Mythology

పుట్టిన వారు మరణించక తప్పదని భగవద్గీత ద్వారా శ్రీ కృష్ణుడు ఎప్పుడో బోధించాడు. అయితే, మన నుంచి ప్రాణాన్ని వేరు చేసేది మాత్రం యమ ధర్మరాజు అన్న సంగతి మనకు తెలిసిందే. మనలో చాలా మందికి ఆయన పట్ల భయము, భీతి ఉంటుంది.

ఆయన మన ప్రాణాలను తీసుకెళ్ళిపోతాడన్న భావన కలిగి ఉంటాము. కానీ.. ఇది సృష్టిధర్మం లోని భాగం మాత్రమే. యమధర్మరాజు కూడా మన ప్రాణాలను తీసుకెళ్లే ముందు మనకు నాలుగు సంకేతాలను పంపుతారట. అవేంటో..మనం చూద్దాం..

ఆ సంకేతాలను తెలియచెప్పే కథ ఒకటి ఉంది. యమునా నదీ తీరం లో అమృతుడు అనే వ్యక్తి నివసిస్తూ ఉండేవాడట. అతనికి ఎపుడు చూసినా తాను చనిపోతానేమో అని.. ఎపుడు చనిపోతానో అని ఒక దిగులు గా ఉండేదట. ఈ విషయం లో దిగులు పోగొట్టుకోవడం కోసం యమ ధర్మ రాజుని ఉద్దేశించి తపస్సు చేసాడట. అతని తపస్సుకి మెచ్చి యమధర్మ రాజు ప్రత్యక్షం అయి ఏమి వరం కావాలో కోరుకోమన్నాడట. అయితే, ఆ వ్యక్తి తనకి మరణం ఎప్పుడు వస్తుందో ముందుగానే తెలియచేయమన్నాడట. ఆ విషయం ముందే తెలిస్తే తన బాధ్యతలన్నీ మరొకరికి అప్ప చెప్పేయాలనేది అతని ఆలోచన.

అయితే, యమధర్మ రాజు మరణం ఎప్పుడు వస్తుందో చెప్పలేనని, అయితే అందుకు గుర్తు గా కొన్ని సంకేతాలను మాత్రం పంపగలనని తెలిపాడట. వాటిని బట్టి మరణం వచ్చే విషయం తెలుసుకోవాలని యమధర్మరాజు సూచించారు. ఆ తరువాత ఈ విషయాన్నీ అమృతుడు మర్చిపోతాడు. పెళ్లి చేసుకోవడం, పిల్లలని కనడం, వారికి కూడా పెళ్లిళ్లు అవ్వడం కాలక్రమం లో జరిగిపోతుంటుంది. అయితే, ఓ రోజు అమృతుడికి యమధర్మరాజు తో జరిగిన సంభాషణ గుర్తుకు వస్తుంది.

కానీ, ఆయన చెప్పిన సూచనలు ఏవి కనిపించకపోవడం తో తనకు ఇంకా ఆయువు ఉందని అమృతుడు అనుకుంటాడు. కాలక్రమం లో అతని చర్మం ముడతలు పడుతుంది, వెంట్రుకలు తెల్లబడతాయి. పళ్ళు కూడా ఊడిపోతాయి. పక్షవాతం సోకి మంచానికే పరిమితం అవుతాడు. ఓ రోజున యమధర్మరాజు అతని ప్రాణాలు తీసుకుని పోవడానికి వస్తాడు. అయితే, అమృతుడు ఆశ్చర్యం తో నాకు సూచనలు చేస్తానని మాటిచ్చావు. కానీ, ఎలాంటి సూచనలు ఇవ్వకుండా తీసుకెళ్ళిపోతున్నావు. నువ్వు నాకిచ్చిన వరం మాటేమిటి? అని అడుగుతాడు.

నేను నీకు నాలుగు సార్లు సూచనలు చేసినప్పటికీ, నువ్వు గ్రహించలేదు అని చెబుతాడు. ఆ సూచనలేమిటని అమృతుడు యముడిని అడగ్గా, వెంట్రుకలు తెల్లబడడం, చర్మం ముడుచుకోవడం, పళ్ళు ఊడిపోవడం, పక్షవాతం వంటి అనారోగ్యాలను తానూ పంపిన సూచనలు గా యముడు వివరిస్తాడు. అప్పుడు అమృతుడుకి కి విషయం అర్ధం అవుతుంది. అమృతుడు నిజాన్ని ఒప్పుకున్నతరువాత యమధర్మరాజు అతని ప్రాణాలను తీసుకెళ్ళిపోతాడు.

ఏదైనా తప్పు జరిగినప్పుడు, చూడకూడనిది చూసినప్పుడు శివ శివా, రామరామా, అనుకోవడం పరిపాటి. అసలు ఇలా అనుకోవడం లో ఆంతర్యం ఏంటి. ఎప్పటి నుంచి ఇలా అనుకోవడం అలవాటైంది.,?? ఇప్పుడు తెలుసుకుందాం.
శివమహాపురాణం రుద్రసంహిత ఇరవైనాలుగో అధ్యాయంలో ..ఈ కథాసందర్భం కనిపిస్తుంది.

రామాయణంలో శ్రీ రామ చంద్రుడు అరణ్యవాసం చేస్తున్న సందర్భంలో సీతాపహరణ జరిగింది.రావణ వధ కోసం సీతాపహరణ జరిగింది. అప్పుడు రాముడు, లక్ష్మణుడు సీతామాత కోసం అడవుల్లో అడుగడుగునా వెతుకుతూ ముందుకు వెళ్తున్నారు.

ఇవి కూడా చదవండి: మనిషి చనిపోయాక కాలి బొట‌న వేళ్ల‌ను కలిపి కడతారు ఎందుకు? కారణం ఇదే.!

ఆ సమయంలో ఏక పత్ని వ్రతుడైన శ్రీ రామ చంద్రుడు అమిత దుఃఖంలో ఉన్నారు. అప్పుడు లోక సంచారం చేస్తూ ఆకాశ మార్గాన వెళ్తున్న పార్వతి పరమేశ్వరులు రాముణ్ణి, లక్ష్మణుణ్ణి చూసారు. భార్య కోసం రాముడు విలపిస్తున్న తీరు సతీదేవికి ఆశ్చర్యాన్ని కలిగించింది. భార్య కోసం భర్త నిజంగా ఇంత వేదనను అనుభవిస్తాడా? పురుషులు స్త్రీల విషయంలో ఇంత మమకారాన్ని కలిగి ఉంటారా..? అందులోనూ భార్యను ఇంతగా ప్రేమిస్తారా అనే సందేహాలు సతీ దేవికి కలిగాయి. అదే విషయాన్ని గురించి శివుడిని సతీదేవి అడిగింది.

అప్పుడు శివుడు పార్వతి తో శ్రీరామచంద్రుడు ధర్మస్వరూపుడని, ఏ ధర్మాన్ని ఎప్పుడు ఎలా పాటించాలో ఆయనకు బాగా తెలుసు. ఒక భర్తగా భార్యను ప్రేమించటంలోనూ, ఆరాధించటంలోనూ రాముడిని మించినవారు ఎవరూ లేరని ఆయన వివరించారు. కానీ సతీదేవి ఆ విషయం అంతగా నమ్మలేదు.రామచంద్రుడు ఆనందానికి దూరమై దేహకాంతి తగ్గి దుఃఖభారంతో ఉండటం, ఆయన అడుగులు ముందుకేయటం ఇవన్నీ నటన అని భ్రమించింది పార్వతి.

ఇవి కూడా చదవండి:అన్నిరోజులు బంధించినా…రావణుడు సీతను ముట్టుకోలేదు..! ఎందుకో తెలుసా.? కారణం “రంభ”

అందుకే మళ్లీ ఆ పరమేశ్వరి శివుడిని రాముడి గురించి అడుగుతూ రాముడి ప్రవర్తన మీద తమకు నమ్మకం కలగటం లేదని అనుమతిస్తే.. తాను స్వయంగా శ్రీరామచంద్రుడిని పరీక్షించి నిగ్గుతేల్చాలనుకొంటున్నట్లు చెప్పింది. శివుడు చిరునవ్వు నవ్వి ఎవరు ఎన్ని రకాల పరీక్షలు పెట్టినా ఏకపత్నీవ్రతం విషయంలో రాముడిదే గెలుపవుతుందని అన్నాడు. సతీదేవిని వెళ్లి రాముడిని పరీక్షించమని చెప్పి ఆయనొక మర్రిచెట్టు కిందకు వెళ్లాడు. వెంటనే సతీ దేవి సీతామాతలాగా రూపం మార్చుకొని సీతాన్వేషణ చేస్తున్న రామలక్ష్మణులకు ఎదురుగా నడుస్తూ రా సాగింది.

శ్రీరాముడు భార్య భ్రమలో ఉండి తనను సమీపిస్తాడని, తననే భార్యగా అనుకొని సంతోషంతో పొంగిపోతాడని ఆమె అనుకొంది.  కానీ సీతగా రూపం మార్చుకొన్న సతీదేవి సమీపానికి వచ్చేసరికి శ్రీరాముడు శివ శివా అంటూ శివనామస్మరణం చేస్తూ పక్కకు తప్పుకొని వెళ్లిపోయాడు. లక్ష్మణుడు ఆయననే అనుసరించాడు. అప్ప్పుడు రాముడి గురించి శివుడు చెప్పిన విషయాలన్నీ వాస్తవమేనని సతీదేవి గ్రహించింది. భార్య మీద ప్రేమానురాగాలు ఏ మేరకుండాలో, భ్రమలు ఆకర్షణలకు దూరంగా వాస్తవమైన ప్రేమ అనేది ఎలా ఉంటుందో ఇలా రాముడి పాత్ర చిత్రణం ద్వారా శివమహాపురాణం వివరిస్తోంది.

అంతేకాక పరస్త్రీ తన ఎదురుగా ఆకర్షించే రూపంలో వచ్చినప్పుడు రాముడు శివశివా అనటంవల్ల శివనామం పాపహరణమని, అది రాముడికి కూడా ఎంతో ఇష్టమైనదని స్పష్టమవుతోంది. అలాగే శివుడికి రామచంద్రుడి వ్యక్తిత్వం మీద ఎంత నమ్మకమో తెలుస్తుంది. అందుకే రామనామం శివుడికి ఇష్టమైంది. పురాణకాలం నుంచి ఇలా చూడకూడనివి చూసినప్పుడు లేదా పాపం అని అనిపించినప్పుడు శివ శివా అని అనుకోవటం ఓ అలవాటుగా వస్తోందని ఈ పురాణ కథ వల్ల తెలుస్తోంది.

ఆచార్య చాణిక్యుడు ఎంతో గొప్ప పండితుడు మరియు తెలివైన వ్యక్తిత్వం కలవాడు. ఈయన రచయితగా, సలహాదారునిగా ఎనలేని ఖ్యాతి గడించారు. చాణక్య నీతి ప్రతి అంశాన్ని కూడా ఎంతో అద్భుతంగా వివరించింది. కుటుంబ పెద్ద  ఏవిధంగా ఉండాలో అని తన నీతి శాస్త్రంలో సమాచారమిచ్చారు చాణిక్యుడు.

ఒక కుటుంబం ఎదగాలన్న, నాశనం అవ్వాలన్న అది ఆ ఇంటి నాయకత్వం వహించే పెద్ద మీద ఆధారపడి ఉంటుందని చెబుతారు. ఎప్పుడైతే ఇంటి యజమాని సక్రమమైన మార్గాన్ని చూపిస్తారో..  ఆ కుటుంబం ఉన్నత స్థితికి వస్తుందని, లేకపోతే అంధకారం ఏర్పడి  కుటుంబం నాశనం అవుతుందని చాణిక్యనీతి లో చెప్పబడింది.

ఇవి కూడా చదవండి: గణపతి విగ్రహాల్లో తొండం కొన్నిటికి కుడివైపున, కొన్నిటికి ఎడమవైపున ఎందుకు ఉంటుంది..? వాటి అర్థమేమిటి?

ఇప్పుడు ఇంటి పెద్దలు ఏ లక్షణాలు ఉండటం ద్వారా ఆ కుటుంబం నాశనం కాకుండా ఉంటుందో తెలుసుకుందాం…

#1. సమస్య :

ఆచార్య చాణిక్య నీతి ప్రకారం కుటుంబ పెద్ద, కుటుంబ సభ్యులకు ఏదైనా సమస్య వచ్చినప్పుడు వాళ్ళతో మాట్లాడి సమస్యను పరిష్కరించే విధంగా ఉండాలి. ఏ సమస్య వచ్చిన మీరు ఉన్నారని భరోసా వాళ్ళలో కలగాలి. ఎప్పుడైతే ఇంటి యజమాని సమస్యలను పట్టించుకోకుండా వుంటారో ఆ కుటుంబంలో అశాంతి నెలకొంటుంది.

#2. మంచి సంబంధం :

ఆచార్య చాణక్యుని నీతి ప్రకారం ఇంటి పెద్ద తన సోదరులు మరియు సోదరీమణులు తో ఎప్పుడూ మంచిది ప్రేమానుబంధం కలిగి ఉండాలి. ఎందుకంటే ఎప్పుడైతే మీ కుటుంబ సభ్యులతో మీకు సంబంధం లేకుండా ఉంటారో మీ కుటుంబం చెడు మార్గం వెతుక్కునే ప్రమాదముంటుంది. మీ సోదరుడు లేదా సోదరి ఏదైనా తప్పు చేస్తే వెంటనే దండించడం మంచిది. ఇలా చేయడం వల్ల మీ కుటుంబాన్ని మీరు కాపాడుకునే వారధిలా నిలుస్తారు.

#3. ఆహారం :

ఇంటి యజమాని ఎప్పుడూ ఆహారాన్ని అవమానించకూడదని చాణిక్యుడు చెబుతున్నాడు. ఎందుకంటే పిల్లలు కూడా తమ పెద్దలు చేసే పని అనుసరిస్తారు. ఎప్పుడైతే పిల్లలు ఇంటిలోని ఆహారాన్ని అవమానించడం ప్రారంభిస్తారో, ఆ ఇంటిలోని ఆనందం మరియు శ్రేయస్సు దూరమవుతుంది.

#4. డబ్బు :

ఇంటి పెద్ద ఎల్లప్పుడూ  పిల్లల భవిష్యత్తు గురించి ఉన్నతంగా ఆలోచిస్తుండాలి. వాళ్ల భవిష్యత్తు కోసం మంచి ప్రణాళికను నిర్మించుకోవాలి. ఎట్టిపరిస్థితుల్లోనూ కుటుంబసభ్యుల ముందు డబ్బు వృధా చేయకూడదు. పొదుపు అనేది వాళ్లకు అలవాటు చేయాలి.

ఇవి కూడా చదవండి: వినాయకుడి ముందు మొట్టికాయలు ఎందుకు వేసుకుంటారు..? దీనివెనుక ఇంత కథ ఉందా..?

భారతీయ సంస్కృతి అంటే అందరికీ ముందుగా గుర్తొచ్చేది ఆచారాలు. భారతీయులందరూ ఎన్నో ఆచారాలను పాటిస్తారు. కానీ అలా పాటించే ఆచారాలలో కొన్నిటికి మాత్రమే మనం ఎందుకు పాటిస్తున్నామో అనే కారణం తెలుసు. మనిషి చనిపోయిన తర్వాత చేసే అంత్యక్రియల్లో ఎన్నో ఆచారాలు ఉంటాయి.

మామూలుగా మనం అవన్నీ పాటిస్తాం. ఎందుకు పాటిస్తున్నామంటే మన పూర్వీకులు, లేదా మన తాతలు కూడా పాటించారు కాబట్టి. సాధారణంగా ప్రతి ఆచారం వెనుక ఒక అర్థం ఉంటుంది.

మనలో చాలా మంది అలాంటి అర్ధాన్ని తెలుసుకునేందుకు ప్రయత్నించం. దానికి కారణాలు మనం బిజీగా ఉండడం, లేదా తెలుసుకోవాలన్న ఆసక్తి లేకపోవడం ఇలా ఏవైనా కావచ్చు. అంత్యక్రియల సమయంలో చేసే ఒక పని శవానికి కాలి రెండు బొటన వేళ్ళు కలిపి దారం తో కట్టడం. ఇలా చేయడానికి వెనకాల ఒక కారణం ఉంది.

మనిషి చనిపోయిన తర్వాత శరీరం నుండి ఆత్మ వేరే పోతుంది అన్న విషయం అందరికి తెలిసిందే. కానీ చనిపోయిన తర్వాత కూడా తన ఆత్మ ఇంకా బతకాలి, తన వాళ్లతో ఉండాలి అని ఆరాట పడుతూ ఉంటుంది.  మనిషి లోకి ప్రవేశించి తిరిగి తన జీవితంలోకి వెళ్లిపోవాలి అనుకుంటూ ఉంటుంది.

దాంతో శవం లోకి దూరి లేచి మళ్ళీ తన ఇంట్లోకి వెళ్లి పోవడానికి ప్రయత్నిస్తూ ఉంటుంది. అలా ప్రయత్నిస్తున్నప్పుడు కాళ్లను కదలకుండా ఉంచటానికి ఒక తాడు లేదా దారం తో రెండు బొటన వేళ్లను కట్టేస్తారు. ఇది హిందూ ఆచారం ప్రకారం ఆ పద్ధతి కి గల కారణం. కానీ లాజికల్ గా దీనికి ఇంకో కారణం ఉంది.

లాజిక్ ప్రకారం చనిపోయిన తర్వాత శరీరం బిగుసుకుపోతుంది. దాంతో చలనం ఉండదు కాబట్టి కాళ్లు పక్కకి పడిపోతుంటాయి. అలా అవ్వకుండా ఉండడానికి రెండు కాళ్లను కలిపి కట్టేస్తారు.ఆచారం ప్రకారం అయినా, లాజిక్ ప్రకారమైనా కాళ్లు రెండూ కలిపి కట్టడానికి వెనుక ఉన్న కారణం మాత్రం బలమైనది.

సాధారణం గా నడక, తీరు తెన్నులను బట్టి కొందరు మనిషిని చూసి లక్షణాలు చెప్పేయగలుగుతుంటారు. అలానే, చేతి రేఖలను బట్టి కూడా వీరు ఇలా ఉంటారు.. వీరి లక్షణాలు ఈ విధం గా ఉంటాయి అని చెప్పగలుగుతుంటారు.

అలానే, అమ్మాయిల కాలి వేళ్ళను బట్టి వారు ఏ విధం గా నడుచుకుంటారు, ఏ విధం గా ప్రవర్తిస్తారు..? వారిని పెళ్లి చేసుకుంటే ఎలా ఉంటుంది అన్న విషయాలను కూడా కొందరు చెబుతుంటారు. అవేంటో, ఇప్పుడు చూద్దాం.

అమ్మాయిల కాలి బొటన వేలి కంటే.. పక్కన ఉన్న వేలు పొడుగు ఎక్కువ గా ఉంటె.. వారు చాలా తెలివైన వారు గా ఉంటారట. అలానే, వారు ఎక్కువ గా క్రియేటివ్ గా పని చేస్తారట. మిగతా వేళ్ళ కంటే బొటన వేలు పొట్టి గా ఉన్న అమ్మాయిలైతే ఎన్ని పనులను అయినా., ఏ పని అయినా సునాయాసం గా చేసేస్తారట. అదే బొటన వేలు పక్కన వేలు మిగతా అన్ని వేళ్ళ కంటే పొడవు గా ఉంటె కనుక, అలాంటి అమ్మాయిలలో లీడర్ షిప్ క్వాలిటీస్ ఉంటాయట. ఎలాంటి సమస్య ఎదురైనా ముందుండి నడిపించగలుగుతారట.

వారు డైనమిక్ గా ఉండడం తో పాటు, ఆధిపత్యాన్ని చెలాయిస్తూ ఉంటారు. అదే కాలి రెండో వేలు అన్ని వేళ్ళ కంటే పొట్టి గా ఉంటె.. అలాంటి అమ్మాయిలు బాగా కలివిడి గా ఉంటారట. అందరితో బాగా కలిసిపోతూ, నవ్వుతు ఉంటారట. అదే కాలి మొదటి మూడు వేళ్ళు సమానం గా ఉండి, చివరి రెండు వేళ్ళు చిన్న గా ఉంటె.. ఈ అమ్మాయిలు చాలా దృఢం గా ఉంటారట.

కాలి వేళ్ళ లో నాలుగు సమానం గా ఉండి చివరి వేలు చిన్న గా ఉన్న అమ్మాయిలు కుటుంబానికి అత్యధిక ప్రాముఖ్యతను ఇస్తారట. అదే అన్ని వేళ్ళు పొడుగు గా ఉండి నాలుగో వేలు పొట్టి గా ఉంటె, ఇలాంటి అమ్మాయిలకు ఫ్యామిలీల పట్ల, రిలేషన్ షిప్ల పట్ల పెద్ద గా ఆసక్తి ఉండదట. అందరు ఇలానే ఉంటారని కాదు. జనరల్ గా ఇలాంటి గుర్తుల ద్వారా కొన్ని విషయాలను అంచనా వేసి చెబుతూ ఉంటారు అంతే.

రామాయణం అనగానే  రాముడి 14 ఏళ్ల అర‌ణ్య‌వాసం, రావ‌ణుడు సీత‌ను ఎత్తుకెళ్ల‌డం, అత‌న్ని వ‌ధించి సీత‌ను మ‌ళ్లీ వెన‌క్కి తెచ్చుకోవ‌డంఅని ఒక లైన్ లో చెప్పమంటే ఇలా చెప్తారు. ఇలా చెప్పుకుంటూ పోతే ఎన్నో శ్లోకాలు, ప‌ద్యాల‌తో కూడుకుని ఆ పురాణం ఉంటుంది.

రామాయ‌ణం, అందులోని విశేషాలు, సంఘ‌ట‌న‌లు చాలా మందికి తెలిసిన‌ప్ప‌టికీ దాదాపుగా అనేక మందికి తెలియ‌ని విష‌యం ఇంకోటుంది. అదేంటి అంటే..

రావ‌ణుడు సీత‌ను ఎత్తుకెళ్తాడు కొన్ని నెల‌ల పాటు త‌న వ‌ద్దే ఆమెను నిర్బంధిస్తాడు. అనంత‌రం రాముడు సీతను వెతుక్కుంటూ వ‌చ్చి, రావ‌ణున్ని సంహ‌రించి ఆమెను తీసుకెళ్తాడు. ఇది అందరికి తెలిసిన కథే. అయితే రావ‌ణుని వ‌ద్ద సీత ఉన్న స‌మయంలో ఆమెను రావ‌ణుడు క‌నీసం ముట్టుకోను కూడా ముట్టుకోలేదు.  అంత‌టి రాక్ష‌సుడు అయి ఉండి కూడా రావ‌ణుడు సీత‌మ్మ‌ను అస్స‌లు తాక‌లేదు. దానికి కారణం ఏంటి అంటే.?

ఇంద్రుడి ద‌గ్గ‌ర, స్వర్గంలో ఉండే రంభ తెలుసు క‌దా? నిత్యం గానా భ‌జానాలు, మేజువాణీలు… అబ్బో ఆ వైభోగ‌మే వేరు. అయితే రావ‌ణుడు సీత‌ను తీసుకురావ‌డానికి చాలా సంవ‌త్స‌రాల ముందే అత‌ను ఓసారి స్వర్గానికి వెళ్తాడ‌ట‌. అప్పుడు అక్క‌డ ఉన్న రంభ‌ను చూసి రావ‌ణుడు మ‌న‌సు పారేసుకుంటాడు. త‌న‌తో గ‌డ‌పాల‌ని ఆమెను బ‌లవంతం చేస్తాడు. అందుకు రంభ ఒప్పుకోదు. అయినా రావ‌ణుడు వదిలి పెట్ట‌కుండా ఆమె వెంట ప‌డ‌తాడు. ఈ క్ర‌మంలో అది చూసిన రంభ ప్రియుడు న‌ల‌కుబేరుడు రావ‌ణుడికి శాపం పెడ‌తాడు.

ఇష్టం లేకున్నా ఎవ‌రైనా స్త్రీలను ముట్టుకోవ‌డానికి ప్ర‌య‌త్నిస్తే అత‌ని త‌ల‌లు ప‌గిలిపోతాయ‌ని న‌ల‌కుబేరుడు రావ‌ణుడికి శాపం పెడ‌తాడు. దీంతో చేసేది లేక రావ‌ణుడు వెన‌క్కి త‌గ్గుతాడు. అప్ప‌టికది అయిపోయినా ఆ శాపం అత‌న్ని వెంటాడుతూనే ఉంటుంది. అందులో భాగంగానే సీతను ఎత్తుకెళ్లినా, అన్ని నెల‌ల పాటు త‌న వ‌ద్ద బందీగా పెట్టుకున్నా ఆమెను కనీసం తాక‌ను కూడా తాక‌లేక‌పోతాడు. ఇదండీ అసలు కథ. ఇలాంటివి ఇంకెన్నో తెలుసుకోవాలి అంటే మా వాట్సాప్ నెంబర్ కి హాయ్ అని మెసేజ్ చేయండి.