Filmy Adda

కెరియర్ లో ముందుకు వెళ్లాలంటే ఎక్కడో ఒక చోట మొదలు పెట్టాల్సిందే. ఇవాళ ఇండస్ట్రీలో ఎంతో పేరు తెచ్చుకున్న కొంత మంది యాక్టర్స్ కూడా ఏదో ఒక రోల్ తో ఇండస్ట్రీలో అడుగు పెట్టారు. మరి మొదటి సినిమాలో క్రెడిట్ లేని పాత్రలో గానీ సైడ్ రోల్స్ లో కానీ కనిపించి తర్వాత మెల్లగా లీడ్ రోల్ ప్లే చేసే స్థాయికి ఎదిగారు. అలా లీడ్ రోల్స్  చేసే ముందు సైడ్ రోల్స్ లో కనిపించిన కొంతమంది నటులు ఎవరో ఇప్పుడు చూద్దాం.

#1 సాయి పల్లవి

సాయి పల్లవి తమిళ్ లో జయం రవి, కంగనా రనౌత్ హీరో హీరోయిన్లుగా నటించిన  ధామ్ ధూమ్ అనే సినిమాలో ఒక పాత్రలో కనిపిస్తారు. అలాగే కస్తూరిమాన్ అనే సినిమాలో కూడా ఒక పాత్రలో కనిపిస్తారు.

#2 కాజల్ అగర్వాల్

కాజల్ క్యూ హో గయా నా అనే సినిమాలో ఐశ్వర్యరాయ్ ఫ్రెండ్ గా నటించారు.

kajal in kyun ho gaya na

#3 త్రిష

త్రిష జోడి సినిమాలో సిమ్రాన్ ఫ్రెండ్ గా నటించారు.

trisha in jodi

#4 సిద్ధార్థ్

బాయ్స్ సినిమాతో హీరోగా తన కెరీర్ మొదలు పెట్టిన సిద్ధార్థ్ అంతకుముందు మణిరత్నం గారి దర్శకత్వంలో వచ్చిన కన్నతిల్ ముతమిట్టల్ సినిమాలో ఒక పాత్రలో కనిపిస్తారు. ఈ సినిమాని తెలుగులో అమృత పేరుతో డబ్ చేశారు. ఇది అన్ క్రెడిటెడ్ రోల్.

siddharth in amrutha

#5 కార్తీ

తమిళ్ హీరో అయినా కూడా కార్తీకి మన తెలుగులో కూడా చాలా మంచి క్రేజ్ ఉంది. అందుకే కార్తీ నటించిన దాదాపు అన్ని సినిమాలు తెలుగులో కూడా విడుదల అవుతాయి. అయితే కార్తీ అంతకుముందు మణిరత్నం గారి దర్శకత్వంలో వచ్చిన యువ సినిమాలో ఒక పాత్రలో కనిపిస్తారు. సిద్ధార్థ్ కి కుడివైపు కార్తీ ఉంటారు. సిద్ధార్థ్ కి ఎడమ వైపు ఉన్న ఆవిడ సారొస్తారా వంటి ఎన్నో పాటలతో ఎంతో పేరు తెచ్చుకున్న సింగర్ సుచిత్ర.

karthi in yuva

#6 అనసూయ

జబర్దస్త్ షో తో పాటు, ఎన్నో సినిమాల్లో కూడా నటిస్తున్న అనసూయ అంతకు ముందు జూనియర్ ఎన్టీఆర్ హీరోగా నటించిన నాగ సినిమా లో ఒక చిన్న రోల్ లో కనిపిస్తారు.

#7 నవీన్ పోలిశెట్టి

నవీన్ పోలిశెట్టి అంతకుముందు లైఫ్ ఈజ్ బ్యూటిఫుల్, 1-నేనొక్కడినే సినిమాల్లో నటించారు. అలాగే డి ఫర్ దోపిడీ సినిమాలో కూడా నలుగురు హీరోల్లో ఒకరిగా నటించారు.

naveen polishetty in d for dopidi

#8 విజయ్ దేవరకొండ

విజయ్ దేవరకొండ అంతకుముందు రవిబాబు దర్శకత్వంలో వచ్చిన నువ్విలా సినిమాలో, అలాగే లైఫ్ ఈజ్ బ్యూటిఫుల్ సినిమాలో నటించారు.

లైఫ్ ఈజ్ బ్యూటిఫుల్ లో ఈషా రెబ్బ అలాగే తేజస్విని కూడా కనిపిస్తారు.

#9 రవితేజ

రవితేజ సక్సెస్ స్టోరీ గురించి మనందరికీ తెలుసు. కెరియర్ ప్రారంభంలో రవితేజ సీతారామరాజు, క్షేమంగా వెళ్లి లాభంగా రండి తో పాటు ఇంకా కొన్ని సినిమాల్లో సైడ్ రోల్స్ లో నటించారు.

ravi teja in sitaramaraju

#10 విజయ్ సేతుపతి

మన భారతీయ సినిమా ఇండస్ట్రీలో ప్రస్తుతం ఉన్న నటుల్లో బెస్ట్ యాక్టర్స్ లో ఒకరు విజయ్ సేతుపతి. విజయ్ సేతుపతి సీరియల్ లో, అలాగే షార్ట్ ఫిలిమ్స్ లో నటించారు. అంతే కాకుండా నా పేరు శివ తో పాటు, ఇంకా కొన్ని సినిమాల్లో సైడ్ రోల్ లో కూడా నటించారు.

#11 శివ కార్తికేయన్

రెమో, సీమరాజా వంటి సినిమాలతో తెలుగు వారికి కూడా చేరువైన శివ కార్తికేయన్ అంతకుముందు ధనుష్ హీరోగా నటించిన త్రీ సినిమాలో ధనుష్ ఫ్రెండ్ గా నటించారు. శివ కార్తికేయన్ ఇండస్ట్రీలోకి అడుగు పెట్టక ముందు యాంకరింగ్ కూడా చేశారు.

#12 జె డి చక్రవర్తి

హీరోగా పరిచయం అవ్వకముందు జె.డి.చక్రవర్తి శివ సినిమాలో కనిపిస్తారు.

ఇప్పుడు ఉన్న చాలా మంది హీరో, హీరోయిన్లు చైల్డ్ ఆర్టిస్ట్ లుగా కెరీర్ మొదలుపెట్టారు. చిన్నప్పుడే సినిమాల్లోకి వచ్చి, కొన్నాళ్ళు నటించి, ఆ తర్వాత బ్రేక్ తీసుకొని, మళ్ళీ హీరోలుగా, హీరోయిన్లుగా ఎంట్రీలు ఇచ్చారు. అందులో కొంత మంది సినిమా నేపథ్యం ఉన్నవారు అయితే, కొంత మంది మాత్రం సినిమా నేపథ్యం లేని వారు. అలా చిన్నప్పుడే వీళ్ళు తమ సినీ కెరీర్ మొదలు పెట్టి ఉంటారు. ఇప్పుడు కింద ఫోటోలో ఉన్న వ్యక్తి కూడా అలాగే చిన్నప్పుడే సినిమాల్లోకి వచ్చారు. ఆ తర్వాత హీరోగా అడుగుపెట్టి ప్రస్తుతం టాప్ హీరోల్లో ఒకరిగా ఎదిగారు. కింద ఫోటోలో ఉన్నది అబ్బాయి. ఒక సీన్ కోసం లేడీ గెటప్ వేశారు.

అతని ఇప్పుడు చాలా పెద్ద హీరో అయ్యారు. అతను ఎవరో ఈపాటికి మీలో చాలా మందికి అర్థం అయిపోయి ఉంటుంది. ఈ ఫోటోలో ఉన్నది మహేష్ బాబు. మహేష్ బాబు చైల్డ్ ఆర్టిస్ట్ గా చాలా సినిమాల్లో నటించారు అనే సంగతి తెలిసిందే. ఈ సీన్ బాలచంద్రుడు అనే సినిమాలోది. ఈ సినిమాలో ఒక సీన్ కోసం మహేష్ బాబు లేడీ గెటప్ వేశారు. అలా చిన్నప్పుడు చాలా సినిమాల్లో చైల్డ్ ఆర్టిస్ట్ గా నటించారు. తర్వాత రాజకుమారుడు సినిమాతో హీరోగా ఎంట్రీ ఇచ్చారు.

అప్పటి నుండి సినిమాలు చేస్తూ వస్తున్నారు. ఇటీవల గుంటూరు కారం సినిమాతో ప్రేక్షకుల ముందుకి వచ్చిన మహేష్ బాబు, ఇప్పుడు రాజమౌళి సినిమా కోసం స్పెషల్ ట్రైనింగ్ తీసుకుంటున్నారు. ఈ సినిమా ఒక ఫారెస్ట్ అడ్వెంచర్ నేపథ్యంలో రూపొందుతోంది. ఈ సినిమాలో ఇద్దరు విలన్లు ఉంటారు అని సమాచారం. అందులో ఒకరు హాలీవుడ్ కి చెందిన వారు అయితే, ఇంకొకరు ఇండియాకి చెందిన ఒక నటుడు అని వార్త వచ్చింది.

అంతేకాకుండా ఈ సినిమాలో హీరోయిన్లు కూడా ఇద్దరు ఉంటారు అని అంటున్నారు. ఒకరు ఇండియన్ హీరోయిన్, ఇంకొకరు అంతర్జాతీయ హీరోయిన్. ఎం ఎం కీరవాణి గారు ఇప్పటికే ఈ సినిమాకి మ్యూజిక్ పని మొదలుపెట్టారు. సినిమా కథ కూడా అయ్యింది. ప్రస్తుతం ఈ సినిమా పనులు జరుగుతున్నాయి. ఒక ప్రెస్ మీట్ పెట్టి సినిమాలో ఎవరెవరు నటిస్తున్నారు, సినిమాకి ఎవరెవరు పనిచేస్తున్నారు అనే విషయాలని ప్రకటిస్తారు.

ALSO READ : మిడిల్ క్లాస్ అనే కాన్సెప్ట్ ని కరెక్ట్ గా చూపించిన సినిమా ఇదొక్కటే..? ఇలాంటి సినిమా ఎప్పటికీ రాదు..!

సాధారణంగా ఎవరైనా ఒక మనిషి ఒక స్థాయికి వెళ్ళాక వారికి అభిమానులు ఉంటారు. ఆ మనిషి ఇంకా పెద్ద స్థాయికి వెళ్తే వారిని అభిమానించే వారితో పాటు, వారి మీద కామెంట్స్ చేసే వారు కూడా పెరుగుతూ ఉంటారు. ఇందులో ముఖ్యంగా చెప్పుకోవాల్సింది సినిమా రంగానికి చెందిన వాళ్లు.

సినిమా రంగంలో ఎవరైనా సరే ఒక స్థాయికి వెళ్ళాక వారిపై విమర్శలు కూడా పెరుగుతాయి. హీరోల మీద అయితే ఇంకా ఎక్కువగా ఉంటాయి. కోట్లాదిమంది అభిమానులను సంపాదించుకుని, అన్ని విమర్శలు ఎదుర్కొన్న హీరో మెగాస్టార్ చిరంజీవి.

ఆయనకి ఎంత మంది అభిమానులు ఉన్నారో, కొంత మంది విమర్శించే వారు కూడా ఉన్నారు. అందులోనూ ముఖ్యంగా ఆయన ఎలాంటి పని చేసినా కూడా అందులో ఏదో ఒక తప్పు వెతుకుతూ, చిన్నవాటిని భూతద్దంలో పెట్టి చూస్తూ ఉంటారు. సోషల్ మీడియా వచ్చిన తర్వాత చిరంజీవి చేసే ప్రతి పని సోషల్ మీడియాలో ప్రత్యక్షం అవ్వడంతో ఆయన చేసే ప్రతి పనికి ఏదో ఒక వంక పెడుతూనే ఉన్నారు. మిగిలిన హీరోల మీద కామెంట్స్ వచ్చినా కూడా ఇన్ని కామెంట్స్ ఒక్క చిరంజీవి మీద మాత్రమే వస్తాయి.

ఇప్పటికి కూడా వరుసగా సినిమాలు చేస్తూ, తన పని తాను చేసుకుంటూ వెళ్తూ ఉంటారు చిరంజీవి. అసలు ఆయన అలాంటి నటుడు ఉండడం మన ఇండస్ట్రీకి ఒక గొప్ప అదృష్టం. కానీ అలాంటి వ్యక్తి మీద ఇలాంటి కామెంట్స్ ఎందుకు వస్తాయి అనేది మాత్రం తెలియదు. ఈవెంట్స్ లో ఇలా మాట్లాడారు అని, సినిమాల్లో ఇలా అన్నారు అని, బయట ఇలా చేశారు అని, కమర్షియల్ సినిమాలు చేస్తారు అని ఇలా ఏదో ఒక రకంగా చిరంజీవి మీద అయితే ఎప్పుడూ కామెంట్స్ వస్తున్నాయి. ఇంత వయసులో కూడా తన అభిమానులని సంతోషపెట్టడానికి చిరంజీవి ప్రయత్నిస్తూనే ఉన్నారు.

సినిమా ఇండస్ట్రీలో ఆయన చేసిన కృషికి ఫలితంగా పద్మ విభూషణ్ ప్రకటించిన సంగతి తెలిసిందే. ఎంతో మంది ఈ విషయం మీద చిరంజీవికి అభినందనలు తెలిపారు. కానీ కొంత మంది మాత్రం చిరంజీవికి అవార్డ్ రావడం ఏంటి అని అంటున్నారు. అంత కష్టపడి పైకి వచ్చిన వ్యక్తికి ఇలాంటి ఒక గుర్తింపు వస్తే ఎందుకు కామెంట్స్ చేస్తున్నారు. మిగిలిన అందరు నటులకి ఇలాగే జరుగుతుందా అంటే లేదు. కేవలం చిరంజీవి విషయంలో మాత్రమే ఇలా జరుగుతుంది. కానీ ఏదైనా సరే చిరంజీవి మాత్రం తన కృషితోనే పైకి వచ్చారు. ఇంకా పైకి ఎదిగి తెలుగు సినిమాని గర్వించదగ్గ స్థాయిలో నిలబెడతారు.

ALSO READ : “రుద్రవీణ” సినిమా జనాలకి ఎలా అర్ధం అయ్యింది..? ఈ నెటిజెన్ చెప్పిన సమాధానం చూస్తే హ్యాట్సాఫ్ అనాల్సిందే..!

ఎంతో కాలం ఎదురు చూసిన తర్వాత విజయ్ దేవరకొండ హీరోగా నటించిన ఫ్యామిలీ స్టార్ సినిమా ఇవాళ విడుదల అయ్యింది. గోవర్ధన్ అనే ఒక వ్యక్తి చుట్టూ ఈ సినిమా నడుస్తుంది. ఒక మిడిల్ క్లాస్ ఫ్యామిలీ ఎలా ఉంటుందో ఈ సినిమాలో అలా చూపించడానికి ప్రయత్నించారు. సినిమా పాటలు సినిమా విడుదలకి ముందే హిట్ అయ్యాయి. దాంతో సినిమా మీద భారీగా అంచనాలు నెలకొన్నాయి.

సినిమా టీజర్ విడుదల అయిన తర్వాత ఇది సాధారణమైన కమర్షియల్ సినిమా అని కొంత మంది అన్నారు. ట్రైలర్ విడుదల అయిన తర్వాత ఈ కామెంట్స్ మరింత ఎక్కువ అయ్యాయి. అయితే, కమర్షియల్ సినిమా అయినా పర్వాలేదు కానీ ఈ సినిమా టేకింగ్ బాగుంటే హిట్ అయ్యే అవకాశాలు ఉన్నాయి అని అనుకున్నారు. కానీ ఇప్పుడు సినిమా విడుదల అయిన తర్వాత ఈ సినిమాకి మిక్స్డ్ టాక్ వస్తోంది. కొన్ని విషయాల మీద కామెంట్స్ చేస్తున్నారు. ఈ సినిమాకి మైనస్ అయిన విషయాలు ఏవో ఇప్పుడు చూద్దాం.

#1 ముందుగా, ఈ సినిమా డైరెక్టర్ పరశురామ్ పెట్ల, హీరో విజయ్ దేవరకొండ, కాంబినేషన్ లో అంతకుముందు గీతా గోవిందం సినిమా వచ్చింది. సైలెంట్ గా రిలీజ్ అయిన ఆ సినిమా, చాలా పెద్ద హిట్ అయ్యింది. అందులో హీరోని చాలా పద్ధతి అయిన అబ్బాయిలాగా చూపించారు. ఆ టెంప్లేట్ ఉన్న సినిమా హిట్ అవ్వడంతో ఇప్పుడు అదే టెంప్లేట్ మీద మళ్ళీ ఈ సినిమా వచ్చింది. ఒకసారి హిట్ అయితే దాన్ని ఫార్ములా అనుకొని, మళ్లీ అదే కాన్సెప్ట్ మీద సినిమా తీయడం అంటే కష్టమే. గీతా గోవిందం విడుదల అయ్యి ఆరు సంవత్సరాలు అయ్యింది. ఈ గ్యాప్ లో ఆ సినిమాని చాలా మంది చూసేసారు. చాలా ఎక్కువ సార్లు చూశారు. కాబట్టి మళ్ళీ అదే టెంప్లేట్ లో సినిమా అంటే బోరింగ్ గా అనిపిస్తుంది. సీన్స్ కూడా రిపీట్ అయినట్టు అనిపిస్తాయి.

#2 హీరో మిడిల్ క్లాస్ అంటారు. పెట్రోల్ కూడా చాలా పొదుపుగా వాడతాడు. కానీ సొంతిల్లు ఉంటుంది. సొంతింట్లో పైన హీరోకి ఒక సపరేట్ రూమ్ ఉంటుంది. బ్రాండెడ్ బట్టలు వేసుకుంటాడు. తర్వాత ఫారిన్ ట్రిప్ కూడా వెళ్తాడు. అప్పుడు హీరో మిడిల్ క్లాస్ అనే విషయం మర్చిపోతాడు. సినిమాలో హీరో మిడిల్ క్లాస్ అనేది కేవలం ఫస్ట్ హాఫ్ ముందుకి వెళ్లడానికి మాత్రమే ఒక పాయింట్ అంతే. ఆ తర్వాత సినిమా సబ్జెక్ట్ అంతా మారిపోతుంది. మిడిల్ క్లాస్ అంటే పేరుకి మాత్రమే కాదు, ఎమోషన్స్ అనే విషయాలు ఈ సినిమాలో చూపించలేదు.

#3 కొన్ని సీన్స్ రాసుకున్న విధానం అయితే అసలు బాలేదు అంటూ కామెంట్స్ వస్తున్నాయి. హీరో అన్న ఒక తాగుబోతు. బాగా తాగుతూ ఉంటాడు. అందుకు ఒక కారణం చూపిస్తారు. అసలు ఆ కారణం అతను తాగడం అనే విషయానికి న్యాయం చేసేలాగా లేదు. ఏదైనా బలమైన కారణం ఉంటే తప్ప ఒక వ్యక్తి అలాంటి వ్యసనాలకు అలవాటు పడడు. కేవలం ఒకే ఒక్క మాట వల్ల వాళ్ళ అన్న అలా అయిపోయాడు అని చూపించడం అనేది కాస్త సిల్లీగా అనిపిస్తుంది.

ఇలాంటి లాజిక్ లేని సీన్స్ ఇంకా చాలా ఉన్నాయి. అసలు హీరోయిన్ హీరో మీద థీసెస్ రాయడానికి ఎందుకు వస్తుందో, సెంట్రల్ యూనివర్సిటీలో అడ్మిషన్ దొరకడం ఏంటో,మళ్లీ తర్వాత హీరో చేరిన కంపెనీకి సీఈవో తనే అవ్వడం ఏంటో,  చివరిలో హీరో గురించి అందరి ముందు తాను చేసిన రీసెర్చ్ మొత్తం చెప్తే వాళ్ళంతా లేచి చప్పట్లు కొట్టడం ఏంటో, అక్కడ డైలాగ్స్ కూడా అర్థం అయ్యి అవ్వన్నట్టు ఉంటాయి.

#3 చిన్న చిన్న విషయాల మీద కూడా ఈ సినిమాలో కేర్ తీసుకోలేదు అనిపిస్తుంది. మొదటి సీన్ లో హీరో ఒక దోశ వేస్తాడు. అదేదో పేపర్ దోశ అన్నట్టు చూపిస్తారు. కేవలం మూడు చుక్కల పిండితో హీరో దోశ వేస్తాడు. దోశని గ్రాఫిక్స్ లో చూపించారు. నిజమే. ఇలాంటి గ్రాఫిక్స్ ఇప్పటి వరకు ఎక్కడ వాడలేదేమో. దోశని గ్రాఫిక్స్ చేయడం ఏంటో. ఫారిన్ వెళ్ళాక, హీరో లుంగీ కట్టుకొని వెళ్తే, అక్కడ ఫారిన్ వాళ్ళు హీరోని చూసి లుంగీ కట్టుకుంటారు. ఒకే ఆటో నుండి 9 మంది దిగుతారు. వాళ్లు సీరియస్ గా ఇవన్నీ చేస్తున్నా కూడా ఈ సీన్స్ చూసే వాళ్ళందరికీ మాత్రం కామెడీ అనిపిస్తాయి.

#4 సీనియర్ నటి రోహిణి హట్టంగడి, హీరోయిన్ లిప్ మూమెంట్స్ ఒకటి ఉంటే, డబ్బింగ్ వచ్చేది ఒకటి ఉంది. ఇది ఏదో ఒకటి, రెండు చోట్ల వస్తే బానే ఉంటుంది. సినిమా మొత్తం ఇలాగే చాలా చోట్ల జరిగింది. అసలు ఒక పాటలో అయితే హీరోయిన్ లిప్ మూమెంట్ కూడా ఇవ్వదు. కళ్యాణి వచ్చా వచ్చా అనేది డ్యూయెట్ సాంగ్. పక్కనే ఉన్న విజయ్ దేవరకొండ పాట పాడుతూనే ఉంటాడు. కానీ ఫిమేల్ వాయిస్ వస్తున్నా కూడా హీరోయిన్ మాత్రం నోరు కూడా తెరవదు. ఇంకా చాలా చోట్ల ఇలాంటి డబ్బింగ్ ఇబ్బందులు ఉన్నాయి. అది కూడా ఎమోషనల్ సీన్స్ లో హీరోయిన్ మాట్లాడుతుంటే తనకి తెలుగు వచ్చి రాక, అక్కడ ఏం ఎక్స్ప్రెషన్ ఇవ్వాలో అర్థం కాక అలా చూస్తూ ఉండిపోయినట్టు అనిపిస్తాయి.

#5 విజయ్ దేవరకొండ మంచి నటుడు. అందులో సందేహం లేదు. అర్జున్ రెడ్డి లాంటి ఒక సినిమాని ప్రేక్షకుల ముందుకి తీసుకురావడంలో సందీప్ రెడ్డి పాత్ర ఎంత ఉందో, విజయ్ దేవరకొండ పాత్ర కూడా అంతే ఉంది. అసలు విజయ్ దేవరకొండ లేకపోతే అర్జున్ రెడ్డి అనే సినిమాని ఊహించుకోవడం కూడా కష్టంగా ఉంటుంది. కానీ ఇటీవల మాత్రం విజయ్ దేవరకొండ సినిమాల్లో కేవలం విజయ్ దేవరకొండ మాత్రమే కనిపిస్తున్నారు. విజయ్ దేవరకొండ పోషిస్తున్న పాత్రలు కనిపించట్లేదు. పెళ్లిచూపులు సినిమాలో ప్రశాంత్ కనిపించాడు.

అర్జున్ రెడ్డి సినిమాలో అర్జున్ రెడ్డి అనే ఒక వ్యక్తి కనిపించాడు. గీతా గోవిందం సినిమాలో విజయ్ గోవిందం అనే ఒక సాధారణమైన మనిషి కనిపించాడు. కానీ తర్వాత నుండి ప్రతి సినిమాలో విజయ్ దేవరకొండ, విజయ్ దేవరకొండ లాగానే నటిస్తున్నారు. డైలాగ్ డెలివరీ కూడా మారట్లేదు. పాత్రకి తగ్గట్టుగా గెటప్ మార్చుకోవడం మాత్రమే కాకుండా, బాడీ లాంగ్వేజ్ మార్చుకోవడం, డైలాగ్ డెలివరీ కూడా మార్చుకోవడం వంటివి చేస్తే పాత్ర తెర మీద ఇంకా బాగా కనిపిస్తుంది. ఇప్పుడు ఈ సినిమాలో కూడా గోవర్ధన్ అనే పాత్ర కనిపించలేదు. విజయ్ దేవరకొండ మాత్రమే కనిపించారు.

సినిమాలో పొరపాట్లు అనేవి చాలా సహజం. కానీ కొన్ని విషయాల గురించి మాత్రం చర్చలు జరుగుతూ ఉంటాయి. ఇప్పుడు ఈ సినిమాలో ఈ విషయాల గురించి కూడా అలాగే చర్చలు జరుగుతున్నాయి. ప్రస్తుతం అయితే ఈ సినిమా థియేటర్లలో నడుస్తోంది.

ALSO READ : FAMILY STAR REVIEW : “విజయ్ దేవరకొండ” కి సినిమాతో హిట్ పడినట్టేనా..? స్టోరీ, రివ్యూ & రేటింగ్.!

గత కొంత కాలం నుండి మిడిల్ క్లాస్ అనే కాన్సెప్ట్ మీద చాలా సినిమాలు వస్తున్నాయి. పేరుకి మాత్రమే సినిమాలో మిడిల్ క్లాస్. కానీ వాళ్ళు చేసే పనులు కానీ, మిగిలిన ఏ విషయాలు కూడా మిడిల్ క్లాస్ వాళ్ళలాగా ఉండవు. మిడిల్ క్లాస్ అంటే కేవలం బట్టలు, లేదా వాళ్ళు ఉండే ఇల్లు మాత్రమే కాదు. వాళ్ళ ప్రవర్తన విధానం. నిజంగా ఒక మిడిల్ క్లాస్ వాళ్ళు డబ్బుకి ఎంత ప్రాముఖ్యత ఇస్తారు. వాళ్ళు డబ్బులు ఖర్చు పెట్టే విధానం ఎలా ఉంటుంది. వాళ్ళ డబ్బులు ఖర్చు పెట్టే లిమిట్ ఎంత. ఒకవేళ ఎప్పుడైనా సరే కాస్త ఎక్కువ డబ్బులు ఖర్చు అయితే తర్వాత దాన్ని సర్దుబాటు చేయడానికి ఎలాంటి జాగ్రత్తలు తీసుకుంటారు.

ఇవన్నీ కూడా చూపించాలి. మిడిల్ క్లాస్ వాళ్ళు ఉంటే పిసినారులు అని కాదు. పొదుపు చేసే వాళ్ళు అని. ఇద్దరికీ చాలా తేడా ఉంది. మిడిల్ క్లాస్ వాళ్ళకి ఎన్నో కలలు ఉంటాయి. పని వాళ్ళు ఉండే పరిసరాల వల్ల కలలు నెరవేర్చుకోలేకపోతారు. చిన్న వయసు నుండి తల్లిదండ్రులకు సహాయం చేయాలి అని అనుకుంటారు. ఒకవేళ మిడిల్ క్లాస్ కుటుంబంలో పుట్టిన వ్యక్తి బాగా చదువుకోకుండా, ఇతర వ్యాపకాల మీద ఆసక్తి ఉన్నవాడు అయితే అతను వాళ్ళకి ఆవారా అన్నట్టే లెక్క.

ఒకవేళ అతని ఆసక్తిని గమనించినా కూడా, మిడిల్ క్లాస్ వారు కాబట్టి, వారి దగ్గర ఆర్థిక స్తోమత అంత బాగా ఉండదు కాబట్టి, అతని ఆసక్తిని ప్రోత్సహించే స్థాయి కూడా ఉండదు. ఇవన్నీ కూడా సినిమాలో చూపించాలి. అప్పుడే మిడిల్ క్లాస్ వాళ్ళు కనెక్ట్ అవుతారు. ఇప్పటివరకు ఇలాంటివన్నీ చూపించిన సినిమా ఒకటి మాత్రమే. ఆ సినిమా గురించి ఇప్పటికి కూడా చాలా గొప్పగా మాట్లాడుకుంటారు. మెగాస్టార్ చిరంజీవి ఈ సినిమాలో హీరోగా నటించారు. విజేత. ఈ పేరుతో తర్వాత రెండు, మూడు సినిమాలు కూడా వచ్చాయి.

కానీ మెగాస్టార్ చిరంజీవి నటించిన విజేత సినిమా చూసిన వారికి మాత్రం కేవలం చిరంజీవి విజేత మాత్రమే గుర్తొస్తుంది. ఈ సినిమా చూస్తున్నంత సేపు ఏదో తెలియని బాధ. వాళ్ళు ఇబ్బందులు పడుతుంటే మనకే ఆ ఇబ్బందులు వచ్చినంత బాధపడతాం. ఒక సీన్ లో చిరంజీవికి డబ్బులు పోతాయి. ఆ సమయంలో చిరంజీవి పాత్ర పడే వేదన వర్ణాతీతం. దాన్ని తెరపై అంత బాగా చూపించారు. ఒక మిడిల్ క్లాస్ వ్యక్తుల జీవితాలని సినిమా రూపంలో తీయడం ఎలా అనే ప్రస్తావన వస్తే ఈ సినిమా ఒక టెక్స్ట్ బుక్ లాంటిది. ఇలాంటి సినిమా మళ్లీ ఇప్పటివరకు తెలుగులో అయితే రాలేదు. ఎప్పటికీ కూడా రాదు ఏమో.

ALSO READ : అజ్ఞాతవాసి “పవన్ కళ్యాణ్” నుండి… లైగర్ “విజయ్ దేవరకొండ” వరకు… ఇటీవలి కాలంలో ప్రేక్షకులకి చిరాకు తెప్పించిన 10 హీరో పాత్రలు..!

కొన్ని సినిమాలను నిజ జీవితంలో జరిగిన సంఘటనల ఆధారంగా తీస్తుంటారు. ఆ చిత్రాలు సంచలన విజయం సాధించిన సందర్భాలు చాలానే ఉన్నాయి. అలాంటి వాటిలో ‘రోమాంచమ్’ మూవీ కూడా ఒకటి.

హారర్ కామెడీ మూవీగా మలయాళంలో తెరకెక్కిన ఈ చిన్న సినిమా ఘన విజయం సాధించింది. రీసెంట్ గా ఓటీటీలో తెలుగు డబ్బింగ్ తో విడుదల చేశారు. హారర్ కామెడీ జోనర్ లో ఇప్పటివరకు చాలా చిత్రాలు వచ్చాయి.

అలా వచ్చిన చాలా చిన్న సినిమాలు బ్లాక్ బస్టర్ హిట్ అయ్యాయి. అయితే ‘రోమాంచమ్’ సినిమా రియల్ లైఫ్ లో జరిగిన ఘటనల ఆధారంగా తీశారని టాక్. మరి ఆ వివరాలు ఏమిటో ఇప్పుడు చూద్దాం..ఇటీవల మలయాళంలో రిలీజ్ అయిన ‘రోమాంచమ్’  సినిమా థియేటర్లకు ఆడియెన్స్ పరుగులు పెట్టేలా చేసింది. ఈ చిత్ర దర్శకుడు సినిమా నిజమైన సంఘటనల ఆధారంగా తీసినట్లు చెప్పారు.  ఏడుగురు బ్యాచిలర్ మిత్రులు కలిసి ఒక ఇంట్లో ఉంటారు.తలో పని చేస్తూంటారు.

వారిలో ఒకరు వేరే ఫ్రెండ్ ఇంట్లో ఆడే ‘ఓజో బోర్డు’ గేమ్ చూసి, తన ఫ్రెండ్స్ తో కలిసి ఇంట్లో ఓజో గేమ్ స్టార్ట్ చేస్తాడు. దెయ్యాన్ని పిలుస్తారు. మొదట్లో ఫన్నీగా ఉంటుంది. కానీ ఆ తరువాత ఆ ఇంట్లో జరిగే ఇన్సిడెంట్స్ తో దెయ్యాన్ని పంపిస్తే అది వెళ్ళను అనడంతో ‘ఓజో బోర్డు’ పక్కన పెడతారు. ఆ ఇంట్లోకి కొత్తగా వచ్చిన ఫ్రెండ్ వల్ల ఇబ్బంది పడతారు. ఫైనల్ గా ఆ ఇంట్లో దెయ్యం ఉందని ఖాళీ చేస్తారు. ఈ మూవీ 60 కోట్ల కలెక్షన్స్ వసూలు చేసింది.

ఇక ఈ మూవీ రియల్ లైఫ్ ఇన్సిడెంట్స్ తో తీశారు. ఆ సంఘటనలు ఈ మూవీ డైరెక్టర్ జితు మాధవన్ రియల్ లైఫ్ లోనే జరిగాయి. ఆ విషయన్ని ఆయనే తెలిపారు. జితు మాధవన్ ‘అవును, ఇది నా లైఫ్ లో జరిగిన ఇన్సిడెంట్స్ ఆధారంగా తీసిన మూవీ. ఇది జరిగినప్పుడు భయంగా ఉండేది. కానీ ఇప్పుడు ఆలోచిస్తే మాత్రం ఫన్నీగా అనిపిస్తోంది’ అని చెప్పారు.

ఇక ఈ చిత్రం చివర్లో ఒక ఫోటోను చూపిస్తారు. ఆ ఫోటోలో మూవీలోని ఏడుగురు ఫ్రెండ్స్ ఇంటి గోడ పైన కూర్చున్న ఫొటో ఉండగా దాని కిందే మరో ఏడుగురు ఫ్రెండ్స్ ఉన్న ఫొటోను చూపించారు. అందులో ఉన్న  ఏడుగురిలో ఈ మూవీ దర్శకుడు జితు మాధవన్ ఉన్నారు. ఈ మూవీ చూసిన చాలా మంది ఓజో బోర్డు మరియు రోమాంచమ్ నిజమైన ఇంటి గురించి తెగ సెర్చ్ చేస్తున్నారు.

Also Read: ‘సలార్’ లో హీరో పేరు లీక్..! అది ఏంటంటే..?

విజయ్ దేవరకొండ హీరోగా నటించిన ఫ్యామిలీ స్టార్ సినిమా ఇవాళ ప్రేక్షకుల ముందుకి వచ్చింది. ఈ సినిమా సంక్రాంతికి విడుదల కావాల్సి ఉంది. కానీ కొన్ని కారణాల వల్ల వాయిదా పడి ఇప్పుడు థియేటర్లలో విడుదల అయ్యింది. ఈ సినిమా తెలుగుతో పాటు, తమిళంలో కూడా విడుదల చేశారు. గోవర్ధన్ అనే ఒక మిడిల్ క్లాస్ వ్యక్తి, అతనికి ఇద్దరు అన్నలు, కుటుంబ బాధ్యతలు మొత్తం కూడా గోవర్ధన్ చూసుకోవడం, అతని జీవితంలో జరిగిన సంఘటనలు అనే విషయం చుట్టూ ఈ సినిమా నడుస్తుంది. మిడిల్ క్లాస్ కుటుంబాలలో జరిగే విషయాలను ఈ సినిమాలో చూపించడానికి ప్రయత్నించారు.

ఈ సినిమా మీద మిక్స్డ్ టాక్ వస్తోంది. కొన్ని సీన్స్ సరిగ్గా రాసుకోలేదు అంటూ కామెంట్స్ వస్తున్నాయి. కొన్ని సీన్స్ అసలు చూడడానికే ఇబ్బందిగా ఉన్నాయి అని అంటున్నారు. అందులో సెకండ్ హాఫ్ లో వచ్చే సీన్ ఒకటి. హీరో తర్వాత ఫారిన్ వెళ్తాడు. అక్కడ ఒక సందర్భంలో హీరో చేతిలో డబ్బులు ఉండవు. ఈ కారణంగా తనని తాను అమ్ముకునే వ్యాపారంలోకి దిగాలి అని అనుకుంటాడు. హీరో అలాంటి వ్యక్తి అనుకొని కొంత మంది అమ్మాయిలు అతనికి డబ్బులు ఇచ్చి తీసుకెళ్లడానికి ప్రయత్నిస్తారు. ఈ సీన్ కామెడీ కోసం రాశారు. కానీ చాలా ఇబ్బందికరంగా అనిపిస్తుంది.

అసలు ఇలాంటి సీన్ పెట్టాలి అనే ఆలోచన ఎలా వచ్చింది అంటూ కామెంట్స్ రావడం మొదలు అయ్యాయి. సాధారణంగా ఇలాంటి సీన్ ఒక అమ్మాయి విషయంలో జరిగితే అది ఒక సీరియస్ సీన్ అయిపోతుంది. అసలు ఎవరి విషయంలో జరిగినా కూడా ఇలాంటి సీన్ రాయడం అనేది కరెక్ట్ కాదు. అలాంటిది, “ఇలాంటి సీన్ పెట్టి, అది కూడా కామెడీ చేయాలి అని అనుకోవడం ఎంత వరకు సరైన విషయం?” అంటూ కామెంట్స్ చేస్తున్నారు. ఇదొక్కటి మాత్రమే కాదు. ఇలాంటి సీన్స్ ఈ సినిమాలో చాలా ఉన్నాయి. కానీ అవన్నీ లాజిక్ లేవు అని నవ్వుకొని వదిలేసేలాగా ఉన్నాయి. కానీ ఈ సీన్ మీద మాత్రం కామెంట్స్ వస్తున్నాయి.

ALSO READ : “సినిమా అని చెప్పి సీరియల్ చూపించారేంటి..?” అంటూ… విజయ్ దేవరకొండ “ఫ్యామిలీ స్టార్” రిలీజ్‌పై 15 మీమ్స్..!