Human angle

సాధారణంగా ఒక వయసులో పరీక్షల్లో వచ్చే రిజల్ట్స్ వల్ల ఒక మనిషికి మానసికంగా చాలా బాధ ఎదురవుతుంది. రిజల్ట్స్ మాత్రమే చాలా ముఖ్యం అని అనుకునే వాళ్ళు చాలా మంది ఉంటారు. టెన్త్ సమయంలో ఆ రిజల్ట్స్ వల్ల భవిష్యత్తు నిర్ణయం ఉంటుంది అని అవి చాలా సీరియస్ గా తీసుకుంటారు. తక్కువ వస్తే తమని తాము ఏదైనా చేసుకునే అంత బాధపడతారు. ఇంటర్ రిజల్ట్స్ వచ్చినప్పుడు కూడా చాలా మంది ఇలాగే చేస్తారు. ఇవన్నీ జీవితంలో ఒక భాగం మాత్రమే. ఇవే జీవితం కాదు. ఇవన్నీ చాలా మంది చాలా సార్లు చెప్పే విషయాలు. ఒక అబ్బాయి మాత్రం చాలా డిఫరెంట్ గా ఇంటర్ రిజల్ట్స్ గురించి చెప్పాడు.

అబ్బాయి చాలా చిన్న పిల్లవాడు. అయినా కూడా చాలా బాగా మాట్లాడాడు. ఇంతకంటే పెద్ద పెద్ద సమస్యలు జీవితంలో ఎదుర్కోవాల్సి వస్తుంది అని చెప్పాడు. సాధారణంగా సోషల్ మీడియాలో చిన్న పిల్లలు కూడా తమ వయసుకి మించి మాటలు మాట్లాడుతుంటారు. కొంత మంది రీల్స్ కూడా చేస్తూ ఉంటారు. అవి కూడా సినిమా డైలాగ్స్ మీద చేస్తూ ఉంటారు. కానీ ఈ అబ్బాయి మాత్రం జీవితానికి సంబంధించిన విషయాన్ని చాలా బాగా అర్థమయ్యేలాగా మాట్లాడాడు. ముందు ఈ అబ్బాయి మాట్లాడిన దానికి వయసుకు మించి మాట్లాడాడు అని చాలా మంది అనుకున్నా కూడా, ఒకసారి ఆలోచిస్తే అబ్బాయి చెప్పిన విషయాలు కూడా కరెక్ట్ కదా అంటూ మద్దతు ఇస్తున్నారు.

Orey 💀 pic.twitter.com/lgAKe609wB

— Movies4u Official (@Movies4u_Officl) April 29, 2024

నిజంగా అబ్బాయి చెప్పిన మాటల్లో విషయం ఉంది. ఇంటర్ రిజల్ట్స్ మాత్రమే ఇప్పుడు పెద్ద సమస్య లాగా అనిపిస్తాయి. అందుకు కారణం వయసు. కానీ అది దాటి వెళ్తే దానికంటే చాలా పెద్ద సమస్యలు వస్తాయి. చదువులో, ఉద్యోగ ప్రయత్నాల్లో, ఉద్యోగం దొరికాక పనిచేస్తున్న వాతావరణంలో చాలా సమస్యలు ఎదుర్కోవాల్సి వస్తుంది. కానీ అవన్నీ ఉన్నాయి అని వదిలేసి వెనక్కి పారిపోలేం. వాటిని ధైర్యంగా ఎదుర్కోవాలి. సమస్య ఉంటే దానికి పరిష్కారం కూడా ఉంటుంది. అదేంటో కనుక్కోవాలి. అంతే కానీ సమస్యలు ఉన్నాయి అని బాధపడకూడదు. అదే విషయాన్ని ఈ అబ్బాయి కూడా చెప్పాడు. అందుకే ఈ అబ్బాయి మాటలని చాలా బాగా చెప్పాడు అంటూ అందరూ అభినందిస్తున్నారు.

ALSO READ : ప్రేమలు సినిమాలో హీరో పాత్రకి తెలుగులో డబ్బింగ్ చెప్పిన ఈ వ్యక్తి ఎవరో తెలుసా..?

జీవితం అందరికీ సులభంగా ఉండదు. కొన్ని సంఘటనల వల్ల, వారి ఆలోచన విధానం మారి, వారిని ఇంకా బలంగా తయారు చేసి, వాళ్ళు అనుకున్న గమ్యాన్ని చేరేలాగా చేస్తాయి. ఈ ఐఏఎస్ అధికారి జీవితంలో ఇలాగే జరిగింది. సవిత ప్రధాన్. మధ్యప్రదేశ్‌లోని గ్వాలియర్ డివిజన్ జాయింట్ డైరెక్టర్‌గా పనిచేస్తున్న ఈమె జీవితంలో చాలా ఒడిదుడుకులు ఉన్నాయి. సవిత మధ్యప్రదేశ్‌లోని మండై గ్రామంలో గిరిజన కుటుంబంలో జన్మించారు. చిన్నప్పుడు ఆర్థిక ఇబ్బందులు ఉండడం వల్ల చదువుకి సమస్య అయ్యేది. కానీ స్కాలర్‌షిప్‌ తెచ్చుకొని సవిత తన తల్లిదండ్రులని తన చదువుకి ఒప్పించారు.

వాళ్ల ఊరిలో పదవ తరగతి పూర్తి చేసిన మొదటి అమ్మాయిగా సవిత నిలిచారు. తన ఊరి నుండి 7 కిలో మీటర్లు దూరంగా ఉన్న స్కూల్ లో సవిత కి అడ్మిషన్ వచ్చింది. అక్కడ వారికి ప్లస్ 2 ఉంటుంది కాబట్టి స్కూల్ లోనే చదువుకోవాలి. ఒక్కసారి స్కూల్ వరకు వెళ్లాలి అంటే 2 రూపాయలు ఖర్చు అయ్యేవి. అవి చాలా ఎక్కువ. అందుకే సవిత తల్లి ఒక చిన్న ఉద్యోగం చూసుకొని, సవిత చదువుకునే చోటుకి దగ్గరగా ఉండేవాళ్లు. సవితకి సైన్స్ అంటే చాలా ఇష్టం. పెద్దయ్యాక డాక్టర్ అవ్వాలి అని అనుకునేవారు. సవిత కి 16 సంవత్సరాలు ఉన్నప్పుడు ఒక సంబంధం వచ్చింది.

సవిత భర్త సవిత కంటే 11 సంవత్సరాలు పెద్దవారు. పెళ్లిచూపుల్లోనే అతను దురుసుగా ప్రవర్తించారు. సవిత తనకి ఈ పెళ్లి వద్దు అని చెప్పినా కూడా, పెద్దింటి వాళ్ళ నుండి వచ్చిన సంబంధం అని సవితకు చెప్పి పెళ్లి చేశారు. ఆ తర్వాత సవిత అత్తారింటికి వెళ్లిన తర్వాత ఎన్నో నిబంధనలు పెట్టారు. అందరూ తిన్న తర్వాత సవిత తినాలి. ఒకవేళ తినడానికి ఏం లేకపోతే మళ్ళీ వంట వండుకోకూడదు. నలుగురిలో వెళ్లకూడదు. తల మీద ఉన్న కొంగు తీయకూడదు. ఎక్కువగా నవ్వకూడదు. టీవీ కూడా చూడకూడదు. ఒకవేళ ఈ నిబంధనలకు ఎదురు తిరిగితే సవిత తన భర్త చేతిలో తన్నులు తినాల్సి వచ్చేది.

ఒకసారి చనిపోదాం అనుకున్నప్పుడు సవితకి తాను గర్భవతి అని తెలిసింది. ఈ విషయాన్ని సవిత తన తల్లితో చెప్తే, బిడ్డ పుట్టాక పరిస్థితులు సర్దుకుంటాయి అని చెప్పారు. సవితకి తర్వాత ఇద్దరు పిల్లలు పుట్టారు. అయినా కూడా పరిస్థితులు మామూలు అవ్వలేదు. సవితకి యజుష్, అథర్వ్ అనే ఇద్దరు పిల్లలు పుట్టారు. ఒకసారి ఉ-రి వేసుకోవడానికి చీరని ఫ్యాన్ కి బిగించి మెడకి చుట్టుకుంటున్నప్పుడు అక్కడ కిటికీ దగ్గర సవిత అత్తగారు, మామగారు చూస్తున్నారు. వాళ్లు సవితని ఆపడానికి ప్రయత్నించలేదు. దాంతో సవిత అలాంటి వాళ్ళ మధ్యలో ఉండకూడదు అనుకుని అక్కడి నుండి బయటికి వెళ్లిపోయారు.

అయినా కూడా సవిత భర్త సవిత ఎక్కడ ఉంటే అక్కడికి వెళ్లి కొట్టేవారు. అప్పుడు సవిత పోలీసులకు కంప్లైంట్ చేసి విడాకులు తీసుకున్నారు. హర్ష అనే ఒక వ్యక్తిని సవిత ప్రేమించి పెళ్లి చేసుకున్నారు. హిమ్మత్ వాలి లడికియా పేరుతో ఒక యూట్యూబ్ ఛానల్ కూడా మొదలుపెట్టారు. తన జీవితం గురించి అందులో చెప్తూ చాలా మందికి ధైర్యాన్ని ఇస్తున్నారు. సవిత ఇంటి నుండి బయటకు వచ్చినప్పుడు తన చేతిలో రెండు వేల రూపాయలు ఉన్నాయి. ఒక బ్యూటీ పార్లర్ లో అసిస్టెంట్ గా పని చేశారు. ఇంట్లో వంట పనులు చేయడంతో పాటు చిన్న పిల్లలకు ట్యూషన్స్ కూడా చెప్పేవారు.

ఇవన్నీ చేస్తూ బీఏ పరీక్షలు రాశారు. ఆ తర్వాత ఎంఏ పబ్లిక్ అడ్మినిస్ట్రేషన్ చేశారు. ఆ తర్వాత సవిత తల్లి కూడా తనకు సహాయం చేయడం మొదలుపెట్టారు. ఒకసారి యూపీఎస్సీ నోటిఫికేషన్ కనిపించడంతో అది చూసి సాధించాలి అనుకొని కష్టపడి చదివారు. 24 సంవత్సరాలకి చీఫ్ మున్సిపల్ ఆఫీసర్ అయ్యారు. సవిత జీవితం ఎంతో మందికి ఆదర్శంగా నిలిచింది. అన్ని కష్టాలు ఎదుర్కొన్నా సరే ఎక్కడా ధైర్యం కోల్పోకుండా ఆ కష్టాల నుండి బయటకు వచ్చి ఇప్పుడు ఇంత పెద్ద విజయం సాధించారు.

ALSO READ : హైదరాబాద్ నుండి పోటీ చేస్తున్న బీజేపీ అభ్యర్థి “కొంపెల్ల మాధవి లత” ఆస్తుల వివరాలు ఎంతో తెలుసా..?

ఫెమినిజం. దీన్ని చాలా మంది ఏదో ఒక తప్పుడు పదంలాగా చూస్తారు. ఫెమినిస్ట్. వీళ్లను కూడా ఏదో తప్పు చేసినట్టు చూస్తారు. స్త్రీల కోసం, వారి హక్కుల కోసం పోరాడే వాళ్లని ఫెమినిస్ట్ అంటారు. ఈ కాలంలో ఇలాంటి వాళ్ళు చాలా మంది వస్తున్నారు. గతంలో స్త్రీలకి, పురుషులకి హక్కులు వేరేగా ఉండేవి. సమాజంలో పురుషుల అధికారం ఎక్కువగా ఉండేది. ఇప్పటికి కూడా ఉంటుంది. కానీ ఇప్పుడు ఆడవారికి చాలా వరకు తమ అభిప్రాయాలని తెలిపే స్వేచ్ఛ వచ్చింది. గతంలో ఇది కూడా ఉండేది కాదు. వాళ్లు ఏం చేయాలి అనే విషయాలని కూడా వాళ్ళ ఇంట్లో ఉండే మగవాళ్ళు నిర్ణయించే వాళ్ళు.

ఆడవాళ్లు మాట్లాడడం అనేది అప్పట్లో తప్పు విషయం. వాళ్లు అలా ఏ విషయం మీద అయినా మాట్లాడితే తప్పు చేసినట్టే. అందుకే అలాంటి వారికి మద్దతుగా నిలబడడానికి, వాళ్లు కూడా మనుషులే అని చెప్పడానికి గతంలో ఎంతో మంది సంఘ సంస్కర్తలు కృషి చేశారు. వాళ్లు కూడా స్త్రీవాదులు. అలాంటి వారినే స్త్రీవాదులు అని అంటారు. కానీ ఇప్పుడు దీని నిర్వచనం పూర్తిగా మారిపోయింది. అసలు ఫెమినిస్ట్ లక్షణాలు ఏంటో ఇప్పుడు చూద్దాం.

#1 అసలైన ఫెమినిస్ట్, అంటే స్త్రీవాది, మగవారితో పాటు ఆడవారికి కూడా సమాన హక్కు ఉండాలి అని అనుకుంటారు. ఆడవాళ్లు మగవాళ్ళ మీద పెత్తనం చలాయించాలి అని అనుకోవడం స్త్రీవాదం కాదు.

#2 ఆడవాళ్లు ఎలాంటి తప్పు చేసినా కూడా వారికి మద్దతు ఇవ్వడం స్త్రీవాదం కాదు. ఆడవాళ్లు చేసే ప్రతి పని కరెక్ట్ అనడం కూడా స్త్రీవాదం కిందకి రాదు. ఎక్కడైనా ఆడవాళ్ళకి, మగవాళ్ళకి మధ్య ఒక విషయం జరిగితే, దాంట్లో మగవాళ్ళదే తప్పు అని అనడం స్త్రీవాది లక్షణం కాదు. ఒకవేళ ఆడవాళ్లు తప్పు చేస్తే, ఆ విషయం మీద మాట్లాడే ధైర్యం ఉన్నవాళ్లే స్త్రీవాదులు.

#3 ఫెమినిజం పేరుతో ఈ మధ్య ఎక్కువగా వచ్చే సిరీస్, సినిమాల్లో తప్పుడు సమాచారం ఇస్తున్నారు. ఫెమినిజంకి మద్దతు ఇచ్చే ఆడవాళ్లు, తమని తాము ఫెమినిస్ట్ అని చెప్పుకునే ఆడవాళ్లు, తాగడం, తిరగడం, ఒకరికంటే ఎక్కువ మందితో రిలేషన్ షిప్ లో ఉండడం అనే విషయాన్ని చూపించారు. ఇలాంటి పనులు చేయడం స్త్రీవాదం కాదు. తమకంటూ ఒక ప్రత్యేకమైన ఆలోచన విధానం ఉండడం, తమ ఆలోచనలకు గౌరవం ఇచ్చుకోవడం అనేది స్త్రీవాదం. అంతే కానీ ఫెమినిస్ట్ అనే వ్యక్తి అలాంటి పనులు చేయాల్సిన అవసరం లేదు.

#4 ఆడదానికి ఆడదే శత్రువు అని అంటారు. అంటే ఆడవారిలో కూడా అందరి ఆలోచన విధానం ఒకేలాగా ఉండదు. ఒకరికి నచ్చే విషయం మరొకరికి నచ్చకపోవచ్చు. అలాంటప్పుడు తమ అభిప్రాయాన్ని తమ పక్కన ఉన్న ఆడవాళ్ళ మీద రుద్దకుండా, లేదా వాళ్లు ఆచరిస్తున్న విధానాలని తప్పు అని అనకుండా గౌరవించడం స్త్రీవాదం కిందకి వస్తుంది. అసూయ, ఈర్ష వంటివి లేకుండా ఒకరికి ఒకరు మద్దతు ఇచ్చుకుంటూ, ఒకరిని ఒకరు ప్రోత్సహించుకోవడం కూడా స్త్రీవాదం కిందికే వస్తుంది.

#5 అహంకారానికి, ఆత్మగౌరవానికి మధ్యలో ఒక సన్నని గీత ఉంటుంది. ఆ విషయాన్ని అర్థం చేసుకొని తమ ఆత్మ గౌరవాన్ని కాపాడుకునే వాళ్లే స్త్రీవాదులు. ఆడవాళ్లు అందరూ కూడా కరెక్ట్ గా ఉంటారు అని చెప్పలేం. వారు కూడా మనుషులే. వారు కూడా అప్పుడప్పుడు చిన్న చిన్న పొరపాట్లు చేస్తూ ఉంటారు. అలాంటి సమయంలో పక్కవారి మీదకి తప్పు తోసేయకుండా, పరిస్థితిని అర్థం చేసుకొని, తమ తప్పు ఉంటే క్షమాపణ చెప్పడం, లేదా పరిస్థితిని ఎలా సరిచేయాలని ఆలోచించడం కూడా స్త్రీవాదం కిందికి వస్తుంది.

అసలైన స్త్రీవాదులు ఇలా ఉంటారు. స్త్రీవాదానికి ఒక్కొక్కరికి ఒక్కొక్క నిర్వచనం ఉంటుంది. కానీ మగవాళ్ళు తప్పు, ఆడవాళ్లు గొప్ప అని స్త్రీవాదులు ఎప్పుడూ అనుకోరు. మనుషులు గొప్ప అనే ఆలోచనతో వాళ్లు ఉంటారు.

ALSO READ : 7/G బృందావన్ కాలనీ సినిమాలో ఈ సీన్ గమనించారా..? హీరోయిన్ ఓడిపోయినా కూడా హీరో ఎందుకు ఆనందపడతాడంటే..?

భార్యాభర్తల మధ్య గొడవలు రావడం సహజం. కానీ అవి ఎంతవ రకు వెళ్తాయి అనేదే ముఖ్యం అవుతుంది. కొన్ని గొడవలు ఒక మనిషిపై ప్రభావం చూపుతాయి. ఇప్పుడు ఒక వ్యక్తి విషయంలో అలాగే జరిగింది. ఆ కథ ఏంటో అతని మాటల్లోనే విందాం. నా పేరు శేఖర్. కాలేజ్ రోజుల నుండి కూడా సినిమా అంటే చాలా ఇష్టం. సినిమాలు చూడటం మాత్రమే కాదు. సినిమాలు తీయాలి అనే ఆలోచన ఉంది. దాంతో కాలేజ్ రోజుల్లోనే షార్ట్ ఫిలిమ్స్ చేసేవాడిని. ఒకసారి నా ఇంటర్ స్నేహితులు అందరూ కూడా కలిసాం. అప్పుడు నా ఫ్రెండ్ విద్యని కలిసాను. తనకి నాకు ఇలా సినిమాలు అంటే ఇష్టం అని చెప్పాను.

అప్పటి వరకు అందరూ, “సినిమాలు అవసరమా?” అని అన్నారు. కానీ విద్య మాత్రమే, “అలాంటి ప్రొఫెషన్ ఎంచుకోవడం చాలా గ్రేట్” అని అంది. దాంతో నాకు ఆ విషయం చాలా ఆనందంగా అనిపించింది. అప్పటి నుండి విద్యతో మాట్లాడటం మొదలు పెట్టాను. మెల్లగా మా స్నేహం ప్రేమగా మారింది. ఒకసారి నేనే తనకి చెప్పేసాను. తను కూడా నా ప్రేమని అంగీకరించింది. నాకు డైరెక్టర్ అవ్వాలి అని ఉంది అనే విషయం కూడా చెప్పాను. పెళ్లి తర్వాత కూడా తను నా లక్ష్యాన్ని చేరుకోవడంలో సపోర్ట్ చేస్తాను అంది. ఇద్దరి ఇళ్లల్లో ఒప్పించాం. విద్య ఇంట్లో ఒప్పుకోవడం కాస్త కష్టం అయ్యింది. కానీ తను ఒప్పించింది. అలా మా పెళ్లి జరిగింది.

నేను కూడా డైరెక్టర్ అవ్వడానికి ప్రయత్నాలు చేయడం మొదలు పెట్టాను. కానీ ఇంత పెద్ద ఇండస్ట్రీలో నెగ్గుకు రావడం అంటే చిన్న విషయం కాదు. రోజు ఏదో ఒక ప్రయత్నం చేద్దామని వెళ్లేవాడిని. నిరాశగా ఇంటికి వచ్చేవాడిని. ఒక ఏడాది ఇలాగే గడిచిపోయింది. విద్య మాత్రం నాకు అలాగే సపోర్ట్ చేస్తూ వచ్చింది. నేను అసిస్టెంట్ డైరెక్టర్ గా చేరాను. పని చాలా ఎక్కువగా ఉండేది. కానీ సినిమా తీయడం ఎలా అనే విషయంలో టెక్నిక్స్ తెలిసేవి. మెల్లగా విద్యలో మార్పు రావడం మొదలయ్యింది. చిన్న చిన్న వాటికి విసుక్కునేది. ఎంత బిజీగా ఉన్నా కూడా నేను తనతో సమయం గడపడానికి ప్రయత్నించే వాడిని.

ఒకరోజు, “ఇవన్నీ వదిలేసి ఏదైనా ఉద్యోగం చూసుకోవచ్చు కదా?” అని కోపంగా చెప్పింది. నాకు ఏమీ అర్థం కాలేదు. విద్యలో ఈ మార్పు ఎందుకు వచ్చిందో తెలియట్లేదు. అప్పటికి నా ప్రయత్నాలు నేను చేస్తున్నాను. కానీ డైరెక్టర్ అవ్వడం అనేది అంత సులభమైన విషయం కాదు. అలా అని చెప్పి నేను నా లక్ష్యాన్ని వదులుకోలేను. అందరికంటే ఎక్కువగా నన్ను నమ్మిన తనే ఇప్పుడు నేను దేనికి పనికిరాని వాడిని అన్నట్టు చూస్తోంది. నా వయసు వాళ్ళు అందరూ చాలా బాగా సెటిల్ అయిపోయారు అని అంటోంది. తన మాటల వల్ల నా ఆత్మవిశ్వాసం పోతోంది.

నా మీద నాకు అసలు నమ్మకం లేదు. కాన్ఫిడెన్స్ కూడా లేదు. మానసికంగా చాలా బాధగా అనిపిస్తుంది. ఒకసారి ఇదే విషయం తనకి చెప్పాను. ఇవన్నీ మాటలు అనుకొని అసలు నేను చెప్పేది వినలేదు. ఇది ఇంకా బాధగా అనిపించింది. ఈ విషయానికి కూడా నన్ను అవమానిస్తుందా? అన్నీ తెలిసే పెళ్లి చేసుకుంది కదా? ఇప్పుడు ఇలా ఎందుకు మారిపోయింది? ఇప్పుడు నేనేం చేయాలి? నా లక్ష్యాన్ని వదిలేయడం కూడా తప్పు కదా? నా పరిస్థితికి పరిష్కారం కూడా నాకు అర్థం కావట్లేదు.

ALSO READ : సీనియర్ ఎన్టీఆర్ తో ఉన్న ఈ వ్యక్తి ఎవరో తెలుసా..? ఎన్టీఆర్ గురించి ఈయన చెప్పినట్టే జరిగింది..!

సాధారణంగా అమ్మాయిలు ఎలాంటి వాడిని పెళ్లి చేసుకుంటావు అని అడిగితే లక్షల్లో జీతాలు, విల్లాలలో కాపురాలు లగ్జరీ లైఫ్ ఇచ్చే భర్తని కోరుకుంటారు. అది ఒకప్పుడు కానీ ఇప్పుడు చాలామంది అమ్మాయిల అభిప్రాయం మారుతూ వస్తోంది. ఇప్పుడు ఇలాంటివి లేకపోయినా పర్వాలేదు కానీ అర్థం చేసుకునే భర్త దొరికితే చాలు అని అమ్మాయిలు కోరుకుంటున్నారు. వయసుతో కూడా సంబంధం లేకుండా తమ కంటే వయసులో చాలా పెద్దవారు అయినా కూడా పర్వాలేదు అని అనుకుంటున్నారు.

representative image, image source: marriage contract short film

అసలు ఒక రకంగా చెప్పాలి అంటే అమ్మాయిలు ఎక్కువగా వారినే ఇష్టపడుతున్నారు. అసలు అమ్మాయిలు అలాంటి వాళ్ళని ఇష్టపడటానికి గల కారణాలు ఏమిటి ఒకసారి చూద్దాం.

#1. తమకంటే వయసులో పెద్దవారు అయినవారు తమ భార్యలను బాగా చూసుకుంటారు అనే ఒక నమ్మకం ఏర్పడింది. ఎందుకంటే వయసు పెద్దగా ఉన్న మగవాళ్ళు అప్పటికే చాలా జీవితాన్ని చూసి ఉంటారు. అలాంటి ఒక వ్యక్తి పిల్లలు పెంపకం విషయంలో కూడా చాలా జాగ్రత్తగా ఉంటారు. తమకి ఉన్న జ్ఞానాన్ని తమ పిల్లలకు కూడా పంచుదాం అనే ఆలోచన కలిగి ఉంటారు.

#2. లోకజ్ఞానం తెలియని ఒక ఆడపిల్లని వయసులో పెద్దవారైన ఒక వ్యక్తి చాలా జాగ్రత్తగా చూసుకోగలరు. ఆ మెచ్యూరిటీ కుర్ర కారులో ఎంత వెతికినా కనిపించదు.

#3. అలాగే యువతులు ఎందుకు మానసికంగా పరిణితి చెందిన పురుషులను ప్రేమిస్తారు అని ఒక టాపిక్ వచ్చినప్పుడు చాలామంది వయసు ఎక్కువగా మగవాళ్ళకి పరిణితి జ్ఞానం ఎక్కువగా ఉంటుంది, ఆధ్యాత్మిక సున్నితత్వం ఉంటుంది అలాగే అటువంటి వ్యక్తులు ఎక్కువగా ప్రగల్బాలు పలకరిని చెప్తున్నారు అమ్మాయిలు.

#4. అలాగే ఇలా వయసులో పెద్దవారైన పురుషులు ఆడవాళ్ళని ఎలా ఆకర్షించాలో బాగా తెలిసిన వాళ్ళు అయి ఉంటారు. అలాగే పరిణితి చెందిన పురుషులు జీవితాన్ని తీవ్రంగా పరిగణిస్తారు. వారు తమ సహచరికి సౌకర్యవంతమైన జీవితాన్ని ఇవ్వటానికి ప్రయత్నిస్తారు.

#5. ఇంకొక అతి ముఖ్యమైన కారణం ఒక ఇలా వయసులో పెద్దవారైన వ్యక్తి తన కన్నా బాగా చిన్నదైన భార్య యొక్క కోపతాపాలను అర్థం చేసుకుంటాడు పైగా వాగ్వాదానికి తావివ్వడు. ఈ లక్షణాలే అమ్మాయిలని ఎక్కువగా ఆకర్షిస్తున్నాయి అని చెప్తున్నారు రిలేషన్ ఎక్స్పర్ట్స్.

ఏ ఒక్క వ్యక్తి కూడా కష్టపడనిదే పైకి రారు. ఒక వ్యక్తి ఒక రోజు గుర్తింపు తెచ్చుకున్నారు అంటే, దాని వెనుక ఎన్నో సంవత్సరాల కష్టం దాగి ఉంటుంది. కానీ అది ఎవరికీ తెలియదు. ఈ వ్యక్తి జీవితంలో కూడా అలానే ఎన్నో కష్టాలు ఉన్నాయి. వాటన్నిటినీ అధిగమించి ఇవాళ ఇంత పెద్ద స్థాయిలో ఉన్నారు. ఆయన పేరే అమిటి హనుమంతు. ఏఎస్పీ. అనంతపురంలో విధులు నిర్వహిస్తారు. గత సంవత్సరం హనుమంతు గారు మాట్లాడిన మాటలు పెద్ద ఎత్తున వార్తల్లో నిలిచాయి. ఒక వ్యక్తి ఇన్ని కష్టాలు పడతారా అని అందరూ చలించిపోయారు.  బీబీసీ తెలుగుకి ఇచ్చిన ఇంటర్వ్యూలో తన గురించి హనుమంతు గారు తెలిపారు.

హనుమంతు గారిది అన్నమయ్య జిల్లాలోని కలికిరి మండలం, తెళ్లగుట్టపల్లి. హనుమంతు గారి తండ్రి రామయ్య గారు, తల్లి కృష్ణమ్మ గారికి మొత్తం నలుగురు సంతానం. ముగ్గురు మగ పిల్లలు, ఒక ఆడపిల్ల. హనుమంతు గారు మూడవ వారు. ఒక్కరోజు పని చేయకపోయినా కూడా ఇల్లు గడవని పరిస్థితి. హనుమంతు గారి తల్లి ఊరు తిరిగి భోజనాన్ని తీసుకొచ్చేవారు. మాజీ సీఎం కిరణ్ కుమార్ రెడ్డి గారి గ్రామం హనుమంతు గారు నివసించే చోటు దగ్గరలోనే ఉండేది. పండగల లాంటివి ఉన్నప్పుడు కిరణ్ కుమార్ రెడ్డి గారి గ్రామానికి వెళ్లి, వాళ్ళ కుటుంబ సభ్యుల దగ్గరికి వెళ్లి, పాత్రలు తీసుకొని వాళ్ళ ఇంటి ముందు వరుసగా కూర్చుంటే అందరికీ భోజనాలు పెట్టేవారు.

హనుమంతు గారు, తన తల్లితో కలిసి వెళ్లేవారు. ఒకసారి అలా వెళ్లి వస్తూ ఉన్నప్పుడు హనుమంతు గారు, తల్లితో కలిసి చెట్టు కింద కూర్చున్నారు. వాళ్ళిద్దరూ తింటున్నప్పుడు అక్కడ కొంత మంది పిల్లలు స్కూల్ కి వెళ్తుంటే హనుమంతు గారు చూస్తూ కూర్చున్నారు. అప్పుడు హనుమంతు గారికి చదువు అంటే ఆసక్తి ఉంది అనే విషయాన్ని ఆయన తల్లి గమనించారు. హనుమంతు గారు ఆ ఊర్లో ఉండే వాళ్లందరికీ తెలుసు. ఈ కారణంగా ముందు స్కూల్ లో చేర్చుకోడానికి అనుమతి దొరకలేదు. తన తల్లితో పాటు, ఇళ్ళ ముందు నిలబడి అన్నం అడిగేవారు. స్కూల్ కి కూడా అందుకే వచ్చారు ఏమో అని అనుకొని, “అన్నం లేదు పో” అని పంపించేసేవారట.

దాంతో హనుమంతు గారితో, తన తల్లి, “రేపు మళ్లీ వెళ్ళు” అని చెప్పి వేరే, వాళ్ళ పలక తీసుకొచ్చి హనుమంతు గారికి ఇచ్చి పంపించారు. అప్పుడు టీచర్ స్కూల్లో కూర్చోబెట్టినా కూడా తనతో చదివేవారు దగ్గరికి రానివ్వలేదు. టీచర్ లేనప్పుడు వెనక్కి వెళ్లి కూర్చోమని బెదిరించేవాళ్లట. ఇది గమనించిన టీచర్, ఒకసారి ఆ పిల్లలందరినీ తిట్టారు. హనుమంతు గారికి టీచర్, “మంచి బట్టలు వేసుకో” అని చెప్పి, కొన్ని బట్టలు ఇప్పించేవారట. హనుమంతు గారి తల్లి కూడా వేరే చోట బట్టలు తీసుకొచ్చి ఇచ్చేవారు. హనుమంతు గారి జీవితంలో ఒక్క సంఘటన ఆయనకి అవమానకరంగా అనిపించింది. హనుమంతు గారు ఇంటర్ చదివే సమయంలో సెనగ పెరికే పనికి వెళ్లారు.

పని చేస్తున్నప్పుడు దాహం వేయడంతో, వాళ్లతో పని చేయిస్తున్న ఆవిడ దగ్గరికి వెళ్లి, నీళ్లు కావాలి అని అడిగారు. ఆవిడ ఇంటి చుట్టూ తిరగడం మొదలు పెట్టింది. నీళ్లు అడిగిన హనుమంతు గారికి నీళ్లు ఇవ్వలేదు. దాంతో హనుమంతు గారు, “ఏమైంది?” అని అడిగితే, ఆవిడ, “చిప్ప కోసం వెతుకుతున్నాను” అని చెప్పింది. అప్పుడు హనుమంతు గారు, “మీ ఇంట్లో గ్లాసులు లేవా అమ్మా?” అని అడిగితే, “మీకు మేము గ్లాసుల్లో నీళ్లు ఇవ్వకూడదు” అని ఆమె చెప్పింది. ఈ సంఘటన హనుమంతు గారిని ఎలాగైనా సరే గొప్ప స్థాయికి వెళ్ళాలి అనే తపన పెరిగేలాగా చేసింది. ఎలాగైనా సరే మంచి స్థాయికి వెళ్లి, వీళ్ళకి సమాధానం చెప్పాలి అని హనుమంతు గారు నిర్ణయించుకున్నారట. ఆమె మీద హనుమంతు గారికి ఎటువంటి కోపం లేదట. ఈ విషయాన్ని హనుమంతు గారు ఒక ఇంటర్వ్యూలో తెలిపారు. తర్వాత ఇప్పుడు హనుమంతు గారు ఎన్నో సార్లు ఆమెకి మనసులో థాంక్స్ చెప్పుకున్నారట.

watch video :

ALSO READ : మహిళా IAS అధికారి మీద ఫైర్ అవుతున్న నెటిజెన్లు..! ఉద్యోగానికి ఇచ్చే గౌరవం ఇదేనా అంటూ..?

పెళ్లి ఎవరి జీవితంలో అయినా ఎంతో ముఖ్యమైనది. మనం ఎంతో ఇష్టపడి పెళ్లి చేసుకున్న వారు పెళ్లి అయిన తరువాత మునుపటి లా ప్రేమించకపోతే మనసుకు బాధ కలుగుతూ ఉంటుంది. ఇలా చాలా కుటుంబాల్లో జరుగుతూనే ఉంటుంది.

కానీ కారణం ఏంటి అనేది ఎవరు ఆలోచించుకోరు. ఓ భార్య.. తన భర్తతో కూర్చుని మాట్లాడుకుని ఈ సమస్యని ఎలా పరిష్కరించుకుందో ఇప్పుడు చూద్దాం.

ఓ సెలవు రోజున ఇంట్లో తన భర్త మొబైల్ లో చూస్తూ ఉన్న సమయంలో పక్కన వెళ్లి కూర్చుంది. మీతో మాట్లాడాలి.. ఈ ఫోన్ ని స్విచ్ ఆఫ్ చేయమని కోరింది. మొదట నిరాకరించినా.. తన భార్య ఫేస్ డల్ గా ఉండడం చూసిన ఆ భర్త ఫోన్ ని స్విచ్ ఆఫ్ చేసాడు. ఆ తరువాత విషయమేమిటని అడగగా.. భార్య చెప్పడం స్టార్ట్ చేసింది.. “మీరు పెళ్ళికి ముందు చాలా సరదాగా ఉండేవారు. నాపై ప్రేమ గా చూసేవారు.. కవ్వించేవారు.. కానీ.. ఇప్పుడు మీరు రోజులో ఎక్కువ సేపు ఆఫీస్ వర్క్ లేదా ఫోన్ ని మాత్రమే చూస్తూ సమయం గడిపేస్తున్నారు..

నన్ను ఇంత దూరం పెట్టడానికి కారణమేంటి..? నాలో నేను ఏదైనా మార్చుకోవాలి అంటే మార్చుకుంటా..” అంటూ ఆ భార్య చెప్పడం ఆపింది. దానికి ఆ భర్త ఒక చిరునవ్వు నవ్వి ఇలా చెప్పాడు. ఇది సహజం గా అందరి కుటుంబాల్లోనూ జరిగేదేనని వివరించాడు. చిన్నప్పుడు తన అంకుల్ తనకు చెప్పిన ఉదాహరణను తన భార్య కి కూడా చెప్పాడు. “ఇప్పుడు మనం ఏదైనా బంగారం కొన్నాము అనుకో.. దానిని కొంతకాలం మాత్రం అపురూపం గా చూస్తాం. అందరికి చూపించుకుని మురిసిపోతాం. తరువాత బీరువాలో లాకర్ లో పెట్టుకుంటాం..

అంతే తప్ప.. అస్తమానం దానిని తీసి చూస్తూ కూర్చోలేము కదా..” అంటూ ఆ భర్త వివరించాడు. అతను ఈ మాటలు చెప్పగానే.. ఆ భార్య గలగలా నవ్వింది. ఆమె ఎందుకు నవ్వుతోందో భర్తకి అర్ధం కాలేదు.. నవ్వడం ఆపి.. ఆ భార్య ఇలా చెప్పింది.. ” చాలా బాగా కంపేర్ చేస్తున్నారు. కనీసం నన్ను ఎదో ఒక వస్తువు తో పోల్చకుండా బంగారం తో పోల్చినందుకు సంతోషం. అది వస్తువు.. కానీ..నేను మనిషిని. నన్ను కూడా లాకర్ లో పెట్టి ఎలా ఉంచుకుంటారు..? అని ప్రశ్నించింది. ఆమె భర్త ఆలోచనలో పడ్డాడు.

ఆమె చెప్పడం కొనసాగించింది. “ఇప్పుడు ఒక మొక్క ఉంది అనుకోండి. దానిని తీసుకొచ్చి నాలుగు రోజులు మురిసిపోయి, తిరిగి లాకర్ లో పెట్టుకోవడం కుదురుతుందా..? లాకర్ లో పెడితే అది వాడిపోతుంది. దానికి రోజు నీళ్లు పోసి.. ఎండా తగిలే ప్రదేశం లో ఉంచి.. రోజు పట్టించుకుంటేనే అది పెరుగుతుంది.. అని చెప్పుకొచ్చింది. అయినా బంగారాన్ని ఉంచుకుంటాం.. మొక్కలని పెంచుకుంటాం.. ఈ ఒక్క వాక్యం లోనే తేడాని అర్ధం చేసుకోవచ్చు.

మనుషులు కూడా అంతే అండి.. వారితో బంధాన్ని ప్రేమానురాగాలతో పెంచుకోవాలె కానీ బొమ్మల్లా ఇంట్లో ఉంచుకోకూడదు..” అంటూ చెప్పడం ఆగింది. ఆమె ఏమి చెప్పదల్చుకుందో అర్ధం చేసుకున్న ఆ భర్త.. ఆమె వైపు చూసి ప్రేమ గా నవ్వాడు.. గతం లో అతను నవ్వే జీవం లేని నవ్వుకి.. ఇప్పుడు ఆమె వైపు కురిపిస్తున్న ప్రేమతో కూడిన నవ్వులకు ఉన్న తేడాను ఆమె స్పష్టం గా గుర్తించింది. సంతృప్తిగా అతని గుండెలపై వాలింది.

NOTE: All the images used are for representative purpose only