Filmy Adda

టాలీవుడ్ స్టార్ హీరో అక్కినేని నాగార్జునకు తెలుగు నాట ఎంత ఫాలోయింగ్ ఉందో ప్రత్యేకంగా చెప్పాల్సిన అవసరం లేదు. వరుస సినిమాలు, బిగ్ బాస్ రియాలిటీ షో హోస్టింగ్ తో బిజీ బిజీ గా ఉండే నాగార్జున గతేడాది బంగార్రాజు సినిమా సక్సెస్ తో ఫుల్ జోష్ లో ఉన్నారు.

మన్మథుడిగా తెలుగు ఇండస్ట్రీలో నాగార్జునకు తిరుగు లేని ఫ్యాన్ బేస్ ఉంది. అక్కినేని నట వారసత్వాన్ని అందిపుచ్చుకుని.. లవర్ బాయ్ గా రాణించారు. ఆ తరువాత అన్నమయ్య, శ్రీ రామ దాసు వంటి భక్తి రసాత్మక చిత్రాలలో కూడా నటించి మెప్పించారు.

ఇక యాక్షన్ సినిమాల్లో కూడా నాగార్జున తన సత్తా చాటారు. యాక్షన్, రొమాంటిక్, భక్తి.. ఇలా ప్రతి అంశంలోనూ నాగార్జున నటన విషయంలో తనదైన ముద్ర వేసి టాలీవుడ్ కింగ్ గా పేరు తెచ్చుకున్నారు. ఇక అభిమానుల విషయానికి వస్తే.. నాగార్జునకు ఆరుపదుల వయసు వస్తున్నా.. ఇప్పటికీ చాలా ఫ్యాన్ బేస్ ఉంది. ఇటు మాస్ ఆడియన్స్, అటు ఫ్యామిలీ ఆడియన్స్ లోను నాగార్జునకు చాలానే ఫాలోయింగ్ ఉంది. ప్రస్తుతం.. నాగార్జునకు వీరాభిమాని అయిన ఓ వ్యక్తి చేసిన పని గురించి చెప్పుకుందాం.

నాగార్జున అన్నమయ్యగా నటించిన సినిమా ఆయన కెరీర్ లోనే ఓ మైలురాయిగా నిలిచిన సంగతి తెలిసిందే. ఆ సినిమా 1997 మే రెండవ తేదీన విడుదల అయ్యింది. ఈ క్రమంలో ఆ సినిమా విడుదల అయ్యాక.. ఓ అభిమాని అన్నమయ్య ఆలయాన్ని నిర్మించడానికి పూనుకున్నారు. 1997 ఈ ఆలయ నిర్మాణ పనులు ప్రారంభించారు. ఇందుకు సంబంధించిన పనులు ఇప్పటికీ కొనసాగుతున్నాయి. ఇందుకోసం సదరు అభిమాని ఏకంగా కోటి రూపాయలకు పైనే ఖర్చు చేశారట. కేవలం భక్తి చిత్రాలలో నటించారన్న అభిమానంతోనే సదరు వ్యక్తి ఇలా చేయడం అందరిని ఆశ్చర్యానికి గురి చేస్తోంది.

ఎన్టీఆర్ బర్త్ డే సందర్భంగా ప్రశాంత్ నీల్ డైరెక్షన్ లో రాబోయే ఎన్టీఆర్ 31 మూవీ గురించి అప్ డేట్ వచ్చిన సంగతి తెలిసిందే. అప్పటి నుంచే ఈ సినిమాపై అంచనాలు పెరిగిపోయాయి. ఎన్టీఆర్, ప్రశాంత్ నీల్ కాంబోలో రాబోతోన్న ఈ సినిమాకు హీరోయిన్ గా శ్రీనిధి శెట్టి ఉండాలి అంటూ ఎన్టీఆర్ ఫ్యాన్స్ కోరుకుంటున్నారు.

కెజిఎఫ్ రెండు పార్ట్స్ లోను శ్రీనిధి శెట్టికి మంచి మార్కులు పడ్డాయి. దీనితో సోషల్ మీడియాలో చాలా చోట్ల ఈ సినిమాకు కూడా డైరెక్టర్ గా ప్రశాంత్ నీల్, హీరోయిన్ గా శ్రీనిధి శెట్టి కాంబో అయితే బాగుంటుంది అంటూ ఫ్యాన్స్ కామెంట్స్ చేస్తున్నారు.

ఈ క్రమంలో ఫ్యాన్స్ కామెంట్స్ ను దృష్టిలో పెట్టుకుని ప్రశాంత్ నీల్ కూడా శ్రీనిధి శెట్టిని హీరోయిన్ గా ఎంపిక చేస్తారో లేదో వేచి చూడాల్సి ఉంది. మోడల్ గా కెరీర్ ను ప్రారంభించిన శ్రీనిధి శెట్టి కెజిఎఫ్, కెజిఎఫ్ చాప్టర్ 2 సినిమాలతో తెలుగు ప్రేక్షకుల దగ్గర మంచి మార్కులనే కొట్టేసారు. ప్రస్తుతం శ్రీనిధి శెట్టి విక్రమ్ సరసన కోబ్రా మూవీలో నటిస్తూ బిజీగా ఉన్నారు. ఈ సినిమా ఆగష్టు 11 వ తేదీన విడుదల కావాల్సి ఉంది.

ఈ క్రమంలో ఓ ఇంటర్వ్యూలో పాల్గొన్న శ్రీనిధి శెట్టి పేరు కంటే డబ్బు ముఖ్యం అంటూ కామెంట్స్ చేసారు. దీనితో ఈ కామెంట్స్ చాలా మందికి నచ్చలేదు. ఈ విషయమై శ్రీనిధి శెట్టిని చాలా ట్రోల్ చేసారు. కెజిఎఫ్ సినిమాలతో పాన్ ఇండియా లెవెల్ లో శ్రీనిధికి గుర్తింపు లభించింది. ఎన్టీఆర్ మూవీలో ఛాన్స్ వస్తే తెలుగునాట కూడా ఆమె క్రేజీ హీరోయిన్ గా బిజీ అయ్యే అవకాశం ఉంది. 2023 ఎన్టీఆర్, ప్రశాంత్ నీల్ కాంబోలో సినిమా షూటింగ్ పట్టాలు ఎక్కే అవకాశం ఉంది. ఈ క్రమంలో హీరోయిన్ విషయంలో ప్రశాంత్ నీల్ ఎలాంటి నిర్ణయం తీసుకుంటారో వేచి చూడాల్సి ఉంది.

తెలుగు సినిమా తెరపై హీరోయిన్ గా వెలుగు వెలిగిన నటి పూర్ణ ప్రస్తుతం “ఢీ” షో కు జడ్జిగా వ్యవహరిస్తున్న సంగతి తెలిసిందే. జడ్జిగా స్టేజి పై పూర్ణ చేసే అల్లరి మాములుగా ఉండదు. కంటెస్టెంట్ల పెర్ఫార్మన్స్ లు నచ్చితే బుగ్గ కొరకడం లాంటి అల్లరి చేస్తూ వైరల్ అవుతూ ఉంటారు. ఒక్కోసారి అభిమానుల విమర్శలు కూడా ఎదుర్కొంటు ఉంటారు.

అయితే.. ఇప్పటి వరకు సైలెంట్ గా ఉన్న నటి పూర్ణ సడన్ గా తనకి కాబోయే శ్రీవారిని పరిచయం చేసారు. దీనితో ఈ వార్త నెట్టింట్లో వైరల్ అయింది. ఇప్పుడు పూర్ణ ఫ్యాన్స్ అందరు కలిసి ఆ అబ్బాయి ఎవరు అన్న సంగతి తెలుసుకునే పనిలో పడ్డారు.

సడన్ గా నటి పూర్ణ తనకు ఎంగేజ్మెంట్ అయిపొయింది అని ప్రకటించి అభిమానుల గుండెల్లో బాంబ్ పేల్చారు. అయితే.. అందాల నటి పూర్ణకు కాబోయే శ్రీవారు ఎవరా..? అన్న చర్చ మాత్రం సోషల్ మీడియాలో నడుస్తూనే ఉంది. పూర్ణ చేసుకోబోయే వ్యక్తి పేరు షానిద్ అసిఫ్ అలీ. ఆయన యూఏఈ బేస్డ్ వ్యాపారవేత్త. అయితే ఆయన మూలాలు కేరళలో ఉన్నాయని.. కేరళ రాష్ట్రానికి చెందిన వ్యక్తి అని తెలుస్తుంది. ఆయన జేబీఎస్ గ్రూప్ ఆఫ్ కంపెనీస్ కు సీఈఓ, ఫౌండర్. జమా అల్మెహరి అనే మరో కంపెనీని కూడా స్థాపించారని తెలుస్తోంది.

ఈ సంస్థ ద్వారా ఆయన ఆఫీసుల ప్రారంభానికి కావాల్సిన సర్వీస్ లను అందిస్తుంటారు. ఆయన ప్రముఖంగా సెలెబ్రెటీలకు వీసాలను అందిస్తూ ఉంటారు. ఫ్లైట్ టికెట్స్ బుకింగ్, వీసా సర్వీసులను ఆయన కంపెనీ అందిస్తూ ఉంటుంది. ఇప్పటికే ఆయన చాలా మంది మూవీ సెలెబ్రెటీలకు సైతం వీసాలను అందించారు. కాజల్, ప్రణీత, ప్రియమణి, శ్వేతా మీనన్, విజయ్ సేతుపతి, ఆండ్రియా, నాజర్, లక్ష్మి వంటి ఎందరో సెలెబ్రిటీలు ఆయన వద్ద నుంచి వీసా అందుకున్నారు. కేరళ సినీ సెలెబ్రిటీలతో ఆయనకు మంచి పరిచయాలు ఉన్నాయట.

మరో వైపు ఎన్నారై ఎంట్రప్రెన్యూర్ గా కూడా ఆయన కేరళ సీఎం నుంచి అవార్డు అందుకున్నారు. ముస్లిం మత పెద్దలతో కూడా ఎన్నో పరిచయాలు ఉన్న ఆయన దుబాయ్ లో లగ్జరీ లైఫ్ స్టయిల్ ను ఎంజాయ్ చేస్తున్నారు. చాలా కాలంగానే ఆయనకు పూర్ణ ఫ్యామిలీతో మంచి అనుబంధాలు ఉన్నాయి. పూర్ణకి కూడా ఆయన యూఏఈ వీసాను అందించారు. కేరళకు చెందిన ఓ సినిమా వేడుకలో కూడా వీరిద్దరూ పాల్గొన్నారు. వీరిద్దరికి ముందునుంచే మంచి స్నేహబంధం ఉందని.. అది ప్రేమగా మారిందని తెలుస్తూనే ఉంది. అయితే పెద్దల సమక్షంలో వీరిద్దరూ ఒక్కటి కాబోతున్నారు. చూడచక్కని ఈ జంటని చూసి అభిమానులు కూడా ఫుల్ ఖుష్ అవుతున్నారు.

సింగర్ కేకే పాడిన పాటలు చాలా సినిమాల్లో సూపర్ హిట్ గా నిలిచాయి. పాటమ్మె తన ప్రాణం అనే కేకే చివరికి ఆ పాట పాడుతోనే ప్రాణం పోగొట్టుకున్నాడు.ఈయన బాలీవుడ్ గాయకుడు. పూర్తి పేరు కృష్ణ కుమార్ కున్నాథ్.. మంగళవారం రోజున కోల్కత్తాలో మృతి చెందిన సంగతి తెలిసిందే.

ఒక లైవ్ షో చేస్తుండగా గుండెపోటుకు గురయ్యారు. దీంతో అతన్ని ఆస్పత్రికి తరలించారు. ఆసుపత్రిలో కేకే ను పరిశీలించిన వైద్యులు రాత్రి 10.30 గంటలకే ప్రాణం పోయినట్లు తెలిపారు. ప్రస్తుతం కేకే వయసు 53 సంవత్సరాలు. ఆయన ఒక హిందీలోనే కాకుండా దక్షిణాది సినిమాల్లో దాదాపు 250 పైగా పాటలు పాడారు.

అయితే.. అందరికి ఆయనకు ఓ గాయకుడిగా మాత్రమే తెలుసు. ఆయన వ్యక్తిగత జీవితం గురించి ఆయన బయట ఎక్కువగా ప్రస్తావించేవారు కాదు. కానీ ఆయన తన భార్య ప్రోత్సాహంతోనే ఈ స్థాయికి ఎదిగారు. విరహ గీతాలను, ప్రేమికుల పాటలను ఎంతో అలవోకగా పాడేసిన ఆయన జీవితంలో కూడా ఓ లవ్ స్టోరీ ఉంది. చిన్న వయసు నుంచే పాటలు పాడడం అంటే మక్కువ పెంచుకున్న కేకే కు ఆరవ తరగతిలో జ్యోతి అనే అమ్మాయితో స్నేహం కుదిరింది.

వారి స్నేహం అలానే కొనసాగి ప్రేమగా మారింది. ఆమెను ప్రేమించి, 1991 లో ప్రేమ వివాహాన్ని చేసుకున్నారు. అయితే ఆయనకు పాటలు పాడడం అంటే ఇష్టం అన్న సంగతి జ్యోతికి అప్పటికే తెలుసు. అయితే.. అప్పటికి కేకే తన కుటుంబం కోసం ఇష్టాన్ని పక్కన పెట్టి సేల్స్ మ్యాన్ గా ఉద్యోగం చేసేవారు. అయితే ఆయనకు భార్యగా వచ్చాక జ్యోతి ఆయనను ప్రోత్సహించారు. ఉద్యోగం పక్కన పెట్టి పాటలు పాడాలని చెప్పారు. కుటుంబ బాధ్యతలను పంచుకుని.. భర్తకు సపోర్ట్ చేసారు. అలా పాటల రంగంలో అడుగుపెట్టిన కేకే అంచలంచెలుగా ఎదిగి స్టార్ సింగర్ అయ్యారు. అయితే వ్యక్తిగత జీవితాన్ని మాత్రం గోప్యంగానే ఉంచారు. ఆయన అకాల మరణం అభిమానులను ఎంతగానో కలచివేస్తోంది.

సినీ ఇండస్ట్రీలో టాప్ పొజిషన్ కి చేరుకున్న మెగాస్టార్ చిరంజీవితో నటించే అవకాశం వస్తే ఎవ్వరు వదులుకోరు. మరోవైపు తోటి నటీనటులను ఆయన ఎంకరేజ్ చేసే విధానం కూడా అందరికి నచ్చేస్తూ ఉంటుంది. అయితే.. సినిమా ఇండస్ట్రీ అన్నాక చాలా మందికి చాలా రకాల సెంటిమెంట్లు ఉంటాయి.

కాజల్ అగర్వాల్ తాను నటించే సినిమాలో ఎంట్రీ సీన్ లో వైట్ డ్రెస్ ఉంటె ఆ సినిమా పక్కా హిట్ అవుతుందని నమ్ముతారు. అలాగే.. హీరోలు కూడా ముందు తమ ఇష్టదైవాన్ని పూజ చేసుకుంటే హిట్ అవుతుంది అని నమ్మే వారు ఉంటారు.

అలాగే ప్రేక్షకులకు కూడా కొన్ని సెంటిమెంట్స్ ఉంటాయి. ఈ కాంబోలో సినిమా ఉంటె పక్కా హిట్ అవుతుంది అని, ఆ అక్షరంతో ఉన్న టైటిల్ ఉంటె సినిమా ఫట్ అవుతుంది లాంటి సెంటిమెంట్లు ఉండనే ఉంటాయి. అలాగే.. ఇప్పుడు తెలుగు సినిమా ప్రేక్షకుల్లో కొత్త సెంటిమెంట్ మొదలవుతోంది. అదేంటంటే.. మెగాస్టార్ చిరంజీవి తో ఏ హీరోయిన్ అయినా నటిస్తే.. ఆమెకు వెంటనే పెళ్లి అయిపోయే ఛాన్స్ ఉంటుంది అని. వింతగా ఉన్నా.. కాజల్ అగర్వాల్, నయనతారల విషయంలో ఇదే జరిగింది.

తాజాగా.. తమన్నా భట్టియా విషయంలో కూడా ఇదే జరుగుతుందా అన్న సందేహం మొదలవుతోంది. కాజల్ అగర్వాల్ మెగాస్టార్ చిరంజీవితో కలిసి “ఖైదీ నెంబర్ 150” లో నటించారు. ఆ తరువాత ఆచార్య సినిమా కు కూడా సైన్ చేసారు. ఖైదీ నెంబర్ 150 తరువాత పెళ్లి పీటలెక్కిన ఆమె ఆచార్య సినిమా రిలీజ్ టైంకి తల్లి కూడా అయ్యారు. అనుకోని కారణాల వలన ఆమె పాత్రను ఆచార్య సినిమాలో కట్ చేసిన సంగతి తెలిసిందే. ఇక లేడీ సూపర్ స్టార్ నయన తార కూడా చిరు తో కలిసి “సైరా” సినిమాలో మొదటి సారి జోడి కట్టారు. ప్రస్తుతం ఆమె తన ప్రియుడు విగ్నేష్ శివన్ ను పెళ్లాడనున్న సంగతి తెలిసిందే.

తమన్నా కూడా చిరు సరసన “సైరా” లో నటించారు. అంతే కాకుండా ప్రస్తుతం షూటింగ్ జరుపుకుంటున్న “భోళా శంకర్” సినిమాలో కూడా నటిస్తున్నారు. ఈ క్రమంలో తమన్నా భట్టియా కూడా త్వరలో పెళ్లి పీటలు ఎక్కుతారేమో అని ప్రేక్షకులు అంచనా వేస్తున్నారు. మరోవైపు తమన్నా కూడా పెళ్లి చేసేసుకుంటుందా అంటూ ఫ్యాన్స్ ఎమోషనల్ అయిపోతున్నారు.