Filmy Adda

టాలీవుడ్ లో టాప్ హీరోయిన్లలో పూజా హెగ్డే ఒకరు. ఇప్పుడు పూజ పాన్‌ ఇండియా హీరోయిన్‌. తెలుగుతో పాటు హిందీ, తమిళంలోనూ వరస సినిమాలు చేస్తూ బిజీగా ఉంది. అయితే ఏడాది మొదటి నుంచే బుట్టబొమ్మ పూజా హెగ్డేకు వరుస ఫ్లాప్స్ ఎదురవుతున్నాయి. పాన్ ఇండియా మూవీ రాధే శ్యామ్, కోలీవుడ్ లో చేసిన బీస్ట్ మూవీ, ఆ తర్వాత మెగా మల్టీస్టారర్ ఆచార్య.. ఇలా వరుసగా పరాజయాలు ఎదురయ్యాయి.

తాజాగా ఆమె బాలీవుడ్‌లోనూ సల్మాన్‌ ఖాన్, రణవీర్‌సింగ్‌ వంటి స్టార్‌ హీరోలతో జతకట్టి మరోసారి అక్కడ తన అదృష్టాన్ని పరీక్షించుకోనుంది. అయితే కోలీవుడ్‌లో మాత్రం సరైన సక్సెస్ దక్కలేదు. నిజానికి పూజా తమిళ చిత్రంతోనే సినీ ఎంట్రీ ఇచ్చింది. 10 ఏళ్ల క్రితం ముగముడి చిత్రం ద్వారా కోలీవుడ్‌లో అడుగుపెట్టింది. ఆ చిత్రం ఆశించిన విజయం సాధించలేదు. దీంతో పూజా హెగ్డేను అక్కడ ఎవరు పట్టించుకోలేదు. చాలా రోజుల తరువాత మళ్లీ బీస్ట్‌ చిత్రంలో విజయ్‌తో నటించినా అదృష్టం కలిసి రాలేదు.

ఇంతకు ముందు నటి ఇలియానా పరిస్థితి కూడా ఇదే. కేడీ చిత్రంతో కోలీవుడ్‌ ఎంట్రీ ఇచ్చింది. ఆ చిత్ర అపజయంతో ఆ తరువాత ఆమెను పక్కన పెట్టేశారు. టాలీవుడ్‌లో క్రేజ్‌ తెచ్చుకున్న తరువాత విజయ్‌ సరసన నన్భన్‌ చిత్రంతో రీఎంట్రీ అయ్యింది. అయితే ఆ చిత్రం మిశ్రమ స్పందనను పొందడంతో ఇలియానా అక్కడ కనిపించలేదు. ప్రస్తుతం పూజా హెగ్డే పరిస్థితి కూడా ఇలాగే ఉంది. తాజాగా సూర్య సరసన నటించే మరో లక్కీచాన్స్‌ కొట్టేసిందనే టాక్‌ వినిపిస్తోంది. ఈ చిత్రమైనా సక్సెస్ అయ్యి పూజా పాపకు అవకాశాలు అందిస్తుందో లేదో చూడాలి.

లవ్ స్టోరీ, బంగార్రాజు సినిమాల తర్వాత నాగ చైతన్య మళ్లీ థాంక్యూ సినిమాతో ప్రేక్షకుల ముందుకు వస్తున్నారు. ఈ సినిమాపై అంచనాలు భారీగా నెలకొన్నాయి. అందుకు ముఖ్య కారణం నాగ చైతన్య – విక్రమ్ కె కుమార్ కాంబినేషన్. విక్రమ్ కె కుమార్ దర్శకత్వంలో నాగ చైతన్య మనం సినిమాలో నటించారు.

ఆ సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. దాంతో వీరిద్దరూ మళ్లీ కలిసి ఈ సినిమా చేస్తున్నారు అంటే ప్రేక్షకుల్లో ఆసక్తి నెలకొంది.  అంతే కాకుండా ఈ సినిమా టీజర్, ట్రైలర్ కూడా కొత్తగా అనిపించాయి. నాగ చైతన్య ఈ సినిమాలో మూడు రకమైన పాత్రల్లో నటిస్తున్నారు అని అర్థమవుతోంది. ఈ సినిమాలో మాళవిక నాయర్, అవికా గోర్, రాశి ఖన్నా హీరోయిన్లుగా నటిస్తున్నారు.

తమన్ ఈ సినిమాకి సంగీత దర్శకత్వం వహించారు. ఈ సినిమా జూలై 22 వ తేదీన ప్రేక్షకుల ముందుకు రాబోతోంది. ముందే విడుదల కావాల్సిన ఈ సినిమా కొన్ని కారణాల వల్ల ఆలస్యం అయ్యింది. అయితే ఈ సినిమా ఫస్ట్ రివ్యూ వచ్చేసింది. అభిరామ్ అనే ఒక వ్యక్తి ఒక మామూలు మనిషి నుండి ఒక పెద్ద వ్యాపారవేత్తగా ఎలా ఎదిగాడు అనే విషయం చుట్టూ సినిమా నడుస్తుంది.  అభిరామ్ తను అంత సక్సెస్ అవ్వడానికి, అంత పెద్ద స్థాయికి ఎదగడానికి తానే కారణం అని అనుకుంటూ ఉంటాడు.

అయితే అభిరామ్ జీవితంలో అనుకోని ఒక సంఘటన కారణంగా తను అనుకున్న వారిని కోల్పోతాడు. అప్పుడు అభిరామ్ తను ఎక్కడినుంచి మొదలుపెట్టాడు అని గుర్తు చేసుకొని నిజంగా తను ఇంత పెద్ద సక్సెస్ సాధించడానికి కారణం తాను మాత్రమే కాదు అని, ఇంకా చాలా మంది ఉన్నారు అని అర్థం చేసుకుంటాడు. అసలు అభిరామ్ ఎలాంటి కష్టాలను ఎదుర్కొన్నాడు?  అభిరామ్ కి సహాయం చేసిన వారు ఎవరు? అభిరామ్ ని అడ్డుకోవడానికి ప్రయత్నించిన వారు ఎవరు? చివరికి తన గెలుపు వెనుక ఉన్న అర్ధాన్ని తెలుసుకున్నాడా అనే కాన్సెప్ట్ చుట్టూ సినిమా తిరుగుతుంది అని సమాచారం.

అయితే సినిమాకి వచ్చిన రివ్యూ ప్రకారం ఈ సినిమా ఈ అబోవ్ యావరేజ్ సినిమాగా నిలిచే అవకాశాలు ఉన్నాయి. ఈ సినిమాకి మెయిన్ ప్లస్ పాయింట్ మాత్రం నాగ చైతన్య నటన అని అంటున్నారు. తెలుగు ఇండస్ట్రీలో ఫీల్ గుడ్ సినిమాలు వచ్చి చాలా కాలం అయ్యింది కాబట్టి ఈ సినిమా హిట్ అయ్యే అవకాశాలు ఎక్కువగా ఉన్నాయి అని అంటున్నారు. ఇందులో ఎంతవరకు నిజం ఉందో తెలుసుకోవాలి అంటే సినిమా విడుదలయ్యే వరకు ఆగాల్సిందే.

టాలీవుడ్ లో మొట్టమొదటి పూర్తిస్థాయి కామెడీ హీరో రాజేంద్ర ప్రసాద్. రాజేంద్ర ప్రసాద్‌ అంటే కేవలం నవ్వులు మాత్రమే కాదు. నవరసాలను అద్భుతంగా పండించగల పరిపూర్ణ నటుడు. అందుకే హీరోగా అవకాశాలు తగ్గాక.. సహాయనటుడిగా రకరకాల పాత్రలు పోషిస్తూ ఆడియన్స్ ని అలరిస్తూ వస్తున్నాడు ఈ నటకిరీటీ రాజేంద్రప్రసాద్.

డైరెక్టర్‌ వంశీ 1985లో రాజేంద్ర ప్రసాద్‌ను పెట్టి హీరోగా ‘ప్రేమించు-పెళ్లాడు’ అనే సినిమా తీశాడు. కానీ హీరో డెబ్యూ మూవీ రాజేంద్ర ప్రసాద్‌కి నిరాశే మిగిల్చింది. అయినా వంశీ రాజేంద్ర ప్రసాద్‌ను వదల్లేదు. ఈసారి కసితో ‘లేడీస్ టైలర్’ (1986) తీశాడు. ఫలితం.. సంచలన విజయం. ఆ తర్వాత రాజేంద్ర ప్రసాద్ అనేక సినిమాల్లో నటించి తన వైవిధ్యమైన నటనతో కొన్ని దశాబ్ధాలుగా ప్రేక్షకులను అలరిస్తున్నాడు. రాజేంద్రప్రసాద్ టాప్ 10 పెర్ఫార్మన్స్ మూవీస్ ని ఓసారి చూద్దాం . .

#1. రాంబంటు:

బాపు దర్శకత్వంలో వచ్చిన రాంబంటు సినిమాలో రాజేంద్ర ప్రసాద్ మరియు ఈశ్వరీ రావు నటించారు. ఈ చిత్రం బాక్సాఫీసు వద్ద సూపర్ హిట్‌గా నిలిచింది. ఇందులో రాజేంద్రప్రసాద్ నటనకు మంచి రెస్పాన్స్ వచ్చింది.

#2. రాజేంద్రుడు గజేంద్రుడు:

ఈ మూవీకి ఎస్ వీ కృష్ణారెడ్డి దర్శకత్వం వహించారు. ఈ చిత్రంలో రాజేంద్ర ప్రసాద్, సౌందర్య కలిసి నటించారు. ఇందులో రాజేంద్రప్రసాద్ కామెడీతో అందరిని ఆకట్టుకున్నాడు.

#3. లేడీస్ టైలర్:

డైరెక్టర్ వంశీ దర్శకత్వం వహించిన ఈ చిత్రంలో రాజేంద్ర ప్రసాద్ మరియు అర్చన నటించారు. ఇందులో రాజేంద్రప్రసాద్ తన మార్క్ కామెడీతో అలరించాడు.

#4. కాష్మోరా:

కాష్మోరా 1986లో విడుదలైన భయానక చిత్రం. ఉషోదయ మూవీస్ బ్యానర్‌పై నిర్మించిన ఈ చిత్రానికి చక్రవర్తి దర్శకత్వం వహించారు. ఇందులో రాజేంద్ర ప్రసాద్, రాజశేఖర్ మరియు భానుప్రియ నటించారు. శూద్ర పూజలు చేసి మాంత్రికుడిగా తన నటనలో మరో కోణాన్ని చూపించాడు.

#5. మేడమ్:

మేడమ్ 1994లో విడుదలైన కామెడీ చిత్రాన్ని సింగీతం శ్రీనివాస్ దర్శకత్వం వహించారు. ఈ సినిమాలో రాజేంద్ర ప్రసాద్ మరియు సౌందర్య నటించారు. ఇందులో రాజేంద్రప్రసాద్ లేడీ పాత్రలో అందరిని నవ్వించాడు.

#6. అహ నా పెళ్ళంట!:

అహ నా-పెళ్లంట! 1987లో జంధ్యాల రచించి దర్శకత్వం కామెడీ మూవీ. ఈ చిత్రంలో రాజేంద్ర ప్రసాద్ మరియు రజనీ నటులు కాగా కోటా శ్రీనివాసరావు, నూతన్ ప్రసాద్, మరియు బ్రహ్మానందం నటించారు. ఈ చిత్రంలో రాజేంద్రప్రసాద్ మామను ఆకట్టుకునే పిసినారీ పాత్రలో ఒదిగిపోయాడు.

#7. మహానటి:

మహానటి సావిత్రి జీవితం ఆధారంగా తెరకెక్కించారు. దీనికి నాగ్ అశ్విన్ రచన మరియు దర్శకత్వం వహించారు. ఈ చిత్రంలో సావిత్రిగా కీర్తి సురేష్ నటించగా రాజేంద్రప్రసాద్ సావిత్రిని ఇండస్ట్రీకి పరిచయం చేసే బాబాయి పాత్రలో రాజేంద్రప్రసాద్ నటించారు.

#8. జులాయి:

జులాయి త్రివిక్రమ్ శ్రీనివాస్ దర్శకత్వం వహించిన యాక్షన్ కామెడీ చిత్రం. ఈ చిత్రంలో అల్లు అర్జున్, ఇలియానా, రాజేంద్ర ప్రసాద్ నటించారు. ఇందులో అల్లు అర్జున్ కి పోటీగా రాజేంద్రప్రసాద్ కామెడీతో ఆకట్టుకుంటాడు.

#9.నాన్నకు ప్రేమతో:

సుకుమార్ దర్శకత్వంలో వచ్చిన నాన్నకు ప్రేమతో యాక్షన్ థ్రిల్లర్ చిత్రం. ఇందులో ఎన్టీఆర్, జగపతి బాబు, రాజేంద్రప్రసాద్ మరియు రకుల్ ప్రీత్ సింగ్ నటించారు. ఈ చిత్రంలో రాజేంద్రప్రసాద్ తండ్రి పాత్రలో నటించి మెప్పించారు.

#10. కౌసల్య కృష్ణమూర్తి:

కౌసల్య కృష్ణమూర్తి భీమనేని శ్రీనివాసరావు దర్శకత్వం వహించిన స్పోర్ట్స్ డ్రామా చిత్రం. ఈ చిత్రంలో ఐశ్వర్య రాజేష్, రాజేంద్ర ప్రసాద్, కార్తీక్ రాజు నటించారు. ఇందులో రాజేంద్రప్రసాద్ పీకల్లోతు అప్పుల్లో కూరుకుపోయిన రైతు పాత్రలో, హీరోయిన్ కు తండ్రిగా నటించారు.

#11. ఆ నలుగురు:

ఆ నలుగురు చిత్రానికి చంద్ర సిద్ధార్థ దర్శకత్వం వహించారు. ఇందులో రాజేంద్ర ప్రసాద్, ఆమని నటించారు. ఇందులో రఘురామ్ పాత్రలో కంటతడి పెట్టించాడు రాజేంద్రప్రసాద్. ఇవేకాక ఓనమాలు, మీ శ్రేయోభిలాషి సినిమాలు ఆయన నటనలో మరో కోణాన్ని ఆవిష్కరించాయి.

విక్రం కె కుమార్ దర్శకత్వంలో యువ సామ్రాట్ అక్కినేని నాగ చైతన్య హీరోగా నటిస్తున్న చిత్రం థ్యాంక్యూ. ఈ చిత్రానికి గాను నాగచైతన్య సరసన హీరోయిన్గా రాశిఖన్నా నటిస్తుంది. ఈ జూలై 22వ తేదీన థ్యాంక్యూ చిత్రం ప్రేక్షకులను అలరించడానికి థియేటర్లలో రాబోతుంది. మనం చిత్రం తరువాత దాదాపు 8 సంవత్సరాలకి విక్రం కె కుమార్ మరియు నాగచైతన్య కాంబినేషన్ లో రాబోతుంది ఈ థాంక్యూ మూవీ.

విక్రం కె కుమార్ డైరెక్షన్ గురించి వేరే చెప్పనవసరంలేదు. ఆయన చేసే చిత్రాలకు ప్రేక్షకులల్లో ఎంతో క్రేజ్ ఉంటుంది. థ్యాంక్యూ చిత్రంలో నాగచైతన్య మూడు విభిన్నమైన పాత్రల్లో కనిపించబోతున్నారని ఇటీవల విడుదలైన ట్రైలర్ ద్వారా తెలుస్తోంది.  మాళవిక నాయర్, అవికా గోర్, ప్రకాష్ రాజ్, సాయి సుశాంత్ ప్రధాన పాత్రలో నటిస్తున్నారు.

ఈ చిత్రానికి గానూ తమన్ సంగీత సారథ్యం వహించారు. ఇటీవల విడుదలైన ట్రైలర్ లో  తమన్ మ్యూజిక్ ప్రేక్షకులను ఎంతగానో ఆకట్టుకుంది. ఈ చిత్రం కేవలం 2:09 గంటల రన్ టైం మాత్రమే ఉందని వార్త ప్రచారం అవుతుంది. ఇటీవల కాలంలో ఇంత తక్కువ నిడివితో వచ్చిన చిత్రమిది అని చెప్పవచ్చు అంటూ బయట టాక్ వినిపిస్తుంది. మనం చిత్రం నాగచైతన్య మరియు విక్రం కె కుమార్ కాంబినేషన్లో సూపర్ హిట్ను అందుకుంది.

అదేవిధంగా ఈ చిత్రంలో నాగచైతన్య నటన ప్రేక్షకులను ఆకట్టుకునేలా ఉంది అని ప్రేక్షకుల నుంచి అభిప్రాయం వ్యక్తమవుతోంది. అంతేకాకుండా తమన్ మ్యూజిక్ ఈ చిత్రానికి హైలెట్గా నిలుస్తుందని చెప్పవచ్చు.  థ్యాంక్యూ చిత్రం  ప్రమోషన్లు కూడా మంచి జోరుగా జరుగుతున్నాయి.   థ్యాంక్యూ చిత్రం ఖచ్చితంగా ప్రేక్షకుల  అంచనాలను మించి ఉంటుందని, నాగచైతన్య ఖాతాలో మరో హిట్ పడుతుందని చిత్ర యూనిట్ అభిప్రాయం వ్యక్తం చేస్తున్నారు. ఈ చిత్రంతో నాగచైతన్య ఖాతాలో మరో హిట్ పడనుందా అనేది చిత్రం విడుదల వరకు  వేచిచూడాలి.

అఖిల్ అక్కినేని హీరోగా నటిస్తున్న ఏజెంట్ సినిమా టీజర్ ఇటీవల విడుదల అయ్యింది.  ఈ సినిమాకి సురేందర్ రెడ్డి దర్శకత్వం వహిస్తున్నారు. ఈ సినిమా పాన్ ఇండియన్ సినిమాగా విడుదలవుతోంది. గత కొంతకాలం నుండి గమనిస్తే ఈ ట్రెండ్ చాలా మంది హీరోలు ఫాలో అవుతున్నారు.

అంతకుముందు శంకర్, మణిరత్నం వంటి దర్శకులు దర్శకత్వం వహించిన సినిమాలు, వారి భాషల్లో మాత్రమే కాకుండా ఇతర భాషల్లో కూడా డబ్ అయ్యి విడుదల అయ్యేవి. ఆ తర్వాత ఇదే ట్రెండ్ కంటిన్యూ చేస్తూ రాజమౌళి బాహుబలి సినిమాని సౌత్ ఇండియన్ భాషల్లో, అలాగే హిందీ భాషలో విడుదల చేశారు.

అలాగే ఇటీవల రాజమౌళి దర్శకత్వం వహించిన బ్లాక్ బస్టర్ అయిన సినిమా ఆర్ఆర్ఆర్ కూడా పాన్ ఇండియన్ సినిమాగా విడుదల అయ్యింది. ఇవి మాత్రమే కాకుండా ఇతర భాషల్లో వచ్చే సినిమాలను కూడా, వారి ఒక్క భాషలో మాత్రమే కాకుండా ఇతర భారతీయ భాషల్లో విడుదల చేస్తున్నారు. ఇది ఒక రకంగా మంచిదే. కానీ కొన్ని సినిమాలకు మాత్రం ఈ ప్రయత్నం చేయడం ఎంతవరకు కరెక్ట్ అనే సందేహం ప్రేక్షకుల్లో నెలకొంది. పెద్దపెద్ద స్టార్ హీరోల సినిమాలు అయితే వేరే భాషల్లో విడుదలైనా సరే కాస్త క్రేజ్ ఉంది కాబట్టి వారికి కలెక్షన్స్ వచ్చే అవకాశం ఉంది.

కానీ కథ కొంతకాలం నుండి గమనిస్తే పెద్ద హీరోల సినిమాలతో పాటు యంగ్ హీరోల సినిమాలు కూడా పాన్ ఇండియన్ సినిమాలుగా విడుదల అవుతున్నాయి. కొన్ని సినిమాల్లో నిజంగా అంత మంచి కథ ఉంటే అలాంటి సినిమాలు పాన్ ఇండియన్ సినిమాలుగా విడుదల అయినా మంచిదే. కొన్ని సినిమాల్లో కథ బలహీనంగా ఉన్నా కూడా ఇలాగే విడుదలవుతున్నాయి. బాహుబలి సినిమాతో ప్రభాస్ కి చాలా క్రేజ్ వచ్చింది. అదే క్రేజ్ ఫాలో అవుతూ బాహుబలి తర్వాత వచ్చిన సాహో అలాగే రాధే శ్యామ్ సినిమాలు కూడా పాన్ ఇండియన్ సినిమాలుగా విడుదల అయ్యాయి. నెక్స్ట్ ప్రభాస్ హీరోగా నటిస్తున్న సినిమాలు కూడా ఇలాగే విడుదల అవుతాయి.

అయితే ఇప్పుడు విజయ్ దేవరకొండ హీరోగా నటించిన లైగర్, అలాగే నిఖిల్ హీరోగా నటిస్తున్న కార్తికేయతో పాటు సమంత నటిస్తున్న యశోద, అలాగే సందీప్ కిషన్ హీరోగా నటిస్తున్న మైఖేల్, నిఖిల్ హీరోగా నటిస్తున్న మరొక సినిమా స్పై సినిమా కూడా పాన్ ఇండియన్ సినిమాలుగా విడుదల అవుతున్నాయి. కానీ ఒకసారి గమనిస్తే వీళ్ళందరికీ పాన్ ఇండియన్ లెవెల్ క్రేజ్ లేదు. కొన్ని సినిమాలు కేవలం తెలుగులో ప్రేక్షకులు మాత్రమే ఆదరించే సినిమాలు. దాంతో చాలా మంది, “ప్రతి సినిమా ఇలా విడుదల చేయాల్సిన అవసరం లేదు కదా? కొన్ని సినిమాలు తెలుగులో హిట్ అయితే వేరే వాళ్ళకి కూడా తెలుస్తాయి కదా?” అని కామెంట్స్ చేస్తున్నారు.