Health Adda

వీలైతే నాలుగు మాటలు కుదిరితే కప్ కాఫీ అన్నట్లు .. మనలో చాలామందికి ఉదయం లేవగానే కాఫీ తాగే అలవాటు ఉంటుంది. ఉదయాన్నే కాఫీ తాగకపోతే ప్రాణం పోయినంత పని చేస్తారు చాలామంది. వేడి వేడి కాఫీ కడుపులోకి వెళితేకాని పని మొదలుపెట్టలేరు.  నలుగురు స్నేహితులు కలిసి బయటికి వెళ్ళినా ముందు ఎక్కువగా గుర్తుకు వచ్చేది కాఫీ. పని ఒత్తిడి ఎంత ఉన్నాగాని ఒక కప్పు కాఫీ తాగితే చాలు అలసట మొత్తం మటుమాయం అయిపోతుంది.

అధికంగా ఇష్టపడే కాఫీ తో లాభాలుతో పాటు, నష్టాలు కూడా ఉంటున్నాయి. ఏంటి ఇలా చెప్తున్నాను అనుకుంటున్నారా.. అయితే ఈ విషయం గురించి మీరు ఖచ్చితంగా తెలుసుకోవాల్సిందే..

యూనివర్సిటీ ఆఫ్ సౌత్ ఫ్లోరిడా నిర్వహించిన పరిశోధన ప్రకారం ఇంటి నుంచి కాఫీ తాగి షాపింగ్ కి వెళ్లేవారిలో మెదడులోని ఆలోచనలు వ్యతిరేకంగా పని చేస్తాయట. షాపింగ్ లో కావలసిన దానికన్నా ఎక్కువగా కొనుక్కొని తీసుకువెళ్తారట. ఇలా ఎందుకు జరుగుతుంది అంటే కాఫీలో ఉండే కెఫిన్ నరాలను ప్రేరేపించడం ద్వారా శరీరానికి ఉపశమంతో పాటు శక్తిని, ఉత్సాహాన్ని కలిగిస్తుంది. ఇది డోపమైన్ రసాయనాన్ని మన శరీరంలో విడుదల చేస్తుంది. దీని ద్వారా వాళ్ళు అనుకున్న దాని కన్నా ఎక్కువ వస్తువులు కొన్ని, ఎక్కువ ఖర్చు చేస్తూ ఉంటారు అని తేలింది.

స్పెయిన్ మరియు ఫ్రాన్స్ లో డిపార్ట్మెంటల్ స్టోర్ ను సందర్శించే 300 కస్టమర్ల పై ఈ పరిశోధన చేయడం జరిగింది. వాళ్ళలో కొంతమందికి కెఫిన్ ఉన్న కాపీని, మరికొంతమందికి కెఫిన్ లేని కాఫీని, మిగిలినవారికి  నీటిని ఇచ్చారు. వారు డిపార్ట్మెంట్ స్టోర్ లో నుంచి బయటికి వచ్చేటప్పుడు వాళ్ళ బిల్లులు పరిశీలించగా కాఫీ తాగే వారే ఎక్కువ డబ్బు ఖర్చు పెడుతున్నట్లు పరిశోధనలో తెలిసింది.

మనం వాడే ఆహార పదార్ధాలలో శనగపిండి, బియ్యప్పిండి, గోధుమ పిండి, మైదా పిండి వంటి పదార్ధాలు కూడా నిత్యావసరాలుగానే ఉన్నాయి. శనగపిండి శనగపప్పు నుంచి తయారవుతుంది. అలాగే.. గోధుమ పిండి గోధుమల నుంచి.. బియ్యప్పిండి రైస్ నుంచి తయారవుతాయి.

మరి మైదా పిండి ఎలా తయారు అవుతుందో తెలుసా..? ఎప్పుడైనా మీకు ఈ డౌట్ వచ్చిందా..? మైదా పిండి ఎలా తయారవుతుందో ఇప్పుడు ఇప్పుడు చూద్దాం.

నిజానికి మైదాపిండి కూడా గోధుమ పిండి నుంచే వస్తుంది. గోధుమలను మిల్లులో బాగా పోలిష్ చేస్తారు. ఈ పోలిష్ చేసిన గోధుమలను పిండి చేసి.. అజో బై కార్బొనమైడ్, బెంజోయిల్ పెరాక్సయిడ్, క్లోరిన్ గ్యాస్ వంటి రసాయనాలతో శుభ్రపరుస్తారు. వీటివల్లనే మైదా పిండి తెల్లగా.. మెత్తగా ఉంటుంది. నిజానికి ఈ బెంజోయిల్ పెరాక్సయిడ్, క్లోరిన్ గ్యాస్ ల వాడకాన్ని చైనా, ఐరోపా దేశాలలోను పూర్తి గా నిషేధించారు. ఇంకా ఈ మైదా తయారీలో అల్లొక్సన్ అనే రసాయనాన్ని కూడా వినియోగిస్తారు.

చాల దేశాలలో మైదాని నిషేధించిన..దక్షిణ భారత్ లో మాత్రం మైదా ను ఎక్కువ వంటకాలలో ఉపయోగిస్తున్నారు. తడి తగిలితే మైదా జిగురు పదార్ధం లా మారుతుంది. అందుకే దీనిని హోమ్ మేడ్ గమ్ గా కూడా ఉపయోగిస్తున్నారు. అలాంటి పదార్ధాన్ని రవ్వ దోశలు, మిఠాయిలు, బ్రెడ్, బొబ్బట్లు వంటి పదార్ధాల తయారీలో విరివి గా వాడేస్తున్నారు.

బేకరీలో దొరికే ఫుడ్, బిస్కట్లు, చిప్స్,  ఇవి కాక టిఫిన్ సెంటర్లలో దొరికే పరోటా, బోండా.. ఇలా చెప్పుకుంటే మనం రెగ్యులర్ గా తీసుకునే చాలా పదార్ధాలలో కామన్ గా ఉండే పదార్ధం మైదా. మైదా తో చేసే వంటలు రుచికరంగా ఉంటాయి కాబట్టి చాలా మంది ఇష్టపడతారు. కానీ నాణేనికి మరో వైపు, ఈ మైదా ని ఆహారంలో భాగం చేసుకోవడం వలన ఎక్కడలేని ఆరోగ్య సమస్యలు మన చుట్టుముడతాయి.

ఈ మైదా పిండి తీసుకొచ్చే అనారోగ్యాలు అన్ని ఇన్ని కావు. ఎక్కువ మోతాదు లో తీసుకోవడం వలన అజీర్ణ సమస్యలు ఎదురవుతాయి. మైదా పిండి ని తమ వంటలలో ఎక్కువ గా వాడేవారు అధికం గా మధుమేహ సమస్యలను ఎదుర్కొంటారు. ఇవేకాక కిడ్నీలో రాళ్ళూ, గుండె జబ్బులు రావడం వంటి సమస్యలు కూడా ఈ మైదా ను ఎక్కువ గా వాడటం వలన వస్తుంటాయి. ఆహరం లో మైదా పిండి పాళ్లను ఎంత తగ్గిస్తే అంత మంచిది.

ఎంప్టీ మైండ్ ఈజ్ డెవిల్స్ వర్క్ షాప్ అంటే ఖాళీగా ఉన్న బుర్ర దెయ్యాలాకి కార్ఖానా అని అర్థం. మనం ఏ సమయంలో కూడా ఖాళీగా ఉన్న ఆలోచిస్తూనే ఉంటాను. కొందరు అవసరం కోసం ఆలోచిస్తే, మరికొందరు అనవసరంగా ఏం ఆలోచిస్తున్నారు తెలియకుండా ఆలోచిస్తూనే ఉంటారు.

కొన్ని ఆలోచనలకు మనం మంచి చేస్తే, మరి కొన్ని ఆలోచనలు చెడు మార్గంలోకి నడిపిస్తాయి. చాలామంది ఈ అతిగా ఆలోచించడం అనేది ఒక సహజ లక్షణంగా భావిస్తూ ఉంటారు. అంతేకాకుండా ఇది మా చేతిలో లేదు మీ మార్చుకోలేక పోతున్నామని చెప్పుకొస్తారు. అర్థం పర్థం లేకుండా కోపాన్ని ప్రదర్శిస్తూ ఉంటారు ఇలా చేయడం ద్వారా ఎంతో పెద్ద సమస్యలను ఎదుర్కోవలసి వస్తుంది.

అతిగా ఆలోచించడం వలన మనం చేయాల్సిన పనుల కంటే ఆలోచనకే మన జీవితకాలం సగం వృధా అయిపోతుంది. అదేవిధంగా అతిగా ఆలోచించడం వల్ల సమాజంలో వ్యక్తులతో కలవలేకపోతారు. తమలో తామే అతిగా ఆలోచించుకుంటూ నిద్రలేని రాత్రులు గడుపుతారు. చేయటం అనేది మన ఆరోగ్యానికి ఆనందానికి ఎంతో చేటు చేసినట్లవుతుంది.

#1 అయితే మన అతిగా ఆలోచించటానికి  దూరం చేసే కొన్ని విషయాల గురించి మనం ఇప్పుడు తెలుసుకుందాం.. ఒక విషయంలో మనం ఎప్పుడూ ఎక్కువగా ఆలోచిస్తామో దాని మీద మనకు ఆత్రుత ఆందోళన ఎక్కువ అయిపోతుంది. అతి ఆలోచన కొంతకాలానికి  మన మానసిక సమస్యగా మారిపోతుంది.

#2 మనిషి మెదడు అనేది రెండు రకాలుగా ఆలోచిస్తుంది. ఒకటి ఇర్రేషనల్ థింకింగ్,  రెండోది రేషనల్ థింకింగ్. ఇదే ఇర్రేషనల్ థింకింగ్ అంటే ఎవరికైనా జరగకూడనిది ఏదైనా జరిగినప్పుడు నెగిటివ్ గా అతిగా అదేవిధంగా మనకు కూడా జరుగుతుందేమో అని ఆలోచిస్తూ ఉంటారు.  కానీ నిజానికి అలా జరుగుతుందా అని అనుకుంటే జరగకపోవచ్చు అని చెప్పవచ్చు. దీనివలన బ్రెయిన్ లో ఓవర్ ఇంకేం ఎక్కువయ్యి స్ట్రెస్ కి గురవుతారు

#3 అదే విషయాన్ని మనం లాజికల్గా, పాజిటివ్ గా  ఆలోచిస్తే సమస్య అనేది మనకు చాలా చిన్నగా కనిపిస్తుంది. ఏదైనా సమస్య వచ్చినప్పుడు ఎలా ఎదుర్కోవాలనే ఆత్మవిశ్వాసం పెరుగుతుంది. అదేవిధంగా అతిగా ఆలోచించడం అనేది కూడా తగ్గుతుంది. ఏ విషయంపై మనము ఎక్కువగా ఆలోచిస్తున్నాము అనే దాని గురించి మనం తెలుసుకుంటే.. అసలు సమస్య అర్థమవుతుంది. అది మనకు పనికి వచ్చే విషయమా లేదా అవసరమైన విషయం అనేది కూడా తెలుస్తుంది. అవసరమైన దాని సమస్యకు ఎలా సరిదిద్దుకోవాలి అనే విషయాన్ని ఇప్పటికిప్పుడే ఆలోచించుకోవాలి.

#4 భవిష్యత్తు గురించి అధిక ఆలోచన అనవసరమనే  విషయం మీరు తెలుసుకోవాలి. జరిగేది ఎలాగో జరుగుతుంది. దానిని ఏమీ ఆపలేము అనే విషయాన్ని మీరు గుర్తుంచుకోవాలి. భవిష్యత్తు కోసం సరైన ప్రణాళిక మాత్రమే మనము నిర్ణయించుకోగలం.   మీ థింకింగ్ ను పాజిటివ్గా మార్చుకుంటూ ముందుకు సాగిపోవాలి. అప్పుడే మీరు అతి ఆలోచన నుండి బయటపడగలరు.

ఈమధ్య ప్రజలలో ఆరోగ్యంపై అవగాహన చాలా ఎక్కువనే చెప్పవచ్చు. తన ఆరోగ్యం కోసం అనేక రకాల ఆహార నియమాలు పాటిస్తున్నారు . తమ ఆరోగ్యాన్ని పెంచుకోవడానికి మన మార్కెట్లోకి దిగుబడి అనేక రకాల పండ్లను తింటూ ఉంటారు. అందులో లీచీ పండు ఒకటి.

లీచీ ఫ్రూట్ మనకి సమ్మర్ లో ఎక్కువగా దొరుకుతుంది. ఈ ఫ్రూట్ మనకి చైనా నుంచి దిగుబడి అవుతుంది. ఇందులో ప్రోటీన్లు, విటమిన్లు, సిట్రిక్  ఆసిడ్, ఐరన్  అధికంగా లభిస్తాయి. ఈ పండు చూడడానికి స్ట్రాబెరీ లా కనిపిస్తుంది. తినడానికి ఎంతో రుచిగా ఉంటుంది.

రుచికి తగ్గట్లు ఈ పండులో అనేక ఔషధ గుణాలు కూడా ఉన్నాయి. ఇప్పుడు ఈ పండు వలన ఏ ఏ ఆరోగ్య ప్రయోజనాలు కలుగుతాయో తెలుసుకుందాం..

#1. గుండె ఆరోగ్యాన్ని మెరుగు పరుస్తుంది :

రక్తంలో ఉండే చెడు కొలెస్ట్రాల్ స్థాయిని తగ్గించి, గుండె సంబంధిత వ్యాధులు రాకుండా కాపాడుతుంది. ఎందుకంటే ఇందులో ఉండే పొటాషియం అధిక రక్తపోటు సమస్యలను తగ్గిస్తుంది.

#2. మెరుగైన జీర్ణవ్యవస్థ :

ఈ పండ్లలో ఫైబర్ అధికంగా ఉండటం వల్ల జీర్ణ వ్యవస్థ క్రమంగా పనిచేసి మలబద్ధకాన్ని తగ్గిస్తుంది.

#3. రోగనిరోధక శక్తిని పెంపొందిస్తుంది:

ఈ పండ్లను తినడం వల్ల శరీరంలో రోగనిరోధక శక్తిని పెంచుతుంది. దీనిలో ఉండే విటమిన్ సి వలన శరీరంలోని బ్యాక్టీరియాను చంపి ఇన్ఫెక్షన్లు రాకుండా కాపాడుతుంది. తెల్ల రక్త కణాల పనితీరును మెరుగుపరుస్తుంది.

#4. రక్తహీనతను తగ్గిస్తుంది:

రక్తహీనత సమస్యలతో బాధపడేవారికి లీచీ పండు ఔషధంలా పనిచేస్తుంది. ఇందులో ఉండే కాపర్, ఇనుము శరీరంలోని  రక్తకణాలను పెంచుతాయి.  రక్తంలో హిమోగ్లోబిన్ స్థాయిని పెంచి రక్తహీనత సమస్యలు తగ్గిస్తుంది.

#5. వృద్ధాప్య ఛాయలను తగ్గిస్తుంది :

చిన్న వయసులోనే ముడతల సమస్య బాధపడుతున్న వారికి లీచీ పండు మంచి ఔషధంగా పనిచేస్తుంది. లీచీ పండు తినడం వల్ల దానిలో ఉండే విటమిన్ సి చర్మంలో ఉండే ఫ్రీరాడికల్స్ ప్రభావాన్ని తగ్గించి చర్మాన్ని కాంతివంతంగా మరియు ముడతలు లేకుండా చేయడానికి దోహదపడుతుంది.

#6. అధిక బరువును తగ్గిస్తుంది :

లీచీ పండులో ఉండే ఫైబర్ కొవ్వును తొలగించేందుకు దోహదం చేస్తుంది. మెగ్నీషియం, కాపర్, ఐరన్ వంటి పోషకాలు లీచీ పండులో పుష్కలంగా ఉండటం వలన ఎముకలు దృఢం గా మార్చి, శరీరంలోని కొవ్వును కరిగిస్తుంది.

ఒక్కోసారి మనం ఎక్కువగా ప్రయాణం చేసినప్పుడు మన పాదాలు వాపులకు గురవుతాయి. అంతేకాకుండా ఎక్కువగా కూర్చుని పనిచేసే వారికి లేదా నిలబడి పని చేసే వాళ్ళకి పాదాల వాపులు వస్తూ ఉంటాయి.ఇది కొంతసేపు విశ్రాంతి తీసుకుంటే మళ్ళీ సాధారణ స్థితికి వచ్చేస్తాయి.

అదేవిధంగా గర్భిణీ స్త్రీలకు కూడా కొందరు కాళ్ల వాపు సమస్యను ఎదుర్కొంటారు.  ఇది బిడ్డను జన్మ ఇచ్చే వరకే ఉంటుంది తర్వాత కాళ్లు వాపు  అనేవి సాధారణ స్థితికి వచ్చేస్తాయి.

అలాకాకుండా కొంతమందికి ఆరోగ్య సమస్యల ద్వారా నిత్యం కాలు వాపులతోనే ఉంటాయి. కిడ్నీ సమస్యలు ఇన్ఫెక్షన్లు, కీళ్ళవాపు వంటి వ్యాధులతో  దీర్ఘకాలిక వాపు  సమస్యతో బాధపడుతూ ఉంటారు. ఈ పాదాల వాపు సమస్యనే ఎడీమా అని కూడా అంటారు.

ఈ సమస్య నుంచి బయట పడాలి అంటే కొన్ని కొన్ని చిట్కాలు పాటిస్తే చాలు.. ఈ కాళ్లవాపు తగ్గుముఖం పడుతుంది.

అది ఆ చిట్కాలేంటో ఒకసారి మనం కూడా తెలుసుకొని పాటిద్దాం..

#1.

పాదాలు వాపు ఉన్నవారు నిద్రపోయే సమయంలో పాదాల కింద తులా ఎత్తుగా ఉండేలా ఏదైనా మెత్తని వస్తువుని గాని, దిండు ను గాని ఉంచుకోవాలి. ఇలా పాదాలు ఎత్తులో పెట్టుకోవడం వల్ల మీ పాదాలలో  వచ్చిన నీరు అనేది తగ్గుముఖం పడుతుంది.

#2.

పాదాల వాపు ఎక్కువగా బాధ పడుతున్నారు అర బకెట్లు ఉప్పు నీళ్లలో పాదాలను పెట్టి 10 నుంచి 15 నిమిషాలు ఉంచడం ద్వారా కాళ్లలోని వాపుని, మజిల్స్ పెయిన్ వంటివి తగ్గుముఖం పట్టిస్తుంది.

#3.

నువ్వుల నూనెతో వాపు ఉన్న మీ పాదాల మీద మసాజ్ చేయడం ద్వారా మీ కాళ్ళ రక్త సరఫరా బాగా జరిగి కళ్ళలోని నీటి శాతాన్ని తగ్గించి వాపును తగ్గిస్తుంది.

#4.

రెండు కప్పుల నీటిలో రెండు స్పూన్ల బార్లీ గింజలు వేసి బాగా మరిగించాలి. దానిలో చిటికెడు ఉప్పు కలుపుకొని ఆ నీటిని త్రాగాలి. ఇలా చేయడం ద్వారా మీ ఒంటి లో ఉన్న అధిక నీరు మూత్రం ద్వారా బయటకు పోయి వాపులను తగ్గుముఖం పడుతుంది.

వాపు సమస్య తీవ్రంగా ఉన్నప్పుడు వైద్యుల సలహా తీసుకోవడం ఉత్తమం.

ప్రతి వంటింట్లోనూ దొరికే లవంగాలు ఆరోగ్యానికి ఎంతగానో మేలు చేస్తాయి. అవి అజీర్ణం, క్యాన్సర్, మధుమేహం వంటి అనేక ఆరోగ్య సమస్యలకు చికిత్స చేయడంలో సహాయపడతాయి. ఇతర వంటలలో కూడా లవంగాలను ఉపయోగించడం వలన అవి వంటకి మరింత రుచిని చేకూరుస్తాయి.

కేవలం రుచిని అందించడం మాత్రమే లవంగాలు కొన్ని ఆరోగ్య ఫలితాలను కూడా అందిస్తాయి. అవేంటో ఇప్పుడు తెలుసుకుందాం. వాటి ఔషధ ఫలితాల దృష్ట్యా లవంగాలు ఆయుర్వేదంలో ముఖ్యమైన స్థానాన్ని కలిగి ఉన్నాయి. రోజూ ఉదయాన్నే రెండు లవంగాలను తీసుకోవడం వలన ఎన్నో ఆరోగ్య ప్రయోజనాలు ఉన్నాయి. అవేంటో ఇప్పుడు తెలుసుకుందాం.

#1 లవంగంలో విటమిన్ సి ఉంటుంది, ఇది శరీరంలో తెల్ల రక్త కణాలను పెంచుతుంది. ఇది మీ శరీరం ఏదైనా అంటువ్యాధులు లేదా వ్యాధులతో పోరాడటానికి మరింత సహాయపడుతుంది. ఉదయాన్నే పరగడుపున 2 లవంగాలు తీసుకోవడం వల్ల మీరు ఆరోగ్యంగా ఉంటారు మరియు వ్యాధుల నుండి దూరంగా ఉంటారు.

#2 లవంగాలు మీ జీర్ణ వ్యవస్థని మెరుగు పరిచి మీ శరీరంలో జీవక్రియలు సక్రమంగా జరిగే విధంగా చేస్తాయి.
#3 మీ లివర్ సక్రమంగా పని చేయడానికి లవంగాలు ఎంతగానో సాయం చేస్తాయి.
#4 మీ దంతాలకు ఏమైనా సమస్యలు ఉంటె వాటిని సాల్వ్ చేయడంలో కూడా లవంగాలు కీలక పాత్రని పోషిస్తాయి.

మీ శరీరం యొక్క మొత్తం ఆరోగ్యంలో మీ మూత్రపిండాలు కీలక పాత్ర పోషిస్తాయి. అవి శరీరం నుండి వ్యర్థాలు మరియు అవసరం లేని నీటిని తొలగించడంలో సహాయపడతాయి. శరీరంలోని నీరు, లవణాలు మరియు ఖనిజాలను ఆరోగ్యకరమైన సమతుల్యతలో ఉంచడానికి కిడ్నీలు దోహదం చేస్తాయి. అయితే కిడ్నీలను జాగ్రత్తగా కాపాడుకోవాల్సిన అవసరం ఎంతైనా ఉంది. కొన్ని కొన్ని అలవాట్లు మనకు తెలియకుండానే కిడ్నీల ఆరోగ్యాన్ని దెబ్బ తీస్తుంటాయి. అవేంటో ఇప్పుడు తెలుసుకుందాం.

కొన్ని విటమిన్లు మీ మూత్రపిండాలకు నిత్యం అవసరం అవుతూ ఉంటాయి. మీరు తీసుకునే ఆహారంలో విటమిన్ల లోపం ఉంటె.. ఆ ప్రభావం కిడ్నీల ఆరోగ్యంపై పడుతుంది. మూత్రపిండాల వ్యాధి ఉన్నవారిలో విటమిన్ డి లోపం ఉండడం చూస్తూనే ఉంటున్నాం. విటమిన్ B6 ఇతర ఔషధాలతో పాటుగా తీసుకుంటున్నప్పుడు మీ కిడ్నీల ఆరోగ్యం మెరుగుపడుతుంది.

ప్రతిరోజూ 10-15 నిమిషాలు ఎండలో కూర్చుంటే విటమిన్ డి పొందవచ్చు. విటమిన్ B6 సాల్మన్, చిక్‌పీస్, బంగాళదుంపలు మరియు ఇతర పిండి పదార్ధాలలోను లభిస్తుంది. ఇందుకోసం కూరగాయలను ఎక్కువగా తీసుకోవాలి. పెయిన్ కిల్లర్లను అతిగా తీసుకోవడం వల్ల మీ కిడ్నీలకు ప్రమాదకరం కావచ్చు. ఆ మాత్రలు మీ నొప్పులను తగ్గించినా.. కిడ్నీలకు మాత్రం తీరని అన్యాయం చేస్తాయి. ప్రాసెస్ చేసిన ఆహార పదార్థాలను అధికంగా ఉపయోగించడం వల్ల కూడా కిడ్నీ సమస్యలు వస్తుంటాయి.

ప్రాసెస్ చేసిన భోజనంలో సోడియం మరియు ఫాస్పరస్ అధికంగా ఉంటాయి. ఇవి కిడ్నీలు దెబ్బ తినడానికి కారణం అవుతాయి. ప్రతి వారం కనీసం మూడు సార్లు వ్యాయామం చేసే వ్యక్తులలో కిడ్నీలో రాళ్లు తక్కువగా ఉండడం గమనించవచ్చు. మూత్రపిండాల పనితీరు బలహీనంగా ఉన్నవారు కూడా క్రమం తప్పకుండ నడక సాగించడం వలన వారి ఆరోగ్యం మెరుగుపడవచ్చు.

ప్రస్తుతం చాలా మంది ఎదుర్కుంటున్న సమస్య అధికంగా జుట్టు రాలడం. ఎన్ని జాగ్రత్తలు తీసుకున్నా.. ఎన్ని మంచి ఆయిల్స్ ని వాడినా జుట్టు రాలిపోతోంది అంటూ చాలా మంది తెగ ఫీల్ అయిపోతూ ఉంటారు. ముఖ్యంగా తలస్నానం చేస్తే చాలు.. ఈ జుట్టు మరింతగా రాలిపోతూ ఉంటుంది.

జుట్టు తడిగా ఉన్నపుడు దువ్వినా సరే చాలా ఎక్కువగా జుట్టు రాలిపోతూ ఉంటుంది. అంతే కాదు ఆయిల్ రాసినప్పుడు కూడా వెంటనే జుట్టుని దువ్వితే.. మరింతగా రాలిపోతూ ఉంటుంది. దీనికి కారణం ఏంటో ఇప్పుడు తెలుసుకుందాం.

శరీరంలో జింక్ విటమిన్ లోపం ఉంటె జుట్టు రాలే సమస్య ఎక్కువగా ఉంటుందట. అంతేకాదు.. చేతి వేళ్ళ గోర్లపై కూడా తెల్లని చారలు ఏర్పడుతూ ఉంటాయి. ఇలా వస్తే.. అది జింక్ లోపానికి సంకేతంగా చెప్పుకోవచ్చు. జింక్ లోపం ఉంటె బట్టతల వచ్చే అవకాశం ఎక్కువ ఉంటుంది. అలాగే పురుషుల్లో కూడా సంతానోత్పత్తి సామర్ధ్యం తగ్గుతుంది.

ఒకవేళ ఈ లక్షణాలు మీలో కూడా కనిపిస్తూ ఉంటె.. మీరు తీసుకునే ఆహారంలో జాగ్రత్త వహించడం ముఖ్యం. ప్రస్తుతం చాలా మంది జింక్ ను సప్లిమెంట్ల రూపంలో తీసుకుంటున్నారు. లేదా ఆహరం ద్వారా అయినా జింక్ ను శరీరానికి అందించే ప్రయత్నం చేయడం ఉత్తమమైన మార్గం.

షాంపూ మనం ప్రతిరోజు స్నానం చేసేటప్పుడు జుట్టుకు రాసుకుంటాం. కానీ షాంపూ ఎలా వచ్చింది.. ఎవరు కనిపెట్టారు. అనేది మాత్రం ఇప్పటికీ ఎవరికీ తెలియదు. షాప్ కి వెళ్ళామా.. షాంపూలు తెచ్చుకున్నామా.. జుట్టుకి రాసుకున్నామా.. అంత వరకు మాత్రమే మనకు షాంపు గురించి తెలుసు..

అయితే.. కొన్ని షాంపూలు మన జుట్టుకి సరిపడకపోవచ్చు. ఫలితంగా జుట్టు ఎక్కువగా రాలిపోతూ ఉంటుంది. చాలా మందికి షాంపూలలో రకాలు ఉంటాయని తెలియదు. మన జుట్టుకి సరిపడే రకాన్ని మాత్రమే మనం ఎంచుకోవాలి.

షాంపూలో మూడు రకాలు ఉంటాయి. అవి ఏంటంటే.. యాసిడ్, బేసిక్, న్యూట్రల్. బేసిక్ రకాల షాంపూలు అన్నిటిలోనూ గాఢత ఎక్కువగా ఉంటుంది. ఈ షాంపూలను ఎక్కువగా వాడితే జుట్టు రాలిపోతుంటుంది. అందుకే జుట్టు రాలిపోవడం, నెరిసిపోవడం, వెంట్రుకలు సన్నబడిపోవడం, ఎండిపోవడం వంటి సమస్యలు రాకూడదు అంటే సరైన షాంపూని ఎంచుకోవాలి. షాంపూ వల్ల జుట్టు రాలిపోతోంది అన్న కారణంతో తలస్నానం చేయకుండా ఉండడం కూడా కరెక్ట్ కాదు.

మీరు ఎంచుకునే షాంపూలు పిహెచ్ 5.5 శాతం ఉండాలి. ఇది జుట్టుకి సరిపడుతుంది. ప్రస్తుతం పిల్లల కోసం లభిస్తున్న బేబీ షాంపూ లలో కూడా పిహెచ్ శాతం 5.5 ఉంటోంది. కాబట్టి పెద్దవాళ్లు వీటిని వాడొచ్చు. ఇంకా తలస్నానం చేసాక జుట్టుని డ్రయర్ తో ఆరబెట్టడం కంటే సహజ సిద్ధంగా ఆరబెట్టడం మంచిది. జుట్టుకి నూనె పెట్టడం.. మునివేళ్లతో సున్నితంగా మసాజ్ చేయడం కూడా అవసరమే. చాలా సందర్భాలలో.. టైం లేనప్పుడు డ్రై షాంపూ వాడేస్తూ ఉంటారు. దీనిని కూడా తగ్గించాలి. తలస్నానం చేసేటప్పుడు బాగా చల్లగా, లేక బాగా వేడి నీటిని ఉపయోగించకూడదు. గోరు వెచ్చగా ఉన్న నీటిని మాత్రమే వాడాలి. జుట్టుని తుడవడానికి ప్రత్యేకమైన మైక్రో ఫైబర్ టవల్ ను ఉపయోగించాలి.

పిల్లలకు మంచి పౌష్టికాహారం అందించడంలో ప్రతి తల్లి సవాల్ ఎదుర్కొంటుంది. పిల్లలు ఆరోగ్యంగా పెరగాలంటే వారి శరీరానికి అన్ని రకాల పోషకాలు అవసరం. అయితే చిన్నప్పటి నుంచి పిల్లలు మనం చేసే ఆహారం అలవాట్ల వల్ల ఒకే రకమైన పదార్థాలు తినడానికి ఇష్టపడతారు.

ప్రతి తల్లి ముందు బిడ్డకి ప్రొటీన్లు ఎక్కువగా అందుతాయని పప్పుధాన్యాలతో చేసిన కూరలు లేదా మాంసకృత్తులు ఎక్కువగా అలవాటు చేస్తూ ఉంటారు. అలా అలవాటు చేయడం ద్వారా పిల్లల్లో తరచుగా ఒకే రకమైన రుచి కలిగిన ఆహారం తినడానికి ఆసక్తి చూపుతారు. ఇలా ఒకే రకమైన ఆహారం తీసుకోవడం వల్ల శరీరానికి సరైన పోషకాలు అందకపోవచ్చు.

మరి ఎలాంటి ఆహారం అలవాట్లు చేయటం ద్వారా బిడ్డకు మంచి పోషకాలు అందుతాయి ఇప్పుడు మనం తెలుసుకుందాం

10 ఏళ్ల వయసు వచ్చేసరికి పిల్లలకు అన్ని రకాల ఆహారపదార్థాలు తినే అలవాటు వచ్చి ఉండాలి. మనం ఎక్కువగా పిల్లలకు అన్నం, చికెన్, పప్పు కూరలు వంటివి ఎక్కువగా తినిపిస్తాము. కూరగాయలు, ఆకుకూరల వంటివి దగ్గరకు కూడా రానివ్వరు.

ఈ కూరగాయలు ఆకుకూరలు అనేక రకమైన ఖనిజలవణాలు, విటమిన్లు ఎన్నో పోషకాలు ఉంటాయి. వీటిని పిల్లలు దూరం పెట్టడం ద్వారా వల్ల శరీరానికి సరైన పోషకాలు అందవు.

కూరగాయల్లో పీచు పదార్థాలు ఎక్కువగా ఉండటం వల్ల పిల్లల జీర్ణశక్తి సక్రమంగా పని చేసి మలబద్ధకాని తగ్గిస్తుంది. కాల్షియం, మెగ్నీషియం, పొటాషియం, యాంటీ ఆక్సిడెంట్లు, మైక్రో న్యూట్రియంట్స్ వంటి పోషకాలు కూరగాయలు మరియు ఆకుపచ్చని ఆకుకూరలు ద్వారానే లభిస్తాయి. ఈ పోషకాలు శరీరాన్ని అనారోగ్యాల బారి నుంచి కాపాడతాయి.

ప్రతి రోజు పిల్లలకు 150 నుంచి 200 గ్రాములు కూరగాయలు , 50 నుంచి 100 గ్రాములు ఆకుకూరలు ఆహారంగా తీసుకొనే అలవాటు చేయాలి. ప్రతి ఒక్క కూరగాయల్లోనూ అంటే క్యారెట్, బీట్రూట్, ఉల్లిపాయ బెండకాయ, టమోటా, తోటకూర, పాలకూర, ప్రతి ఒక్క దానిలో ఒక ప్రత్యేకమైన పోషక విలువలు ఉంటాయి.

ఈ ఆహార పదార్థాలు తీసుకోవడం వల్ల పిల్లలు రక్తహీనతకు లోనవ్వకుండా కాపాడవచ్చు.  పోషకాలు సక్రమంగా అందినప్పుడే ఎముకలు కూడా బలంగా తయారవుతాయి. అదేవిధంగా సీజన్లో ప్రతి పండును పిల్లలు తినే విధంగా అలవాటు చేయాలి.

ఫ్రూట్ ను రకరకాల షేప్ లో కట్ చేసి పిల్లలు ఎదుట పడితే వారు ఇష్టంగా తినడానికి ఆసక్తి చూపుతారు.  ప్రతీ పండ్లు మరియు కూరగాయలోని ఎలా పోషకాలు ఉంటాయనే విషయాన్ని వాళ్లకు ఖచ్చితంగా తెలియజేయాలి.

ఎప్పుడైతే పిల్లలు సరైన పోషకాలు కలిగిన ఆహారం తీసుకుంటారో వారు శారీరకంగా, మానసికంగా దృఢంగా మారతారు.