Human angle

పెళ్లి అనేది ఒక వ్యక్తి పర్సనల్ ఛాయిస్. అందరికీ ఒక పర్టిక్యులర్ వయసులోనే పెళ్లి చేసుకోవాలని అనిపించదు. కొంత మందికి పెళ్ళికంటే ముఖ్యమైనవి చాలా ఉంటాయి. కెరీర్ లో ఒక స్టేజ్ కి వచ్చి, వాళ్ళు అనుకున్నది సాధించిన తర్వాత పెళ్లి చేసుకుందాం అనుకునేవాళ్లు చాలా మంది ఉంటారు.

అయితే 30 సంవత్సరాలు దాటిన తర్వాత పెళ్లి చేసుకుంటే కొన్ని ఇబ్బందులు వచ్చే అవకాశాలు ఉన్నాయి అని నిపుణులు చెబుతున్నారు. అవేంటంటే.

# ఈ ఏజ్ గ్రూప్ లో జీవితం పై పూర్తి స్పష్టత వస్తుంది. వీలైనంత వరకు కెరియర్ పై ఫోకస్ చేసి డబ్బు సంపాదించాలి అని అనుకుంటారు. దాంతో వైవాహిక జీవితంపై శ్రద్ధ పెట్టడం కష్టం అయ్యే అవకాశాలు ఉన్నాయి.

# ఒకరిపై ఒకరికి ఆకర్షణ తగ్గిపోతుంది. దాంతో వైవాహిక జీవితం చాలా డల్ గా సాగుతుంది అని నిపుణులు అంటున్నారు.

# వేరే విషయాల మీదకి, అంటే ఉద్యోగం, డబ్బు సంపాదించడంలో బిజీ అయిపోవడంతో ఒకరిపై ఒకరికి శ్రద్ధ పెట్టే సమయం చాలా తక్కువగా ఉంటుంది. దాంతో వేరే రిలేషన్ షిప్ వైపు ఫోకస్ వెళ్లే అవకాశాలు ఉంటాయట.

# సమాజం నుండి వచ్చే ఒత్తిడి గురించి మనందరికీ తెలుసు. ఎవరినైనా సరే తొందరగా జడ్జ్ చేయడంలో చాలా మంది ముందుంటారు. దాంతో ఒకవేళ మైండ్ కొంచెం సున్నితంగా ఉన్న వాళ్ళు అయితే సమాజం నుండి వచ్చే ఒత్తిడిని సీరియస్ గా తీసుకునే అవకాశాలు ఉంటాయి. దాని వల్ల మానసికంగా ఇబ్బందులు ఎదురు అవుతూ ఉంటాయి.

# భవిష్యత్తు ఎలా ఉండాలి ? జీవితం ఎలా ప్లాన్ చేసుకోవాలి ? అనే విషయంలో పడి ప్రస్తుతం ఉన్న మూమెంట్ ని ఎంజాయ్ చేసే అవకాశాలు కూడా తక్కువగా ఉంటాయి.

ఏదేమైనా సరే ఇందాక పైన చెప్పినట్టుగా పెళ్లి అనేది ఒక వ్యక్తి పర్సనల్ ఛాయిస్. ఒక వ్యక్తికి తన జీవితంలో ఎప్పుడు ఏం చేయాలి అనే విషయంపై క్లారిటీ ఉంటుంది. దాన్ని బట్టి వాళ్ళు వారి నిర్ణయాలు తీసుకుంటారు. కాబట్టి ఎవరిని కూడా జడ్జ్ చేయలేము.

యుక్త వయస్సులో ప్రేమించుకోవడం ఎంత కామన్ గా జరుగుతుందో ప్రేమలో విఫలం కావడం కూడా అంతే కామన్ గా జరుగుతుంది. కానీ ఏ బంధాన్ని ముగించాలని ఎవరు అనుకోరు. ప్రతి ఒక్కరు తమ బంధాన్ని నిలుపుకోవాలని చాలా ప్రయత్నిస్తారు.

అయితే ప్రేమలో విఫలం అయితే అబ్బాయిలు అయితే కృంగిపోయి త్రాగుడుకి బానిస అయిపోతారు. కొంతమంది అమ్మాయిలు అయితే లవ్ ఫెయిల్యూర్ అయిన తర్వాత కొన్ని రోజులు బాధపడిన కూడా తరువాత మరిచిపోయే ప్రయత్నం చేసి కొత్త జీవితం స్టార్ట్ చేస్తారు. అయితే ఒక బంధం బీటలు వారడానికి ఎన్నో కారణాలుంటాయి. ఇప్పుడు ఆ కారణాలేవో చూద్దాం..

#1 మీ భాగస్వామి లో లోపాలు వెతకడం

చాలా మంది ప్రేమలో ఉన్నప్పుడు తమలోని మంచి విషయాలనే చూపిస్తూ ఉంటారు. కానీ కాలం గడిచే కొద్దీ తమలో దాగి ఉన్న ప్రతి లక్షణాన్ని బయట పెడతారు. దీంతో భాగస్వామి లో అశాంతి, అసహనం మొదలవుతుంది. ఇది ఆ బంధాన్ని బలహీనం చేస్తుంది.

#2 భాగస్వామి నుంచి ఎక్కువ కోరుకోవడం

మన భాగస్వామి మనకి అది చెయ్యాలి, ఇది ఇవ్వాలి అని ఆశలు పెంచుకున్నట్లయితే చివరికి మనకి నిరాశ తప్పదు.

#3 నమ్మకం

నమ్మకం.. ఒక బంధానికి పునాదులు పడేది నమ్మకం నుంచి మాత్రమే. అదే మీ బంధాన్ని దృఢం చేస్తుంది. కానీ ఒకసారి మీ భాగస్వామి మిమ్మల్ని నమ్మడం మానేస్తే.. అది తిరిగి నిర్మించుకోవడం చాలా కష్టం.

#4 కమ్యూనికేషన్ గ్యాప్

ఒక బంధం లో ఇద్దరు వ్యక్తుల మధ్య కమ్యూనికేషన్ విషయం లో ఒక్కసారి దూరం వస్తే.. తిరిగి కూర్చొని మాట్లాడుకొని ఆ సమస్యని పరిష్కరించుకోవాలి. లేదంటే దాని వల్ల ఎన్నో సమస్యలు వస్తాయి. ఒక బంధం విడిపోవడానికి ఇది ఒక కారణం.

#5 గతం గురించి చర్చించడం

మీ భాగస్వామి గతం లో ఏవైనా తప్పులు చేసి ఉంటే.. వాటిని చర్చించి.. మీ భాగస్వామిని క్షమించి ముందుకు సాగాలి. కానీ ఆ తర్వాత వాటిని ఎత్తి చూపుతూ వారిని బాధ పెట్టకూడదు.

#6 ఆధిపత్య ధోరణి

తమ బంధం లో ఎప్పుడు తమదే పై చేయిగా ఉండాలి.. న మాటే ఇతరులు వినాలి అన్న స్వార్థం తో ఉంటే మరో వ్యక్తికీ బాధ తప్పదు.

#7 ఆర్థిక సమస్యలు

ఒక బంధం సుఖంగా.. సంతోషంగా సాగాలి అనుకుంటే దానిలో డబ్బు ముఖ్య పాత్ర పోషిస్తుంది. ఆర్థిక పరమైన విషయాలను ముందుగానే చర్చించుకోవాలి. లేకుంటే దాని వల్ల ఇబ్బందులు తప్పవు.

#8 సంప్రదాయాల మధ్య బేధాలు

మన దేశం లో ఉన్న అనేక సంప్రదాయాల మధ్య బేధాల వల్ల కూడా ఒక బంధానికి అడ్డంకులు ఏర్పడవచ్చు.

నా పేరు కుమార్. నేను బి టెక్ చదువుతున్న సమయం లో నాగ చైతన్య, రకుల్ జంటగా వచ్చిన ‘రారండోయ్ వేడుక చూద్దాం..’ మూవీ రిలీజ్ అయ్యింది. నేను సినిమాలు ఎక్కువగా చూస్తాను. ఈ మూవీ ట్రైలర్ బావుండటం తో సినిమాకి వెళ్ళా. నాకు ఈ సినిమా మొత్తం లో నచ్చింది హీరోయిన్ రకుల్. అంటే ఆమె కేరెక్టరైజేషన్. భ్రమరాంబ కేరెక్టర్ లో రకుల్ జీవించేసింది.

ఈ సినిమాకి ఆమె పాత్ర పెద్ద అసెట్. అయితే ఆ సినిమా చూసి వచ్చిన తర్వాత కూడా నన్ను ఆ పాత్ర వదిలిపోలేదు. అంతగా నచ్చేసింది. మొండిఘటం , పెంకి పిల్ల అయిన భ్రమరాంబని హీరో తన ప్రేమతో ఎలా మార్చుకుంటాడు అన్నదే ఈ మూవీ.

అయితే తన కష్టంలో, తన కాలక్షేపంలో, తన భయంలో, తన ఆనందంలో అన్నిట్లోను కథానాయకుడినే గుర్తు చేసుకుని, అన్నిటికీ అతడి సహచర్యమే ఆమె కోరుకుంటుంది భ్రమరాంబ. దీంతో నేను ఈ కేరెక్టర్ తో ప్రేమలో పడిపోయి.. అలంటి అమ్మాయి లైఫ్ లోకి వస్తే బావుంటుంది అనుకున్నా..

ఇక తర్వాత కొంత కాలానికి నేను నా క్లాసుమేట్ విద్య ని లవ్ చేశా. ఆమె కూడా నన్ను ఇష్టపడింది. ఆమెది భ్రమరాంబ లాంటి కేరెక్టర్ ఏ. నాకు నచ్చిన క్వాలిటీస్ ఉన్న అమ్మాయే నాకు దొరికింది అనుకున్నా. దీంతో మేమిద్దరం త్వరగా క్లోజ్ అయిపోయాం. కొన్ని రోజులు బాగానే ఉంది. కానీ రాను రాను ఆమె ప్రవర్తన నాకు నచ్చట్లేదు. ఆ మొండితనం తో నాకు చిరాకు వచ్చేసింది. కొన్ని సందర్భాల్లో స్వార్థం గా ఉండేది.

అలాగే తనకు నచ్చని పని ఏం చేసినా.. చాలా గొడవ చేసేది. నేను మాత్రం తనకి నచ్చిన పనులే చెయ్యాలి. నా నుంచి చాలా హెల్ప్ తీసుకొనేది కానీ ఒక్కోసారి నేను ఎవరో అన్నట్టు బెహేవ్ చేసేది. నేను ఎన్ని పనుల్లో ఉన్నా తనకి అవసరం రాగానే వెంటనే స్పందించాలి అని గొడవ చేసేది. విద్య తో ఎంతో అందం గా ఊహించుకున్న నా లైఫ్ ఆమె ప్రవర్తనతో నరకం లా తయారయ్యింది.

అప్పుడు నాకు అర్థం అయ్యింది. సినిమాల్లో చూపించిన పాత్రలను బట్టి మన జీవితాలను ఊహించుకోకూడదు అని. ఆ పాత్రలను మనల్ని ఎంటర్టైన్ చేసేందుకు సృష్టిస్తారు. అటువంటి వాళ్లే కావాలి. అటువంటి జీవితం కావాలి అని మనం కోరుకోకూడదు అని నాకు అర్థం అయ్యింది. చివరికి విద్య తో నా రిలేషన్ ని ఎండ్ చేసుకున్నా. నాకు తగ్గ అమ్మాయి.. నన్ను అర్థం చేసుకొనే అమ్మాయి నా లైఫ్ లోకి వస్తుంది అని నేను ఎదురుచూస్తున్నాను.

భార్య భర్తల బంధం అనేది ఎంతో అపురూపమైనది. ఎన్ని కష్టాలు వచ్చినా ఒకరితో ఒకరు తోడుంటూ జీవితాన్ని కొనసాగించడమే నిజమైన భార్య భర్తల సంబంధం.

ఇలాంటిదే ఒక కథ సోషల్ మీడియాలో హల్చల్ చేస్తోంది. అతనికి వచ్చిన కొద్దిపాటి ఆదాయంతోనే భార్యను ఉన్నత చదువులు చదివించారు. ప్రేమించి పెళ్లి చేసుకున్న భార్య ఏదో విషయం మీద దిగులుగా ఉందనే విషయాన్ని గమనించాడు. తమ 8 వ పెళ్లి రోజు కానుకగా ఒక అద్భుతమైన బహుమతిని భార్యకు ఇచ్చి  ఆశ్చర్యపరిచాడు

అనీష్  ఒక ప్రైవేట్ సంస్థలో ఉద్యోగం చేస్తుండగా రజితను ప్రేమించాడు. పెద్దలను ఒప్పించి వివాహం చేసుకుందామని వీరిరువురు నిర్ణయించుకున్నారు. అనీష్ కుటుంబం వారు ఒప్పుకున్నా, రజిత కుటుంబ వారి పెళ్ళికి నిరాకరించారు.

చివరకు రజిత కుటుంబవారు ఒక షరతు మీద వీరి పెళ్లి జరగడానికి ఒప్పుకున్నారు. ఎలాంటి పెళ్లి ఆచారం లేకుండా కట్టుబట్టలతో తీసుకెళ్ళమని అనీష్ కుటుంబాన్ని కోరారు. వరుడు అనీష్ బంధువులు మరియు స్నేహితుల సమక్షంలో చాలా సాధారణంగా డిసెంబర్ 29 2014 లో  వివాహం చేసుకున్నారు.

అనీష్ కి వచ్చే కొద్దిపాటి ఆదాయంతోనే రజితను ఉన్నత చదువులు చదివించారు. భర్త ఆసరాతో రజిత కామర్స్ లో పీహెచ్డీ చదువులు పూర్తి చేసింది. ప్రేమించి ఇష్టపడి పెళ్లి చేసుకున్నా అనీష్, భార్యలో ఏదో అసంతృప్తి కల్పిస్తున్నట్లు గమనించాడు. ఏదైనా పెళ్లి వేడుకలో పాల్గొన్న భార్య మొహంలో ఒక చింత కనిపించేది అనీష్ కి.  తమ పెళ్లి అంత సాదాసీదాగా జరిగిపోవడం విధిరాత అని అనుకుంటూ ఉండేది రజిత.

రజిత కి వధువుగా అలంకరించుకోవాలి అనే కోరిక ఉండేది. వారి పెళ్లి రోజున తీసిన ఫోటోలు వీడియోలులో రజిత అన్నిటిలోనూ విచారంగానే కనిపించింది. ఇది చూసిన అనీష్ కు ఎంతో బాధగా అనిపించి తమ 8వ పెళ్లి రోజును వారే ఎప్పటికీ మర్చిపోకూడదు అని నిర్ణయించుకున్నాడు అనీష్.

తమ 7 ఏళ్ల కుమార్తె అమ్ము సాక్షిగా పెళ్లినాటి ప్రమాణాలు చేస్తూ వెడ్డింగ్ ఫోటోషూట్ ను ఏర్పాటు చేశారు. అనీష్ రజిత వధూవరులుగా ముస్తాబయ్యారు. అట్టుకల్ దేవాలయం, శంకుముఖం బీచ్ తో సహా అనేక ప్రదేశాలలో ఫోటోషూట్ జరిగింది. ఈ ఫోటోలు డిజిటల్ ఆల్బమ్ గా మారింది. ఈ సారి ఫోటోలో ప్రత్యేకత ఏంటంటే “రజిత ముఖం చిరునవ్వుతో” వెలిగిపోయింది. భార్య కలను నెరవేర్చిన ఈ భర్త ఎంత గొప్పవాడో కదా..

మనం పూర్వ కాలంలో చూసుకున్నట్లయితే ఆడవాళ్లు బయట పనులు చేసేవారు కాదు. కేవలం ఇంట్లోనే ఇంటి పనులు చేసుకుంటూ ఉండే వారు. రోజంతా కూడా వంట పనులు చేసుకోవడం మొదలు ఎన్నో పనులు అప్పట్లో ఆడవాళ్లు చేసుకునే వారు. అయితే ఈ కాలంలో అమ్మాయిలు ఉద్యోగం చేస్తున్నారు.

ఉద్యోగం చేయడం నిజంగా గొప్ప విషయం. పూర్వ కాలంలో అమ్మాయిలు పెద్దగా చదువుకునే వారు కాదు. చదువుకోనిచ్చే వారు కూడా కాదు. కానీ ఇప్పుడు కాలం మారింది.

ప్రతి ఒక్కరి ఆలోచన కూడా మారింది. పురుషులతో సమానంగా స్త్రీలకు కూడా ఉద్యోగ అవకాశాలు వస్తున్నాయి. చదువులో కూడా ఆడవాళ్లు ముందు ఉంటున్నారు. అయితే ఈ మధ్య కాలంలో మనం చూసుకున్నట్లయితే ఇంట్లో ఉండే ఈతరం కోడళ్ళు ఇంటి పనులకు చాలా దూరంగా ఉంటున్నారు. అసలు ఇంటి పనులు చేయడానికి ఇష్టపడటం లేదు.

కేవలం ఉద్యోగం మరియు వాళ్ళ పనులు చేసుకుంటున్నారు. కానీ ఇంటి పనులు జోలికి పోవడం లేదు. ఎందుకు ఇంటి పనులు జోలికి వెళ్లడం లేదు అన్న ప్రశ్నకి ఓ కోరా యూజర్ ఇలా ఒక సమాధానం చెప్పింది. దానిని చూశారంటే షాక్ అవుతారు. ఆడవాళ్ళు మాత్రమే ఇంటి పనులు చేయాలని అలసిపోయినా సరే ఆడవాళ్ళు ఖచ్చితంగా ఇంటి పనులు చేసుకోవాలి అని అంటూ ఉంటారు.

అదే ఒకవేళ మగవాళ్ళు లేదా అబ్బాయిలు ఇంటి పనులు నేర్చుకున్నా, వాళ్ళకి వచ్చినా, ఖాళీగా వున్నా కూడా వాళ్ళని ఎప్పుడూ చేయమని చెప్పరు. వాళ్ళు అబ్బాయిల కనుక చెయ్యక్కర్లేదు అంటారు. అమ్మాయిలు కుకింగ్ నేర్చుకోకూడదు.. పనులు చేయకూడదు అని నేను చెప్పట్లేదు.. కానీ, అది అమ్మాయిలు మాత్రమే నేర్చుకుని చేయాల్సిన అవసరం లేదు. అది బతకడం కోసం అవసరమైన విద్య. అందరు నేర్చుకోవాల్సిన అవసరం ఎంతో ఉంది. ఈ ప్రశ్నలో కూడా.. కోడళ్ళు ఎందుకు పనులు చెయ్యట్లేదు..? అని మాత్రమే ఉంది.. ఇదే ప్రశ్న వారు వారి కొడుకులని అడుగుతారా..? అడుగగలరా..?

ఎట్టి పరిస్థితుల్లోనూ అడగరు. ఎందుకంటే వారు అబ్బాయిలు కదా అని అనేస్తూ ఉంటారు. దీనినే పక్షపాతం అని అంటారు. ఇబ్బందికర పరిస్థితులు అమ్మాయిలకు కూడా వస్తుంటాయి. వాటిని అర్ధం చేసుకునే విధంగా కొడుకులని పెంచాలి. కానీ అమ్మాయి అలసిపోయినా, ఏదైనా సమస్య ఉన్నా ఖచ్చితంగా పనులు చేసుకోవాల్సిందే. ఆమె అలసిపోయినప్పటికి కూడా ఎవరూ పట్టించుకోరు అని ఒక ఆమె బదులిచ్చింది.

గతం లో ఒక వృద్ధురాలు పళ్ళు అమ్ముతూ ఉండేది. ఒక యువకుడు ఆమె దగ్గర పళ్ళు కొన్నాడు. ఆ తర్వాత వాటి లోంచి ఒక పండు తీసి తిని చూసి.. ‘ఇది చాలా పుల్లగా ఉంది నాకు వద్దు..’ అంటూ ఆ వృద్ధురాలికి తిరిగి ఇచ్చేస్తాడు.

అప్పుడు ఆ వృద్ధురాలు దాన్ని తిని చూసి ‘తియ్యగానే ఉంది కదా బాబు..’ అంటుంది. అప్పుడు ఆ యువకుడు నాకు ఆ పండు వద్దు నువ్వే ఉంచుకో అని వెళ్ళిపోతాడు. అప్పుడు ఆ యువకుడి స్నేహితురాలు అతడి దగ్గరకు వచ్చి ‘నువ్వు ఎందుకు రోజు ఆమె వద్ద పళ్ళు కొని.. ఒక దాన్ని తిరిగి ఇచ్చేస్తావు..’ అని అడుగుతుంది.

అప్పుడు ఆ యువకుడు..’ఆ బామ్మ రోజు పళ్ళు అమ్ముతూ ఉంటుంది కానీ వాటిలో ఒక్క దాన్ని కూడా తినదు. నేను అందుకే ఇలా చేస్తున్నాను’ అంటదు. అలాగే ఆ బామ్మ పక్క దుకాణం వ్యక్తి బామ్మ తో..’నువ్వు ఎందుకు రోజు అతడికి త్రాసులో ఎక్కువ పళ్ళను వేస్తున్నావు..’ అని అడగ్గా.. బామ్మ దానికి సమాధానంగా ‘అతడు రోజు నేను తినాలని ఒక్కో పండుని ఏదొక వంక చెప్పి నాకు తిరిగి ఇచ్చేస్తూ ఉంటాడు.. అందుకే నాకు తెలియకుండానే నా త్రాసు అతడి కోసం ఎక్కువగా తూగుతుంది..:’ అని చెప్తుంది.

పైన చెప్పుకున్న ఘటనలో మంచితనాన్ని మనం పంచితే అది తిరిగి మనకు ఏదొక రూపం లో తిరిగి వస్తుందని చెబుతోంది. మనం ఒకరితో దయగా ఉంటే ఆ ఒకరు మరొకరితో దయగా ఉంటారు. సాహసం, వీరత్వం కంటే దయ కలిగినవాడే గొప్పవాడు. మనం చేసిన మంచి తిరిగి మనకి ఏదోక రూపం లో మనకి సహాయం దక్కుతుంది. ప్రస్తుత కాలం లో ఇంట్లో, ఆఫీసుల్లో, సంఘంలో దయ లోపించడం వల్లే ఇవాళ సమస్యలు పెరిగిపోయాయి. మంచితనం అనేది మనుషుల్లో తగ్గిపోయింది.

దేవుడు మనుషుల కోసం ఉష్ణం గక్కే పగలు నుంచి సాంత్వనం కోసం రాత్రిని ఇచ్చాడు. క్రూరమృగాల కీకారణ్యంలో తీయని ఫలాలను ఇచ్చాడు. నదులను గీత కొట్టి అంతే పారాలని ఇచ్చాడు. సముద్రానికి చెలియలికట్టలు గీచాడు. జబ్బు ఉన్నచోటే మందు ఇచ్చాడు. గాయపడిన చోట మాన్పుకోవడమూ నేర్పాడు. కంటిలో నీరు ఇచ్చి ఆనందబాష్పాలను కూడా చిలకరించాడు. ఇవన్నీ మనుషులకు ఇచ్చిన దేవుడు మనుషులు ఒకరితో ఒకరు దయగా ఉండాలని..ఇతరులను చూసి అసూయపడకుండా.. ఇతరుల సంతోషాన్ని చూసి సంతోషంగా ఉండాలని ఆశించాడు.

ఒక కాకి ఇబ్బందులలో ఉంటే క్షణాలలో వందల కాకులు పోగై వాటికి అండగా నిలుస్తాయి. ఆలాగే చాలా మూగజీవులు ఒకటికి మరోకటి అండగా ఉంటాయి. విజ్ఞత కలిగిన మనం ఎందుకు ఉండ కూడదు అని ఆలోచిద్దాం, సాటి వారికి సహాయంగా నిలబడదాం. చేతనైన సహాయ సహకారాలను అందిద్దాం. అది మానవ జాతి సహజ లక్షణం.

జేబులో కొన్ని డబ్బులు ఉంటే చాలు నేల మీద కాలే నిలవదు. చాలా మందికి కాస్త డబ్బులు వచ్చే సరికి ఎక్కడా లేని డాబు వచ్చేస్తుంది. నాలుగు రూపాయలు ఉండే సరికి ఘోరంగా ఖర్చు పెట్టేస్తూ ఉంటారు ఇక భవిష్యత్తు గురించి కూడా ఆలోచన ఉండదు. పైగా ఎవరు గుర్తు రారు. డబ్బు ఉన్నంతసేపు వాళ్లకి నచ్చినది చేసేసి ఎవరిని కనీసం పట్టించుకోరు. కళ్ళు నెత్తికెక్కేస్తాయి.

ఒక్కసారిగా విపరీతమైన స్టైల్ కొడుతూ ఉంటారు చాలామంది. కానీ సుధా మూర్తి గారిని చూసే వీళ్లంతా నేర్చుకోవాలి.

ఇన్ఫోసిస్ చైర్ పెర్సన్ సుధా మూర్తి గురించి కొత్తగా చెప్పాల్సిందేమీ లేదు. అందరికీ తెలిసిందే. రచయితగా, వక్తగా, సామాజిక సేవకురాలుగా ఈమె ఎంతో గుర్తింపుని తెచ్చుకున్నారు. సోషల్ మీడియాలో ఈమె తాజా ఫోటోలను చూసి ప్రతి ఒక్కరు కూడా అవాక్కవుతున్నారు. ఏంటి సుధా మూర్తి యేనా ఆమె ఏంటి ఇలా ఉన్నారు అని అంతా ఆశ్చర్యపోతున్నారు. ఈమె పద్మశ్రీ, పద్మభూషణ్ అవార్డులను కూడా సొంతం చేసుకున్నారు. ఐటీ దిగ్గజ కంపెనీ ఇన్ఫోసిస్ వ్యవస్థాపకుడు నారాయణమూర్తి భార్య ఈమె. బ్రిటన్ ప్రధాని రిషి సునాక్ అత్తయ్య. అయినా కూడా ఆమెలో ఎలాంటి గర్వం లేదు.

ఎంతో సింపుల్ గా ఉన్నారు. చూసిన వాళ్లంతా కూడా ఈమె ని చూసి నేర్చుకోండి అని అంటున్నారు. తిరువనంతపురంలో అట్టుకల్ భగవతి ఆలయంలో ఒక సామాన్యురాలిగా ఈమె కూర్చుని పొంగలిని వడ్డించారు. కాసేపు ఆమె ప్రసాదం వితరణ చేశారు. వేలాది మంది భక్తులు అక్కడ ఉన్నారు. ప్రసాదం తయారు చేయడంలో కూడా ఈమె సహాయం చేశారు. అక్కడ ఉన్న మహిళలతో ఎంతో సింపుల్ గా సాధారణంగా మాట్లాడారు.

ఈ వేడుకల్లో ఈమె పాల్గొని అందరినీ ఆశ్చర్యపరిచారు. పొంగల్ వేడుక నారి శక్తికి నిదర్శనమని సుధా మూర్తి అన్నారు. కులం ప్రాంతం పేద ధనిక అని తేడాలు ఉండవని ఇక్కడ లేవని చెప్పారు. అందరూ కూడా ఒకటే అని సందేశాన్ని ఇచ్చారు సుధా మూర్తి. సుధా మూర్తి ఒక సామాన్యురాలుగా ఎంతో సింపుల్ గా కనపడ్డారు. ఈ ఫోటోలు ప్రస్తుతం సోషల్ మీడియాలో వైరల్ గా మారాయి.