Mythology

సోషల్ మీడియా అనేది మంచికి, చెడుకి రెండిటికి ఒక మీడియం అయిపోయింది. ఏదైనా ఒక విషయాన్ని ప్రపంచంలో ఎంత దూరం అయినా సరే విస్తరింప చేయగల శక్తి సోషల్ మీడియాకి ఉంది. అవి నిజాలు అయితే పదిమందికి ఈ విషయం తెలిస్తే మంచి జరుగుతుంది. లేదు అవి నిజాలు కాకపోతే అందరికీ తెలియడం అనేది కరెక్ట్ కాదు.

సోషల్ మీడియాలో కొన్ని వదంతులు సృష్టించి వాటిని బాగా వైరల్ చేయడం ఈ మధ్య బాగా అలవాటైపోయింది. ముఖ్యంగా మూఢనమ్మకాలను బాగా స్ప్రెడ్ చేస్తున్నారు. తాజాగా అలాంటి ఒక వదంతే ఇప్పుడు సోషల్ మీడియాలో చక్కర్లు కొడుతుంది.

2024 సంక్రాంతి కీడు వచ్చిందని ఈ సంక్రాంతికి ముత్తైదువులు ఇద్దరు కొడుకులు ఉన్నవారు ఒక కొడుకున్న వారికి గాజులు కొన్ని ఇవ్వాలని వార్తలు బాగా వైరల్ చేస్తున్నారు. ఇందులో ఎంతవరకు నిజం ఉంది అనే విషయం తెలియదు కానీ, ఈ విషయం మాత్రం గత కొద్ది రోజుల నుండి సోషల్ మీడియాలో విపరీతంగా సర్క్యులేట్ అవుతోంది. ఒక పాయింట్ తర్వాత ఈ విషయం నిజం అని నమ్మడం మొదలుపెట్టారు కూడా. అసలు ఈ వార్త ఎక్కడ నుండి మొదలు అయ్యింది అనేది తెలియదు. కానీ ప్రచారంలోకి మాత్రం వచ్చింది. ఇందులో నిజం ఎంత ఉంది అనేది కూడా తెలియదు.

అయితే దీనిపైన వేద పండితులు స్పందించారు… సోషల్ మీడియాలో వైరల్ అవుతున్న వార్తలో ఎటువంటి నిజం లేదని తేల్చి చెప్పారు. శాస్త్ర ప్రమాణం కాకుండా ఇటువంటివి చేయకూడదని అన్నారు. ఈ సంక్రాంతికి ఎటువంటి కీడు లేదని ఎవరో ఎక్కడో ఒకచోట సృష్టించిన దాన్ని పట్టుకుని అందరూ నిజమైన నమ్మడం మంచిది కాదని అన్నారు. ఒకవేళ నిజంగా గాజులు కొనివ్వాలనుకుంటే కొనివ్వచ్చు తప్ప ఈ మూఢ నమ్మకాలను ఆధారంగా చేసుకుని కొనివ్వడం అనేది సరైన పద్ధతి కాదని చెబుతున్నారు.

పండుగలకు కీడు రావడం గాజులు కొనివ్వడం అన్నదానికి ఎటువంటి సంబంధం లేదని ఏదైనా అటువంటిది ఉంటే వేద పండితులు స్పష్టమైన వివరణ ఇస్తారని వాటిని మాత్రమే నమ్మాలని తెలియజేశారు. దీన్నిబట్టి చూస్తుంటే సోషల్ మీడియాలో వైరల్ అవుతున్న వార్త ఉట్టి పుకారు మాత్రమే అని తేలిపోయింది.

దేశమంతా ఇప్పుడు అయోధ్య రాముని ప్రాణ ప్రతిష్ట కోసం ఎదురుచూస్తుంది. జనవరి 22 ఎప్పుడు వస్తుందా అంటూ ఎదురుచూస్తున్న సమయం రానే వచ్చింది. మరికొన్ని రోజులలో బాలరాముడి విగ్రహ ప్రాణ ప్రతిష్ట జరగబోతుంది. శ్రీరాముడి అభిషేక సమయంలో ఐదు కేజీల అఖండ జ్యోతిని వెలిగించనున్నారు. కంప్లీట్ గా వెండితో తయారైన అఖండ దీపం అయోధ్యకు చేరుకుంది. దీనికి శ్రీరామ్ అఖండ జ్యోతి అని పేరు పెట్టారు. శైలేంద్ర సోని అనే భక్తుడు ఐదు లక్షల వ్యయంతో దీన్ని తయారు చేయించారు.

ఆఖండ జ్యోతి నిర్మాణంలో 18 గేజ్ వెండి ప్లేట్ ను వాడటం వల్ల ఇది అతి బలంగా ఉంటుంది. ఈనెల 16 నుంచి 22 వరకు అయోధ్య రామ మందిరంలో జరగనున్న రామ్ లల్లా పవిత్రోత్సవంలో శ్రీరామ్ అఖండ జ్యోతిని ఉపయోగించబోతున్నారు. రామ్ లల్లా ప్రాణప్రతిష్ట కార్యక్రమం సందర్భంగా వారం పాటు ప్రత్యేక పూజలు కొనసాగుతాయి. ఈ అఖండ జ్యోతిని ఒకసారి నెయ్యి నింపి వెలిగిస్తే 72 గంటల పాటు వెలుగుతుంది.

ఈ అఖండ జ్యోతి నుంచి వెలువడే పొగ ఆలయ ప్రాంగణంలోకి వెళ్లకుండా తిరిగి అఖండ జ్యోతి లోపలికి వెళ్లే లాగా తయారు చేశారు. ఈ అఖండ జ్యోతి 25 సంవత్సరాల పాటు పాడవకుండా ఉంటుందని చెప్పుకొచ్చారు శైలేంద్ర సోని. అలాగే ఈ దీపాన్ని శ్రీరాముడికి అంకితం చేసేందుకు ఏర్పాట్లు చేస్తున్నట్లు చెప్పుకొచ్చారు రామ మందిర్ ట్రస్ట్ ప్రధాన కార్యదర్శి చంపత్ రాయ్.

రామ్ లల్లా ప్రాణప్రతిష్ట కార్యక్రమం సందర్భంగా ఏడు రోజులపాటు మతపరమైన ఆచారాలు కొనసాగుతాయి. ఈ సందర్భంగా శ్రీరామ అఖండ జ్యోతిని మతపరమైన ఆచారాలలో ఉపయోగిస్తారు. ఈ అఖండ జ్యోతి మాత్రమే కాకుండా అయోధ్యలో రామాలయం నిర్మాణానికి ఇటుకలు దేశం నలుమూలల నుంచి వచ్చాయి అలాగే గంటలు, పళ్లాలు ఇలా ప్రతిదీ వివిధ రాష్ట్రాల నుంచి వచ్చాయి.

భారతదేశంలో ఉన్న సమస్త హిందువులందరి చిరకాల కోరిక త్వరలో నెరవేరునుంది. అయోధ్యలో రామ మందిర ప్రతిష్టాపన కార్యక్రమం జరగనుంది. జనవరి 22వ తారీఖున ఈ మహోన్నత కార్యక్రమానికి ముహూర్తాన్ని ఖరారు చేశారు. ఇప్పటికే రామ మందిరం నిర్మాణం పూర్తయింది.

రామమందిర ప్రారంభోత్సవం అలాగే విగ్రహ ప్రతిష్ట కార్యక్రమానికి దేశంలోని ప్రముఖులు అందరికీ ఆహ్వానాలు అందించారు. అలాగే సామాన్యులు ఎవరు అయోధ్య రాలేకపోయమని బాధపడకుండా అయోధ్య రాముని అక్షింతలు దేశంలో ఉన్న హిందువులందరికీ కాశ్మీర్ నుంచి కన్యాకుమారి వరకు ప్రతి ఒక్కరికి చేరవేసే కార్యక్రమాన్ని చేపట్టారు.

ఇలా అందుకున్న అయోధ్య అక్షింతలను ఏం చేయాలనే సందేహం చాలా మందికి వచ్చి ఉంటుంది. అయితే అయోధ్య క్షేత్రం నుండి అందిన అక్షింతలు మన ఇంట్లో ఉన్న కొన్ని అక్షంతలతో కలుపుకుని జనవరి 22వ తారీఖున రామ మందిర ప్రతిష్ట కార్యక్రమం జరిగేంతవరకు ప్రతిరోజు మన ఇంటిలోని శ్రీరాముని పటం వద్ద శ్రీ రామ జయ రామ అంటూ 108 సార్లు జపిస్తూ పూజలు చేయాలి.

శ్రీరామ విగ్రహ ప్రతిష్ట కార్యక్రమం జరిగిన తర్వాత ఆ అక్షింతలను శ్రీరాముని దివ్య ఆశీస్సులుగా భావించి నెత్తిన జల్లుకోవాలి. మిగిలిన అక్షింతలను భద్రపరచుకొని శుభదినాల అప్పుడు వాటిని వాడుకోవాలి. శ్రీరాముని అక్షింతలు అందని వారు ఎవరు బాధపడాల్సిన పనిలేదు. శ్రీరాముని చిత్రపటం ముందు ప్రతిరోజు పూజలు చేస్తూ ఆ శ్రీరాముని విగ్రహ ప్రతిష్ట ఆలయ ప్రతిష్ట కార్యక్రమాలను వీక్షిస్తూ రాముని ఆశీస్సులు పొందటమే మనకి ఆ దేవుడు అందించే వరంగా భావించాలి.

దేవాలయాలకు పుట్టిల్లు మన భారతదేశం. ప్రతి గ్రామంలోని ఏదో ఒక మందిరం ఆ మందిరానికి ఒక విశిష్టత ఉంటాయి. అలాంటి ఒక మహిమాన్వితమైన గుడి తెలంగాణలోని మెదక్ జిల్లాలో ఉంది. ఈ క్షేత్రంలో ఎక్కడా లేనివిధంగా మొగలిరేకులతో శివునికి పూజలు నిర్వహిస్తారు. ఇక్కడ ఉన్న నీటి గుండం నుంచి పూజా విధానం వరకు అన్ని విశిష్టతలే. స్కాంద పురాణం ప్రకారం కేతకి అనే అప్సరస కొన్ని కారణాల వలన ముని శాపంతో మొగలివనంగా మారుతుంది.

అదే కేతకి వనంలో బ్రహ్మ శివుని కోసం తపస్సు చేయగా ప్రత్యక్షమైన శివుడు బ్రహ్మ కోరిక మేరకు బాణలింగ రూపంలో అక్కడే వెలిశాడు. అందుకే ఈ క్షేత్రానికి కేతకి సంగమేశ్వర క్షేత్రమని పేరు. ఈ ఆలయం వెనుక భాగంలో ఒక గుండం ఉంటుంది. కాశీలో ప్రవహించే గంగానది యొక్క ఒక ధార భూగర్భ మార్గాన వచ్చి ఈ గుండంలో కలుస్తుందని భక్తుల నమ్మిక. మధ్యాహ్నం స్వామివారికి నైవేద్యం ఈ గుండంలోనే పెడతారు.

ఈ గుండానికి ఉన్న గోడకు ఒక రంధ్రం ఉంది గుండంలో నీరు నిండుగా ఉన్నప్పుడు ఆ రంధ్రం  కనిపించదు ప్రతిరోజు మధ్యాహ్నం గుండంలోని నీటిని ఆ రంధ్రం  ద్వారా సగం వరకు వదిలేస్తారు. ఆ సమయంలో స్వామివారికి ఒక ఆకులో నైవేద్యం పెట్టగా అది నీటితో పాటు ఆ రంధ్రం గుండా వెళ్ళిపోతుంది అలా ఆ నీరు ఒక సొరంగంలోనికి వెళుతుందని భక్తుల నమ్మిక. నీటితోపాటు నైవేద్యం కూడా లోపలికి వెళ్ళిపోతుంది.

కాసేపటి తర్వాత ఆ గుండం స్వచ్ఛమైన నీటితో పూర్తిగా నిండిపోతుంది ఇదంతా సంగమేశ్వరుని లీలగా భక్తులు భావిస్తారు. ఈ ఆలయ ప్రాంగణంలో ఒక చెట్టు కింద ఒక శివలింగం ఉంటుంది. దానిని కేవలం చేతి వేళ్ళతో పైకి లేపితే వారి కోరికలు నెరవేరుతాయి అని ప్రజలు నమ్మకం దీనిని కోరికల లింగం అని కూడా అంటారు. ఇక్కడ శివరాత్రికి తొమ్మిది రోజులపాటు ఘనంగా ఉత్సవాలు జరుగుతాయి. అలాగే కార్తీకమాసంలో పార్వతి సంగమేశ్వరుల కళ్యాణం వైభవంగా జరుగుతుంది.

తులసీదాస్ చేత రచించబడిన రామ్ చరిత మానస లో బాల రాముడుని రామ్ లల్లా అని వర్ణించారు. ఈ పేరు చాలా ఫేమస్ అయిపోయింది. అయోధ్యలో రామ మందిరం జనవరి 22, 2024న ప్రారంభోత్సవం జరుగుతుందన్న విషయం అందరికీ తెలిసిందే. అయితే ఈ సందర్భంగా మధ్యాహ్నం 12:30 గంటలకు ప్రధాని నరేంద్ర మోడీ ఈ కార్యక్రమాన్ని దగ్గరుండి జరిపిస్తున్నారు.ఇందులో బాల రాముడి ని ప్రతిష్టింస్తున్నారు.

దీనికోసం ముగ్గురు వేరు వేరు కళాకారుల దగ్గర బాల రాముడి విగ్రహాన్ని తయారు చేపించారు. అందులో కర్ణాటక కు చెందిన అరుణ్ యోగిరాజ్ అనే ఒక కళాకారుడు చేసిన బాల రాముడి విగ్రహం ఎంపిక అయింది. ఆ విగ్రహాన్ని గర్భగుడిలో ప్రతిష్టించబోతున్నారు. దీన్ని రామ్ లల్లా అని పిలుస్తారు.అసలు ఈ పేరు ఎందుకు వచ్చింది అంటే మనం చిన్నపిల్లలని చిన్ను, బుజ్జి, చిట్టి, కన్నా అని ఎలాగైతే ప్రేమతో పిలుస్తామో అలాగే అప్పట్లో అయోధ్యలో చిన్న పిల్లలని లల్లా అని పిలిచేవారట.

ఐదు నుంచి ఆరేళ్ల వయసులో ఉన్న రాముడ్ని రామ్ లల్లా అని అప్పట్లో వాళ్ళు పిలిచేవారట. దాన్నే తులసీదాస్ తన రామ్ చరిత మానస్ లో వర్ణించారు. అందుకే అయోధ్య రాముడ్ని రామ్ లల్లా అనే పేరుతో పిలవబోతున్నారు.ఇది ఇలా ఉండగా జనవరి 22న అయోధ్యలో అతి ఘనంగా రామ మందిరంలో రాముని ప్రతిష్టాపన జరగనుంది.

దీనికోసం ప్రధానమంత్రి మోడీతో సహా పలు రాజకీయ నాయకులు, సినీ ప్రముఖులు ప్రభాస్, అల్లు అర్జున్, టైగర్ ష్రాఫ్, సల్మాన్ ఖాన్ మొదలైన వాళ్ళందరూ హాజరు కాబోతున్నారు. నరేంద్ర మోడీ తన చేతుల మీదగా ఈ కార్యక్రమాన్ని జరిపించబోతున్నారు. ఎన్నో రోజుల నుంచి అనుకుంటున్న ఈ రామ మందిరం ఎట్టకేలకు పూర్తి అయ్యి ప్రతిష్టాపన దశలోకి వచ్చింది. భారతదేశమంతా జనవరి 22న ఒక పండుగలా చేసుకుంటారు.ఆ తేదీ భారత చరిత్రలో ఎప్పటికీ నిలిచిపోయి ఉంటుంది.

నేడు చాలా మందికి దేవుడు లేడు, అదంతా బూటకం అంటూ నోటికొచ్చినట్లు మాట్లాడటం ఫ్యాషన్ అయిపోయింది. అయితే అలాంటి వాళ్ళకి సరైన సమాధానం చెప్పే గుడి ఒకటి రాజస్థాన్ లో ఉంది. మానవ శక్తికి అతీతమైన శక్తి ఏదో ఉంది అనటానికి ఈ గుడి పెద్ద ఉదాహరణ. ఈ విషయాన్ని ఇటు ఇండియా అటు పాకిస్తాన్ ఆర్మీ వారు కూడా గుర్తించారు. ఇంతకీ ఆ గుడి ఎవరిది, ఎక్కడ ఉంది అనే విషయాలు తెలుసుకుందాం.

రాజస్థాన్లోని జై సల్మేర్ లోని ధార్ ఎడారి కి సమీపంలో సిద్ధ తనోత్ రాయ్ మాత ఆలయం ఉంది. 1965,1971 యుద్ధాల సమయంలో జై సల్మేర్ లోని భారతదేశం పాకిస్తాన్ సరిహద్దుకు సమీపంలో యుద్ధం జరిగినప్పుడు పాకిస్తాన్ అనేకసార్లు ఈ ఆలయం పై బాంబులు విసిరింది కానీ ఒక్కటి కూడా పేలలేదు. ఆ బాంబులు అన్నీ ఇండియన్ ఆర్మీ అదే ఆలయంలోని మ్యూజియంలో ఉంచింది. ఇలా ఈ ఆలయం పై పాకిస్తాన్ ఒకసారి కాదు రెండుసార్లు కాదు ఏకంగా వేలసార్లు ఇలాంటి దాడికి పాల్పడింది.

ప్రతిసారి ఓటమి చవిచూచింది. తనోత్ రాయ్ మాత యుద్ధ సమయంలో భారత సైనికులకు సహాయం చేసిందని చాలామంది నమ్ముతారు. ఈ కారణంగానే పాకిస్తాన్ సైన్యం వెనక్కి తగ్గాల్సి వచ్చింది. 1965 లో జరిగిన ఇండోపాక్ యుద్ధ సమయంలో ఈ ఆలయం పై పాకిస్తాన్ సుమారు 3000 బాంబులు ఉపయోగించింది. అయితే ఒక్క బాంబు కూడా పేలక పోవటం విశేషం. ఆలయం పై ఒక గీత కూడా పడలేదు.

అదే సమయంలో పాకిస్తాన్ కి గణనీయమైన నష్టం కూడా కలిగింది. యుద్ధం ముగిసిన తర్వాత బిఎస్ఎఫ్ ఈ ఆలయాన్ని తమ అధీనంలోకి తీసుకుంది. ఇప్పుడు అక్కడ నిర్వహణ అంతా బిఎస్ఎఫ్ చేతుల్లోనే ఉంది. ఇక్కడ పూజ చేసే పూజారి సైతం సైనికుడే కావటం విశేషం. మరొక విశేషం ఏమిటంటే ఈ ఆలయానికి మానవాతీత శక్తి రక్షణ ఇస్తుంది అని ఇటు భారత సైనికులే కాదు అటు పాకిస్తాన్ సైనికులు కూడా విశ్వసిస్తారు.

భారతదేశం మత సామ్రాస్యానికి ప్రతీక హిందువులు, ముస్లింలు, క్రిస్టియన్లు సోదర భావంతో మెలుగుతూ ఉంటారు. అయితే మన భారతదేశంలో తమిళనాడులో ఉన్న వేళంకని మాత చర్చ్ తర్వాత అంతటి ప్రసిద్ధి ఉన్న చర్చ్ ఆంధ్రప్రదేశ్ లోని విజయవాడ వద్ద గుణదల చర్చ్.

ఇంకా చెప్పాలంటే, ఎవ‌రి విశ్వాసాల‌కు అనుగుణంగా వారు పూజ‌లు నిర్వహించుకోవ‌టం ఇక్కడ ప్రత్యేక‌త‌గా చెబుతుంటారు. క్రిస్మస్, జనవరి ఫస్ట్, గుడ్‌ ఫ్రైడే, ఈస్టర్‌ పర్వదినాల్లో పెద్ద స్థాయిలో క్రైస్తవులు గుణ‌ద‌ల‌లోని మేరిమాత ఆల‌యానికి త‌ర‌లి వ‌స్తారు. దక్షిణ భారతదేశంలోని క్రైస్తవ క్షేత్రాల్లో రెండో అతి పెద్ద క్షేత్రం విజ‌య‌వాడ న‌గ‌రంలోని గుణదల మేరీమాత చ‌ర్చి.

ఫ్రాన్స్‌లోని లూర్థు నగరంలో సహజమైన గుహలో ఉన్న మేరీమాత విగ్రహం త‌రహాలోనే ఇక్కడ కూడా సహజమైన గుహలో మేరీ మాత విగ్రహం ఉండడం వల్ల ఈ క్షేత్రం బాగా ప్రసిద్ధి చెందింది. అంతే కాకుండా ప్రతి ఏటా ఫిబ్రవరి 9, 10, 11 తేదీలలో ఇక్కడ మేరిమాత ఉత్సవాలు జరుగుతాయి. దేశవ్యాప్తంగా లక్షల మంది భక్తులు ఈ ఉత్సవాలకు త‌ర‌లివ‌స్తుంటారు.

ఫ్రాన్సులో ఉన్న లూర్థు నగరంలో ఉన్న కొండ అడవిలో సోబిరస్‌ అనే 14 ఏళ్ల బాలిక వంట కోసం కలప ఏరుకునేందుకు వెళ్లగా అక్కడ మేరీ మాతను పోలి ఉన్న ఒక మ‌హిళ కనిపించి ఆమెతో మాట్లాడిందని ఆ అమ్మాయి వచ్చి తల్లికి చెప్పింది. ఆ తేదీ ఫిబ్రవరి 11… ఆ తేదీన మరియమాత భక్తులకు కనిపించిడం తో అక్కడ ఉత్సవాలు జరుగుతాయి. దీంతో ఇక్కడ‌ గుణదలలో కూడా అదే ఫిబ్రవరి 11న ఉత్సవాలు నిర్వహించడం ఆనవాయితీగా వస్తోంది.

గుణ‌ద‌ల కొండ అన‌గానే అంద‌రికి మేరిమాత పేరు గుర్తుకు వ‌స్తుంది. కానీ ఇక్కడ మత సామరస్యం ఉంటుంది.ఇక్కడ ఎవ‌రి విశ్వాసాల‌కు అనుగుణంగా వారు ప్రార్థన‌లు చేసుకోవ‌చ్చు. కొండ‌కు వ‌చ్చే భ‌క్తులు ఏ మ‌తానికి చెందిన వారైనా వారి మ‌తాల‌కు అనుగుణంగా ప్రార్థన‌లు చేసుకునే వీలుంటుంది. భ‌క్తులు త‌ల‌నీలాలు స‌మ‌ర్పించ‌టం, అగ‌ర్బత్తీలు, కొవ్వొత్తులు వెలిగించి పూజ‌లు చేసుకోటం, వాహ‌నాలకు పూజ‌లు చేసుకోవ‌టం ఇలా ఎవ‌రి విశ్వాసాల‌కు అనుగణంగా వాళ్లు ప్రార్థనలు చేసుకొని స్వస్థత చేకూర్చుకుంటార‌ని మ‌త పెద్దలు చెబుతున్నారు