Human angle

ఒక మనిషి కష్టపడితే ఏదైనా సాధించవచ్చు అని అంటారు. ఇదే నిజమని చాలా మంది నిరూపించారు. ఇప్పుడు ఈ జాబితాలోకి మరొక వ్యక్తి కూడా చేరారు. వివరాల్లోకి వెళ్తే, సమయం కథనం ప్రకారం పశ్చిమ గోదావరి జిల్లా నిడదవోలుకి చెందిన యలగాడ బాలరాజు ఒక ఆటో డ్రైవర్. బాలరాజు చిన్నతనంలోనే సైకిల్ మెకానిక్ గా పనిచేసి కుటుంబానికి ఆసరాగా నిలిచారు. ఆ తర్వాత సొంతంగా ఆటో కొనుక్కొని డ్రైవర్ గా జీవితాన్ని ప్రారంభించారు.

ఆపదలో ఉన్న వాళ్ళకి ఎంతోమందికి సహాయం చేసి ప్రశంసలు పొందారు. 2008 నుంచి 2014 వరకు హరిజన యువజన సేవా సంఘం అధ్యక్షుడిగా కూడా పనిచేశారు బాలరాజు. 2015లో మదర్ థెరిసా ఆటో యూనియన్ అధ్యక్షుడిగా పనిచేశారు. అయితే గతంలో బాలరాజు కాంగ్రెస్ లో ఉన్నారు.

2014 లో వై.య.స్.ఆర్.సి.పి కౌన్సిలర్ గా పోటీ చేసి 350 ఓట్లతో గెలుపొందారు. అప్పటి నుంచి ఎక్కడ సమస్య వచ్చినా కానీ పరిష్కరించడానికి ముందుండేవారు బాలరాజు. ఆటో నడుపుతూ కుటుంబాన్ని పోషించుకుంటూ, ప్రజా ప్రతినిధిగా కూడా బాధ్యతలను నిర్వహించారు బాలరాజు. బాలరాజు సేవలను గుర్తించిన పార్టీ రెండోసారి కౌన్సిలర్ సీటు ఇచ్చారు.

కొన్ని రోజుల క్రితం జరిగిన నిడదవోలు మున్సిపల్ ఎన్నికల్లో బాలరాజు 13 వ వార్డు కౌన్సిలర్ గా పోటీ చేసి 385 ఓట్ల మెజారిటీతో విజయం సాధించారు. మున్సిపాలిటీలో ఇద్దరు వైస్ చైర్మన్ లు ఉండాలి అని ప్రభుత్వం నిర్ణయం తీసుకుంది. దాంతో సామాజిక సమీకరణాలలో భాగంగా మరొక వైస్ చైర్ పర్సన్ గా బాలరాజు ని ఎంపిక చేశారు.

గత రెండేళ్లు గా కరోనా మహమ్మారి మానవ జీవితాన్ని అస్తవ్యస్తం చేసింది. ఈ మహమ్మారి కారణం గా ఎంతోమంది ఆదాయాలను కోల్పోయారు. బతుకుతెరువు లేక అవస్థలు పడుతున్నారు. ఈ పరిస్థితిలో ఓ గృహిణి కి వచ్చిన ఐడియా ఆమెను లక్షల ఆదాయాన్ని పొందేలా చేసింది. ఆమె స్టోరీ ఏంటో ఈరోజు తెలుసుకుందాం.

ఆమె పేరు హీనా హోగీష్ భేడా. ఆమెకు పెళ్ళై పదిహేనేళ్ళు అయింది. ఆమెకు ఇద్దరు పిల్లలు కూడా ఉన్నారు. అయితే.. మొదట పుట్టిన కొడుకు డెలివరీ సమయానికంటే ఏడు వారాలు ముందే పుట్టాడు. ఆ బాబు పుట్టినసమయం లో ఆరోగ్యంగానే ఉన్నాడు. కానీ.. వయసు పెరుగుతున్న కొద్దీ అతనిలో రోగనిరోధక శక్తీ తగ్గిపోవడాన్ని హీనా గుర్తించారు.

దీనికి పరిష్కారం ఏంటా అని ఆమె ఆలోచించారు. వనమూలికల ద్వారా ఆ బాబు ఆరోగ్యాన్ని తిరిగి తీసుకురావాలని ఆమె అనుకున్నారు.

వెంటనే అందుకు సంబంధించి పనులను కూడా మొదలుపెట్టారు. వనమూలికల గురించి లోతు గా అధ్యయనం చేసారు. అశ్వగంధ, మోరింగ, గిలాయ్ వంటి వనమూలికల గురించి తెలుసుకుంది. వీటితో తయారుచేసిన టీపొడి తో టీ చేసుకుని తాగితే రోగ నిరోధక శక్తీ పెరుగుతుందని గ్రహించింది. అందుకోసం కూడా ప్రయత్నాలు చేసింది.

కెఫీన్ పదార్ధం లేకుండానే.. ఈ వనమూలికలతో టీ పొడి చేసి అమ్మడం ప్రారంభించింది. ఆమె ఉత్పత్తులకు మంచి డిమాండ్ ఏర్పడడం తో తన వ్యాపారాన్ని విస్తరించింది. రెండు లక్షలతో పెట్టుబడి పెట్టిన ఆమె నేడు నెలకి రెండున్నర లక్షల లాభాన్ని పొందగలిగే స్థితి కి చేరుకుంది.

తన వ్యాపారాన్ని విస్తరించింది. మరికొందరికి పని కల్పించింది. ఆమె ఉత్పత్తులకు మరింత ఆదరణ పెరుగుతోంది. తొందరలోనే ఆమె ఆన్ లైన్ ద్వారా మరిన్ని ఉత్పత్తులను తీసుకురావడానికి ప్రయత్నించింది.

సాధారణం గా దొంగ అన్న పేరు వినగానే మనకు విపరీతమైన కోపం వచ్చేస్తుంది. ఎందుకంటే.. మనం కష్టపడి సంపాదించుకున్న సొమ్ములను, విలువైన వస్తువులను దోచుకుంటారు అన్న ఉద్దేశ్యం మనలో ఉండిపోతుంది కాబట్టి.. మనకి దొంగలు అనగానే.. అంత సదభిప్రాయం కలగదు. కానీ దొంగల్లో కూడా మంచి దొంగలు ఉంటారు అని ఫ్లాయిడ్ లాంటి వాళ్ళు నిరూపించారు. అదెలానో చూద్దాం రండి.

అమెరికా కు చెందిన ఫ్లాయిడ్ అనే ఓ దొంగ అమెరికన్ బ్యాంక్స్ లలో దొంగతనం చేసేవాడు. అయినప్పటికీ… అతనంటే అమెరికన్స్ చాలా అభిమానం చూపేవారట. అతనిని ప్రెట్టీ బాయ్ ఫ్లాయిడ్ అని పిలుచుకుంటారట. అతను ఎక్కువ గా బ్యాంకుల లోనే దొంగతనం చేసేవాడట. అతను దొంగతనం చేయడానికి వెళ్లిన ప్రతి బ్యాంకు లోను పేదవారు అప్పు తీసుకున్న తాలూకు లోన్ కాగితాలను చింపేసేవాడట.

అతను దొంగతనం చేసినప్పటికీ… అతను లోన్ కాగితాలను చింపేయడం వలన అమెరికా లోని పేదవారికి రుణ మాఫీ అయిపోతూ ఉండేది. దీనితో.. అమెరికన్లు అతనిపై అభిమానం పెంచుకోవడం ప్రారంభించారు. చివరకు ఈ అభిమానం ఎంత పెరిగింది అంటే.. ఆ దొంగ చనిపోయిన తరువాత.. అతని అంత్యక్రియలకు చాలా మంది హాజరు అయ్యి సంతాపం తెలిపారట. ఎంతైనా మంచి దొంగ కదూ..

సూపర్ స్టార్ మహేష్ బాబు సామాజిక కార్యక్రమాల్లో కూడా ముందు ఉంటారు. ఎక్కడ ఏ అవసరమైనా ముందుకు వచ్చి తన వంతు సహాయం అందిస్తారు. ఎంతో మందికి వైద్య సహాయం అందించారు, అలాగే వెయ్యికి పైగా ఆపరేషన్స్ చేయించారు. అంతే కాకుండా ఊర్లని దత్తత తీసుకుని అక్కడ పరిసరాలను బాగు చేయించారు. ఇవన్నీ మాత్రమే కాకుండా వైద్యానికి సంబంధించిన విషయాలపై అవగాహన కల్పిస్తూ ఉంటారు.

కోవిడ్ సమయంలో కూడా తన వంతు సహాయం చేశారు మహేష్ బాబు. అలా కొన్ని వేల మంది ఆపరేషన్ కి సహాయం చేశారు మహేష్ బాబు. అయితే మహేష్ బాబు ఇలా ఎవరికైనా చికిత్స అవసరం అయినప్పుడు, అందులోనూ ముఖ్యంగా గుండెకు సంబంధించిన చికిత్స అవసరం అయినప్పుడు సహాయం చేయడానికి వెనకాల ఒక కారణం ఉందట.

ఈ విషయంపై ఒక సందర్భంలో మహేష్ బాబు మాట్లాడుతూ ఈ విధంగా చెప్పారు. “నా కొడుకు గౌతమ్ ప్రీమెచ్యూర్ బేబీ. డాక్టర్లు గౌతమ్ కండీషన్ క్రిటికల్ గా ఉంది అని చెప్పారు. నాకు అప్పుడు చాలా టెన్షన్ గా అనిపించింది. అయితే ఆ ట్రీట్మెంట్ కి సంబంధించిన ఖర్చు నేను భరించగలుగుతాను.

కానీ ఎంతో మంది ఇలాంటి ఆరోగ్య సమస్యల వల్ల ఇబ్బందులు ఎదుర్కొంటున్నారు. ఆ ఇబ్బందులను తగ్గించడానికి మేము మా వంతు కృషి చేస్తాం” అని అన్నారు మహేష్ బాబు. మహేష్ బాబు ప్రస్తుతం సర్కారు వారి పాట షూటింగ్ లో బిజీగా ఉన్నారు. ఆ తర్వాత రాజమౌళితో ఒక సినిమా, అలాగే త్రివిక్రమ్ తో ఒక సినిమా చేయబోతున్నారు.

దేశం ఎంత మోడరన్ గా మారుతున్నా.. ఆడవాళ్ళకి టాయిలెట్ ఇక్కట్లు మాత్రం తప్పడం లేదు. కొన్నిచోట్ల ఉన్నా అవి అంత పరిశుభ్రం గా ఉండకపోవడం, కొన్ని చోట్ల టాయిలెట్స్ ను నిర్మించే వెసులుబాటు లేకపోవడం.. ఇలా కారణం ఏదైనా అమ్మాయిలకు టాయిలెట్ ఇబ్బందులు ఎక్కువ అవుతున్నాయి. ఈ ఇక్కట్లను తీర్చడం కోసం తీసుకొచ్చిందే “మొబైల్ షీ టాయిలెట్”. ఇవి ఎక్కడకి అయినా వెళ్లిపోగలవు. వీటి గురించి మరింత వివరం గా ఈ కధనం లో తెలుసుకుందాం.

సూర్యాపేట, కోదాడకు చెందిన భార్యాభర్తలు జలగం సుధీర్, కల్లెంపూడి సుష్మ అమెరికా లోని ఐటి కంపెనీ లో ప్రాజెక్ట్ మేనేజర్లు గా పనిచేసారు. వీరిద్దరూ ప్రస్తుతం సమాజానికి సాయం చేయాలనే ఉద్దేశ్యం తో తమ ఉద్యోగాలకు రిజైన్ చేసేసి.. ఇండియా కు వచ్చేసారు. ప్రస్తుతం సుధీర్.. పర్యావరణ పరిరక్షణ కోసం ఎలక్ట్రిక్ వాహనాలను ఉపయోగించాలని.. వాటిని ప్రమోట్ చేయడం కోసం ఓ ప్రాజెక్ట్ లో పని చేస్తున్నారు.

మరో వైపు సుష్మ కు ఓ అద్భుతమైన ఆలోచన వచ్చింది. ఆమె చదువుకునే రోజుల్లోనే టాయిలెట్స్ లేక ఎంత ఇబ్బందిపడిందో గుర్తుకు వచ్చింది. అందుకే.. ఈ సమస్యకి పరిష్కారం గా మొబైల్ షీ టాయిలెట్స్ ను తీసుకురావాలని యోచించింది. నగరం లో కొన్ని లక్షల మంది నిరంతరం ఉద్యోగాల కోసం, చదువుల కోసం తిరుగుతూ ఉంటారు. ఈ పరిస్థితులలో టాయిలెట్లు ఎక్కడ ఉన్నాయో గుర్తించడం కూడా కష్టమే.

ఎక్కడో లోపలి ప్రాంతాల్లో ఉన్నా.. వాటికి వెళ్ళడానికి సమయం పడుతూ ఉంటుంది. ఈ ఇబ్బందిని దృష్టిలో ఉంచుకుని మొబైల్ షీ టాయిలెట్లను రూపొందించారు. టాయిలెట్స్ ను ఆటో వంటి వాహనాల్లో అధునాతనం గా ఏర్పాటు చేసారు. వీటిని రద్దీ గా ఉండే ప్రాంతాల్లో పార్క్ చేస్తారు. అలాగే.. వీటి నిర్వహణ కూడా స్త్రీలే నిర్వహిస్తారు. ప్రస్తుతం ఈ సదుపాయాలను మహిళలకు అందుబాటులోకి తీసుకురావడానికి సుష్మ కృషి చేస్తున్నారు.

మరో వైపు, జీహెచ్ ఎమ్ సి, టీఎస్ ఆర్టీసీ వారు కూడా ఇలాంటి వాహనాలను తీసుకొస్తున్నారు. ఎలక్ట్రిక్ ఆటో రిక్షా వాహనాల్లో ఈ మొబైల్ టాయిలెట్స్ ను ఏర్పాటు చేసి తీసుకురావాలని సుష్మ యోచిస్తున్నారు. మరో వైపు ఆమె భర్త సుధీర్ ఎలక్ట్రిక్ వెహికల్ తయారీ ప్రాజెక్ట్ లోనే ఉండడం తో.. ఆమె కు వీటిని తయారు చేయించడం తేలికగా పూర్తయింది. ఈ వాహనం లో ఫ్లష్, వాష్ బేసిన్, 100 లీటర్ల డ్రైనేజి సిస్టం ఉంటుందట. ఒక్కొక్క వాహనం తయారీకి నాలుగు లక్షల వరకు ఖర్చు అవుతోందట. అలాగే.. ఈ వాహనాలను గుర్తించడానికి జిపిఎస్ ట్రాకింగ్ డివైజ్ లను కూడా ఏర్పాటు చేయాలనీ సుష్మ భావిస్తున్నారు.

టీచర్ అనేది ఒక గౌరవప్రదమైన వృత్తి. టీచర్ ని కూడా తల్లిదండ్రులతో సమానంగా గౌరవిస్తారు. కానీ ప్రతి చోట పరిస్థితి ఇదే రకంగా ఉండదు. ప్రస్తుతం అయితే టీచర్ కి గౌరవం ఇస్తే తప్పు చేసినట్లు భావిస్తున్నారు స్టూడెంట్స్. అలాగే వారు టీచర్ అని కూడా మర్చిపోయి ప్రవర్తిస్తున్నారు. ఇలా తాను ఎదుర్కొన్న సమస్యల గురించి టీచర్ గా పని చేసే ఒక మహిళ మెసేజ్ రూపంలో ఈ విధంగా చెప్పారు.

“నేను దాదాపు 15 సంవత్సరాల నుండి టీచర్ గా పనిచేస్తున్నాను. ఈ 15 సంవత్సరాలలో ఎన్నో స్కూల్స్ లో పని చేశాను. ముందు అంతా బానే ఉంది. కానీ గత కొంత కాలం నుండి నేను పని చేసే స్కూల్లో స్టూడెంట్స్ ప్రవర్తన చాలా మారింది. వారి చూపు చాలా ఇబ్బందిగా ఉంది. వాళ్ళందరూ వయసులో నా కంటే చాలా చిన్న వాళ్ళు. కానీ వాళ్ళ ప్రవర్తన మాత్రం చిన్న పిల్లల ప్రవర్తనలాగా లేదు.

స్కూల్ కి ఫోన్ తీసుకురావడం, అందులో ఏవేవో చూడడం, వాటి గురించి డిస్కస్ చేయడం, ఇవన్నీ మా ప్రిన్సిపల్ కి తెలిసినా కూడా ఒకవేళ ఎదురు తిరుగుతారు ఏమో అనే భయంతో తెలిసినా తెలియనట్టు ఉండడం, ఇవన్నీ నాకు ఎందుకో కరెక్ట్ గా అనిపించలేదు. నేను పాఠం చెబుతున్నప్పుడు కూడా నన్ను పై నుంచి కిందకు చూడటం, కింద డస్టర్ పడిపోతే నేను అది తీసుకోవడానికి వంగినప్పుడు నా నడుము చూడడానికి ప్రయత్నించడం, ఇలాంటివన్నీ నేను గమనిస్తూనే ఉన్నాను.

ఇంక అమ్మాయిలు కూడా నేను క్లాస్ చెబుతుంటే నా వెనకాల నవ్వుకోవడం, క్లాస్ లో నుండి నేను బయటికి రాగానే నన్ను అనుకరించడం నేను చాలా సార్లు చూసాను. గట్టిగా తిడదామన్నా కూడా భయమేస్తోంది. ఎందుకంటే వీళ్లు చేసే పనులు వాళ్ల తల్లిదండ్రులకు తెలియవు కాబట్టి వీళ్లు అమాయకులు ఏమో అనుకొని తల్లిదండ్రులు మమ్మల్ని తిడతారు. సరే వీళ్ళని మేమే కంట్రోల్ లో పెడదాము అనుకొని కొంచెం గట్టిగా మాట్లాడితే మేము ఏదో తప్పు చేసినట్టు ప్రచారం చేస్తారు.

ఇప్పుడు నాకు స్కూల్ కి వెళ్తున్నట్టు లేదు. ఒక్కసారి క్లాస్ కి వెళ్ళాలంటే భయం వేస్తోంది. అది కూడా ఈ వయసు పిల్లలు ఇలా చేస్తున్నారు అంటే ఇంకా ఇబ్బందికరంగా ఉంది.  నేను పాఠం చెప్తుంటే మొదటి బెంచ్ లో కూర్చునే పిల్లాడు నన్ను తినేసేలా చూస్తూ ఉంటాడు. అవసరానికి మించి ఇంటర్నెట్ వాడటం వల్ల పిల్లల మెదడు కల్మషంగా తయారయ్యింది.

అంతకుముందు జనరేషన్ పిల్లల్లో కనిపించే అమాయకత్వం ఇప్పుడు జనరేషన్ పిల్లల్లో లేదు. వారి మాటలు కూడా వయసుకి మించి ఉన్నాయి. తమ ఉద్యోగాల్లో, పనుల్లో బిజీ అయిపోవడం వల్ల తల్లిదండ్రులకి కూడా పిల్లలపై ప్రత్యేక శ్రద్ధ చూపడానికి సమయం కుదరట్లేదు. దాంతో వీళ్లు చేసే తప్పుడు పనులు వాళ్ళకి తెలియవు. ఇది కేవలం నా ఒక్కదాని విషయంలోనే కాదు ఎంతో మంది టీచర్స్ విషయంలో ఇలాంటి సమస్యలు ఎదురవుతున్నాయి.

విద్యార్థుల వల్ల తమకు ఏమైనా సమస్యలు ఎదురైనప్పుడు కొంత మంది టీచర్స్ ఎదురు తిరిగి మాట్లాడుతారు. కానీ కొంత మంది మాత్రం “ఒకవేళ అలా మాట్లాడితే ఎటువంటి పరిస్థితులు ఎదుర్కొవాల్సి వస్తుందో” అనే భయంతో మౌనంగానే సర్దుకుపోతారు. బహుశా చాలా మంది రెండవ కోవకు చెందిన వాళ్లే ఉంటారు ఏమో.

NOTE: All the images used in this article were just for representative purpose. But not the actual characters

మనం మన స్ఫూర్తి గా ప్రేమించిన వ్యక్తి మన జీవితం లోకి వస్తే బాగుండు అని కోరుకుంటాం. కానీ.. మనం ఇష్టపడుతున్న వారు మనల్ని కూడా అదే ఇష్టం తో చూస్తున్నారో లేక నటిస్తున్నారో.. తెలుసుకోవాల్సిన అవసరం ఉంది. ఈ విషయం పై క్లారిటీ లేకపోవడం వలనే చాలా ప్రేమ పెళ్లిళ్లు అర్ధాంతరంగానే ముగిసిపోతున్నాయి. పెళ్లి ఎవరి జీవితం లో అయినా ఒక్కసారి వస్తేనే మధురం గా ఉంటుంది. మీ జీవితం లోకి రాబోయే అమ్మాయి ఎలా ఉండాలో ఈ ఆర్టికల్ లో చూడండి.

పెళ్లి అయిన తరువాత ఒకమ్మాయి తన కుటుంబాన్ని వదిలేసి భర్తతో కొత్త కుటుంబం ఏర్పరుచుకోవడానికి వస్తుంది. అందుకే ప్రతి భర్త.. తనని నమ్ముకుని వచ్చిన భార్య పట్ల ప్రేమతో, గౌరవం తో మెలగాలి. అప్పుడే ఆమె కలకాలం పాటు మీతో ఎలాంటి ఇబ్బంది లేకుండా మీ కష్ట సుఖాల్లో పాలుపంచుకోగలుగుతుంది. మగవారు తమ జీవిత లక్ష్యాల కోసం నిరంతరం శ్రమించాలి. అలాగే.. వారితో జీవితాన్ని పంచుకోవడానికి వచ్చిన భార్యలు కుటుంబం పట్ల శ్రద్ధ వహించాలి. ఇలా ఇద్దరు బాలన్స్ చేసుకుంటేనే ఆ కుటుంబం సంతోషం గా ఉంటుంది.

అంటే.. భర్త బాధ్యతలని భార్య గుర్తెరిగి తనకు తోచిన సలహాలతో సహకరించాలి. అలాగే.. భార్య కష్టాన్ని భర్త గుర్తించి అలసట వచ్చినపుడు చేదోడు వాదోడు గా ఉండాలి. అలాంటి భార్య/భర్త మీకు దొరికితే ఎట్టిపరిస్థితుల్లోనూ వదులుకోకండి. ఎందుకంటే.. ఇటువంటి వ్యక్తులు మీతో ఎన్ని గొడవలు పడినా చావు చేరువయ్యేంత వరకు మిమ్మల్ని వదిలిపెట్టరు. కొందరు భార్య/భర్త లు తమ భాగస్వామికి పూర్తి స్వేచ్చని ఇస్తారు. ఏదైనా పొరపాటు చేస్తే మందలిస్తారు.

ఇటువంటి వారిని కూడా తొందరపడి దూరం చేసుకోవద్దు. కొంతమంది ఐతే తమ భాగస్వామి మరొకరివైపు చూసినా, మాట్లాడిన సహించరు. ఇటువంటి వారితో కాస్త జాగ్రత్తగానే ఉండాలి. కొందరైతే అర్ధం చేసుకుని తమ జీవిత భాగస్వామి స్నేహితులను కూడా గౌరవిస్తారు. బంధాలకు విలువ ఇస్తారు. అలాంటి వారు మీకు ఎదురైతే వారితో జీవితాన్ని పంచుకోవడానికి వెనుకాడవద్దు. కొందరు అయితే నిత్యం మీ దినచర్యలో ప్రతి విషయాన్నీ గమనిస్తూ.. తప్పులు సరిచేస్తూ… మీకు నచ్చినట్లు నడుచుకుంటూ ఉంటారు. ఇలాంటి వారు దొరకడం నిజం గా ఓ వరమే. అర్ధం లేని పంతాలు, గొడవలతో ఇటువంటి వ్యక్తులకు దూరం కాకండి.