Filmy Adda

ఏవైనా వరుసగా కొన్ని సినిమాలు గమనిస్తే, ఎక్కువగా లవ్ స్టోరీలు, ఫ్యాక్షన్ మూవీలు, ఇంట్లో వాళ్ళని మేనేజ్ చేసి చివరిలో ఎమోషనల్ సీన్స్ తో ఒప్పించడాలు ఇవే కామన్ గా చూస్తుంటాం. కాకపోతే కాన్సెప్ట్స్ ఎంత కామన్ గా ఉన్నా, అందులో సీన్స్, కామిడీ, తీసే విధానాన్ని బట్టి ప్రేక్షకులు చూస్తుంటారు. కొన్ని సినిమాల్లో అయితే ఇద్దరు హీరోయిన్లు ఉండటం మరీ కామన్, కాన్సెప్ట్స్ మాత్రం సేమ్ ఉండటం మరీ కామన్ అన్నమాట.

అయినప్పటికీ అందులో కొన్ని సినిమాలు హిట్ కాకపోయినా ఓ మోస్తరుగా ఆడటానికి, కారణం అందులోని హీరో , హీరోయిన్, పాటలు, డ్యాన్సులు ఏవైనా కావొచ్చు. ఇకపోతే ఈ మధ్య కాలం సినిమాలు చూస్తే ఈ మూడు సినిమాలలో ఉన్న కామన్ కాన్సెప్ట్ ఏంటి అంటే హీరో గవర్నమెంట్ ఎంప్లాయిగా పని చెయ్యడం. అయితే కథలు కొంత వేరేలా ఉన్నా కూడా, మెయిన్ థీమ్ మాత్రం సమాజాన్ని బాగుపరచడమే. ఈ సినిమాల్లో పాటలు సూపర్ హిట్ అయినప్పటికీ, సినిమాలు మాత్రం అనుకున్నంత హిట్ ఇవ్వలేక పోయాయి. అసలు ఇంతకీ ఆ మూడు సినిమాలు ఏవో? ఎవరివో ఓ లుక్కేద్దాం.

ఇవి కూడా చదవండి: గవర్నమెంట్ జాబ్స్ ఉన్న 5 మంది భారత క్రికెటర్స్…ఎవరెవరు ఏ హోదాలో అంటే.?

1. రిపబ్లిక్

దేవ కట్ట దర్శకత్వం వహించిన, సాయ్ ధరమ్ తేజ్ మూవీ రిపబ్లిక్ లో హీరో ఐఐటీ జాబ్ ఇష్టం లేక, ఐఏఎస్ ఆఫీసర్ గా మారి కరప్షన్ ని నిర్మూలించాలి అనుకుంటాడు. కాగా ఈ సినిమా కాన్సెప్ట్ కానీ, కథ కానీ చాలా బాగుంది అనే టాక్ రావడంతో, ఎలాంటి హంగులూ, ఆర్భాటాలు లేకుండా రిపబ్లిక్ సినిమా సైలెంట్ హిట్ ఇచ్చిందనే చెప్పొచ్చు. ఇలా హీరో గవర్నమెంట్ ఎంప్లాయ్ గా పని చేసిన ఈ సినిమా క్లిక్ అయ్యిందనే అనొచ్చు.

2. రామారావ్ ఆన్ డ్యూటీ

ఇక ఈ సినిమా విషయానికి వస్తే, శరత్ మండవ తెరకెక్కించిన మాస్ మహరాజ రవితేజ సినిమా రమా రావ్ ఆన్ డ్యూటీలో, హీరో ఒక పోలీస్ ఆఫీసర్ గా కనిపిస్తాడు. ఇందులో హీరో ఏదైనా తప్పు జరిగితే, రూల్స్ ను కూడా బ్రేక్ చేసి మరీ రాంగ్ ను రైట్ చేస్తాడు. కాకపోతే ఈ సినిమా ఊహించినంత ఆడకపోగా, రవితేజ అభిమానులను నిరాశ పరిచింది. ఇప్పటికీ గత కొంత కాలంగా రవితేజ పోలీస్ ఆఫీసర్ పాత్రల్లో నటించినప్పటికీ, ఈ కాన్సెప్ట్ మాస్ మహారాజా కి అంతగా సెట్ అయునట్లు లేదు అంటున్నారు పలువురు సినీ అభిమానులు.

ఇవి కూడా చదవండి: మొన్న RRR… ఇప్పుడు విక్రమ్..! “మహేష్ బాబు” కి మాత్రమే ఎందుకు ఇలా జరుగుతోంది..?

3. మాచర్ల నియోజకవర్గం

యం.ఎస్. రాజశేఖర్ రెడ్డి చిత్రీకరించిన సినిమా మాచర్ల నియోజకవర్గం. ఇందులో నితిన్ ఒక జిల్లాకు కలెక్టర్ గా ఎంపిక అయ్యి, అక్క ఉన్న రౌడీ పొలిటీషియన్ ను, జిల్లాలో ఉండే సమస్యలను చక్కదిద్దుతాడు. కాగా ఈ సినిమాపై ప్రేక్షకులు ఎంతో ఆశలు పెట్టుకుంటే అవన్నీ అడియాశలు అయిపోయాయి. రాను రాను పాట మంచి హిట్ ఇచ్చినప్పటికీ సినిమా మాత్రం అనుకున్నంతగా ఆడలేదు. దీంతో అభిమానులు కొంత బాధ పడ్డా, హీరో నితిన్ ను పోలీస్ ఆఫీసర్ క్యారెక్టర్ లో చూసి ఆనందపడ్డారు.

4. టక్ జగదీష్

శివ నిర్వాణ డైరెక్ట్ చేసిన నాని సినిమా టక్ జగదీష్ లో హీరో ఏమ్ఆర్ఓ(MRO) గా పనిచేస్తాడు. అయితే మిగతా సినిమాలతో ఈ సినిమా కాస్త భిన్నం ఎందుకంటే, ఈ సినిమాలో కూడా హీరో గవర్నమెంట్ ఉద్యోగే కానీ, పోలీస్ డిపార్ట్మెంట్ లో కాదు. ఊరిలో ఉన్న ల్యాండ్ గొడవలను సరి చేస్తూ అందరినీ కలపడానికి ప్రయతించే సినిమా టక్ జగదీష్. కానీ ఈ సినిమా బెడిసికొట్టింది. అనుకున్నట్టు ఆడకపోవడంతో, సినిమా ఫ్లాప్ అయ్యింది.

ఏదేమైనప్పటికీ ఈ నాలుగు సినిమాలు గమనిస్తే, హీరోలు గవర్నమెంట్ ఎంప్లాయిస్ గా పనిచెయ్యడం విశేషం. అవి హిట్ అయినా ఫట్ అయినా, సినీ అభిమానులు మాత్రం, కొత్త పాత్రలను పోషిస్తున్నందుకు, హీరోలను మెచ్చుకుంటున్నారు. ఏదైనా తప్పును సరి చెయ్యాలి అంటే చట్టపరంగా, న్యాయంగా చెయ్యాలి అనే మెసేజ్ కూడా ఇచ్చినట్టు అయ్యింది అని అభప్రాయపడ్డారు.

ఇవి కూడా చదవండి: మహేష్ నుండి మృణాల్ వరకు…ఈ 7 మంది హీరో/హీరోయిన్లను “వైజయంతి మూవీస్” పరిచయం చేసిందని తెలుసా.?

రీసెంట్ గా విజయ్ దేవరకొండ, అనన్య పాండే జంటగా పూరి జగన్నాథ్ తెరకెక్కించిన చిత్రం లైగర్. ఈ చిత్రం ఆగస్ట్ 25న దేశవ్యాప్తంగా రిలీజ్ కానున్న సందర్భంలో చిత్ర టీమ్ అంతా ప్రమోషన్స్ తో చాలా బిజీగా ఉన్నారు. ఈ క్రమంలో వరస ఇంటర్వ్యూలు, ప్రెస్ మీట్ లు కండక్ట్ చేస్తూ సినిమా గురించి ప్రచారం ముమ్మరంగా చేస్తున్నారు. ఈ నేపథ్యంలో ఈ సినిమా నటీనటులు ఇంటర్వ్యూలలో సినిమా గురించే కాకుండా తమ నిజ జీవితం గురించి పలు ఆసక్తికర విషయాలు పంచుకుంటున్నారు.

ఈ క్రమంలో తాజాగా లైగర్ విడుదల సందర్భంగా ట్విట్టర్ వేదికగా విజయ్ దేవరకొండ అనన్యా పాండే నేటిజన్లో అడిగే ప్రశ్నలకు సరదాగా సమాధానం ఇచ్చారు.

“మీరు ఇప్పటివరకు నటించిన పాత్రలకు లైగర్ లోని పాత్రకు తేడా ఏమిటి?” అన్న ప్రశ్నకు అనన్యా పాండే “ఇప్పటివరకు నేను పోషించిన అన్ని పాత్రలు కంటే లైగర్ లో పోషించిన తానియా పాత్ర డిఫరెంట్. ఈ పాత్ర వివిధ రకాల భావోద్వేగాలు పండించే అవకాశం కలిగిన పాత్ర.”అని సమాధానం ఇచ్చారు. “నటుడిగా మీ కెరీర్ చివరి దశలో ప్రేక్షకుల మిమ్మల్ని ఏ విధంగా గుర్తు పెట్టుకోవాలని మీరు ఆశిస్తున్నారు” అని విజయ్ దేవరకొండ ను అడుగగా .

దీనికి విజయ్ సమాధానం ఇస్తూ…”నా కెరీర్ ముగింపు దశలో నన్ను ఎవరు గుర్తు పెట్టుకోవాలి అని నేను ఆశించడం లేదు. ఆ టైంలో అందరూ నన్ను మర్చిపోవాలని కోరుకుంటున్నాను. నా కెరీర్ చివరి దశలో ఉంటే దయచేసి మీరందరూ నన్ను మర్చిపోయి మీ జీవితాన్ని ఎంజాయ్ చేయండి”అని చెప్పడంతో అందరూ ఆశ్చర్యపోయారు. ప్రస్తుతం విజయ్ దేవరకొండ చేసిన ఈ ఆసక్తికర వ్యాఖ్యలు నెట్ లో వైరల్ గా మారాయి. “మీ దృష్టిలో ఫైటర్ అంటే ఎవరు”అన్న ప్రశ్నకు ” ఈ సమాజంలో ప్రేమ ,డబ్బు ,హోదా,గౌరవం ,సంతోషం ,మనకంటూ ఒక స్థానం వీటన్నిటి కోసం పోరాడే వ్యక్తిని నేను ఫైటర్ అని అభివర్ణిస్తాను. నా పోరాటం కూడా అందుకే”అంటూ సమాధానం ఇచ్చారు విజయ్.

సూపర్ స్టార్ మహేష్ బాబుకి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. మహేష్ బాబు మన రెండు తెలుగు రాష్ట్రాల్లో మాత్రమే కాకుండా ఇతర రాష్ట్రాల్లో కూడా చాలా గుర్తింపు పొందారు. స్పైడర్ సినిమాతో డైరెక్ట్ తమిళ్ సినిమాలో కూడా నటించారు. మహేష్ బాబు సోషల్ మీడియాలో కూడా యాక్టివ్ గా ఉంటారు. తన వ్యక్తిగత జీవితానికి సంబంధించిన విషయాలని చాలా తక్కువగా షేర్ చేస్తారు.

కానీ సినిమాలకు సంబంధించిన విషయాల గురించి మాట్లాడటంలో మాత్రం మహేష్ బాబు ముందుంటారు. మహేష్ బాబు ఏదైనా సినిమా చూస్తే, దాని గురించి సోషల్ మీడియాలో తప్పక మాట్లాడుతారు. కేవలం తెలుగు మాత్రమే కాకుండా ఇతర భాషలకు సంబంధించిన సినిమాలు కూడా చూసి, వాటిపై తన అభిప్రాయాన్ని సోషల్ మీడియా ద్వారా తెలిపి, అలాగే ఆ సినిమాకి పనిచేసిన వారందరిని అభినందిస్తూ ఉంటారు.

కేవలం స్టార్ హీరోల సినిమాలు మాత్రమే కాకుండా ఏ హీరో సినిమా అయినా సరే చూసి, మహేష్ బాబు సినిమా బృందాన్ని అభినందిస్తూ ఉంటారు. ఇది గత కొన్ని సంవత్సరాలుగా జరుగుతూ ఉంది. దాంతో చాలా మంది నెటిజన్లు కూడా, “మహేష్ బాబు ఇలా సినిమా చూసి తన అభిప్రాయం తెలపడం అనేది చాలా మంచి విషయమని” మెచ్చుకుంటూ ఉంటారు. మహేష్ బాబు కేవలం ఎక్స్పరిమెంటల్ సినిమాలు అని మాత్రమే కాకుండా సినిమా కమర్షియల్ అయినా సరే లేదా వేరే ఏది అయినా సరే తన అభిప్రాయాన్ని చెప్తూ ఉంటారు. కానీ కొన్నిసార్లు మాత్రం మహేష్ బాబు ఇలా అభిప్రాయం తెలిపినప్పుడు సినిమా బృందం వారు సరిగ్గా స్పందించకపోవడం అనేది జరుగుతూ ఉంది.

మహేష్ బాబు అఖండ చూసి సినిమా బృందాన్ని అభినందించారు. కానీ తర్వాత వారిలో ఏ ఒక్కరు కూడా మహేష్ బాబుకి థాంక్స్ చెప్తూ ట్వీట్ చేయలేదు. కేవలం మ్యూజిక్ డైరెక్టర్ తమన్ మాత్రమే మహేష్ బాబు ట్వీట్ కి స్పందించి థాంక్స్ చెప్పారు. అలాగే తర్వాత పుష్ప సినిమా బృందాన్ని కూడా మహేష్ బాబు అభినందించారు. వారిలో కొంతమంది మహేష్ బాబు ట్వీట్ చూసి థాంక్స్ అని చెప్పారు. ఇటీవల ఈ సంవత్సరం విడుదల అయ్యి ఎంతో పెద్ద విజయం సాధించిన ఆర్ఆర్ఆర్ సినిమా చూసి కూడా మహేష్ బాబు సినిమా బృందాన్ని అభినందిస్తూ ట్వీట్ చేశారు. వారిలో ఏ ఒక్క హీరో కానీ, డైరెక్టర్ కానీ మహేష్ బాబు ట్వీట్ కి స్పందించలేదు. ఇటీవల విక్రమ్ విషయంలో కూడా ఇలాగే జరిగింది. మహేష్ బాబు విక్రమ్ సినిమా బృందాన్ని అభినందిస్తూ ట్వీట్ చేశారు.

అంతే కాకుండా ట్వీట్ లో సినిమాలో నటించిన వారిని, సినిమాకి పనిచేసిన వారందరినీ కూడా ట్యాగ్ చేశారు. సినిమాకి దర్శకత్వం వహించిన లోకేష్ కనగరాజ్ తప్ప మహేష్ బాబు ట్వీట్ కి ఎవరు స్పందిస్తూ థాంక్స్ చెప్పలేదు. మ్యూజిక్ డైరెక్టర్ అనిరుధ్ అయితే సినిమాకు సంబంధించిన ఏ విషయమైనా సరే సోషల్ మీడియాలో షేర్ చేసి దానికి రిప్లై ఇస్తున్నారు. కానీ ఇంత పెద్ద స్టార్ హీరో చేసిన ట్వీట్ ఎలా మిస్ అయ్యారు. ట్వీట్ చేసి ఇన్ని రోజులైనా సరే రిప్లై కూడా ఇవ్వలేదు. దాంతో ఇప్పుడు నేటిజెన్లు అందరూ, “నీకు ఇంత మంచితనం పనికిరాదు అన్నా. సినిమాని పొగిడినప్పుడు వాళ్ళందరిని ట్యాగ్ చేయకు. వాళ్ళు ఎవరు రిప్లై కూడా ఇవ్వట్లేదు” అని కామెంట్స్ పెడుతున్నారు.

అంతే కాకుండా ఇటీవల మహేష్ బాబు హీరోగా నటించిన సర్కారు వారి పాట విడుదలయ్యి కమర్షియల్ విజయం సాధించింది. ఈ సినిమాపై కూడా ఏ ఒక్క స్టార్ హీరో ట్వీట్ చేయలేదు. దాంతో అప్పుడు కూడా, “అదేంటి? మహేష్ బాబు ఏ హీరో సినిమా విడుదలైనా సరే దానిపై తన అభిప్రాయాలు వ్యక్తం చేస్తూ ఉంటారు. మహేష్ బాబు సినిమా విడుదల అయినప్పుడు ఎవరు ఎందుకు స్పందించలేదు” అని కామెంట్స్ చేశారు. ఇప్పుడు కూడా, “మహేష్ బాబు ట్వీట్ కి వీళ్ళందరూ ఎందుకు స్పందించట్లేదు” అని అంటున్నారు. “ట్వీట్ చేసి ఇన్ని రోజులు అయ్యింది. కనీసం ఇప్పటికైనా ఒక్క సారి స్పందించి థాంక్స్ చెప్పాలి కదా?” అని అంటున్నారు.

కమ్మాన్ బేబీ లెట్స్ గో ఆన్ ది బుల్లెట్… ఆన్ ది వేలో పాడుకుందాం డ్యూయెట్టు… ఎక్కడ చూసినా ఇదే పాట. పాట పాడమన్నా, డాన్స్ చెయ్యమన్నా ముందు ఈ పాటే గుర్తొస్తుంది అందరికీ. దీనికి ముందు బుల్లెట్ పాటలు ఎన్నో వచ్చి, హిట్ అయ్యాయి. అయినప్పటికీ డీఎస్ పీ మ్యూజిక్ అందించిన ఈ పాట, దాని సొంత స్టైల్లో ఒక బ్లాక్ బస్టర్ హిట్స్ ఇచ్చింది. అందులోనూ రామ్ పోతినేని, కృతి శెట్టి డాన్స్ వేసిన స్టెప్పులకు ఫిదా అయిపోయారు.

అంతా బాగానే ఉంది కానీ మరి ఈ పాట పాడిన ఫిమేల్ సింగర్ ఎవరో తెలిస్తే కచ్చితంగా ఆశ్చర్య పోతారు. అవునా!! అంటూ నోరు తెరుచుకుంటారు. అయితే ఈ పాట పాడిన ఫీమేల్ సింగర్ పేరు హరి ప్రియ. తన వయసు సుమారు 22 ఏళ్లు ఉంటుందట.

ఇంత చిన్న వయసులో, తన స్వరంతో, మంచి హిట్ సాంగ్ ఇచ్చిన హరి ప్రియ ఎవరో తెలిసాక నెటిజన్లు కామెంట్ల రూపంలో పొగడ్తలతో ముంచెత్తారు. కాగా ఈ విషయాన్ని తన వాయిస్ తో అందరి చెవులకి వినసొంపు కలిగించే ఫేమస్ సింగర్, డబ్బింగ్ ఆర్టిస్ట్ చిన్మయి స్ట్రీపద ట్విట్టర్ లో షేర్ చేశారు. దీంతో ఈ విషయం నెట్టింట చక్కర్లు కొడుతోంది.కెవ్వు కేక వంటి అనేక హిట్ పాటలతో ప్రేక్షకులను అలరించిన, కృష్ణ మురళి కూతురే ఈ సింగర్ హరి ప్రియ.

అయితే ఇప్పుడు ఆయన బ్రతికి ఉండక పోయినా కళ, సంగీతం రూపంలో ఇంకా బ్రతికే ఉన్నారని. ఆయన కూతురు చిన్న వయసులోనే, ఇలా ఏదగడం చూస్తే ఎంతో గర్వంగా ఫీల్ అవుతారని, నెటిజన్లు అంటున్నారు. అంతక ముందు శివం మూవీలో అందమైన లోకం, రమా రావ్ ఆన్ డ్యూటీలో సొట్టాల్లో బుగ్గల్లో, వంటి అనేక పాటలను పాడింది సింగర్ హరి ప్రియ. ఇకముందు కూడా ఇలాంటి ఎన్నో పాటలతో ప్రేక్షకుల మనసులు దోచుకుని, మరింత ఉన్నత స్థాయికి వెళ్ళాలి అంటూ పలువురు సినీ పెద్దలు ఆశీర్వదిస్తున్నారు.

హీరో కార్తీకి తెలుగులో ఉన్న ఫాలోయింగ్ గురించి చెప్పాల్సిన అవసరం లేదు. కార్తీ సినిమా విడుదల అవుతోంది అంటే దాదాపు ఒక తెలుగు సినిమాకి ఉన్న క్రేజ్ ఉంటుంది. కార్తీ కూడా తమిళ్, తెలుగు పరిశ్రమలు రెండు తనకి ఒకటే అని చెబుతూ తెలుగులో కూడా తానే సొంతంగా డబ్బింగ్ చెప్పుకుంటారు. హీరోగా కార్తీ హీరోయిన్ గా శంకర్ కూతురు అదితి నటించిన తమిళ చిత్రం ‘విరుమాన్’ . ఈ చిత్రానికి దర్శకత్వం ప్రముఖ దర్శకులు ముత్తయ్య వహించారు. ఆగస్టు 12న ప్రేక్షకుల ముందుకు వచ్చిన ఈ చిత్రం మొదటి రోజే మంచి పాజిటివ్ టాక్ ను సొంతం చేసుకుంది.

బాక్సాఫీస్ వద్ద కూడా భారీ వసూళ్లు రాబట్టిన ఈ చిత్రం సూపర్ హిట్ చిత్రాల లిస్టులో చేరింది. విక్రమ్ తర్వాత పెద్ద సినిమాలు లేక విలవిలలాడుతున్న తమిళ్ సినిమా థియేటర్లు ‘విరుమాన్’ రిలీజ్ తో తిరిగి కలకలలాడాయి. సరిగ్గా అదే సమయానికి ఆ చిత్రానికి పోటీగా ఇంకా ఏ సినిమా రిలీజ్ లేకపోవడంతో థియేటర్లన్నీ హౌస్ ఫుల్ బోర్డులతో బిజీ అయిపోయారు. ఇకపోతే కార్తీక్ కెరీర్ లో కూడా ఈ చిత్రం తోనే అత్యంత భారీ ఓపెనింగ్స్ నమోదు అవ్వడం విశేషం.

కానీ కథపరంగా తీసుకుంటే ఇందులో ఎటువంటి కొత్తదనం లేదు. ఈ సినిమాలో కాన్సెప్ట్ తల్లి మరణంకి కారణమైన తండ్రిపై పగ తీర్చుకునే కొడుకు క్యారెక్టర్ పై డిపెండ్ అయి ఉంటుంది. ఇది ఎక్కడో విన్నట్టు ఉన్నారు కదూ.. అవునండి ఇలాంటి కథే ప్రభాస్ ఆ సినిమాలో చేశాడు…అదే వంశీ పైడిపల్లి దర్శకత్వంలో వచ్చిన మున్నా సినిమా. ఈ సినిమా తెలుగులో ఫ్లాప్ అయినప్పటికీ అదే సెంటిమెంట్ ను వాడిన కార్తీ తమిళ్ లో భారీ హిట్ సాధించాడు. మన తెలుగులో మున్నా కంటే ముందే ఇదే సెంటిమెంట్ ఇంకా చాలా సినిమాల్లో వాడడం జరిగింది.

వెంకటేష్ నటించిన ‘సూర్య ఐపిఎస్’, నాగార్జున ”, కళ్యాణ్ రామ్ ‘పటాస్ ‘,ఈ సినిమాలన్నిటికీ కూడా కామన్ సెంటిమెంట్ పాయింట్ ఇదే. స్టోరీ చాలా రెగ్యులర్ కాన్సెప్ట్ మీద తీసినప్పటికీ తమిళ నేటివిటీకి దగ్గరగా సినిమా చిత్రీకరణ ఉండడంతో ఇది ప్రేక్షకులను బాగా ఆకట్టుకుంది. ఆ ఒక్క కాన్సెప్ట్ మీదే, రిలీజ్ కి ముందే నెగిటివ్ టాక్ కి గురైనప్పటికీ ఈ చిత్రం కమర్షియల్ సక్సెస్ గా నిలిచింది. భారీ వసూళ్లతో బాక్సాఫీస్ రికార్డ్స్ బద్దలు కొట్టిన ఈ చిత్రం వల్ల డిస్ట్రిబ్యూటర్లకు కూడా ఎంతో లాభం కలిగింది. ఈ నేపథ్యంలో డిస్ట్రిబ్యూటర్స్ లో ఒకరైన శక్తి వేలన్ నిర్మాత సూర్య, హీరో కార్తీలకు డైమండ్ బ్రాస్లెట్ మరియు దర్శకుడు ముత్తయ్యకు డైమండ్ రింగ్ బహుమతిగా అందించారు.

గత కొన్ని సంవత్సరాల నుండి భారతీయ సినిమా ఇండస్ట్రీలో టాప్ దర్శకుల జాబితాలో వినిపిస్తున్న పేరు ప్రశాంత్ నీల్. ఒక్క సినిమాతో భారతదేశం అంతటా చాలా మంచి పేరు సంపాదించుకున్నారు ప్రశాంత్ నీల్. ఇప్పుడు ప్రశాంత్ నీల్ దర్శకత్వం వహించే నెక్స్ట్ సినిమాలపై ఆసక్తి నెలకొంది.

ఆ సినిమాలకు సంబంధించి వార్తలు కూడా బయటికి వచ్చాయి. ప్రశాంత్ నీల్ ప్రభాస్ తో హీరోగా సలార్ సినిమాకి దర్శకత్వం వహిస్తున్నారు. ఆ తర్వాత జూనియర్ ఎన్టీఆర్ తో ఒక సినిమా ఉంటుంది అని ప్రకటించారు. ఆ సినిమా తర్వాత రామ్ చరణ్ తో కూడా ఒక సినిమా ఉండే అవకాశాలు ఉన్నాయి అని వార్తలు వస్తున్నాయి.

దాంతో ప్రశాంత్ నీల్ మీద ఎన్నో నెగటివ్ కామెంట్స్ కూడా వస్తున్నాయి. అందుకు కారణం మొదటి రెండు సినిమాలు కన్నడ హీరోలతో చేసి, పేరు వచ్చిన తర్వాత తెలుగు ఇండస్ట్రీలో ఉన్న పెద్ద స్టార్ హీరోలతో వరుసగా కొన్ని పెద్ద సినిమాలకు దర్శకత్వం వహిస్తున్నారు. దాంతో ప్రశాంత్ నీల్ మీద కన్నడ ఇండస్ట్రీ ప్రేక్షకుల నుండి నెగిటివ్ కామెంట్స్ వస్తున్నాయి. ఇదే విషయాన్ని కోరాలో అడిగినప్పుడు ఒక వ్యక్తి స్పందించి ఈ విధంగా చెప్పారు. కేజీఎఫ్ డైరెక్టర్ ప్రశాంత్ నీల్ కేజీఎఫ్ – 2 తర్వాత టాలీవుడ్ లోకి వెళ్ళడానికి కారణం ఏంటి అనే ప్రశ్నకి మూవీ బఫ్ 139 అనే ఒక కోరా యూజర్ ఈ విధంగా సమాధానం చెప్పారు.

#1 డబ్బు

తెలుగు ఇండస్ట్రీలో చాలా పెద్ద నిర్మాణ సంస్థలు ఉన్నాయి. కన్నడ ఇండస్ట్రీ కంటే తెలుగు ఇండస్ట్రీ చాలా పెద్దది.

#2 నటులకి స్టార్‌డమ్

కన్నడ ఇండస్ట్రీలో ఒక డైరెక్టర్ కథని తయారు చేసి, ప్రొడ్యూసర్ లేదా నటులని కలిసి కథ వినిపించే సినిమా తీస్తారు. అంటే ఇక్కడ డైరెక్టర్ ముఖ్య పాత్ర పోషిస్తారు. తను ఒక సినిమా చేయాలి అనుకుంటే తానే వెళ్లి ప్రొడ్యూసర్ కి, నటులకి కథ చెప్పాలి. కానీ తెలుగు ఇండస్ట్రీలో ఒక డైరెక్టర్ కి హిట్ రాగానే ప్రొడ్యూసర్, హీరోలు డైరెక్టర్ ని వెతుక్కుంటూ వెళ్లి సినిమాలు తీస్తారు.

#3 సినిమాకి ఎక్కువ సమయం తీసుకోకపోవడం

తెలుగు ఇండస్ట్రీలో హీరోలు కొరటాల శివ, త్రివిక్రమ్ వంటి దర్శకులతో కమర్షియల్ సినిమాలు చేసినా కూడా సుకుమార్, రాజమౌళి వంటి దర్శకులతో ప్రయోగాత్మక సినిమాలు చేస్తారు. అందుకు కారణం హీరో కమర్షియల్ సక్సెస్ సాధించడం మాత్రమే కాకుండా మంచి నటుడిగా కూడా పేరు తెచ్చుకోవాలి. అందుకోసమే అటు కమర్షియల్ చిత్రాల్లో ఇటు ప్రయోగాత్మక సినిమాల్లో కూడా నటిస్తూ ఉంటారు.

ప్రశాంత్ నీల్ విషయానికి వస్తే ప్రశాంత్ నీల్ దర్శకత్వం వహించిన సినిమాలు కేవలం కమర్షియల్ గా మాత్రమే ఉండవు. హీరోని చాలా కొత్తగా చూపిస్తారు. అంతేకాకుండా ప్రశాంత్ నీల్ ఒకేసారి ఒకటి కంటే ఎక్కువ సినిమాలని సైన్ చేస్తారు. ఒకే సినిమాపై ఎక్కువ సమయం తీసుకోరు. రాజమౌళి, సుకుమార్ వంటి దర్శకులు ఒక సినిమాపై చాలా సంవత్సరాలు పని చేస్తారు. అందుకే ప్రశాంత్ నీల్ తో పని చేయడానికి చాలా మంది నటులు కూడా ఆసక్తి చూపిస్తున్నారు.

#4 ప్రశాంత్ నీల్ కన్నడ ఇండస్ట్రీకి అవసరమా?

ప్రశాంత్ నీల్ కన్నడ ఇండస్ట్రీకి అవసరమా అనే ప్రశ్నకు కూడా సమాధానం చెప్పారు. ఈ ప్రశ్నకి సమాధానం చెప్పు ఈ విధంగా అన్నారు. “ప్రశాంత్ నీల్ కన్నడ ఇండస్ట్రీ కి అవసరమే. కన్నడ ఇండస్ట్రీ మార్కెట్ దేశవ్యాప్తంగా విస్తరించడానికి ప్రశాంత్ నీల్ ఒక బ్రాండ్ గా నిలిచారు. ఒక గ్యాంగ్‌స్టర్ డ్రామాని తెరపై చాలా బాగా, రియలిస్టిక్‌గా చూపించడం ప్రశాంత్ నీల్ స్పెషాలిటీ.” అని రాశారు.

sourced from : Quora (Moviebuff139)