Filmy Adda

ప్రస్తుతం అంతా ఆసక్తిగా ఎదురు చూస్తున్న చిత్రం లైగర్. రౌడీ హీరో విజయ్ దేవరకొండ ప్రధాన పాత్రలో మాస్ డైరెక్టర్ పూరి జగన్నాధ్ తెరకెక్కిస్తోన్న ఈ మూవీపై అంచనాలు భారీగా ఉన్నాయి. ఇక ఎప్పుడెప్పుడా అని ఎంతో ఆసక్తిగా ఎదురుచూస్తున్న లైగర్ ట్రైలర్‏ను మెగాస్టార్ చిరంజీవి సోషల్ మీడియా వేదికగా రిలీజ్ చేశారు.

తాజాగా విడుదలైన ట్రైలర్ యూట్యూబ్ ను షేక్ చేస్తుంది. మొదటి నుంచి ఈ సినిమా పై ఉన్న అంచనాలకు ఏమాత్రం తగ్గకుండా ఉంది లైగర్ ట్రైలర్. విజయ్ మేకోవర్, డైలాగ్ డెలివరీ ప్రేక్షకులను పిచ్చెక్కిస్తున్నాయి. ఇందులో విజయ్ తల్లిగా సీనియర్ హీరోయిన్ రమ్య కృష్ణ కనిపించారు.  బాక్సింగ్ నేపథ్యంలో తెరకెక్కుతోన్న లైగర్ మూవీలో విజయ్ బాక్సర్ గా కనిపించనున్నారు.

అలాగే ఇందులో లెజెండ్రీ బాక్సర్ మైక్ టైసన్ పవర్ ఫుల్ పాత్రలో కనిపించనున్న సంగతి తెలిసిందే. అలాగే ఈ చిత్రంలో మరో ముఖ్య పాత్రలో విషు రెడ్డి నటించారు. విషు ఇంతకు ముందు మెహబూబా, త్రయం, ఇస్మార్ట్ శంకర్ సినిమాల్లో నటించారు. లైగర్ లో అతను ఎంఎంఏ ఫైటర్ గా కనిపించనున్నట్టు తెలుస్తుంది. అలాగే విషు పూరీ, ఛార్మి కలిసి రన్ చేస్తున్న పూరీ కనెక్ట్స్ కి సీఈఓ గా కూడా పని చేస్తున్నారు.

విషు రెడ్డి లైగర్ సినిమా కోసం బానే కష్టపడ్డట్టు ట్రైలర్ చూస్తే అర్థమవుతుంది. విజయ్ కి ప్రత్యర్థిగా బాక్సింగ్ రింగ్ లో ఉంటారు విషు రెడ్డి. ఫైట్ స్టార్ట్ అవ్వడానికి విజయ్ మరియు విషు ఒకే రింగ్ లో ఒకరిని ఒకరు చాలా కసిగా చూసుకుంటారు. దీన్ని బట్టి విషు రెడ్డిది లైగర్ లో కీలక పాత్ర అని అర్థం చేసుకోవచ్చు.

ఇప్పటికే షూటింగ్ పూర్తి చేసుకున్న ఈ చిత్రాన్ని ఆగస్ట్ 25న పాన్ ఇండియా లెవల్లో విడుదల చేయనున్నారు. బాలీవుడ్ ప్రొడ్యూసర్ కరణ్ జోహర్, ఛార్మీ, పూరీ కలిసి నిర్మిస్తున్న ఈ సినిమా బాక్సాఫీస్ ను షేక్ చేసేలా ఉంది. విజయ్ కూడా ముందు నుంచి ఈ మూవీతో దేశమంతా షేక్ అవుతుంది అని చెప్తూనే ఉన్నాడు.

సోషల్ మీడియాలో యాక్టివ్ గా ఉండే సెలబ్రిటీలలో సమంత ఒకరు. తన సినిమాలకు సంబంధించిన విషయాలను కానీ, లేదా ఇతర విషయాలను కానీ సోషల్ మీడియా ద్వారా తన అభిమానులతో షేర్ చేసుకుంటూ ఉంటారు.అలాగే చాలా సార్లు తన అభిమానులు అడిగిన ప్రశ్నలకు సమంత సోషల్ మీడియా ద్వారా సమాధానం చెప్పారు. ఇవన్నీ మాత్రమే కాకుండా ఎంతో మందిని ప్రోత్సహించేలాగా కూడా సమంత పోస్ట్ చేస్తూ ఉంటారు.

సమంత నటించిన కాత్తు వాక్కుల రెండు కాదల్ అనే తమిళ్ సినిమా ఇటీవల విడుదల అయ్యింది. ఈ సినిమాలో విజయ్ సేతుపతి హీరోగా నటించగా, నయనతార మరో హీరోయిన్ గా నటించారు. సమంత ఇప్పుడు యశోద సినిమా షూటింగ్‌లో ఉన్నారు. అలాగే విజయ్ దేవరకొండ హీరోగా నటిస్తున్న ఖుషి సినిమాలో కూడా నటిస్తున్నారు. ఇదిలా ఉండగా సమంత కాఫీ విత్ కరణ్ ప్రోగ్రాం కి అతిథిగా వెళ్లారు.

ఈ ప్రోగ్రాం ఎపిసోడ్ ఇటీవల విడుదల అయ్యింది. ఇందులో సమంత తన విడాకుల గురించి మాట్లాడారు. అలాగే కరణ్ జోహార్ అడిగిన కొన్ని వ్యక్తిగత ప్రశ్నలకు కూడా సమంత ఈ ప్రోగ్రాంలో సమాధానం చెప్పారు. ఇందులో కరణ్ జోహార్ సమంతని, “మళ్లీ ప్రేమించడానికి ఓపెన్ గా ఉన్నావా?” అని అడిగారు. అందుకు సమంత, “అస్సలు లేదు” అని సమాధానమిచ్చారు. అలాగే విడాకుల సమయంలో తను చాలా బాధ పడినట్టు, అలాగే మానసికంగా సమస్యలు ఎదుర్కొన్నట్టు అర్థం వచ్చేలా సమంత సమాధానాలు చెప్పారు.

ఇంకా చాలా విషయాల గురించి సమంత ఈ ప్రోగ్రాంలో మాట్లాడారు. బాలీవుడ్ స్టార్ హీరో అక్షయ్ కుమార్ తో కలిసి సమంత ఈ ప్రోగ్రాంలో పాల్గొన్నారు. అలాగే సమంతని కరణ్ జోహార్, నాగ చైతన్యకి, తనకి ప్రస్తుతం ఎలాంటి రిలేషన్ ఉంది అన్నట్టుగా అడిగారు. అందుకు సమంత సమాధానంగా, “మా ఇద్దరినీ ఒక రూమ్ లో పెడితే అక్కడ పదునుగా ఉండే వస్తువులన్నిటినీ దాచేయాల్సి ఉంటుంది.” అని అన్నారు. సమంత ఇచ్చిన జవాబుకి కరణ్ జోహార్, “మీ ఇద్దరూ ప్రస్తుతం స్నేహపూర్వకంగా నే ఉన్నారు కదా?” అని అడిగారు. అందుకు సమంత, “ఇప్పుడు అయితే కాదు. బహుశా భవిష్యత్తులో ఉండే అవకాశాలు ఉన్నాయి.” అని చెప్పారు.

విజయ్ దేవరకొండ హీరోగా నటించిన లైగర్ సినిమా ట్రైలర్ ఇవాళ విడుదల అయ్యింది. ఈ సినిమాకి పూరి జగన్నాధ్ దర్శకత్వం వహించారు. అనన్య పాండే ఈ సినిమాలో హీరోయిన్ గా నటించారు. పూరి కనెక్ట్స్ తో కలిసి కరణ్ జోహార్ ఈ సినిమాని నిర్మించారు. ఈ సినిమా పాన్ ఇండియన్ సినిమాగా విడుదల అవుతోంది. ట్రైలర్ చూస్తూ ఉంటే హీరో ఒక ఎంఎంఏ ఫైటర్ పాత్రలో నటిస్తున్నారు అని అర్థమవుతోంది. ఇందులో రమ్య కృష్ణ హీరో తల్లి పాత్రలో నటిస్తున్నారు.

శ్రీను వైట్ల దర్శకత్వంలో రాంచరణ్, రకుల్ ప్రీత్ జంటగా నటించిన బ్రూస్ లీ అందరికీ తెలిసిందే. ఈ చిత్రంలో మెగా స్టార్ చిరంజీవి అతిధి పాత్రతో అదరగొట్టేసాడు. ఇందులో చిరు కనిపించేది కాసేపే అయినా థియేటర్లు ఫ్యాన్స్ విజిల్స్ తో దద్దరిల్లిపోయాయి. అప్పుడే ఫ్లైట్ దిగి షూటింగ్ కోసం వచ్చిన చిరు, రకుల్ ప్రీత్ కష్టాల్లో ఉందని తెలిసి ఆమెను రక్షిస్తాడు.

ఆ సమయంలో మెగాస్టార్ చెప్పే డైలాగ్స్ అన్నీ అందరినీ ఆకట్టుకున్నాయి. “జస్ట్ టైం గాప్ అంతే.. టైమింగ్ లో గాప్ ఉండదు” అంటాడు చిరంజీవి. అయితే ప్రస్తుతం లైగర్ ట్రైలర్ లో టైసన్ ను చూస్తుంటే.. బ్రూస్ లీ లో మెగాస్టార్ చిరంజీవి గుర్తొస్తున్నాడు అంటూ సోషల్ మీడియాలో నెటిజన్లు కామెంట్ చేస్తున్నారు. లైగర్ లో కూడా విజయ్ దేవరకొండ ఏదో గొడవ పడుతుంటే..

అప్పుడు ఎంటర్ అవుతాడు మైక్ టైసన్. నేను ఫైటర్ ని అని విజయ్ అంటే.. “నువ్వు ఫైటర్ అయితే.. మరీ నేనేంటి” అంటాడు టైసన్. మొత్తానికి ఒక్క ట్రైలర్ లోనే ఇన్ని సినిమాలు కనిపిస్తుంటే, ఒక సినిమా చూస్తే ఇంకెన్నీ సినిమాలు చూపిస్తాడో అని నెటిజన్ల సెటైర్లు వేస్తున్నారు. పూరీ జగన్నాథ్ దర్శకత్వంలో రౌడీ హీరో విజయ్ దేవరకొండ కథానాయకుడిగా పాన్ ఇండియా మూవీ లైగర్ ని తెరకెక్కిస్తున్నారు.

లైగర్ తెలుగు ట్రైల‌ర్‌ను మెగాస్టార్ చిరంజీవి, పాన్ ఇండియా స్టార్ ప్ర‌భాస్‌ రిలీజ్ చేశారు. “ఒక లయన్ కి, టైగర్ కి పుట్టిండాడు. క్రాస్ బ్రీడ్ సార్ నా బిడ్డ” అంటూ రమ్యకృష్ణ చెప్పే డైలాగ్ తో ట్రైలర్ మొదలవుతుంది. ట్రైలర్ లో విజయ్ దేవరకొండ రఫ్ లుక్ లో కనబడుతున్నారు. చాన్నాళ్లుగా విజయ్ సినిమాలు కూడా ఏం రాకపోవడంతో రౌడీ ఫ్యాన్స్ నెల రోజుల ముందు నుంచే సంబరాల్లో మునిగిపోయారు. పూరీ కూడా ఇస్మార్ట్ శంకర్ హిట్ జోష్ లో పాన్ ఇండియా మూవీని తెరకెక్కించాడు.

రౌడీ హీరో విజయ్ దేవరకొండ, డేరింగ్ అండ్ డాషింగ్ పూరీ జగన్నాథ్ కాంబినేషన్ లో వస్తున్న పాన్ ఇండియా మూవీ లైగర్ గురించి అందరికీ తెలిసిందే. ఈ ఏడాది టాలీవుడ్ లో విడుదలైన ఏ సినిమా బ్లాక్ బస్టర్ టాక్ తెచ్చుకోలేదు. దీంతో ‘లైగ‌ర్‌’పై టాలీవుడ్ భారీ ఆశ‌లు పెట్టుకొంది.

టాలీవుడ్ లో వ‌రుస ప‌రాజ‌యాలకు `లైగ‌ర్‌` బ్రేక్ వేస్తుంద‌ని ఇండ‌స్ట్రీ వ‌ర్గాలు ఆశ‌లు పెట్టుకొన్నాయి. దానికి తగ్గట్టే చిత్ర బృందం విడుదల చేసిన పోస్టర్స్, సాంగ్, ట్రైలర్ కి మంచి రెస్పాన్స్ వచ్చింది. అయితే ట్రైలర్ చూసిన నెటిజన్లు ఈ చిత్రాన్ని అమ్మా నాన్న ఓ తమిళ అమ్మాయితో పోలుస్తున్నారు.

అందులోని రవితేజను విజయ్ దేవరకొండతో, జయసుధను రమ్యకృష్ణతో, ప్రకాష్ రాజ్ ను మైక్ టైసన్ తో, ఆసిన్ ని అనన్య పాండేతో పోలుస్తూ కామెంట్ చేస్తున్నారు. అమ్మా నాన్న ఓ ముంబై పోరి అని సెటైర్లు కూడా వేస్తున్నారు నెటిజన్లు. ఇది వ‌ర‌కు `అమ్మా నాన్న ఓ త‌మిళ అమ్మాయి`లో మ‌ద‌ర్ సెంటిమెంట్ చూపించాడు పూరీ. అది కూడా బాక్సింగ్ క‌థే. అందుకే ఈ రెండు సినిమాల‌కూ పోలిక తీసుకొస్తున్నారు.

చూడాలి ఇది ఎంత వరకు వర్కౌట్ అవుతుందో..!  ఆగస్ట్ 25న లైగర్ సినిమాను విడుదల చేయనున్నారు. ఇప్పటికే షూటింగ్ ముగించుకొని పోస్ట్ ప్రొడక్షన్, పబ్లిసిటీ పై దృష్టి పెట్టింది చిత్ర బృందం. పూరీ కనెక్ట్స్, ధర్మ ప్రొడక్షన్ సంయుక్తంగా ఈ చిత్రాన్ని నిర్మిస్తున్నాయి. సోషల్ మీడియాలో ట్రోల్ అవుతున్న ఓ మీమ్ కింద ఇవ్వబడింది.

https://www.instagram.com/p/CgQuVdPJhri/?igshid=YmMyMTA2M2Y=

విజయ్ దేవరకొండ హీరోగా నటించిన లైగర్ సినిమా ట్రైలర్ ఇవాళ విడుదల అయ్యింది. ఈ సినిమాకి పూరి జగన్నాధ్ దర్శకత్వం వహించారు. అనన్య పాండే ఈ సినిమాలో హీరోయిన్ గా నటించారు. పూరి కనెక్ట్స్ తో కలిసి కరణ్ జోహార్ ఈ సినిమాని నిర్మించారు. ఈ సినిమా పాన్ ఇండియన్ సినిమాగా విడుదల అవుతోంది. ట్రైలర్ చూస్తూ ఉంటే హీరో ఒక ఎంఎంఏ ఫైటర్ పాత్రలో నటిస్తున్నారు అని అర్థమవుతోంది. ఇందులో రమ్య కృష్ణ హీరో తల్లి పాత్రలో నటిస్తున్నారు.

ఈ సినిమా ఎప్పుడో విడుదల కావాల్సి ఉన్నా కూడా చాలా కారణాల వల్ల ఆలస్యం అయ్యింది. ఇప్పుడు ఈ సినిమా ఆగస్ట్ లో ప్రేక్షకుల ముందుకి రాబోతోంది. ట్రైలర్ లో చాలా మంది ప్రముఖ నటీనటులు కనిపించారు.

అంతే కాకుండా బ్యాక్ గ్రౌండ్ లో ఒక పాట కూడా వినిపిస్తోంది. ట్రైలర్ మొత్తం ఈ పాట వస్తోంది. అయితే ట్రైలర్ కి అనుకున్నంత మంచి స్పందన అయితే రావట్లేదు. ట్రైలర్ విడుదల అయ్యే ముందు చాలా అంచనాలు ఉన్నాయి. అంతకు ముందు విడుదల అయిన టీజర్ కూడా సినిమాపై ఆసక్తి పెంచింది. కానీ ట్రైలర్ చూసిన తర్వాత మాత్రం చాలామంది, “ఇదేంటి ఇలా ఉంది?” అంటున్నారు. అసలు ట్రైలర్ లో ఉన్న మైనస్ పాయింట్స్ ఏంటో ఇప్పుడు చూద్దాం.

#1 సినిమా టైలర్ మొత్తం డైలాగ్స్ కంటే ఎక్కువ పాట ఉంది. సాధారణంగా ఒక ట్రైలర్ అంటే, అది కూడా ఒక తెలుగు సినిమా ట్రైలర్ అంటే కచ్చితంగా కొన్ని డైలాగ్స్ అయినా సరే ప్రేక్షకులు ఆశిస్తారు. అలాంటి డైలాగ్ ఒక్కటి కూడా లేదు. అది కూడా పూరి జగన్నాధ్ సినిమా అంటే డైలాగ్స్ ఒక రేంజ్ లో ఉంటాయి. కానీ ఈ ట్రైలర్ లో అలాంటిది ఒక్కటి కూడా కనిపించలేదు.

#2 హీరోయిన్ గా అనన్య పాండే నటిస్తున్నారు. ట్రైలర్ లో ఆమె ఉన్న షాట్స్ ఏవో అతికించినట్లు అనిపించాయి. అక్కడ ఆ షాట్ అవసరం లేకపోయినా కూడా కావాలి అని పెట్టినట్టు ఉన్నాయి. ఒక ఫ్లోలో సాగుతున్న ట్రైలర్ ని ఈ షాట్స్ కాస్త డిస్టర్బ్ చేసినట్టు అనిపించాయి.

#3 సినిమా టీజర్ అంచనాలను పెంచింది. దాంతో ప్రేక్షకులు అందరూ ట్రైలర్ ఎప్పుడు విడుదల అవుతుందా అని ఎదురు చూశారు. అంతేకాకుండా ట్రైలర్ విడుదల అయ్యే ముందు రోజు విజయ్ దేవరకొండ కటౌట్ పెట్టడం, విజయ్ దేవరకొండ కటౌట్ మాత్రమే కాకుండా కరణ్ జోహార్, అనన్య పాండే కటౌట్ కూడా పెట్టడం అనేది ఈ సినిమా గురించి ఆసక్తి ఇంకా పెంచాయి. దాంతో ప్రేక్షకులు అందరూ కూడా ట్రైలర్ ఒక రేంజ్ లో ఉంటుంది అనుకుని ఊహించుకున్నారు. కానీ ట్రైలర్ చూస్తే ఊహించుకున్న అంచనాలని అందుకోలేదు ఏమో అనిపిస్తుంది.

#4 ట్రైలర్ కట్ కూడా చాలా డల్ గా ఉంది. ఏ ఒక్క చోట కూడా ఒక్క హై ఇచ్చే సీన్ కానీ, షాట్ కానీ లేదు. ట్రైలర్ చివరిలో మైక్ టైసన్ కనిపిస్తారు. కానీ అది కూడా సడన్ గా చూస్తే బ్రూస్ లీ సినిమాలో రామ్ చరణ్, చిరంజీవి సీన్ గుర్తొచ్చేలాగా ఉంది. ట్రైలర్ లో స్టోరీ అర్థం అవ్వకుండా ఉండాలి అనే ఉద్దేశం మంచిదే. కానీ ఇందులో చూస్తే మాత్రం ట్రైలర్ లో ఒక్క మంచి పూరి మార్క్ షాట్ కూడా లేదు.

#5 అంతే కాకుండా పూరి జగన్నాధ్ దర్శకత్వంలో వచ్చిన అమ్మ నాన్న ఒక తమిళ అమ్మాయి సినిమా షేడ్స్ కూడా ఈ సినిమా ట్రైలర్ లో చాలా కనిపించాయి. ట్రైలర్ కింద కామెంట్స్ లో కూడా, “అమ్మ నాన్న ఒక తమిళ అమ్మాయి బదులు అమ్మ నాన్న ఒక ముంబై అమ్మాయి ఏమో” అని కామెంట్స్ వస్తున్నాయి. ట్రైలర్ లో చూపించిన కథ కూడా కొత్తగా లేకపోవడంతో ఈ సినిమా ట్రైలర్ పై నెగిటివ్ కామెంట్స్ వస్తున్నాయి.

ప్రస్తుతం అయితే లైగర్ ట్రైలర్ కి ఈ స్పందన వస్తోంది. దాంతో చాలామంది సినిమా బాగుంటే అదే చాలు అని అంటున్నారు. మరి సినిమా ఎలా ఉంటుందో, ప్రేక్షకుల అంచనాలను అందుకుంటుందో లేదో తెలియాలంటే విడుదల అయ్యేంత వరకు ఆగాల్సిందే.