Mythology

తిరుమల క్షేత్రం ఎంత ప్రసిద్ధమైనదో అందరికి తెలిసినదే. కలియుగ వైకుంఠంగా పిలవబడుతున్న తిరుమలలో ప్రసాదాలు కూడా అంతే ప్రాముఖ్యత ఉంది. తిరుమల కొండపై ఉన్న ప్రతి స్థలానికి ఒక ప్రత్యేకత ఉంటుంది. ఒక్కో స్థలానికి పెట్టిన పేరు వెనుక ఒక్కో కథ ఉంటుంది.

చెప్పే వాళ్ళు ఉండాలే కానీ.. తిరుమల గురించి ఎంత తెలుసుకున్నా.. ఇంకా తెలుసుకోవాల్సింది చాలానే ఉంటుంది. వాటిల్లో మరో ముఖ్యమైన విషయం ఏమిటంటే అక్కడ ఉన్న కల్యాణ కట్ట.

తిరుమలలో తలనీలాలను సమర్పించే చోటుని కల్యాణ కట్ట అని పిలుస్తారు. నిజానికి జుట్టు కత్తిరించుకోవడాన్ని క్షవరం అని అంటారు. వాస్తవానికి ఈ ప్రదేశం పేరు కూడా క్షవర శాల అని కానీ లేక క్షవరం అని అర్ధం వచ్చేలా మరేదైనా ఉండాలి. కానీ, ఈ ప్రదేశాన్ని మాత్రం కల్యాణ కట్ట అని పిలుస్తారు. అయితే.. ఇలా పిలవడానికి కూడా ఓ కారణం ఉంది. అదేంటో ఇప్పుడు తెలుసుకుందాం.

సర్పయాగం నిర్వహించిన మహారాజు జనమేజయుడు అన్న సంగతి అందరికి తెలుసు. ఆయన సోదరుడే శతానీకుడు. క్షవరం అనే పదానికి బదులుగా కళ్యాణం అనే శుభ సూచకంగా ఉన్న పదాన్నే వాడాలని ఆయనే సూచించారు. ఆయన అలా సూచించడం వల్లనే క్షవరం అనే పదానికి బదులు కళ్యాణం అనే పదం ప్రాచుర్యంలోకి వచ్చింది. కాల క్రమంలో దానిని కల్యాణ కట్ట అని పిలవడం ప్రారంభించారు. వేం అనగా పాపాలను, కట అనగా తొలగించే అని అర్ధం. పాపాలను తొలగించే కలియుగ దైవం వేంకటేశ్వరస్వామి కాబట్టే.. ఆయనకు తలనీలాలు సమర్పించడం అంత ప్రాధాన్యతను సంతరించుకుంది.

తిరుమల క్షేత్రం ఎంత ప్రసిద్ధమైనదో అందరికి తెలిసినదే. కలియుగ వైకుంఠంగా పిలవబడుతున్న తిరుమలలో ప్రసాదాలు కూడా అంతే ప్రాముఖ్యత ఉంది. అయితే.. తిరుమల శ్రీవారికి నైవేద్యాలను నివేదించడంలో కూడా ప్రత్యేక పద్ధతులు ఉన్నాయి. అవేంటో ఇప్పుడు చూద్దాం.

1800 ల నాటి కాలంలో శ్రీవారికి నైవేద్యం పెట్టడానికి ఎక్కువగా వెదురు బుట్టలను వాడేవారు. అప్పట్లో కొండమీద హోటల్స్ ఏమీ లేవు. భక్తులకు కూడా బుట్టల్లోనే బోజనాలను పంచిపెట్టేవారు.

హోటల్స్ లేని ఆ రోజుల్లో.. ఆ బుట్ట భోజనాలే భక్తుల కడుపు నింపేవి. అక్కడక్కడా రామానుజా కూటములు అన్న సంతర్పణలు చేసేవి. కానీ, ప్రధానంగా స్వామి వారి ప్రసాదమే భక్తుల ఆకలి తీర్చేది. ఆ రోజుల్లో అప్పటి మద్రాస్ ప్రెసిడెన్సీ లో థామస్ మన్రో అనే అధికారి ప్రభుత్వం వారి ఈస్ట్ ఇండియా కంపెనీ లో గవర్నర్ గా పని చేసేవారు. ఆయన క్రైస్తవ పద్ధతులు పాటించే విదేశీయుడు… భారతీయ హైందవ విధానాల పట్ల ఆయనకు గౌరవం ఉండేది కాదు.

చాలాసార్లు ఉద్యోగరీత్యా తిరుమలకి వచ్చారు. కానీ ఒక్కసారి కూడా స్వామిని దర్శించుకోలేదు. అప్పట్లో పొంగలి, పులిహారా , దద్దోజనం వంటి పదార్ధాలు ప్రధాన నైవేద్యంగా ఉండేవి. వాటినే ప్రసాదంగా పంచిపెట్టేవారు. అక్కడి భక్తులు వీటిని తినే కడుపు నింపుకునేవారు. అందరు ఎంతో ఆర్తిగా నేలపైనే కూర్చుని చేతులతోనే ఆ వెదురు బుట్టలో ప్రసాదాలు తినడం చూసి ఈయన చిరాకు పడేవారు.అలా తినడం వల్లే అంటు వ్యాధులు, కడుపు నొప్పులు వచ్చే ప్రమాదాలు ఉన్నాయి అని థామస్ మన్రో వాదించేవారు.

తన అధికారాన్ని ఉపయోగించి భక్తులు ఆ ప్రసాదాలు తినకుండా ఆదేశాలు జారీ చేసారు. అయితే.. ఆ తరువాత ఆయనకు విపరీతమైన కడుపునెప్పి వచ్చింది. ఏ సాకు చూపి ఆయన ప్రసాదాలను నిలిపేశారో.. అదే కడుపునొప్పిని ఆయన అనుభవించాల్సి వచ్చింది. ఆయన ఆరోగ్యం క్షీణించి , పూర్తిగా అనారోగ్యంతో మంచం పట్టారు. ఓ సారి ఆయనకీ మంత్రాలయం రాఘవేంద్రస్వామి వారి మీద భక్తి కలిగింది. ఆ స్వామి ఆలయానికి ఎన్నో కైంకర్యాలు కూడా చేయించారు. కానీ, కడుపునొప్పి తగ్గలేదు.

అయితే.. మంత్రాలయ పీఠాధిపతులు ఆయన తిరుమల శ్రీవారి పట్ల ,ఆయన ప్రసాదాల పట్ల వ్యవహరించిన తీరుని తప్పు పట్టారు. వారి సలహాతో.. శ్రీవారి ప్రసాదమైన పులిహోరని నేరుగా తన చేతితోనే తిన్నారు. శ్రీవారి లీలలో ఏమో.. ఆయన కడుపునెప్పి వెంటనే తగ్గిపోయింది. తాను చేసిన తప్పు తెలుసుకున్న థామస్ మన్రో తిరిగి ప్రసాదాల వితరణని కొనసాగించాలని ఆదేశాలు ఇచ్చారు. స్వామి వారికి నైవేద్యాలను సమర్పించడం కోసం గంగాళాలను అందించాడు. అయితే.. ఎన్ని గంగాళాలు అందించినా.. ఎంత పశ్చాత్తాపం చెందినా.. స్వామి వారు మాత్రం థామస్ మన్రో కు దర్శనం ఇవ్వలేదు. స్వామిని ప్రార్ధిస్తూనే ఆయన ప్రాణం వదిలారు. అయితే ఈ గంగాళాలు మాత్రం తిరుమలలో ఇప్పటికి ఉన్నాయి. వీటిని మన్రో గంగాళాలు అని పిలుస్తారు. మన్రో ఆధ్యాత్మిక మార్పుకి, అతని పరివర్తనకు గుర్తుగా వీటిల్లోనే ప్రసాదాలు అందించేలా స్వామి వారు చూసుకున్నారు.

భారత దేశంలో జ్యోతిష్య శాస్త్రానికి ఎంతో ప్రాముఖ్యత ఉంది. ఈ జ్యోతిష్య శాస్త్రాన్ని బట్టి వ్యక్తుల స్వభావాలను, లక్షణాలను చెప్పవచ్చు. అలాగే.. వారి జీవితంలో జరిగే కొన్ని సంఘటనలను కూడా ఊహించవచ్చు. అయితే.. స్త్రీలకు పెళ్లి అయిన తరువాత కలిగే మార్పుల గురించి కూడా జ్యోతిష్య శాస్త్రం వివరిస్తోంది.

ఏ అమ్మాయి అయినా పెళ్లి చేసుకున్న తరువాత భర్తతో కలిసి అత్తవారింట్లో అడుగు పెడుతుంది. అయితే.. ఈ నాలుగు రాశుల అమ్మాయిలు మాత్రం తమ తెలివితేటలతో అత్తింటి వారి మనసు గెలుచుకుని.. అక్కడి వాతావరణాన్ని మార్చేస్తారట.

#1 మేషం:

ఈ రాశి అమ్మాయిలు పైకి కనిపించనంత స్ట్రాంగ్ గా ఉంటారు. తమ భర్త పట్ల వినయ విధేయతలు వ్యక్తపరుస్తారు. క్రమంగా వారిని తమ దారిలోకి తెచ్చేసుకుంటారు. అయితే వీరి ఆత్మవిశ్వాసం కారణంగా ఏ పనిలోనైనా విజయం సాధించగలుగుతారు.

#2 కన్య రాశి:

వీరి మాటలే వీరి బలం. ఈ రాశి అమ్మాయిలు తమ మాటలతో యిట్టె ఆకట్టేసుకుంటారు. అలా అని చెప్పి ఎవరితోనూ చెడుగా ప్రవర్తించరు. వీరి మాటలతో భర్తను లొంగదీసుకుని అత్తారింట్లో అధికారం చెలాయిస్తుంటారు.

#3 వృశ్చిక రాశి:

వీరికి టాలెంట్ ఉంటుంది. అలాగే కష్టపడే స్వభావం కూడా ఉంటుంది. జీవితాన్ని ఆనందంగా ఆస్వాదించడంతో పాటు మంచి వ్యూహాలు రచించడంలో కూడా వీరు దిట్టగా ఉంటారు. ఆ వ్యూహాలతోనే అత్తారింట్లో ఆధిపత్యం చెలాయించగలుగుతారు.

#4 మకర రాశి:

వీరికి అంతర్గత శక్తి బలంగా ఉంటుంది. ఇతర వ్యక్తుల ప్రవర్తనను, వారి మనసులను వీరు సున్నిత దృష్టితో చూడగలుగుతారు. తద్వారా అత్తారింటి వ్యక్తుల మనసు గెలుచుకుని ఆధిపత్యం చెలాయిస్తుంటారు.

మనం నిద్రపోతున్న కూడా మన మెదడు పని చేస్తున్నప్పుడు వచ్చేవే కలలు. మనిషికి కలలు రావటమనేది ఎంతో సహజం. కలల్లో ఎన్నో రకాలు ఉంటాయి. కొన్ని మంచివి, కొన్ని భయపెట్టే ఇంకొన్ని ప్రమాదకరమైనవి. కొన్ని కలలు ఎందుకు వచ్చాయో దానికి సమాధానం కూడా దొరకదు. అంటే పైన చెప్పిన రకాల్లో మనకొచ్చిన కల ఏ కోవకు చెందుతుందో తెలియని కలలు కూడా ఉంటాయి.

ప్రతీ కలకి ఒక అర్థం ఉంటుంది. అలాగే ఇలాంటి కలలకి కూడా కొన్ని అర్థాలు ఉన్నాయి. చాలా మందికి తరచుగా వచ్చే కల ఎత్తైన ప్రదేశం నుంచి కిందకు పడిపోవడం. కనీసం పదిమందిలో ఏడుగురికి ఈ కల ఒక్కసారి అయినా వచ్చే ఉంటుంది.

ఈ కలకి అర్ధం ఏమిటో ఇప్పుడు తెలుసుకుందాం. మనం ఇంట్లో కానీ, లేక వృత్తిపరంగా, విద్యాపరంగా తీవ్రమైన ఒత్తిడి ఎదుర్కొంటున్నప్పుడు ఇలాంటి కల వస్తుంది. కొంతమంది ఈ కలని అదృష్టానికి సంకేతంగా భావిస్తే.. మరికొంతమంది దుఃఖానికి సంకేతంగా భావిస్తూ ఉంటారు. సాధారణం ఒకటి, రెండు సార్లు ఈ కల వస్తూనే ఉంటుంది. కానీ, తరచుగా ఈ కల వస్తోంది అంటే మాత్రం మీరు ఆలోచనలో పడాల్సి ఉంటుంది.

పదే పదే.. ఎత్తైన ప్రదేశం నుంచి మీరు కిందకి పడిపోతున్నట్లు కల కంటూ ఉంటె.. మీరు సాధించాలనుకున్న దానిలో వైఫల్యం ఎదురయ్యే అవకాశం ఉందని అర్ధం. మీరు చేయబోయే పని మీద దృష్టి ఉంచి పని చేయాలి. గాలిలో మేడలు కట్టడం కాకుండా.. మీ కాళ్ళని నేల మీద నిలిపి చేసే పనిపై శ్రద్ధ ఉంచి పని చేయాలి. మీ కల మీకు చెప్పే సంకేతాలను అందుకుని పని పై మరింత శ్రద్ధ నిలిపి విజయం సాధించాలి. దీనిని మీరు స్వాధీనగలిగితే ఈ కలని స్వీయ అభివృద్ధికి సంకేతంగా భావించవచ్చని స్వప్న శాస్త్ర నిపుణులు చెబుతున్నారు.

కలియుగ వైకుంఠము తిరుపతి పట్టణంలో చుట్టు పక్కల ఎన్నో పౌరాణిక, చారిత్రిక ప్రసిద్ది చెందిన దేవాలయాలు, తీర్ధాలు మొదలైనవి వున్నాయి. సప్తగిరుల పైన శ్రీవారు కొలువు తీరి ఉండగా, పర్వత పాదాల వద్ద ఆయన సోదరుడు శ్రీ గోవింద రాజ స్వామి వెలసినారు. గోవింద రాజ స్వామి తిరుపతికి మరెంత వైభవాన్ని తీసుకు వచ్చారు. అయితే ఇప్పుడు గోవింద రాజ స్వామి ఆలయంలో మనం చూస్తున్న విగ్రహం సుద్దతో చేసిన విగ్రహం. సాధారణంగా ఎక్కడైనా రాతి విగ్రహాలు ఉంటాయి. కానీ ఇక్కడ శుద్ధ విగ్రహం వుంది.

పైగా దాని వెనుక చాలా పెద్ద కధ కూడా వుంది. అయితే అసలు ఈ శుద్ధ విగ్రహం ఎలా వచ్చింది..?, అసలు ఏం జరిగింది..? అనే ఆసక్తికరమైన విషయాలని మనం చూద్దాం. యాదవ రాజు మూల విరాట్టును మలచే పనిని కొందరు నిష్ణాతులైన శిల్పులకు అప్పగించారు. అయితే అసలు ఏం అయ్యిందో తెలియదు కాని విగ్రహంలో చిన్న లోపం కలిగి వుంది. అందులో కొన్ని లోపాలను గుర్తించిన రామానుజుల వారు మరో విగ్రహాన్ని చెక్కాలని సూచించారు.

దేశ పర్యటనకు వెళ్ళాల్సి వచ్చి రామానుజుల వారు విగ్రహాన్ని చెక్కించే అవకాశం లేక సుద్దతో మూర్తిని చేసి ప్రతిష్టించారు. అయితే శుద్ధ విగ్రహానికి నీళ్లు తగిలితే కరిగిపోతుంది కనుక అభిషేకాలని నిషేదించారు. నాటి నుంచి నేటి వరకూ సుద్ద విగ్రహమే గోవింద రాజస్వామి ఆలయంలో పూజలు అందుకుంటుంది. అందుకే ఇక్కడ స్వామికి అభిషేకాలు ఉండవు. నూనెను మాత్రమే పూస్తారు. పగులు ఏర్పడిన విగ్రహాన్ని మాత్రం తిరుపతి లో మంచి నీటి కుంట వద్దని ఉంచారు. ఇప్పటికి కూడా అసలు విగ్రహం అలానే ఉంటుంది. ఆ మంచి నీటి కుంట కూడా ఎప్పుడు ఎండిపోలేదు. ఇది స్వామి వారి మహిమ అని అంటారు. నల్లరాతి మీద సుందరంగా శయన భంగిమ లో మలచిన మూర్తి లోని లోపమేమిటో మనకు అర్దం కాదు. చూడగానే మనస్సులలో భక్తి భావం కలుగుతుంది.

అందరూ ఒకేలా ఉండరు. రాశుల బట్టి ఒక్కొక్కరి ప్రవర్తన ఒక్కోలా ఉంటుంది. ఒకరి స్వభావంతో పోల్చుకుంటే మరొకరి స్వభావం కొంచెం వెరైటీగా ఉంటుంది. కొందరు ఎంతో సైలెంట్ గా ఉంటే మరి కొందరు కోపంగా ఉంటూ ఉంటారు. అందరు నిజానికి ఒకేలా వుండరు.

కాని ఈ రాశుల వాళ్ళు మాత్రం ఎంతో కూల్ గా వుంటారు. అస్సలు వీళ్ళకి కోపం రాదు. ఎలాంటి సందర్భం ఎదురైనా సరే వీళ్ళు అస్సలు కోప్పడరు. మరి ఆ రాశులు వాళ్ల గురించి ఇప్పుడు చూద్దాం.

మేష రాశి:

మేష రాశి వాళ్ళు ఎంతో సైలెంట్ గా ఉంటారు. ఈ రాశి వారికి కోపం చాలా తక్కువగా వస్తూ ఉంటుంది. ఎప్పుడూ కూడా గంభీరంగా, ప్రశాంతంగా ఉంటారు. ఇతరులు కూడా వీళ్ళు సంతోషంగా ఉండడానికి చూస్తారు. నెమ్మదిగానే వీళ్ళు ఉంటారు. పైగా ఎప్పుడు కూడా కూల్ గానే వుంటారు.

తులా రాశి:

తులా రాశి వాళ్లు చాలా నిశబ్దంగా వుంటారు. అన్యాయం జరుగుతుంది అంటే మాత్రం నిశ్శబ్దంగా ఉండలేరు. ఎదురు తిరుగుతారు. కోపంగా ఉంటారు. అయితే కోపం లో ఎలాంటి నిర్ణయాలు తీసుకోరు. అలానే వీలైనంత వరకు ప్రశాంతంగా, కూల్ గానే ఉండడానికి ఈ రాశి వాళ్ళు చూస్తారు.

సింహరాశి:

ఏ పని చేయాలన్నా సింహ రాశి వాళ్లు బాగా ఆలోచిస్తారు. సహనాన్ని వీళ్లు అసలు కోల్పోరు. కోపంలో తీసుకునే నిర్ణయాలు వాళ్ళకి హాని కలిగిస్తాయని బాగా తెలుసు. అందుకే ఇలాంటి సందర్భాలకు దూరంగా ఉంటారు.

ధనస్సు రాశి:

మీరు కూడా ఎంతో ప్రశాంతంగా ఉంటారు. పైగా వీళ్లు బాధలో వున్నా ఇతరులకి చెప్పుకోరు. కానీ ఇతరులకు మంచి సలహాలు ఇవ్వడంలో ఈ రాశి వాళ్ళు ముందుంటారు.

మనం ఎన్నో పద్ధతులను పాటిస్తాం. అందులో కొన్ని పద్ధతులు పాటించడానికి వెనుక ఉన్న కారణం మనకు తెలియకపోవచ్చు. మనం ఏదైనా కొత్త వెహికల్ కొంటే, ముందు చక్రాల కింద నిమ్మకాయలు పెట్టి పోనిచ్చిన తర్వాత బండి వాడడం మొదలు పెడతాము. ఇలా చేయడానికి వెనకాల ఉన్న కారణం మనలో చాలా మందికి తెలియకపోవచ్చు. అసలు అలా కొత్త వాహనం కింద నిమ్మకాయలు ఎందుకు పెడతారో ఇప్పుడు తెలుసుకుందాం.

పూర్వకాలంలో మనకి ఎడ్ల బండ్లు, గుర్రపు బండ్లు ఉండేవి. ఎడ్లు, గుర్రాలు అనేక ప్రదేశాల్లో నడిచేవి. దారిలో రాళ్ళు, రప్పలు, బురద ఇలా ఎన్నో ఎదురవుతాయి. వాటన్నిటి మీద ఇవి నడుస్తాయి. అలా నడుస్తున్నప్పుడు కాళ్లలో ఏవైనా గుచ్చుకొని పుండ్లు పడతాయి. ఆ కాళ్ళ మీద బురద పడితే ఇన్ఫెక్షన్ అయ్యి పురుగులు వస్తాయి.

పురుగులు పడితే బండి సరిగ్గా నడవదు. బండి బాగా నడవడం కోసం, ఎడ్ల చేత, గుర్రాల చేత నిమ్మకాయలు తొక్కించే వారు. నిమ్మకాయలో ఉన్న సిట్రిక్ యాసిడ్ పుండులో ఉన్న బ్యాక్టీరియాను చంపుతుంది. పూర్వకాలం వాళ్లు వెళ్తూ వెళ్తూ బండిని నిమ్మకాయ పైకి ఎక్కించండి అని చెప్పారు. మనం కూడా ఆ పద్ధతిని పాటిస్తున్నాం.

కానీ వాళ్లు ఎడ్ల బండిని, లేదా గుర్రపు బండిని ఉద్దేశించి చెప్పారు. కానీ మనం మాత్రం మామూలు వాహనాలకి కూడా ఈ పద్ధతిని పాటిస్తున్నాం. అంటే రబ్బర్ టైర్లను కూడా నిమ్మకాయ మీదకి ఎక్కిస్తున్నాం. ఇప్పుడు తెలిసిందా వాహనాలను నిమ్మకాయల మీద నుంచి ఎందుకు పోనిస్తారో ?

watch video:

భారతీయుల్లో ఎక్కువ మంది తులసి మొక్కని పవిత్రంగా భావిస్తూ ఉంటారు. ముఖ్యంగా హిందువులు ఈ మొక్కకి పెద్ద పీట వేస్తారు. దాదాపు ప్రతి హిందువు ఇంట్లోనూ ఓ తులసి మొక్క కచ్చితంగా ఉంటుంది. ఎంతో పవిత్రంగా దానిని పూజించుకుంటూ.. ఉదయం, సాయం సమయాల్లో ఆ మొక్క వద్ద దీపారాధన చేసుకుంటూ ఉంటారు.

ఇలా చేసుకుంటే శుభప్రదమని హిందువులు విశ్వసిస్తారు. అయితే.. అటువంటి తులసి మొక్క వద్ద కొన్ని వస్తువులను ఉంచకూడదని, ఉంచితే లక్ష్మి దేవి ఆగ్రహిస్తుందని చెబుతుంటారు.

ఇంతకీ ఆ వస్తువులు ఏంటో ఇప్పుడు తెలుసుకుందాము. తులసి మొక్కను హిందువులు నారాయణుడి రూపంగా భావించి పూజిస్తారు. అందుకే చాలా మంది తూరుపు దిక్కుగా తులసి కోటని ఏర్పాటు చేసుకుని పూజిస్తూ ఉంటారు. తులసి మొక్క ఆకులని కూడా పూజలలో భాగంగానే ఉపయోగిస్తూ ఉంటారు. అయితే ఈ మొక్కకి ఏదైనా సమస్య వచ్చినా.. ఆ ఇంట్లో ఏదో ఉపద్రవం రాబోతోందని భావిస్తారు.

తులసి కోట నారాయణ రూపం అయితే.. తులసి మొక్క లక్ష్మి దేవి రూపం అన్న సంగతి మరిచిపోకూడదు. అందుకే.. తులసి మొక్కని అపవిత్రం ట్రీట్ చేస్తే లక్ష్మి దేవి ఆగ్రహిస్తుందని పండితులు చెబుతుంటారు. తులసి మొక్కని ఎప్పుడు అందంగా ఉంచాలి. చుట్టూ ఉన్న పరిసరాలను పరిశుభ్రంగా ఉంచాలి. తులసి మొక్క చుట్టూ చెత్త చెదారం లేకుండా చూసుకోవాలి.

అలాగే.. తులసి మొక్కకు దగ్గరలో చెప్పులను షూలను విడువకూడదు. అలాగే తులసి మొక్క చుట్టూ పక్కల ప్రాంతాలలో బకెట్ నిండా నీటిని నింపి ఉంచకూడదు. ఎందుకంటే నీరు నిండి ఉన్న బకెట్ నుంచి నెగటివ్ ఎనర్జీ వస్తూ ఉంటుంది. ఈ నెగటివ్ ఎనర్జీ తులసి మొక్కని చేరి ఆ ఇంటికి ఎన్నో ఇబ్బందులు వచ్చే అవకాశం ఉంటుంది. అందుకే తులసి మొక్క చుట్టూ ఉండే పరిసర ప్రాంతాలను పరిశుభ్రంగా ఉంచుకోవాలి.

భారతీయ సనాతన ధర్మం భారతీయులకు ఎన్నో మంచి గ్రంధాలను అందించింది. పురాణాలే కావచ్చు, ఇతిహాసాలే కావచ్చు.. మనిషి జీవన విధానాలు ఎలా ఉండాలి..? అన్న విషయమై ఈ గ్రంధాలు ఎంతో గొప్పగా మార్గదర్శకం చేసాయి. అటువంటి పురాణాలలో విష్ణు పురాణం కూడా ఒకటి. శ్రీ మహా విష్ణువు అవతారాలు, శక్తీ మహాత్యాల గురించి వివరించే విష్ణు పురాణంలో మనిషి జీవన విధానం గురించి ఓ విషయం స్పష్టంగా వివరించబడింది. “అతి సర్వత్ర వ్యర్జయేత్” అని మన పెద్దలు ఎప్పటినుంచో చెప్తూనే ఉన్నారు.

ఎంత పని అయినా.. ఎలాంటి చోట అయినా.. అతిగా ప్రవర్తించడం మంచిది కాదు. ప్రతి పని లోనూ అతిని తగ్గించుకోవాలి. అయితే.. విష్ణు పురాణం ప్రకారం ముఖ్యంగా ఈ ఆరు పనులను ఎక్కువగా చేస్తుంటే.. అవి కచ్చితంగా అనారోగ్య సమస్యలను తీసుకొస్తాయట. దాని వలన కొన్నిసార్లు మరణం వరకు వెళ్లే ప్రమాదం ఉంటుందట. అవేంటో తెలుసుకుని.. అటువంటి పనుల్లో అతిని తగ్గించుకోండి.

#1 స్నానం: మానవ జీవితంలో స్నానం ముఖ్య పాత్ర పోషిస్తుంది. ప్రతి మనిషికి స్నానం చేయడం అవసరమే. కానీ.. ఇది పరిమితిని మించకూడదు. అవసరమైన సమయం కంటే.. ఎక్కువ సేపు స్నానం చేయడం వలన అనారోగ్య సమస్యలు వచ్చే ప్రమాదం ఉంటుంది. కాబట్టి కొంత సమయం వరకే స్నానం కోసం కేటాయించుకోవాలి.

#2 నిద్ర: ఇక రెండవది నిద్ర. నిద్ర మనిషికి ఎంత అవసరమో చెప్పక్కర్లేదు. నిద్ర ఎక్కువైనా, తక్కువైనా ఇబ్బందులు తప్పవు. అందుకే అతి నిద్రను మానుకోవాలి.. అలా అని అసలు నిద్ర పోకుండా పనులు చేసుకోవడం కూడా మంచిది కాదు. కనీసం 6 నుంచి 7 గంటలు హాయిగా నిద్రపోవాలి.

#3 రాత్రి వేళల్లో రహదారుల్లో తిరగడం: రోడ్లు ఖాళీగానే ఉంటాయి కదా అన్న ఉద్దేశ్యంతో చాలా మంది రాత్రి వేళల్లో రహదారుల్లో తిరుగుతూ ఉంటారు. ఇది కూడా అంత మంచిది కాదు. ఎటువైపు నుంచి ఏ పరిస్థితి వస్తుందో ఎవ్వరికీ తెలియదు. చీకటిలో పరిస్థితిని మనం గమనించే లోపే ప్రాణాలు కోల్పోయే పరిస్థితి రావచ్చు. అందుకే రాత్రి వేళల్లో రహదారుల్లో సంచారం చేయడం మంచిది కాదు.

#4 స్మశానం లో తిరగడం: స్మశానం లో కూడా ఎక్కువ సేపు ఉండడం మంచిది కాదు. ఎందుకంటే ఆ ప్రదేశంలో ఎక్కువగా నెగటివ్ ఎనర్జీ ఉంటుంది. అక్కడ ఉండే గాలి కూడా స్వచ్ఛమైనది కాదు. అక్కడ ఎక్కువ సేపు ఉండడం వలన శరీరంలో అనేక మార్పులు చోటు చేసుకుంటాయి. అక్కడి గాలి ఎక్కువసేపు పీల్చడం వలన ఊపిరితిత్తులలో ఇబ్బంది కూడా ఎదురవుతుంది.

#5 నెగటివ్ ఆలోచనలు ఉన్న వ్యక్తులకు దూరంగా ఉండడం: మనం మన చుట్టూ ఉండే వ్యక్తుల వలన ప్రభావితం అవుతూ ఉంటాము. మన చుట్టూ ఉండే వ్యక్తులు నెగటివ్ ఎనర్జీ ఉన్న వారు అయితే వారి వలన మనం కూడా నెగటివ్ గా ఆలోచిస్తూ ఉంటాము. అందుకే.. నెగటివ్ గా ఉండే వ్యక్తుల వద్ద ఎక్కువ సేపు ఉండకూడదు. వారికి దూరంగా ఉండడమే మంచిది.

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది.

ఈయన రచయితగా, సలహాదారునిగా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు. వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి. చాణిక్య నీతి ఎన్నో ముఖ్యమైన విషయాలు చెబుతోంది.

చాణుక్యుడు తన చాణక్య నీతిలో కుటుంబంలోని ఇంటి పెద్దలు ఎలా నడుచుకోకూడదో కూడా వివరించారు. భారత దేశంలో ప్రస్తుతం ఎక్కువ పితృస్వామ్య వ్యవస్థే నడుస్తోంది. ఇంట్లో పిల్లలు ముఖ్యంగా ఇంట్లోని పెద్దలని చూసే అనుకరిస్తూ ఉంటారు. అందుకే పెద్దలు తమ ప్రవర్తన పట్ల జాగరూకతతో వ్యవహరించాలి. ఇంటి పెద్ద ఎల్లప్పుడూ అందరితో ఉత్తమ సంబంధాలను నడుపుతూ ఉండాలి.

ఇంటి పెద్దలు ఎల్లప్పుడూ ఆహారాన్ని వృధా చేయకూడదు. ఆహారాన్ని గౌరవించాలి. దీనిని పెద్దలు ఆచరించి పిల్లలకు కూడా అలవాటు చేయాలి. ఎంత అవసరమో అంతే పెట్టుకోవాలి. పిల్లలు కూడా పెద్దలని చూసే నేర్చుకుంటారు కాబట్టి ఈ విషయంలో జాగ్రత్త తప్పనిసరి. అలాగే అందరితోనూ సరదాగా మాట్లాడాలి. కేవలం అధికారం చూపడం కాకుండా.. అందరి మాటలను వినాలి, చర్చించాలి.

అలాగే ఇంటి పెద్ద ఎప్పుడూ భవిష్యత్ ను దృష్టిలో పెట్టుకుని నడుచుకోవాలి. ఒక్కోసారి వృధా ఖర్చులు ఇబ్బంది పెడుతూ ఉంటాయి. అందుకే డబ్బుని ఆదా చేసుకోవాలి. అవి కష్ట సమయాల్లో ఆదుకుంటాయి. ఏదైనా నిర్ణయం తీసుకునే ముందు ఎక్కువ సార్లు ఆలోచించుకోవాలి. ఎప్పుడూ తొందరపాటుతో నిర్ణయాలు తీసుకోకూడదు.