Filmy Adda

చిన్నప్పుడు తమ సినిమా కెరీర్‌ని మొదలు పెట్టి తరువాత యాక్టర్లుగా పరిచయమయ్యి తమకంటూ ఇండస్ట్రీలో గుర్తింపు తెచ్చుకున్న వాళ్ళు ఎంతోమంది ఉన్నారు. వాళ్లలో స్టార్ హీరోలు ఇంకా ఎందరో క్యారెక్టర్ ఆర్టిస్టులు కూడా ఉన్నారు.

కొంతమంది సినిమాల్లో ఏర్పరచుకోవడానికి నటిస్తే, కొంతమంది మాత్రం టైం పాస్ కోసం, లేదా ఆ సమయంలో ఆ పాత్రలో నటించడానికి ఎవరూ లేకపోతే వారు నటించడం జరుగుతూ ఉంటుంది. అలా ప్రస్తుతం చాలా ఫేమస్ అయిన ఒక సెలబ్రిటీ కూడా తన చిన్నప్పుడు ఒక సినిమా పోస్టర్‌లో కనిపించారు.

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు.  తమిళ్ హీరోలు చాలా మందికి తెలుగు సినిమా ఇండస్ట్రీలో కూడా చాలా క్రేజ్ ఉంది. అలా ఎన్నో సంవత్సరాల నుండి తన సినిమాలని తెలుగులో డబ్ చేస్తూ స్టార్ ఇమేజ్ సంపాదించుకున్న హీరో రజనీకాంత్. రజనీకాంత్ హీరోగా నటించిన సినిమా బాబా మన అందరికీ గుర్తుండే ఉంటుంది. సినిమా రిజల్ట్ ఎలా ఉన్నా రజనీకాంత్ నటించిన ప్రయోగాత్మక సినిమాల్లో ఒక సినిమాగా బాబా నిలిచిపోతుంది.

అయితే, ఈ సినిమా పోస్టర్‌లో ఇప్పుడు ఫేమస్ అయిన ఒక ప్రముఖ సెలబ్రిటీ కనిపిస్తారు. పైన కనిపిస్తున్న పోస్టర్ గమనించండి.  అందులో రజనీకాంత్ పక్కన నిల్చున్న పిల్లాడు మరెవరో కాదు ప్రముఖ మ్యూజిక్ డైరెక్టర్ అనిరుధ్. అనిరుధ్ రజనీకాంత్ కి బంధువు అవుతారు. అలా అనిరుధ్ కూడా రజనీకాంత్ నటించిన బాబా సినిమా 6వ వీక్ స్పెషల్ పోస్టర్‌లో కనిపించారు. అజ్ఞాతవాసి సినిమాతో డైరెక్ట్ తెలుగు సినిమాలకి మ్యూజిక్ డైరెక్టర్‌గా కూడా పని చేయడం మొదలు పెట్టారు అనిరుధ్. ఆ తర్వాత జెర్సీ, గ్యాంగ్ లీడర్ సినిమాలకి కూడా సంగీత దర్శకత్వం వహించారు. ప్రస్తుతం తమిళ సినిమాల సంగీత దర్శకత్వం పనిలో ఉన్నారు అనిరుధ్.

గత సంవత్సరం ఆకాశం నీ హద్దురా సినిమాతో మన ముందుకు వచ్చిన సూర్య, ఈ సంవత్సరం జై భీమ్ సినిమాతో అలరించారు. నిజ జీవిత సంఘటనల ఆధారంగా రూపొందిన ఈ సినిమా ప్రేక్షకుల ప్రశంసలు అందుకుంది. జై భీమ్ సినిమా డైరెక్ట్ అమెజాన్ ప్రైమ్ లో విడుదల అయ్యింది. ఈ సినిమాలో సూర్య లాయర్ చంద్రు అనే పాత్రను పోషించారు. సూర్యని చూసిన వారు అందరూ, సూర్య మంచి పవర్ ఫుల్ పాత్రలో నటించారు అని అనుకున్నారు. కానీ సూర్య పోషించిన లాయర్ చంద్రు నిజంగా ఉన్నారు.

చంద్రు ముందు ఒక సామాజిక కార్యకర్త. ఆ తర్వాత లాయర్ వృత్తిని చేపట్టారు. మద్రాస్ హైకోర్టులో న్యాయమూర్తిగా చంద్రు బాధ్యతలు నిర్వహించారు.  మానవ హక్కులకు సంబంధించిన 96,000 కేసులను చంద్రు పరిష్కరించారు. ఇందులో అందరికీ స్మశాన వాటికలు లభ్యం అవ్వాలి అనే కేసుపై కూడా చంద్రు తీర్పునిచ్చారు. లాయర్‌గా తన కెరీర్‌లో ఏ ఒక్క కేసుకి ఒక్క రూపాయి కూడా తీసుకోలేదు. చంద్రు మహిళల తరపున కూడా ఎన్నో కేసులకి పోరాడారు.

అందులో ఎక్కువ శాతం మహిళలు చిన్న పట్టణాలకి, ఆర్థికంగా వెనుకబడిన వర్గాలకి చెందినవారు. 2006 లో జులై 31వ తేదీన హైకోర్టు అదనపు న్యాయమూర్తిగా బాధ్యతలు స్వీకరించారు చంద్రు. తర్వాత 2009 లో నవంబర్ 9న శాశ్వత న్యాయమూర్తిగా నియమితులయ్యారు. మార్చి 2013 లో న్యాయమూర్తిగా పదవీ విరమణ చేశారు చంద్రు.  జై భీమ్ సినిమా విడుదల క్రమంలో చంద్రు, ద న్యూస్ మినిట్ కి ఇంటర్వ్యూ ఇచ్చారు.  ఇందులో చంద్రు మాట్లాడుతూ, “రాజకన్ను (తెలుగులో రాజన్న) కేసులో చాలా మలుపులు ఎదురయ్యాయని, వాటిని ఛేదించడం కోసం తాను చాలా పరిశోధన చేయాల్సి వచ్చింది” అని చెప్పారు.

రాజకన్ను కస్టడీ నుండి తప్పించుకున్నట్లు అందరు భావించేలా చేశారు అని, అతని కుటుంబానికి అతనికి సంబంధించిన ఎటువంటి ఆధారాలు దొరకలేదని, దాంతో వాళ్లు చాలా ఆందోళన చెందారు అని అన్నారు. సినిమా గురించి మాట్లాడుతూ, “సినిమాలో కొన్ని చోట్ల సినిమాటిక్ లిబర్టీ తీసుకున్నా కూడా, చాలా వరకు ఉన్నది ఉన్నట్టుగానే తీశారు” అని చంద్రు అన్నారు. పోలీసులు కేవలం రాజకన్ను భార్యకి మాత్రమే కాదు, తనకి కూడా లంచం ఇవ్వడానికి ప్రయత్నించారు అని, దాంతో వారిని తన కార్యాలయం నుండి తరిమికొట్టాల్సి వచ్చిందని చంద్రు అన్నారు.

watch video :

నటులు అన్న తర్వాత అన్నీ రకాల సినిమాలూ చేయాలి. ప్రతి నటుడు కూడా అలా ఎన్నో సినిమాలు చేసి, అవి వారికి సూట్ అవుతాయా లేదా అనేది నిర్ణయించుకుంటారు. ఇప్పుడు ఉన్న స్టార్ హీరోలు కూడా అలా అంతకుముందు తమ ఇమేజ్‌ని పక్కన పెట్టి ఇలాంటి ప్రయోగాత్మక సినిమాలని చేసారు.

ఇప్పుడు కూడా సినిమా సినిమాకి ఎదో ఒక కొత్తదనం చూపించడానికి ప్రయత్నం చేస్తున్నారు. అలా అల్లు అర్జున్ కూడా తన కెరీర్‌లో ఎన్నో ప్రయోగాత్మక సినిమాలు చేసారు. వాటిలో ముందు వరసలో ఉంటే సినిమా వేదం. ఈ సినిమా కొంత మంది సాధారణ వ్యక్తులు ఎదుర్కొనే సమస్యల చుట్టూ తిరుగుతుంది. ఈ సినిమాకి క్రిష్ జాగర్లమూడి దర్శకత్వం వహించారు.

ఇందులో కేబుల్ రాజుగా అల్లు అర్జున్ నటించారు. అలాగే అనుష్క నటించిన సరోజ పాత్రకి కూడా చాలా మంచి పేరు వచ్చింది. ఇందులో మరో హీరోగా మంచు మనోజ్ నటించారు. సినిమా ఫలితం ఎలా ఉన్నా, చాలా మంది ఈ సినిమాలో నటించిన వారి నటనని, అలాగే ఇలాంటి కథని ఏంచుకున్నందుకు క్రిష్ ని ప్రశంసించారు. ఈ సినిమాలో అనుష్క పోషించిన సరోజ పాత్రతో మరో వ్యక్తి కూడా ఉంటారు. తనే కర్పూరం.

సరోజ వేరే ఊరికి వెళ్లి, ఇవన్నీ వదిలేసి వేరే జీవితం చూసుకుందాం అని నిర్ణయించుకున్నప్పుడు కర్పూరం పాత్ర సరోజకి సపోర్ట్ చేస్తుంది. ఈ పాత్ర పోషించిన వ్యక్తి పేరు నిక్కి. నిక్కీ అనుష్క పర్సనల్ మేకప్ స్టాఫ్. అసలు నిజానికి ఈ పాత్ర క్రిష్ చేయాలి. కాని క్రిష్ వాళ్ళ తల్లి ఒప్పుకోలేదు. దాంతో ఆ సమయంలో అనుష్క నిక్కి పేరు సజెస్ట్ చేసారు. అలాగే నిక్కి చేసిన ఒక డాన్స్ వీడియో కూడా క్రిష్ కి చూపించారు. దాంతో ఈ పాత్రకి నిక్కిని ఎంపిక చేసారు క్రిష్.

మెగాస్టార్ చిరంజీవికి ఈ స్టార్ డమ్ ఊరికే రాలేదు. ఆయన కూడా కెరీర్ ప్రారంభంలో ఎన్నో ఇబ్బందులను, అడ్డంకులను ఎదుర్కొన్నారు. వాటన్నిటిని దాటుకుని ఆయన ఈ స్థాయికి వచ్చారు.

ఒక్క అవకాశం వచ్చినా చాలు అనుకుంటూ.. పగలు రాత్రి ఎడతెరపి లేకుండా కష్టపడ్డారు. అయితే.. ఆ సమయంలో ఆయనకు చాలా ప్రయత్నాలు బెడిసి కొట్టాయి కూడా. అలాంటి వాటిల్లోనే ఒకటి “బాషా” సినిమా రీమేక్.

అవును. నిజానికి బాషా తమిళ్ సినిమా. తమిళనాట సూపర్ స్టార్ అయిన రజినీకాంత్ కు ఎనలేని కీర్తి ప్రఖ్యాతలు తీసుకొచ్చిన సినిమా. తెలుగులో డబ్ చేసి రిలీజ్ చేస్తే తెలుగు ప్రేక్షకుల అభిమానాలను చూరగొన్న సినిమా. ఈ సినిమా తెలుగులో డబ్ చేయడానికి ముందే.. మెగాస్టార్ చిరంజీవి రీమేక్ చేద్దాం అనుకున్నారు. కానీ ఆ ప్రాజెక్ట్ ఆగిపోయింది.

ఒకవేళ మెగాస్టార్ అనుకున్నట్లు ఈ సినిమాను తెలుగులో రీమేక్ చేసి ఉంటె.. మెగాస్టార్ కెరీర్ లో మరో బిగ్గెస్ట్ హిట్ చేరి ఉండేది. ఈ సినిమా తెలుగు రీమేక్ కి “బిగ్ బాస్” అనే టైటిల్ కూడా అనుకున్నారు. ఇంతకీ ఈ సినిమాను మెగాస్టార్ ఎందుకు రీమేక్ చేయలేదో తెలుసుకుందాం.

మెగాస్టార్ తెలుగు సినిమా హక్కులను కొనుగోలు చేయాలనీ అల్లు అరవింద్ కు సూచించారట.ఈ సినిమాను రీమేక్ చేయడం కోసం ముందుగా తమిళ్ సినిమా తెలుగు రీమేక్ హక్కులను కొనుగోలు చేయాల్సి ఉంది. ఈ డీల్ కోసం ప్రముఖ నిర్మాత అల్లు అరవింద్ ప్రయత్నం చేసారు. ఇందుకోసం అల్లు అరవింద్ గారు బేరసారాలు మొదలుపెట్టారు. బాషా తమిళ్ ప్రొడ్యూసర్ 40 లక్షలు డిమాండ్ చేయగా.. అల్లు అరవింద్ పాతిక లక్షలకు అడిగారట. అయితే.. బేరం కుదరకపోవడంతో ఈ డీల్ ఆగిపోయింది. 1998 లోనే తెలుగు లో విడుదల అయిన బాషా డబ్ సినిమా తెలుగునాట రజిని కి మంచి ఫాలోయింగ్ ని ఏర్పరిచింది.

ఇటీవల కాలంలో చాలా సినిమాలు చాలా ఆసక్తికరమైన కథనంతో ప్రేక్షకుల ముందుకు వస్తున్నాయి. ఈ తరహాలోనే స్పై థ్రిల్ల‌ర్‌గా తెర‌కెక్కుతోన్న ‘గ్రే’ సినిమా కూడా ప్రేక్షకులను అలరించబోతోంది.ఈ చిత్రానికి రాజ్‌ మ‌దిరాజు ద‌ర్శ‌క‌త్వం వహించగా..కిరణ్ కాళ్లకూరి నిర్మాత‌గా వ్య‌వ‌హ‌రిస్తున్నారు.

ఎంతో ఆసక్తికరమైన కథాంశంతో తెరకెక్కుతున్న ఈ సినిమా త్వరలో ప్రేక్షకుల ముందుకు రాబోతోంది. ఈ సినిమాలో ప్ర‌తాప్ పోత‌న్‌, అర‌వింద్ కృష్ణ‌, అలీ రెజా, ఊర్వ‌శీరాయ్ ప్ర‌ధాన పాత్రల్లో నటిస్తున్నారు. అద్వితీయ మూవీస్ ప్రై.లి ప‌తాకంపై ప్రొడ‌క్ష‌న్ నెం.1గా రూపొందుతున్న ఈ సినిమా స్పై త్రిల్లర్ గా తెరకెక్కుతోంది.

ఇటీవల జరిగిన విలేకరుల సమావేశంలో డైరెక్టర్ ముది రాజు మాట్లాడుతూ.. గతంలో చాలా సందర్భాలలో మన దేశానికి సంబంధించిన ఎంతో మంది న్యూక్లియర్ సైంటిస్టులు కనిపించకుండా పోయారు. వారి అదృశ్యం వెనుక గల కారణం ఫారెన్ ఇంటెలిజెంట్ ఏజెన్సీస్. ఈ ఈ సంఘటన నుండి పుట్టిన ఆలోచనే ఈ ‘గ్రే’ మూవీ.సాధార‌ణంగా మంచిని తెలుపుగాను, చెడును న‌లుపుగాను చూస్తుంటాం. కాని ఆ రెండు క‌ల‌ర్స్ మ‌ధ్య‌లో కొన్ని వంద‌ల షేడ్స్‌ ఉంటాయి. ప్ర‌తి ఆలోచ‌న వెనుక మ‌న ఆలోచ‌న‌ల‌కు కూడా అంద‌ని కొన్ని వింతైన ఎక్స్‌ప్రెష‌న్స్ ఉంటాయి. ఈ కాన్సెప్ట్ తో వస్తున్న సినిమా గ్రే.

దాదాపు 40 సంవత్సరాల తర్వాత బ్లాక్ అండ్ వైట్ సినిమా రాబోతోంది. ఈ సినిమా ఫస్టాఫ్ కాపీ చేసాము. సినిమా యూనిట్ మొత్తానికి బాగా నచ్చింది. ప్రేక్షకులు కూడా ఈ సినిమా బాగా ఆదరిస్తారని ఆశాభావం వ్యక్తం చేస్తున్నాను. ఈ సినిమాలో నటీనటుల అందరూ చాలా బాగా క్యారెక్టర్ కు న్యాయం చేశారనీ ఆయన విలేకరుల సమావేశంలో మాట్లాడారు.

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

ఈ సంక్రాంతికి చాలా పెద్ద సినిమాలు విడుదలకి సిద్ధమయ్యాయి. కానీ పరిస్థితులను దృష్టిలో పెట్టుకొని అన్ని సినిమాలు వెనకడుగు వేశాయి. బంగార్రాజు మాత్రం మొదటి నుండి సంక్రాంతి బరిలోనే ఉంది. ఏ సినిమా విడుదల అయినా కాకపోయినా మా సినిమా మాత్రం కచ్చితంగా సంక్రాంతికే విడుదల అవుతుంది అని సినిమా బృందం చాలా కాన్ఫిడెంట్ గా చెప్పారు.

అయితే ఈ సినిమాలో ఒక చిన్న లాజిక్ మిస్ అయ్యింది అంటూ నెటిజన్స్ కామెంట్స్ చేస్తున్నారు. అది ఏంటంటే సినిమా మొదటిలో రాము భార్య సీత బిడ్డకి జన్మనిచ్చి చనిపోయినట్టు చూపిస్తారు. ఆ తర్వాత బంగార్రాజు స్వర్గంలో ఉన్నపుడు చనిపోయిన సత్తెమ్మ కూడా అక్కడకి వెళుతుంది. అయితే సత్తెమ్మ కంటే ముందు సీత చనిపోయింది. అలాంటప్పుడు సీత ఎందుకు కనిపించలేదు అని అంటున్నారు నెటిజన్లు.

ఇంక సినిమా విషయానికి వస్తే ప్రస్తుతం బంగార్రాజు సినిమా హిట్ టాక్ తో దూసుకుపోతోంది. ప్రస్తుతం ఉన్న పరిస్థితులతో సంబంధం లేకుండా సినిమా విడుదల చేసి రిస్క్ చేశారు. కానీ ఒక రకంగా ఆ రిస్క్ వారికి కలిసొచ్చింది. ఇందులో నాగ చైతన్య పక్కన క్రితి శెట్టి హీరోయిన్‌గా నటించారు. సినిమాకి మెయిన్ హైలైట్ మాత్రం నాగార్జున. కొద్ది సంవత్సరాల క్రితం వచ్చిన సోగ్గాడే చిన్ని నాయనాలో నాగార్జున నటన చాలా మందికి నచ్చింది. నాగార్జున, నాగ చైతన్య కలిసి నటించడం కూడా ఈ సినిమాపై ఆసక్తి పెరగడానికి ఒక కారణం అయ్యింది. పండగకి విడుదలైన పెద్ద సినిమా ఇది ఒక్కటే కావడంతో, అది కూడా పండగకి సరిపోయే సినిమా కావడంతో ప్రేక్షకులు బంగార్రాజు సినిమాని ఆదరిస్తున్నారు.

సినిమా ఇండస్ట్రీ అంటేనే రంగుల ప్రపంచం అని అనుకుంటూ ఉంటారు. కానీ.. అందులో కూడా పైకి కనిపించని విషాదాలు ఎన్నో ఉంటాయి. వాటిని భరిస్తూనే.. నటులు సినిమాల్లో నటిస్తూ ప్రేక్షకులని ఎంటర్టైన్ చేస్తూ ఉంటారు. తాజాగా.. సీనియర్ నటి కృష్ణవేణి ఇంటర్వ్యూ చూస్తే నటుల జీవితాల్లో ఇన్ని బాధలుంటాయా అని అనిపించక మానదు.

ప్రస్తుతం బామ్మ తరహా పాత్రలలో అలరిస్తున్న కృష్ణవేణి చాలా ఏళ్ల క్రితమే ఇండస్ట్రీకి వచ్చారు. తొలుత ఆమె హీరోయిన్ గా ఇండస్ట్రీలో అడుగుపెట్టారు.

బతుకుతెరువు కోసం చాలా కష్టపడ్డా కృష్ణవేణి కెరీర్ లో ఆమెను వెనక్కి లాగడానికి చాలా మంది ప్రయత్నించారట. ఆమె రెండు సినిమాల్లో హీరోయిన్ గా నటించగా.. వాటిలో ఒకటి రిలీజ్ కాకుండా కొందరు అడ్డుకున్నారు. మరొక సినిమా రిలీజ్ అయ్యి మంచి టాక్ తెచ్చుకున్నా.. దాన్ని కూడా ఫ్లాప్ కింద జమకట్టించారు. దీనితో మంచి ప్రతిభతో పాటు అందగత్తె అయినా కూడా కృష్ణవేణి హీరోయిన్ గా నిలదొక్కుకోలేకపోయారు.

తననే కాదు.. తన భర్తని కూడా ఈ ఇండస్ట్రీ తొక్కేసిందని కృష్ణవేణి ఆవేదన చెందారు. టైం ఎప్పుడు ఒకేలా ఉండదని.. ఒక్కోసారి ఒక్కో ఇబ్బందిని ఎదుర్కోవాల్సి వస్తుందని ఆమె జీవితం నేర్పింది. టైం బ్యాడ్ అయిన రోజుల్లో ఆమె ఒకసారి అమెరికాలో ఓ 90 ఏళ్ల వ్యక్తి ఇంట్లో పని మనిషిగా కూడా పని చేయాల్సి వచ్చింది. అంతే కాదు తన భర్తకి కూడా ఇలాంటి చేదు అనుభవాలు ఎదురయ్యాయని చెప్పుకొచ్చారు.

కృష్ణవేణి ‘వారాలబ్బాయి’ డైరెక్టర్‌ రాజచంద్రను పెళ్లి చేసుకున్నారు. తనకు నలుపు నచ్చకపోయినా.. నల్లగా ఉండే అబ్బాయిని పెళ్లి చేసుకోవాల్సి వచ్చిందని.. కానీ, పెళ్లి అయ్యాక మేమిద్దరం బాగానే ఉన్నామని అన్నారు. ఆయన చాలా మంచివారు అని.. అప్పుడప్పుడే హిట్ సినిమాలు పడుతున్న టైములో కెరీర్ లో నన్ను వెనక్కి లాగడానికి ప్రయత్నించేవారు కూడా ఉన్నారని తెలిసిందన్నారు. లైఫ్ లో సెటిల్ అవుతాం అనుకునే టైములో ఇండస్ట్రీ వాళ్ళే ఆయన్ని హత్య చేయించారన్నారు. ఓ పెద్ద కుటుంబానికి చెందిన హీరోయిన్ ఇలా చేయించిందని.. కరెంట్ వైర్లతో కాల్చి.. పీక పిసికి చంపేశారని… ఈ విషయం పోలీసులకు కూడా తెలుసనీ.. కానీ, ఏమి చేయలేమని చేతులెత్తేశారని కృష్ణవేణి కంటతడి పెట్టుకున్నారు. ఇలా జరిగిన కొన్నేళ్ళకే ఆ హీరోయిన్ కూడా చనిపోయిందని ఆమె చెప్పుకొచ్చారు.

Watch Video:

రమ్యకృష్ణ డైరెక్టర్ కృష్ణ వంశీని ప్రేమించి పెళ్లి చేసుకున్న సంగతి అందరికీ తెలిసిందే. కృష్ణ వంశీ టేకింగ్ కి ఎంతో మంది ఫ్యాన్స్ ఉన్నారు. ఖడ్గం లాంటి దేశ భక్తి సినిమాలతో పాటు, ఇటు మురారి, నిన్నే పెళ్ళాడుతా, గోవిందుడు అందరివాడేలే, చందమామ లాంటి ఫ్యామిలీ ఎంటర్టైనర్ సినిమాలను, అంతే కాకుండా అంతపురం, డేంజర్, గులాబీ, సముద్రం లాంటి థ్రిల్లర్ సినిమాలను హ్యాండిల్ చేయడం లో కృష్ణ వంశి దిట్ట.

అయితే ఖడ్గం లాంటి దేశభక్తి సినిమాలో ప్రేక్షకులు షాక్ అయిన సీన్ ఒకటి ఉంది. అదే సంగీత సీన్. సంగీతకు రవితేజ అంటే ఇష్టం ఉంటుంది. కానీ ఆమె తల్లి ఆమెను హీరోయిన్ చేయాలనీ కలలు కంటూ ఉంటుంది.

ఆ సమయంలో ఓ డైరెక్టర్ గదిలోకి పంపిస్తుంది. సంగీత ఆ డైరెక్టర్ ఒళ్ళో కూర్చుని మందు తాగిస్తూ ఉన్న సమయంలో రవితేజ వస్తాడు. అయితే.. కృష్ణ వంశి ఫ్యామిలీ రిలేషన్ కు ఎక్కువ ప్రాధాన్యత ఇచ్చే పాత్రలను ఎక్కువగా చూపిస్తుంటారు. ఇలాంటి సన్నివేశాన్ని చూపించడంతో అందరు షాక్ అయ్యారు. దీనితో సినిమా ఇండస్ట్రీ లో అవకాశాలు రావాలంటే ఇలాంటివి తప్పదేమో అన్న కామెంట్లు వినిపించాయి.

మరోవైపు, రమ్యకృష్ణ కు కూడా ఇలాంటి చేదు అనుభవం ఎదురయ్యిందని.. అందుకే కృష్ణ వంశి ఆ డైరెక్టర్ ని టార్గెట్ చేసి ఈ సీన్ ను పెట్టారన్న టాక్ కూడా వినిపించింది. ఇదే సమయంలో ఇండస్ట్రీ లో ఓ నటి స్టార్ హీరోయిన్ గా ఎదగాలంటే దర్శక, నిర్మాతలకు లొంగిపోవాల్సిందేనని, రమ్మంటే గదుల్లోకి వెళ్లాలని సంచలన వ్యాఖ్యలు చేయడంతో ఈ విషయమై చర్చ జరిగింది.

మనదేశంలో చాలా మందికి ఎదురవుతున్న సమస్యల్లో ఇది కూడా ఒకటి. ఎంత టాలెంట్ ఉన్నా.. లుక్స్ ని మాత్రమే మొదటగా చూస్తుంటారు. చాలా మంది అలాంటి ఇబ్బందులను దాటుకునే జీవితంలో సక్సెస్ అవుతున్నారు. అలాంటి వారిలో దాసరి పార్వతి కూడా ఒకరు. అందానికి ఇచ్చే ప్రాముఖ్యత చాలా మందికి టాలెంట్ కి ఇవ్వరు. కానీ.. అందం కంటే టాలెంట్ ముఖ్యమని సింగర్ దాసరి పార్వతి నిరూపించారు.

ఈమె “జీ సరిగమ” ప్రోగ్రాం లో కంటెస్టెంట్. ఇటీవల ఆమె సరిగమప సింగింగ్ కాంపిటీషన్ లో పాల్గొన్నారు. ఆమె గాత్రానికి జడ్జిలు సైతం మంత్రముగ్ధులైపోయారు. ఇటీవలే ఈ ప్రోగ్రాం కి సంబంధించిన ప్రోమో రిలీజ్ అయ్యింది.

కర్నూలు జిల్లా లక్కసాగరం గ్రామానికి చెందిన పార్వతిది వ్యవసాయాధారిత కుటుంబం. పార్వతికి ఇద్దరు అన్నలు ఉన్నారు. ఇంటర్ వరకు చదువుకున్న పార్వతి.. సంగీతంపై మక్కువతో పక్క ఊరికి వెళ్లి మరీ సంగీతం నేర్చుకునేది. వారి ఊరికి బస్సు సౌకర్యం లేదు. ఆమె రోజు కాలినడకన వెళ్లి నేర్చుకుని వచ్చేది. ఆమె అద్భుతంగా పాటలు పాడతారు.

ఒకప్పుడు కాకిలాంటి రూపం.. కోయిల లాంటి గానం అంటూ ఒకప్పుడు హేళన చేసినవారిని ఇప్పుడు తనని దేవత అంటూ మెచ్చుకుంటున్నారు. కలర్ ముఖ్యం కాదు.. ప్రతిభే ముఖ్యం అని పార్వతి నిరూపించారు. ఇటీవల జరిగిన కార్యక్రమంలో ఆమె జడ్జి ఆమెని మెచ్చుకుని.. ఏమి కావాలో కోరుకోవాలని అడుగగా.. మా ఊరికి బస్సు సౌకర్యం లేదని.. బస్సు సౌకర్యాన్ని కల్పించాలని కోరుకుంది.

అక్కడే ఆమె వ్యక్తిత్వం ఎంత ఉన్నతమైనదో తెలుస్తోంది. ఇలాంటి వారి వల్లే రాష్ట్ర, దేశ కీర్తి ప్రతిష్టలు మరింతగా పెరుగుతాయి. తన మొదటి పాటతోనే ఎంతోమంది ఆదరణని చూరగొన్న పార్వతి మరిన్ని అవకాశాలను దక్కించుకుని.. టాప్ సింగర్ గా ఎదగాలని కోరుకుందాం.