Human angle

ఎక్కువ మంది మేనరిక పెళ్లిళ్లు చేసుకుంటూ ఉంటారు. సొంత అత్త కూతురుని చేసుకోవడం లేదా సొంత అత్త కొడుకుని చేసుకోవడం లేదా మావయ్యను మేనకోడలు చేసుకోవడం వంటివి మనం తరచూ చూస్తూనే ఉంటాం. అయితే అటువంటి వివాహాలు చేసుకోకూడదని మనం ఎన్నోసార్లు వినే ఉంటాం.

మరి నిజంగా అటువంటి పెళ్లిళ్లు చేసుకోవచ్చా..? అటువంటి పెళ్లిళ్లు చేసుకోవడం వల్ల సమస్యలు వస్తాయా రావా అనే దాని గురించి ఇప్పుడు చూద్దాం. ఎక్కువ మందిలో ఈ అనుమానం ఉంటుంది. మేనరికపు పెళ్లిల్లు చేసుకోవచ్చా లేదా అనేది.

source: screenshot from arranged marriage short film

ఇలా పెళ్లిళ్లు చేసుకోవడం వల్ల అనారోగ్య సమస్యలు ఎక్కువగా కలుగుతాయని ఆరోగ్య నిపుణులు అంటున్నారు. జన్యు పరంగా, క్రోమోజోమ్స్ పరంగా ఎలాంటి సమస్యలు అయితే ఉంటాయో మళ్ళీ మళ్ళీ మేనరికం పెళ్లిళ్లు చేసుకోవడం వల్ల ఆ సమస్యలు కలుగుతూ ఉంటాయి. వ్యాధులు ఏమైనా ఉంటే అవి తీవ్రంగా మారడం కూడా జరుగుతుంది. కుటుంబంలో ఏదైనా సమస్య ఉండడం వలన కూడా పాస్ అవుతూ ఉంటాయి. కనుక మేనరికం పెళ్లిళ్లు చేసుకోకపోవడమే మంచిది అని ఆరోగ్య నిపుణులు అంటున్నారు.

అలానే జన్యువులలో ఏ సమస్య వున్నా కూడా అది ఇద్దరి జన్యువులు బిడ్డకు సంక్రమిస్తుంది. అది పుట్టే బిడ్డ మీద ఎఫెక్ట్ చూపుతుంది. ముందు తరాల వాళ్ళది కూడా ఇలాంటి వివాహమే అయితే పుట్టే బిడ్డకు సమస్యలు వచ్చే అవకాశం ఎక్కువ ఉంటుంది. మేనరికం వివాహం అయ్యి పుట్టిన పిల్లల్లో జెన్యూ సమస్యలు 4-6 శాతం ఉండచ్చు. మాములు దానికంటే ఇవి రెట్టింపుంటాయి. కానీ అందరికీ సమస్యలు ఉంటాయని చెప్పలేము.

అయితే ఇక్కడ ఒకటి గుర్తు పెట్టుకోవాలి. రిస్క్ అనేది మేనరికం పెళ్లిళ్లు చేసుకోవడం మొదటి సారి, రెండో సారి, మూడవ సారి అనే వాటి పైన ఆధార పడి వుంది. మొదటిసారి చేసుకోవడం వల్ల పెద్దగా సమస్యలేమీ కలగవు ఎక్కువగా కుటుంబంలో మేనరికాలు రిపీట్ అవుతూ ఉంటే అనారోగ్య సమస్యలు కుటుంబంలో ఉంటాయి. అందుకే ఎక్కువ మంది మేనరిక సంబంధాలు చేసుకోరు.

కేవలం జన్యుపరంగా మాత్రమే కాకుండా మేనరికం పెళ్లి చేసుకోవడం వల్ల కొన్ని సమస్యలు కలుగుతూ ఉంటాయి.చిన్నప్పటి నుండి అమ్మాయి అబ్బాయి ఒకరినొకరు చూసుకుంటూ ఉంటారు. అలాంటప్పుడు వారిలో పెళ్లి చేసుకునే ఉద్దేశం లేకపోవచ్చు. వయసు తేడా ఎక్కువగా ఉండి అబ్బాయి పెద్దవాడు అయితే ఇంకా అమ్మాయి చిన్న పిల్లలానే కనబడుతూ ఉంటుంది. ఇలాంటి కారణాల వలన కూడా మేనరికం పెళ్లిళ్లు చేసుకోరు.

ఒకవేళ కనక అమ్మాయి అబ్బాయి ఇష్ట పడి మేనరికం మొదటి సారి అయితే పరవాలేదని ఆరోగ్య నిపుణులు అంటున్నారు. జెనిటిక్ కౌన్సెలర్ ని పెళ్ళికి ముందు కన్సల్ట్ చేస్తే సమస్యలు ఏమైనా ఉంటే తెలుస్తుంది. ఒకవేళ మేనరికం పెళ్లి చేసుకుంటే జాగ్రత్త పడాలి. గర్భిణీలు జన్యు సమస్యలు, అవయవ లోపాలు ఏమైనా ఉన్నాయేమో స్కానింగుల ద్వారా తెలుసుకుని జాగ్రత్త పడాలి.

భారతీయ వివాహ వ్యవస్థ ఎంతో ఔన్నత్యమైనది. అలాగే పెళ్లి అనేది జీవితంలో ఓ ముఖ్యమైన, అనిర్వచనీయమైన ఘట్టం. వివాహం అనే మధురమైన ఘట్టం ప్రతి ఒక్క జంటకూ ఎంతో ప్రత్యేకం. ఈ బంధం ఇద్దరు మనుషుల మధ్య నిబద్ధత, ఇది వారిని జీవితాంతం ఒకరికొకరు అనుబంధంగా ఉంచుతుంది. ప్రతి సుఖం, దుఃఖంలో కలిసి నిలబడటానికి హామీ ఇస్తుంది.

అయితే వివాహమైన తరువాత ప్రతి ఒక్కరి జీవితంలో మార్పులు కచ్చితం. ఎందుకంటే ఏ ఇద్దరు వ్యక్తుల అభిప్రాయాలు, అభిరుచులు, అలవాట్లు అనేవి ఒకే విధంగా ఉండవు. అందుకే అమ్మాయిలతో పాటు.. అబ్బాయిలు కూడా పెళ్లి తర్వాత వారి జీవితం ఎలాఉంటుందో అని ఆందోళన పడుతూ ఉంటారు.

అయితే అనుకోని పరిస్థితుల్లో పెళ్లి జరిగిన ఒక యువకుడి కథని ఇప్పుడు చూద్దాం… ” జీవితం ఎప్పుడు ఎలాంటి మలుపులు తిరుగుతుందో ఎవరికీ తెలీదు. మనం కోరుకున్నవన్నీ మనకు దక్కాలని లేదు. అలాగే మనం కోరుకొని కొన్ని వరాలను కూడా జీవితం మనకు అందిస్తుంది.” అంటూ తన జీవితం లో జరిగిన ఓ సంఘటన గురించి చెప్పుకొచ్చాడు ఓ యువకుడు.

” అమ్మ, నాన్న, అన్నయ్య, నేను ఇదే మా కుటుంబం. చిన్నప్పటి నుంచి అందరూ అన్నయ్యని ఎక్కువ గారం గా చూసేవాళ్ళు ఎందుకో నాకు తెలిసేది కాదు. కానీ నాకు అన్నయ్య అంటే ఎంతో ఇష్టం. వాడు నాకు ఎప్పుడు తోడుగా ఉండేవాడు. నేను ఇంజినీరింగ్ పూర్తి చేసి ఉద్యోగం లో చేరాను. ఓ రోజు మా అన్నయ్య కోసం ఒక సంబంధం వచ్చింది. ఆమె ఒక సాఫ్ట్ వెర్ ఉద్యోగి. ఒకరోజు వాళ్ళు పెళ్లి చూపులకు మా ఇంటికి వచ్చారు. అన్ని మాట్లాడుకొని సంబంధం కుదుర్చుకొని వెళ్లారు. కానీ నాకు ఆ రోజు ముఖ్యమైన మీటింగ్ ఉండటంతో నేను ఆఫీస్ కి వెళ్ళిపోయాను.

తర్వాత అన్నయ్య పెళ్ళికి ఒక నెలరోజుల్లో ముహూర్తం పెట్టారు. అప్పటి నుంచి మా ఇంట్లో పెళ్లి హడావిడి మొదలైంది. బంధువుల రాక కూడా ప్రారంభమైంది. మా నాన్న తన దగ్గర ఉన్న డబ్బుతో పాటు పెళ్లి చేసేందుకు కొంత డబ్బును అప్పు చేసి మరీ పెళ్లి పనులు మొదలెట్టారు. షాపింగ్ పనులు కూడా పూర్తయ్యాయి. అయితే ఒకరోజు బయటకు వెళ్లిన అన్నయ్యకి ఆక్సిడెంట్ అయ్యింది. అప్పటికి పెళ్లికి ఇంకా కేవలం వారం రోజులు మాత్రమే గడువుంది. ఆక్సిడెంట్ తో అన్నయ్య పరిస్థితి విషమంగా మారింది. ఇక కొద్దీ రోజులే బ్రతుకుతాడు అని తేల్చేసారు డాక్టర్లు.

అన్నయ్యని ఇంటికి తీసుకొచ్చాక పెళ్లి కూతురు వారికి ఫోన్ చేసి.. వాళ్లను పిలిపించి వారికి జరిగిందంతా చెప్పేశారు. అప్పుడు నేను ఆఫీస్ కి వెళ్లాను. సాయంత్రం నేను ఆఫీసు నుండి ఇంటికొచ్చేసరికి అంతా సంతోషంగా ఉన్నారు. దానికి కారణం ఎంత అని ఆలోచిస్తుండగా అన్నయ్య విషయం చెప్పాడు. అన్నయ్యకి బదులు నేను ఆ అమ్మాయిని పెళ్లి చేసుకోవాలని అన్నయ్య నన్ను కోరాడు. అదే తన చివరి కోరిక అని చెప్పాడు. దీంతో నాకు ఒప్పుకోక తప్పలేదు. అలా అనుకోకుండా నా పెళ్లి జరిగిపోయింది.

అసలు ఆ అమ్మాయి గురించి కూడా నాకు సరిగ్గా తెలీదు. తర్వాత మెం ఇద్దరం ఒంటరిగా ఉన్నపుడు ఆమె మాట్లాడిన మాటలు నేను ఇప్పటికీ మర్చిపోలేను. మనిద్దరికీ ఒకరి గురించి ఒకరికి ఏం తెలీదు. ముందు ఫ్రెండ్స్ లా ఉండి.. తర్వాత మన జీవితాన్ని ప్రారంభిద్దాం అని చెప్పింది. మనిద్దరికీ ఏ ఇబ్బంది ఉండదు అని తను చెబుతుంటే అది కలా..?నిజమా అస్సలేమీ అర్థం కాలేదు. నన్ను ప్రేమించే వారు కూడా ఉంటారా’ అని నేను అస్సలు ఊహించలేదు. అలా నాకు నా పెళ్లి తర్వాత ప్రేమను పంచిన భాగస్వామి దొరికింది. అప్పుడే నాకు అర్థమైంది ప్రేమ అనేది కేవలం.. పెళ్లికి ముందే ఉండాలని రూలేం లేదు. పెళ్లి జరిగిన తర్వాత కూడా ప్రేమించుకోవచ్చు అని. అందుకు నా జీవితమే ఉదాహరణ.” అంటూ చెప్పుకొచ్చాడు ఆ యువకుడు.

బీటెక్ వాలా పానీ పూరి అనే పేరుతో విశాఖపట్నంలో ఫుడ్ బిజినెస్ స్టార్ట్ చేసిన శ్రీ రామకృష్ణ తన విజయానికి సంబంధించిన సక్సెస్ స్టోరీ ని బి బి సి తో పంచుకున్నారు. ఉద్యోగం రాకా నిరాశ చెందే స్థాయి నుంచి పది మందికి ఉపాధి కల్పించే స్థాయికి ఎదగడానికి అతను పడ్డ కష్టం గురించి వివరించారు.

అతని సక్సెస్ స్టోరీ అతని మాటల్లోనే తెలుసుకుందామా…దువ్వాడ విజ్ఞాన్ కళాశాలలో 2020 కి పూర్తి కావలసిన నా ఇంజనీరింగ్ కాస్త 2021 పూర్తయింది. కాగా 2020లో జరిగిన క్యాంపస్ ఇంటర్వ్యూలో ఒక ఐటీ కంపెనీలో 18 వేల రూపాయల జీతానికి ఉద్యోగం వచ్చింది. కానీ సంవత్సరం పాటు ఎదురుచూసిన ఎటువంటి కాల్ లెటర్ రాలేదు. దీనికి కోవేట్ పరిస్థితులే కారణమని మా యాజమాన్యం చేతులు దులుపుకుంది.

పోనీ ఏదన్నా బిజినెస్ చేద్దామంటే మా కుటుంబ ఆర్థిక పరిస్థితి అంతంత మాత్రమే ఉంది. అనారోగ్యంతో బాధపడుతూ మా నాన్నగారు నేను బీటెక్ సెకండియర్ లో ఉండగానే కాలం చేశారు. ఈ పరిస్థితుల్లో తక్కువ బడ్జెట్లో ఫుడ్ బిజినెస్ స్టార్ట్ చేద్దామన్న ఆలోచన వచ్చింది. ఈ క్రమంలో నేను పూణేలో తిన్న పానీపూరి బండి గుర్తుకు వచ్చింది. మనకు అందుబాటులో ఉండే పానీపూరి స్టాల్స్ లా కాకుండా అది చాలా వెరైటీగా ఉండేది. అక్కడ ప్లేటులో ఐదు పానీపూరీలు ఇచ్చేవారు. ఒక్కో పూరిలో ఒక్కో టెస్ట్ తో ఉన్న వాటర్ వేసి ఇవ్వడం వల్ల అది చాలా వెరైటీగా అనిపించింది.

కానీ ప్రస్తుతం ఎక్కడ పట్టినా పానీపూరి స్టాల్స్ కనిపించే ఈ టైంలో ఈ బిజినెస్ క్లిక్ అవుతుందా అని చాలా రోజులు మా అమ్మ ,తమ్ముడు ,కజిన్‌తో చర్చించాను.  ఈ సంవత్సరం ఫిబ్రవరిలో 650 రూపాయల పెట్టుబడి తో మొదలైన నా ఈ వ్యాపారం క్రమక్రమంగా పెరిగి ఇప్పుడు ఐదు స్టాల్స్ ఫ్రాంచసైజులు కూడా ఉన్నాయి. మొదటగా ప్రారంభించిన న్యూ కోలని స్టాల్ తో పాటు ఎన్ఏడీ జంక్షన్, శ్రీరామ టాకీస్ సెంటర్, మద్దిలపాలెం, ఎంవీపీ కోలనీలలో కూడా మా స్టాల్స్ పెట్టాం.

ప్రస్తుతం మేం పెట్టిన స్టాల్స్ అన్నీ కూడా రోజుకు పదివేల నుంచి 15 వేల వరకు బిజినెస్ చేస్తున్నాయి. రాబోయే కాలంలో మరిన్ని ప్రదేశాలలో మా బ్రాంచీలు ఓపెన్ చేయాలని ప్రయత్నిస్తున్నాను” అని తన వ్యాపారానికి సంబంధించిన వివరాలను తెలియపరిచారు.
అంతేకాకుండా ఈ బిజినెస్ కుండా సంపాదించిన డబ్బుని దుబారా చేయకుండా పై చదువులు చదవాలి అన్న ఆశయంతో భద్రపరుస్తున్న ఈ యువ వ్యాపారవేత్తను అందరూ ప్రశంసిస్తున్నారు.

Article sourced from: bbc/telugu

ఈ కింద ఉన్న పెయింటింగ్ ను ఒకసారి జాగ్రత్త గా గమనించి చూడండి.. ఒక ముగ్గురు రాజవంశ కాలం నాటి స్త్రీలు అందం గా పోజ్ ఇచ్చారు కదా.. అయితే.. ఈ ఫోటో చూడగానే ముందు మనకి కలిగే సందేహం ఏమిటంటే.. ఆ ముగ్గురు స్త్రీలలో ఒక మహిళ ఎందుకు తన చీరను ఎత్తి చూపిస్తోంది..? అనే కదా.. ఆ సంగతి ఏంటో తెలుసుకుందాం.

మాములుగా ఫోటో తీసేటప్పుడు అలా జరిగితే సర్దిచెప్పుకోవచ్చు.. కానీ.. పెయింటింగ్ లో ఇలా జరిగింది. నిజానికి ఈ ఫోటో వెనక పెద్ద సందేశమే దాగి ఉంది. పందొమ్మిదవ శతాబ్దం కాలం లో ఇండియా లో మసూచి మహమ్మారి చాలా వేగం గా వ్యాప్తి చెందుతోంది. మనుషులు అల్లాడిపోతున్నారు. ఆ సమయం లో మైసూర్ ని బ్రిటిష్ ఇండియా పాలిస్తోంది.

అప్పటి మైసూర్ రాజ్యాన్ని పాలిస్తున్న మార్క్ విల్కేస్ ప్రజలను బ్రిటిష్ వారి వాక్సిన్ ను వేయించుకోవాల్సింది గా కోరారు. అయితే.. అప్పట్లో కూడా రూమర్లు ఎక్కువ గానే ఉండేవి. బ్రిటిష్ వారి వాక్సిన్ ప్రాణాలకే ముప్పు తెస్తుందని అప్పటి ప్రజలు భావించేవారు. చాలా మంది టీకా వేయించుకోవడానికి జంకేవారు. అప్పటికే మైసూర్ యువరాజు కు ఈ పై ఫొటోలో కుడివైపున ఉన్న దేవజమణి యువరాణితో వివాహం నిశ్చయమైంది.

ఆమె మైసూర్ యువరాజ కు కాబోయే భార్య. ఆ సమయం లోనే.. ఆమె వాక్సిన్ ను వేయించుకుని.. ఈ పెయింటింగ్ ను వేయించి అందరిని వాక్సిన్ వేయించుకోవాలంటూ కోరారు. ఈ పెయింటింగ్ ద్వారా తానూ టీకా వేయించుకున్నానని తెలియచెప్పారు. ఈ రాజ్యం రాజుకు కాబోయే భార్య ధైర్యం గా టీకా వేయించుకున్నారని.. ప్రజలు కూడా ముందుకు వచ్చి వాక్సిన్ ను వేయించుకోవాలని చెప్పడం కోసమే ఈ పెయింటింగ్ ను ఇలా చిత్రీకరించారు.

నేర చరిత్ర కలిగిన ఒక వ్యక్తి రామాయణాన్ని స్ఫూర్తిగా తీసుకొని తన చర్మం వలచి తల్లికి చెప్పులు కుట్టించిన ఘటన ఇప్పుడు సంచలనం సృష్టిస్తుంది. నేటి పిల్లలు తల్లిదండ్రులను వృద్ధాశ్రమాలలోకి నెట్టి బాధ్యతను వదిలించుకుందాం అనుకుంటున్న యుగం ఇది. అయితే మధ్యప్రదేశ్ లోని ఉజ్జయినిలో నగరంలోని ధంచా భవన్ ప్రాంతంలో నివసించే రౌనక్ గుర్జార్ పేరు మోసిన రౌడీ షీటర్.ఇతను ఉజ్జయిని నగరంలో బీభత్సం సృష్టించాడు.

ఒక వివాదంలో మోంటు గుర్జార్ అనే వ్యక్తిని కాల్చి చంపారు, పారిపోయిన దుండగులు నగరంలోని కృపా రెస్టారెంట్ యజమాని నుండి విమోచన క్రయధనంగా 50 వేలు డిమాండ్ చేశారు. అయితే అతను డిమాండ్ చేసిన ధనాన్ని చెల్లించకపోవడంతో అతనిని కూడా కాల్చి చంపారు. అంతేకాదు రైల్వేస్టేషన్ సమీపంలో స్వప్న స్వీట్స్ మేనేజర్ నుంచి 5 లక్షల రూపాయలు విమోచన క్రయ ధనం కూడా డిమాండ్ చేశారు. సదరు యజమాని డబ్బులు ఇవ్వకపోవడంతో అతనిని కూడా కాల్చి చంపారు.

ఈ వివాదాలలో ఒకసారి రౌనక్ గుర్జార్ కూడా ఒకసారి పోలీసులు జరిపిన కాల్పులలో తీవ్రంగా గాయపడ్డాడు. అలాంటి సమయంలో అతను రామాయణం చదవటం జరిగింది. రామాయణంలో శ్రీరామచంద్రుడు తల్లికి చర్మంతో చెప్పులు కుట్టించినా తక్కువే అని స్వయంగా చెప్పటం అతనిని ప్రభావితం చేసింది. వెంటనే తన మనసులోకి ఒక ఆలోచన వచ్చింది.

వెంటనే కుటుంబంలో ఎవరికీ తెలియకుండా రౌనక్ ఆసుపత్రిలో రహస్యంగా శాస్త్ర చికిత్స చేయించుకుని చీలమండపై చర్మాన్ని తొలగించి చెప్పులు కుట్టే వ్యక్తి చేత చెప్పులు తయారు చేయించాడు. అతను తన ఇంట్లో జరిగిన మతపరమైన వేడుకలలో ఈ చెప్పులను తన తల్లికి బహుమతిగా ఇచ్చాడు. చెప్పులు బహుమతిగా అందుకున్న ఆ తల్లి కన్నీటి పర్యంతం అయింది. అతని చర్మంతో నాకు చెప్పులు కుట్టిస్తాడని ఊహించలేదు. ఇలాంటి కొడుకుని కనడం నా అదృష్టం గా భావిస్తున్నానని చెప్పుకొచ్చింది ఆ తల్లి.

ఒక్కొక్కసారి మనం తెలిసి తెలియకుండా చేసే చిన్న పొరపాటు కూడా అనుకోని పరిణామాలకు దారి తీస్తుంది. అసలు మనం చేసేది పొరపాటు కిందకి కూడా పరిగణనలోకి రాదు.

కానీ ఒక చిన్న జాగ్రత్త తీసుకోవడం వల్ల మనకి తెలియకుండా వచ్చే ప్రమాదాల నుండి మనల్ని మనం రక్షించుకోగలుగుతాం అని తమిళనాడుకి చెందిన ఒక వ్యక్తి తన కథను ఈ విధంగా పంచుకున్నాడు.

“జనవరి 7వ తేదీ దాదాపు సాయంత్రం 6 గంటలు అవుతున్నప్పుడు నేను నా భార్య బైక్ మీద బయటికి వెళ్ళాం. అన్నా నగర్ దగ్గర ఉండగా నా భార్య సడన్ గా స్పృహ తప్పి కింద పడిపోయింది. వెంటనే నేను దగ్గరలో ఉన్న ఒక హాస్పిటల్ కి తీసుకు వెళ్ళాను. డాక్టర్లు సిటీ స్కాన్ చేసి మెదడు ఎడమ వైపు భాగం ఉబ్బుతోందని. ఇంక బతకడం కష్టం అని చెప్పారు. నేను హాస్పిటల్ నుండి నా భార్యని డిశ్చార్జ్ చేయించి వేరే ఆసుపత్రికి తీసుకువెళ్ళాను.

అక్కడి డాక్టర్లు సర్జరీ చేశారు. సర్జరీ తర్వాత నా భార్య మెదడు స్పందించడం క్రమంగా తగ్గింది. అప్పుడు నా భార్య ఐదు నెలల గర్భవతి. నా భార్య కోమాలోకి వెళ్ళిపోయింది. ఐదు రోజుల తర్వాత నా కొడుకు ఈ లోకాన్ని కూడా చూడకుండా తన తల్లి కడుపులో ఉండగానే మరణించాడు.

డాక్టర్లు నా భార్యకు బ్రెయిన్ డెడ్ అని చెప్పారు. మేము అవయవ దానం చేయాలి అని ముందే నిర్ణయించుకున్నాం. దుఃఖం లోనే ఆర్గాన్ డొనేషన్ ఫార్మ్ మీద సంతకం చేశాను. జనవరి 13న నా భార్య నన్ను విడిచి అనంతలోకాలకు వెళ్ళిపోయింది.

ఇదంతా నేను మీకు ఎందుకు చెబుతున్నాను అంటే బైక్ నడిపేటప్పుడు నేను హెల్మెట్ పెట్టుకున్నాను కానీ నా భార్య హెల్మెట్ పెట్టుకోలేదు. తను కూడా హెల్మెట్ పెట్టుకుని ఉంటే ఇవాళ తనని కాపాడుకునే వాడిని. అందుకే జాగ్రత్త అనేది చిన్నదైనా పెద్దదైనా ముఖ్యమైనదే. తెలిసీ తెలియకుండా నేను అజాగ్రత్తగా ఉండటం వల్ల నా జీవితం అయిన నా భార్య ఉమ నాకు దూరం అయింది”.అని తన బాధను చెప్పి తన భార్యతో చివరిగా దిగిన సెల్ఫీ ని పోస్ట్ చేశాడు.

జగ్గీ వాసుదేవ్. ఈ పేరు కంటే కూడా ఆ వ్యక్తి సద్గురు అనే పేరుతోనే చాలా గుర్తింపు సంపాదించుకున్నారు. ఆధ్యాత్మికతని ప్రపంచవ్యాప్తంగా చాటి చెప్తూ, మనిషికి స్ఫూర్తినిచ్చే ఎన్నో రకమైన ప్రసంగాలు చేస్తూ ఉంటారు. ఈషా ఫౌండేషన్ ద్వారా ఎన్నో స్వచ్ఛంద కార్యక్రమాలు చేయడం మాత్రమే కాకుండా, ఆధ్యాత్మికతని కూడా పెంపొందించే కృషి చేస్తున్నారు. శివరాత్రి వచ్చింది అంటే, ఈషా ఫౌండేషన్ లో భక్తి కార్యక్రమాలు జరుగుతాయి. ప్రపంచవ్యాప్తంగా ఉన్న ఎంతో మంది ప్రముఖులు ఈ కార్యక్రమానికి హాజరు అవుతారు. ఎంతో మంది గాయనీగాయకులు పాటలు పాడుతారు.

ఇటీవల కూడా శివరాత్రి రోజు ఈషా ఫౌండేషన్ లో భక్తి కార్యక్రమం జరిగింది. ఎంతో మంది ప్రముఖులు ఈ కార్యక్రమానికి హాజరు అయ్యారు. అయితే సద్గురు వ్యక్తిగత జీవితానికి సంబంధించిన విషయాల గురించి ఎక్కువ మందికి తెలియదు. సద్గురు భార్య పేరు విజయ కుమారి. ఆమె కొంత కాలం క్రితం చనిపోయారు. వారి కూతురి పేరు రాధే. రాధే జగ్గీ పేరుతో ఆవిడ పిలవబడతారు. రాధే 1990 లో పుట్టారు. రాధే పుట్టకముందే ఆమె తల్లి, ఒకవేళ అమ్మాయి పుడితే డాన్స్ నేర్చుకుంటుంది అని అనుకున్నారట. దాంతో రాధే భరతనాట్యం నేర్చుకున్నారు. భరతనాట్యంలో శిక్షణ పొందారు. సద్గురు రాధేని ఎప్పుడూ ఒక అమ్మాయిలాగా చూడలేదు.

చాలా సార్లు తన కూతురు తనకంటే తెలివిగల వారు అని చెప్తూ ఉంటారు. రాధే తన తండ్రిని నాన్న అని పిలవకుండా, ఆయన మొదటి పేరుతో పిలుస్తారు. చాలా మంది దానికి అభ్యంతరం వ్యక్తం చేసినా కూడా, సద్గురు, తన కూతురు కళ్ళకి తాను అలాగే కనిపిస్తాను అని, తన కూతురు తనని అలాగే చూస్తారు అని అన్నారట. విజయ కుమారి గారి మరణం తర్వాత రాధే చాలా కృంగిపోయారు. ఆ తర్వాత తండ్రి సంరక్షణలోనే పెరిగారు. 2014 లో సందీప్ నారాయణన్ తో రాధే వివాహం జరిగింది. వీరి పెళ్లి ఈషా ఫౌండేషన్ కాంపౌండ్ లోనే జరిగింది. వారి పెళ్లి ఘనంగా జరిగినా కూడా మీడియా కవరేజ్ లేకుండా చేసుకున్నారు.

రాధే ఒక నృత్యకారిణి. భరతనాట్య నృత్యం ద్వారానే ఆమె సంపాదిస్తారు. ఆమె ఇష్టాన్నే తన వృత్తిగా చేసుకున్నారు. కళాక్షేత్రలో రాధే భరతనాట్య నృత్యం చేస్తూ ఉంటారు. ఎన్నో స్టేజ్ పెర్ఫార్మన్స్ లు కూడా ఇచ్చారు. రాధే పుట్టకముందే తన తల్లిదండ్రులు కళాక్షేత్రకి వెళ్లారు. అక్కడ నృత్యం చేస్తున్న అమ్మాయిలని చూసి రాధే తల్లి విజయ కుమారి గారు ముచ్చటపడేవారట. తన కూతురిని కూడా అలాగే భరతనాట్య నృత్యకారిణి చేయాలి అని అనుకున్నారట. రాధే, సద్గురుతో పాటు కూడా చాలా ప్రోగ్రామ్స్ లో కనిపిస్తూ ఉంటారు.

ALSO READ : NARA BRAHMANI: మూడు రోజులుగా వైరల్ అవుతున్న ఈ ఫోటో వెనక కథ ఏంటంటే.? ఈ ఫోటో ఎక్కడ అంటే.?

ఎంతో మందికి ఆదర్శం అయిన వ్యక్తుల్లో సుధా మూర్తి ఒకరు. సుధా మూర్తి మంచి రచయిత కూడా అనే విషయం మనందరికీ తెలుసు. మహాశ్వేత, డాలర్ బహు, ద బర్డ్ విత్ గోల్డెన్ వింగ్స్, వైస్ అదర్ వైస్, ద మదర్ ఐ నెవర్ న్యూ తో పాటు ఇంకా ఎన్నో పుస్తకాలను రచించారు సుధా మూర్తి. సుధా మూర్తి రచించిన త్రీ థౌజండ్ స్టిచెస్ అనే పుస్తకం 2017 లో విడుదలైంది.

ఈ పుస్తకంలో తన వ్యక్తిగత జీవితానికి సంబంధించిన విషయాలను షేర్ చేశారు సుధా మూర్తి. ఈ బుక్ లో తను ఎయిర్ పోర్ట్ లో ఎదుర్కొన్న ఒక సంఘటన గురించి చెప్పారు. ఒకసారి సుధా మూర్తి లండన్ నుండి బెంగళూరు వెళ్లటానికి బిజినెస్ క్లాస్ టికెట్ బుక్ చేసుకున్నారు. లండన్ లోని హిత్రూ ఎయిర్ పోర్ట్ లో ఈ సంఘటన జరిగింది. సుధా మూర్తి ఇండో వెస్ట్రన్ స్టైల్ లో డ్రెస్ అయ్యి ఉన్నారు.

బోర్డింగ్ పాస్ తీసుకొని ఏరోప్లేన్ ఎక్కడానికి లైన్ లో నిలబడి ఉన్నప్పుడు సుధా మూర్తి ముందు ఒక ఇండియన్ ఆవిడ ఉన్నారు. ఆవిడ చాలా మోడ్రన్ గా రెడీ అయ్యి ఉన్నారు. సుధా మూర్తి వెనకాల కూడా తన ముందున్న ఆవిడ ఫ్రెండ్ ఉన్నారు. సుధా మూర్తి ముందున్నావిడ సుధా మూర్తిని చూసి బోర్డింగ్ పాస్ చూపించమని అడిగారు. అందుకు సుధా మూర్తి ఎందుకు అని అడగగా, “మీరు ఎక్కాల్సిన క్లాస్ ఇది కాదు. ఎకానమీ క్లాస్. ఇది బిజినెస్ క్లాస్” అని అన్నారు ఆ మహిళ.

అందుకు సుధా మూర్తి “బిజినెస్ క్లాస్ కి, ఎకానమీ క్లాస్ కి తేడా ఏంటి?” అని తెలియనట్టుగా అడిగారు. దీనికి ముందు ఉన్న ఆవిడ బిజినెస్ క్లాస్ అంటే ఏంటో చెప్పి సుధా మూర్తి ని ఎకానమీ క్లాస్ లైన్ లో నిల్చోమని చెప్పారు. కానీ సుధా మూర్తి ఆవిడ మాటలు పట్టించుకోకపోవడంతో ,ఆ ముందున్న ఆవిడ సుధా మూర్తి వెనక ఉన్న ఆవిడతో వీళ్ళు ఇంతే ఎంత చెప్పినా వినరు అని అన్నారు. బోర్డింగ్ పాస్ చూపించే సమయానికి ఆ ఇద్దరు మహిళలు అక్కడే నుంచుని అధికారులు ఏమంటారో అని ఎదురుచూడసాగారు.

కానీ సుధా మూర్తి తన బోర్డింగ్ పాస్ చూపించడంతో వాళ్ళిద్దరూ షాకయ్యారు. తర్వాత లోపలికి వెళ్ళిన సుధామూర్తి ఆ ఇద్దరు మహిళలతో నేను ఊరి మహిళ అయ్యి ఉండవచ్చు కానీ మీరు మాత్రం క్లాస్ వాళ్ళు కాదు. ఒక మనిషికి క్లాస్ అనేది డబ్బులను బట్టి రాదు. చేసే మంచి పనులతో వస్తుంది అని చెప్పి అక్కడి నుంచి వెళ్ళిపోయారు.

ఇలా సుధా మూర్తి ఒక్కరికే కాదు. మనిషి కనిపించే విధానాన్ని చూసి అంచనా వేయడం అనేది మనం కూడా చూస్తూనే ఉంటాం.మనమందరం ఈ సమస్యను ఎదుర్కొంటున్నా కూడా మనలో చాలా మంది దీనిని ఇగ్నోర్ చేస్తూ ఉంటాం. కొంత మంది మాత్రమే వాళ్ళకి తిరిగి ఎదురు చెప్పగలుగుతారు.