Health Adda

ఇటీవల స్మార్ట్ ఫోన్ వినియోగం పెరిగిన తరువాత అందరు ఆలస్యం గా నిద్రలోకి జారుకుంటున్నారు. అసలు ఫోన్ చూడడం వల్లనే మనకు తొందరగా నిద్ర పట్టదు. ఫలితం గా ఆలస్యం గా నిద్ర లేస్తాం. చాలా మంది నిద్ర పట్టక టివి చూడడం, ఫోన్ చూడడం, లేదా అస్తమానం లేచి మంచినీరు తాగడమో, పాలు తాగడమో చేస్తుంటారు. లేదంటే ఏదైనా ఫ్రూట్స్ తీసుకుంటూ ఉంటారు.

కానీ వీటివలన అన్ని సార్లు నిద్ర పట్టకపోవచ్చు. కొంత మందికి పడుకునే ముందు పుస్తకాలు చదివే అలవాటు ఉంటుంది. ఇలా పడుకునే ముందు పుస్తకాలు చదవడం చాలా మంచి అలవాటు. ఒక అరగంట సేపు చదవగానే మంచి నిద్ర పడుతుంది. పుస్తకాలు చదివే అలవాటు లేని వారు నిద్ర పట్టకపోతే.. మీ చేతి లో ఉన్న ఫోన్ ను పక్కన పెట్టేసి, వెల్లకిలా పడుకోడానికి ప్రయత్నించండి. పక్కలకు తిరిగి పడుకోవడం కంటే.. వెల్లకిలా పడుకోవడం వలన హాయిగా నిద్ర పడుతుంది.

వెల్లకిలా పడుకుని, గుండెల మీద చేయి వేసుకుని కన్నులు మూసుకోండి. ప్రశాంతమైన ఆలోచనలతో పడుకోడానికి ప్రయత్నించండి. మీకు దేవునిపై నమ్మకం ఉంటె.. ఆ సమయం లో ఓ నమః శివాయ అనో, నమో నారాయణాయ అనో, శ్రీ మాత్రే నమః అనో నామ జపం చేయండి.. పావుగంట లో మీకు నిద్ర పట్టేస్తుంది. ఒక వేళ మీకు నిద్ర పెట్టకపోయినా.. మీరు కేవలం గంట సేపు మాత్రమే పడుకున్నా.. మరుసటి రోజుకు మీకు ఎలాంటి అలసటా ఉండదు.

రోజూ ఎన్ని గంటలు పడుకుంటారో.. అంతటి ఎనర్జీ నే మీరు వెల్లకిలా పడుకుని, కనులు మూసుకుని ఉండడం వలన లభిస్తుంది. నిద్ర పట్టకపోవడం గురించి ఓ కవి చమత్కారం గా ఇలా రాశారట. ఒకసారి.. నిద్రా దేవి బ్రహ్మ దేవుడిని ఇలా అడుగుతుందట.. ఎలాంటి వారు తొందరగా నిద్రపోతారు..? ఎలాంటి వారితో అయితే తన పని సులువు అవుతుంది అని అడిగిందట. దానికి బ్రహ్మ దేవుడు ఏమని సమాధానం ఇచ్చాడో.. కవి చమత్కారం గా చెప్పాడట.

దొంగ దగ్గరకి, పేకాట ఆడే వాడి దగ్గరకి, పరస్త్రీ పై వ్యామోహం ఉన్న వాడి వద్దకు వెళ్లవద్దని బ్రహ్మ దేవుడు సూచించాడట. దొంగ రాత్రి సమయం లోనే పని చేస్తాడు కాబట్టి పడుకోడు, పేకాట ఆడేవాడు ఆట కు ఆట తెల్లవార్లూ ఆడుతూనే ఉంటాడు తప్ప పడుకోడు. ఇక పరస్త్రీ పై వ్యామోహం కలిగిన వారు కూడా ఊహల్లో తేలుతూనే ఉంటారు తప్ప పడుకోడు కాబట్టి.. వీరి వద్దకు వెళ్లవద్దని బ్రహ్మ చెప్పాడట.

మరి.. ఎటువంటి వారి దగ్గరకు వెళ్ళాలి అని అడిగితె.. పెళ్లి అయిన పదేళ్ల తరువాత భార్య పక్కనే పడుకునే వారు, పుస్తకం చదువుతున్నవారు, మంత్రం జపం చేసుకుంటున్న వారు అయితే.. పడుకున్న కాసేపటికే నిద్రపోతారని.. అలాంటి వారి వద్దకు వెళితే వారికి త్వరగా నిద్ర వచ్చేట్లు చేయచ్చని బ్రహ్మ సలహా ఇచ్చాడట. నిజం గా మంత్ర జపం చేసుకుంటూ పడుకోవడం వలన మొదట్లో ప్రశాంతం గా నిద్రపడుతుంది. మంత్ర జపం లోని శక్తి ఒంటబట్టిన వారికి నిద్ర పోకపోయినా కూడా ప్రశాంతం గా నిర్మలం గా ఉండగలుగుతారు. మంత్ర జపానికి అంతటి శక్తి ఉంటుంది.

చాలా మంది బరువు తగ్గడానికి నానా ప్రయత్నాలు చేసి అలసి పోతూ ఉంటారు. ఎంత చేసినా ఇంకా తాము బరువు తగ్గమేమో అన్న నిర్ణయానికి వచ్చేసి అన్ని మానేస్తారు. ఇక్కడ ప్రయత్నాల్ని మానేయకూడదు. ప్రయత్నం చేసే విధానాన్ని సరి చేసుకోవాలి. ఎదో చేసాం అన్నట్లు కాకుండా సరిగ్గా ప్రయత్నిస్తే కచ్చితం గా బరువు తగ్గుతాం. అదెలానో ఈ ఆర్టికల్ లో చూద్దాం.

నడక ద్వారా బరువు తగ్గాలనుకునే వారు రోజుకు కనీసం ముప్పై నుంచి తొంభై నిమిషాల వరకు నడవాలి. ఎక్కువ గా తగ్గాలి అనుకునే వారు కనీసం అరవై నిముషాలు అంటే 1 గంట సేపు నడవడం ద్వారా బరువు తగ్గచ్చు. అయితే.. ఎదో నెమ్మది గా నడిచాం అన్నట్లు కాకుండా.. కొంచం వేగం గా శరీరం అలసిపోయేలాగా నడవాలి. ఒకవేళ అంత సేపు నడవలేము అనిపిస్తే.. పదినిమిషాలు లేదా పావుగంటకు ఒకసారి విరామం తీసుకుంటూనో.. లేక నెమ్మది గా నడుస్తూనో నడక కొనసాగించాలి.

ప్రస్తుతం ఉంటున్న బిజీ షెడ్యూల్స్ లో రోజు ఒకే సమయం లో నడవడం కూడా సాధ్యం కాకపోవచ్చు. అలాంటి వారు వారానికి కనీసం రెండున్నర గంటల పాటు నడిచేలా చూసుకోవాలి. అయితే ఇంత మొత్తం సమయాన్ని ఒకేసారి పూర్తి చేయడం మంచిది కాదు. నడక ప్రారంభించగానే ఒకేసారి ఎక్కువ సేపు నడవడం కాకుండా.. తొలిరోజు అరగంట సమయం తో ప్రారంభించి క్రమం గా సమయం పెంచుకుంటూ పోవాలి. అలాగే.. అరగంట నడవడానికి సమయం లేని వారు పదినిమిషాలు చొప్పున రోజులో కుదిరినప్పుడల్లా నడుస్తూ ఉండాలి.

ఎప్పుడైనా నడవడం కుదరకపోతే.. ఆ రోజుని వదిలేయండి. అయితే అలా ఎక్కువ రోజులు స్కిప్ చేయకుండా జాగ్రత్తపడండి. వీలైనంతవరకు ప్రతి రోజు నడవడానికి ప్రయత్నించండి. అలాగే.. మీరు తీసుకునే ఆహరం లో కూడా జాగ్రత్తలు తీసుకోండి. మీరు బరువు తగ్గగలరు అన్న పాజిటివ్ దృక్పధం తో ముందుకు వెళ్ళండి. కచ్చితం గా మీరు బరువు తగ్గుతారు.

మన ఆరోగ్యానికి మంచిది అనే చెప్పే వాటిలో రెండు ముఖ్యమైన పదార్థాలు వెన్న, నెయ్యి. ఈ రెండు తరచుగా తీసుకుంటూ ఉంటే ఆరోగ్యానికి చాలా మంచిది అని, శక్తి వస్తుంది అని చెప్తారు. కానీ నెయ్యి, వెన్నలో ఏది ఎక్కువ మంచిది అనేది అందరికీ సహజంగా వచ్చే అనుమానం. నెయ్యి, వెన్నలో ఏది మంచిదో ఇప్పుడు తెలుసుకుందాం.

ఆయుర్వేద నిపుణులు చెప్పిన దాని ప్రకారం వెన్న దగ్గు, హెమరాయిడ్స్, ఏమాసియేటింగ్ డిసీజెస్ నుండి ఉపశమనం కలిగిస్తుంది. జీర్ణశక్తి కూడా బాగుంటుంది. ఇంక నెయ్యి విషయానికి వస్తే, నెయ్యి తెలివి తేటలను, జ్ఞాపక శక్తిని పెంచుతుంది. అరుగుదలకి కూడా సహకరిస్తుంది. రోగ నిరోధక శక్తి కూడా పెరుగుతుంది.

కంటిచూపు, జీవితకాలం పెరగడానికి కూడా నెయ్యి ఉపయోగపడుతుంది. నెయ్యి వల్ల ఆహారంలో ఉండే పోషకాలను శరీరం తేలికగా గ్రహించగలుగుతుంది. లాక్టోజ్ ఇంటోలరెన్స్ ఉన్నవారు నెయ్యిని తీసుకోవచ్చు. నెయ్యి ఎక్కువ రోజులు నిలువ ఉంటుంది. వెన్న కంటే కూడా నెయ్యి వల్ల లాభాలు చాలా ఉంటాయి. నెయ్యితో పోల్చి చూస్తే వెన్నలో సాచ్యురేటెడ్ ఫాట్స్ ఎక్కువగా ఉంటాయి.

వీటి వల్ల కొలెస్ట్రాల్ లెవెల్ పెరుగుతుంది. నెయ్యి కాన్స్టిపేషన్ సమస్యను తగ్గిస్తుంది. కానీ వెన్న కాన్స్టిపేషన్ సమస్యను పెంచుతుంది. డైరెక్ట్ గా పాల నుండి తయారు చేసే నెయ్యి మంచిది కాదు. కఫం ఉన్న వాళ్లు నెయ్యిని తక్కువ మోతాదులో తీసుకోవడం మంచిదని ఆరోగ్య నిపుణులు చెప్పారు. నెయ్యి, వెన్నలో దేని వల్ల ఎక్కువ లాభాలు ఉంటాయో ఈ పాటికే మీకు అర్థమైపోయి ఉంటుంది.

దాదాపు ఏడాదిన్నర కాలం గా మన జీవిత విధానాలలో మార్పులు చోటు చేసుకుంటూ వచ్చాయి. కరోనా మహమ్మారి కారణం గా బయటకు వెళ్లడం, సన్నిహితులను కలవడం తగ్గిపోయింది. ఇంటికే పరిమితం అవడం, అత్యవసరం అయితే తప్ప బయటకి వెళ్ళకపోవడం, ఎవరిని కలవక పోవడం వలన మానసిక సమస్యలు తలెత్తుతున్నాయి. క్రమేపి ఇవి డిప్రెషన్ కు దారి తీస్తున్నాయి. ఇప్పుడు చెప్పబోయే లక్షణాలు మీలో కూడా ఉన్నాయేమో చెక్ చేసుకోండి.

ఈ లక్షణాలను చెక్ చేసుకునే ముందు బాధ కు, డిప్రెషన్ కు తేడా తెలిసి ఉండాలి. మనం కోరుకున్నది దూరమైనా, అనుకున్నది జరగకపోయినా మనం బాధపడటం సహజం. అయితే.. కొంతసేపటికి ఆ బాధ నుండి తేరుకుని తరువాత ఏమి చెయ్యాలన్న దానిపై దృష్టి పెడతాం. అలా కాకుండా.. అదే బాధ లో ఉండిపోతూ.. తినడం, పడుకోవడం వంటి సహజం గా చేయాల్సిన పనులను కూడా మర్చిపోయి జీవితాన్ని వెళ్లదీస్తుంటే మాత్రం మనం ఆలోచనలో పడాల్సిందే.

• ఎప్పుడు చూసినా విచారంగా, నిరాశగా ఉండడం కూడా డిప్రెషన్ లో భాగమే.
• తరచుగా చిరాకు పడుతుండడం, రెస్ట్ తీసుకుంటూ ఉండడం, డల్ గా ఉండడం, అనవసరమైన విషయాల్లో ఆత్రుత గా ఉండడం వంటి లక్షణాలు మీలో ఉన్నాయా..?
• మీకు ఎంతో ఇష్టమైన పనులను కూడా ఇదివరకటి లా హుషారు గా చేయలేకపోతున్నారా..?
• అస్సలు ఆకలి వేయకపోవడం, లేదా అతిగా తినడం వంటివి చేస్తున్నారా?
• ఉన్నట్లుండి అతిగా బరువు పెరిగారా? లేదా తగ్గారా?

• దేనిపైనా దృష్టి నిలపలేకపోతున్నారా? మీరు సాధారణం గా చేయగలిగిన పనులను కూడా చేయలేకపోతున్నారా?
• మీపై మీకు నిస్సహాయత, అసహ్యం, ఏమి చేయలేకపోతున్నానే వంటి భావనలు చుట్టుముడుతున్నాయా?
• చిన్న చిన్న వాటికే అతిగా అలసిపోతున్నారా?

• ఆత్మహత్య ఆలోచనలు వస్తున్నాయా..?

ఇటువంటి లక్షణాలు మీలో కనిపిస్తే మీరు డిప్రెషన్ దిశ గా అడుగులు వేస్తున్నారనుకోవచ్చు. ఇలాంటి ఆలోచనలు మీకు కలిగినపుడు గతం లో మీరు సాధించిన విజయాలను గుర్తు చేసుకోండి. పాజిటివ్ గా ఆలోచించడానికి ప్రయత్నించండి. మీపై మీరు నమ్మకాన్ని పెంచుకోండి.

ప్రస్తుత పరిస్థితులు ఎలా ఉన్నాయో అందరికీ తెలుసు. రోడ్డు మీద వెళ్తున్నప్పుడు బయట గాలి పీల్చడం కూడా కష్టమైపోయింది. వైరస్ ఎక్కడి నుంచి వస్తుందో చెప్పలేకపోతున్నాం. ఇంక తుమ్ము వచ్చిన ప్రతిసారి అది కరోనా వైరస్ వల్ల వచ్చిన తుమ్ము ఏమో అనే అనుమానం కూడా వస్తోంది. అలా తుమ్మినా, దగ్గినా కూడా భయపడుతున్నాం. ప్రభుత్వం అందరినీ వ్యాక్సిన్ తీసుకోమని సూచిస్తోంది.

ప్రముఖులు కూడా వ్యాక్సిన్ పై అవగాహన కల్పించడానికి తమ వంతు కృషి చేస్తున్నారు. అయితే, చాలా మందికి వ్యాక్సిన్ ఎలా తీసుకోవాలి? ఎప్పుడు తీసుకోవాలి? అనే విషయంపై అనుమానాలు ఉన్నాయి. కాబట్టి కోవిడ్ వ్యాక్సిన్ ఎలాంటి వాళ్ళు, ఏ సమయంలో తీసుకోవాలో ఇప్పుడు చూద్దాం.

# ఒకవేళ ఒక వ్యక్తికి కరోనా వైరస్ పాజిటివ్ వస్తే, ఆ వ్యక్తి కోలుకున్న 3 నెలల తర్వాత వ్యాక్సిన్ తీసుకోవాలి.

# ఒకవేళ మొదటి డోస్ తీసుకున్న తర్వాత కరోనా పాజిటివ్ వస్తే, వారు రెండో డోస్ తీసుకునే ముందు రెండు నెలలు ఆగాలి.

# ఒకవేళ ఒక వ్యక్తికి ఆపరేషన్ జరిగితే, లేదా ఐసీయూలో చేరితే ఆ వ్యక్తి 1 లేదా 2 నెలల తర్వాత వ్యాక్సిన్ తీసుకోవాలి.

# పాలు ఇచ్చే తల్లులు ఎప్పుడైనా వ్యాక్సిన్ తీసుకోవచ్చు.

# జ్వరం లేదా ఏదైనా చిన్న ఆరోగ్య సమస్య వస్తే, వారు కోలుకున్న 15 రోజుల తర్వాత వ్యాక్సిన్ తీసుకోవచ్చు.

# రక్తదానం చేస్తే ఆర్టీపీసీఆర్ (RTPCR) టెస్ట్ లో నెగటివ్ వచ్చిన తర్వాత వ్యాక్సిన్ తీసుకోవచ్చు.

# కోవీషీల్డ్ యొక్క రెండవ డోస్ ని, మొదటి డోస్ తీసుకున్న 84 నుండి 120 రోజుల తర్వాత తీసుకోవచ్చు.

# కోవ్యాక్సిన్ యొక్క రెండవ డోస్ ని, మొదటి డోస్ తీసుకున్న 28 నుండి 48 రోజుల తర్వాత తీసుకోవచ్చు.

మనం చాలా సినిమాలలో చూసే ఉంటాము. పెళ్లి అయిన తరువాత వధూవరులను తొలిరోజు శోభనం గదిలోకి పంపేముందు.. వధువు చేతిలో పాలగ్లాసు పెట్టి లోపలకి పంపుతారు. పెళ్లి అయిన వారికీ కూడా ఈ సంగతి తెలిసే ఉంటుంది. తోలి రాత్రి గదిలోకి పంపేటప్పుడు అమ్మాయి చేతిలో పాలగ్లాసు పెట్టి పంపిస్తూ ఉంటారు. ఇలా ఎందుకు చేస్తారు..?

సాధారణం గా పెళ్లి అవ్వగానే.. వధూవరులిద్దరికి చనువు ఏర్పడడానికి కొంత సమయం పడుతుంది. వారి ఇద్దరి మధ్య అన్యోన్యతను పెంచడానికే.. వారి చేత బంతులాడిచ్చడం వంటివి చేస్తూ ఉంటారు. అలానే.. పాలగ్లాసు ఇచ్చి పంపిన తరువాత భార్యాభర్తలు ఇద్దరు ఆ పాలను చెరో సగం పంచుకుని తాగుతారు. అలా వారిద్దరి మధ్య అన్యోన్యత పెరుగుతుంది.

#1. పాలు తాగడం వలన హ్యాపీ హార్మోన్స్ విడుదల అయ్యి ఇద్దరి మధ్య బంధం బలపడుతుంది. పాల వలన ఉత్పత్తి అయ్యే హార్మోన్స్ ఇరువురిలోను శృంగార ప్రేరేపణ కల్పించి వారి మధ్య బంధాన్ని పెంచుతుంది.

#2. ఇలా గదిలోకి పంపేటప్పుడు ఉత్తి పాలు మాత్రమే కాకుండా అందులో బాదాం పప్పులు, మిరియాల పొడి, కుంకుమ పువ్వు కలుపుతారు. దీనితో శరీరం లో ప్రొటీన్ల స్థాయి పెరుగుతుంది. హార్మోన్లు విడుదల అవుతాయి.

#3.శృంగార సమయం లో దంపతులకు వచ్చే వేడిని తగ్గించడానికి పాలు ఎంతగానో ఉపకరిస్తాయి.

#4. కామసూత్ర లో కూడా ఈ ప్రస్తావన వస్తుంది. శక్తి సామర్ధ్యాలను పెంపొందించడానికి ఇలా శోభనం గదిలో వధూవరులిద్దరిచే పాలు తాగిస్తారట. ఈ సంప్రదాయం తరతరాలనుంచి ఆనవాయితీ గా వస్తోంది. తేనే, పంచదార, మిరియాలు, పసుపు కలిపిన పాలను వధూవరులిద్దరిచే తాగించడం మన పూర్వీకుల కాలం నాటినుంచే ఉంది.

#5. పెళ్లి అనగానే ..పిండివంటలు, నాన్ వెజ్ లు పొట్టలో గట్టిగానే పడిపోతాయ్, వాటి కారణంగా వధూవరుల్లో ఎసిటిడీ వచ్చేస్తుంది. ఈ ఎసిడిటీ ని పాలు తగ్గిస్తాయ్. దీని కారణంగా రతిక్రీడ సంతృప్తికరంగా సాగుతుంది.

#6. పాలను తాగితే రక్తప్రసరణ సజావుగా సాగి దంపతుల్లో నూతనోత్తేజం వస్తుంది. ఇది కూడా ఒక కారణం.