Filmy Adda

ఇప్పుడు ఉన్న టైంలో ఎంతోమంది ఫిట్ నెస్ మీద ప్రత్యేక శ్రద్ధ పెడుతున్నారు. టైం కి ఆహారం తీసుకోవడం, అది కూడా ట్రైనర్ చెప్పినవి మాత్రమే తీసుకోవడం, రోజు వర్కవుట్ చేయడం, లేదా వాకింగ్, జాగింగ్, రన్నింగ్ లాంటివి చేయడం చేస్తూ ఉన్నారు.

అయితే ఫిట్ నెస్ మీద ఎక్కువగా శ్రద్ధ పెట్టే వారిలో ముందు ఉండేది సినిమా నటులు. వారి డైట్ చాలా స్ట్రిక్ట్ గా ఉంటుంది. మన హీరోయిన్స్ కూడా ఫిట్ నెస్ మీద ప్రత్యేక శ్రద్ధ వహిస్తారు. అయితే వ్యక్తిగత కారణాల వల్ల కానీ, లేదా ఇంకా దేని వల్ల అయినా కానీ కొంత మంది హీరోయిన్లు చాలా ట్రాన్స్ఫార్మ్ అయ్యారు. అయితే వారిలో కొంత మంది బక్కగా అయినప్పటికంటే కొంచెం బొద్దుగా ఉన్నప్పుడే బాగున్నారు అని సోషల్ మీడియాలో అంటూ ఉంటారు. అలా బక్కగా అయిన తర్వాత సోషల్ మీడియాలో డిస్కషన్ లో ఉన్న కొంత మంది హీరోయిన్లు వీరే.

#1 రకుల్ ప్రీత్ సింగ్

స్పైడర్ సినిమా తర్వాత హిందీలో ఆయ్యారీ సినిమా చేశారు రకుల్. ఈ సినిమా ప్రమోషన్స్ సమయంలో రకుల్ చాలా సన్నగా కనిపించారు. కానీ తర్వాత ఒక ఇంటర్వ్యూలో తన నెక్స్ట్ సినిమా కోసం వెయిట్ తగ్గినట్లు చెప్పారు.

#2 కీర్తి సురేష్

కీర్తి సురేష్ కూడా మహానటి, సర్కార్, సామి స్క్వేర్ తర్వాత చాలా సన్నగా అయ్యారు. ముఖ్యంగా పెంగ్విన్ సినిమాలో అయితే కీర్తి సురేష్ ని చూసిన వాళ్ళందరూ “ఏమైంది కీర్తికి ఇంత సన్నగా అయ్యారు?” అని అనుకున్నారు. తర్వాత సినిమాల్లో కూడా అలాగే సన్నగా కనిపించారు కీర్తి సురేష్.

#3 రాశి ఖన్నా

రాశి ఖన్నా కూడా 2018 లో విడుదలైన తొలి ప్రేమ సినిమాలో చాలా సన్నగా ఉన్నారు. రాశి కూడా తన వర్కౌట్ కి సంబంధించిన వీడియోస్ ని సోషల్ మీడియాలో షేర్ చేస్తూ ఉంటారు.

#4 షాలిని పాండే

తన మొదటి సినిమా అర్జున్ రెడ్డి తోనే ఎంతో మంది అభిమానులను సంపాదించుకున్నారు షాలిని పాండే. అయితే షాలిని పాండే ఇటీవల సోషల్ మీడియాలో కొన్ని పిక్చర్స్ పోస్ట్ చేశారు. అందులో చాలా సన్నగా కనిపిస్తున్నారు. దాంతో ఈ విషయం పై సోషల్ మీడియాలో కొంత డిస్కషన్ జరిగింది. ఎంతో మంది నెటిజన్లు “బక్కగా అయ్యారు ఏంటి?” అని కామెంట్ చేశారు.

#5 శృతి హాసన్

ఇటీవల విడుదలైన క్రాక్ సినిమాలో శృతి హాసన్ చాలా సన్నగా కనిపించారు.

#6 అనుపమ పరమేశ్వరన్

చాలా రోజుల తర్వాత రౌడీ బాయ్స్ సినిమాతో ప్రేక్షకుల ముందుకు వచ్చిన అనుపమ పరమేశ్వరన్ కూడా ఈ సినిమాలో చాలా సన్నగా డిఫరెంట్ గా కనిపించారు.

#7 హన్సిక

హన్సిక కూడా బరువు చాలా తగ్గి ప్రస్తుతం డిఫరెంట్ గా కనిపిస్తున్నారు.

వీరు మాత్రమే కాకుండా చాలా మంది హీరోయిన్స్ ఇలాగే బరువు తగ్గి స్లిమ్ గా అయ్యారు. కానీ చాలా మంది ప్రేక్షకులు మాత్రం వీళ్ళని చూసి ఇప్పటి కంటే అప్పుడే చాలా బాగున్నారు అని అంటున్నారు.

విజయ్ దేవరకొండ హీరోగా నటిస్తున్న లైగర్ సినిమా కోసం భారతదేశం అంతా ఆసక్తిగా ఎదురు చూస్తోంది. సినిమా బృందం ఇప్పటికే ప్రమోషన్స్ పనిలో ఉన్నారు. ఎప్పుడో విడుదల కావాల్సిన ఈ సినిమా కొన్ని కారణాల వల్ల ఆలస్యం అయ్యింది. ఇటీవల ఈ సినిమా ట్రైలర్ విడుదల అయ్యింది.

అలాగే కొన్ని పాటలు కూడా విడుదల అయ్యాయి. ఈ విషయాలన్నీ పక్కన పెడితే, మొదటి నుండి కూడా ఈ సినిమాపై కొంత నెగిటివిటీ ఉంది. ఈ సినిమాపై ఆసక్తి ఎంత ఉందో, అంటే నెగిటివ్ గా కూడా ఈ సినిమా ట్రెండ్ అవుతోంది. అందుకు కారణాలు ఏంటో ఇప్పుడు చూద్దాం.

#1 సినిమా మొదటి పోస్టర్ విడుదల తర్వాత పాపులారిటీ రావడంతో పాటు ట్రోలింగ్ కూడా చాలానే జరిగింది. అందుకు కారణం పోస్టర్ విడుదల తర్వాత విజయ్ దేవరకొండ పేరు టాటూ వేయించుకుని, అలాగే పోస్టర్ కి బీర్ తో అభిషేకం చేస్తూ ఉన్న వీడియోలు చాలా వైరల్ అయ్యాయి. అవి కొంచెం అతిగా అనిపించాయి.

#2 సరే ఇంత పబ్లిసిటీ జరిగిన తర్వాత వచ్చిన ట్రైలర్ ఏదైనా అంచనాలను అందుకున్నట్లు ఉందా అంటే అది కూడా లేదు అనే కామెంట్స్ వచ్చాయి. చాలా మంది అమ్మ నాన్న ఒక తమిళ అమ్మాయి సినిమాతో పోల్చారు. అసలు ట్రైలర్ లో హై అనిపించే ఒక్క సీన్ కూడా లేదు అని అంటున్నారు. పూరి మార్క్ ఎక్కడా కనిపించలేదు అనే కామెంట్స్ వచ్చాయి. ట్రైలర్ లో చూపించిన కథ కూడా పెద్ద కొత్తగా ఏమీ అనిపించలేదు.

#3 అసలు ఒక సినిమా ప్రేక్షకులకి రీచ్ అవ్వాలంటే, ముందు ఆ సినిమా పాటలు బాగుండటం చాలా ముఖ్యమైన విషయం. ఈ సినిమా విషయంలో మాత్రం అది జరగలేదు. ఇప్పటి వరకు విడుదలైన పాటలు ఒక్కటి కూడా మన ప్రేక్షకులకి తగ్గట్టు లేవు. ఏదో హిందీ పాటలు తెలుగులో డబ్ చేసినట్టు ఉన్నాయి. తెలుగు, హిందీ రెండు భాషల్లో ఈ సినిమా తీశారు అని అన్నారు. కానీ పాటలు చూస్తుంటే మాత్రం వాళ్ల లిప్ సింక్ హిందీలో ఉంది. దాంతో అసలు ఇది తెలుగు సినిమానేనా అనే డౌట్ కూడా వస్తోంది.

#4 ప్రస్తుతం సినిమా బృందం చాలా ప్రదేశాలకి వెళుతూ సినిమాని ప్రమోట్ చేస్తున్నారు. పెద్ద పెద్ద సిటీల్లో అంటే సరే, మిగిలిన చోట్ల కూడా సినిమా బృందం ఎక్కడికి వెళితే అక్కడ గుంపులుగుంపులుగా జనాలు వస్తున్నారు. దాంతో సినిమా బృందం ప్రమోషన్స్ మధ్యలో ఆపేసి వెళ్లిపోవాల్సిన పరిస్థితి వస్తోంది. ఒక స్టార్ హీరో సినిమాకి కూడా ఇలా అరుదుగా జరుగుతూ ఉంటుంది. దాంతో ఇదంతా పబ్లిసిటీ స్టంట్ అని వాళ్లంతా నిజంగా వచ్చిన జనాలు కాదు అని కామెంట్స్ కూడా వస్తున్నాయి. “సౌత్ ఇండియాలో అంటే సరే, కానీ నార్త్ ఇండియాలో కూడా ఇలా అవుతోంది అంటే, అక్కడ అంత పెద్ద స్టార్ ఏమీ కాదు కదా? నిజంగా వాళ్ళందరూ హీరో హీరోయిన్లని చూడడానికే వస్తున్నారా?” అనే కామెంట్స్ వస్తున్నాయి.

ఇన్ని విషయాల మధ్య కూడా ఈ సినిమా గురించి ప్రేక్షకులు అందరూ ఆసక్తిగా ఎదురు చూస్తున్నారు. మరి ఈ సినిమా ప్రేక్షకుల అంచనాలని అందుకుంటుందో లేదో? నిజంగానే ఈ సినిమాలో అంత గొప్ప విషయం ఏంటి అనేది తెలియాలంటే సినిమా విడుదలయ్యే వరకు ఆగాల్సిందే.

కెరియర్ లో ముందుకు వెళ్లాలంటే ఎక్కడో ఒక చోట మొదలు పెట్టాల్సిందే. ఇవాళ ఇండస్ట్రీలో ఎంతో పేరు తెచ్చుకున్న కొంత మంది కూడా ఏదో ఒక రోల్ తో ఇండస్ట్రీలో అడుగు పెట్టారు.

సినీ పరిశ్రమలో కళాకారులకు కొదవ లేదు, ప్రతీ ఒక్కరూ మల్టీ టాస్క్ లు చేస్తూ…అభిమానులను మెప్పిస్తుంటారు. అలా కొందరు తమ జీవితాలని యాక్టర్స్ గా పరిచయం అయ్యి… డైరెక్టర్స్ గా జీవితాన్ని కొనిసాగించిన నటులు ఎవరో తెలుసుకుందాం.

1. వశిష్ట

గతంలో ప్రేమ లేఖ రాశా చిత్రంలో హీరోగా నటించిన వశిష్ట, తాజాగా 2022లో విడుదలైన బింబిసార మూవీకి దర్శకత్వం వహించారు.

2. వెంకీ అట్లూరి

ఇతను 2010 లో విడుదలైన స్నేహ గీతం సినిమాలో నటుడిగా వ్యవహరించి… తరువాత వరుణ్ తేజ్ తొలిప్రేమ, రంగ్ దే సినిమాలతో దర్శకత్వం వహించారు.

3. కె.విశ్వనాథ్

ఇక ఆయన గురించి ప్రత్యేకంగా చప్పక్కర్లేదు. తెలుగు సినీ పరిశ్రమకు మరిచి పోని చిత్రాలు తెరకెక్కించిన గొప్ప మనిషి. నీ స్నేహం, ఆడవారి మాటలకు అర్థాలే వేరులే వంటి సినిమాల్లో నటించగా… స్వాతి ముత్యం, సాగర సంగమం వంటి ఎన్నో గొప్ప సినిమాలకు దర్శకత్వం వహించారు.

4. విజయ నిర్మల

పండంటి కాపురం, పూల రంగడు వంటి ఎన్నో సినిమాలలో తన నటనా ప్రతిభను చూపించారు విజయ నిర్మల. తరువాత దేవదాసు, రౌడీ రంగమ్మ వంటి అనే సినిమాలకి దర్శకత్వం వహించారు.

5. రేణు దేశాయ్

బద్రి, జాని వంటి సినిమాల్లో రేణు దేశాయ్ లీడ్ రోల్స్ లో నటించగా… ఇష్క్ వాలా లవ్ మూవీకి దర్శకత్వం వహించారు.

6. పవర్ స్టార్ పవన్ కళ్యాణ్

నటుడిగా తమ్ముడు, కుషి, వంటి ఎన్నో బ్లాక్ బస్టర్ సినిమాల్లో నటించిన పవర్ స్టార్ పవన్ కళ్యాణ్ కూడా దర్శకుడిగా పని చేశారు. కెరీర్ మొదట్లోనే జానీ మూవీకి దర్శకత్వం వహించారు.

7. దాసరి నారాయణరావు

సూరిగాడు, నాన్న గారు వంటి అనేక చిత్రాలలో నటించారు దాసరి నారాయణరావు. ఏక కాలంలోనే ఒసేయ్ రాములమ్మ, బొబ్బిలి పులి వంటి సూపర్ సూపర్ హిట్ సినిమాలకి దర్శకత్వం చేశారు.

8. శ్రీనివాస్ అవసరాల

ఊహలు గుసగుసలాడే, అష్టాచమ్మా వంటి చిత్రాలలో శ్రీనివాస్ అవసరాల నటించారు. మరోవైపు జ్యో అచ్యుతానంద సినిమాతో పాటు అనేక సినిమాలకు దర్శకత్వం వహించారు.

9. ప్రకాష్ కోవెలముడి

దర్శకుడు రాఘవేంద్ర రావ్ తనయుడు ప్రకాష్ కోవెలముడి ది మీనింగ్ రాగా, నీతో వంటి సినిమాల్లో నటించారు. తరువాత సైజ్ జీరో, అనగనగా ఒక ధీరుడు సినిమాలకు దర్శకత్వం వహించారు.

10. మెహెర్ రమేష్

ఇక మెహెర్ రమేష్ అయితే బాబీ సినిమాలో మహేష్ బాబుకి ఫ్రెండ్ పాత్రలో నటించారు. తరువాత శక్తి, బిల్లా వంటి మూవీస్ కి దర్శకత్వం వహించారు.

ఇలా అనేక మంది నటులు సినీ పరిశ్రమలో దర్శకులుగా కొనసాగుతూ, ప్రేక్షకులను అలరిస్తున్నారు.

సినిమాల్లో హీరోయిన్ తర్వాత ముఖ్యమైన పాత్ర హీరో సోదరి పాత్ర. ఒక్కొక్కసారి హీరోయిన్ కంటే కూడా హీరో సోదరి పాత్రకు చాలా ప్రాముఖ్యత ఉంటుంది. చాలా సినిమాల్లో వాళ్ళ వల్లే కథ మలుపు తిరగడం, అప్పటివరకు ఒక లాగా ఉన్న హీరో సడన్ గా మారడం అవుతుంటాయి.

హీరో సోదరి పాత్రల్లో నటించిన ఎంతోమంది ప్రస్తుతం ఇంకా నటిస్తున్నారు, మరికొంతమంది వేరే వృత్తుల్లో ఉన్నారు. అలా హీరో సోదరి పాత్రలో నటించిన కొంతమంది ఇప్పుడు ఏం చేస్తున్నారో చూద్దాం.

#1 సంధ్య – అన్నవరం

డబ్బింగ్ సినిమా ప్రేమిస్తే తెలుగు వాళ్లకి పరిచయమైన సంధ్య తర్వాత అన్నవరం సినిమాలో హీరో చెల్లెలిగా నటించారు. ఆ తర్వాత ఎన్నో తమిళం, మలయాళం సినిమాలు చేశారు. 2015లో చెన్నైకి చెందిన ఐటీ ఉద్యోగి వెంకట్ చంద్రశేఖర్ ని వివాహం చేసుకున్నారు. వాళ్లకి ఇప్పుడు ఒక పాప కూడా ఉంది. 2016 లో వచ్చిన మలయాళ సినిమా అవరుడే వీడు సినిమాలో కనిపించారు సంధ్య.

#2 మౌనిక – శివరామరాజు

శివరామరాజు లో ముగ్గురు అన్నల చెల్లి గా నటించిన మౌనిక తర్వాత మా అల్లుడు వెరీ గుడ్, కొడుకు సినిమాల్లో కూడా హీరోయిన్ గా నటించారు. ఎన్నో సినిమాల్లో నటించిన మౌనిక తర్వాత 2014 లో ఇస్లాం మతం తీసుకున్నారు. తన పేరుని రహీమా గా మార్చుకున్నారు. 2015 లో చెన్నైకి చెందిన వ్యాపారి మాలిక్ ని వివాహం చేసుకున్నారు.

#3 మంజూష – రాఖీ

రాఖీ లో ఎన్టీఆర్ చెల్లెలిగా నటించిన మంజూష తర్వాత ఎన్నో సినిమాల్లో నటించారు. ప్రస్తుతం యాంకరింగ్ కూడా చేస్తున్నారు.

#4 దీపా వెంకట్ – శ్రీరామ్

మనసిచ్చి చూడు, శ్రీరామ్ సినిమాల్లో, తర్వాత ఎన్నో తమిళ సీరియల్స్ లో కూడా నటించారు దీపా. దీపా నటి మాత్రమే కాకుండా మంచి డబ్బింగ్ ఆర్టిస్ట్ కూడా. ప్రస్తుతం తమిళ్ లో టాప్ డబ్బింగ్ ఆర్టిస్ట్ ల లో ఒకరు దీపా. జ్యోతిక, సౌందర్య, సిమ్రాన్, గజాలా, సంజన, విద్యాబాలన్, శ్రీయ వంటి ఎంతో మంది హీరోయిన్లకు తమిళంలో డబ్బింగ్ చెప్పారు.

ఉరుమి సినిమాలో తమిళంలో పాటు తెలుగులో కూడా విద్యాబాలన్ కి దీపా డబ్బింగ్ చెప్పారు. నయనతార కి అయితే రాజా రాణి సినిమా నుండి దాదాపు ప్రతి సినిమాకి తమిళంలో దీపా నే చెబుతున్నారు. కాష్మోరా, వివేకం సినిమాల్లో తెలుగులో కూడా నయనతార కి డబ్బింగ్ చెప్పారు దీపా.

#5 శరణ్య మోహన్ – కళ్యాణ్ రామ్ కత్తి

మలయాళం సినిమా రంగంలో చైల్డ్ ఆర్టిస్ట్ గా తన కెరీర్ ని మొదలు పెట్టారు శరణ్య. తెలుగులో విలేజ్ లో వినాయకుడు, భీమిలి కబడ్డీ జట్టు, హ్యాపీ హ్యాపీగా సినిమాల్లో హీరోయిన్ గా నటించారు. కళ్యాణ్ రామ్ హీరోగా నటించిన కత్తి సినిమా లో కళ్యాణ్ రామ్ చెల్లెలిగా నటించారు.

2015 లో ముద్ర అనే తెలుగు సినిమాలో నటించారు. అదే సంవత్సరంలో తనకి ఎంతోకాలం నుండి స్నేహితులు అయిన అరవింద్ కృష్ణన్ ని పెళ్లి చేసుకున్నారు. ఇప్పుడు వారికి ఒక కొడుకు, ఒక కూతురు ఉన్నారు.

#6 వర్ష – వాసు

వాసు సినిమా లో హీరో చెల్లెలిగా నటించారు. అంతేకాకుండా నువ్వే కావాలి ఇంకా చాలా సినిమాల్లో సహాయ పాత్రల్లో కనిపించారు వర్ష. ఈటీవీ లో వచ్చిన కురుక్షేత్రం సీరియల్ లో హీరోయిన్ గా నటించారు. తర్వాత కొంతకాలం బ్రేక్ తీసుకొని మళ్ళీ ఇప్పుడు ఈటీవీ లో ఒక సీరియలో ముఖ్య పాత్ర లో నటిస్తున్నారు.

#7 మధుమిత – పుట్టింటికి రా చెల్లి

పుట్టింటికి రా చెల్లి సినిమా తో పాటు, మన్మధుడు, నువ్వే నువ్వే సినిమాల్లో నటించారు. స్వప్నమాధురి అనే పేరుతో యాంకరింగ్ ద్వారా ఇండస్ట్రీ లోకి అడుగుపెట్టారు. తర్వాత తన పేరుని మధుమిత గా మార్చుకున్నారు. నటులు, బిగ్ బాస్ వన్ విజేత అయిన శివబాలాజీ ని పెళ్లి చేసుకున్నారు. ప్రస్తుతం తన యూట్యూబ్ ఛానల్ ద్వారా అందరినీ అలరిస్తున్నారు.

#8 వాసుకి – తొలిప్రేమ

తొలిప్రేమ సినిమాలో పవన్ కళ్యాణ్ చెల్లెలిగా నటించిన వాసుకి మీకు గుర్తుండే ఉంటారు. అదే సినిమా కోసం తాజ్ మహల్ సెట్ క్రియేట్ చేసిన ఆర్ట్ డైరెక్టర్ ఆనంద్ సాయి ని పెళ్లి చేసుకున్నారు.

ఆనంద్ సాయి సైనికుడు, యమదొంగ, పులి, గుడుంబా శంకర్, నాని, బాలు, బృందావనం సినిమాలకు ఆర్ట్ డైరెక్టర్ గా వ్యవహరించారు. అంతేకాకుండా భువనగిరి దగ్గర ఉన్న లక్ష్మీ నరసింహ స్వామి గుడి కి కూడా చీఫ్ ఆర్కిటెక్ట్ గా బాధ్యతలు నిర్వహించారు. వాసుకి ప్రస్తుతం సినిమాలకు స్వస్తి చెప్పి గూగుల్ లో పనిచేస్తున్నారు.

#9 కీర్తి రెడ్డి – అర్జున్

అర్జున్ సినిమాలో మహేష్ బాబు కవల సోదరి గా నటించిన కీర్తి రెడ్డి మనకు కొత్త ఏమీ కాదు. అంతకుముందు గన్ షాట్, తొలిప్రేమ సినిమాల తో ఎంతో పాపులర్ అయ్యారు. ప్రస్తుతం కీర్తి రెడ్డి పెళ్లి చేసుకుని యూ ఎస్ లో సెటిల్ అయ్యారు. వాళ్లకి ఇద్దరు పిల్లలు ఉన్నారు.