Information

టెస్లా, స్పేస్ ఎక్స్ సంస్థల సీఈఓ ఎలాన్ మస్క్ గడువు ఒకరోజు ముందే ట్విట్టర్‌ను కొనుగోలు చేసిన విషయం తెలిసిందే. దీంతో 2006లో స్థాపించిన ట్విట్టర్.. ఇప్పుడు 2022లో ఎలాన్ మస్క్ చేతుల్లోకి వెళ్లింది. అయితే ట్విట్టర్‌ను కొనుగోలు చేసిన వెంటనే ఆయన సంచలన నిర్ణయం తీసుకున్నారు. భారత సంతతికి చెందిన ట్విట్టర్ సీఈఓ పరాగ్ అగర్వాల్, ట్విట్టర్ పాలసీ హెడ్ విజయా గద్దె సహా ట్విట్టర్ ఫైనాన్షియల్ ఆఫీసర్ నెడ్ సెగల్‌ను తొలగించారు. తర్వాత పక్షికి విముక్తి లభించింది అని మస్క్ ట్వీట్ చేయడం గమనార్హం.

అయితే వీరిపై వేటు ముందే ఊహించిందే అయినా మస్క్ వీరిని ఎందుకు తొలగించాల్సి వచ్చింది. అసలు విజయా గద్దె ఎవరు? ఈమె పేరు వింటేనే మస్క్‌కు ఎందుకంత కోపం? అమెరికా మాజీ అధ్యక్షుడు డొనాల్డ్ ట్రంప్ విషయంలోనే మస్క్ ఇప్పుడు పరాగ్ అగర్వాల్, విజయా గద్దెను తొలగించాల్సి వచ్చిందా? చూద్దాం..

ఇన్ని రోజులు ట్విట్టర్ పాలసీ, లీగల్, ట్రస్ట్ హెడ్‌గా కొనసాగిన విజయా గద్దె భారత సంతతికి చెందిన అమెరికా మహిళ. ఈమె హైదరాబాద్‌లోనే జన్మించారు. 1974లో పుట్టిన విజయా.. ఆమె మూడేళ్ల వయసులోనే వారి కుటుంబం అమెరికాకు వెళ్లింది. ఆమె అక్కడే తన విద్యాభ్యాసం కొనసాగించారు. కార్నెల్ యూనివర్సిటీ, న్యూయార్క్ యూనివర్సిటీలో ఆమె చదువుకున్నారు. ఆమె ట్విట్టర్‌లో చేరకముందు న్యాయవాదిగా కొనసాగారు. విల్సన్ సోన్సినీ గుడ్‌రిచ్ అండ్ రోసాటి లా ఫర్మ్‌లో దశాబ్దం పాటు పనిచేశారు. ఆ తర్వాత వేర్వేరు శాఖల్లో పనిచేసిన విజయా.. 2011లో సోషల్ మీడియా దిగ్గజం ట్విట్టర్‌లో చేరారు.

ఈమె తన పనితీరుతో ట్విట్టర్‌లో మెల్లమెల్లగా ఒక్కో అడుగు ఎక్కుతూ ట్విట్టర్ లీగల్, పాలసీ, ట్రస్ట్ హెడ్‌ విభాగాధిపతిగా ప్రమోషన్ పొందారు. ఈమె ట్విట్టర్ లో చాలా కీలక నిర్ణయాలు తీసుకున్నారు. లీగల్ హెడ్‌గా ఈమె బాధ్యతలు ట్విట్టర్ సీఈఓ కంటే ఎక్కువ అనడంలో అతిశయోక్తి లేదు. ద్వేషపూరిత ప్రకటనలు, ట్వీట్లు, వేధింపులు, తప్పుడు సమాచారం, విద్వేష స్పీచ్‌లను ట్విట్టర్‌లో నియంత్రించడంలో ఈమె కీలకంగా వ్యవహరించారు.

అభ్యంతరకర ట్వీట్లు తీసేసే గైడ్ లైన్స్ మొదలు… లీగల్, ప్రైవసీ లాంటి ప్రతీ ఇష్యూనీ ఆమె తనదైన స్టైల్‌లో డీల్ చేశారు. 2020 అమెరికా అధ్యక్ష ఎన్నికల టైమ్ లో అయితే ఆమె ఇన్ ఫ్లూయెన్స్ గురించి ప్రపంచం చాలా మాట్లాడుకుంది.ట్విట్టర్‌లో కీలక నిర్ణయాలు తీసుకున్న విజయా గద్దె.. ఇదే క్రమంలో అమెరికా మాజీ అధ్యక్షుడు డొనాల్డ్ ట్రంప్ ట్విట్టర్ అకౌంట్‌ను శాశ్వతంగా బ్యాన్ చేయడంలోనూ కీలకంగా వ్యవహరించారు.

అప్పుడు ఈ చర్యను ఫూలిష్‌గా అభివర్ణించారు మస్క్. దీంతో.. మస్క్ ట్విట్టర్‌ను కొనుగోలు చేస్తారని వార్తలు వచ్చినప్పుడు ఈమెను తొలగిస్తారని సంకేతాలు అందాయి. ఇప్పుడు అదే చేసారు మస్క్. ఇందుకు గాను మస్క్ విజయకు 15 మిలియన్ డాలర్లు చెల్లించాల్సి ఉంటుంది.

రైలు ప్రయాణం ఎవరికైనా అందమైనదే.. అందరూ ట్రైన్ జర్నీని ఆస్వాదిస్తారు. దేశంలో ఎక్కడికైనా ప్రయాణించడానికి ఇదే ఉత్తమ సాధనం. తక్కువ ఖర్చుతో అయిపోతుంది. అంతే కాకుండా సుఖ వంతంగా ప్రయాణించడానికి వీలుగా ఉంటుంది. అందుకే లాంగ్ జర్నీ లు అయినా.. సాధారణ ప్రయాణాలు అయినా చాలా మంది ట్రైన్ జర్నీ కే ఓటేస్తారు.

అయితే ఇండియన్ రైల్వేస్‌ను దేశ ఆర్థిక వ్యవస్థకు వెన్ను దన్ను అని చెప్పొచ్చు. నిత్యం లక్షల మంది రైల్వే ప్రయాణం చేస్తుంటారు. ఇతర మార్గాల్లో ప్రయాణం కన్నా ట్రైన్ జర్నీ బాగుంటుందని చాలా మంది భావిస్తారు. అందుకే ముందుగానే టికెట్లను బుక్ చేసుకొంటూ ఉంటారు.

అయితే ఈ జర్నీ లని మరింత సులభతరం చేయడానికి కొన్ని అప్స్ ఉన్నాయి.. అవి ప్రత్యేకించి రైలు ప్రయాణికుల కోసమే.. ఇప్పుడా యాప్స్ ఏవో చూసేద్దాం..

#1 ఐఆర్సీటీసీ కనెక్ట్

ఈ యాప్ ద్వారా దేశం లో ఎక్కడి నుంచి ఎక్కడికైనా టికెట్ బుక్ చేసుకోవచ్చు. తత్కాల్ బుక్ చేసుకొనే సదుపాయం కూడా ఉంది. కేవలం రైల్ కాకుండా బస్సు, విమాన టికెట్లు, హోటల్ రూమ్స్ బుకింగ్ వంటి సదుపాయాలు కూడా ఈ యాప్ లో ఉన్నాయి.
#2 జూప్

ఐఆర్సీటీసీ ప్రవేశపెట్టిన ఈ యాప్ ద్వారా మీకు నచ్చిన రెస్టారెంట్ నుంచి ఫుడ్ ఆర్డర్ చేసుకోవచ్చు. వారు నేరుగా మీకు ట్రైన్ లోకే డెలివరీ ఇస్తారు.
#3 యుటీఎస్

ఆన్ రెసెర్వెడ్ టిక్కెటింగ్ సిస్టం (యుటీఎస్) యాప్ ద్వారా రిజర్వేషన్ లేని సెకండ్ క్లాస్ టిక్కెట్లను బుక్ చేసుకోవచ్చు.
#4 ఎన్టీఈఎస్

నేషనల్ ట్రైన్ ఎంక్వయిరీ సిస్టం యాప్ ద్వారా రైళ్లకు సంబంధించిన పూర్తి సమాచారం తెలుసుకోవచ్చు. ట్రైన్ స్టేటస్ కూడా చెక్ చెయ్యొచ్చు.
#5 రైల్ సుగం

రైలు మార్గం లో సరకులు ఎగుమతి, దిగుమతి చేసుకొనే వ్యాపారస్తులకు ఈ యాప్ ఉపయోగపడుతుంది. సరకు రవాణా ఖర్చు, రైలు ఎక్కడ ఉంది అనే వివరాలు ఇందులో తెలుసుకోవచ్చు.
#6 రైల్ మదద్

రైల్వే శాఖకు సంబంధించి ఏమైనా ఫిర్యాదులుంటే ఈ యాప్ లో చెయ్యొచ్చు. అంతే కాకుండా వాటిని ట్రాక్ కూడా చెయ్యొచ్చు.
#7 ఐఆర్పీఎస్ఎం

ఇండియన్ రైల్వేస్ ప్రాజెక్ట్స్, శాంక్షన్స్ మానేజ్మెంట్ యాప్ ద్వారా రైల్వే ప్రోజెక్టుల వివరాలు తెలుసుకోవచ్చు. ఒక ప్రాజెక్ట్ పనులు ఎక్కడి వరకు వచ్చాయి, శాఖ ఇచ్చిన నిధులు వంటి వాటి గురించి తెలుసుకోవచ్చు.
#8 రైల్ సారధి

భారతీయ రైల్వే కి సంబంధించిన అన్ని యాప్స్ అందించే సేవలు ఈ యాప్ లో లభిస్తాయి.