని క్రేజీ డైరెక్టర్ల జాబితాలో చేరిపోయిన వశిష్ట.. ఇటీవల రామ్ చరణ్‌కి ఓ స్టోరీ లైన్ చెప్పాడట. అది నచ్చడంతో పూర్తి స్క్రిప్ట్‌ని సిద్ధం చేయాలని సూచించినట్లు టాలీవుడ్‌లో టాక్ వినిపిస్తోంది.

వశిష్టకి ‘బింబిసార’ ఫస్ట్ మూవీనే. మరోవైపు రామ్ చరణ్ ‘ఆర్ఆర్ఆర్’ సినిమాతో పాన్ ఇండియా హీరోగా ఎదిగిపోయాడు. ఈ నేపథ్యంలో ఇద్దరి మధ్య సినిమా అనగానే అందరూ ఆశ్చర్యపోతున్నారు. శంకర్ సినిమా తర్వాత రామ్ చరణ్ ఓ ఫాంటసీ డ్రామా చేయాలని భావిస్తున్నట్లు తెలుస్తోంది. దాంతో వశిష్ట చెప్పిన ఫాంటసీ డ్రామా లైన్ నచ్చడంతో గ్రీన్ సిగ్నల్ ఇచ్చినట్లు తెలుస్తోంది.

రామ్ చరణ్‌కి ఇటీవల ‘ఉప్పెన’ డైరెక్టర్ బుచ్చిబాబు కథ చెప్పాడు. అలానే సీనియర్ డైరెక్టర్ సుకుమార్ కూడా రామ్ చరణ్‌తో సినిమా కోసం స్టోరీని సిద్ధం చేసినట్లు వార్తలు వస్తున్నాయి. మరి ‘ఆర్‌సీ 16’ ని రామ్ చరణ్‌ ఏ డైరెక్టర్‌కి ఛాన్స్ ఇస్తాడో చూడాలి.

ఈ మధ్య కాలంలో క్రేజ్‌ ఉన్న ప్రాజెక్టులను కరెక్ట్ గా పరిశీలిస్తే ఎక్కడో ఒకచోట మలయాళం టచ్‌ కనిపిస్తుంది. ప్రతిభ ఉన్నవాళ్ళకి టాలీవుడ్ ఎప్పుడు పెద్ద పీట వేస్తూనే ఉంటుంది. అందుకే ఈ మధ్య మలయాళీ మెరుపులు ఎక్కువగా కనిపిస్తున్నాయి.

అంతే కాకుండా..మాలీవుడ్‌ హీరోలు చేసిన తెలుగు సినిమాల మీద మనవాళ్లు స్పెషల్‌ అటెన్షన్‌ పెడుతున్నారు. ఫీమేల్‌ ఓరియంటెడ్‌ సినిమా అయినా, కథలో బలం ఉన్న సబ్జెక్ట్ అయినా, సినిమాకు ప్యాన్‌ ఇండియా అప్పీల్‌ కావాలనుకుంటున్న ప్రతి సారీ మేకర్స్ మలయాళ హీరోల మీద కాన్‌సెన్‌ట్రేట్‌ చేస్తున్నారు. ఇప్పుడు ఆలా తెలుగు తెరపై అలరించిన మలయాళీ హీరోలు ఎవరో చూద్దాం..

#1 మమ్ముట్టి

విశ్వనాథ్ దర్శకత్వం వహించిన ‘స్వాతి కిరణం’ చిత్రం తో మలయాళ స్టార్ హీరో మమ్ముట్టి తెలుగులోకి అడుగు పెట్టారు. ఆ తర్వాత ఇటీవల వైఎస్ రాజశేఖర్ రెడ్డి పాదయాత్ర నేపథ్యం లో వచ్చిన ‘యాత్ర’ చిత్రం లో కూడా ఆయన నటించారు.

#2 మోహన్ లాల్

మలయాళం లోని మరో స్టార్ హీరో మోహన్ లాల్ కూడా తెలుగులో జూనియర్ ఎన్టీఆర్ చిత్రం ‘జనతా గ్యారేజ్’ చిత్రం లో ఒక కీలక పాత్రలో నటించారు. అంతే కాకుండా 1994 లో వచ్చిన గాడీవం చిత్రం లో కూడా అతిధి పాత్రలో మెరిశారు మోహన్ లాల్.

#3 దుల్కర్ సల్మాన్

ఇప్పుడు ఎక్కడ చూసినా అందరి నోటా ఒకటే మాట. ‘సీతారామం’ సినిమాను మళ్లీ మళ్లీ చూస్తున్నాం అని. రామ్‌గా దుల్కర్‌ సల్మాన్‌ యాక్టింగ్‌కి ఫిదా అయిపోయారు జనాలు. దుల్కర్‌కి తెలుగులో ఇదేం ఫస్ట్ స్ట్రయిట్‌ సినిమా కాదు. ఆల్రెడీ మహానటి చేశారు. ఇప్పుడు సీతారామం తో మరోసారి తెలుగు ఆడియన్స్ ని ఫిదా చేశారు.

#4 ఫాహద్‌ ఫాజిల్‌

విలన్‌గా తెలుగులో సాలిడ్‌ ఎంట్రీ ఇచ్చారు ఫాహద్‌ ఫాజిల్‌. పార్టీ లేదా పుష్పా అని ఆయన సినిమాలో బన్నీని అడిగినా, ఆయన పెర్ఫార్మెన్స్ కి ఫిదా అయిన వారు మాత్రం పార్టీ లేదా ఫాహద్‌ అని అడుగుతున్నారు. తెలుగులో పుష్ప, తమిళ్‌లో విక్రమ్‌, మలయాళంలో హీరోగా చేసిన సినిమాలు అంటూ బ్యాక్‌ టు బ్యాక్‌ హిట్లున్నాయి ఫాహద్‌ ఖాతాలో.

#5 దేవ్ మోహన్

‘శాకుంతలం’ సినిమాలో శకుంతలగా సమంతకు ఎంత క్రేజ్‌ ఉందో, అంతకు మించి వైరల్‌ అయింది దేవ్‌ మోహన్‌ పేరు. మలయాళంలో దేవ్‌ ఫిల్మోగ్రఫీ కూడా పెద్దదేం కాదు. కానీ దుష్యంతుడి కేరక్టర్‌కి పక్కాగా సెట్‌ అవుతారని సెలక్ట్ చేసుకున్నారు డైరక్టర్‌ గుణశేఖర్‌.

#6 ఉన్ని ముకుందన్

యశోదలోనూ మలయాళ హీరోతోనే జోడీ కడుతున్నారు సమంత. న్యూ ఏజ్‌ యాక్షన్‌ థ్రిల్లర్‌గా తెరకెక్కుతోంది యశోద. రీసెంట్‌గా రిలీజైన టీజర్‌కి మంచి స్పందన వస్తోంది. యశోదలో డాక్టర్‌గా కనిపిస్తున్నారు ఉన్నిముకుందన్‌. గతంలో స్ట్రెయిట్‌ తెలుగు సినిమాలు చేశారు ఉన్నిముకుందన్‌.

#7 పృథ్విరాజ్‌

లూసిఫర్‌ రీమేక్‌, బ్రో డాడీ, రీసెంట్‌గా జనగణమన అంటూ హిట్ల మీద హిట్లు కొడుతున్నారు పృథ్వి రాజ్. సాలిడ్‌ కంటెంట్ తో జనాలను అట్రాక్ట్ చేస్తున్నారు పృథ్విరాజ్‌. అందుకే ఆయన్ని సలార్‌లో కీ రోల్‌కి తీసుకున్నారు ప్రశాంత్‌ నీల్‌.

#8 రోషన్ మాథ్యూ

నాచురల్ స్టార్ నాని తదుపరి సినిమా దసరా చిత్రంలో రోషన్ ప్రతినాయకుడిగా నటిస్తున్నారు.

వీళ్ళే కాకుండా రెహమాన్, అజ్మల్ అమీర్, కళాభవన్ మణి, రఘువరన్, బిజూ మీనన్ వంటి నటులు సహాయ నటులు, ప్రతినాయక పాత్రల్లో కనిపించి తెలుగు ప్రేక్షకులను అలరించారు.

RRR సినిమా పాన్ ఇండియా రిలీజ్ అయ్యింది. దేశం మొత్తం ఈ సినిమా గురించి చర్చ జరుగుతూనే వుంది. ఈ సినిమాలో రామ్ చరణ్, జూనియర్ ఎన్టీఆర్ కలిసి నటించారు. ఈ సినిమాతో ఆలియా భట్ తెలుగు ఇండస్ట్రీ లోకి అడుగు పెట్టింది. RRR సినిమాలో ఆలియా భట్ చక్కగా నటించింది.

అలానే ఈ మధ్య అలియా గంగూబాయ్ కథియావాడి, ఆర్.ఆర్.ఆర్, బ్రహ్మాస్త్రం చిత్రాలతో ఆడియన్స్ ని అలరించింది. అలియా మరియు రణ్ బీర్ 2014 నుండీ కూడా లవ్ లో వున్నారు.

తరవాత డేటింగ్.. ఫైనల్ గా వీరిద్దరూ ఇప్పుడు ఓ పాప కి తల్లిదండ్రులు అయ్యారు. ఈ ఏడాది ఏప్రిల్ నెలలో ఆలియా, రణ్ బీర్ పెళ్లి చేసుకోవడం.. ఓ బిడ్డకి జన్మనివ్వడం కూడా చూసాం. ఆలియా ఆడపిల్లకి జన్మనిచ్చింది. ఆ విషయాన్ని ఎంతో ఆనందంగా అలియా దంపతులు షేర్ చేసారు. పైగా ఇరు కుటుంబాలు కూడా ఆడబిడ్డ పుట్టడంతో ఆనందంలో వున్నారు. అయితే తాజాగా ఈ విషయాన్ని షేర్ చేస్తూ ఒక వీడియో ని పోస్ట్ చేసింది ఈ భామ.

ఆసుపత్రి లో తన పాపని ముద్దాడుతున్న వీడియో ఒకటి సోషల్ మీడియా లో షికార్లు కొడుతోంది. ఈ పాప చాలా చక్కగా వుంది. అయితే వీడియో పక్కా ఫేక్. ఈ వీడియో మార్ఫింగ్ జరిగింది. ఈ వీడియో మాత్రం ఇప్పుడు విపరీతంగా వైరల్ అవుతోంది. నెటిజన్లు కామెంట్లు కూడా చేస్తున్నారు.

Congratulations 🥳 alia so cute baby girl ❣️❣️❣️🥰🥰🥰🥰 pic.twitter.com/kpYSt1Qfs4

— Drx.monikachoudhary (@monikac60799851) November 7, 2022

చాలా గ్యాప్ తర్వాత సమంత ఫుల్ లెంగ్త్ సినిమాతో రాబోతుంది. ‘యశోద’ అనే లేడీ ఓరియెంటెడ్ సినిమాతో ప్రేక్షకుల ముందుకి రానుంది. తమిళ డైరెక్టర్స్ హరి-హరీష్ దర్శకత్వంలో సమంత మెయిన్ లీడ్ లో శ్రీదేవి మూవీస్ బ్యానర్ పై శివలెంక కృష్ణప్రసాద్ యశోద సినిమాని తెరకెక్కించారు. యశోద సినిమా పాన్ ఇండియా వైడ్ నవంబర్ 11న విడుదల కానుంది.

ఇటీవల తన అనారోగ్యం గురించి ప్రకటించిన సమంత కూడా యశోద ప్రమోషన్స్ లో చురుగ్గా పాల్గొంటుంది. ఇందులో భాగంగా ఇటీవల కొన్ని ఇంటర్వ్యూలు ఇచ్చింది. తాజాగా యశోద సినిమాపై స్పెషల్ ట్వీట్ చేసింది సమంత.

తన ఫోటో ఒకటి షేర్ చేసి.. ”చాలా భయంగా, ఆతృతగా ఉంది. యశోద రిలీజ్ అవ్వడానికి ఒక్క రోజే సమయం ఉంది. మీ అందరికి యశోద నచ్చుతుందని ఆశిస్తున్నాను. మా డైరెక్టర్స్, ప్రొడ్యూసర్స్, చిత్ర యూనిట్ అందరికి మంచి జరుగుతుంది. అందరం రేపు మీరిచ్చే ఫలితం కోసం ఎదురుచూస్తున్నాం.” అని పోస్ట్ చేసింది. దీంతో సమంత చేసిన ఈ ట్వీట్ వైరల్ గా మారింది.

ఈ మూవీ.. సమంత ఇంతకు ముందు చేసిన ఫిమేల్ ఓరియెంటెడ్ ఫిల్మ్స్‌కు డిఫరెంట్ అని చెప్పాలి. ఇందులో యాక్షన్ పార్ట్ కూడా ఉంది. హాలీవుడ్ యాక్షన్ డైరెక్టర్ యానిక్ బెన్‌తో యాక్షన్ సీక్వెన్స్ తెరకెక్కించారు.

ఈ యాక్షన్ థ్రిల్లర్‌‌లో సమంతతో పాటు ఉన్ని ముకుందన్, వరలక్ష్మి శరత్‌కుమార్, రావు రమేష్‌లు కీలక పాత్రల్లో కనిపించనున్నారు. శ్రీదేవి మూవీస్ పతాకంపై శివలెంక కృష్ణ ప్రసాద్ నిర్మించారు. ఈ చిత్రానికి మణిశర్మ సంగీతం అందించారు.

ఆర్ ఆర్ ఆర్ సక్సెస్ తర్వాత యంగ్ టైగర్ ఎన్టీఆర్ పాన్ ఇండియా స్టార్ అయిపోయారు. ఈ నేపథ్యం తారక్ వరుస ప్రాజెక్టులకు సైన్ చేసారు. కొరటాల శివ డైరెక్షన్ లో ఎన్టీఆర్ 30 వస్తున్న సినిమా వస్తున్న విషయం తెలిసిందే. దర్శకుడు కొరటాల శివతో ఒక బిగ్గెస్ట్ మాస్ ప్రాజెక్ట్ ని చేయబోతున్నాడు ఎన్టీఆర్.

కొరటాల స్నేహితుడు మిక్కిలినేని సుధాకర్ ఈ చిత్రాన్ని తన యువ సుధా ఆర్ట్స్ బ్యానర్ పై నిర్మించబోతున్నాడు. ఎన్టీఆర్ ఆర్ట్స్ బ్యానర్ పై కళ్యాణ్ రామ్ ఈ చిత్రానికి సమర్పకులుగా వ్యవహరించబోతున్నారు. అయితే ఈ ప్రాజెక్టు అనౌన్స్ చేసి 5 నెలలు పూర్తి కావస్తున్నప్పటికీ ఇంకా ఈ రెగ్యులర్ షూటింగ్ మొదలుకాలేదు. ఈ చిత్రం సెట్స్ పైకి వెళ్ళడానికి రోజురోజుకు చాలా ఆలస్యం అవుతున్న విషయం తెలిసిందే. ఇందుకు చాలా కారణాలు ఉన్నాయి.

ఆచార్య ప్లాప్ నేపథ్యం లో ఈ సినిమా స్క్రిప్ట్ పకడ్బందీగా ఉండేలా ప్లాన్ చేస్తున్నారట కొరటాల శివ. అంతే కాకుండా ఈ ప్రాజెక్ట్ ను పాన్ ఇండియా లెవెల్లో స్టార్ట్ చేయడంతో కాస్టింగ్ సెలక్షన్ విషయంలో ఎక్కువ టైం తీసుకోవాల్సి వస్తుందట. కన్నడ నుండి నటి రుషికా రాజ్ తో పటు ఒక యంగ్ హీరోని, అలాగే మలయాళం నుండీ అపర్ణ బాలమురళిని తీసుకోవాలని భావిస్తున్నారు. దీంతో కాస్టింగ్ విషయం కారణంగానే ఈ చిత్రం ఇంకా సెట్స్ పైకి వెళ్లలేదని తెలుస్తోంది.

ఎన్టీఆర్ బర్త్ డే కానుకగా వచ్చిన ఒక మాస్ మోషన్ పోస్టర్ గ్లింప్స్ అందర్నీ ఆకట్టుకుంది. ఎన్టీఆర్ అభిమానుల్లో ఈ సినిమాపై ఓ రేంజ్ లో హైప్ ని ఇచ్చింది. దీంతో ఈ సినిమా ఎప్పుడెప్పుడు విడుదల అవుతుందా అని నందమూరి ఫ్యాన్స్ ఆసక్తిగా ఎదురు చూస్తున్నారు.