Filmy Adda

చేవెళ్ల రవి కుమార్.. ఈ పేరు చెబితే ఎవరికీ పెద్దగా తెలీదు కానీ బిత్తిరి సత్తి అంటే మాత్రం ఇట్టే గుర్తు పట్టేస్తారు. మొదట చిన్న చిన్న కామెడీ షోలు చేసుకుంటూ ఉండే సత్తి.. ఇప్పుడు టాలీవుడ్ లో స్టార్ హీరోలు సైతం సత్తితో ఇంటర్వ్యూ కోసం ఎదురు చూసేలా చేసాడు.

మీడియా న్యూస్ ఛానల్ లో సరదాగా వార్తలు చెబుతూ ప్రేక్షకులకు దగ్గరైన సత్తి ఆ తర్వాత సినిమాల్లోకి అడుగుపెట్టాడు. ప్రస్తుతం అతను కొత్తదారిలో భారీ ఆదాయాన్ని అందుకుంటున్నాడు. పెద్ద దర్శకులు, హీరోలు కూడా ప్రస్తుతం బిత్తిరి సత్తి తో సినిమాలను ప్రమోట్ చేకుంటున్నారు. దీంతో ఇప్పుడు బిత్తిరి సత్తికి సీనియర్ యాంకర్ సుమ కనకాల కంటే ఎక్కువ ఆదాయం అందుతున్నట్లు తెలుస్తోంది.

బిత్తిరి సత్తి మీడియా న్యూస్ ఛానల్ లో డిమాండ్‌ను బట్టి మారుతూ వచ్చాడు. ప్రస్తుతం నెలకు 4 నుంచి 5 లక్షల రూపాయల వరకు ఆదాయాన్ని అందుకుంటున్నట్టు తెలుస్తోంది. అతను మొదట పని చేసిన మీడియా న్యూస్ ఛానల్ లో వేలల్లో జీతం అందుకున్న సత్తి ఆ తర్వాత మరో ప్రముఖ న్యూస్ ఛానల్ లో నాలుగు లక్షల వరకు ఆదాయాన్ని అందుకున్నాడు.

ఇప్పుడు బిత్తిరి సత్తి ప్రైవేట్ యాడ్స్ కూడా చేస్తున్నాడు. దీని కోసం కూడా అతను ఏకంగా రోజుకు ఆరు లక్షల వరకు డిమాండ్ చేస్తున్నాడట. వరుసగా పెద్ద సినిమాలకు సంబంధించిన స్టార్స్ తో ప్రత్యేకంగా ఇంటర్వ్యూ చేయడంతో బిత్తిరి సత్తికి మంచి క్రేజ్ వచ్చింది. దీంతో ఒక్కో ఇంటర్వ్యూకు రెండు నుంచి మూడు లక్షల రూపాయల వరకు తీసుకుంటున్నట్లు సమాచారం. సత్తి సినిమా ఇంటర్వ్యూకు కూడా మంచి క్రేజ్ అందుతుంది.  ఇటీవల ఆర్ఆర్ఆర్  సినిమా ఇంటర్వ్యూ కూడా బాగా క్లిక్ అయ్యింది.

అందులో ఎన్టీఆర్ తో బిత్తిరి సత్తి అల్లరి మామూలుగా లేదు. ఆ తర్వాత మహేష్ బాబుతో చేసిన సర్కారు వారి పాట ఇంటర్వ్యూ కూడా బాగా వైరల్ అయ్యింది. సత్తి తన మాటలతో మహేష్‌ను బాగా నవ్వించాడు. ఆ తర్వాత ఎఫ్3 సినిమా ప్రమోషన్లలో కూడా సత్తి నవ్వులు పూయించాడు. వెంకీ కూడా బిత్తిరిని ఓ ఆట ఆడుకున్నాడు. ఇలా వరుసగా బిత్తిరి సత్తి పెద్ద సినిమాలు, స్టార్ హీరోలతో వరుసగా ఇంటర్వ్యూలు చేస్తూ పెద్ద మొత్తాన్ని అందుకుంటున్నట్టు సమాచారం.

జబర్దస్త్.. ఎందరో ప్రేక్షకులకు వినోదాన్ని పంచడమే కాదు.. ఎందరో ఆర్టిస్ట్ లకు ఓ దారిని కూడా చూపించింది. జబర్దస్త్ మొదలైన తొలినాళ్లలో ఎక్కువ గా అబ్బాయిలే ఆర్టిస్ట్ లు గా ఉండే వారు. ఆడ ఆర్టిస్ట్ లు అవసరం అయినప్పుడు కూడా మగవారే ఆడవారి గెటప్ లు వేసి అలరిస్తూ ఉండేవారు. అదో యూనీక్ గా చాలాకాలం జబర్దస్త్ లో కొనసాగింది.

అయితే ప్రస్తుతం ట్రెండ్ మారింది. ఫ్యామిలీ మెంబెర్స్ కూడా స్టేజి పై పలు పంచుకుంటున్నారు. పండుగలు, స్పెషల్ ఈవెంట్స్ సందర్భంగా ప్రసారం అయ్యే స్పెషల్ షో లలో ఫ్యామిలీ మెంబెర్స్ అందరు కలిసి సందడి చేస్తున్నారు.

సాధారణంగా ఈ స్పెషల్ ఈవెంట్స్ లలో కమెడియన్స్ అందరు కలిసి అనుకున్న థీమ్ ప్రకారం స్కిట్ లు, డాన్స్ లు వేసి ప్రేక్షకులను ఎంటర్టైన్ చేస్తూ ఉంటారు. పండుగల శుభ సందర్భంగా మన ఇంట్లో సందడిని సృష్టిస్తుంటారు. అయితే.. ఈ స్పెషల్ ఈవెంట్స్ కు ఇటీవల ఫ్యామిలీ మెంబెర్స్ కూడా గెస్ట్ అప్పియరెన్స్ ఇచ్చి ప్రేక్షకులను ఎంటర్ టైం చేస్తూ ఉంటారు.

మొదట్లో ఇలాంటి స్పెషల్ ఈవెంట్స్ ను ఈటివి మాత్రమే ప్లాన్ చేసేది. కానీ ఇటీవల జీ తెలుగు, స్టార్ మా వంటి ఛానెల్స్ కూడా ఇలాంటి స్పెషల్ ఈవెంట్స్ ను ప్లాన్ చేసి ఎంటర్టైన్ చేస్తున్నాయి. అయితే.. గెస్ట్ అప్పియరెన్స్ ల ద్వారా ప్రేక్షకులను ఎంటర్టైన్ చేసే కమెడియన్స్ ఫ్యామిలీ మెంబెర్స్ కి ప్రత్యేకంగా పారితోషికం ఉంటుందా..? అన్న డౌట్ చాలా మందికే ఉంది.

అయితే.. అసలు లెక్కల ప్రకారం కమెడియన్స్ కుటుంబ సభ్యులను తీసుకొచ్చేదే పాపులారిటీ కోసం. కాబట్టి.. వారి కుటుంసభ్యులకు ప్రత్యేకంగా పారితోషికం ఇచ్చే అవకాశం లేదని తెలుస్తోంది. ఉదాహరణగా, ఇటీవలి కొన్ని స్కిట్స్ లలో బుల్లెట్ భాస్కర్ తండ్రి గెస్ట్ అప్పియరెన్స్ ఇచ్చి అలరించారు. అయితే.. ఆయన ద్వారా బుల్లెట్ భాస్కర్ కు మరింత పేరు వచ్చింది. భాస్కర్ కు మంచి గుర్తింపుతో పాటు మంచి పారితోషికం కూడా లభిస్తుంది. కాబట్టి ఫ్యామిలీ మెంబెర్స్ కు ప్రత్యేకంగా పారితోషికం ఇవ్వాల్సిన అవసరం లేదని మల్లె మాల వారు భావిస్తున్నట్లు తెలుస్తోంది. అయితే.. వారికి దారి ఖర్చులు, ట్రావెల్ ఖర్చులు వంటి వాటిని మాత్రం మల్లెమాల భరిస్తుంది.

సూపర్ స్టార్ మహేష్ బాబుకి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. మహేష్ బాబు మన రెండు తెలుగు రాష్ట్రాల్లో మాత్రమే కాకుండా ఇతర రాష్ట్రాల్లో కూడా చాలా గుర్తింపు పొందారు. స్పైడర్ సినిమాతో డైరెక్ట్ తమిళ్ సినిమాలో కూడా నటించారు. మహేష్ బాబు సోషల్ మీడియాలో కూడా యాక్టివ్ గా ఉంటారు. తన వ్యక్తిగత జీవితానికి సంబంధించిన విషయాలని చాలా తక్కువగా షేర్ చేస్తారు.

కానీ సినిమాలకు సంబంధించిన విషయాల గురించి మాట్లాడటంలో మాత్రం మహేష్ బాబు ముందుంటారు. మహేష్ బాబు ఏదైనా సినిమా చూస్తే, దాని గురించి సోషల్ మీడియాలో తప్పక మాట్లాడుతారు. కేవలం తెలుగు మాత్రమే కాకుండా ఇతర భాషలకు సంబంధించిన సినిమాలు కూడా చూసి, వాటిపై తన అభిప్రాయాన్ని సోషల్ మీడియా ద్వారా తెలిపి, అలాగే ఆ సినిమాకి పనిచేసిన వారందరిని అభినందిస్తూ ఉంటారు.

కేవలం స్టార్ హీరోల సినిమాలు మాత్రమే కాకుండా ఏ హీరో సినిమా అయినా సరే చూసి, మహేష్ బాబు సినిమా బృందాన్ని అభినందిస్తూ ఉంటారు. ఇది గత కొన్ని సంవత్సరాలుగా జరుగుతూ ఉంది. దాంతో చాలా మంది నెటిజన్లు కూడా, “మహేష్ బాబు ఇలా సినిమా చూసి తన అభిప్రాయం తెలపడం అనేది చాలా మంచి విషయమని” మెచ్చుకుంటూ ఉంటారు. మహేష్ బాబు కేవలం ఎక్స్పరిమెంటల్ సినిమాలు అని మాత్రమే కాకుండా సినిమా కమర్షియల్ అయినా సరే లేదా వేరే ఏది అయినా సరే తన అభిప్రాయాన్ని చెప్తూ ఉంటారు. కానీ కొన్నిసార్లు మాత్రం మహేష్ బాబు ఇలా అభిప్రాయం తెలిపినప్పుడు సినిమా బృందం వారు సరిగ్గా స్పందించకపోవడం అనేది జరుగుతూ ఉంది.

మహేష్ బాబు అఖండ చూసి సినిమా బృందాన్ని అభినందించారు. కానీ తర్వాత వారిలో ఏ ఒక్కరు కూడా మహేష్ బాబుకి థాంక్స్ చెప్తూ ట్వీట్ చేయలేదు. కేవలం మ్యూజిక్ డైరెక్టర్ తమన్ మాత్రమే మహేష్ బాబు ట్వీట్ కి స్పందించి థాంక్స్ చెప్పారు. అలాగే తర్వాత పుష్ప సినిమా బృందాన్ని కూడా మహేష్ బాబు అభినందించారు. వారిలో కొంతమంది మహేష్ బాబు ట్వీట్ చూసి థాంక్స్ అని చెప్పారు. ఇటీవల ఈ సంవత్సరం విడుదల అయ్యి ఎంతో పెద్ద విజయం సాధించిన ఆర్ఆర్ఆర్ సినిమా చూసి కూడా మహేష్ బాబు సినిమా బృందాన్ని అభినందిస్తూ ట్వీట్ చేశారు. వారిలో ఏ ఒక్క హీరో కానీ, డైరెక్టర్ కానీ మహేష్ బాబు ట్వీట్ కి స్పందించలేదు. ఇటీవల విక్రమ్ విషయంలో కూడా ఇలాగే జరిగింది. మహేష్ బాబు విక్రమ్ సినిమా బృందాన్ని అభినందిస్తూ ట్వీట్ చేశారు.

అంతే కాకుండా ట్వీట్ లో సినిమాలో నటించిన వారిని, సినిమాకి పనిచేసిన వారందరినీ కూడా ట్యాగ్ చేశారు. సినిమాకి దర్శకత్వం వహించిన లోకేష్ కనగరాజ్ తప్ప మహేష్ బాబు ట్వీట్ కి ఎవరు స్పందిస్తూ థాంక్స్ చెప్పలేదు. మ్యూజిక్ డైరెక్టర్ అనిరుధ్ అయితే సినిమాకు సంబంధించిన ఏ విషయమైనా సరే సోషల్ మీడియాలో షేర్ చేసి దానికి రిప్లై ఇస్తున్నారు. కానీ ఇంత పెద్ద స్టార్ హీరో చేసిన ట్వీట్ ఎలా మిస్ అయ్యారు. ట్వీట్ చేసి ఇన్ని రోజులైనా సరే రిప్లై కూడా ఇవ్వలేదు. దాంతో ఇప్పుడు నేటిజెన్లు అందరూ, “నీకు ఇంత మంచితనం పనికిరాదు అన్నా. సినిమాని పొగిడినప్పుడు వాళ్ళందరిని ట్యాగ్ చేయకు. వాళ్ళు ఎవరు రిప్లై కూడా ఇవ్వట్లేదు” అని కామెంట్స్ పెడుతున్నారు.

అంతే కాకుండా ఇటీవల మహేష్ బాబు హీరోగా నటించిన సర్కారు వారి పాట విడుదలయ్యి కమర్షియల్ విజయం సాధించింది. ఈ సినిమాపై కూడా ఏ ఒక్క స్టార్ హీరో ట్వీట్ చేయలేదు. దాంతో అప్పుడు కూడా, “అదేంటి? మహేష్ బాబు ఏ హీరో సినిమా విడుదలైనా సరే దానిపై తన అభిప్రాయాలు వ్యక్తం చేస్తూ ఉంటారు. మహేష్ బాబు సినిమా విడుదల అయినప్పుడు ఎవరు ఎందుకు స్పందించలేదు” అని కామెంట్స్ చేశారు. ఇప్పుడు కూడా, “మహేష్ బాబు ట్వీట్ కి వీళ్ళందరూ ఎందుకు స్పందించట్లేదు” అని అంటున్నారు. “ట్వీట్ చేసి ఇన్ని రోజులు అయ్యింది. కనీసం ఇప్పటికైనా ఒక్క సారి స్పందించి థాంక్స్ చెప్పాలి కదా?” అని అంటున్నారు.

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

ఈ సినిమా “బంగార్రాజు” పేరుతో విడుదల అయ్యింది. ఈ సినిమాలో నాగార్జునతో పాటు నాగ చైతన్య కూడా నటించారు. నాగ చైతన్య సరసన క్రితి శెట్టి నటించారు. చాలా రోజుల తర్వాత మళ్లీ నాగార్జున, నాగచైతన్య కలిసి నటించారు. ఈ సినిమా సంక్రాంతి కానుకగా విడుదల అయ్యింది.

ఈ సినిమాకి మంచి టాక్ వచ్చింది. పండగకి సరిపోయే సినిమా అని అందరూ అన్నారు. సినిమాలో చాలా మంది తెలిసిన నటీనటులు ఉన్నారు. నాగార్జున ఇందులో తండ్రి, కొడుకు పాత్రల్లో నటించారు. ఒక నాగార్జున పక్కన రమ్య కృష్ణ నటించారు. అలాగే సంపత్ కూడా ఈ సినిమాలో నెగటివ్ పాత్రలో నటించారు. నాగ చైతన్య నాగార్జున రమ్య కృష్ణ మనవడి పాత్రలో నటించారు. అంటే రాము, సీత కొడుకు ఈ చిన బంగార్రాజు.

దీని ప్రకారం రెండవ నాగార్జున పాత్ర అయిన రాము పక్కన నటించిన లావణ్య త్రిపాఠి, నాగ చైతన్యకి తల్లి అవుతుంది. నాగ చైతన్య, లావణ్య త్రిపాఠి అంతకుముందు యుద్ధం శరణం సినిమాలో హీరోహీరోయిన్లుగా నటించారు. ఆ సినిమాకంటే ముందు మనం సినిమాలో ఇద్దరు ఫ్రెండ్స్ గా కనిపిస్తారు. ఇలా లావణ్య త్రిపాఠి నాగ చైతన్యకి ఫ్రెండ్ గా, నాగ చైతన్య పక్కన హీరోయిన్ గా, అలాగే నాగ చైతన్య తల్లిగా కూడా నటించారు అన్నమాట. బంగార్రాజు సినిమా సంక్రాంతి కానుకగా జనవరి 14వ తేదిన విడుదల అయ్యింది. నాగ చైతన్య విక్రమ్ కె.కుమార్ దర్శకత్వంలో థాంక్యూ సినిమాలో నటించారు. ఈ సినిమాలో రాశి ఖన్నా హీరోయిన్ గా నటించారు. ఈ సినిమా షూటింగ్ ఇటీవలే పూర్తయ్యింది. అలాగే నాగ చైతన్య నటిస్తున్న మరి కొన్ని సినిమాల వివరాలు కూడా తెలియాల్సి ఉంది.