Health Adda

బెండకాయ అందరికి ఇష్టమైన కూరే. సరిగ్గా వండుకోవడం చేత కావాలే గాని, బెండకాయ రుచి అదుర్స్. వేపుడు చేసినా, పోపు పెట్టి కూర చేసినా, డీప్ ఫ్రై తో పాటు అన్ని పల్లీలో..జీడిపప్పుతో కలిపినా.. ఇవన్నీ కాకుండా మసాలా కర్రీ చేసినా కూడా బెండకాయ టేస్ట్ అదిరిపోతుంది. డయాబెటిస్ ఉన్న వారు కేవలం చేదు గా ఉండే కాకర మాత్రమే కాదు.. బెండకాయ కూడా హ్యాపీ గా తినేయచ్చు. అయితే.. తినే విధానం లోనే కొన్ని మార్పులు చేసుకోవాలి.

షుగర్ స్థాయి ని కంట్రోల్ లో ఉంచడం లో బెండకాయ చాలా చక్కగా పనిచేస్తోందని నిపుణులు చెబుతున్నారు. బెండకాయ లో ఈజీ గా కరిగే మరియు కొంత కరగని ఫైబర్ ఉంటుంది. దీనిని ఆహరం గా తీసుకోవడం వలన.. ఇది శరీరం కార్బోహైడ్రేట్లను గ్రహించడాన్ని తగ్గిస్తుంది. దీనివలన జీర్ణక్రియ కూడా నెమ్మదిగా జరిగి షుగర్ లెవెల్ పెరగ కుండా ఉంటుంది. డయాబెటిస్ బాధితులు వారానికి కనీసం మూడు సార్లు బెండకాయను తీసుకోవాలి. బెండకాయను ఎండబెట్టి తీసుకోవచ్చు, బెండకాయ నానబెట్టిన నీరు తాగడం కూడా మేలు చేస్తుంది. పరగడుపున ఈ బెండకాయ నీటిని తాగితే ఉపయోగం ఉంటుంది. అయితే బెండకాయ పడనివారు, అలర్జీ ఉన్నవారు దూరం గా ఉండడం ఉత్తమం. పేగు సమస్యలు ఉన్నవారు కూడా బెండకాయకు దూరం గా ఉండాలి.

సాధారణం గా మహిళలు తమ ఆరోగ్యాన్ని అంతగా పట్టించుకోరు. బాగానే ఉన్నాం అనుకుంటారు. ముఖ్యం గా 20 నుంచి 30 సంవత్సరాల లోపు వయసు మహిళలకు ఎంతో కీలకమైనది. ఈ వయసు లో చాలా మంది సంసార జీవితం ప్రారంభిస్తారు. ఎన్నో బాధ్యతలను మోయాల్సి ఉంటుంది. చాల మంది ఈ వయసులో ఆక్టివ్ గానే ఉన్నాం అనుకుంటారు. కానీ ఇది తప్పు. కచ్చితం ఆరోగ్యం పట్ల శ్రద్ద వహిస్తూ ఈ ఐదు టెస్ట్ లు చేయించుకోవాలి.

బరువు కొలవడం: నేషనల్ హెల్త్ పోర్టల్ ప్రకారం, మహిళలు తమ శరీర బరువును ప్రతిరోజూ కొలవాలి. మీ BMI సరిగ్గా ఉండాలి. లేకపోతే ఫ్యూచర్ లో ఎన్నో ఇబ్బందులు ఎదుర్కోవాల్సి వస్తుంది.

రక్తపోటు – అధిక రక్తపోటు కలిగి ఉండటం వల్ల గుండె జబ్బుల ప్రమాదం పెరుగుతుంది. అందుకే మహిళలు ఎప్పటికప్పుడు తమ బీపీ ని చెక్ చేసుకుంటూ ఉండాలి. ఒకవేళ ఎక్కువ ఉంటె తగు జాగ్రత్తలు తీసుకోవాలి.

కొలెస్టిరాల్ చెక్: అలాగే.. 20 ఏళ్ళు దాటిన మహిళలు తప్పకుండ కొలెస్టిరాల్ చెక్ చేయించుకుంటూ ఉండాలి. నేషనల్ హెల్త్ పోర్టల్ ప్రతి ఐదేళ్ళకు ఒకసారి కొలెస్ట్రాల్ చెకప్ చేయాలని చెబుతోంది.

రొమ్ము పరీక్ష, కటి పరీక్ష మరియు పాప్ పరీక్ష: రొమ్ము పరీక్ష మరియు కటి పరీక్షలు చేయడం ద్వారా భవిష్యత్తులో అనేక క్యాన్సర్లు వచ్చే ప్రమాదాన్ని నివారించుకోవచ్చు. అలాగే మూడేళ్లకు ఒకసారి అయినా పాప్ స్మియర్ టెస్ట్ చేయించుకోవాలని నిపుణులు చెబుతున్నారు.

ఐ టెస్ట్: బాగానే కనిపిస్తోంది కదా అని చాలా మంది కంటి పరీక్షలు చేయించుకోరు. కానీ.. ఏడాదికి ఒకసారి అయినా ఈ పరీక్షా చేయించుకోవాలని నిపుణులు చెబుతున్నారు.

తొలకరి జల్లులు మొదలవడం తోనే వాతావరణం లో మార్పులు చోటు చేసుకుంటాయి. ఫలితం గా పలు అనారోగ్యాలు కూడా ఎదురవుతూ ఉంటాయి. ఈ సీజన్ లోనే ఎక్కువ గా జ్వరాలు, ఇన్ఫెక్షన్లు రావడానికి ఆస్కారం ఉంటుంది. అయితే కొన్ని చిన్నపాటి జాగ్రత్తలను తీసుకోవడం ద్వారా ఈ వ్యాధులను ఎదుర్కోవచ్చు.

• వర్షాలు ఎక్కువగా పడుతుండడం వలన చల్లదనం కారణం గా ఎక్కువ గా దగ్గు, జలుబు, జ్వరం వస్తుంటాయి. అందుకే ఎక్కువ గా వర్షం లో తడవకండి.
• అలాగే దుమ్ము , ధూళి ఎక్కువ గా ఉండే ప్రాంతాలలోకి వెళ్లాల్సి వచ్చినపుడు ఆ దుమ్ము వలన వైరస్ లు దరిచేరకుండా ముక్కుకు మాస్క్ లాంటివి ధరించడం ఉత్తమం. అలాగే దోమల వలన కూడా మలేరియా, డెంగ్యూ వంటి వ్యాధులు వస్తూ ఉంటాయి. దోమలను ఇంట్లోకి రానివ్వకుండా తలుపులు వేసుకోవడం, దోమల తెర ఉపయోగించడం వంటి జాగ్రత్తలు తీసుకోవాలి.

• ఈ సీజన్ లో ఎక్కువ మందికి టైఫాయిడ్ వస్తూ ఉంటుంది. కలుషితమైన ఆహరం వలన ఇలాంటి ఇబ్బందులు ఎదురవుతాయి. సాధ్యమైనంత వరకు బయటి ఆహారాన్ని తగ్గించడం ఉత్తమం.
• అలాగే, చల్లటి ఆహార పదార్ధాలు, నిల్వ ఉన్న ఆహార పదార్ధాలను తినకుండా ఉండడమే మంచిది. నీటిని కాచుకుని తాగడం, వేపుళ్లని తగ్గించి ఉడికించిన పదార్ధాలను తీసుకోవడం మంచిది.

• మాంసాహారం తినేవారు కూడా బాగా కడగడం, ఉడికించడం వంటివి చేయాలి. సరిగ్గా వండని మాంసాహారం ఆనారోగ్య హేతువు. అందుకే ఈ విషయం లో జాగ్రత్తలు తీసుకోవాలి.
• బయట ఆహరం తీసుకోవడం వలన ఫుడ్ పాయిజనింగ్ అయ్యే అవకాశం ఎక్కువ ఉంటుంది. ఆహరం పడకపోతే విరేచనాలు కూడా వస్తూ ఉంటాయి. అందుకే జాగ్రత్తలు తప్పనిసరిగా పాటించాలి.

సాధారణంగా వర్షాకాలం అంటే జాగ్రత్తగా ఉండాలి. అసలు మామూలుగానే ఈ సమయంలో ఎక్కువ జాగ్రత్తలు పాటిస్తున్నాం. ఇంక వర్షాకాలం అంటే మాత్రం ఇంకా ఎక్కువగా జాగ్రత్తగా ఉండాలి. ఎందుకంటే వర్షాకాలంలో ఏ వ్యాధి అయినా సరే తొందరగా వ్యాపించే అవకాశాలు ఉంటాయి.

వర్షాకాలంలో మనం తీసుకోవలసిన ఆహారంలో కూడా కొన్ని మార్పులు చేయాల్సి ఉంటుంది. ఎందుకంటే సాధారణ వాతావరణం ఉన్నప్పటికంటే, చలి వల్ల జీర్ణక్రియ మారుతూ ఉంటుంది. దాంతో అరుగుదల తగ్గి డైజషన్ కి సంబంధించిన సమస్యలు వస్తాయి. ఈ కాలంలో రోగనిరోధక శక్తి పెంచుకోవడం కూడా ఎంతో అవసరం. వర్షాకాలంలో తీసుకోవలసిన ఆహారాలు ఏంటో ఇప్పుడు చూద్దాం.

# ఈ కాలంలో బయట ఆహారానికి దూరంగా ఉండడమే మంచిది. ఇంట్లో చేసిన ఆహారం ఎక్కువగా తీసుకోవాలి. అలాగే పసుపు, అల్లం, వెల్లుల్లి, మిరియాలు వంటివి రోగనిరోధక శక్తిని పెంచుతాయి. ఇవి ఆహారంలో ఉండేలా చూసుకోవాలి. అంతే కాకుండా నిమ్మరసం లాంటివి కూడా తాగుతూ ఉంటే ప్రయోజనం ఉంటుంది.

# నారింజ కూడా ఎక్కువగా తీసుకోవాలి. వీటిలో విటమిన్ సి ఉంటుంది. విటమిన్ సి రోగ నిరోధక శక్తి పెంచేందుకు ఎంతగానో ఉపయోగపడుతుంది.

# పెరుగు కూడా ఎక్కువగా తినాలి. ఏ కాలమైనా సరే పెరుగు మాత్రం ఖచ్చితంగా తీసుకోవాలి. వీటితో పాటు ఆకుకూరలు కూడా ఎక్కువగా తీసుకోవాలి.

# కషాయం లేదా హెర్బల్ టీ తరచుగా తీసుకుంటూ ఉండాలి. తులసి, అల్లం, దాల్చిన చెక్క, పసుపు, నల్ల ఉప్పు నీటిలో వేసి, మరిగించి, దాంట్లో నిమ్మరసం, తేనె కలుపుకుని తాగితే ఆరోగ్య సమస్యలు దగ్గరికి కూడా రావట.

# ఈ కాలంలో ఎక్కువగా లభించే పదార్థం మొక్కజొన్న కండె. దీని వల్ల ఆరోగ్యానికి కూడా ఎంతో మేలు జరుగుతుందట. ఎందుకంటే మొక్కజొన్నలో తక్కువ కేలరీలు ఉంటాయి. ఎక్కువ ఫైబర్ ఉంటుంది. దీని వల్ల కంటి చూపు మెరుగుపడుతుంది.

ఇది బరువు తగ్గడంలో సహాయపడుతుంది. అంతే కాకుండా జీర్ణక్రియను మెరుగుపరుస్తుంది. మొక్కజొన్న ని ఉడికించి అయినా తినవచ్చు. లేదా కాల్చుకొని కూడా తినవచ్చు.

కరోనా మహమ్మారి మానవ జీవితాలనే మార్చేసిన సంగతి తెలిసిందే. కరోనా సోకిన ప్రతి ఆరుగురిలో ఒకరు దీర్ఘకాలిక కోవిడ్ తో బాధపడుతున్నారని అంచనా. అంటే.. వీరు దీర్ఘకాలం పాటు కరోనా లక్షణాలతో బాధపడుతున్నారట. వీరిలో దాదాపు రెండువందల లక్షణాలు కనిపించాయని ఇటీవల జరిగిన అంతర్జాతీయ అధ్యయనం చెబుతోంది. ఈ మహమ్మారి సోకిన వారి శరీరం లో పది ముఖ్యమైన వ్యవస్థలు ప్రభావితమయ్యాయట. ఈనాడు కధనం ప్రకారం ఈ అధ్యయనం లో ఇంకా ఏమి పేర్కొన్నారో ఈరోజు చూద్దాం.

యూనివర్సిటీ కాలేజీ, లండన్ లోని న్యూరో సైంటిస్ట్ అథెనా అక్రమి ఈ అధ్యయనం లో పాల్గొన్నారు. ఆమె మాట్లాడుతూ.. “బ్రిటిష్ దేశం లో చాలా ఆసుపత్రులు శ్వాస సంబంధ సమస్యల పై మాత్రమే దృష్టి పెట్టాయన్నారు. నిజానికి కరోనా సోకిన వారిలో ఆయాసం ఎక్కువగానే కనిపించినా.. ఇతర లక్షణాలు కూడా ఉంటున్నాయి. అందుకే క్లినిక్ లు సంపూర్ణ దృష్టి తో రోగులను పర్యవేక్షించాల్సి ఉంటుంది” అని పేర్కొన్నారు. కరోనా సోకిన వారు ఆరు నెలల నుంచి.. పదహారు నెలల వరకు ఈ లక్షణాలతో బాధపడుతున్నారని ఆమె పేర్కొన్నారు.

అందుకే కరోనా సోకి బాధపడుతున్నవారికి గుండె, ఊపిరితిత్తులు, కిడ్నీ, థైరాయిడ్ పరీక్షలు చేయించాల్సి ఉంటుంది. ఇంకా వేలాది మంది ప్రజలు కోవిడ్ వల్లనే అనేక లక్షణాలను ఎదుర్కొంటున్నారు. కానీ.. చాలా మందికి అవి కోవిడ్ వల్లనే వచ్చాయని కూడా తెలియడం లేదు అని ఆమె పేర్కొన్నారు. ఇలా దీర్ఘకాలిక కోవిడ్ తో బాధపడుతున్న వారి కోసం దేశవ్యాప్తం గా క్లీనిక్ ను ఏర్పాటు చేసి.. ఎక్కడిక్కడ చికిత్స చేయించాల్సిన అవసరం ఉందని ఆమె అభిప్రాయపడ్డారు.

ప్రముఖ అంతర్జాతీయ పత్రిక “లాన్సెట్” లో కూడా ఈ అంతర్జాతీయ అధ్యయనం ప్రచురించబడింది. ఈ అధ్యయనం లో 56 దేశాల నుంచి సుమారు 3,672 రోగులను పరిశీలించారట. తద్వారా మొత్తం 203 రోగ లక్షణాలను గుర్తించినట్లు ఈ అధ్యయనం పేర్కొంది. వాటిలో సుమారు 66 లక్షణాలు దీర్ఘకాలిక కరోనా రోగుల్లో ఏడూ నెలల వరకు కొనసాగాయట. వీటిల్లో ప్రముఖం గా నిస్సత్తువ, జ్ఞాపకశక్తి మందగించడం, దృష్టి లోపించడం, నీరసం, దద్దుర్లు రావడం, గుండెదడ, డయేరియా, మూత్రాశయం పై పట్టు లోపించడం వంటి లక్షణాలు కనిపించాయట. చాలా మంది కోవిడ్ వచ్చి వెళ్లిన తరువాత పూర్తి సామర్ధ్యం లో పని చేయలేక.. దీర్ఘకాలిక సెలవలు తీసుకోవడం లేదా పనిని తగ్గించుకోవడం చేశారట. మరో 45 శాతం మంది అయితే గతం లో లా పనిచేయలేకపోవడాన్ని గుర్తించారట.

ఇటీవల స్మార్ట్ ఫోన్ వినియోగం పెరిగిన తరువాత అందరు ఆలస్యం గా నిద్రలోకి జారుకుంటున్నారు. అసలు ఫోన్ చూడడం వల్లనే మనకు తొందరగా నిద్ర పట్టదు. ఫలితం గా ఆలస్యం గా నిద్ర లేస్తాం. చాలా మంది నిద్ర పట్టక టివి చూడడం, ఫోన్ చూడడం, లేదా అస్తమానం లేచి మంచినీరు తాగడమో, పాలు తాగడమో చేస్తుంటారు. లేదంటే ఏదైనా ఫ్రూట్స్ తీసుకుంటూ ఉంటారు.

కానీ వీటివలన అన్ని సార్లు నిద్ర పట్టకపోవచ్చు. కొంత మందికి పడుకునే ముందు పుస్తకాలు చదివే అలవాటు ఉంటుంది. ఇలా పడుకునే ముందు పుస్తకాలు చదవడం చాలా మంచి అలవాటు. ఒక అరగంట సేపు చదవగానే మంచి నిద్ర పడుతుంది. పుస్తకాలు చదివే అలవాటు లేని వారు నిద్ర పట్టకపోతే.. మీ చేతి లో ఉన్న ఫోన్ ను పక్కన పెట్టేసి, వెల్లకిలా పడుకోడానికి ప్రయత్నించండి. పక్కలకు తిరిగి పడుకోవడం కంటే.. వెల్లకిలా పడుకోవడం వలన హాయిగా నిద్ర పడుతుంది.

వెల్లకిలా పడుకుని, గుండెల మీద చేయి వేసుకుని కన్నులు మూసుకోండి. ప్రశాంతమైన ఆలోచనలతో పడుకోడానికి ప్రయత్నించండి. మీకు దేవునిపై నమ్మకం ఉంటె.. ఆ సమయం లో ఓ నమః శివాయ అనో, నమో నారాయణాయ అనో, శ్రీ మాత్రే నమః అనో నామ జపం చేయండి.. పావుగంట లో మీకు నిద్ర పట్టేస్తుంది. ఒక వేళ మీకు నిద్ర పెట్టకపోయినా.. మీరు కేవలం గంట సేపు మాత్రమే పడుకున్నా.. మరుసటి రోజుకు మీకు ఎలాంటి అలసటా ఉండదు.

రోజూ ఎన్ని గంటలు పడుకుంటారో.. అంతటి ఎనర్జీ నే మీరు వెల్లకిలా పడుకుని, కనులు మూసుకుని ఉండడం వలన లభిస్తుంది. నిద్ర పట్టకపోవడం గురించి ఓ కవి చమత్కారం గా ఇలా రాశారట. ఒకసారి.. నిద్రా దేవి బ్రహ్మ దేవుడిని ఇలా అడుగుతుందట.. ఎలాంటి వారు తొందరగా నిద్రపోతారు..? ఎలాంటి వారితో అయితే తన పని సులువు అవుతుంది అని అడిగిందట. దానికి బ్రహ్మ దేవుడు ఏమని సమాధానం ఇచ్చాడో.. కవి చమత్కారం గా చెప్పాడట.

దొంగ దగ్గరకి, పేకాట ఆడే వాడి దగ్గరకి, పరస్త్రీ పై వ్యామోహం ఉన్న వాడి వద్దకు వెళ్లవద్దని బ్రహ్మ దేవుడు సూచించాడట. దొంగ రాత్రి సమయం లోనే పని చేస్తాడు కాబట్టి పడుకోడు, పేకాట ఆడేవాడు ఆట కు ఆట తెల్లవార్లూ ఆడుతూనే ఉంటాడు తప్ప పడుకోడు. ఇక పరస్త్రీ పై వ్యామోహం కలిగిన వారు కూడా ఊహల్లో తేలుతూనే ఉంటారు తప్ప పడుకోడు కాబట్టి.. వీరి వద్దకు వెళ్లవద్దని బ్రహ్మ చెప్పాడట.

మరి.. ఎటువంటి వారి దగ్గరకు వెళ్ళాలి అని అడిగితె.. పెళ్లి అయిన పదేళ్ల తరువాత భార్య పక్కనే పడుకునే వారు, పుస్తకం చదువుతున్నవారు, మంత్రం జపం చేసుకుంటున్న వారు అయితే.. పడుకున్న కాసేపటికే నిద్రపోతారని.. అలాంటి వారి వద్దకు వెళితే వారికి త్వరగా నిద్ర వచ్చేట్లు చేయచ్చని బ్రహ్మ సలహా ఇచ్చాడట. నిజం గా మంత్ర జపం చేసుకుంటూ పడుకోవడం వలన మొదట్లో ప్రశాంతం గా నిద్రపడుతుంది. మంత్ర జపం లోని శక్తి ఒంటబట్టిన వారికి నిద్ర పోకపోయినా కూడా ప్రశాంతం గా నిర్మలం గా ఉండగలుగుతారు. మంత్ర జపానికి అంతటి శక్తి ఉంటుంది.

చాలా మంది బరువు తగ్గడానికి నానా ప్రయత్నాలు చేసి అలసి పోతూ ఉంటారు. ఎంత చేసినా ఇంకా తాము బరువు తగ్గమేమో అన్న నిర్ణయానికి వచ్చేసి అన్ని మానేస్తారు. ఇక్కడ ప్రయత్నాల్ని మానేయకూడదు. ప్రయత్నం చేసే విధానాన్ని సరి చేసుకోవాలి. ఎదో చేసాం అన్నట్లు కాకుండా సరిగ్గా ప్రయత్నిస్తే కచ్చితం గా బరువు తగ్గుతాం. అదెలానో ఈ ఆర్టికల్ లో చూద్దాం.

నడక ద్వారా బరువు తగ్గాలనుకునే వారు రోజుకు కనీసం ముప్పై నుంచి తొంభై నిమిషాల వరకు నడవాలి. ఎక్కువ గా తగ్గాలి అనుకునే వారు కనీసం అరవై నిముషాలు అంటే 1 గంట సేపు నడవడం ద్వారా బరువు తగ్గచ్చు. అయితే.. ఎదో నెమ్మది గా నడిచాం అన్నట్లు కాకుండా.. కొంచం వేగం గా శరీరం అలసిపోయేలాగా నడవాలి. ఒకవేళ అంత సేపు నడవలేము అనిపిస్తే.. పదినిమిషాలు లేదా పావుగంటకు ఒకసారి విరామం తీసుకుంటూనో.. లేక నెమ్మది గా నడుస్తూనో నడక కొనసాగించాలి.

ప్రస్తుతం ఉంటున్న బిజీ షెడ్యూల్స్ లో రోజు ఒకే సమయం లో నడవడం కూడా సాధ్యం కాకపోవచ్చు. అలాంటి వారు వారానికి కనీసం రెండున్నర గంటల పాటు నడిచేలా చూసుకోవాలి. అయితే ఇంత మొత్తం సమయాన్ని ఒకేసారి పూర్తి చేయడం మంచిది కాదు. నడక ప్రారంభించగానే ఒకేసారి ఎక్కువ సేపు నడవడం కాకుండా.. తొలిరోజు అరగంట సమయం తో ప్రారంభించి క్రమం గా సమయం పెంచుకుంటూ పోవాలి. అలాగే.. అరగంట నడవడానికి సమయం లేని వారు పదినిమిషాలు చొప్పున రోజులో కుదిరినప్పుడల్లా నడుస్తూ ఉండాలి.

ఎప్పుడైనా నడవడం కుదరకపోతే.. ఆ రోజుని వదిలేయండి. అయితే అలా ఎక్కువ రోజులు స్కిప్ చేయకుండా జాగ్రత్తపడండి. వీలైనంతవరకు ప్రతి రోజు నడవడానికి ప్రయత్నించండి. అలాగే.. మీరు తీసుకునే ఆహరం లో కూడా జాగ్రత్తలు తీసుకోండి. మీరు బరువు తగ్గగలరు అన్న పాజిటివ్ దృక్పధం తో ముందుకు వెళ్ళండి. కచ్చితం గా మీరు బరువు తగ్గుతారు.