Mythology

మనం పండగలప్పుడు.. శుభకార్యాలప్పుడు.. కొందరైతే నిత్యం పూజలు చేసుకుంటూనే ఉంటాము.. ముఖ్యం గా వ్రతాలు చేసే సమయం లో మనం కలశాన్ని ఉపయోగించి.. దానిపైన కొబ్బరికాయను, మామిడాకులు ఉంచి మనం ఎవరికీ ఐతే పూజ చేస్తున్నామో.. వారిని ఆ కలశం లోకి ఆవాహన చేస్తాము..

కలశం లో నీటిని పోసి.. వాటిలో కాయిన్స్, సుగంధ ద్రవ్యాలు, పసుపు, కుంకుమ, అక్షతలు వేసి స్వామి వారిని ఆహ్వానిస్తాం.. చక్కగా పూజ చేసుకుని ఆ నీటిని తులసి మొక్కలో పోసేస్తాం. అక్కడే వస్తుంది అసలు సమస్య. కలశం పైన ఉంచిన కొబ్బరి కాయను ఏమి చేయాలి..? చాలా మందికి ఈ విషయం తెలియదు. కొందరు అయితే.. తమకు పూజ చేయించిన బ్రాహ్మణుడికి ఇచ్చివేస్తు ఉంటారు.

పూజ అయ్యాక.. మండపారాధన కోసం ఏర్పాటు చేసిన బియ్యం, ఇతర పూజ సామాన్లతో పాటు కొబ్బరికాయను కూడా ఇచ్చివేయడం వలన ఎలాంటి దోషము ఉండదు. కాకపోతే.. ఎవరికీ వారే ఇంట్లో పూజ చేసుకున్నప్పుడు.. ఆ కొబ్బరి కాయను ఎవరు తీసుకోవాలన్నది సమస్య అవుతుంది. అటువంటప్పుడు.. ఆ కొబ్బరికాయను నదీజలాల్లోను, లేదా ప్రవహిస్తున్న నీరు ఉన్న చోట నిమజ్జనం చేసేయవచ్చు. ఏ పురోహితుడికి ఇవ్వడం కుదరనప్పుడు ఇలా జల నిమజ్జనం చేసేయడం మంచిది అని పండితులు చెబుతున్నారు.

భారతీయులు ఎక్కువ గా జ్యోతిష్య శాస్త్రాలను, ఖగోళ శాస్త్రాలను విశ్వసిస్తారు. వాటి లెక్కలకు అనుగుణం గా మార్పులు జరుగుతుంటాయని భావిస్తుంటారు. అయితే, మన పూర్వికులు తమకున్న అపార మేధస్సు ద్వారా ఎంతో విజ్ఞానాన్ని మనకు అందించారు. వాటిలో “బ్రహ్మం గారి కాల జ్ఞానం” ఎక్కువ ప్రాచుర్యం పొందింది. శ్రీ పోతులూరి వీర బ్రహ్మేంద్ర స్వామీ వారు తమకు ఉన్న అపారమైన జ్ఞానం తో భవిష్యత్ లో ఏమి జరగబోతోందో ముందే చెప్పారు.

కాల క్రమం లో జరుగుతున్న మార్పులను చుస్తే.. వీటన్నిటిని బ్రహ్మం గారు తన కాల జ్ఞానం లో ముందే ప్రస్తావించారని తెలుస్తోంది. మరో వైపు… ఎక్కడ ఏ వింత జరిగినా.. ఇది ముందే బ్రహ్మం గారు చెప్పారు అంటూ మనం గుర్తు చేసుకుంటూనే ఉంటాం. ఇలాంటి వాటిల్లో కరోనా వైరస్ కూడా ఉంది. ఈ మహమ్మారి గురించి కూడా బ్రహ్మం గారు ముందే హెచ్చరించారట.”కోరంకియను జబ్బుకోటిమందికి తగిలి, కోడిలాగ తూగిసచ్చేరయ” అంటూ ఆయన కాలజ్ఞానం లో ప్రస్తావించారని చెబుతారు. ఇప్పటికే ఈ విశేషాలకు సంబంధించి సోషల్ మీడియా లో చాలా కధనాలు వైరల్ అయ్యాయి. ఈ క్రమం లో పోతులూరి వీర బ్రహ్మేంద్ర స్వామీ వారు ఏమి చెప్పారు..? అవి ఎంత వరకు నిజం అయ్యాయో మనం ఇప్పుడు తెలుసుకుందాం..

వాస్తవానికి, బ్రహ్మం గారి వేషధారణ చూసిన ఎవరైనా ఆయనను ఆధ్యాత్మిక వేత్త గా భావించేవారట. కానీ బ్రహ్మం గారు హేతువాదిగా ఉండేవారట. ఈ విషయాన్నీ చరిత్రకారులు కూడా చెబుతున్నారు. క్రీ.శ. 1622 క్రీ.శ. 1693 మధ్య బ్రహ్మం గారు జీవించారు. ఆయన కాల బ్రహ్మ యోగి గా మంచి పేరు తెచ్చుకున్నారు. ఇప్పటికే ఆయన రాసిన కాలజ్ఞానాన్ని ఓ ప్రామాణికం గా పరిశీలించుకుంటూనే వస్తున్నారు. కరోనా తరువాత ఈ భయంకరమైన పరిస్థితులు ఇంతటితో ఆగిపోవని బ్రహ్మం గారు కాలజ్ఞానం లో పేర్కొన్నారని తెలుస్తోంది.  ప్రస్తుత పరిస్థితులను చూస్తుంటే, బ్రహ్మం గారు చెప్పినది మరోసారి జరుగుతున్నట్లుంది. ప్రస్తుతం బ్రిటన్ నుంచి కొత్త స్ట్రెయిన్ స్ప్రెడ్ అవుతోంది. ప్రపంచ ఆరోగ్య సంస్థ కూడా, ఈ వేరియంట్ విషయం లో జాగ్రత్త గా ఉండాలని హెచ్చరిస్తోంది. మరో వైపు బ్రిటన్ కూడా లాక్ డౌన్ విధించింది. దీనిని పట్టి, కరోనా ఇంకా అయిపోలేదు..పరిస్థితి మరింత భయంకరం గా మారే అవకాశం ఉందని తెలుస్తోంది.

ఈ మహమ్మారి వచ్చిన తరువాత నుంచి కీలక మైన మార్పులు చోటు చేసుకుంటాయని ఆయన కాలజ్ఞానం లో వివరించారు. ఇంకా చాలా విషయాలను ఆయన వివరించారు. అవేంటో ఇపుడు చూద్దాం..

ఆయన కాశీ లోని దేవాలయం 40 రోజుల పాటు పాడుపడుతుందని తెలిపారు. 1910 -12 మధ్య కాలం లో గంగానదికి వరదలు రావడం తో అక్కడి ప్రజలు ఇబ్బందులు ఎదుర్కొన్నారు. అదే సమయం లో కలరా వ్యాధి విపరీతం గా ప్రబలడం తో నలభై రోజుల పాటు కాశీ విశ్వేశ్వరుడిని దర్శించుకోవడానికి ఎవరు రాలేదు.

ఓ అంబ 16 సంవత్సరాల పాటు రాజ్యాన్ని రక్షిస్తుందన్నారు. ఆయన చెప్పినట్లే ఇందిరా గాంధీ భారత ప్రధాని గా 16 సంవత్సరాలు కొనసాగారు. రాజుల పాలన, రాచరిక వ్యవస్థ నశిస్తుంది అన్నారు. ఆయన చెప్పినట్లు గానే ప్రస్తుతం రాచరిక వ్యవస్థ లేదు. ప్రజాస్వామ్యం అమలు లో ఉంది.

అలాగే, స్త్రీలపై అక్రమాలు ఎక్కువ అవుతాయని, వ్యభిచారిణి వలన భయంకరమైన వ్యాధులకు గురి అవుతారని చెప్పారు. ఇప్పటికే వ్యభిచారం, అక్రమ సంబంధాల వలన ఎయిడ్స్ వ్యాధి ప్రబలింది. దీనికి చాలా కాలం మందు కనుక్కోలేక, ఎందరో ప్రాణాలు కోల్పోయిన సంగతి తెలిసిందే.

కరోనా వైరస్ గురించి బ్రహ్మం గారి చెప్పిన విశేషాలు కూడా సోషల్ మీడియా లో వైరల్ అయ్యాయి.. అలాగే, కృష్ణానది గురించి కూడా బ్రహ్మం గారు చెప్పిన విశేషాలు ప్రాచుర్యం పొందాయి. తెలుగు రాష్ట్రము లోని కృష్ణానది నది కనకదుర్గమ్మ ముక్కు పుడక ను తాకుతుందని చెప్పారు. జలప్రళయం జరిగి నాగార్జున డాం బీటలు వారితే, కృష్ణానది దుర్గమ్మను తాకే ప్రమాదం ఉంది. అలాగే, కృష్ణానది మధ్య లో బంగారు రధం ఉంటుందిట. అది చూసిన వారికి, దాని కాంతి వలన కంటిచూపు పోయే ప్రమాదం ఉంటుందట. అలాగే, ఒక మొసలి ఎనిమిది రోజులుండి భ్రమరాంబ గుడి లోకి చేరి మేకపోతులా అరిచి మాయం అవుతుందట. అలాగే, కర్నూలు జిల్లా ఆదోని మండలం లో కప్పు కోడై కూస్తుంది. అదే కనక జరిగితే ఎన్నో అనర్ధాలు వస్తాయట.

శ్రీశైలానికి దక్షిణం లో వందల కొద్దీ రాళ్లు రాలడం తో చాలా మంది ప్రాణాలు కోల్పోతారట. అలాగే, ఎన్నో రాతిముక్కలు లేచి ఆకాశం వైపు ఎగురుతాయట. కామాక్షమ్మ విగ్రహం నుంచి రక్తం కారుతుందట..

అలాగే, కలియుగం లో ఐదువేల సంవత్సరాలు గడిచిన తరువాత గంగమ్మ అసలు కనిపించదట. వీటిలో కొన్ని ఇప్పటికే జరిగాయి. దీనితో, వీరబ్రహ్మేంద్ర స్వామి వారి కాలజ్ఞానం నిజం అవుతుందని అందరు విశ్వసిస్తున్నారు.

సాధారణం గా వాస్తు గురించి ఏ కొద్దీ నాలెడ్జి ఉన్నవారు అయినా.. వీధి పోటు గురించి చెప్పగలుగుతారు. వీధిపోటు అనగానే.. అది ఉన్న ఇంట్లో ఉండడం మంచిది కాదని అందరు టక్కున చెప్పేస్తూ ఉంటారు. ఇంతకీ వీధి పోటు ఉంటె మంచిదా..? లేక నష్టం వస్తుందా..? అసలు వీధిపోటు అంటే ఏమిటి అన్న విషయాలను ఇప్పుడు తెలుసుకుందాం.

సాధారణం గా వీధి మన ఇంటి ఎదురు వరకు వచ్చి ఆగిపోయినా.. లేదా అక్కడనుంచి మలుపు తీసుకున్నా.. దానిని వీధిపోటు గా పేర్కొంటారు. ఈ వీధిపోట్లలో కొన్ని గృహస్తులకు మేలు చేసేవి ఉంటాయి. కొన్ని కీడు చేస్తూ ఉంటాయి. అవేంటో ఇప్పుడు చూద్దాం. ఇంటికి తూర్పు, ఈశాన్య భాగాల్లో వీధి పోటు వస్తే.. దానివలన గృహస్తు కి మంచి జరుగుతుంది. ఆ ఇంట్లో నివసించే పురుషులకు సర్వాధికారాలు లభిస్తాయి. ఏ రంగం లో అడుగుపెట్టినా విజయం వీరి సొంతం అవుతుంది. ఆత్మవిశ్వాసం తో పని చేయగలుగుతారు.

ఇంటికి ఉత్తర – ఈశాన్య దిక్కు వైపు వీధిపోటు ఉంటె.. ఆ ఇంట్లో స్త్రీలకూ మేలు జరుగుతుంది. ఆ ఇంటి యజమానికి ఆదాయం బాగా ఉండి మానసికం గా ప్రశాంతం గా ఉండగలుగుతారు. అలాగే.. ఇంటికి పశ్చిమ-వాయువ్య భాగం వైపు వీధి ఉంటె ఆ ఇంటి గృహస్తు కి సమాజం లో గౌరవ మర్యాదలు కలుగుతాయి. వారికి రాజకీయ రంగం కూడా బాగా కలిసి వస్తుంది. అలాగే.. దక్షిణ – ఆగ్నేయ భాగం వైపు వీధి ఉంటె ఆ ఇంటిల్లిపాది సుఖం గా ఉంటారు. శుభకార్యాలు నిర్వహిస్తూ.. బంధువుల ఆదరణను చూరగొంటారు. వీరికి అనుకోని ధనప్రాప్తి లభిస్తూ ఉంటుంది.

అలానే, కొన్ని వీధిపోట్లు అస్సలు అచ్చిరావు. అవేంటో ఇప్పుడు చూద్దాం. ఉత్తర వాయువ్య భాగం లో వీధిపోటు రావడం వలన ఆ ఇంట్లో స్త్రీలకు చెడు ఫలితాలు ఉంటాయి. పెళ్లి కుదరకపోవడం, కుదిరిన సంబంధాలు చెడిపోవడం వంటివి జరుగుతుంటాయి. పశ్చిమ – నైరుతి భాగం వైపు వీధిపోటు ఉండడం వలన కూడా అనేక నష్టాలూ సంభవిస్తూ ఉంటాయి. డబ్బు చేయి దాకా వచ్చి చేజారిపోతుంటుంది. దక్షిణ-నైరుతి భాగం లో వీధిపోటు ఉండడం కూడా మంచిది కాదు. స్త్రీలకు ఆరోగ్యం చెడిపోవడం, దంపతుల మధ్య తగాదాలు రావడం వంటివి జరుగుతుంటాయి.

అలాగే, ఇంటికి తూర్పు – ఆగ్నేయం వైపు వీధిపోటు ఉండడం కూడా కష్టాలను కొని తెస్తుంది. సంపాదించినా సొమ్మంతా ఇంటికి రాకుండానే ఖర్చు అయిపోతూ ఉంటుంది. కుటుంబ కలహాలు ఎక్కువ అవుతాయి. మానసిక ప్రశాంతత ఉండదు. ఇంటి ఎదురు గా ఉండే వీధి పెద్ద రోడ్డు తో ఉంటె దోష ప్రభావం పెద్దగా ఉండదని చెబుతుంటారు. ఉత్తరం, ఈశాన్యం లలో ఎక్కువ గా ఖాళీ ప్రదేశం ఉంటుంది కాబట్టి పెద్దగా నష్టాలు రావు. దక్షిణం,నైరుతి వీధిపోట్ల విషయం వచ్చేసరికి.. ఇంటికి ఎదురుగా ఉండే వీధి నుంచి ఏదైనా వాహనం వచ్చి గుద్దితే ప్రమాదం జరిగే అవకాశం ఎక్కువ. అందుకే పెద్దలు ఇలా చెప్పారు. వీటిని తెల్సుకుని పాటించడం వలన మంచి ఫలితాలు కలుగుతాయి.

జీవితం లో ఏమి చేసినా, ఎంత సంపాదించినా సుఖం గా ఉండడం కంటే సంతోషం గా ఉండడం ముఖ్యం. అసలు సంతోషం అంటే ఏంటి..? మనసుని ప్రశాంతం గా ఉంచుకోవడం. ఏ బాధ, ఆలోచనలు లేకుండా చిరునవ్వుతో గుండెలపై చేయి వేసుకుని హాయిగా నిద్రపోగలగడం. అది ఎప్పుడు సాధ్యపడుతుంది..? గరుడ పురాణం ప్రకారం ఈ మూడు అలవాట్లను వదిలేస్తే ప్రశాంతత దక్కుతుంది. జీవితం సాఫీ గా గడిచిపోతుందట.

1. అప్పు చేయడం:

ఎప్పుడైనా సరే జీవితం లో ఆనందం గా ఉండాలంటే, మనం కష్టపడి సంపాదించుకున్న డబ్బు తోనే సాధ్యం అవుతుంది. కొంతమంది డబ్బులు సరిపెట్టుకోలేక బంధువుల వద్ద, స్నేహితుల వద్ద అప్పులు చేస్తూ ఉంటారు. వాటిని తీర్చలేక, అప్పు ఇచ్చిన వారు ఎదురైనపుడు సంజాయిషీలు ఇచ్చుకోలేక సతమతమవుతూ ఉంటారు. పైకి నవ్వుతు కనపడినా.. ఈ బాధ లోపల నలిపేస్తూ ఉంటుంది. అందుకే, అప్పు చేయకుండా జీవితాన్ని గడపాలి. సంపాదించుకున్న మొత్తం లోనే ఖర్చులు చేసుకోవాలి.

2. స్త్రీలను కించపరచడం:

“యత్ర నార్యంతు పూజ్యతే రమంతే తత్ర దేవతా” అని శాస్త్రం ఏనాడో చెప్పింది. స్త్రీలను గౌరవించకుండా కించపరిచేవారు కూడా సంతోషం గా గడపలేరట. స్త్రీలను అగౌరవపరిచే పురుషులు ఎవరితోనూ మంచి సంబంధాలను కొనసాగించలేరట. సమాజం లో స్త్రీలను గౌరవించే పురుషులకే గౌరవం దక్కుతుంది. స్త్రీలను కించపరుస్తూ మాట్లాడేవారిని మొదట చూసి నవ్వినా ఆ తరువాత దూరం పెడుతుంటారు.

3. జూదం ఆడడం:

మహా భారతం లో అంతటి ధర్మ పరాయణుడు ధర్మ రాజే జూదం ఆడడం వలన ఎలాంటి ఇక్కట్లు ఎదుర్కొన్నారో చూసాం. జూదాన్ని వ్యసనం చేసుకున్న వ్యక్తులకు జీవితం లో కష్టాలు తప్పవు. శారీరకంగానే కాదు మానసికం గా కూడా ఒత్తిడి ఎక్కువై సమస్యలతో సతమతమవుతూ ఉంటారట.

భారత్ లో ఉద్యోగాలు..ఈ హడావిడీలు ఎక్కువైనప్పటి నుంచి యువత ఎక్కువ గా వెస్ట్రన్ కల్చర్ నే ఫాలో అవుతున్నారు. గతం లో ఆదివారం అంటే ఎంతో ప్రాధాన్యత ఇచ్చేవారు. ఎంతో పవిత్రం గా గడిపేవారు. కానీ, ఇప్పటి కల్చర్ ప్రకారం సండే అంటే హాలిడే. ఆరోజు అందరం లేట్ గా లేస్తాం.. అన్ని పనులను లేట్ చేస్తాం.. చాలా మంది స్నానాన్ని కూడా స్కిప్ చేసేస్తూ ఉంటారు..

కానీ, సనాతన ధర్మం లో ఆదివారానికి ఎంతో ప్రాముఖ్యత ఉందని చెప్పబడింది. మనందరికీ తెలుసు.. ఆదివారం అంటే భానువారం. ఆరోజు సూర్యుడికి చెందిన రోజు. సూర్యుడు ఆరోగ్యాన్ని ప్రసాదిస్తాడు. కాబట్టి ఆరోజు ఉదయాన్నే సూర్య నమస్కారాలు చేసి, స్నానాదికాలు పూర్తి చేసుకునే వారు. ఆదివారం రోజున సూర్యుడిని ప్రార్ధిస్తూ అర్ఘ్య ప్రదానం చేయడం వలన విశేష ఫలం తో పాటు ఆరోగ్యం లభిస్తుంది.

కానీ, బ్రిటిష్ వారు మనలని పాలించే సమయం లో భారతీయుల ఆరోగ్య రహస్యాన్ని గుర్తించి.. సరిగ్గా ఆదివారం రోజున సెలవు దినం గా ప్రకటించారు. దీనితో, వారమంతా పని చేసి.. ఆదివారం సెలవు వచ్చేసరికి.. ఆరోజు బద్ధకం రావడం సహజం. దీనితో, ఆలస్యం గా లేవడం మొదలైంది. క్రమం గా మన సంప్రదాయాలను పక్కన పడేసి.. ఆదివారం వస్తే మందు తాగడం, మాంసాహారం తినడం వంటివి ఆనవాయితీగా వచ్చేసాయి.

కానీ, ఇది చాలా తప్పు. సూర్యుడు ఆరోగ్య కారకుడు అని పురాణాలూ ఘోషిస్తున్నాయి. సూర్యుడి రోజైన ఆదివారం నాడు ఉదయాన్నే లేచి సూర్యుడికి నమస్కరించుకోవడం వలన, సూర్య రశ్మి శరీరం పై పడి సర్వరోగాలు నాశనం అవుతాయి.. కానీ, ఆరోజున ఆలస్యం గా నిద్ర లేవడం వల్ల ఉదయాన్నే లేత సూర్య కిరణాలను మిస్ అవుతాము. అలాగే, ఈరోజున మద్యం తాగడం, మాంసం భుజించడం కూడా మంచిది కాదు. ఆదివారం రోజు ఉదయాన్నే సూర్య నమస్కారాలు చేయడం వలన ఆరోగ్యానికి మేలు కలుగుతుంది.

రామాయణం భారతీయులకు ఎంత ముఖ్యమైన గ్రంథమో అందరికి తెలిసిందే. అందులోని ప్రతి భాగం నీతినే బోధిస్తుంది. ధర్మం ప్రకారం ఎలా నడుచుకోవాలో వివరిస్తుంది. అందులోని ఘట్టాలన్నీ ధర్మాచరణకు అద్దం పడతాయి. శ్రీ రాముడు మొదలుకొని ప్రతి వ్యక్తి ఎంతో కొంత ప్రభావాన్ని మనపై చూపిస్తారు. వేల సంవత్సరాలుగా రామాయణం మనలో భాగం అయిపొయింది.

ఇందులో రావణుడు విలన్ అయినప్పటికీ ఎన్నో సుగుణాలు కలవాడు. భక్తి ప్రపత్తులు కలవాడు. శివుడి కి రావణుడు కంటే భక్తుడెవరు లేరని చెపుతుంటారు. అంతటి రావణుడు, ఒక్క స్త్రీ బలహీనత కారణం గానే విలన్ అవుతాడు. తపస్సులతో ఎంతో జ్ఞానాన్ని సంపాదించుకున్న రావణుడికి కూడా భక్తులున్నారంటే అతిశయోక్తి కాదు. కానీ, స్త్రీ లోలత్వం కారణం గా శ్రీ రాముడి చేతిలో హతమయ్యాడు. రావణుడు బ్రహ్మజ్ఞాని. అతను చనిపోతూ , కొనఊపిరి తో ఉన్న సమయం లో.. అతని వద్ద నుంచి నాలుగు మంచి విషయాలు తెలుసుకోవాల్సింది గా రాముడు లక్ష్మణుడికి ఆదేశిస్తాడు. ఆ సమయం లోనే రావణుడు లక్ష్మణుడికి హితబోధ చేస్తాడు.

#1. నీ పక్కనే ఉండి నిన్ను విమర్శించే వారిని నెత్తిన పెట్టుకో, కానీ నిన్ను పొగిడేవారిని మాత్రం నమ్మొద్దని చెప్పాడు.
#2.ఎపుడు విజయం సాధిస్తున్నావు కదా అని గెలుపు నీ సొంతం అని విర్రవీగకు.
#3. యుద్ధం లో గెలవాలనే కోరిక ప్రతి రాజుకి ఉండాలి. కానీ, యుద్ధం అత్యాశ ఉండదు. సైన్యానికి కూడా అవకాశం ఇచ్చి, వారితో పాటు తానూ అలుపెరగక పోరాటం చేస్తేనే విజయం వరిస్తుంది.

#4. కాపలా కాసేవాడు, వంట చేసేవాడు, నీ రధ సారధి, తమ్ముడు.. వీరితో ఎవ్వరితోను శత్రుత్వం పెంచుకోకు. ఎందుకంటే, వీరితో శత్రుత్వం పెంచుకుంటే ఏరోజైనా, ఏ క్షణమైనా నీకు హాని చేసే ప్రమాదం ఉంటుంది.

#5. నీ శత్రువు చిన్న వాడు అనుకుని తక్కువ అంచనా వేయవద్దు. ఎవరి వెనుక ఎంత బలం ఉందొ ఎవరికీ తెలియదు. నేను ఆంజనేయుడిని తక్కువ అంచనా వేయడం వల్లనే ప్రాణాలపైకి తెచ్చుకున్నాను.
#6. దేవుడిని ప్రేమించు లేదా ద్వేషించు. కానీ ఆయన పట్ల దృఢ నిశ్చయాన్ని కలిగి ఉండు.

ఈ మాటలను లక్ష్మణుడికి చెబుతూ, రావణుడు ప్రాణాలు విడిచాడు. రావణుడు చెప్పిన మాటలు నేటికీ, మన జీవితాలకు వర్తిస్తాయి.