Mythology

వాస్తు విషయం లో మనకి ఎపుడు ఏవో ఒక అనుమానాలు తొలిచేస్తూ ఉంటాయి కదా.. అందుకే మనం ఇంటిని నిర్మించుకునేటప్పుడు కచ్చితం గా ఓ పండితుడి దగ్గరకి వెళ్లి వాస్తు ప్రకారమే ప్లాన్ వేయించుకుని ఇల్లు కట్టుకుంటాం. కొందరైతే, అద్దె ఇంట్లోకి వెళ్లే సమయం లో కూడా కచ్చితం గా వాస్తు బాగుందో లేదో చూసుకుంటారు. ఒకవేళ ఇంట్లోకి మారిన తరువాత ఏమైనా ఇబ్బందులు ఎదురైనా కూడా వాస్తు వల్లనే ఏమైనా ఇబ్బందులు ఎదురవుతున్నాయేమో అని గమనించుకుంటారు. అవసరం అయితే అందుకు తగ్గ మార్పులు చేసుకుంటారు.

అందుకే మన పెద్దలు కూడా మనకు నిత్యం వాస్తు విషయం లో సలహాలు ఇస్తుంటారు. ముఖ్యం గా ఈశాన్యం లో బరువు పెట్టకూడదని చెపుతారు. అయితే, ఇలా ఎందుకు చెబుతున్నారు.. ఈశాన్యం లో బరువు పెడితే ఏమవుతుంది అనేది మనం ఇప్పుడు తెలుసుకుందాం. కొంతమంది ఈశాన్యం లో బరువు పెట్టడం దరిద్రం అని చెపుతారు కానీ, అంతటి పరిస్థితి ఉండదు. వాస్తవానికి ఈశాన్యం అనేది ఈశ్వరుని దిక్కు. ఆ స్థానం లో ఈశ్వరుడు కొలువై ఉంటాడు. ఆ స్థానం లో బరువు ను పెట్టడం వలన అక్కడి దారి మూసుకునిపోతుంది. ఉదాహరణకు బీరువా వంటి పెద్ద పెద్ద వస్తువులను ఆ స్థానం లో పెట్టినపుడు మనం అటు వైపు అవసరం లేకుండా వెళ్ళము.

అదే ఆ ప్లేస్ ను ఖాళి గా వదిలేస్తే, మనం ధ్యానం చేసుకున్నా, ఆ ఈశ్వరుణ్ణి మనస్పూర్తి గా స్మరించుకున్నా మనలో పాజిటివిటీ చేరుతుంది. ఆ స్థానాన్ని ఖాళి గా ఉంచడం కోసమే బరువులు పెట్టొద్దని చెబుతారు. అది ఈశ్వర స్థానం. అక్కడ కూర్చుని ప్రశాంతం గా జపం చేసుకోవడం ఉత్తమం. అలాగే, ఈశాన్య భాగం లో ఎలాంటి మొక్కలు కూడా పెంచకూడదని చెబుతారు. ఈశాన్య భాగం ఈక బరువుని కూడా మొయ్యకుండా చూసుకోవాలని పెద్దలు చెబుతుంటారు. అలాగే, ఈశాన్యం దిక్పాలకుడు సున్నితమైనవాడని ఆ స్థానం లో బరువు పెరిగితే, ఆయన మనపై బరువు పెంచుతాడని కూడా చెబుతుంటారు. జీవితం లో బరువు పెరగకుండా ఉండాలంటే ఈశాన్యం లో బరువులు పెట్టొద్దని చెబుతారు.

watch video:

మనం మంగళవారం, శుక్రవారం ఇలా కొన్ని రోజులను పవిత్రం గా భావిస్తాం. మంగళవారం రోజు ఏ పని మొదలుపెట్టం. శుక్రవారం రోజు ఎవరికీ డబ్బులు ఇవ్వం.. అలా చేస్తే మన నుంచి సంపద దూరం అయిపోతుందని భావిస్తాం. అలాగే, గురువారం రోజున కూడా కొన్ని పనులను చేయకూడదు. అవేంటో ఇప్పుడు తెలుసుకుందాం.

గురువారం విష్ణువు కు ప్రతిబింబం అయిన బృహస్పతి కి అంకితం ఇవ్వబడిన రోజు. ఆ రోజును పవిత్రం గా భావించాలి. మన పూర్వీకుల కాలం నుంచే కొన్ని నియమాలను, ఆచారాలను మనం పాటిస్తూ వస్తున్నాం. వీటి వెనుక ఎన్ని శాస్త్రీయ కారణాలు ఉన్నాయో కూడా మనం తెలుసుకుని ఆశ్చర్యపోతున్నాం. ఒకప్పుడు చెప్పులు ఇంట్లోకి వేసుకురావడాన్ని, రాత్రిళ్ళు ఇల్లు శుభ్రం చేయడాన్ని అరిష్టం గా భావించేవారు. కానీ చెప్పులను ఇంట్లోకి తీసుకురావడం వలన ఎన్నో సూక్ష్మ క్రిములు మనతో పాటు ఇంట్లోకి వస్తాయి. అలాగే రాత్రి సమయం లో చీకటి లో ఇల్లు శుభ్రం చేయడం వలన సరిగా కనిపించక ప్రమాదాలు జరిగే అవకాశం ఉంది కాబట్టి అలా చెప్పేవారు. అలానే, గురువారం రోజున కూడా ఇల్లు శుభ్రపరచకూడదని నమ్ముతారు. అలా చేయడం దురదృష్టాన్ని ఆహ్వానించడమేనని నమ్ముతారు.

అలాగే, తలస్నానం కూడా చేయకూడదు. గురువారం బృహస్పతి కి ఇష్టమైన రోజు. గురుడు భర్తను ప్రతిబింబిస్తాడు. కాబట్టి ఆరోజు తలస్నానం చేయడం వలన భర్త కు, పిల్లలకు మంచిది కాదని చెబుతారు. అలాగే, జుట్టుని కూడా కత్తిరించకూడదు. జుట్టు, గోర్లు, గడ్డం వంటివి కత్తిరించడం దురదృష్టాన్ని తీసుకొస్తాయి. అలాగే, బూజలు దూలపడం వంటి పనులను కూడా ముందు రోజే చేసుకోవాలి. అలాగే, పూజ చేసుకునేటప్పుడు కేవలం లక్ష్మి దేవిని మాత్రం పూజించకూడదు. లక్ష్మి దేవి కొలువై ఉండే విష్ణువు ని కూడా కలిపి పూజించాలి. అలా చేస్తే, అదృష్టం మీ వెంటే ఉంటుంది. అద్దాలు, కత్తులు వంటి పదునైన వస్తువులను గురువారం రోజున కొనడం అంత మంచిది కాదు. ఆస్తులు గురువారం రోజున కొనుగోలు చేయడం మంచిది. గురువులను, సాధువులను కించపర్చకూడదు. ఆరోజు ఇంటికి ఎవరైనా సాధువులు వస్తే, వారికి ఎంతోకొంత ఆహరం పెట్టి పంపండి.

అలాగే, గురువారం రోజున ఉపవాసం ఉంటె చాలా మంచిది. వీరికి జీవితం లో ఆనందం, సంపద లభిస్తుంది. జీవిత భాగస్వామి కోసం వెతుకుతున్నవారికి తప్పక తాము కోరుకున్నది లభిస్తుంది. వీరు నిత్య సంతోషులుగా ఉంటారు. వీరికి జీవితం లో అన్ని అడ్డంకులు తొలగిపోతాయి. గురువారం గోవులకు పక్షులకు ఆహారం పెట్టడం వలన కూడా మంచి జరుగుతుంది. విష్ణుసహస్ర నామం చదువుకోవడం ఉత్తమం. చూపుడు వేలుపై పుష్యరాగం ఉంగరం ధరించడం కూడా అదృష్టాన్ని తీసుకువస్తుంది.

మీరు ఇప్పుడు ఎలాంటి టెన్షన్ లేకుండా ప్రశాంతం గా ఉన్నారా? అలా ఉంటె.. ఈ కధ ను చదవండి. చాలా కాలం క్రితం, ఖోంగ్ లాంగ్ సరస్సు ఒడ్డున ఉన్న ఆధ్యాత్మిక రాజ్యమైన రాప్పాటా నాఖోన్ లో ఓ సంఘటన జరిగింది. ఆ రాజ్యం లో ప్రిన్స్ ఫహూంగ్ చాలా పొడవైన, బలమైన మరియు అందమైనవాడు. రాజ్యంలోని ప్రతి మనిషీ అతనితో స్నేహం గా ఉండేవాడు. దీనితో అతనికి చాలా ఎక్కువ గర్వం గా ఉండేది, మరియు అమ్మాయిలందరూ అతని అద్భుతమైన చిరునవ్వును మరియు అతని లోతైన నీలి కళ్ళలోని మెరుపును చూసి ఇష్టపడేవారు. కానీ,ఫహూంగ్ మాత్రం ఒంటరిగా ఉన్నాడు.

అతను ప్రపంచంలోని దొరికే అన్నిటిని కొనగలిగే ధనం అతని వద్ద ఉండేది. కానీ అతనికి కావాల్సింది ఏమిటో తెలిసేది కాదు. అతని నిజమైన ప్రేమని ఎవరు అర్ధం చేసుకోవడం లేదని అతనికి అనిపించేది. నిజమైన ప్రేమను అర్ధం చేసుకునే వారు, పంచుకొనే వారు ఎవరు లేనప్పుడు ఎంత ధనం ఉండి ఏమి ప్రయోజనం? అని భావిస్తూ ఉండేవాడు.

ఒకరోజు అతను అడవిలో నడుస్తూ ఉండగా… ఒక అమ్మాయి పాటను పాడటాన్ని గమనించాడు. ఆపాట ఎంతో శ్రావ్యం గాను, ఆమె బాధను వెళ్లగక్కుతూ పాడుతున్నట్లు ఉండి. ఈ యువరాజు ఆ పాట వినిపిస్తున్న వైపుకు వెళ్ళాడు. ఎంతదూరం వెళ్లినా ఆమె కనిపించలేదు. అయితే, క్రమం గా పాట వినిపించడం ఆగిపోయింది. ఇంతలో ఒక అమ్మాయి ఏడుస్తున్నట్లు వినిపించసాగింది. ఆ అమ్మాయి కనిపించకపోవడం తో, యువరాజు వెనక్కి వచ్చేయాలనుకుంటాడు. కానీ.. ఆ పాట పాడిన అమ్మాయే ఏడుస్తోందని అర్ధం చేసుకుంటాడు. ఆ మృదువైన గొంతుకతో పాట పాడుతున్న అమ్మాయి ఎవరో తెలుసుకోవాలనుకుంటాడు. ఇంతలో తన వెనుకగా మెరుపు వేగం తో ఎదో కదిలినట్లు అనిపిస్తుంది. వెంటనే వెనక్కి తిరిగి చూడగా, తన పాదాల వద్ద పాము చర్మం కనిపిస్తుంది.

అంతకు కొద్దిసేపటి క్రితమే ఒక పాము తన కుబుసాన్ని వదిలి పెట్టేసింది అని యువరాజుకు అర్ధం అవుతుంది. అయితే, ఈ పాము కుబుసం చాలా విచిత్రం గా ఉంటుంది. అంతకుముందు అతను అలాంటివి ఎన్నో చూసినప్పటికీ, ఇది మాత్రం చాలా విచిత్రం గా ఉంటుంది. ఈ పాము చర్మం ఒకవైపు ఎరుపు రంగులోను, మరొక వైపు ఆకుపచ్చ రంగులో ను ఉంటుంది.

అతనికి ఇది అర్ధం కాక, తన రాజ్యానికి తిరిగి వెళ్ళిపోతాడు. తన రాజ్యం లో అత్యంత తెలివైన వాడు అయిన తన తాతను తానూ అడవి లో చుసిన దానిని గురించి అడుగుతాడు. అయితే, అందుకు గల కారణం తెలుసుకోలేకపోతాడు. మరో వైపు, ఆ పాము చర్మం ఒక నాగిని ది. ఆమె యువరాజును చూడగానే తోలి చూపులోనే ప్రేమిస్తుంది. కానీ అతను మానవుడు, తనేమో నాగి. వారిద్దరికీ వివాహం జరగడం సాధ్యపడదు కాబట్టి ఆమె విచారం వ్యక్తం చేసింది. అది అతని కి ఎదురుగా వెళ్లి చెప్పలేక దూరం గా ఉండిపోతుంది. అయితే ఇవేమి తెలియని యువరాజు మరుసటి రోజు ఆమెను వెతుకుతూ అక్కడకి వస్తాడు. ఆమె కూడా ధైర్యం చేసి అతనికి చెప్పాలనుకుంటుంది. మానవ కన్య రూపం లో అతనికి కనిపిస్తుంది. వారిద్దరూ ఇష్టపడతారు.

అయితే, అతని మంచి తనాన్ని తెలుసుకున్న “నక్కరింత్రాణి” అనే నాగి తన అసలు రహస్యం గురించి చెబుతుంది. తానూ ఒక నాగి అని, తనకు మానవ రూపం, సర్ప రూపం ఉంటాయని.. తానూ అతన్ని ప్రేమిస్తున్నానని చెబుతుంది. యువరాజు మొదట షాక్ అయినా.. ఆమె ప్రేమకు దాసోహం అంటాడు. రాజ్యానికి తీసుకు వెళ్లి తన తాత కు చూపించి.. వివాహం చేసుకోవాలనుకుంటున్నట్లు చెబుతాడు. నక్కరింత్రాణి తండ్రి నాగులకు మహారాజు.. యువరాజు తాత, నక్కరింత్రాణి తండ్రి తో చర్చలు జరిపి వివాహానికి అంగీకరిస్తారు. అయితే, ఒక షరతు విధిస్తారు. ఒకవేళ ఆమె నాగి అన్న సంగతి రాజ్యం లో ఎవరికైనా తెలిస్తే.. ఆ ఇద్దరినీ రాజ్యం నుంచి బహిష్కరిస్తామని చెబుతాడు.

ఆమె నాగి అన్న సంగతి బయటకు తెలియకుండా కాపాడుకోవాలని చెబుతాడు. నక్కరింత్రాణి తండ్రి కూడా కొన్ని షరతులు పెట్టి పెళ్ళికి అంగీకరిస్తాడు. తన కూతురు నాగి అన్న సంగతి బయటకు పొక్కితే.. రాజ్యం మొత్తాన్ని ఆనవాళ్లు లేకుండా నాశనం చేస్తాను అంటాడు. ఈ షరతులకు అంగీకరించి ఫహుంగ్ మరియు నాగి వివాహం చేసుకుంటారు. మూడు సంవత్సరాలు వారి జీవితం ఆనందం గా గడిచిపోతుంది. ఎంతకాలం గడుస్తున్నా, నాగికి వారసుడు పుట్టకపోవడం తో ప్రజలు అసంతృప్తిగా ఉంటారు. మరో వైపు అంతఃపురం లోనే, యువరాజు ఖులాన్ అనే ఒక అమ్మాయి రహస్యం గా ప్రేమిస్తూ ఉంటుంది. ఆమె యువరాజుని పెళ్లి చేసుకోవాలనుకుంటుంది. కానీ అంతలోనే యువరాజు మరొక అమ్మాయిని ప్రేమించి పెళ్లి చేసుకోవడం తో.. ఆమె చేసేది లేక అంతః పురం లోనే దాసీ గా ఉండిపోతుంది.

ఒకరోజు, దాసీ గా ఉన్న ఖులాన్ ఫహుంగ్ పడక గది నుంచి..రాత్రి తిన్న ప్లేట్ లను తీసుకురావడానికి వెళుతుంది. అక్కడ మంచం పై నాగి ఉండదు. ఆమె పడుకుని ఉండాల్సిన స్థానం లో ఒక పెద్ద పాము ఉంటుంది. నాగి ఆ సమయం లో సర్ప రూపం ధరించి ఉంటుంది. ఆమె నుంచి హిస్..అన్న శబ్దాన్ని రావడం ఖులాన్ వింటుంది.ఒక్కసారి గా మంచం పై పాముని చూసేసరికి ఆమె కంగారు పడుతుంది. అయితే.. నాగి మాత్రం.. “కంగారు పడకు.. నేను మీ యువరాణిని.. నక్కరింత్రాణి ని అని చెబుతుంది.” దీనితో హతాశురాలైన ఖులాన్ అక్కడ నుంచి పరిగెత్తుకుంటూ వెళ్లి ఈ విషయాన్నీ యువరాజుకు చెప్పాలనుకుంటుంది. యువరాజు భార్య ఒక పాము.. అంటూ అరుస్తూ వెళ్తుంది.

అదే రోజు యువరాజు పుట్టినరోజు కావడం తో.. వేడుకలకు నక్కరింత్రాణి తండ్రిని కూడా యువరాజు ఆహ్వానిస్తాడు.ఆ సమయం లో అక్కడకి వచ్చిన నక్కరింత్రాణి తండ్రి ఖులాన్ అన్న మాటలను విని.. ఈ విషయం అందరికి తెలిసిపోవడం తో ఆగ్రహానికి గురి అవుతాడు. దీనితో, తన రాజ్యం నుంచి నాగులను పిలిపించి రాప్పాటా రాజ్యం పై దాడి చేస్తాడు. ఫలితం గా రాజ్యం మొత్తం అల్లకల్లోలం అయిపోతుంది. రాజ్యానికి సమీపం లో ఉన్న అడవి లోను, లోయల్లోను పడిపోయి చాలా మంది ప్రాణాలు కోల్పోతారు. అయితే, యువరాజు మరియు నాగి మాత్రం వారి ప్రేమను వదులుకోరు. ఇద్దరు కలిసి అడవి లోకి పారిపోయి ఓ గుహ లో తలదాచుకుంటారు. ఆ గుహ నే ప్రస్తుతం నాకా కేవ్స్ గా పిలుస్తుంటారు. థాయిలాండ్ భాష లో నాకా అంటే..నాగ అని అర్ధం.. వీరిద్దరూ అక్కడే ఉండి..తిండి తిప్పలు లేక మరణిస్తారు. మరణం ఆసన్నమైనా,వారిద్దరూ ప్రేమ గా నే ఉంటారు. ఈ గుహ మొత్తం బయటా లోపలా కూడా పాము కుబుసమే ఉంటుంది.. అందుకే నాగ గుహలుగా వీటిని పిలుస్తారు..

థాయ్‌లాండ్‌లోని బ్యూంగ్ కాన్ ప్రావిన్స్‌లోని బ్యూంగ్ ఖోంగ్ లాంగ్ డిస్ట్రిక్ట్‌లో ఉన్న ఫు లాంగ్కా నేషనల్ పార్క్‌లో మీరు నాగా కేవ్స్ ను చూడవచ్చు. నేషనల్ పార్క్‌లో మూడు పర్వతాల పొరలు ఉన్నాయి, ఇవి మెకాంగ్ నది వెంట విస్తరించి ఉన్నాయి. ఒక ప్రసిద్ధ పర్యాటక కాలిబాట ఫా న్గోయి పైభాగానికి దారితీస్తుంది, ఈ మార్గం లో వెళితే భన్ ఫెంగ్ జిల్లా మరియు మీకాంగ్ నది యొక్క అద్భుతమైన దృశ్యాలను చూడవచ్చు. చాయ్ మోంగ్ కోన్ ఆలయంలో నుంచి ప్రయాణం ప్రారంభిస్తే, మొదట రాతి మెట్లపైకి ఎక్కాలి, ఈ భాగం ఇరు వైపులా పాము చర్మాన్ని పోలినట్లు కనిపిస్తుంది. ఈ మార్గం ద్వారా పైకి చేరుకుంటే మురికి ప్రదేశం వస్తుంది. ఈ ప్రదేశమే గుహకు ప్రారంభ మార్గం. ఆ దారిలోనే ముందుకు వెళితే నాగా గృహాలకు చేరుకోవచ్చు. అయితే, కరోనా కారణం గా ప్రస్తుతం విజిటర్స్ ను అనుమతించడం లేదు..

watch video:

భారతీయులు ఎక్కువ గా జ్యోతిష్య శాస్త్రాలను, ఖగోళ శాస్త్రాలను విశ్వసిస్తారు. వాటి లెక్కలకు అనుగుణం గా మార్పులు జరుగుతుంటాయని భావిస్తుంటారు. అయితే, మన పూర్వికులు తమకున్న అపార మేధస్సు ద్వారా ఎంతో విజ్ఞానాన్ని మనకు అందించారు. వాటిలో “బ్రహ్మం గారి కాల జ్ఞానం” ఎక్కువ ప్రాచుర్యం పొందింది. శ్రీ పోతులూరి వీర బ్రహ్మేంద్ర స్వామీ వారు తమకు ఉన్న అపారమైన జ్ఞానం తో భవిష్యత్ లో ఏమి జరగబోతోందో ముందే చెప్పారు.

కాల క్రమం లో జరుగుతున్న మార్పులను చుస్తే.. వీటన్నిటిని బ్రహ్మం గారు తన కాల జ్ఞానం లో ముందే ప్రస్తావించారని తెలుస్తోంది. మరో వైపు… ఎక్కడ ఏ వింత జరిగినా.. ఇది ముందే బ్రహ్మం గారు చెప్పారు అంటూ మనం గుర్తు చేసుకుంటూనే ఉంటాం. ఇలాంటి వాటిల్లో కరోనా వైరస్ కూడా ఉంది.

ఈ మహమ్మారి గురించి కూడా బ్రహ్మం గారు ముందే హెచ్చరించారట.”కోరంకియను జబ్బుకోటిమందికి తగిలి, కోడిలాగ తూగిసచ్చేరయ” అంటూ ఆయన కాలజ్ఞానం లో ప్రస్తావించారని చెబుతారు. ఇప్పటికే ఈ విశేషాలకు సంబంధించి సోషల్ మీడియా లో చాలా కధనాలు వైరల్ అయ్యాయి. ఈ క్రమం లో పోతులూరి వీర బ్రహ్మేంద్ర స్వామీ వారు ఏమి చెప్పారు..? 2022 లో అవి ఎంత వరకు జరిగే అవకాశం ఉంది అన్న విషయాలను ఈ ఆర్టికల్ లో తెలుసుకుందాం.

వాస్తవానికి, బ్రహ్మం గారి వేషధారణ చూసిన ఎవరైనా ఆయనను ఆధ్యాత్మిక వేత్త గా భావించేవారట. కానీ బ్రహ్మం గారు హేతువాదిగా ఉండేవారట. ఈ విషయాన్నీ చరిత్రకారులు కూడా చెబుతున్నారు. క్రీ.శ. 1622 క్రీ.శ. 1693 మధ్య బ్రహ్మం గారు జీవించారు. ఆయన కాల బ్రహ్మ యోగి గా మంచి పేరు తెచ్చుకున్నారు. ఇప్పటికే ఆయన రాసిన కాలజ్ఞానాన్ని ఓ ప్రామాణికం గా పరిశీలించుకుంటూనే వస్తున్నారు. కరోనా తరువాత ఈ భయంకరమైన పరిస్థితులు ఇంతటితో ఆగిపోవని బ్రహ్మం గారు కాలజ్ఞానం లో పేర్కొన్నారని తెలుస్తోంది.

ప్రస్తుత పరిస్థితులను చూస్తుంటే, బ్రహ్మం గారు చెప్పినది మరోసారి జరుగుతున్నట్లుంది. ప్రస్తుతం బ్రిటన్ నుంచి కొత్త స్ట్రెయిన్ స్ప్రెడ్ అవుతోంది. ప్రపంచ ఆరోగ్య సంస్థ కూడా, ఈ వేరియంట్ విషయం లో జాగ్రత్త గా ఉండాలని హెచ్చరిస్తోంది. మరో వైపు బ్రిటన్ కూడా లాక్ డౌన్ విధించింది. దీనిని పట్టి, కరోనా ఇంకా అయిపోలేదు..పరిస్థితి మరింత భయంకరం గా మారే అవకాశం ఉందని తెలుస్తోంది.

ఆయన కాలజ్ఞానాన్ని బట్టి చూస్తే కరోనా మహమ్మారి ఇంకా అవలేదని.. ఓమిక్రాన్ పేరిట మరో కొత్త వైరస్ పుట్టుకొస్తోందని తెలుస్తోంది.  ఈ మహమ్మారి వచ్చిన తరువాత నుంచి కీలక మైన మార్పులు చోటు చేసుకుంటాయని ఆయన కాలజ్ఞానం లో వివరించారు. ఇంకా చాలా విషయాలను ఆయన వివరించారు. అవేంటో ఇపుడు చూద్దాం..

ఆయన కాశీ లోని దేవాలయం 40 రోజుల పాటు పాడుపడుతుందని తెలిపారు. 1910 -12 మధ్య కాలం లో గంగానదికి వరదలు రావడం తో అక్కడి ప్రజలు ఇబ్బందులు ఎదుర్కొన్నారు. అదే సమయం లో కలరా వ్యాధి విపరీతం గా ప్రబలడం తో నలభై రోజుల పాటు కాశీ విశ్వేశ్వరుడిని దర్శించుకోవడానికి ఎవరు రాలేదు.

ఓ అంబ 16 సంవత్సరాల పాటు రాజ్యాన్ని రక్షిస్తుందన్నారు. ఆయన చెప్పినట్లే ఇందిరా గాంధీ భారత ప్రధాని గా 16 సంవత్సరాలు కొనసాగారు. రాజుల పాలన, రాచరిక వ్యవస్థ నశిస్తుంది అన్నారు. ఆయన చెప్పినట్లు గానే ప్రస్తుతం రాచరిక వ్యవస్థ లేదు. ప్రజాస్వామ్యం అమలు లో ఉంది. అలాగే, స్త్రీలపై అక్రమాలు ఎక్కువ అవుతాయని, వ్యభిచారిణి వలన భయంకరమైన వ్యాధులకు గురి అవుతారని చెప్పారు. ఇప్పటికే వ్యభిచారం, అక్రమ సంబంధాల వలన ఎయిడ్స్ వ్యాధి ప్రబలింది. దీనికి చాలా కాలం మందు కనుక్కోలేక, ఎందరో ప్రాణాలు కోల్పోయిన సంగతి తెలిసిందే.

అలాగే, కృష్ణానది గురించి కూడా బ్రహ్మం గారు చెప్పిన విశేషాలు ప్రాచుర్యం పొందాయి. తెలుగు రాష్ట్రము లోని కృష్ణానది నది కనకదుర్గమ్మ ముక్కు పుడక ను తాకుతుందని చెప్పారు. జలప్రళయం జరిగి నాగార్జున డాం బీటలు వారితే, కృష్ణానది దుర్గమ్మను తాకే ప్రమాదం ఉంది. అలాగే, కృష్ణానది మధ్య లో బంగారు రధం ఉంటుందిట. అది చూసిన వారికి, దాని కాంతి వలన కంటిచూపు పోయే ప్రమాదం ఉంటుందట. అలాగే, ఒక మొసలి ఎనిమిది రోజులుండి భ్రమరాంబ గుడి లోకి చేరి మేకపోతులా అరిచి మాయం అవుతుందట. అలాగే, కర్నూలు జిల్లా ఆదోని మండలం లో కప్పు కోడై కూస్తుంది. అదే కనక జరిగితే ఎన్నో అనర్ధాలు వస్తాయట.

శ్రీశైలానికి దక్షిణం లో వందల కొద్దీ రాళ్లు రాలడం తో చాలా మంది ప్రాణాలు కోల్పోతారట. అలాగే, ఎన్నో రాతిముక్కలు లేచి ఆకాశం వైపు ఎగురుతాయట. కామాక్షమ్మ విగ్రహం నుంచి రక్తం కారుతుందట.. అలాగే, కలియుగం లో ఐదువేల సంవత్సరాలు గడిచిన తరువాత గంగమ్మ అసలు కనిపించదట. వీటిలో కొన్ని ఇప్పటికే జరిగాయి. దీనితో, వీరబ్రహ్మేంద్ర స్వామి వారి కాలజ్ఞానం నిజం అవుతుందని అందరు విశ్వసిస్తున్నారు.

భారతీయ సంప్రదాయం లో ప్రతి పనికి కారణాలు, వెనుక నిగూడార్ధాలు ఎన్నో ఉంటాయి. ప్రతి ఇంట్లో ఎంతో వేడుక గా జరిగే పెళ్లి తంతులో ఇలాంటివి అడుగడుగునా కనిపిస్తాయి. అలాగే, పెళ్లి అయిన తరువాత కోడలిని అత్తవారింటికి తీసికెళ్ళి ఆ తరువాత, కొడుకు కోడలిని ఇద్దరినీ పీటలపై కూర్చోపెట్టి సత్యనారాయణ వ్రతం చేయిస్తారు. ఆ తరువాతే మళ్ళీ పుట్టింటికి తీసుకొస్తారు. ఇలా ఎందుకు చేయిస్తారో మనం ఇప్పుడు తెలుసుకుందాం..

కోరిన కొరికేలు తీర్చే సత్యనారాయణ స్వామి భక్త సులభుడు. ఎలాంటి ఆటంకాలు లేకుండా, జీవితాన్ని గడపడానికి, అవసరమైన సామాగ్రిని సమకూర్చుకోవడానికి సత్యనారాయణ స్వామి అనుగ్రహం ఉండాలి. సాధారణం గా దంపతులు కుటుంబ సభ్యులతో కలిసి కార్తీక మాసం లో సత్యనారాయణ వ్రతాన్ని ఆచరిస్తారు. అలా చేస్తే సకల శుభాలు చేకూరుతాయని విశ్వసిస్తారు. త్రిమూర్తులు ఇక రూపం లో దర్శనం ఇచ్చే అవతారాన్నే సత్యనారాయణ స్వామీ గా కొలుస్తారు. కొత్త గా పెళ్లి అయిన దంపతుల చేత ఈ వ్రతం చేయిస్తే వారి జీవితం ఎలాంటి ఒడిదుడుకులు లేకుండా, కలహాలు రాకుండా సత్యనారాయణ స్వామి కాపాడతారని హిందువులు విశ్వసిస్తారు.

అందుకే పెళ్లి అవ్వగానే, కొడుకు కోడలి తో ఈ వ్రతం చేయిస్తారు. ఈ వ్రతం చేసే రోజున ఊరి ప్రజలందరినీ పిలుస్తారు. ఈ సందర్భం గా తమ కోడలిని పరిచయం చేసినట్లు అవుతుంది. అలాగే, కోడలి కి కూడా ఊరి ప్రజలు పరిచయం అవుతారు. అందరితో యిట్టె కలిసి పోవడానికి ఆమెకు అవకాశం లభిస్తుంది.

తిరుమలకి ఒక్క రెండు తెలుగు రాష్ట్రాల్లోని ప్రజలు మాత్రమే కాకుండా భారత దేశంలోని వివిధ ప్రాంతాల నుండి, అలాగే ప్రపంచ వ్యాప్తంగా ఎన్నో ప్రదేశాల నుండి భక్తులు వచ్చి దర్శనం చేసుకుంటారు. తిరుమలని సందర్శించిన తర్వాత చాలా మంది భక్తులు చుట్టుపక్కల ఉన్న పుణ్యక్షేత్రాలకి కూడా వెళ్తారు. శ్రీనివాస మంగాపురం, గోవిందరాజ స్వామి గుడి, అలివేలు మంగాపురం, పాపనాశనం, తర్వాత కాణిపాకం, తర్వాత శ్రీకాళహస్తిని దర్శించుకుంటారు.

అయితే, శ్రీకాళహస్తి దర్శించుకున్న తరువాత మరే గుడికి వెళ్ళకూడదు అని అంటారు. అందుకు కొన్ని కారణాలు ఉన్నాయి. అవి ఏంటంటే. పంచభూతాలకి ప్రతీకగా పంచభూత లింగాలు వెలిశాయి. శ్రీకాళహస్తీశ్వర దేవాలయంలో వెలసిన వాయులింగం అందులో ఒకటి. శ్రీకాళహస్తి సందర్శించుకున్న తరువాత రాహు కేతువుల దోషం ఉంటే తొలగుతుంది.

శ్రీకాళహస్తి క్షేత్రంలోని సుబ్రహ్మణ్యేశ్వర స్వామిని సందర్శించుకుంటే, సర్ప దోషం తొలగుతుంది. దోష నివారణ జరగాలంటే శ్రీకాళహస్తిలో పాపాలని వదిలేసి వెళ్ళాలి. తర్వాత వేరే ఏ దేవాలయానికి వెళ్ళినా కూడా దోషనివారణ జరగదు అని చెప్తారు. అందుకే ప్రత్యేక పూజలు చేయించిన తర్వాత నేరుగా ఇంటికి వెళ్ళాలి అని అంటారు. ఒక్క పరమశివుడిపై తప్ప మిగిలిన అందరి దేవుళ్ళపై శని ప్రభావం, గ్రహ ప్రభావం ఉంటుంది.

చంద్ర గ్రహణం సమయంలో అన్ని దేవాలయాలని మూసివేస్తారు. గ్రహణం ముగిసిన తర్వాత సంప్రోక్షణ చేసి తర్వాత పూజలు ప్రారంభిస్తారు. కానీ శ్రీకాళహస్తిలో మాత్రం గ్రహణ సమయంలో కూడా ఆలయం తెరిచే ఉంటుంది. అంతే కాకుండా రోజంతా ప్రత్యేక పూజలు జరుగుతాయి. అందుకే శ్రీకాళహస్తి దర్శించిన తర్వాత వేరే దేవాలయాన్ని దర్శించకూడదు అని చెప్తారు.

సాధారణంగా హిందూ సాంప్రదాయం ప్రకారం ఎవరైనా చనిపోతే వాళ్ళింట్లో ఒక ఏడాది వరకు పూజలు చేయరు. కొంతమందైతే దీపం కూడా వెలిగించరు. సంవత్సరీకం అయిపోయిన తర్వాత దేవుడి పటాలను శుభ్రపరిచి పూజలు చేస్తారు. కానీ ఈ పద్ధతి సరైనది కాదు. శాస్త్రంలో ఎక్కడా ఈ విధంగా చెప్పలేదు. దీపం శుభాన్ని సూచిస్తుంది.

దీపం ఎక్కడ వెలుగుతూ ఉంటే అక్కడికి దేవతలు వస్తారు. ప్రతి ఇంట్లోనూ ఎప్పుడూ దీపారాధన జరగడం అనేది ఎంతో ముఖ్యం. మరణించిన ఇంట్లో పదకొండవ రోజు శుద్ధి కార్యక్రమం జరుగుతుంది. ఆ పదకొండు రోజులు మాత్రమే పూజలు చేయకూడదు.

శాస్త్రంలో ఇంతవరకు మాత్రమే చెప్పారు. కానీ ఏడాది పాటు పూజలు చేయకూడదు అని, దీపం వెలిగించకూడదు అని చెప్పలేదు. అసలు శాస్త్రం ప్రకారం సూతకంలో ఉన్నప్పుడు కూడా సంధ్యావందనం చెయ్యాలి అని, అర్ఘ్య ప్రధానం వరకు బాహ్యంగా చేసి, మిగిలినది మానసికంగా చేయవచ్చు అని చెప్పారు.

అంతే కాకుండా సంవత్సరం పాటు గుళ్ళకి వెళ్ళకూడదు అని కూడా చెప్పలేదు. మనం రోజూ చేసేది కొనసాగించవచ్చు. కానీ కొత్త పూజలు ప్రారంభించకూడదు. ఒకవేళ అంతకు ముందు గుడికి వెళ్లే అలవాటు ఉంటే, సూతకం తర్వాత కూడా గుడికి వెళ్ళవచ్చట.

మనం రోజు పూజ చేసే పటాల్లో దేవతలు కూర్చుంటారు. ఒక సంవత్సరం పాటు పూజలు చేయకుండా, దీపారాధన జరగకుండా, దేవుడి పటాలని బట్టలో చుట్టి పక్కన పెట్టడం లాంటివి చేయడం ఇంటికి మంచిది కాదు. అంతే కాకుండా ఇంటికి, ఇంటి సభ్యులకు ఏవైనా దోషాలు ఉన్నా కూడా వాటిని ఆపే శక్తి ఇంట్లో జరిగే దైవారాధనకి ఉంటుంది. అందుకే ఇంట్లో రోజు పూజ, దీపారాధన కచ్చితంగా జరగాలి.