Filmy Adda

అల్లు అర్జున్ పరిచయం అవసరం లేని వ్యక్తి. పుష్ప సినిమాతో కేవలం తెలుగు ఇండస్ట్రీలో మాత్రమే కాకుండా ఇతర భాషా ఇండస్ట్రీలలో కూడా ఎంతో పాపులారిటీ సంపాదించుకున్నారు అల్లు అర్జున్. అల్లు అర్జున్ మనకి మూవీస్ లో ఎలా ఉంటారో తెలుసు, కానీ నిజ జీవితంలో ఎలా ఉంటారో తెలీదు. ఈ విషయంపై కోరాలో ఓ వ్యక్తి ఇలా రాశారు. “అయితే 7,8 యేళ్ళ క్రిందట అట్లాంటాలో… నా ఫ్రెండ్ స్వప్న తన భర్త, ఇంకా ఒక సంవత్సరం ఉన్న తన కొడుకుతో సినిమాకి వెళ్ళింది. సినిమా చూస్తుండగానే బాబు ఏడవడం మొదలు పెట్టాడు.”

“ఇక చుట్టూ అందరికీ ఇబ్బంది అవ్వకూడదనే ఉద్దేశ్యంతో, హడావుడిగా బైటకి వచ్చేసింది మా ఫ్రెండ్. బాబు ఏడుపు ఎంతకీ ఆపక పోయే సరికి, చూస్తే డైపర్ మార్చాలని అర్థమయ్యిందట. కానీ బాగ్, లోపలే ఉండిపోవడంతో, తన హస్బెండ్ కి డైపర్ తీసుకురమ్మని ఎలా చెప్పాలని ఆలోచిస్తుందట. పోనీ లోపలకి వెళదాం అంటే మళ్ళీ అందరినీ దాటుకుంటూ అదొక ఇబ్బంది అనుకుని ఆగిపోయిందట.”

“ఇదిలా ఉంటే అటుగా రెస్ట్ రూమ్స్ వైపు వెళుతున్న ఒక అబ్బాయిని పిలిచి “కొంచం ఫోన్ ఇస్తారా! మా ఆయనకి ఫోన్ చేసుకుని డైపర్ తేమంటాను” అని అడిగిందట. ఆ అబ్బాయి కూడా వెంటనే ఫోన్ లాక్ తీసి ఇచ్చాడట. కాస్త ఫోన్ వాల్ పేపర్ పైన దృష్టి ఉన్నప్పటికీ, హడావిడిలో ముందు వాళ్ళ హస్బెండ్ కి కాల్ చేసింది. కానీ ఆయన ఫోన్ లిఫ్ట్ చెయ్యక పోవడంతో…మా ఫ్రెండ్ స్వప్న చికాకును చూసి. జారిపోతున్న బాబుని ఎత్తుకుంటూ, మరొకసారి కాల్ చెయ్యమని ఆ అబ్బాయి చెప్పాడంట. మళ్ళీ చేస్తే కాల్ లిఫ్ట్ చెయ్యగానే విషయం చెప్పి వాళ్ళ హస్బెండ్ ని పిలిచి… ఫోన్ ఇచేస్తూ థాంక్యూ చెప్పిందట.”

“అంతా బాగానే ఉంది అనుకునే లోపు, ఆ ఫోన్ ఇచ్చిన అబ్బాయి రెస్ట్ రూమ్ నుండి వెళుతుంటే అదిగో అతనే అండి నాకు ఫోన్ ఇచ్చింది అని స్వప్న తన హస్బెండ్ కి చెప్పింది. వెంటనే వాళ్ళ హస్బెండ్ అతన్ని చూసి ఒరినీ అతను అల్లు అర్జున్ కదనే అన్నాడట. దీంతో మా ఫ్రెండ్ కళ్ళు తుడ్చుకుంటూ, బాడీ గార్డ్స్ ని గమనిస్తూ అవునండీ. నాకు తట్టనే లేదు. మీకు కాల్ చేసినప్పుడు కూడా హడావిడిలో గమనించలేదు అని చెప్పిందట. అంత పెద్ద హీరోని ఈజీగా ఫోన్ అడిగేసావా అని స్వప్న హస్బెండ్ అన్నాడట. అంతా అలా చిటికెలో అయిపోయిందండీ అంటూ ఆ షాక్ లోనే ఉండిపోయిందట మా ఫ్రెండ్ స్వప్న.”

ఎంత గొప్ప మనిషి కదా తనని గుర్తించకపోయినా నొచ్చుకోకుండా, బాబుని ఎత్తుకుని మరీ మళ్ళీ కాల్ చేసి చూడండి అని చెప్పారు అంటే ఎంత డౌన్ టూ ఎర్త్ పర్సన్ కదా అని మాట్లాడుకున్నారు. ఇదంతా తెలిసాక నాకు కూడా అల్లు అర్జున్ మీద అభిమానం మరింత పెరిగింది. ఇలా ఒక స్టెప్పేస్తే అదే స్టెప్ వెయ్యడానికి చాలా ప్రయత్నిస్తుంటారు. అదే అతను సహాయం చేస్తే… అతని మీద అభిమానంతో మరింత రెట్టింపు స్థాయిలో తిరిగి చేసేస్తారు. ఇంత క్రేజ్ ఉన్న వ్యక్తి అసలు ఎంత డౌన్ టూ ఎర్త్ ఓ తెలుసా? ఒక ప్రాంతంలో ఆయన చేసిన పనికి, ఎక్కడ తగ్గాలో, ఎక్కడ నెగ్గాలో తెలిసినవాడు అనిపించుకున్నాడు అల్లు అర్జున్” అంటూ ఆయన ఏం చేశాడు అనే విషయాన్ని ఓ అభిమాని నెట్టింట ఇలా పంచుకున్నాడు.

ప్రతీ సినిమాకి ఒక స్టైల్ తీసుకొస్తాడు బన్నీ. తన స్టైల్ తోనే ట్రెండ్ సెట్ చేస్తాడు. ఇక పుష్ప తర్వాత బన్నీ రేంజ్ వేరే లెవెల్ కి వెళ్ళిపోయింది. కానీ ఎంత ఎత్తుకి ఎదిగినా తన అభిమానులను ఎప్పుడూ మర్చిపొడు బన్నీ. ఏమి చేసినా వాళ్ళని దృష్టిలో పెట్టుకునే చేస్తాడు.

ఎందుకంటే బన్నీకి అభిమానులంటే అంత ప్రేమ. వాళ్ళ మంచి కోరేవాడే ఐకాన్ స్టార్. ఇక ఇంత క్రేజ్ ఉన్న హీరో, మరోసారి అభిమానులపై ప్రేమతో 10 కోట్లు వొదులుకున్నాడు అని తెలిసాక ఫ్యాన్స్ అందరు షాక్ అయ్యారు. అసలు ఏమైంది ఎందుకు అంత వొదులుకున్నారు బన్నీ అనుకుంటూ చూస్తే..

మమూలుగానే బన్నీకి చాలా క్రేజ్ ఉంటుంది. ఇక పుష్ప మూవీ రిలీజ్ అయ్యాక అది రెట్టింపు అయ్యింది. ఈ తరుణంలో పుష్ప 2 షూటింగ్స్ కి గ్యాప్ రావడంతో… వాణిజ్య ప్రకటనలు ఇచ్చేందుకు చెయ్యి ఊపారు. ఈ నేపథ్యంలో అనేక ప్రకటనలు కూడా చేశారు. బైక్స్ పైన, బస్సుల పైన, డ్రింక్స్ పైన ఇలా ఎన్నో చేశారు. కాగా రెమ్యునరేషన్ మాత్రం భారీగానే తీసుకుంటున్నారు. కేవలం ఒక్కరోజు కొన్ని గంటలు ప్రకటనల షూటింగ్ కి వెళితే సుమారు 7 కోట్లకు పైగా రెమ్యునరేషన్ పుచ్చుకుంటున్నారట. అయితే ఈ తరుణంలోనే ఒక పొగాకు ఉత్పత్తుల సంస్థ వారు బడా ఆఫర్ ఇచ్చినప్పటికీ… అభిమానుల కోసం బన్నీ దాన్ని తిరస్కరించారట.

ఎందుకు అని అడిగితే నేను ఇలాంటి పొగాకు ఉత్పత్తులకు సంబంధించిన ప్రకటనలు చేస్తే, నన్ను నమ్ముకున్న నా అభిమానులు కూడా దాన్ని అనుసరిస్తారని… ఆ పోగాకుకు అలవాటు పడితే వాళ్ళ జీవితాలు పాడవుతాయని. అది తనకి ఇష్టం లేదని అల్లు అర్జున్ చెప్పారట. అందులోనూ నా వల్ల అసలు అలాంటి తప్పు జరగకూడదని అందుకే వదులుకున్నానని చెప్పారట. ఇలాంటి వాటిని తాను ప్రోత్సహించరని చెప్పారు. మీరు కేవలం స్క్రీన్ ముందుకు వచ్చినా చాలు కొన్ని గంటలకి 10 కోట్లు ఇస్తామని చెప్పినా కూడా, దాన్ని బన్నీ తిరస్కరించారు. దీంతో అభిమానుల్లో అల్లు అర్జున్ పైన మరింత అభిమానం, గౌరవం పెరిగి, నెట్టింట కామెంట్లతో హర్షం వ్యక్తం చేశారు.

ఇటీవల మంచి ప్రేమ కథతో విడుదల అయిన సినిమా సీతా రామం బాక్సాఫీసులో విజయ ఢంకా మోగిస్తోంది. అయితే హను రాఘవపూడి దర్శకత్వంలో తెరకెక్కిన ఈ సినిమాలో మరొక అయిదుగురు దర్శకులు ఈ సినిమాలో నటించడం సినిమాకి ఉన్న ప్రత్యేకత. ఆ అయిదుగురు దర్శకులు వీళ్ళే.

1. గౌతమ్ మీనన్

ఎన్నో వినూత్న పాత్రలను అందిస్తూ, ఇరువురి మధ్య ఒక సున్నితమైన ప్రేమ భావాలను చూపిస్తూ, అందులో కొంత సస్పెన్స్ ని జోడిస్తూ ప్రేక్షకుల మనసులో తనకంటూ ఒక ప్రత్యేక స్థానం సంపాదించుకున్న డైరెక్టర్స్ గౌతమ్ వాసుదేవ మీనన్, సీతా రామమ్ సినిమాలో మేజర్ సెల్వన్ పాత్రలో నటించారు.

2. తరుణ్ భాస్కర్

నేటి తరం యువతను ఆకట్టుకునే విధంగా, నవ్విస్తూ కవ్వించే సినిమాలు తీస్తుంటారు. పెళ్లి చూపులు సినిమాతో ప్రేక్షకలకు మరింత చేరువ అయ్యారు. ఒకరకంగా మంచి ఎంటర్టైన్మెంట్ మూవీస్ తీస్తూనే అందులో కొంత మెసేజ్ ఇస్తుంటారు డైరెక్టర్ తరుణ్ భాస్కర్. ఇప్పుడు సీతా రామమ్ లో ఆఫ్రీన్ సీనియర్ బాలాజీ అనే పాత్రలో నటించారు.

3. రాహుల్ రవీంద్రన్

సున్నితమైన ప్రేమాయణం, సహజమైన తాత్పర్యాన్ని అందిస్తూ, ఒక సపరేట్ కేటగిరీ ఫ్యాన్ బేస్ ని క్రియేట్ చేసుకున్న రాహుల్ రవీంద్రన్, సీతా రామమ్ సినిమాలో పాకిస్థాన్ ని ఇండియన్ డిప్లొమాట్ రాహుల్ వర్మ గా నటించారు.

4. సందీప్ రాజ్

ఒక నటుడిగా, రచయితగా, మరీ ముఖ్యంగా అవార్డ్ అందుకునే సినిమా కాలర్ ఫోటోకి దర్శకత్వం వహించిన దర్శకుడు సందీప్ రాజు కూడా సీతా రామమ్ సినిమాలో,ఒక చిన్న పాత్రను పోషించారు.

5. ప్రకాష్ రాజ్

సినీ పరశ్రమలో ప్రకాష్ రాజ్ అంటే తెలియని వారు ఉండరు అనడం అతిశయోక్తి కాదు. ఎందుకంటే నటనలోనూ, దర్శకత్వంలోనూ తనకున్న రికార్డ్స్ అలాంటివి మరి. ధోనీ, ఉలవచారు బిర్యానీ, మనవూరి రామాయణం వంటి ఎన్నో చిత్రాలను అనేక భాషల్లో డైరెక్ట్ చేసిన మహా మేధావి ప్రకాష్ రాజ్. సీతా రామమ్ మూవీలో ఆయన ఇండియన్ ఆర్మీ చీఫ్ గా నటించారు.

తెలుగు ఫిలిం ఇండస్ట్రీ లో తండ్రు లు తాత లు తర్వాత వారి వారసులు రావడం సర్వత్రా సామాన్యమైపోయింది. ఈ క్రమంలో వారసులుగా వచ్చిన అందరిలో కేవలం కొంతమంది మాత్రమే నిలదొక్కుకోవడం మరి కొంతమంది తమని తాము నిరూపించుకోలేక వెనక్కి వెళ్లిన వైనం కూడా సహజమే.

మెగా ఫ్యామిలీ ,దగ్గుబాటి ఫ్యామిలీ, నందమూరి ఫ్యామిలీ, ఘట్టమనేని ఫ్యామిలీ మరియు అక్కినేని ఫ్యామిలీ ప్రస్తుతం టాలీవుడ్ లో ఎక్కువగా వినిపించే ఫ్యామిలీ బ్రాండ్ లు. ఇలా ప్రస్తుతం తెలుగు ఇండస్ట్రీ మొత్తం వారసత్వం జోరు కొనసాగుతోంది.

ఈ క్రమంలో మాస్ మహారాజు అయిన రవితేజ తన వారసుడిని తెలుగు ఫిలిం ఇండస్ట్రీలో అరంగేట్రం చేయించడానికి రంగం సిద్ధం చేసుకున్నట్టు సమాచారం. అయితే వస్తున్నది రవితేజ కొడుకు కాదు, రవితేజ కొడుకు ఇంకా చిన్నవాడు కావడంతో అతను సినీ రంగ ప్రవేశం చేయడానికి ఇంకా కొంత సమయం పడుతుంది .ఈ లోపు రవితేజ మేనల్లుడు అయిన మాధవ్ భూపతి రాజు రవితేజ కుటుంబం నుంచి హీరోగా ఎంట్రీ ఇవ్వడానికి రెడీగా ఉన్నారు.

మేన మామ ఆశీర్వాదంతో తెలుగు సినీ తెర మీదకి రాబోతున్న మాధవ్ మూవీ నుంచి ఫస్ట్ లుక్ పోస్టర్ ఈ రోజే రిలీజ్ అయ్యింది. ప్రముఖ డైరెక్టర్ రమేష్ వర్మ ఈ చిత్రానికి కథ అందించగా లుదీర్ బైరెడ్డి దర్శకత్వ బాధ్యత చేపట్టారు . ” ఏయ్ పిల్లా” అనే సినిమా ద్వారా మాధవ్ తెలుగు సినీ ఇండస్ట్రీలో అడుగు పెట్టబోతున్నారు. ఆసక్తికరంగా ఉన్న ఈ చిత్ర పోస్టర్ రిలీజ్ అయిన కొద్ది సమయానికి ఎంతో ఆదరణ సంపాదించుకుంది. లవ్ అండ్ రొమాంటిక్ యాంగిల్ లో అధ్యంతం సాగనున్న ఈ సినిమా పై తమకు ఎంతో హోప్ ఉందని

ఒకేసారి విడుదల అయిన సినిమాలు, సీతా రామం, బింబిసార, ఇప్పుడు ఒకేసారి ఓటీటీలో కూడా విడుదల కానున్నాయి. అటు మంచి ప్రేమ కథతో తెరకెక్కిన సీతా రామం, ఇటు హిస్టారికల్ కాన్సెప్ట్ తో చిత్రీకరించిన బింబిసార ప్రేక్షకులకి బాగా నచ్చాయి. రెండు సినిమాలు పోటా పోటీగా నడుస్తున్నప్పటికీ, బింబిసార బాక్స్ ఆఫీస్ కలెక్షన్స్ గట్టిగానే వసూలు చేస్తుంది.

సినిమా విడుదల అయిన నాలుగు రోజులకు సుమారు 34 కోట్ల రూపాయలకు పైగా కలెక్షన్లు రాబట్టింది. కాగా బింబిసార సినిమా బడ్జెట్ మొత్తం 40 కోట్లు దాటితే…లాభాల వైపే వెళుతున్నట్లు తెలుస్తుంది. ఇక ఈ సినిమా మంచి విజయ బాటలో వెళుతుండగా, జీ 5 ఓటీటీ వారు ఈ సినిమా ఓటీటీ రైట్స్ తీసుకున్నారు. ఇకపోతే సినిమా మాత్రం థియేటర్లలో నాలుగు వారాలు పూర్తి చేసుకున్న తర్వాతే ఓటీటీలో స్ట్రీమ్ కానుంది.

ఈ సినిమాకి ఎన్టీఆర్ బ్యానర్స్ కింద, కే.హరి కృష్ణ నిర్మాత ఆధ్వర్యంలో మల్లిది వశిష్ఠ దర్వకత్వం వహించారు. ఈ చిత్రంలో కళ్యాణ్ రామ్ లీడ్ రోల్ చెయ్యగా, క్యాథరీన్, సంయుక్తా మీనన్ ముఖ్య పాత్రలు వహించారు. మరోవైపు ప్రకాష్ రాజ్, వెన్నెల కిషోర్, బ్రాహ్మజీలు కూడా కీలకమైన సపోర్టింగ్ రోల్స్ లో నటించారు.

జూలైలో విడుదలైన సినిమాల వరుస ఫ్లాప్ తరువాత, ఆగస్ట్ లో రిలీజ్ అయిన సినిమా సీతా రామం మంచి హిట్ తో, థియేటర్లలో ఇంకా కొనసాగుతోంది. బాక్సాఫీస్ కలెక్షన్లు కూడా బాగా రాబడుతోంది. వీకెండ్స్ లోనే కాకుండా, వీక్ డేస్ లో కూడా సినిమా కోసం పరుగులు తీస్తున్నారు ప్రేక్షకులు. ఇంత సందడి చేస్తున్న సీతా రామమ్ సినిమా ఓటీటీ లో విడుదలకు సిద్ధం అయిపోయింది.

ఇక మంచి రేటుకి సినిమాను కొనుగోలు చేసుకోగా… మంచి సక్సెస్ తో 4 వారాల తర్వాత అమెజాన్ ప్రైమ్ ప్లాట్ఫారంలో స్ట్రీమ్ కానుంది. ఒక అనుభూతి చెంది ప్రేమ కథతో తెరకెక్కిన ఈ సినిమా, ఓటీటీలో విడుదల అయితే కుటుంబ సమేతంగా అందరూ చూసి ఆనందించగలుగుతారు.

అయితే ఈ సినిమా, ఒక అనాథ అయిన లెఫ్టినెంట్ రామ్ కి సీతకి మధ్య జరిగిన ప్రేమ కథ. ఎవ్వరూ లేని తనకి, లేఖల రూపంలో పరిచయం అయిన కుటుంబాలకు చేరువ అవుతూ… సీత ప్రేమ కోసమై అన్వేషిస్తూ, పరితపిస్తున్న సోల్జర్ మనసు కథ ఇది. ఆ ప్రేమ, బంధం, దేశ భక్తి అన్నీ కూడా ఎంతో చక్కగా చూపించిన సినిమాని చూసి యువత మెచ్చుకుంటున్నారు. హను రాఘవపూడి దర్శకత్వంలో తెరకెక్కిన సీతా రామమ్ సినిమా అనేది… సుమంత్, భూమిక చావ్లా, తరుణ్ భాస్కర్, గౌతమ్ మీనన్, ప్రకాష్ రాజ్, వెన్నెల కిషోర్, మురళి శర్మ, రష్మిక మందన్న, సచిన్ కెడేకర్, ప్రియదర్శి, వంటి ఇతర గొప్ప నటులు కలయిక.

ఎన్నో అద్భుతమైన ఎవర్ గ్రీన్ పాటలని అందించి, అందరినీ తన్మయత్వానికి గురి చేసిన మ్యూజిక్ డైరెక్టర్ ఇళయరాజా పక్కన ఉన్న ఆ చిన్న పిల్లాడు ఎవరో గుర్తుపట్టారా??

ఇప్పుడు ఆ చిన్న పిల్లవాడు కూడా పెరిగి పెద్దయ్యి ఎన్నో సినిమాలకి మ్యూజిక్ కంపోజ్ చేసి, సూపర్ హిట్ పాటలనినందించాడు గుర్తుపట్టారా? ఇతను చాలా పెద్ద ఫేమస్ యాక్టర్స్ ఫ్యామిలీకి చెందినవాడు. అతను కజిన్ ఒక డైరెక్టర్. అతని కజిన్ భర్త, తండ్రి కూడా చాలా గొప్ప పేరు తెచ్చుకున్న, ఫేమస్ యాక్టర్స్, గుర్తుపట్టారా??

తాజాగా అతను మ్యూజిక్ కంపోజ్ చేసిన సాంగ్ ప్యాన్ ఇండియా లెవెల్లో క్లిక్ అయ్యి… తెగ వైరల్ అయిపోయింది. ఇంతకీ ఆ చిన్న పిల్లాడు ఎవరో గుర్తు పట్టారా?? అది అతను ఇండియన్ మ్యూజికల్ కంపోజర్, మొదటి సారి వై దిస్ కొలవెరి పాటతో బ్లాక్ బస్టర్ హిట్స్ ఇచ్చిన అనిరుధ్ రవిచందర్. అతను పాత కంపోజ్ చేస్తే కొన్ని రోజుల వరకు అందరి కాలర్ ట్యూన్స్, రింగ్టోన్స్ అవే ఉంటాయి. ముఖ్యంగా ధనుష్, శృతిహాసన్ నటించిన 3 మూవీలో పాటలు అయితే ఇప్పటికీ అభిమానులు ఎంతో పిచ్చిగా వింటుంటారు. ఇప్పటివరకు, విజయ్ అవార్డ్స్, మ్యూజిక్ మిర్చి అవార్డ్స్, ఐఐఎఫ్ఏ అవార్డ్స్, ఫిలిమ్ ఫేర్ అవార్డ్స్ ఎన్నో పొంది, కెరీర్ లో మంచి సక్సెస్ తో దూసుకుపోతున్నాడు యంగ్ అండ్ ఎనర్జిటిక్ మ్యూజిక్ డైరెక్టర్ అనిరుధ్ రవిచందర్.

తెలుగు సినిమా తెరపై హీరోయిన్ గా వెలుగు వెలిగిన నటి పూర్ణ ప్రస్తుతం “ఢీ” షో కు జడ్జిగా వ్యవహరిస్తున్న సంగతి తెలిసిందే. జడ్జిగా స్టేజి పై పూర్ణ చేసే అల్లరి మాములుగా ఉండదు. కంటెస్టెంట్ల పెర్ఫార్మన్స్ లు నచ్చితే బుగ్గ కొరకడం లాంటి అల్లరి చేస్తూ వైరల్ అవుతూ ఉంటారు. ఒక్కోసారి అభిమానుల విమర్శలు కూడా ఎదుర్కొంటు ఉంటారు.

అయితే.. ఇప్పటి వరకు సైలెంట్ గా ఉన్న నటి పూర్ణ సడన్ గా తనకి కాబోయే శ్రీవారిని పరిచయం చేసారు. దీనితో ఈ వార్త నెట్టింట్లో వైరల్ అయింది. ఇప్పుడు పూర్ణ ఫ్యాన్స్ అందరు కలిసి ఆ అబ్బాయి ఎవరు అన్న సంగతి తెలుసుకునే పనిలో పడ్డారు.

సడన్ గా నటి పూర్ణ తనకు ఎంగేజ్మెంట్ అయిపొయింది అని ప్రకటించి అభిమానుల గుండెల్లో బాంబ్ పేల్చారు. అయితే.. అందాల నటి పూర్ణకు కాబోయే శ్రీవారు ఎవరా..? అన్న చర్చ మాత్రం సోషల్ మీడియాలో నడుస్తూనే ఉంది. పూర్ణ చేసుకోబోయే వ్యక్తి పేరు షానిద్ అసిఫ్ అలీ. ఆయన యూఏఈ బేస్డ్ వ్యాపారవేత్త. అయితే ఆయన మూలాలు కేరళలో ఉన్నాయని.. కేరళ రాష్ట్రానికి చెందిన వ్యక్తి అని తెలుస్తుంది. ఆయన జేబీఎస్ గ్రూప్ ఆఫ్ కంపెనీస్ కు సీఈఓ, ఫౌండర్. జమా అల్మెహరి అనే మరో కంపెనీని కూడా స్థాపించారని తెలుస్తోంది.

ఈ సంస్థ ద్వారా ఆయన ఆఫీసుల ప్రారంభానికి కావాల్సిన సర్వీస్ లను అందిస్తుంటారు. ఆయన ప్రముఖంగా సెలెబ్రెటీలకు వీసాలను అందిస్తూ ఉంటారు. ఫ్లైట్ టికెట్స్ బుకింగ్, వీసా సర్వీసులను ఆయన కంపెనీ అందిస్తూ ఉంటుంది. ఇప్పటికే ఆయన చాలా మంది మూవీ సెలెబ్రెటీలకు సైతం వీసాలను అందించారు. కాజల్, ప్రణీత, ప్రియమణి, శ్వేతా మీనన్, విజయ్ సేతుపతి, ఆండ్రియా, నాజర్, లక్ష్మి వంటి ఎందరో సెలెబ్రిటీలు ఆయన వద్ద నుంచి వీసా అందుకున్నారు. కేరళ సినీ సెలెబ్రిటీలతో ఆయనకు మంచి పరిచయాలు ఉన్నాయట.

మరో వైపు ఎన్నారై ఎంట్రప్రెన్యూర్ గా కూడా ఆయన కేరళ సీఎం నుంచి అవార్డు అందుకున్నారు. ముస్లిం మత పెద్దలతో కూడా ఎన్నో పరిచయాలు ఉన్న ఆయన దుబాయ్ లో లగ్జరీ లైఫ్ స్టయిల్ ను ఎంజాయ్ చేస్తున్నారు. చాలా కాలంగానే ఆయనకు పూర్ణ ఫ్యామిలీతో మంచి అనుబంధాలు ఉన్నాయి. పూర్ణకి కూడా ఆయన యూఏఈ వీసాను అందించారు. కేరళకు చెందిన ఓ సినిమా వేడుకలో కూడా వీరిద్దరూ పాల్గొన్నారు. వీరిద్దరికి ముందునుంచే మంచి స్నేహబంధం ఉందని.. అది ప్రేమగా మారిందని తెలుస్తూనే ఉంది. అయితే పెద్దల సమక్షంలో వీరిద్దరూ ఒక్కటి కాబోతున్నారు. చూడచక్కని ఈ జంటని చూసి అభిమానులు కూడా ఫుల్ ఖుష్ అవుతున్నారు.

అయితే త్వరలో పెళ్లి చేసుకుని సెటిల్ అవుతుంది అనుకునే టైంలో తాజాగా ఇప్పుడు తన పెళ్లి జరగడం లేదని న్యూస్ నెట్లో హాట్ టాపిక్ గా మారింది. కేవలం కొన్ని పర్సనల్ రీసన్స్ వల్ల మాత్రమే ఈ పెళ్లి క్యాన్సిల్ అయింది అని కొందరి అభిప్రాయం. అయితే దీనిపై స్పందిస్తూ పూర్ణ ఒక పోస్ట్ పెట్టారు. ‘ఎప్పటికీ నావాడు’ అనే క్యాప్షన్ తో తనకు కాబోయే భర్త షానిద్ ఆసిఫ్ అలీతో కలిసి ఉన్న ఫోటోను షేర్ చేసారు. దీంతో ఈ పెళ్లి కాన్సల్ అనే రూమర్స్ కి చెక్ పెట్టారు.