Mythology

పెళ్లి అనేది జీవితంలో ఎంతో ముఖ్యమైనది. పెళ్లి తర్వాత జీవితం మారిపోతుంటుంది. రెండు కుటుంబాలు పెళ్ళితో ఒకటవుతారు. అలానే రెండు మనసులు మూడు ముళ్ళతో ఏకం అవుతాయి. వధూవరులకి నచ్చాక పెళ్లిని నిశ్చయిస్తారు. అయితే ఒక్కొక్క రాశి వాళ్లు ఒక్కో విధంగా ఉంటారు.

ఒక్కొక్కరి ఇష్టాయిష్టాలు ఒక్కో విధంగా ఉంటాయి. జ్యోతిష్య శాస్త్రం ప్రకారం చూసుకుంటే ఈ రాశుల వాళ్ళు చాలా అదృష్టవంతులు.

నిజానికి వీళ్ళు ఇతరుల యొక్క భవిష్యత్తును కూడా మార్చేస్తారు. ఈ రాశుల అమ్మాయిలని కనుక వివాహం చేసుకుంటే అదృష్టం తలుపు తట్టినట్లే. మరి ఆ రాశులు ఏవి..?, ఆ రాశుల అమ్మాయిలు వలన మీకు ఎలాంటి లాభం కలుగుతుంది అనే దాని గురించి ఇప్పుడు చూద్దాం.

#1. మకర రాశి:

మకర రాశి అమ్మాయిలపై శని ప్రభావం ఉంటుంది. జ్యోతిష్య శాస్త్రంలో మకర రాశి కి ప్రత్యేక స్థానం ఉందని ప్రత్యేకంగా చెప్పక్కర్లేదు. ఈ రాశి అమ్మాయిలు ఎంతో కష్టపడి పని చేస్తారు. వీళ్ళు అడుగడుగునా భర్తను అనుసరిస్తారు. భర్త జీవితంలో కష్టాలను తొలగించడానికి చూస్తారు. అలానే వీళ్ళు జీవితం లో భవిష్యత్తు గురించి కూడా ఎక్కువగా ఆలోచిస్తూ ఉంటారు. భర్త విజయం అందుకోవాలనే వీళ్లు ఎంతో కష్టపడతారు.

#2. కన్య రాశి:

ఈ రాశి అమ్మాయిలు చాలా తెలివైన వాళ్ళు. మర్యాదపూర్వకంగా వీళ్ళు వ్యవహరిస్తారు. వివాహం తర్వాత భర్త జీవితంలో ముఖ్యమైన పాత్ర పోషిస్తారు కన్యా రాశి అమ్మాయిలు.

#3. వృషభ రాశి:

ఈ రాశి అమ్మాయిలు జీవితంలో కలల్ని చేరుకుంటారు. నిజాయితీ గా వుంటారు. కష్టపడే తత్త్వం ఈ రాశి అమ్మాయిలకు ఎక్కువ. ఈ రాశి అమ్మాయిని పెళ్లి చేసుకుంటే కూడా అదృష్టవంతులే.

featured image: representative image. source: a screenshot from short film Raghuvamsha Rammayya Sugunala Seethamma

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు.

వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి. చాణిక్య నీతి ఎన్నో ముఖ్యమైన విషయాలు చెబుతోంది. అలాగే తోటి వారితో స్నేహ బంధాలను ఎలా కొనసాగించాలి.. అవతలి వారిని మన వశం చేసుకుని ఎలా నడుచుకోవాలి అన్న విషయాలను కూడా చాణుక్యుడు వివరించాడు.

అవతలి వారు మనం చెప్పినట్లు చేయాలంటే ముందు మనం వారి మనస్తత్వాన్ని అంచనా వేయాలి. వారు అత్యాశ పరులైతే, వారికి కావాల్సింది వారికి ఇచ్చేయాలి. కొందరు ధనం పైనా, మరికొందరు వస్తువుల పైనా అత్యాశను కలిగి ఉంటారు. వారికి మీతో అవసరం ఉంటె మీతో తియ్యగా మాట్లాడి వారి పనులు పూర్తి చేసుకుంటారు. వారికి ధనం ఆశ చూపి మీ వశంలోకి తెచ్చేసుకోవచ్చు. కొందరు గర్వాన్ని కలిగి ఉంటారు. వీరిని పొగడ్తలతో ముంచెత్తి.. వీరి గర్వాన్ని శాటిస్ఫై చేయడం ద్వారా మీ పనులు పూర్తి చేసుకోవచ్చు.

ఇక ఏ విషయం పైనా సరైన అవగానే లేని మూర్ఖులు ఉంటారు. వీరి ఏమీ ఆలోచించకుండా మాట్లాడేస్తూ ఉంటారు. దాని వలన ఇబ్బందుల్లో పడుతుంటారు. అయితే సక్సెస్ లేక ఇబందుల్లో పడుతూ ఉంటారు. వీరికి సరైన మాట సాయం చేసి దారిలో పెడితే మీ వశంలోకి వచ్చేసి మీరు చెప్పినట్లు వింటారు. వీరికి మంచి సలహాలు ఇవ్వడం ద్వారానే వశం చేసుకోవచ్చు.

ఇక కొందరు ప్రతిభావంతులు వుంటారు. సాధారణంగా వీరే ఇతరులను వశం చేసుకుంటూ ఉంటారు. వీరు ఎల్లప్పుడూ సత్యాన్ని, నిజాయితీ ని కోరుకుంటారు. అందుకే వీరిని వశం చేసుకోవాలంటే ఎల్లప్పుడూ నిజాలని మాట్లాడుతూ ఉండాలి. మనకి గౌరవం లేని చోట ఒక్క క్షణం కూడా ఉండకూడదు. ఎల్లప్పుడూ విజయం సాధిచే వారి వెంట నడుస్తూ ఉండాలి. ఎవరినైనా అందరు పొగుడుతున్న సమయంలో మనం కూడా పొగుడుతూ ఉండాలి. ఎవరి జీవితం ఎప్పుడెలాంటి మలుపులు తిరుగుతుందో చెప్పలేం. అందుకే వచ్చిన ప్రతి అవకాశాన్ని అంది పుచ్చుకోవాలి.

శకునం అంటే సమయం అనే అర్ధం వస్తుంటుంది. మంచి సూచన వచ్చే సమయాలని శుభ శకునాలని.. అదే చెడు సూచనలు ఎదురవుతూ ఉంటె వాటిని చెడు శకునాలు అని అంటుంటారు. అద్దం పగలడం, కత్తి నేలపై పడడం, పాలు నేలపై పడిపోవడం వంటి వాటిని చెడు శకునాలుగా భావిస్తూ ఉంటారు.

అయితే, ఏదైనా పని ప్రారంభించే ముందు పొరపాటున అద్దం మిగిలిపోతే ఆ పనిని మానుకోవాలని, లేదా కనీసం వాయిదా వేయాలని పెద్దలు చెబుతుంటారు. అయితే.. అద్దం పగిలితే దానిని చెడు శకునం అని ఎందుకు నమ్ముతారు?

దీని వెనుక చాలా నమ్మకాలు ఉన్నాయి. అసలు అద్దం పగిలిపోవడం వలన నిజంగా దురదృష్టం ఏర్పడుతుందా? అన్న సందేహం కలిగితే కొందరు అవుననే సమాధానం చెబుతారు. ఈ నమ్మకం యొక్క ఖచ్చితమైన మూలాలు ఖచ్చితమైనవి కానప్పటికీ, శతాబ్దాల నాటి సిద్ధాంతం అద్దం అనేది ఒకరి రూపాన్ని మరియు ఒకరి ఆత్మ యొక్క ప్రొజెక్షన్ అని బలంగా విశ్వసిస్తుంటారు. అద్దాన్ని పగలగొట్టడం అనేది ఆత్మని ముక్కలు చేయడంగా భావించబడుతోంది.

ఆత్మ ఎప్పుడైనా శరీరం నుంచి విడుదల అయినప్పుడు నెగటివ్ ఎనర్జీని విడుదల చేయడం ప్రారంభిస్తుంది. అందుకే ఆత్మలు, దెయ్యాలు అనేవి మూఢ నమ్మకాలు అయినప్పటికీ వాటిని నెగటివ్ ఎనర్జీగానే పరిగణిస్తుంటారు. అందుకే ఆత్మకు ప్రతిరూపం అయిన అద్దాలు పగిలినప్పుడు కూడా నెగటివ్ ఎనర్జీ వ్యాపిస్తుంది అని, అందుకే మొదలుపెట్టిన పనిని మానుకోవాలని, తప్పనిసరి పని అయితే కొంత సమయం వాయిదా వేయాలని చెబుతుంటారు. తద్వారా చెడు శకునం తాలూకు నెగటివ్ ఎనర్జీ దూరం అయ్యి పని సక్రమంగా పూర్తవుతుందని నమ్ముతారు.

పగిలిన అద్దాలు దురదృష్టాన్ని తెచ్చిపెడతాయనే ఆలోచన పురాతన గ్రీకుల నుండి వచ్చింది, వారు ఆత్మలు ప్రతిబింబించే నీటి కొలనులలో నివసిస్తున్నారని నమ్ముతారు. అలాగే అద్దాలు కూడా ఆత్మలని ప్రతిబింబిస్తాయి కాబట్టే ఈ నమ్మకం ఏర్పడిందని చెప్పవచ్చు.

ఆడపిల్ల పుట్టింట్లో ఉండడం వేరు. అత్తింట్లో ఉండడం వేరు. అలానే ఆడపిల్ల పుట్టింటి నుండి అత్తవారింటికి వెళ్ళినప్పుడు కూడా కొన్ని ఫార్మాలిటీస్ ఉంటాయి. ఆ విధంగా అనుసరిస్తూ ఉండాలి. లేదంటే పుట్టింటి వాళ్ళకి కష్టాలు వస్తాయి. అయితే ఆడపిల్లల్ని పుట్టింటి నుండి అత్తవారింటికి పంపించేటప్పుడు అనుసరించాల్సిన పద్ధతులు ఏవి..?,

ఎటువంటి రూల్స్ ని ఆడపిల్లలు ఫాలో అవ్వాలి అనే దాని గురించి రోజు మనం చూద్దాం. ఆడపిల్లలు తమకు నచ్చినట్లుగా ఇష్టం వచ్చిన వస్తువుల్ని తీసుకు వెళ్ళ కూడదు.

ముఖ్యంగా పొరపాటును కూడా ఇంటి ఆడపిల్ల ఇలాంటి వస్తువులని పుట్టింటి నుండి అత్తింటికి తీసుకు వెళ్ళకూడదు. మరి ఆ వస్తువులు ఏమిటో చూడండి.

#1. ఆడపిల్ల అత్త వారి ఇంటికి వెళ్ళినప్పుడు వినాయకుడి విగ్రహాన్ని కానీ లక్ష్మీ దేవి ఫోటోలును కానీ ఇవ్వకూడదు. వినాయకుడి విగ్రహాన్ని లేదా లక్ష్మీ దేవి ఫోటోని కానీ ఇస్తే పుట్టింటి వాళ్ళకి మంచిది కాదు. లక్ష్మి దేవి కలుగదు. అయితే వీటిని కొని ఇవ్వకూడదు కానీ బహుమతిగా వస్తే తీసుకువెళ్ళవచ్చు.
#2. అలానే చీపురుని కూడా ఇవ్వకూడదు.

#3. కత్తులు, కత్తి పీటలు, కత్తెర, సూది వంటి వస్తువులను కాపురానికి వెళ్తున్నప్పుడు తీసుకు వెళ్ళ కూడదు.
#4. అదేవిధంగా ఆడపిల్లలు పుట్టింటి నుండి అత్త వారింటికి వెళ్ళినప్పుడు నూనె ప్యాకెట్లను కూడా తీసుకు వెళ్ళకూడదు. నూనె తీసుకెళ్తే ఆర్థిక సమస్యల కుటుంబంలో వస్తాయి.

#5. అలానే మహాభారతం ఇవ్వకూడదు. ఎందుకంటే గొడవలు ఎక్కువగా ఉండే గ్రంధాలు ఇస్తే మంచిది కాదని అంటారు. కాబట్టి మర్చిపోయి కూడా ఈ వస్తువులని ఆడపిల్ల అత్త గారి ఇంటికి వెళ్ళినప్పుడు పంపించొద్దు.

అన్నపూర్ణా దేవి విగ్రహాన్ని ఇవ్వచ్చు. అలానే కృష్ణుడి బొమ్మ కూడా ఇవ్వచ్చు. కృష్ణుడు బొమ్మ ఇవ్వడం వల్ల సంతానం అభివృద్ధి చెందుతుంది. అలానే రామాయణాన్ని కూడా ఇవ్వచ్చు. రామాయణం ఇస్తే భార్య భర్తల మధ్య ప్రేమానురాగాలు పెరుగుతాయి.

సామాన్యంగా ఎవరైనా చనిపోతే మనం రెస్ట్ ఇన్ పీస్ అనే పదాన్ని వాడతాం. దాని అర్థం చనిపోయిన వ్యక్తి ఆత్మకు శాంతి చేకూరాలి అని అనుకుంటాం. కానీ హిందువుల్లో రెస్ట్ ఇన్ పీస్ అనే పదం వాడటం సరికాదు. ఆ పదం వెనుక ఒక అర్థం ఉంది.

క్రైస్తవులు చనిపోయిన వాళ్ళని పాతి పెడతారు. వాళ్లకి తీర్పు వచ్చే రోజు ఒకటి ఉంటుంది. అంటే ఆరోజు ఆ వ్యక్తి స్వర్గానికి వెళ్తాడా నరకానికి వెళ్తాడా అనేది ప్రభువు నిర్ణయిస్తారు. తీర్పు వచ్చే రోజు వరకు ఆత్మ ఆ సమాధిలో ఉంటుంది. తీర్పు రోజున చనిపోయిన వాళ్ళు మళ్ళీ లేస్తారు అని నమ్ముతారు. అప్పటివరకు ఆ ఆత్మ శవపేటిక లోపల ఉండాలి. అందుకే తీర్పు వచ్చేంతవరకు శాంతం తో ఉండమని రెస్ట్ ఇన్ పీస్ అన్న పదాన్ని వాడుతారు.

హిందూ మతం లో చనిపోయిన వాళ్ళు తిరిగి లేవడం అనేది ఉండదు. హిందూ మతం పునర్జన్మను నమ్ముతుంది. మరణించిన వ్యక్తి ఈ జీవితం లో చేసిన కర్మల ఆధారంగా వచ్చే జన్మ ఉంటుంది అని చెబుతుంది. కాబట్టి ఆత్మకి విశ్రాంతి అనేది లేదు.

హిందూ మతం లో ఆత్మకి మోక్షం ఉంటుంది అని నమ్ముతుంది. ఇక్కడ మోక్షం అంటే విముక్తి. జననం నుండి మరణం వరకు ఉన్న జీవిత చక్రంలో లో మనిషికి తోడు గా ఉన్న ఆత్మకి విముక్తి. అందుకే రెస్ట్ ఇన్ పీస్ అన్న పదాన్ని ఉపయోగించకుండా ఆత్మ మోక్షాన్ని పొందాలి అని, లేదా ఓం శాంతి అని, లేదా ఓం సద్గతి అని చెప్పాలి. సద్గతి అంటే మోక్షం లేదా విముక్తి అని అర్థం.

ఇంకా రెస్ట్ ఇన్ పీస్ అర్థం ప్రేతాత్మ అర్థం వచ్చేలా ఉంటుంది. హిందూ ధర్మం ప్రకారం చనిపోయిన వ్యక్తి శరీరాన్ని విడిచి పెట్టగానే ప్రేతాత్మ గా మారతారు. అందుకే రెస్ట్ ఇన్ పీస్ అన్నప్పుడు ఆ ఆత్మ భూమిపైనే ఉండిపోవాలని ప్రార్థిస్తున్నాం. అప్పుడు ఆత్మ ప్రేతాత్మ గా మారుతుంది. హిందువుల్లో మనిషి చనిపోయిన 13వ రోజు ఒక కార్యక్రమం చేస్తారు.

పదమూడవ రోజు కార్యక్రమంలో ప్రేతాత్మ ను ఈ భూమి విడిచి వెళ్ళమని కోరుతారు. అంటే మరో జన్మ తీసుకోమని అయినా కావచ్చు లేదా ఆత్మకు మోక్షం కలగాలి అని అయినా కావచ్చు. ఓం సద్గతి అని చెప్పడం ద్వారా ఆత్మని వెళ్లాలని కోరుతున్నట్టు అర్థం వస్తుంది.

ఇంకా హిందువులు పునర్జన్మను నమ్ముతారు కాబట్టి అలా చెప్పడం ద్వారా ప్రశాంతంగా అయినా కూడా ఈ భూమి మీద ఉండొద్దు అని, మరో జన్మ తీసుకోవాలి అంటే ఇప్పుడు ఆత్మ ఈ ప్రపంచాన్ని విడిచిపెట్టాలి అని కోరుతున్నట్టు కూడా అర్థం వస్తుంది.అందుకే హిందూ ధర్మం ప్రకారం రెస్ట్ ఇన్ పీస్ అన్న పదానికి అర్థం వేరేగా ఉంటుంది కాబట్టి ఆ పదం వాడటం సరి కాదు అనడానికి ఇదే అంతరార్థం.

మనం చూస్తూనే ఉంటాం. బ్రాహ్మణులు మాంసాహారం తీసుకోరు. అంతే కాదు.. వీరిలో చాలా మంది ఉల్లిపాయను, వెల్లుల్లిపాయను ఆహారంలో భాగంగా తీసుకోరు. నిజానికి వీటివలన శరీరానికి చాలా మేలు జరుగుతుంది. అయినప్పటికీ చాలామంది బ్రాహ్మణులు వీటిని ఆహారంగా తీసుకోవడానికి ఇష్టపడరు.

బ్రాహ్మణులలో చాలా మంది ఉల్లిపాయ, వెల్లుల్లిని తినడానికి ఇష్టపడరు. వారి వంటకాలలో కూడా ఇవి లేకుండా వండుకుని తింటూ ఉంటారు. ఈ రెండు పదార్ధాలలోను వాసన ఎక్కువ గా వస్తూ ఉంటుంది.

ఉల్లిపాయ, వెల్లుల్లి లో సల్ఫర్ (గంధకం) ఎక్కువ మోతాదులో ఉంటుంది. అందుకే వీటినుంచి ఎక్కువగా వాసన వస్తుంటుంది. వీటిని తీసుకోవడం వలన నాలుకపై వాటితాలూకు వాసన ఎక్కువ సేపు ఉంటుంది. తద్వారా మాట్లాడుతున్నప్పుడు కూడా ఆ వాసన వస్తూ ఉంటుంది. ఇలాంటి పదార్ధాలను సాత్విక ఆహరం కింద పరిగణించరు. బ్రాహ్మణ కుటుంబాల్లో ఆహార నియమాలు నిష్ఠగా పాటిస్తారు.

సాత్విక ఆహారం తప్ప ఇతర ఆహారపదార్ధాలను ముట్టుకోరు. ఏ పూటకి ఆ పూటే వండుకుని తింటూ ఉంటారు. తాజాగా ఉన్న కూరగాయలనే వాడుతుంటారు. బ్రాహ్మణుల్లో చాలా మంది మంత్రోచ్ఛారణ, వేద పారాయణాలనే వృత్తిగా ఎంచుకుంటారు. దీనికి స్పష్టమైన ఉచ్చారణ అవసరం. అందుకే వీరు తమో, రజో గుణాలను కలిగించే ఆహారపదార్ధాలు దూరంగా ఉంటారు.

ఒకప్పుడు పుదీనా (ఎక్కువ వాసన వస్తుంది అని) కు కూడా దూరంగా ఉండేవారు. అయితే..కాలక్రమేణా ఈ అలవాట్లలో కూడా మార్పులు వచ్చాయి. ఓ కోరా యూజర్ ఈ విషయం గురించి చెబుతూ తన తాతల కాలం నాటి సంఘటనను పంచుకున్నారు. ఓ ఇంట్లో తాతగారు, మామ్మగారు బయట మంచాలు వేసుకుని పడుకున్నారు. ఆ సమయం లో ఓ దొంగ మామ్మగారి ఒంటిపేట గొలుసుని కొట్టేయాలని వచ్చాడు.

కాని అతని నోటి నుంచి వస్తున్న ఉల్లిపాయ వాసన వలన ఆమెకు మెలకువ వచ్చి.. “ఉల్లిపాయ కంపు కొడుతున్నావురా… ఈ గొలుసు తీసుకుని ఇక్కడినించి వెళ్ళిపో..” అంటూ విసురుగా పంపేసారట. ఆ తరువాత దొంగ పారిపోతుండగా.. ఆ మామ్మగారు అరిచినా అరుపులకు అందరు లేచి వాడిని పెట్టుకున్నారట. ఇంతటి వాసన వస్తుంటాయి కనుకే.. ఉల్లిపాయ, వెల్లుల్లిని బ్రాహ్మణులు నిషేధిస్తారు.

పెళ్లితో ఎవరికైనా కొత్త జీవితం ప్రారంభం అవుతుంది. అమ్మాయిల జీవితంలో భర్తగా.. అలాగే అబ్బాయిల జీవితంలోకి భార్యగా కొత్త వ్యక్తి వస్తుంటారు. మిగతా అన్ని బంధాలు ఎలా ఉన్నా.. భార్యా భర్తల బంధం మాత్రం చాలా ప్రత్యేకమైనది. ఎందుకంటే వారిద్దరూ జీవితాంతం కలిసి ఉండాలి.

ఎన్ని అభిప్రాయం భేదాలు, ఆటుపోట్లు వచ్చినా వారిద్దరూ సర్దుకుపోతూ కలిసి మెలసి ఉండాలి. అయితే.. చాలా వైవాహిక సంబంధాలలో భర్త భార్యపై అతిగా అధికారం చూపిస్తూ ఉంటారు.

తన అభిప్రాయాలకు విలువ ఇవ్వకుండా.. భర్త తనకి ఇష్టం వచ్చినట్లు చేసుకుంటూ ఉంటాడు. దీనివల్ల ఆత్మాభిమానాన్ని చంపుకుంటూ సతమతమయ్యే భార్యలు పెద్దలకు భయపడో.. సమాజానికి భయపడో సర్దుకుపోతుంటారు. అయితే.. ఇటువంటి బంధాలలో ప్రేమ ఎక్కువ కాలం నిలబడదు. అవసరం కోసమే కలిసుండడం తప్ప భార్యా భర్తల మధ్య ప్రేమ తగ్గిపోతూ ఉంటుంది. ఇలా జరగకూడదు అంటే.. వివాహం జరిపించే సమయంలో పండితులు వరుడి చేత చెప్పించే “నాతి చరామి” అనే మంత్రానికి అర్ధం తెలుసుకోవాలి. “ధర్మేచ, అర్ధేచ, కామేచ, త్వయైషా నాతిచరితవ్యాః” అని పెళ్లి కూతురు తండ్రి వరుడి చేత చెప్పిస్తారు.

అంటే.. నేటి వరకూ నా కూతురుగా ఉన్న అమ్మాయి.. నేటి నుంచి నీ భార్య అవుతున్నది. అనగా.. నేటి నుంచి ధర్మ కార్యాలను పాటించడంలోనూ, డబ్బు సంపాదనలోను, ఖర్చు పెట్టె విషయాల్లోనూ, కోరిక తీర్చుకునే విషయాల్లో కూడా కూతురి అభిప్రాయాలను అతిక్రమించక.. తనకి కూడా గౌరవం ఇస్తూ నడుచుకుంటానని “నాతి చరామి” అని చెబుతూ ప్రమాణం చేస్తాడు. న+అతిచరామి అనగా.. అతిగా చరించను అని చెబుతూ వరుడి చేత ప్రమాణం చేయిస్తారు. భారతీయ హిందూ వైవాహిక సంప్రదాయంలో ఇటువంటి విషయాలు ఎన్నో ఉన్నాయి. వీటిని తెలుసుకుని ఆచరిస్తే.. వారి జీవితం సుఖ ప్రదంగా ఉంటుంది.

సాధారణంగా శకుని అని అంటే మనకి దుష్టుడు గానే అనిపిస్తుంది. కానీ నిజానికి మహాభారతాన్ని మనం బాగా అర్థం చేసుకున్నట్లయితే శకుని మీద దుష్టుడు అనే భావన తొలగి పోతుంది. కౌరవ పక్షాన నిలబడి జూదం రూపంలోని దుర్మార్గుల వినాశానికి శకుని కారకుడయ్యాడు. నిజానికి శకుని చేత అలా చేయించింది శ్రీకృష్ణుడు.

ధర్మాన్ని కాపాడడానికి కర్మ సాధనంగా శకుడుని ఉపయోగించారు తప్ప అతనేం చెడ్డ వారు కారు. అయితే ఇంత గొప్ప శకునికి దేవాలయాలు లేవు అనుకుంటే పొరపాటు.

ఒక ప్రదేశంలో మాత్రం శకునికి ఆలయం కట్టించడం జరిగింది. అవునా శకునికి కూడా ఆలయం ఉందా అని ఆశ్చర్య పోవద్దు. అది కూడా మన భారతదేశంలోనే ఉంది. మరి ఇక ఆ ఆలయాలకు సంబంధించి పూర్తి వివరాలను చూస్తే… కేరళ రాష్ట్రంలో శకునికి ఆలయం కట్టించారు. అక్కడ శకునికి అన్ని దేవుళ్ళకి పూజ చేస్తున్నట్టే పూజలు చేస్తారు.

పాండవులు అజ్ఞాత వాసం చేసేటప్పుడు కౌరవులు పాండవుల కోసం వెతికిన విషయం తెలిసిందే. అయితే ఇప్పుడు పవిత్రేశ్వరం అని పిలుస్తున్న ఊరిలో ఆయుధాలను రహస్యంగా ఉంచారు. ఈ పవిత్ర ఈశ్వరం సరిహద్దుల్లో మాయంగోడు మాలాన్ సరవు మలనాడా ఆలయం ఉంది. ఇక్కడ శకుని ప్రధానదైవం. భీష్ముడు పై ప్రతీకారం కోసం తాను చేసిన పాపాలను తలుచుకుని శకుని ఈశ్వరుడికి తపస్సు చేశాడు.

పరమ శివుడు అనుగ్రహం పొంది మోక్షం పొందాడు శకుని. ఈ ఆలయానికి భక్తులు ఏ వేళలో అయినా వెళ్లొచ్చు. అయితే నిజానికి శకుని మంచివాడు కానీ పరిస్థితుల వల్ల మాత్రమే కొన్ని తప్పులు చేశాడు. కొన్ని తెగల ప్రజలు అయితే శకునికి పూజలు కూడా చేస్తూ ఉంటారు. మామూలుగా ఇతరుల దేవుళ్ళకి ఎలా అయితే పూజలు చేస్తామో అలానే శకునికి కూడా పూజలు చేయడం జరుగుతుంది. ఈ పవిత్రేశ్వరం కేరళలోని కొల్లం జిల్లా కొట్టారక్కర తాలూకాలో ఉంది. తిరువనంతపురానికి ఇది కేవలం 64 కిలోమీటర్లు మాత్రమే.