Health Adda

చాలా మంది ప్రజలు ఉదయం నిద్రలేచిన వెంటనే టీ కోసం ఆరాటపడతారు. దేశంలో నీటి తర్వాత అత్యధికంగా తాగే పానీయం ఇదే. ఇందులో చక్కెర ఉంటుంది కాబట్టి బరువు పెరగడానికి కారణమవుతుంది. కొందరు రోజులో ఎన్ని టీలు తాగుతారో వారికే తెలియదు. భారతీయ జనాభాలో 64 శాతం మంది రోజూ టీ తాగడానికి ఇష్టపడతారు. కొందరు ఉదయం టీ తాగితే .. మరికొందరు సాయంత్రం సమయం లో టీ తాగుతారు. ఈ సందర్భంలో శరీరంలోని చక్కెర కొవ్వుగా మారడం ప్రారంభమవుతుంది. దీని కారణంగా బరువు పెరుగుతారు.

అయితే కొన్ని సమయాల్లో టీ తాగడం మంచిది కాదు అని నిపుణులు చెబుతున్నారు. ముఖ్యంగా సాయంత్రం పూట టీ తాగడం వల్ల అనేక ఆరోగ్య సమస్యలు వస్తాయని వారు హెచ్చరిస్తున్నారు. ఆరోగ్యకరమైన జీర్ణక్రియ కోసం పడుకునే 10 గంటల ముందు కెఫీన్‌ను తీసుకోకూడదని వారు తెలుపుతున్నారు. టీ తాగడం మంచిదే కానీ ఏ సమయం లో తాగాలి.. ఎంత తాగాలి అన్న దాన్ని గమనించుకోవాలి నిపుణులు సూచిస్తున్నారు.

నిజానికి బ్లాక్ టీ లో పోషక విలువలు పుష్కలంగా ఉంటాయి. కానీ పాలు.. పంచదార కలిపి తీసుకోవడం తో అవన్నీ నశించి.. ఆరోగ్యానికి మంచిది కాదని నిపుణులు వెల్లడిస్తున్నారు. ఎసిడిటీ లేదా గ్యాస్ట్రిక్ సమస్య లేని వారు, టీ అలవాటు లేని వారు, నిద్ర సమస్య లేని వారు, ఏ సమయం లో అయినా టీ తాగొచ్చని చెబుతున్నారు. వాటా సమస్యలు ఉన్నవారు, హార్మోన్ల సమస్యలతో బాధపడేవారు, నిద్రలేమి తో బాధ పడేవారు టీ కి దూరంగా ఉండాలని నిపుణులు వెల్లడించారు.

ఒకవేళ టీ తాగే అలవాటును మార్చుకోవాలి అనుకుంటే గ్రీన్ టీ వంటి వివిధ రకాలైన టీలను ప్రయత్నించాలి. హైబిస్కస్ టీ, రోజ్ టీ వంటివి తాగడం అలవాటు చేసుకోవాలి. అలాగే ఖాళీ కడుపుతో టీ తాగకూడదు. కాబట్టి ఏదైనా ఆహారం తీసుకున్న తర్వాతే టీ తాగాలి. పాలతో ఎక్కువ టీ తాగవద్దు, ఇది టీలో కనీసం కొన్ని యాంటీఆక్సిడెంట్లను సంరక్షించడానికి సహాయపడుతుంది. అలాగే టీ కాచిన తర్వాత దానికి కాస్త పాలు ఆడ్ చేసి తాగటం మంచిది.

గుడ్లు ఆరోగ్యానికి చాలా మంచిది. వీటిలో ప్రోటీన్లు, కాల్షియం లాంటి అనేక పోషకాలు అధికంగా ఉంటాయి. వాటి వల్ల శరీరానికి ఎన్నో ప్రయోజనాలు కలుగుతాయి. గుడ్లు రోజూ తీసుకోవడం ఆరోగ్యకరం. ఎముకలు దృఢంగా అవడానికి, కండరాల పెరుగుదలకు తోడ్పడుతుంది.

ఎండా కాలంలో ఉష్ణోగ్రతలు రోజురోజుకూ పెరుగుతుంటాయి. ఇలాంటి సమయంలో ఆరోగ్యం గురించి జాగ్రత్త వహించాలి. గుడ్లు తింటే ఆరోగ్యానికి మంచిదని, ప్రతిరోజూ వీటిని తినాలని నిపుణులు చెబుతుంటారు. అందరు గుడ్డుతో రకరకాల వంటకాలను చేసుకుని తింటుంటారు. అయితే వేసవిలో అతిగా గుడ్లు తినడం వల్ల అనారోగ్య సమస్యలు కలుగుతాయని ఆరోగ్య నిపుణులు చెబుతున్నారు. వేసవిలో గుడ్ల వల్ల కలిగే నష్టాలేంటో తెలుసుకుందాం..వేడి పెరగడం:
ఎండా కాలంలో గుడ్లు తిన్నట్లయితే కడుపులో వేడి ఎక్కువగా పెరుగుతుంది. కోడి గుడ్లకు వేడి చేసే స్వబావం ఉండడం వల్లనే. వీటిని తినడం వల్ల బయటి వేడి, శరీరం లోపల వేడి కూడా పెరిగిపోతాయి. దాంతో కడుపులో  సమస్యలు మొదలవుతాయి. ఎసిడిటీ, కడుపులో మంట లాంటి సమస్యలు వస్తాయి. అందువల్ల  సమ్మర్ లో వీలు అయినంత వరకు కోడి గుడ్లకు దూరంగా ఉంటేనే మేలు.జీర్ణక్రియ పాడవడం:
ఎండా కాలంలో గుడ్లు తినడం ద్వారా జీర్ణ సంబంధమైన సమస్యలు ఏర్పడతాయి. కడుపు నొప్పి, అజీర్తి వంటి సమస్యలు వస్తాయి. ఒకవేళ వేసవిలో గుడ్లు తినాల్సి వచ్చినపుడు ఎక్కువగా నీళ్లు తాగాలి.కిడ్నీల పై ప్రభావం:
వేసవిలో గుడ్లు తినడం ద్వారా మూత్రపిండాల పై కూడా దుష్ప్రభావం కలుగుతుంది. దానికి కారణం ఏమిటంటే కోడి గుడ్లలో ప్రోటీన్లు అధికంగా ఉంటాయి. గుడ్లు ఎక్కువగా తినడం వల్ల మూత్రపిండాల పై ప్రోటీన్ల జీర్ణం చేయడం కోసం ఒత్తిడి ఎక్కువ అవుతుంది. ఇక కిడ్నీ సమస్యలు ఇంతకుముందే ఉంటే గుడ్లు తినడం మానేయడం మంచిది. అంతేకాకుండా గుడ్లు పూర్తిగా ఉడకనట్లయితే, వాంతులు, కడుపు ఉబ్బరం, అజీర్ణానికి లాంటి సమస్యలు వస్తాయి. అందువల్ల గుడ్డును సరిగ్గా ఉడికించాలి.Also Read: ఉదయాన్నే ఖాళీ కడుపుతో ఈ జ్యూస్ తీసుకుంటే పొట్ట సమస్యలు రాకుండా ఉంటాయి..

మన దేశంలో ఎక్కువ శాతం మంది ప్రజలు తమ తమ ఇళ్లలో రోటీ/చపాతీలను చేసుకుంటారు. అయితే, ప్రాంతాన్ని బట్టి ఆ రోటీలు చేసే విధానం భిన్నంగా ఉంటుంది. కొందరు పాన్ మీద వేడి చేస్తే.. మరికొందరు పటకారు సాయంతో నేరుగా మంట మీదనే తయారు చేస్తారు.

ఇలా చేయడం వల్ల రుచిలోనూ, రోటీ కాల్చే విధానంలోనూ తేడా ఉంటుంది. అయితే ఇందులో చపాతీని నూనె వేసి కాలుస్తారు, కానీ రోటీని మాత్రం నూనె లేకుండానే కాలుస్తారు. అయితే నూనె వాడకం కూడా తక్కువగా ఉండటంతో ఆరోగ్యానికి రోటీలు మేలు చేస్తాయనే అభిప్రాయం ఉండటం తో వీటిని రెట్టింపు సంఖ్యలో లొట్టలేసుకుంటూ తింటుంటారు.

అందుకే చాలా మంది గృహిణులు రొట్టెలను ఇలా నేరుగా మంటపై కాల్చేందుకు ఇష్టపడతారు. అయితే రోటీలను నేరుగా గ్యాస్ మంట పై కాల్చడం వల్ల పలు ప్రమాదాలు ముంచుకొస్తున్నట్లు పరిశోధకులు వెల్లడిస్తున్నారు. ఎన్విరాన్మెంటర్ సైన్స్ అండ్ టెక్సాలజీ జర్నల్‌లో ఇటీవల ప్రచురితమైన ఓ వ్యాసంలో ఇలాంటి రొట్టెలు కొంత హాని చేస్తాయని తేలింది. ముఖ్యంగా గ్యాస్ స్టవ్ నుంచి వెలువడే కార్బన్ డైయాక్సైడ్, నైట్రోజన్ డయాక్సైడ్ల కారణంగా ఆరోగ్యానికి హాని జరుగుతుందని నిపుణులు వెల్లడించారు.

వీటి వలన శ్వాసకోశ వ్యాధులతో పాటు క్యాన్సర్, గుండె జబ్బులు వచ్చే ప్రమాదం కూడా ఉంది అని వెల్లడించారు . అలాగే ఫుడ్ స్టాండర్డ్స్ ఆస్ట్రేలియా అండ్ న్యూజిలాండ్‌(FSANZ)లో చీఫ్ సైంటిస్ట్ డాక్టర్ పాల్ బ్రెంట్ నివేదిక ప్రకారం , రోటీని మంటపై కాల్చినప్పుడు అది అక్రిలమైడ అనే కెమికల్‌ని రిలీజ్ చేస్తుంది. అంతే కాకుండా సహజ చక్కెర, ప్రోటీన్లు కూడా తగ్గిపోతాయని వెల్లడించారు.

పలు అధ్యయనాల ప్రకారం మాంసం, చేపలు, పౌల్ట్రీ ఇవన్నీ కూడా ఎక్కువ మంటపై వండడం అస్సలు మంచిది కాదు. ఇది క్యాన్సర్ ప్రమాదాన్ని పెంచుతుంది. అందుకే కాస్త సమయం పట్టినా చపాతీలను, రోటీలను కిచెన్ టవల్‌తో నొక్కడం లేదా వత్తడం ద్వారా వాటిని చేసుకోవడం వల్ల ఆరోగ్యానికి మంచిదని నిపుణులు వెల్లడిస్తున్నారు.

నడక.. అందరికి అందుబాటులో ఉండి.. అందరూ చేయదగిన వ్యాయామం.. ఈ విషయం అందరికి తెలుసు. కానీ కేవలం పొద్దున్న లేచేందుకు బద్దకించి నడకను పక్కన పెట్టేస్తారు అందరూ. అంతే కాకుండా బిజీ లైఫ్​ కారణంగా మనిషి ఒత్తిడి లోనే కూరుకుపోతున్నాడు. వేళకు తినడం లేదు. సమయానికి నిద్ర పోవడం లేదు. కొత్త కొత్త రోగాలు కొనితెచ్చుకుంటున్నాడు. బరువు పెరుగుతున్నాడు. శరీరానికి చిన్న గాయం అయినా నొప్పులు ఎక్కువగా వస్తున్నాయి.

అయితే ఇలాంటి సమస్యల నుంచి బయట పడాలంటే. కనీసం వ్యాయామాలూ చేసినా బయటపడొచ్చు. కానీ, వ్యాయామాలకు సమయం ఇవ్వడం లేదు ఇప్పటి జనం. అయితే కనీసం నడవడం అయినా చేయాలంటున్నారు నిపుణులు.

అయితే చెప్పులు వేసుకోకుండా నడవటం కారణంగా ఎన్నో ఉపయోగాలు ఉన్నాయట. చెప్పులు లేకుండా నడవడం వలన రక్త సరఫరా బాగా జరిగి మనకు ఎలాంటి వ్యాధులు రాకుండా చూస్తుందని నిపుణులు చెబుతున్నారు.

వారం లో ఒక్క రోజైనా చెప్పులు లేకుండా నడవాలని నిపుణులు సూచిస్తున్నారు. చెప్పులు లేకుండా నడిస్తే ఎలాంటి ప్రయోజనాలు కలుగుతాయో ఇప్పుడు తెలుసుకుందాం..

#1 రోజుకు రెండుసార్లు, పదిహేను నిమిషాలపాటు వట్టి భూమి పై చెప్పులు లేకుండా నడవాలంట. ఒకవేళ వట్టి భూమి దగ్గర లేకపోతే, ఫుట్ పాత్ పై నడిస్తే మేలు. ఇలా చేస్తే పాదాలు మసాజ్ ను ఆస్వాదించడం ప్రారంభిస్తాయి. మీ శారీరక నొప్పులు చాలా వరకు వారంలోనే తగ్గుతాయి.

#2 చెప్పులు లేకుండా నడవడం కారణంగా మన కంటి కి ఎలాంటి సమస్యలు తలెత్తవు. మనకు కంటి చూపు ఇంకా మెరుగు అవుతుంది. మనం చెప్పులు లేకుండా నడవడం కారణంగా మంచి నిద్రను ఆస్వాదించవచ్చు ను. నిద్ర పోవటం కారణంగా మనకు రిలాక్స్ అనేది దొరుకుతుంది. ఒత్తిడి తగ్గుతుంది.

#3 గ్రౌండింగ్ వలన శారీరకంగా మానసికంగా అలెర్ట్‌గా తయారవుతాం. చుట్టుపక్కల పరిసరాల గురించి ఒక అవగాహన వస్తుంది. ఇవన్నీ కలిసి బ్లడ్ ప్రెజర్ మీద పాజిటివ్ ఎఫెక్ట్ ని చూపిస్తాయి. బ్లడ్ ప్రెజర్ ని నార్మలైజ్ చేయడానికి నాచురోపతీ లో పది నుండి పదిహేను నిమిషాలు చెప్పులు లేకుండా నడవమని చెప్తారు.

#4 గ్రౌండింగ్ వలన ఇమ్యూనిటీ నాచురల్ గా పెరుగుతుంది. భూమిలో ఉండే మైక్రోబ్స్ స్కిన్ ద్వారా లోపలికి వెళ్ళి మంచి బ్యాక్టీరియాని పెంచి ఇమ్యూన్ సిస్టమ్ ని బలంగా చేస్తాయి.

#5 చెప్పులు లేకుండా నడవటం వలన పాదాల్లో ఉన్న ఆక్యుప్రెషర్ పాయింట్స్ యాక్టివేట్ అవుతాయి, ఇది శరీరం మొత్తానికీ హెల్ప్ చేస్తుంది. జీర్ణ క్రియ సాఫీగా జరుగుతుంది. అంతే కాకుండా పాదాల్లోని 72 వేల నరాలు యాక్టీవ్ గా ఉంటాయి.

చెప్పులు లేకుండా నడిస్తే రక్త ప్రసరణ సాఫీగా జరగుతుందని నిపుణులు పేర్కొంటున్నారు. చెప్పులు లేకుండా నవడం వల్ల మెదడు చురుగ్గా పనిచేస్తుంది. కాబట్టి నిత్యం వట్టి కాళ్లతో నడవడం అలవాటు చేసుకోవడం మంచింది.

ఈ మధ్యకాలంలో గ్యాడ్జెట్లు వాడకం అనేది విపరీతంగా పెరిగిపోయింది. చేతిలో డబ్బులు లేకపోయినా గడపగలుగుతారు గాని మొబైల్ లేకపోతే ఒక్క నిమిషం కూడా జీవించలేక పోతున్నారు.

ఈ సమస్య పిల్లల్లో మరీ ఎక్కువగా ఉందని చెప్పవచ్చు. తల్లిదండ్రులు అధిక ప్రేమ పిల్లలకు శాపంగా మారుతోంది. వాళ్లు ఎక్కువగా మారాం చేస్తున్నారని మొబైల్ ను ఇచ్చి వాళ్లని సముదాయిస్తుంటారు. తల్లిదండ్రులు చేసిన ఆ అలవాటు వలన పిల్లలు మొబైల్ కి  ఎక్కువగా ఎడిట్ అయిపోతున్నారు.

ఈ మొబైల్ అనే భూతం నుంచి మన పిల్లలను ఏ విధంగా రక్షించుకోవాలి అనేది తల్లిదండ్రులకు పెద్ద సమస్యగా మారుతుంది. వాళ్లను ఫోన్ అలవాటు తప్పించడానికి నానా ఇబ్బందులు పడుతుంటారు. టీవీలు గాని, ఫోన్ లో గాని పిల్లలకు ఎక్కువగా అలవాటు చేయడం వలన  వాళ్ల మానసిక రుగ్మతకు మరియు  కంటి సంబంధిత వ్యాధులతో బాధపడుతున్నారు.

representative picture

ఈ అద్భుతమైన టెక్నిక్ ద్వారా ఇంకెప్పుడూ మీ పిల్లలు ఫోన్ ముట్టుకోకుండా విసిరివేస్తారు. మరి ఆ టెక్నిక్ ఏంటో తెలుసుకుందాం రండి.. రెండు సంవత్సరాల లోపు పిల్లలకు ఎట్టిపరిస్థితుల్లోనూ, ఫోను మరియు టీవీలను అలవాటు చేయకూడదు. మూడు సంవత్సరాల పైన వారికి  ఒకవేళ ఇచ్చినా కూడా విషయ పరిజ్ఞానం కోసమే మొబైల్  అనేది అందించాలి. అంటే ఎడ్యుకేషన్ పరంగా అవగాహన కల్పించే విధంగా ఉండాలి.

తల్లిదండ్రులు కూడా మొబైల్ వాడకం అనే దానికి ఒక పరిమితి నిర్ణయించుకోవాలి.  ఎందుకంటే ఎక్కువ శాతం పిల్లలు తల్లిదండ్రులను అనుసరిస్తూ ఉంటారు. నువ్వు ఉపయోగిస్తున్నావు కదా నేను ఎందుకు ఉపయోగించకూడదు అనే ప్రశ్న మనకు పిల్లల నుంచి  ఎదురవుతుంది. అలాంటి ప్రశ్న పిల్లల నుంచి మనకు ఎదురు కాకూడదని అనుకుంటే మొబైల్ వాడకానికి పరిమితి నిర్ణయించుకోవాలి. భోజనం చేసే ముందు, నిద్రించే గదిలోనూ మొబైల్ వాడడం తల్లిదండ్రులు మానుకోవాలి.

పిల్లలు అనే వాళ్లు మనకు అద్దం లాంటి వారు మనము ఏం చేస్తే వాళ్లు కూడా అదే చేస్తారు. టెక్నాలజీ మనకు ఎంతవరకు ఉపయోగపడుతుందనే విషయంపై వాళ్లకు అవగాహన కల్పించాలి. పిల్లలకు డ్రాయింగ్, పెయింటింగ్, గ్రూప్ గేమ్ నేర్పించడం ద్వారా మొబైల్ జోలికి వెళ్లకుండా డైవర్ట్ అవుతారు. ఇలాంటి చిన్న చిన్న పరిమితుల ద్వారా పిల్లలను మొబైల్ నుంచి మనం దూరం చేయవచ్చు.

చాలా మంది డార్క్ చాక్లెట్ ను ఎక్కువగా తినడానికి ఇష్టపడతారు. డార్క్ చాక్లెట్లు తినడం వల్ల ఎన్నో రకాల ప్రయోజనాలు పొందవచ్చు. డార్క్ చాక్లెట్ లో ఉండే ఫైబర్, యాంటీ ఆక్సిడెంట్స్, మెగ్నీషియం, ఐరన్, పొటాషియం, మాంగనీస్, జింక్ వంటివి మనకి ఎన్నో లాభాలను కలిగిస్తాయి.

డార్క్ చాక్లెట్ ని తయారు చేయడానికి కోకో పౌడర్ ని ఉపయోగిస్తారు. ఇందులో యాంటీ ఆక్సిడెంట్లు పుష్కలంగా లభిస్తాయి. అయితే డార్క్ చాక్లెట్ వల్ల కలిగే లాభాలు, ఎంత డార్క్ చాక్లెట్ ని తీసుకోవచ్చు అనే విషయాలను చూద్దాం.

#1. పోషక పదార్థాలు లభిస్తాయి:

డార్క్ చాక్లెట్ లో పోషక పదార్థాలు చాలా ఎక్కువగా ఉంటాయి. ముఖ్యంగా యాంటీ ఆక్సిడెంట్లు ఎక్కువగా ఉంటాయి. దీంతో ఆరోగ్యానికి మేలు కలుగుతుంది.

#2. బ్రెయిన్ ఫంక్షన్ బాగుంటుంది:

డార్క్ చాక్లెట్లు తీసుకోవడం వల్ల బ్రెయిన్ ఫంక్షన్ ఇంప్రూవ్ అవుతుంది.

#3. హృదయ సంబంధిత సమస్యలు తగ్గుతాయి:

డార్క్ చాక్లెట్లు తీసుకోవడం వల్ల హృదయ సంబంధిత సమస్యలకు చెక్ పెట్టడానికి అవుతుంది.

#4. బ్లడ్ ప్రెషర్ తగ్గుతుంది:

డార్క్ చాక్లెట్లు తీసుకోవడం వల్ల బ్లడ్ ప్రెషర్ తగ్గుతుంది అలానే బ్లడ్ ఫ్లో బాగుంటుంది.

#5. ఫ్రీరాడికల్స్ నుండి పోరాడుతుంది:

డార్క్ చాక్లెట్ తీసుకుంటే ఫ్రీరాడికల్స్ ఉండి పోరాడుతుంది.

#6. కాలుష్య కారకాలు తొలగిపోతాయి:

శరీరంలోనే కాలుష్య కారకాలను తొలగించడానికి కూడా డార్క్ చాక్లెట్ బాగా ఉపయోగపడుతుంది.

#7. యూవీ రేస్ నుండి కాపాడుతుంది:

యూవీ రేస్ వల్ల చర్మం దెబ్బతింటుంది. అటువంటప్పుడు డార్క్ చాక్లెట్ తీసుకుంటే ఈ సమస్య నుండి బయట పడడానికి అవుతుంది.

#8. కొవ్వు కరుగుతుంది:

డార్క్ చాక్లెట్లు తీసుకోవడం వల్ల కూడా ఒంట్లో ఉండే కొవ్వు కరుగుతుంది.

#9. నైట్రిక్ ఆక్సైడ్ లెవెల్స్ పెరుగుతాయి:

డార్క్ చాక్లెట్లు తినడం వల్ల శరీరంలో నైట్రిక్ ఆక్సైడ్ లెవెల్స్ పెరుగుతాయి. దీనివల్ల రక్తపోటు కూడా తగ్గుతుంది.

ప్రతిరోజు ఎంత డార్క్ చాక్లెట్ ని తీసుకుంటూ ఉండాలి..?

ప్రతి రోజూ 10 గ్రాముల డార్క్ చాక్లెట్ తీసుకుంటే ఆరోగ్యానికి చాలా మేలు కలుగుతుంది. పది గ్రాములు తీసుకోవడం వల్ల చక్కటి ఫలితాలను పొందవచ్చు.

సాధారణంగా మధ్యాహ్నం భోజనం చేసిన తరువాత ఓ చిన్న కునుకు తియ్యలని చాలామంది అనుకుంటారు. మధ్యాహ్నం సమయంలో నిద్ర లక్షణాలు ఎక్కువగానే ఉంటాయి. అయితే మధ్యాహ్నం పడుకోవడం ఆరోగ్యానికి లాభమా? నష్టమా? అనే సందేహాలు వస్తూ ఉంటాయి.

అయితే మధ్యాహ్నం కాసేపు కునుకు తీయడం వల్ల ఆరోగ్యానికి మంచిదని నిపుణులు చెబుతున్నారు. కానీ కొంత మంది పగలు పడుకోవడం వల్ల రాత్రి పూట నిద్ర రాదేమోనని భావిస్తారు. అయితే అది వారి అపోహ మాత్రమేనని నిపుణులు అంటున్నారు.
మధ్యాహ్నం పూట కొద్దిసేపు నిద్ర పోవడం(పవర్ న్యాప్) వల్ల ఎన్నో ప్రయోజనాలు ఉంటాయని అధ్యయనాలు చెప్తున్నాయి. దాని వల్ల ఒత్తిడి తగ్గుతుంది స్టామినా, క్రియేటివిటీ, వంటివి పెరుగుతాయి. అందువల్ల కొన్ని కంపెనీలు దీనిని ప్రోత్సాహిస్తున్నాయి. అయితే ఈ పవర్ న్యాప్ అనేది ముప్పై నిముషాల కన్నా ఎక్కువగా ఉండకూడదు. మధ్యాహ్నం నిద్ర వల్ల మానసిక ప్రశాంతత కలుగుతుంది. అంతే కాకుండా షుగర్, థైరాయిడ్ వంటి వ్యాధులు వచ్చే అవకాశాలు కూడా తగ్గుతాయి.
శరీరంలోని హార్మోన్లు కూడా చురుగ్గా పనిచేస్తాయి. దానివల్ల జీర్ణక్రియ సజావుగా సాగుతుందని, ఒబేసిటీ వంటి ఆరోగ్య సమస్యలను కూడా తేలికగా అధిగమించవచ్చు. ఈ న్యాప్ వల్ల శ‌రీరం పున‌రుత్తేజం అవుతుంది. అలాగే శారీర‌క, మాన‌సిక‌ప‌ర‌మైన ఒత్తిళ్లు దూరం అవుతాయి. ఇటీవల జ‌రిపిన ప‌రిశోధ‌న‌ల ప్ర‌కారం పగలు చిన్నకాసేపు పడుకోవడం వల్ల జ్ఞాప‌క‌శ‌క్తి మెరుగుపడుతుందని తేలింది. బీపీ త‌గ్గుతుందని, గుండె ఆరోగ్యం కూడా మెరుగు అవడంతో పాటుగా హార్మోన్ల స‌మ‌స్య‌లు కూడా తగ్గుతాయి.
అంతే కాకుండా రాత్రి పూట ఆల‌స్యంగా పడుకోవడం వ‌ల్ల క‌లిగే ఒత్తిడిని పగలు కాసేపు కునుకు తీయడం వల్ల తగ్గించ వచ్చు. అయితే 30 నిమిషాల పాటు కునుకు తీయడం వల్ల మరింత ఉత్సాహంగా పని చేస్తారు. కానీ పగలు నిద్ర ముప్పై నిమిషాల కన్నాఎక్కువ అయితే మాత్రం ప్ర‌మాదం. మ‌ధ్యాహ్నం భోజ‌నం చేసిన త‌రువాత ముప్పై నిమిషాల కంటే ఎక్కువ‌ సమయం నిద్రించేవారిలో జీవ‌క్రియ దెబ్బ‌తింటుందని పరిశోధనలో తేలింది.

Also Read: ఉదయాన్నే ఖాళీ కడుపుతో ఈ జ్యూస్ తీసుకుంటే పొట్ట సమస్యలు రాకుండా ఉంటాయి..