Filmy Adda

ఏ ఇండస్ట్రీలో అయినా సరే రీమేక్ అనేది ఒక ట్రెండ్ అయిపోయింది. మన సినిమాలని వేరే భాషల్లో రీమేక్ చేస్తున్నారు. వేరే ఇండస్ట్రీ సినిమాలని కూడా తెలుగులోకి రీమేక్ చేస్తున్నారు. అయితే చాలా వరకు సినిమాలు తమ భాషలతో పాటు తెలుగులో కూడా విడుదల అవుతున్నాయి. కొన్ని మాత్రం అవ్వట్లేదు. అలాంటి సినిమాలని రీమేక్ చేస్తున్నారు.

అయితే ఇంకొక విషయం ఏమిటంటే ఏ భాషలో నుండి అయితే రీమేక్ చేశారో అదే భాషలో ఆ సినిమాలు విడుదల అవుతున్నాయి. లేదా ఒక సినిమాని డబ్ చేసి విడుదల చేసిన తర్వాత, ఆ సినిమాని రీమేక్ చేయడం కూడా జరుగుతోంది. అలా రీమేక్ చేసిన భాషలోనే విడుదల అయిన సినిమాలు ఏవో ఇప్పుడు చూద్దాం.

#1 నాగవల్లి – రాజా విజయ రాజేంద్ర బహద్దూర్

కన్నడలో విష్ణువర్ధన్ నటించిన ఇదే సినిమాని తెలుగులో వెంకటేష్ హీరోగా నాగవల్లి పేరుతో రీమేక్ చేశారు. కానీ మళ్ళీ కన్నడ సినిమాని కూడా తెలుగులో డబ్ చేశారు.

#2 ఏ మాయ చేసావే – ఎందుకిలా చేసావే

ఈ సినిమా తెలుగుతో పాటు తమిళంలో కూడా రూపొందింది. కానీ తమిళ్ సినిమా ఎండింగ్ మాత్రం తెలుగు సినిమాతో పోలిస్తే కొంచెం డిఫరెంట్ గా ఉంటుంది. ఈ సినిమాను యూట్యూబ్ లో విడుదల చేశారు.

https://www.youtube.com/watch?v=UeBH-Fl2khI

#3 గద్దల కొండ గణేష్ – చిక్కడు దొరకడు

హరీష్ శంకర్ దర్శకత్వంలో వరుణ్ తేజ్ హీరోగా నటించిన గద్దల కొండ గణేష్ సినిమా తమిళ్ లో సూపర్ హిట్ అయిన జిగర్ తండా సినిమా రీమేక్. ఈ సినిమాని తెలుగులో చిక్కడు దొరకడు పేరుతో డబ్ చేశారు.

#4 ఖైదీ నెంబర్ 150 – కత్తి

తమిళ్ స్టార్ విజయ్ హీరోగా నటించిన ఈ సినిమాని అదే పేరుతో తెలుగులో డబ్ చేశారు. పాటలు కూడా విడుదల చేశారు. కానీ తరువాత ఇదే సినిమాని తెలుగులో చిరంజీవి రీమేక్ చేస్తున్నట్టు ప్రకటించారు. దాంతో ఈ సినిమా తెలుగులో పెద్దగా క్రేజ్ సంపాదించలేదు.

#5 నరసింహ నాయుడు – సింహబలుడు

నందమూరి బాలకృష్ణ హీరోగా నటించిన సూపర్ హిట్ సినిమా నరసింహ నాయుడుని తమిళంలో సింహబలుడు పేరుతో రీమేక్ చేశారు. ఈ సినిమాని తెలుగులో కూడా డబ్ చేశారు. ఇందులో అర్జున్ హీరోగా నటించారు. ఈ సినిమా టీవీ లోకూడా చాలా సార్లు టెలికాస్ట్ అయ్యింది.

#6 గాడ్ ఫాదర్ – లూసిఫర్

మలయాళం సూపర్ స్టార్ మోహన్ లాల్ హీరోగా నటించిన పొలిటికల్ డ్రామా లూసిఫర్ సినిమాని తెలుగులో కూడా అదే పేరుతో డబ్ చేసి విడుదల చేశారు. అయితే ఇదే సినిమాని మళ్లీ మెగాస్టార్ చిరంజీవి రీమేక్ చేశారు. ఇంకొక విషయం ఏంటంటే ఇప్పుడు రీమేక్ గా రూపొందిన గాడ్ ఫాదర్ సినిమా కూడా మలయాళంలో అదే పేరుతో విడుదల అవుతోంది.

https://youtu.be/W9h1hr87fXk

#7 కాటమరాయుడు – వీరుడొక్కడే

తమిళ్ స్టార్ హీరో అజిత్ హీరోగా నటించిన వీరం సినిమాని తెలుగులో వీరుడొక్కడే పేరుతో డబ్ చేశారు. ఇదే సినిమాని ఆ తర్వాత పవన్ కళ్యాణ్ కాటమరాయుడు పేరుతో రీమేక్ చేశారు.

#8 గురు – గురు బ్రహ్మ

వెంకటేష్ హీరోగా సుధా కొంగర దర్శకత్వంలో వచ్చిన సినిమా గురు. ఈ సినిమాని తమిళంలో మాధవన్ తో చేశారు. అదే సినిమాని తెలుగులో గురు బ్రహ్మ పేరుతో డబ్ చేసి విడుదల చేశారు.

https://youtu.be/mkE8yUNsqgY

#9 టెంపర్ – అయోగ్య

జూనియర్ ఎన్టీఆర్ హీరోగా నటించిన టెంపర్ సినిమాని తమిళంలో విశాల్ హీరోగా అయోగ్య పేరుతో రీమేక్ చేశారు. తమిళ్ ఎండింగ్ మార్చారు. ఇదే సినిమాని తెలుగులో ఇదే పేరుతో డబ్ చేసి విడుదల చేశారు.

#10  కృష్ణ – రజిని ఫ్రం రాజమండ్రి

మాస్ మహారాజా రవితేజ హీరోగా నటించిన కృష్ణ సినిమాని కన్నడలో ఉపేంద్ర హీరోగా రీమేక్ చేశారు. ఈ సినిమాని తెలుగులో రజిని ఫ్రం రాజమండ్రి పేరుతో విడుదల చేశారు.

#11 మన్మధుడు – కంత్రి మొగుడు

నాగార్జున హీరోగా నటించిన మన్మధుడు సినిమాని కన్నడలో ఉపేంద్ర రీమేక్ చేశారు. ఈ సినిమా సగం మన్మధుడు సినిమా, సగం గజిని సినిమా కలిపి ఉంటుంది. ఈ సినిమాని తెలుగులో కంత్రి మొగుడు పేరుతో డబ్ చేశారు.

#12 గబ్బర్ సింగ్ – తిమ్మిరి

పవర్ స్టార్ పవన్ కళ్యాణ్ హీరోగా నటించిన గబ్బర్ సింగ్ సినిమా దబాంగ్ సినిమా రీమేక్ అన్న సంగతి తెలిసిందే. ఇదే సినిమాని తమిళంలో శింబు హీరోగా చేసి విడుదల చేశారు. దీన్ని తెలుగులో తిమ్మిరి పేరుతో డబ్ చేసి విడుదల చేశారు.

ఇవి మాత్రమే కాకుండా నువ్వు నాకు నచ్చావ్ సినిమాని నువ్వు నాకు ఇష్టం పేరుతో, ఆనందో బ్రహ్మ సినిమాని పెట్రోమాక్స్ పేరుతో ఇంకా చాలా సినిమాలని రీమేక్ చేసి మళ్లీ ఒరిజినల్ భాషలోనే విడుదల చేశారు.

ఒక ప్రాంతీయ భాషా చిత్రం గురించి దేశమంతా మాట్లాడుకుంది. ఒక తెలుగు సినిమా భారతీయ చలనచిత్ర చరిత్రలో అత్యంత ఖరీదైన చిత్రంగా రికార్డులకెక్కింది. ఓ దర్శకుడు కన్న కల కోసం చిత్ర బృందమంతా కలిసి కొన్ని ఏళ్లపాటు శ్రమించింది.

‘బాహుబలి’ నుంచి ఒక కళ్లు చెదిరే అద్భుతాన్ని ఆశించిన వాళ్ళ నిరాశకి చోటే లేకుండా చేసాడు రాజమౌళి. ఎందుకంటే రాజమౌళి సినిమాల్లో ఎక్కువ భాగం జనాలను ఆకర్షించడానికి కమర్షియల్ అంశాలు ఉంటాయి.

అయినప్పటికీ, కథ చెప్పడం ఎల్లప్పుడూ ఆసక్తికరంగా ఉంటుంది. అయితే జక్కన్న తీసిన ‘మర్యాద రామన్న’, ‘ఈగ’ వంటి సినిమాలను బట్టి అతను ఎలాంటి సినిమాలనైనా సులువుగా తీయగలడని మనం గ్రహించవచ్చు.

అలాగే ‘బాహుబలి’ చూసిన తర్వాత, అతని విజన్‌ మనల్ని ఆశ్చర్యపోయేలా చేస్తుంది. బాహుబలి సినిమా వచ్చాక ఎక్కడైనా ఆ సినిమా టాకే. ఎక్కడెక్కడ వాళ్ళో బాహుబలిని చూసారు. సినిమా అంటే బాహుబలి అన్నట్టు చెప్పుకున్నారు. బాహుబలి చిత్రం సినీ ఇండస్ట్రీలో ఒక ప్రత్యేకమైన స్థానం సంపాదించుకుంది అనే విషయం వేరే చెప్పనవసరం లేదు.

ప్రభాస్ హీరోగా రాజమౌళి డైరెక్షన్ లో వచ్చిన బాహుబలి ది బిగినింగ్ ఈ జూలై 10వ తేదీ తో ఏడు సంవత్సరాలు పూర్తి చేసుకుంది. అప్పటిలో ఈ చిత్రం 1000 కోట్ల రూపాయల కలెక్షన్స్ ను సంపాదించి బాక్సాఫీస్ రికార్డులను బద్దలు కొట్టింది.

ఇప్పటికి కూడా ప్రేక్షకుల కన్నులకు కట్టినట్లుగా ప్రతి సన్నివేశం గుర్తుండి పోయేలా ఉంది ఈ చిత్రం. బాహుబలి చిత్రం తో దర్శకుడు రాజమౌళి మరియు హీరో ప్రభాస్ ప్రపంచం మొత్తంలో మంచి గుర్తింపును సంపాదించుకున్నారు.

అయితే బాహుబలి-3 ఉంటుందన్న దానికి రాజమౌళి ఇంత పెద్ద క్లూ ఇచ్చేసారు. మీరు దీనిని గమనించారా..? బాహుబలి-2 సినిమా అయిపోయిన తర్వాత చిన్న పాప చెప్పిన మాటల్ని విన్నారా..? మహేంద్ర బాహుబలి మాహిష్మతి కి రాజు అవుతాడా అని ఒక పాప ప్రశ్నిస్తుంది. ఏమో శివయ్య మనసులో ఏమనుకుంటున్నారో నాకేం తెలుసు అని తనికెళ్ల భరణి అంటారు. అయితే మరి బాహుబలి 2 లో మూడవ పార్ట్ కి సంబంధించిన క్లూ ఇది అని మనం అనుకోవచ్చు.

Bahubali 2 climax dialogue🤯
may be for #bahubali3 ??? 🤔💥#Prabhas #Bahubali2 #SSrajamouli #RanaDaggubati #AnushkaShetty pic.twitter.com/8bzTIhQuL0

— Vamshi ⚡ (@pradeep_vamshi) May 13, 2022

పాన్ ఇండియా హీరో ప్రభాస్ కు ప్రేక్షకుల్లో ఉన్న ఫ్యాన్ ఫాలోయింగ్ అంతా ఇంతా కాదు. ప్రభాస్ నటించిన ఆదిపురుష్ సినిమా నుంచి తాజాగా విడుదలైన టీజర్ ప్రభాస్ అభిమానులను తీవ్ర స్థాయిలో నిరాశకు గురి చేసింది. ఈ టీజర్ బాహుబలి టీజర్ రేంజ్ లో ఉంటుందని భావించిన ఫ్యాన్స్ అందుకు భిన్నంగా ఉండటంతో ఫీలవుతున్నారు.

బాహుబలి, బాహుబలి2 సినిమాల తర్వాత ప్రభాస్ నటించిన సినిమాలేవీ అంచనాలు అందుకోలేదనే సంగతి తెలిసిందే. సాహో, రాధేశ్యామ్ కథ, కథనంలోని లోపాల వల్ల ఫ్లాప్ అయ్యాయి. కాబట్టి ఖచ్చితంగా ప్రభాస్ కు ఇప్పుడు ఒక హిట్ అవసరం.

కొంత మంది ఈ టీజర్ పూర్తిగా కార్టూన్ షో లాగా ఉందని భావిస్తుంటే మరికొందరు యానిమేషన్ చేసినట్టుగా ఉందని చెప్తున్నారు.ఇక ఒక వర్గం ప్రేక్షకులు అయితే మా ప్రభాస్ ని కావాలనే పాన్ ఇండియా స్టార్ గా వెలగనివ్వకుండా అడ్డుకుంటున్నారు అని గగ్గోలు పెడుతున్నారు. ఆదిపురుష్ సినిమాను మోషన్ క్యాప్చర్ టెక్నాలజీతో తెరకెక్కించకుండా సాధారణంగా తెరకెక్కించి ఉంటే బాగుండేదని కామెంట్లు వ్యక్తమవుతున్నాయి.

అయితే ఈ సినిమాలోని పాత్ర ల విషయం లో కూడా ప్రేక్షకుల్లో అసంతృప్తి ఉంది. సాధారణం గా మనకి రాముడు, రావణాసురుడు ఎలా ఉంటారు అన్న దానిపై ఒక అభిప్రాయం ఉంది. ఎప్పటినుంచో మనం వింటున్న కథల నుంచో చూస్తున్న సినిమాల నుంచో మనం ఒక రూపాన్ని ఊహించుకున్నాం. కానీ ఆదిపురుష్ టీజర్ లో తెల్లగా ఉన్న రాముడు, భయంకరం గా ఉన్న రావణుడిని మనం రిసీవ్ చేసుకోలేకపోతున్నాం.

బాలీవుడ్ లో పరవాలేదు కానీ తెలుగు సినిమా విషయానికి వచ్చేసరికి ప్రభాస్ ఫ్యాన్స్ ఆదిపురుష్ గా ప్రభాస్ ని ఒప్పుకోలేకపోతున్నారు.ఓం రౌత్ దర్శకుడుగా వస్తున్నా ఈ సినిమా మరి జనాలని ఏమాత్రం మెప్పిస్తుందో లేదో సినిమా విడుదలవుతే కానీ తెలియదు.2023 లో వస్తున్న ఈ చిత్రం ఖచ్చితంగా ఫ్లాప్ అవుతుందని ముందే ఊహించేస్తున్నారు నెటిజన్లు. మరో వైపు భారీ అంచనాలు కూడా ఈ టాక్ కు కారణం అవుతున్నాయి.

గాడ్ ఫాదర్’ ప్రమోషన్లలో భాగంగా చిత్ర దర్శకుడు మోహన్ రాజా తాజాగా మీడియాకు ఇంటర్వ్యూ ఇచ్చారు. ఈ ఇంటర్వ్యూలో పలు ఆసక్తికర విషయాలను పాత్రికేయులతో పంచుకున్నారు. ‘లూసిఫర్’లో లేని 10 సర్‌ప్రైజ్‌లను ‘గాడ్ ఫాదర్’లో ప్రేక్షకులు చూస్తారని ఆయన అన్నారు. అందుకే, ఈ సినిమాను మలయాళంలో కూడా విడుదల చేస్తున్నామన్నారు.
ఈ సందర్భంగా ఆయన పలు విషయాలను వెల్లడించారు. ‘హనుమాన్ జంక్షన్’‌తో టాలీవుడ్‌కు పరిచయమైన మోహన్ రాజా.. ఆ తరవాత ఆయన మళ్లీ చేస్తున్న తెలుగు సినిమా ఇదే. మలయాళ ‘లూసిఫర్’ నుంచి కథ మాత్రమే తీసుకున్నామని.. కథనం పూర్తిగా భిన్నంగా ఉంటుందని ఆయన స్పష్టం చేశారు.

“తని ఒరువన్’ నుంచి చరణ్‌తో నాకు పరిచయం ఏర్పడింది. ‘ధృవ-2’ గురించి చర్చలు జరుపుతున్న సమయంలో ‘లూసిఫర్’ ప్రస్తావన వచ్చింది. ఈ సినిమాకి దర్శకుడిగా నా పేరుని ఎన్వీ ప్రసాద్ సూచించారు. చరణ్, చిరంజీవి గారికి నచ్చి.. ఫోన్ చేసి పిలిపించారు. వారిని కలిసే ముందే ‘లూసిఫర్’ చూశాను. అందులో నాకు ఒక కొత్త కోణం దొరికింది. అదే చిరంజీవి గారితో పంచుకున్నాను. ఆ కోణం చిరంజీవి గారికి చాలా నచ్చింది.

కథను మార్చకుండా ఫ్రెష్ స్క్రీన్ ప్లే చేశాను. ‘గాడ్ ఫాదర్’ స్క్రీన్ ప్లే చాలా సర్‌ప్రైజింగ్‌గా ఉంటుంది. ఇందులో హీరోతో పాటు మరో పది పాత్రలు కూడా ప్రేక్షకుల మనసులు గెలుస్తాయి. మలయాళంలో చూడని పది పాత్రలు ఇందులో వేరే రూపంలో ఉంటాయి.

2 గంటల 50 నిమిషాల నిడివి ఉన్న ‘లూసిఫర్’లో మోహన్ లాల్ 50 నిమిషాలు మాత్రమే కనిపిస్తారు. ‘గాడ్ ఫాదర్’లో చిరంజీవి 2 గంటల పాటు కనిపిస్తారు. చిరంజీవి కనిపించని సీన్స్‌లో కూడా ఆయన ప్రజన్స్ ఉంటుంది. దీని ప్రకారం ఎలాంటి మార్పులు చేశామో మీరు అర్థం చేసుకోవచ్చు. అలాగే ‘గాడ్ ఫాదర్’కి నేను రాసుకున్న స్క్రీన్ ప్లే ఎక్కడా నెమ్మదించదు. ‘గాడ్ ఫాదర్’ చిరంజీవి ఇమేజ్‌కి తగ్గ కథ.” అని దర్శకుడు మోహన్ రాజా తెలిపారు.

అయితే దర్శకుడు చెప్పిన ఈ మార్పులు ‘గాడ్ ఫాదర్’ చిత్రానికి ప్లస్ అవుతాయో.. మైనస్ అవుతాయో చూడాలి..

సీరియల్ హీరోయిన్స్ కి దాదాపు సినిమా హీరోయిన్స్ కి ఉన్నంత పాపులారిటీ ఉంది. వారు కూడా సోషల్ మీడియాలో చాలా యాక్టివ్ గా ఉంటారు. అలాగే ఈ మధ్య యూట్యూబ్ ఛానల్ ద్వారా కూడా వారి అభిమానులకి ఇంకా దగ్గర అయ్యారు. వారి పర్సనల్ లైఫ్ లో జరిగే విషయాలను కూడా సోషల్ మీడియా ద్వారా షేర్ చేసుకుంటున్నారు.

అలాగే యూట్యూబ్ లో కూడా వారు రోజూ చేసే పనులు ఎలా ఉంటాయి? సీరియల్ షూటింగ్ టైంలో ఎలా ఉంటారు? అసలు వారి రోజు ఎలా ఉంటుంది? అనే విషయాలను కూడా చెప్తూ ఉంటారు. అయితే ఇటీవల ముగ్గురు సీరియల్ నటులు తాము ప్రెగ్నెంట్ అయినట్టు సోషల్ మీడియా వేదికగా ప్రకటించారు. వారిలో కొంత మంది యూట్యూబ్ ద్వారా ఒక వీడియో రూపంలో ఈ విషయాన్ని చెప్పారు. వారు ఎవరో ఇప్పుడు చూద్దాం.

#1 లాస్య

ప్రముఖ నటి లాస్య కొన్ని సంవత్సరాల క్రితం ఒక బిడ్డకు జన్మనిచ్చారు. ఇప్పుడు మళ్లీ ప్రెగ్నెంట్ కాబోతున్నట్లు లాస్య తన యూట్యూబ్ ఛానల్ ద్వారా ప్రకటించారు. దాంతో నెటిజన్లు లాస్యకి అభినందనలు తెలిపారు.

#2 శ్వేత

శతమానం భవతి సీరియల్ లో హీరోయిన్ గా నటిస్తున్న శ్వేత కూడా తల్లిని కాబోతున్నట్లు ప్రకటించారు. ఇది శ్వేత మొదటి సీరియల్. మొదటి సీరియల్ తోనే ఎంతో గుర్తింపు సంపాదించుకున్నారు. కానీ ప్రస్తుతం గర్భవతిగా ఉన్న కారణంగా సీరియల్ నుంచి శ్వేత దూరం అయ్యారు.

#3 వైష్ణవి

వైష్ణవి సీరియల్ నటి. అలాగే యూట్యూబ్ లో కూడా యాక్టివ్ గా ఉంటారు. కొంతకాలం క్రితం వైష్ణవి పెళ్లి జరిగింది. వైష్ణవి కూడా తాను తల్లి కాబోతున్నట్టు సోషల్ మీడియా ద్వారా ప్రకటించారు.

వీరు మాత్రమే కాకుండా జబర్దస్త్ అలాగే బిగ్ బాస్ ద్వారా గుర్తింపు సంపాదించుకున్న ముక్కు అవినాష్ భార్య అనూజ కూడా తల్లి కాబోతున్నట్టు ప్రకటించారు. వీరందరూ సోషల్ మీడియాలో చాలా యాక్టివ్ గా ఉంటారు కాబట్టి ఈ విషయాలని నెటిజన్లతో షేర్ చేసుకుంటారు. దాంతో వారందరూ వీరికి అభినందనలు తెలుపుతూ ఉంటారు.

చాలా రోజులు ఎదురు చూసిన తర్వాత తమిళ్ సినిమా పొన్నియన్ సెల్వన్ ఇటీవల విడుదల అయ్యింది. సినిమా కల్కి కృష్ణమూర్తి రాసిన పొన్నియన్ సెల్వన్ నవల ఆధారంగా రూపొందింది. ఆ నవలని సినిమాలాగా తీయాలి అని ఎంతోమంది నటులు, దర్శకులు ఎన్నో సంవత్సరాల నుండి ప్రయత్నిస్తున్నారు.

దర్శకుడు మణిరత్నం కూడా చాలా సంవత్సరాల నుండి ఇది సినిమాలాగా తీయాలి అని అనుకున్నారు. ఇప్పుడు దీన్ని ప్రేక్షకుల ముందుకు తీసుకొచ్చారు.

ఈ సినిమా కథతో నడిచే సినిమా. సినిమాలో ఫైటింగ్స్, ఎలివేషన్స్ వీటన్నిటికంటే కూడా కథ బలంగా ఉండడం చాలా ముఖ్యం. అలాంటి సినిమాల్లో ఒక సినిమా ఇది. కథ ఎంత ఒరిజినల్ గా ఉంటే తెరపై అంత బాగా కనిపిస్తుంది. అందుకే మణిరత్నం కథలో అసలు మార్పులు చేయలేదు. నవలలో ఎలా ఉంటే అలాగే తెరపై చూపించారు.

పర్ఫామెన్స్ విషయానికి వస్తే, సినిమా మొత్తం చాలా పెద్ద పెద్ద నటులు ఉన్నారు. చిన్న పాత్రలు అయినా సరే ఆ పాత్రల కోసం చాలా గుర్తింపు ఉన్న నటులని తీసుకున్నారు. వారందరూ తమ పాత్రల పరిధి మేరకు బాగా నటించారు. విక్రమ్, కార్తీ పాత్రలు. ఒక రకంగా చెప్పాలంటే ఫస్ట్ హాఫ్ మొత్తం కార్తీ తప్ప మిగిలిన ఎవరూ కనిపించరు. అంత బాగా నటించారు. హీరోయిన్లు త్రిష, ఐశ్వర్య రాయ్ చూడడానికి బాగున్నారు. నటన పరంగా కూడా పాత్రకి తగ్గట్టుగా నటించారు.

పైగా హీరోయిన్స్ కాస్ట్యూమ్స్ కూడా చాలా బాగున్నాయి. ఈ సినిమాలో త్రిష అయితే చోళా దేశపు రాజకుమారి కుందవై పాత్రలో నటించారు. త్రిష కచ్చితంగా నా పాత్ర మీ అందరికీ నచ్చుతుందన్నారు. అలానే ఈ పాత్ర పై ఎక్కువ కేరింగ్ పెట్టారని ఆమె అన్నారు. కాస్ట్యూమ్స్ విషయంలో మణిరత్నం ఎంతో జాగ్రత్తగా పడ్డారని చెప్పారు. నిజంగా నగలు మంచి లుక్ ని తీసుకొచ్చాయి. కుందమై పాత్ర లో వేసుకున్న నగలు నిజమైనవేనట. కొన్ని సీన్స్ లో అయితే నిజమైన నగలే మణీరత్నం తెప్పించడం జరిగిందని త్రిష అన్నారు.

వయస్సు పెరుగుతున్నాకొద్ది జోష్ కూడా పెరుగుతుంది మెగాస్టార్ చిరంజీవిలో. ముఖ్యంగా రీ ఎంట్రీ త‌ర్వాత మెగాస్టార్‌ ఫుల్ జోరు చూపిస్తున్నారు. ఒకప్పుడు కెరీర్ స్టార్టింగ్ లో స్టార్ గా మారినప్పుడు ఆయనలో ఎంత జోష్ ఉండేదో.. ఇప్పుడుఅది మళ్లీ కనిపిస్తుంది. జోష్‌తో సినిమాలు చేస్తున్నాడు. అప్పట్లో ఆయనకు ఎంతటి బిజీ షెడ్యూల్‌ ఉండేదో.. ఇప్పుడు కూడా అంతే బిజీతో వరుసగా సినిమాలను చేస్తున్నాడు. ఈ క్రమంలోనే మెగాస్టార్ గాడ్‌ఫాద‌ర్‌ గా మారి పవర్ ఫుల్ పొలిటికల్‌ యాక్షన్ కథతో అభిమానుల ముందుకు రాబోతున్నాడు. ఈసినిమా కోసం మెగా ఫ్యాన్స్ ఈగర్ గా వెయిట్ చేస్తున్నారు.

ఇక ఇప్పటికే ఈ సినిమా నుంచి రిలీజ్ అయిన ఫ‌స్ట్‌లుక్ పోస్ట‌ర్ తో పాటు టీజ‌ర్.. ట్రైలర్ వరకూ అన్నింటికి మెగా రెస్పాన్స్ వచ్చింది. గాడ్ ఫాదర్ పై ఆడియన్స్ లో భారీగా అంచనాలు పెరిగాయి. ఈ ప్రమోషన్ వీడియెస్ వాటిని ఇంకా పెంచాయి. మోహన్ రాజా డైరెక్ట్ చేసిన ఈ సినిమాను దసరా సందర్భంగా అక్టోబ‌ర్ 5న రిలీజ్ కాబోతోంది. ఇక దగ్గర పడుతుండటంతో చిరు ప్రమోషన్‌లను జోరు పెంచారు.

ఇక ప్రమోషన్‌లో భాగంగా కొన్ని ఇంటర్వ్యూలు ఇస్తున్నారు మెగాస్టార్. ఇందులో సినిమాకు సంబంధించిన చాలా విషయాలు పంచుకుంటున్నారు. ఈ క్రమంలోనే తాజాగా ముంబైలో జరిగిన ఓ ప్రెస్‌ మీట్‌లో గాడ్‌ ఫాదర్ సీక్వెల్‌ గురించి మాట్లాడారు చిరంజీవి. గాడ్‌ఫాదర్‌ సీక్వెల్‌ను తెరకెక్కించడానికి అవకాశాలున్నాయిని సీక్రెట్ రివిల్ చేశారు మెగాస్టార్. కానీ, ఖచ్చితంగా సీక్వెల్‌ను రూపొందిస్తామని చెప్పలేదు. ఇక గాడ్‌ఫాదర్ రిజల్ట్‌ను బట్టి సీక్వెల్‌కు ప్లాన్‌ వేస్తారెమో చూడాలి.

గాడ్ ఫాదర్ మూవీని మ‌ల‌యాళంలో సూప‌ర్ హిట్ట‌యిన లూసీఫ‌ర్‌ కు రీమేక్‌గా తెరకెక్కించారు. మలయాళంలో మోహన్ లాల్ పోషించిన పాత్రను తెలుగులో మెగాస్టార్ చేశారు. ఇక కొణిదెల ప్రొడ‌క్ష‌న్స్, సూప‌ర్ గుడ్ ఫిలింస్ సంయుక్తంగా నిర్మించిన ఈ సినిమాలో బాలీవుడ్ కండల వీరుడు స‌ల్మాన్‌ఖాన్ అతిధి పాత్ర‌లో న‌టించ‌గా స‌త్య‌దేవ్ విలన్ గా చేశారు. ఇక న‌య‌న‌తార ఓ కీలక పాత్రలో నటిస్తున్నారు. గాడ్ ఫాదర్ కు ఎస్ఎస్ థ‌మ‌న్ సంగీతాన్ని అందించాడు.