Health Adda

ఈ మధ్య కాలంలో చాలా మంది ఎదుర్కొనే సమస్యలలో బీపీ ఒకటి. జీవన శైలి, ఉద్యోగ ఒత్తిడి, కుటుంబ పరిస్థితులు కారణంగా ఎంతో మంది హైబీపీకి గురవుతున్నారు. దీనిని కంట్రోల్ చేయడానికి రెగ్యులర్ గా మందులు కూడా వాడుతూ ఉంటారు. ఎక్కువ మందులు తీసుకోవడం వల్ల కూడా సైడ్ ఎఫెక్ట్స్ కలుగుతాయి. కాబట్టి వీలైనంత వరకు సహజసిద్ధంగా తగ్గించుకోవడానికి ప్రయత్నం చేయాలి.

అయితే నేచురల్ గా మందులు వాడకుండానే హై బీపీని కంట్రోల్ చేయొచ్చని ఆరోగ్య నిపుణులు చెబుతున్నారు. ఈ విధంగా అనుసరిస్తే తప్పక బీపీ తగ్గుతుంది.  బీపీని తగ్గించడానికి ధూమపానం, మద్యపానానికి దూరంగా ఉండాలి. అలానే ఉప్పుని రోజు తగ్గించాలి. ఎక్కువ పండ్లు, కూరగాయలు ఆహారంలో తీసుకోవాలి.

ప్లాంట్ బేస్డ్ ఫుడ్ తినడం వల్ల బీపి 7 పాయింట్లు తగ్గుతుందని డాక్టర్లు చెబుతున్నారు. కాబట్టి ఎక్కువ ఆహారం మొక్కలు ఆధారిత ఆహారాన్ని తీసుకోవాలి.
తక్కువ మాంసాన్ని తీసుకోవడం, ఎక్కువ మొక్కల ఆధారిత ఆహారాన్ని తీసుకుంటే 11 పాయింట్ల దాక బీపీ తగ్గుతుంది.
ధూమపానం, మద్యపానానికి దూరంగా ఉంటే ఐదు పాయింట్లు బీపీని తగ్గించుకోవచ్చు.

బరువు తగ్గడం వల్ల కూడా బీపీని తగ్గించుకోవచ్చు.
సోడియంను తగ్గించడం వల్ల 15 పాయింట్లు వరకు బీపీ తగ్గుతుంది.
కనీసం 3 నెలల పాటు ఏరోబిక్ వ్యాయామాలు చేయడం వల్ల 9 పాయింట్లు తగ్గించవచ్చు.

ప్లాంట్ బేస్డ్ ఫుడ్ తీసుకోవడం, ఉప్పుని తగ్గించడం వల్ల 18 పాయింట్లు తగ్గుతుంది.
ఉపవాసం చేసి కేవలం నీళ్లు మాత్రమే తీసుకుంటే 37 పాయింట్ల వరకు తగ్గుతుంది. కానీ ఇలా చేసేటప్పుడు వైద్యులని కన్సల్ట్ చెయ్యడం మంచిది.

మీరెప్పుడైనా గమనించారా..? కొంత వయసు పైబడ్డ వాళ్ళకి, ఆడవాళ్ళలో.. ముఖ్యంగా గర్భవతుల్లో కాళ్లలో నీరు చేరుతూ ఉంటుంది. ఫలితంగా వీరి కాళ్ళు ఉబ్బినట్లు లావుగా కనిపిస్తూ ఉంటాయి. కాళ్లలో నీరు చేరడం వలన నడవడం కూడా కష్టంగా మారి కాళ్ళు నొప్పులు వస్తూ ఉంటాయి.

అసలు ఇలా కాళ్లలో నీరు ఎందుకు పడుతోంది..? ఇటువంటి కాళ్ళ నొప్పుల సమస్యలు ఎందుకు వస్తున్నాయో ఇప్పుడు తెలుసుకుందాం. సాధారణంగా గంటల తరబడి కదలకుండా కూర్చోవడం వలన కూడా కాళ్ళ వాపులు వస్తూ ఉంటాయి. కాళ్లలో నీరు పట్టడానికి ఇది కూడా ఒక కారణం.

ఇలా కాళ్ళ వాపు రావడాన్ని ఎడిమా అని పిలుస్తారు. ఎక్కువ సమయం కదలకుండా కూర్చోవడం వలన కాళ్ళలో రక్తప్రసరణ ఆగిపోతుంది. అందువల్లే కాళ్ళ వాపు వచ్చే అవకాశం ఉంటుంది. అలాగే ఉప్పు ఎక్కువ తినడం వలన కూడా ఇలా కాళ్ళు వచ్చే అవకాశం ఉంటుందట. తీసుకునే ఆహార పదార్ధాలలో ఉప్పు ఎక్కువ వేసుకోవడం, నీటిని ఎక్కువగా తాగడం వల్ల ఆ నీరు ఇలా కాళ్ళలోకి చేరుతూ ఉంటుంది.

ఒక్కోసారి గుండె సమస్యలు, కిడ్నీ సమస్యలు ఉన్న వారిలో కూడా ఇలా ఎక్కువగా కాళ్లల్లో నీళ్లు పడుతూ ఉంటాయి. వృద్ధులలో.. 45 సంవత్సరాలు దాటినా ఆడవాళ్ళలో, గర్భిణిలలో ఈ సమస్యని ఎక్కువగా చూస్తూ ఉంటాం. దీర్ఘకాలికంగా థైరాయిడ్ సమస్యని ఎదుర్కొంటున్న వారిలో కూడా కాళ్ళ వాపు సమస్యని మనం గమనించవచ్చు. నిరంతరం కాళ్లలో రక్తప్రసరణ జరిగే విధంగా వ్యాయామం చేస్తూ ఉండాలి. ఉప్పు తక్కువగా తీసుకోవాలి. గుండె జబ్బులు ఉన్నవారు అప్రమత్తంగా ఉండాలి. ఇలా జాగ్రత్తలు తీసుకోవడం ద్వారా కాళ్ళ వాపు రాకుండా అరికట్టవచ్చు.

చాలామందికి తమ అందం అంటే ఎంతో మక్కువ ఎక్కువ.. అసలు అందంపై దృష్టి పెట్టనివారు ఎవరు ఉంటారో చెప్పండి. 60 ఏళ్ళ వయస్సులో కూడా 20 ఏళ్ళు వయస్సు వారిలా కనిపించాలని కోరుకుంటారు. అయితే మన వయస్సు పెరుగుతుందనే విషయానికి నిదర్శనంగా మనం ముఖం పై ముడతలు ప్రారంభమవుతున్నాయి.

వయసు పెరిగే కొద్దీ మొదటిగా ముడతలు ఏర్పడే ప్రదేశం నుదురు. వాటినే ప్రీమెచ్యూర్ రింకిల్స్ అంటారు. ఇది చర్మం పలుచగా ఉన్న వారిలో త్వరగా మొదలవుతాయి. కొందరికి చిన్న వయసులోనే ఈ సమస్య ప్రారంభమవుతుంది. ఈ సమస్యను ఆడవారికన్నా మగవారిలో ఎక్కువగా ఉంటుంది.

మరి ఈ సమస్యకు చెక్ పెట్టాలంటే ఈ నివారణలను పాటించాల్సిందే..

#1. గుడ్డు :

ఒక గుడ్డులోని తెల్లసొన తీసుకుని దానిలో అరచెంచా నిమ్మరసం కలిపి మిశ్రమాన్ని ఫేస్ ప్యాక్ లా వేసుకోవాలి. మిశ్రమం పూర్తిగా ఆరిన తర్వాత గోరువెచ్చని నీటితో గాని, చల్లని నీటితో గాని  ముఖాన్ని శుభ్రం చేసుకోవాలి. వారానికి రెండు మూడు సార్లు చేయడం ద్వారా మంచి ఫలితం కనిపిస్తుంది

#2. అరటిపండు :

బాగా పండిన అరటి పండును తీసుకుని గుజ్జులా చేసి ఒక స్పూన్ తేనె, ఒక స్పూన్ కలబంద గుజ్జు  ఈ మూడింటిని బాగా కలిపి ఫేస్ ప్యాక్ లా వేసుకోవాలి. ఒక 20 నిమిషాల పాటు అలానే ఉంచి నీటితో శుభ్రం చేసుకోవాలి.

#3. ముల్తానీ మట్టి :

ఒక టేబుల్ స్పూన్ ముల్తాని మట్టిని తీసుకుని, మట్టిని క్రీమ్ లా కలుపుకోవడానికి సరిపడినంత రోజు వాటర్ ని వేసుకొని బాగా కలుపుకోవాలి. కలుపుకున్న ఈ మిశ్రమాన్ని మీ ఫేస్ కి అప్లై చేసి పూర్తిగా ఆరే వరకూ అలానే ఉండాలి. తర్వాత శుభ్రంగా చల్లని నీటితో కడుక్కోవాలి. సబ్బును ఏ మాత్రం ఉపయోగించకూడదు.

#4. ఆహార నియమాలు :

చర్మం మృదువుగా, కాంతిగా ముడతలు లేకుండా ఉండాలి అంటే చర్మానికి సహకరించే విటమిన్ సి  ఆహారం ఎక్కువగా తీసుకోవాలి. జామ, బొప్పాయి, టమోటో,స్ట్రా బెర్రీ,  అవకాడో  వంటి పండ్లను ఆహారంలో జతచేసుకోవాలి.

#5. మెడిటేషన్:

నుదిటిపై ముడతలు పోవడానికి ఫేషియల్ ఎక్సర్సైజులు వంటివి చెయ్యాలి.

#6. నీరు :

మనిషి శరీరము యవ్వనంగా ఉండాలంటే మీరు ఎంతగానో సహాయపడుతుంది. రోజుకి ఎనిమిది నుంచి పది గ్లాసుల నీరు ఖచ్చితంగా తాగాలి. ఇది ఎక్కువగా తీసుకోవడం ద్వారా మన శరీరంలోని వ్యర్థాలు మూత్రం ద్వారా బయటకు పోతాయి. ఎప్పుడైతే మన ఆరోగ్యం సక్రమంగా ఉంటుందో. మన చర్మం కూడా కాంతివంతంగా ముడుతలు లేకుండా తయారవుతుంది.

మీరు అధిక బరువుతో బాధపడుతున్నారా.. ఎన్ని ప్రయత్నాలు చేసినా మీరు బరువు తగ్గటం లేదా..  ఏంటి కారణం అని ఆలోచిస్తున్నారా..

కొంత మంది అధిక బరువుతో బాధపడుతూ తమ ఆహార నియమాలను మార్చుకుంటారు. ఎన్నెన్నో వ్యాయామాలు చేస్తారు. కాని కొంచెం కూడా తమ అధిక బరువును తగ్గించుకోలేరు.

ఎందుకంటే ఈ ఒక్క విటమిన్ లోపం కారణంగా మీరు ఎన్ని ప్రయత్నాలు చేసినా మీ అధిక బరువు తప్పించుకోలేరు. ఏంటి ఆ విటమిన్ అని ఆలోచిస్తున్నారా..  ఆ విటమినే B12.

మన శరీరానికి విటమిన్ B12 అనేది ఎంతో అవసరం.  ఈ విటమిన్ మన శరీరం నాడీ వ్యవస్థను, మెదడును చురుగ్గా ఉండేలా చేస్తుంది. ఇప్పుడైతే మన శరీరంలో విటమిన్ B12 లోపం ఏర్పడుతుందో మీరు అధిక బరువు పెరగడం, జ్ఞాపకశక్తి తగ్గడం, నరాల బలహీనత, రక్తహీనత వంటి సమస్యలతో బాధపడతారు.

మరి విటమిన్ B12 అధిక బరువు పెరగడానికి మధ్య సంబంధం ఏంటి అనుకుంటున్నారా..

విటమిన్ బి12 లోపం వలన శరీరంలోని శక్తి స్థాయి తగ్గి మెటబాలిజం మందగించడం ప్రారంభమవుతుంది. ఇప్పుడైతే మెటబాలిజం తగ్గుతుందో తద్వారా మనం బరువు పెరగడానికి ఆస్కారం ఎక్కువ అవుతుంది.

ఈ B12 విటమిన్ లోపం అధిగమించాలి అంటే మన శరీరానికి ప్రోటీన్స్, ఐరన్ ఎంతో అవసరం. ఈ ప్రోటీన్లు, ఐరన్ ను మనకి మాంసం,చేపలు, పప్పుధాన్యాలు కోడిగుడ్లు,పాల ఉత్పత్తులు ద్వారా మనకు లభిస్తాయి. అంతేకాకుండా పాలకూర, తోటకూర, మెంతికూర ద్వారా కూడా మనకి ఐరన్, పోలిక్ యాసిడ్ వంటివి ఎక్కువగా లభిస్తాయి.

B12 లోపాన్ని  విటమిన్ సప్లిమెంట్ ల ద్వారా కూడా భర్తీ చేయవచ్చు. విటమిన్ సప్లిమెంట్ వాడే ముందు డాక్టర్ని సంప్రదించి సరైన నిర్ణయం తీసుకోవడం మంచిది.

ప్రతి మనిషిలోనూ కొన్ని మంచి అలవాట్లు ఉంటాయి. కొన్ని చెడు అలవాట్లు ఉంటాయి. కానీ మనకు ఉన్న చెడు అలవాట్లను కొన్ని మనం అదుపులో పెట్టుకోగలం. కానీ మరి కొన్ని చెడు అలవాట్లను ఎంత మానుకున్నా మన అదుపు చేసుకోలేకపోతాం. అందులో మొదటగా ఉండే అలవాటు చేతి గోళ్ళు కొరకడం.

అవును.. మీరు చాలా మంది గమనించే ఉంటారు.. అలవాటు అన్నది చాలా మందిలో ఉంటుంది. ముఖ్యంగా అయితే పిల్లల్లో మరీ ఎక్కువగా ఉంటుంది. మనం చిన్నప్పుడు నుంచి చేసే ఈ గోళ్ళు కొరకడం వలన మనకు ఒక వ్యసనంగా మారిపోతోంది. ఈ చెడు అలవాటే మన మానసిక పరిస్థితిపై ప్రభావితం చూపిస్తుంది. అదేవిధంగా ఆ చెడు అలవాటే మన ఆరోగ్యాన్ని మెరుగుపరుస్తుంది. ఏంటి ఇలా చెప్తున్నాను అనుకుంటున్నారా అయితే ఈ విషయాలు తెలుసుకోండి..

మనకు బాగా ఆలోచన ఎక్కువ అయినప్పుడు లేదా సైకలాజికల్ డిజార్డర్ వల్ల మనం ఎక్కువగా గోళ్ళు కొరుకుతుంటాం. గోళ్లలో సార్మేనేలా, క్లేబ్సిల్లా అనే హానికరమైన బ్యాక్టీరియా మన చేతి గోళ్ళలో ఉంటాయి అని పరిశోధనల్లో తేలింది. ఇవి మన కడుపులోకి వెళ్లడం వలన డయేరియా, ఫుడ్ పాయిజన్, ఆస్తమా వంటి అనారోగ్య సమస్యల బారిన పడతామని  తెలుపుతున్నారు.

అంతేకాకుండా గోళ్ళు కొరకడం వెనక ఒక లాజిక్ కూడా ఉంది. మన గోళ్ళు చివరన నెగటివ్ ఎనర్జీ అనేది ఉంటుంది. ఈ నెగిటివ్ ఎనర్జీ అనేది మన గోళ్ల ద్వారా బయటకు పోతుంది. ఎప్పుడైతే మన గోళ్ళు కొరకడం కోసం మన నోట్లో పెడతామో. అప్పుడు  ఆ నెగటివ్ ఎనర్జీ అనేది తిరిగి మళ్ళీ మన శరీరంలోకి వస్తుంది. అంతేకాకుండా మన చేతి గోళ్ళలో మట్టి వంటిది పేరుకుపోతుంటుంది. ఈ మట్టిలో అనేక సూక్ష్మ జీవులు ఉంటాయి. అందుకే మన పెద్దలు గోళ్లు కొరకవద్దు అని అంటారు.

కొన్ని పరిశోధన ప్రకారం గోళ్ళు కొరకడం అనేది ఆరోగ్యానికి మంచిదని తెలిసింది. ఎందుకంటే గోళ్ళు కొరకడం వల్ల మన శరీరంలోని వ్యాధి నిరోధక శక్తి పెరుగుతుందట. మన శరీరంలో ఉండే బ్యాక్టీరియాను సక్రమంగా పని చేయడానికి గోళ్ళు కొరికే అలవాటు మంచిదే అంటున్నారు పరిశోధకులు. కానీ అదేపనిగా గోళ్లు కొరకడం అనేది చెడు అలవాటు.

వానాకాలం వస్తే చిరు జల్లులు కురిసి ప్రాణం కుదుటపడిందని అందరం అనుకుంటాం. అంత వరకు బాగానే ఉంటుంది. కానీ.. వరుస పెట్టి కుండపోత వర్షాలు కురుస్తుంటేనే అసలు చిక్కులు మొదలవుతాయి. వాతావరణం లో మార్పులు చోటు చేసుకుంటాయి. ఫలితం గా పలు అనారోగ్యాలు కూడా ఎదురవుతూ ఉంటాయి.

ఈ సీజన్ లోనే ఎక్కువ గా జ్వరాలు, ఇన్ఫెక్షన్లు రావడానికి ఆస్కారం ఉంటుంది. అయితే కొన్ని చిన్నపాటి జాగ్రత్తలను తీసుకోవడం ద్వారా ఈ వ్యాధులను ఎదుర్కోవచ్చు.

ఈ కాలంలో ఎదురయ్యే సమస్యలలో ముఖ్యమైనది దోమలు. వానలు పడిన తరువాత దోమలు ఎక్కువగా వస్తుండడం చూస్తూనే ఉంటాం. పరిసరాలలో ఎక్కడైనా నీరు నిలిచి ఉంటె చాలు ఈ దోమలు ఇబ్బడిముబ్బడిగా పుట్టుకొస్తుంటాయి. అయితే.. ఈ దోమల వలన చికున్ గున్యా, మలేరియా, డెంగీ వంటి వ్యాధుల బారిన పడే అవకాశం ఎక్కువగా ఉంటుంది. అందుకే ఇంట్లో ఉండే దోమలను తరిమికొట్టాలి. అందుకోసం.. ఇంట్లో ఉండే కాఫీ పొడితో ఈ సింపుల్ చిట్కా పాటించి చూడండి.

ఒక బౌల్ లో నిప్పులు తీసుకోండి. అవి మండుతుండగా.. పైన రెండు టేబుల్ స్పూన్ల కాఫీ పొడిని చల్లండి. ఆ పొడి చల్లగా ఒక రకమైన పొగ వస్తుంది. ఈ వాసన దోమలకి పడదు. ఈ వాసనకి ఇంట్లో ఉన్న దోమలు దూరంగా వెళ్లిపోతాయి. దోమలు మాత్రమే కాకుండా చిన్న చిన్న పురుగులు ఏమైనా ఉన్నా అవి కూడా దూరంగా పోతాయి. వేపనూనె, కొబ్బరి నూనె కలగలిపి చేతులు, కాళ్లకు రాసుకుంటే.. దోమలు మీ దరిని చేరవు. ఈ సీజన్లో జాగ్రత్తలు తీసుకుంటూ ఆరోగ్యాన్ని కాపాడుకోండి.