Human angle

నేనో మామూలు అబ్బాయిని.. మంచి జాబ్ తో లైఫ్ లో సెటిల్ అయ్యా. ఇక మా అమ్మా వాళ్ళు కూడా నాకు సంబంధాలు చూస్తూ ఉన్నారు. ఓ సారి పెళ్లి చూపులకు కూడా తీసుకెళ్లారు. తొలిచూపులోనే ఓ అమ్మాయి ని బాగా ఇష్టపడ్డాను. పెళ్లంటూ చేసుకుంటే ఆమెనే చేసుకోవాలని ఫిక్స్ అయిపోయా..ఇక కట్నాలు, కానుకలు వంటి వాటితో ఆ అమ్మాయి పేరెంట్స్ ని ఇబ్బంది పెట్టద్దు అని మా అమ్మ వాళ్ళకి కూడా చెప్పేశా.. తాను నా జీవితం లోకి వచ్చే రోజు కోసం ఎదురు చూస్తూ ఉన్నా..

పెళ్లిచూపులు పూర్తి అయ్యాయి.. నిశ్చితార్ధం, వివాహ వేడుక కూడా పూర్తయింది. ఈ ఫంక్షన్స్ హడావిడి లో ఆమెతో మాట్లాడడమే కుదరలేదు. తను చాలా సైలెంట్ గా ఉండడం తో ఆమె సిగ్గుపడుతోందేమోనని అనుకున్నాను. కానీ నాతొ మాట్లాడడమే ఇష్టం లేక కాదని అనుకోలేదు. ఫస్ట్ నైట్ సమయం లో మా ఇద్దరికీ మొదటిసారి ఏకాంతం దొరికింది. ఆమె గురించి పూర్తి గా తెలుసుకుని..ఆమెకి ఇష్టమైతేనే ఆమె జీవితంలోకి వెళ్లాలనుకున్నాను. కానీ ఏ మాట మాట్లాడుకోకుండానే తను నిద్రపోయింది.

మూడు రాత్రులు ఇలానే గడిచింది. ఆ తరువాత హనీమూన్ లో కూడా తను ఇలానే తప్పించుకు తిరిగేది. పైకి ముక్తసరిగా మాట్లాడేది. పగలంతా చుట్టూ పక్కల ప్రదేశాలు చూసివచ్చేవాళ్ళం. తన మనసులో ఏమనుకుంటోందో కూడా నాకు తెలిసేది కాదు. ఫోన్ తో ఎక్కువ సేపు సమయం గడిపేది. నాకు దగ్గరవ్వలేక అలా చేస్తోంది అనుకున్నా. కొన్ని రోజులు గడిస్తే.. తనకే నాతొ ఉండడం అలవాటు అవుతుందనుకున్నా.. మేము తిరిగి ఇంటికి వచ్చేసినా తనలో ఏ మార్పు లేదు.. మా అమ్మానాన్న నాకు కొత్త గా పెళ్ళయిందన్న ఉద్దేశం తో తీర్ధ యాత్రల పేరిట వెళ్లిపోయారు. కొన్ని రోజులకు తిరిగి వస్తామని… జాగ్రత్తలు చెప్పి వెళ్లిపోయారు.

ఇప్పుడైనా.. తనలో మార్పు వస్తుందనుకున్నా. కానీ అదేమిలేదు. తన పని తానూ చేసుకునేది. నాకు వండిపెట్టేది. ఒకే రూమ్ లో ఉండే రెండు వ్యక్తుల్లా ఉంటున్నాము.. మేము భార్యా భర్తలమేనా? అని నాకే అనుమానం వచ్చేస్తోంది. రోజులలా గడుస్తూ ఉన్నాయి. ఓ రోజు ఆఫీస్ నుంచి ఇంటికి తొందర గా వచ్చేసాను. అయితే తనకి ఈ విషయం చెప్పలేదు. నేను ఇంటికి వచ్చేసరికే, బయట మరొకరి చొప్పులను చూసాను. లోపలకి వెళ్లేసరికి.. తను మరొకరితో సరసాలాడడం చూసి గుండె ఆగినంత పని అయింది.

అనుకోకుండా.. నేను కనపడేసరికి..తను మొదట షాక్ అయి.. అతను నా సోదరుడంటూ నాకు అబద్ధం చెప్పేసింది. నేను మౌనం గా ఉండేసరికి.. కొంతసేపటికి అతను వెళ్ళిపోయాడు. ఆ తరువాత నేను నా భార్యను నిలదీసాను. నాకు తెలియకుండా.. చెప్పకుండా.. ఇలాంటి పనేమిటని అడిగాను. నేను నీ ప్రేమ కోసం ఇంత తాపత్రయపడుతుంటే.. నా వెనుక నన్ను మోసం చేయడానికి మనసెలా వచ్చింది అని అడిగేసరికి.. తను కన్నీళ్ల పర్యంతమైంది. తనకి అసలు ఈ పెళ్లి ఇష్టం లేదని చెప్పింది. తన తల్లితండ్రులు బలవంతం గా పెళ్ళికి ఒప్పించడం తో చేసేది లేక తలొంచి తాళి కట్టించుకుంది.

పెళ్లి అయినా మనసిచ్చిన వాడిని మర్చిపోలేకపోయింది. నాకు చెప్పలేక నా వెనుక గుట్టుగా ప్రేమ సాగిస్తూ వచ్చింది. అలాంటిది అతనితో నే ఉండిపో అని మొహం మీద చెప్పేశా. తన తల్లితండ్రుల పరువు పోతుందని..అలా చేయలేనని.. మీతోనే ఉంటానని తను చెప్పడం తో అసహ్యమేసింది. అంతలోనే..తన తప్పు ఏమి ఉందిలే అనిపించింది. మరో వైపు.. నాకు జాబ్ లో ప్రమోషన్ వచ్చి ఫారిన్ వెళ్లే అవకాశం కూడా వచ్చింది.

కానీ.. ఇప్పుడు ఏమి చేయాలో బోధ పడటం లేదు.. ఆమెను తీసుకెళ్లి నా లైఫ్ నేను చూసుకోవాలా? లేక. ఆమె మనసుని అర్ధం చేసుకుని ఆమె జీవితాన్ని చక్కదిద్దాలా..? నేను చేయని తప్పుకి మానసిక క్షోభ అనుభవిస్తున్నా.. నా తల్లితండ్రులకి ఏమి చెప్పాలి..? నా సమస్యకి పరిష్కారమేంటి..?

Note: images used in this article are only for representative purpose. But not the actual characters

మనకు జీవితం లో ముఖ్యమైన వ్యక్తి ఎవరు అని అనగానే.. మన మైండ్ లో చాలా మంది మెదలుతారు. కానీ, చివరకు మనకు గుర్తుకు వచ్చేది మన జీవిత భాగస్వామి మాత్రమే.. ఈ విషయాన్నీ అర్ధం అయ్యేలా చెప్పడానికే ఓ సైకాలజీ లెక్చరర్ తన పాఠాన్ని డిఫరెంట్ గా ప్లాన్ చేసింది. అది ఎలానో ఇప్పుడు చూద్దాం.

ఆరోజు క్లాస్ లో సైకాలజీ లెక్చరర్ ఓ ఆట ఆడుకుందాం అని చెప్పి క్లాస్ లో ఉన్న వారిలో ఒక అమ్మాయిని లేపారు. ఆ అమ్మాయికి పెళ్లి అయ్యి ఒక బాబు కూడా ఉన్నాడు. అయితే.. ఆమెను బోర్డు దగ్గరకు పిలిచి.. నీ జీవితం లో నీకు చాలా ముఖ్యమైన ఒక 30 మంది పేర్లు రాయాలి అంటూ ఆమెకు చెప్పారు. ఆమె తన కుటుంబ సభ్యులు, బంధువులు, స్నేహితుల పేర్లు కలిపి 30 మంది పేర్లను రాసింది. ఆ తరువాత వాటిలో నుంచి నువ్వు అంతగా ప్రాధాన్యత ఇవ్వని ఒక మూడు పేర్లు చెరిపేయాలని కోరగా.. తనకు ఇష్టమైన ముగ్గురి స్నేహితుల పేర్లను తుడిచేసింది.

ఆ తరువాత మరొక ఐదుగురి పేర్లను కూడా చెరిపేయాలని కోరగా.. మరో ఐదుగురు బంధువుల పేర్లను కూడా చెరిపేసింది. ఇలా చెరిపేస్తూ పోగా.. చివరకు ఆమె భర్త, అమ్మ, నాన్న, కొడుకు ల పేర్లు మిగిలాయి. వాటిలో మరో రెండు పేర్లు చెరిపేయమనగా.. ఆమెకు ఏడుపు రాసాగింది. ఆమె ఏడుస్తూ.. ఆమె తల్లితండ్రుల పేర్లను చెరిపేసింది. ఇక మిగిలింది భర్త, కొడుకు. వారిలో కూడా ఒక పేరుని చెరిపేయాలని ఆ లెక్చరర్ కోరారు.

ఆమె ఇక కన్నీరు ఆపుకోలేకపోయింది. ఎంతగానో ఏడుస్తూ.. కొడుకు పేరు ను కూడా చెరిపేసి వచ్చి తన ప్లేస్ లో కూర్చుంది. క్లాస్ మొత్తం నిశ్శబ్దం అలుముకుంది. కొంతసేపు అయ్యాక.. ఆ లెక్చరర్ ఆమెను ఇలా అడిగారు.. నీకు జన్మనిచ్చిన తల్లి తండ్రులు, నువ్వు కన్న కొడుకుని కూడా చెరిపేసి.. నీ భర్త పేరుని మాత్రమే ఎందుకు ఉంచావు అని అడిగారు. దానికి ఆమె ఏమని సమాధానం చెప్పిందో తెలుసా..?

నా తల్లితండ్రులు నాకంటే ముందు ఈ లోకాన్ని, నన్ను వదిలేసి వెళ్లారు. చదువు, లేదా ఉద్యోగం కోసం నా కొడుకు కూడా నన్ను వదిలేసి వెళ్తాడు. కానీ.. చివరిదాకా నా తోడు ఉండేది నా భర్త మాత్రమే అంటూ వెక్కి వెక్కి ఏడుస్తూ చెప్పింది. అది ఆట కాదని క్లాస్ లో అందరికి అర్ధమైంది. అందరు ఒక్కసారి గా లేచి చప్పట్లు కొట్టారు.

NOTE: images used in this article are just for representative purpose. But not the actual characters.

సాధారణంగా చాలా మందికి ఒక అపోహ ఉంటుంది. హౌస్ వైఫ్ అంటే ఉద్యోగం చేసే ఆడవాళ్ళ కంటే పని తక్కువగా ఉంటుంది అని. అందుకే చాలా మంది హౌస్ వైఫ్ అంటే ఇంటి బాధ్యతలు చూసుకునే వాళ్ళు అని కాకుండా ఇంట్లో ఉండే వాళ్ళు అని అంటారు. కానీ అలా ఆలోచించడం తప్పు అని ఒక సైకాలజిస్ట్ కి, అలాగే తన భార్య ఏం పని చేయదు అని కోపంగా ఉన్న ఒక భర్త కి మధ్య జరిగిన ఈ సంభాషణ చదివితే మీకు కూడా అర్థమవుతుంది.

representative image

సైకాలజిస్ట్ : ప్రాబ్లం ఏంటి?
రమేష్ : నా భార్య అసలు ఒక్క పని కూడా చేయదు.
సైకాలజిస్ట్ : మీరేం చేస్తుంటారు?
రమేష్ : నేను ఒక ప్రైవేట్ కంపెనీలో ఉద్యోగం చేస్తున్నాను.
సైకాలజిస్ట్ : మీ భార్య ఏం చేస్తూ ఉంటారు?
రమేష్ : ఏం చేయదు. ఇంట్లోనే ఉంటుంది.
సైకాలజిస్ట్ : మీ ఇంట్లో అందరి కంటే ముందు మీలో ఎవరు నిద్రలేస్తారు?
రమేష్ : నా భార్య. నాకు టిఫిన్, లంచ్ అన్ని ప్రిపేర్ చేయాలి కదా. అందుకే.

సైకాలజిస్ట్ : మీ పిల్లలని స్కూల్ కి ఎవరు తీసుకెళ్తారు?
రమేష్ : ఖాళీగా ఉంటుంది కాబట్టి నా భార్యే తీసుకెళ్తుంది.
సైకాలజిస్ట్ : పిల్లలు స్కూల్ కి వెళ్లిపోయిన తర్వాత మీ భార్య ఏం చేస్తారు?
రమేష్ : బట్టలు ఉతకడం, ఇల్లు శుభ్రం చేయడం, గిన్నెలు తోమడం.
సైకాలజిస్ట్ : మీ పిల్లలకి హోం వర్క్ చేయించడం లాంటి పనులను ఎవరు చూసుకుంటారు?
రమేష్ : నేను ఆఫీస్ లో అలిసిపోయి ఇంటికి వస్తాను కదా? ఎలాగో ఖాళీగా ఉంటుంది కాబట్టి హోంవర్క్ అంతా నా భార్య చేయిస్తుంది.
సైకాలజిస్ట్ : మరి డిన్నర్ అదంతా ఎవరు చేస్తారు?
రమేష్ : ఇంకెవరు? నా భార్యే చేస్తుంది.

representative image

సైకాలజిస్ట్ : ఇంట్లో అందరికంటే ఆలస్యంగా ఎవరు పడుకుంటారు?
రమేష్ : నేను ఆఫీస్ నుంచి అలిసిపోయి వస్తాను కదా? అప్పటికే నిద్ర వచ్చేస్తుంది. ఇంకా మళ్లీ నెక్స్ట్ డే ఆఫీస్ కి టైం కి వెళ్ళాలి కాబట్టి తొందరగా కూడా లేవాలి. అందుకే నేను తొందరగా పడుకుంటాను. అందరం తిన్న తర్వాత గిన్నెలు శుభ్రం చేసి, పిల్లలని పడుకోబెట్టి, నా భార్య పడుకుంటుంది.
సైకాలజిస్ట్ : దీన్ని బట్టి చూస్తే ఎక్కువ పని ఎవరు చేస్తున్నారు?

విషయం అర్థమైన రమేష్ కి ఏం మాట్లాడాలో అర్థం కాలేదు.
సైకాలజిస్ట్ : మీరు చాలా కష్టపడి పనిచేస్తున్నారు. కానీ మీ ఉద్యోగానికి టైమింగ్స్ ఉంటాయి. మీ భార్య రోజు మొత్తం విశ్రాంతి లేకుండా పని చేస్తూనే ఉన్నారు. మీ భార్య ఇంటి బాధ్యతలు తీసుకున్నారు కాబట్టే, మీరు ఆఫీస్ లో అంత ప్రశాంతంగా పని మీద దృష్టి పెట్టగలుగుతున్నారు. ఇప్పుడు మీ భార్య చేసే పనుల గురించి మీరే చెప్పారు. కాబట్టి, ఈసారి నుంచి మీ భార్య ఏ పని చేయట్లేదు అనే ముందు మీరు చెప్పిన మాటలనే ఒక్కసారి మళ్ళీ గుర్తు తెచ్చుకోండి.

రమేష్ మాత్రమే కాదు. మనలో చాలా మందికి ఇంట్లో ఉండే వాళ్ళు ఏ పని చేయరు అనే ఒక భావన ఉంటుంది. కానీ ఇంటి బాధ్యతలు నిర్వర్తించడం కూడా ఉద్యోగానికి తక్కువేమీ కాదు అన్న విషయం గుర్తుపెట్టుకుందాం. ఇంట్లో ఉన్నారు అని కాకుండా, ఇంట్లో ఉండి వాళ్లు ఎన్నో పనులు చేస్తున్నందుకు గౌరవిద్దాం.

పెళ్లి అనేది ఒక వ్యక్తి జీవితంలో చాలా ముఖ్యమైన విషయం. అయితే చాలా మంది ఈ విషయంలో తొందరపడతారు. ఎవరో చెప్పిన మాటలు విని, లేదా సొంత నిర్ణయం తీసుకునే వీలు లేక ఒక్కొక్కసారి వారికి సెట్ అవ్వని వ్యక్తిని పెళ్లి చేసుకోవాల్సి వస్తుంది. దాంతో పెళ్లయిన తర్వాత సమస్యలు తలెత్తుతాయి. అలా పెళ్లయిన తర్వాత సమస్యలు రాకుండా ఉండాలి అంటే మీరు పెళ్లి చేసుకోబోయే వ్యక్తి ని ఈ ప్రశ్నలు అడగండి.

# అసలు ఆ వ్యక్తికి పెళ్లి చేసుకోవడం ఇష్టమా, కాదా అనే విషయం ముందుగా తెలుసుకోండి. ఎందుకంటే ఒక్కొక్కసారి కుటుంబ ప్రోద్బలం తో గాని లేదా వేరే ఏదైనా సమస్య వల్ల కానీ వాళ్లకు ఇష్టం లేకుండా పెళ్లి చేసుకోవాల్సి వస్తుంది. కాబట్టి ఇలాంటి విషయాలను ముందే అడిగి నిర్ణయం తీసుకోండి.

# అసలు పెళ్లి అంటే వాళ్ల దృష్టిలో ఏమనుకుంటున్నారో అడిగి తెలుసుకోండి.

# పెళ్లి తర్వాత ఎక్కువగా మారేది ఒక ఆడపిల్ల జీవితం. పెళ్లయిన తర్వాత ఎంతో మంది మహిళలు వారి ఉద్యోగాలను విడిచి పెడుతున్నారు అని సర్వేలో వెల్లడి అవుతున్నాయి. అందుకు ముఖ్య కారణం తన అత్తమామల నుండి ఎదురవుతున్న ఒత్తిడి. కాబట్టి పెళ్ళికి ముందు మీ జీవిత లక్ష్యం గురించి స్పష్టంగా చెప్పండి. ఒకవేళ పెళ్లయిన తర్వాత మీ లక్ష్యాన్ని మీరు చేరుకోలేరు అనుకుంటే ఆ పెళ్లి గురించి మాటల దగ్గరే ఆపేయండి.

# బంధాలకి, కుటుంబానికి ఎంత విలువ ఇస్తారో కూడా వారి మాటల ద్వారా మీరు గ్రహించడానికి ప్రయత్నించండి.

# పెళ్ళికానుకల గురించి అడిగి తెలుసుకోండి. ఒకవేళ కట్నం లాంటివి కావాలంటే వెంటనే తిరస్కరించడం మంచిది. ఎందుకంటే ఈ కట్నకానుకల విషయం గురించి పెళ్లయిన తర్వాత కూడా చాలా సమస్యలు వస్తున్నాయి.

# మీ తల్లిదండ్రుల గురించి, మీ భాగస్వామి తల్లిదండ్రుల గురించి కూడా ఆలోచించాలి. పెళ్లయిన తర్వాత వారి జీవితం కూడా సజావుగా సాగడానికి మీరే చర్చించుకుని ఒక నిర్ణయం తీసుకోవాలి.

# ఇంటి బాధ్యతల గురించి కూడా మాట్లాడుకొని ముందుగానే ఒక నిర్ణయానికి రండి.

# ఒక వ్యక్తి తనకి తెలియకుండానే ఆరోగ్య సమస్యలకు గురవుతూ ఉంటారు. అలాంటి ఆరోగ్య సమస్యలు ఏమైనా ఉన్నాయేమో అడిగి తెలుసుకోండి.

# గతంలో రిలేషన్ షిప్ లో ఉండటం లేదా బ్రేక్ అవ్వడం వంటివి ఏమైనా ఉంటే మీరు వారికి చెప్పేయాలి. అలాగే వారికి ఏమైనా ఉన్నా కూడా మీరు అడిగి తెలుసుకోవాలి.

# పిల్లల విషయంలో కూడా మీరు ఇద్దరూ ఒక నిర్ణయానికి రావాలి. పిల్లలు కావాలా, వద్దా అనే విషయంపై చర్చించుకుని నిర్ణయం తీసుకుంటే పెళ్లయిన తర్వాత మీరిద్దరూ అదే నిర్ణయం మీద ఉండగలుగుతారు. అప్పుడు మీ జీవితం సజావుగా సాగుతుంది.

ఇలా చేయడం ద్వారా పెళ్లయిన తర్వాత వచ్చే సమస్యలను చాలా వరకు నివారించవచ్చు.

source : https://www.facebook.com/284535215034346/posts/2130006500487199/?d=n

భారతదేశం ఎంతో అభివృద్ధి చెందింది. చుట్టూ ఉన్న పరిసరాలు మారడంతో పాటు, ప్రజల ఆహారపు అలవాట్లు, జీవనశైలిలో కూడా ఎంతో మార్పు వచ్చింది. అలాగే ఎంత మంది ఆలోచించే విధానంలో కూడా కాలంతో పాటు మారుతూ ఉన్నారు. కానీ కొంత మంది మాత్రం ఇప్పటికీ కూడా కొన్ని ఆలోచనలని మార్చుకోలేక పోతున్నారు. దానివల్ల వారి సొంత వాళ్లు ఇబ్బంది పడాల్సి వస్తోంది. ఇదే విషయంపై ఒక యువతి తన సమస్య గురించి ఈ విధంగా చెప్పింది.

“నేను ఇంజనీరింగ్ పూర్తి చేశాను. నేను ఒక బ్యాంక్ లో ఉద్యోగం చేస్తున్నాను . కాలేజీలో ఉన్నప్పుడు ఒక అతను నేను అంటే ఇష్టమని చెప్పాడు. నేను అస్సలు పట్టించుకోలేదు. తర్వాత ఒకరోజు కనిపిస్తే తిట్టి, ఇంకోసారి నా వెంట పడొద్దు అని చెప్పి పంపించాను. అప్పటినుంచి అతను మళ్లీ నాకు కనిపించలేదు. ఇంజినీరింగ్ అయిపోయిన తర్వాత గవర్నమెంట్ పరీక్షలకి ప్రిపేర్ అవ్వడం మొదలు పెట్టాను.

ఒక కోచింగ్ సెంటర్ లో చేరాను. ఆశ్చర్యంగా అతను కూడా అదే కోచింగ్ సెంటర్ లో కనిపించాడు. కానీ అతను నన్ను అసలు చూడలేదు. సరే, ఆ విషయం జరిగే ఎన్నో సంవత్సరాలు అయిపోయింది. ఇప్పటికి కూడా దాని గురించి ఆలోచించడం ఎందుకు అని చెప్పి, నేనే వెళ్లి మళ్లీ అతనిని పలకరించాను. అతను కూడా నన్ను చూసి ఆశ్చర్యంగా నేను అక్కడ ఉండడం ఏంటి? ఏం చేస్తున్నాను? అనే వివరాలన్నీ అడిగాడు.

అలా మెల్లగా మేము స్నేహితులమయ్యాం. అతను చాలా మంచివాడు. నేను అతనిని చాలా తప్పుగా అర్థం చేసుకున్నాను. నాకు కూడా అతనిపై ఇష్టం కలిగింది. నేను నా ప్రేమ గురించి  అతనికి చెప్పాను అతను చాలా సంతోషపడ్డాడు. ఇద్దరం ఎలాగైనా గవర్నమెంట్ ఉద్యోగాలు సాధించిన తర్వాత, మా తల్లిదండ్రుల దగ్గరికి వెళ్లి మాట్లాడదామని అనుకున్నాము. అనుకున్నట్టుగానే మా ఇద్దరికీ చాలా మంచి ఉద్యోగాలు వచ్చాయి.

ఉద్యోగంలో చేరిన కొన్ని నెలల తరువాత, అతను వాళ్ళ ఇంట్లో మా ఇద్దరు గురించి చెప్పాడు. వాళ్ళ అమ్మానాన్న సరే అన్నారు. నేను మా ఇంట్లో మా ఇద్దరి గురించి చెప్పాలి. అప్పటివరకు నేను ఆలోచించని ఒక విషయం, ఇప్పుడు ఇంట్లో చెప్పాలి అనేటప్పటికి గుర్తొచ్చింది. అదే కులం. అవును. మా ఇద్దరి కులాలు వేరు.

కానీ ఈ కాలంలో కూడా కులం గురించి  ఆలోచించి ప్రేమను చంపుకోవడం అనేది నాకు చాలా తప్పుగా అనిపించింది. దాంతో ఏదైతే అదే అయ్యింది అని ధైర్యం చేసి మా అమ్మనాన్నలకు ఈ విషయం చెప్పాను. వాళ్లు అబ్బాయికి సంబంధించిన వివరాలు అన్నీ అడిగారు నేను అన్నిటికీ సమాధానం చెప్పాను. చివరికి కులం గురించి అడిగారు నేను చెప్పాను.

ముందు వరకు మామూలుగా ఉన్న నాన్న, కులం వేరు అని చెప్పగానే కోపం తెచ్చుకున్నారు. నేను ఎంత కన్విన్స్ చేయడానికి ప్రయత్నించినా కూడా నాన్న అసలు నా మాట వినట్లేదు. నేను ఇప్పుడు ఏం చేయాలి? మా ఇంట్లో వారిని ఎలా ఒప్పించాలి? నా సమస్యకు మీరే పరిష్కారం తెలపండి.

NOTE: images used in this article are just for representative purpose. But not the actual characters.

అందరికీ వారి బాల్యంలో తీపి జ్ఞాపకాలు ఉండాలి అని లేదు. కొంత మందికి వారి బాల్యం, వారి భవిష్యత్తుపై కూడా ఎంతో ప్రభావం చూపుతుంది. తన బాల్యంలో జరిగిన ఒక సంఘటన గురించి ఒక యువతి ఇలా చెప్పింది. “అప్పుడు బాగా వరదలు వచ్చాయి. నా వయస్సు 12 సంవత్సరాలు ఉండొచ్చు. వరద నీరు ఇంట్లోకి వచ్చేసింది. ఇంట్లో వస్తువులన్నీ కొట్టుకుపోతున్నాయి.

representative image

నీరు ఎత్తు బాగా ఎక్కువ అవడంతో నేను మునిగిపోయాను. మా అమ్మ నాకోసం వెతుకుతోంది. నేను ఆ నీటిలో మునిగిపోయి కొట్టుకుపోయాను. అలా కొట్టుకుపోయిన నన్ను, ఒక వ్యక్తి బయటికి లాగి నా వివరాలు కనుక్కున్నాడు. ఆ సమయంలో నాకు ఆ వ్యక్తి నమ్మకస్తుడిగా కనిపించాడు. ఆయనకి 50 సంవత్సరాల పైన ఉంటాయి. నన్ను వాళ్ళ ఇంటికి తీసుకెళ్ళి భోజనం పెట్టిస్తాను అని చెప్పాడు.

representative image

అలాగే మా అమ్మానాన్నలని పిలిపిస్తాను అని అన్నాడు. కానీ అలా జరగలేదు. అక్కడికి వెళ్ళిన తర్వాత అతను నాతో విచిత్రంగా ప్రవర్తించడం మొదలుపెట్టాడు. నన్ను ముట్టుకోవడానికి ప్రయత్నించాడు. నాకు కొంచెం ఇబ్బందిగా అనిపించి నేను అతని నుండి దూరంగా వెళ్ళడానికి ప్రయత్నిస్తే బలవంతం చేశాడు. ఆ సమయంలో నాకు ఏం చేయాలో తెలియలేదు.

representative image

తర్వాత ఇంకా కొంత మంది వచ్చి నాతో ఇలాగే ప్రవర్తించారు. తర్వాత వాళ్లు నన్ను ఎక్కడికో తీసుకెళ్లి అమ్మేయాలి అని మాట్లాడుకోవడం నేను విన్నాను. ఇంక అక్కడి నుండి పారిపోదామని నేను నిర్ణయించుకున్నాను. నా ఒంటి మీద దుస్తులు లేవు. నా చేతులు కాళ్లు కట్టేసి ఉన్నాయి. అయినా సరే నేను ఎలాగోలా విడిపించుకుని అలాగే బయటికి పరుగెత్తుకుంటూ వచ్చాను.

ఎక్కడైనా కప్పుకోవడానికి ఒక చిన్న గుడ్డ ముక్క అయినా దొరుకుతుందేమో అని వెతికాను. అలా నిస్సహాయ స్థితిలో ఉన్న నన్ను చూసిన ఒక ఆవిడ వాళ్ళ ఇంటికి పిలిచి తన చీరను ఇచ్చింది. వరద నీరు కొంచెం తగ్గడంతో జనసంచారం మళ్లీ మామూలు అయ్యింది. నాకు చీర ఇచ్చిన ఆవిడ నాకు భోజనం పెట్టి, మా అమ్మ నాన్నల వివరాలు అడిగింది. ఈ సారి నేను చాలా భయపడ్డాను. కానీ ఆవిడ నాకు ధైర్యం చెప్పింది.

నాకు మళ్లీ నా వివరాలు చెప్పాలంటే భయమేసింది. ఆవిడ నా భయాన్ని అర్థం చేసుకుంది. కానీ నేను ఎంత తొందరగా వీలైతే అంత తొందరగా ఇంటికి వెళ్ళాలి. కాబట్టి నా వివరాలు ఆవిడకు చెప్పాను. ఆవిడ అప్పుడు మా అమ్మకి ఫోన్ చేసింది. నేను తన దగ్గరే ఉన్నట్టు, నన్ను మా ఇంటికి పంపిస్తున్నట్టు మా అమ్మ నాన్నలకు చెప్పింది.

నేను తిన్న తర్వాత నన్ను వాళ్ళ కార్ లో తీసుకువెళ్లి మా ఇంటి దగ్గర వదిలింది. నేను ఇంటికి వెళ్ళగానే అమ్మ నన్ను చూసి పరిగెత్తుకుంటూ వచ్చి గట్టిగా హత్తుకుంది. ఈ సంఘటన జరిగి చాలా సంవత్సరాలు అయినా సరే నా జీవితం మీద ఇది చాలా ప్రభావం చూపింది. ఆ భయం నుండి బయటకి రావడానికి నాకు చాలా సంవత్సరాలు పట్టింది.

NOTE: All the images used in this article are just for representative purpose. But not the actual characters

ప్రేమకి కులం, మతం, జాతి, దేశం ఇవేవి అడ్డు కాదు అంటారు. ఇదే నిజమని నిరూపించారు ఒక ప్రేమ జంట. వివరాల్లోకి వెళితే. మధ్యప్రదేశ్ కు చెందిన నాగేంద్ర అనే వ్యక్తి ఒక రోజు వారి ఉద్యోగి.

నరేంద్ర కుటుంబ సభ్యులు మధ్యప్రదేశ్ లో ఉన్న పొలాల్లో పని చేస్తారు. తను ఉంటున్న ఊరిలో ఉద్యోగ అవకాశాలు లేకపోవడంతో లో ఉద్యోగం ఏమైనా దొరుకుతుందేమో అని గోవా వెళ్ళాడు. అక్కడ ఒక బార్ లో బేరర్ ఉద్యోగంలో చేరాడు.

ఒకసారి ఆ బార్ లోకి అనస్టాతా అనే ఆవిడ వచ్చింది. నాగేంద్ర ని పిలిచి బీర్ ఆర్డర్ ఇచ్చింది. ఆమె అడిగిన బీర్ ను తెచ్చిచ్చాడు నాగేంద్ర. నాగేంద్ర ని చూసిన అనస్టాతా నాగేంద్ర తో ప్రేమలో పడింది. అనస్టాతా రష్యా కు చెందిన అమ్మాయి. రష్యన్ పార్లమెంట్ హౌస్ లో ఎకనామిక్స్ డిపార్ట్మెంట్ లో ఉద్యోగం చేస్తుంది.

అనస్టాతా ని చూడడానికి నరేంద్ర రష్యా వెళ్ళేవాడు. తర్వాత ఇద్దరూ 2016 లో గోవాలో కోర్టులో పెళ్లి చేసుకున్నారు.  నరేంద్ర అనస్టాతా ని వాళ్ల ఊరికి తీసుకొచ్చాడు. నరేంద్ర ఊరి వాళ్ళందరూ అనస్టాతా ని చూసి ఆశ్చర్యపోయారు.

అంత పెద్ద చదువులు చదివిన అమ్మాయి నరేంద్ర ని ఎలా పెళ్లి చేసుకుంది అని షాకయ్యారు. ఇప్పుడు వాళ్ల పెళ్లి అయ్యి దాదాపు నాలుగేళ్లు అవుతోంది. నరేంద్ర పూర్తిగా రష్యా క్యాపిటల్ అయిన మాస్కో లో స్థిరపడటానికి ప్రయత్నాలు చేస్తున్నాడు.