Information

కొన్నిసార్లు మనకంటే మన పని ఎక్కువ ప్రాచుర్యం పొందుతుంది. మనం ఎవరో తెలియక పోయినా మనం ప్రజల్లో నిలిచి పోయే అంత గుర్తింపు వస్తుంది. అర్థం కావట్లేదా? దీనికి ఒక ఉదాహరణ చూద్దామా?

సరళ చౌదరి. ఎంత మందికి తెలుసు ? దాదాపు మెజారిటీ జనాలకి తెలియదు. అదే ” ప్రయాణికులకు విజ్ఞప్తి. ట్రైన్ నెంబర్ హైదరాబాద్ నుండి చెన్నై వెళ్లే రైలు 2 ప్లాట్ ఫారం మీదికి వస్తుంది” . ఇది ఎంతమందికి గుర్తుంది.

మీకు ఒకటి తెలుసా? సరళ రిటైర్ అయ్యి పన్నెండు సంవత్సరాలయింది. అయినా సరే ఇప్పటికీ రైల్వేలో ఆమె గొంతే వినిపిస్తుంది. అన్ని అనౌన్స్మెంట్లు ఒకటే సారి రికార్డ్ చేసింది సరళ. ఒకసారి ఎన్నో సంవత్సరాల నుండి ఒకటే గొంతు అలవాటయ్యాక మళ్ళీ మారిస్తే జనాలకు అలవాటు పడడానికి కష్టం అని భావించిన రైల్వే అధికారులు సరళ గొంతే ఇప్పటికి ఉపయోగిస్తున్నారు.ఆవిడ గొంతు కి ప్రత్యేకత ఉండడంతోపాటు జనాలకి కూడా తెలియని బంధం ఏర్పడింది. ఇప్పుడు అర్థమైందా మనిషి కంటే తను చేసే పనికి ఎక్కువ గుర్తింపు ఉంటుంది అనే విషయం.

జనాలు ఎక్కువ బస్సు ప్రయాణాల కంటే ట్రైన్ ప్రయాణం ఎక్కువ ఇష్టపడతారు. ఎందుకంటే ఆ ట్రైన్ వెళ్ళేటప్పుడు చుట్టూ ఉన్న పరిసరాలు ఎంతో ప్రశాంతతను ఇస్తాయి. జన సందోహం ఉన్న ప్రదేశాలలో ట్రైన్ వెళ్లదు కాబట్టి వాతావరణం కూడా ఆహ్లాదంగా అనిపిస్తుంది. అలా మనం మనం ట్రైన్ ఎక్కినప్పుడు మన చుట్టూ ఉన్న పరిసరాలను చూస్తూ ట్రైన్ ని ఎక్కువ గమనించము. మన బెర్త్ తప్ప మిగిలినవి మనం పట్టించుకోము. కానీ ట్రైన్ లో ఉండే అక్షరాలు, అంకెల వెనకాల చాలా అర్థాలు దాగి ఉన్నాయి. అవేంటో ఒకసారి చూద్దాం.

బోగీ మీద ఒక నంబరు ఉంటుంది. ఆ నంబర్ లో ఉండే మొదటి రెండు అంకెలు ఆ బోగి తయారుచేసిన సంవత్సరాన్ని చెబుతాయి. ఒకవేళ 04 అంకె తో ఆ బోగి మొదలైంది అనుకోండి, అది తయారు చేసింది 2004వ సంవత్సరంలో అన్నట్టు అర్థం. ఒకవేళ 91 తో మొదలైతే 1991 సంవత్సరంలో దాన్ని తయారు చేశారు అని అర్థం. సాధారణంగా ఈ నంబరు 5 లేదా 6 అంకెలు కలిగి ఉంటుంది. మొదటి 2 నంబర్లు సంవత్సరాన్ని సూచిస్తే తర్వాత ఉండే నంబర్లు ఆ బోగి ఎలాంటిదో సూచిస్తుంది.

• ఒకవేళ తర్వాత నంబర్లు 025 నుండి 050 మధ్యలో ఉంటే అప్పుడు ఆ బోగీ ఫస్ట్ ఏసి+ టు టైర్ ఏసీ ని సూచిస్తాయి.
• ఒకవేళ 050 నుండి 100 మధ్యలో ఉంటే అది టు టైర్ ఏసీ ఉన్న బోగీ అని అర్థం
• 101 నుండి 150 మధ్యలో ఉంటే త్రీటైర్ ఏసీ అని అర్థం
• 151 నుండి 200 మధ్యలో ఉంటే ఏసీ చైర్ కార్ బోగీ అని అర్థం. అంటే ఇందులో బెర్తులు ఉండవు బస్సులో        లాగా సీట్లు ఉంటాయి.
• 201 నుండి 400 మధ్యలో ఉంటే అది స్లీపర్ సెకండ్ క్లాస్ బోగీ అవుతుంది.
• 400 నుండి 600 మధ్యలో ఉంటే జనరల్ సెకండ్ క్లాస్ బోగీ అని అర్థం
• 601 నుండి 700 మధ్యలో ఉంటే అది లోయర్ బెర్త్ సిట్టింగ్ అరేంజ్మెంట్ ఉన్న జనశతాబ్ది ఎక్ష్ప్రెస్.
• 701 నుండి 800 మధ్యలో ఉంటే సిటింగ్ ఏర్పాటుతోపాటు లగేజ్ పెట్టుకునే వీలున్న బోగీ అని అర్థం

ట్రైన్ లోపల కూడా కొన్ని అక్షరాలు ఉంటాయి. అవేంటో అవి ఏం సూచిస్తాయి ఇప్పుడు తెలుసుకుందాం.

WGSCN అనే కోడ్ అర్థం ఏమిటంటే…

W అంటే – prefix సిరీస్ ప్రారంభ అక్ష‌రం
G అంటే – Self-generating (lighting by axle generators) – స్వయం చాలిత బోగీ
S అంటే – సెకండ్ క్లాస్ (Second Class)

అయితే ఇక్క‌డ WGSCNలో చివ‌ర‌న ఉన్న రెండు అక్ష‌రాలు (CN) బోగీని బ‌ట్టి మారుతాయి. అవేమిటంటే…

• CN అంటే 3 టైర్ స్లీపర్ కోచ్
• CW అంటే టు టైర్ స్లీపర్ కోచ్
• CB అంటే పాంట్రీ, లేదా కిచెన్, లేదా బఫెట్ బార్ అని అర్థం
• CL అంటే కిచెన్ కార్
• CR అంటే స్టేట్ సెలూన్
• CT అంటే ఫస్ట్ క్లాస్ టూరిస్ట్ కార్. అందులో బాత్ రూమ్, కిచెన్, సిట్టింగ్, ఇంకా పడుకోవడానికి కూడా వీలు ఉంటుంది అని అర్థం.
• CTS అంటే సెకండ్ క్లాస్ టూరిస్ట్ కార్. ఇందులో కూడా కిచెన్, బాత్రూం, ఇంకా కూర్చోడానికి పడుకోడానికి వీలు ఉంటుంది అని అర్థం.

ఇక WGSCN కిందే ఉన్న 96241 అనే నంబ‌ర్ గురించి పైనే చెప్పుకున్నాం క‌దా. ఆ బోగీ 1996లో త‌యారైంద‌ని, 241 అంటే ఆ బోగీ స్లీప‌ర్ సెకండ్ క్లాస్ అని తెలుస్తుంది.

• AC అంటే ఎయిర్ కండిషన్ ఇది సాధారణం గా అందరికీ తెలిసిన విషయమే
• C అంటే coupe. ఇందులో ఒక లోయర్ బెర్త్ ఒక అప్పర్ బెర్త్ ఉంటుంది.
• D అంటే డబల్ డెక్కర్
• రైలు చివర బోగీ పై X అన్న అక్షరం ఉంటే అది ఆ రైలు చివరి బోగీ అని అర్థం.
• Y అంటే లేడీస్ కంపార్ట్మెంట్. ఇందులో ఆరు బెర్తులు నుండి లాక్ చేసుకోవడానికి తలుపు కూడా ఉంటుంది.

అలా ట్రైన్ కి సంబంధించిన ఒక్కొక్క అక్షరానికి ఒక్కొక్క నంబర్ కి ఏదో ఒక అర్థం ఉంటుంది.

ఒకప్పుడు బ్యాంకు ట్రాన్సాక్షన్ అంటే చాలా కష్టమైన పని. డబ్బు లెక్కకట్టుకోవాలి.. క్యూ లో నుంచోవాలి.. ఫారం ను ఫిలప్ చేసుకుని కౌంటర్ లో ఇచ్చి.. డబ్బు జమ అయ్యేవరకు వేచి ఉండాలి. అలాగే.. మనకు ఇచ్చిన ఫారం లో ఖాతా నంబర్లను కూడా సరిగ్గా వేసుకోవాలి. ప్రస్తుతం ఆన్ లైన్ బ్యాంకింగ్, మొబైల్ బ్యాంకింగ్ లు అందుబాటులోకి వచ్చిన తరువాత మన పని సులభతరం అయింది.

నిమిషాల్లో డబ్బుని ఒక ఖాతా నుంచి మరొక ఖాతాకు పంపేస్తున్నాం. అయితే, మొబైల్ బ్యాంకింగ్ లో కూడా ఎక్కువగా పొరపాట్లు జరిగే అవకాశం ఉంది. మొబైల్ బ్యాంకింగ్ లో మనం ఫోన్ నెంబర్ ను ఎంటర్ చేయడం ద్వారా సంబంధిత వ్యక్తి ఖాతాకు అమౌంట్ పంపిస్తాము. మన ఫోన్ లో సేవ్ అయి ఉన్న కాంటాక్ట్ విషయంలో పొరపాట్లు జరగకపోయినా.. కొత్త నెంబర్ ను ఎంటర్ చేసి, కొత్త వ్యక్తులకు నగదు బదిలీ చేసే సమయంలో పొరపాట్లు జరిగే అవకాశం ఉంది.

ఇలా పొరపాటున మీకు తెలియని వ్యక్తులకు నగదు పంపేసినపుడు.. వెంటనే మీ బ్యాంకు కస్టమర్ కేర్ కు ఫోన్ చేసి జరిగినదంతా తెలియచెప్పండి. వారు అడిగిన జి-మెయిల్ ఐడికి మీ ట్రాన్సాక్షన్ తాలూకు వివరాలను పంపించాల్సి ఉంటుంది. అయితే.. మీ ఖాతా పేరు, నెంబర్ వివరాలతో పాటు మీ ఏ ఖాతా నెంబర్ కి డబ్బు పంపించారో ఆ వివరాలు తెలియపరచాలి. ఒకవేళ మీరు ఏదైనా తప్పు నెంబర్ ఉన్న ఖాతా కి గాని, తప్పు IFSC కోడ్ ఉన్న ఖాతాకి గాని డబ్బు పంపించి ఉంటె.. ఆ డబ్బు వెంటనే మీ ఖాతా లో జమ అయిపోతుంది.

ఒకవేళ అవకపోతే మీరు బ్యాంకు మేనేజర్ ని కలవడం మంచిది. ఒకవేళ మీ బ్యాంకుకే చెందిన మరొకరి ఖాతాకి డబ్బుని బదిలీ చేసి ఉంటె.. బ్యాంకుని సంప్రదించిన తరువాత కొద్దిసేపటికే.. మీ డబ్బు మీ ఖాతాలోకి చేరుతుంది. ఒకవేళ వేరే బ్యాంకుకు చెందిన ఖాతాకు డబ్బు జమ అయి ఉంటె.. తిరిగి మీ డబ్బు మీ ఖాతా లోకి రావడానికి సమయం పట్టచ్చు. ఎందుకంటే మీ బ్యాంకు.. ఇతర బ్యాంకుల్ని సంప్రదించాల్సి ఉంటుంది. కొన్నిసార్లు ఈ ప్రక్రియ పూర్తి కావడానికి రెండు నెలల వరకు సమయం పట్టే అవకాశం ఉంటుంది.

మీరు ఏ ఖాతాకి అయితే డబ్బు పంపారో.. సదరు వ్యక్తిని బ్యాంకు సంప్రదిస్తుంది. ఆ డబ్బుని తిరిగి పంపాలని సూచిస్తుంది. ఒకవేళ ఈ విషయంలో బ్యాంకులు పట్టించుకోకపోయినా.. మీ డబ్బు తిరిగి మీ ఖాతాలోకి రాకపోయినా.. మీరు ఈ విషయమై కోర్ట్ ను ఆశ్రయించవచ్చు. ఇలాంటి కేసులను త్వరగా పరిష్కరించాలని ఆర్బీఐ ఇప్పటికే అన్ని బ్యాంకులను ఆదేశించింది. ఒకవేళ ఎవరైనా డబ్బుని తిరిగి ఇవ్వడానికి ఒప్పుకోకపోతే.. వారి ప్రవర్తనను రిజర్వ్ బ్యాంకు చట్టాల ఉల్లంఘన కింద పేర్కొంటారు. తప్పు ఖాతాకు డబ్బు జమ అయితే.. ఈ డబ్బుని సరి అయిన ఖాతాకు పంపించాల్సిన బాధ్యత బ్యాంకుదేనని ఆర్బీఐ స్పష్టం చేసింది.

పెళ్లి అందరికి మధుర ఘట్టమే అయినా.. కొందరి జీవితాలలో మాత్రం అదో తీరని శోకం లా మిగులుతూ ఉంటుంది. పెళ్లి అయిన తరువాత దంపతుల మధ్య సఖ్యత కుదరకపోయినా.. గొడవలు ఎక్కువయినా కొందరు విడిపోవాలనుకుంటు ఉంటారు. వీరు కోర్టులలో సైతం విడాకుల కోసం ప్రయత్నిస్తూ ఉంటారు. అయితే.. కేసు కోర్టులో విచారణ పూర్తీ చేసుకుని విడాకులు రావడం అంటే.. అది చాలా సమయం పట్టే విషయమే. ఏ పరిస్థితుల్లో విడాకులు రాకున్నా రెండవ వివాహం చేసుకోవచ్చో అడ్వొకేట్ ఆకుల రమ్య గారు ఈ విధం గా వివరించారు.

భారత చట్టాల ప్రకారం ఒక వ్యక్తి (స్త్రీ లేదా పురుష) ఒకసారి వివాహం చేసుకున్న తరువాత ఆ బంధాన్ని గౌరవించాలి. దంపతులిద్దరికీ పొసగనప్పుడు.. ఆ బంధాన్ని గౌరవిస్తూ విడాకులు వచ్చే వరకు మరొక వివాహం చేసుకోకూడదు. అంటే విడాకులు రాకుండా మరో పెళ్లి చట్ట రీత్యా నేరం అవుతుంది. అయితే కొన్ని సందర్భాలలో మాత్రం ఈ కండిషన్ కి మినహాయింపు ఉంది.

చాల మంది ఈ మినహాయింపుని పట్టుకుని.. యు ట్యూబ్ లలో వీడియో లు చూసో.. లేక మరోరకం గానో భావించి విడాకులు రాకుండానే పెళ్లి చేసుకుని ఇబ్బందుల్లో పడుతుంటారు. నిజానికి విడాకులు రాకుండా పెళ్లి చేసుకోవాలంటే ఒక కండిషన్ ఉంది. అదేంటంటే.. వివాహం అయినా తరువాత భార్య గాని, భర్త గాని కనీసం ఏడేళ్ల పాటు కనిపించకుండా పోతే అప్పుడు సదరు వ్యక్తి విడాకులు రాకున్నా వివాహం చేసుకోవచ్చు.

ఈ విషయం హిందూ, ముస్లిం పురాణాలలో కూడా ఉంది. హిందూ ధర్మ శాస్త్ర ప్రకారం ఓ వ్యక్తి కనీసం పన్నెండేళ్ల పాటు కనిపించకుండా పోతే.. ఆ వ్యక్తి మరణించినట్లు అంగీకరిస్తారు. అలాగే.. ముస్లిం శాస్త్రాల ప్రకారం ఎవరైన ఒక వ్యక్తి 99 సంవత్సరాల పాటు కనిపించకపోతే వందవ సంవత్సరం లో ఆ వ్యక్తి మరణించినట్లు అంగీకరిస్తారు. అయితే.. ఇందుకు సంబంధించి ఇండియన్ ఎవిడెన్స్ చట్టం కూడా వివరణ ఇచ్చింది.

ఇండియన్ ఎవిడెన్స్ ఆక్ట్ లో సెక్షన్ 107, 108 లు ఈ విషయాన్నీ స్పష్టం గా పేర్కొన్నాయి. అయితే.. ఒక మనిషి ఏడేళ్లు గా కనిపించడం లేదు అని చెప్పడానికి ప్రూఫ్ ఏంటి..? ఎవిడెన్స్ ఆక్ట్ ప్రకారం ఈ విషయాన్నీ ప్రూవ్ చేయగలిగితే.. ఆ వ్యక్తి విడాకులు రాకున్నా వివాహం చేసుకోవచ్చు. ఐతే.. ఇది ఎలా ప్రూవ్ చేయాలంటే.. ఎవరైనా ఒకరు మిస్ అయినపుడు వెంటనే పోలీస్ స్టేషన్ లో మిస్సింగ్ కేసు నమోదు చేయాలి.

ఈ కేసు ఏడేళ్ల పాటు నడిచి, ఇన్వెస్టిగేషన్ జరుగుతూ ఉన్నప్పటికీ సదరు మిస్ అయినా వ్యక్తి కనిపించని పక్షం లో మాత్రమే ఈ కేసు ఎఫ్ ఐ ఆర్ ను ఎవిడెన్స్ గా చూపించవచ్చు. అయితే.. ఇది అందరి విషయం లో పాజిబుల్ కాదు కాబట్టి ఈ విషయాన్నీ చాలా మంది పట్టించుకోవడం లేదు. అయితే.. కొందరు సగం సగం విషయాలు తెలుసుకుని విడాకులు రాకపోయినా వివాహాలు చేసుకోవచ్చు అనుకుని రెండవ వివాహం చేసుకుంటున్నారు. దీనివలన కొత్త చిక్కులను తెచ్చుకున్నట్లే అవుతుంది.

Watch Video: