Mythology

మన దేశ ఆలయాల్లో ఎంతో ప్రసిద్ధి గాంచిన ఆలయం లేపాక్షి. లేపాక్షి మన తెలుగు రాష్ట్రాల్లో ఉండటం ఇంకా విశేషం. అనంతపురం కి దాదాపు 15 కిలోమీటర్ల దూరంలో ఉన్న లేపాక్షి గ్రామంలో 16వ శతాబ్దంలో ఈ ఆలయం నిర్మించబడింది. లేపాక్షి ఆలయంలో ఉన్న స్వామివారిని వీరభద్రస్వామి గా పూజిస్తారు.కానీ లేపాక్షికి ఆ పేరు ఎందుకు వచ్చిందో తెలుసా? ఆ పేరు వెనుక ఒక కథ ఉంది.

రామాయణంలో రావణాసురుడు సీతాదేవిని తీసుకు వెళుతుంటే జటాయువు అనే పక్షి రావణుడిని ఆపడానికి ప్రయత్నిస్తుంది. రావణాసురుడు తనకి అడ్డుపడుతున్న జటాయువు రెక్క పై కత్తితో దాడి చేస్తాడు. గాయపడిన జటాయువు కింద పడిపోతుంది. జటాయువుని చూసిన రాముడు “లే పక్షి” అని పక్షిని పిలుస్తాడు. దాంతో జటాయువు కింద పడిన ప్రదేశానికి లేపాక్షి అని పేరు వచ్చింది.

లేపాక్షి లో ఇంకో ముఖ్యమైన విశేషం వేలాడే స్థంభం. స్థంభం నేలకు ఆనకుండా గాలిలో ఉంటుంది. లేపాక్షి ని దర్శించుకోవడానికి వచ్చే భక్తులు వేలాడే స్థంభం కింద ఏదైనా వస్త్రం పెట్టి, లేదా ఏదైనా వస్తువు పెట్టి నిజంగానే స్థంభం గాలి లో ఉందా అని చూస్తూ ఉంటారు. స్థంభానికి నేల కి మధ్య దాదాపు పావు అంగుళం తేడా ఉంటుంది.

ఆ స్థంభం అలా గాలిలో ఉండడానికి కారణం ఏంటి అంటే, భూకంపాలు లాంటి ప్రకృతి వైపరీత్యాలు వచ్చినప్పుడు, మిగిలిన స్థంభాలన్నీ తమ స్థానం లో నుండి జరిగే అవకాశం ఉంటుంది. అప్పుడు గాలిలో వేలాడే స్థంభం నేలను ఆనుకొని మిగిలిన స్థంభాలు కదలకుండా ఉండేలా చేస్తుంది. అలా ముందు జాగ్రత్త కోసం ఈ స్థంభం గాలిలో ఉంటుంది.

ఏదైనా పనిని ఇలా ఎందుకు చేస్తున్నారు అని అడిగితె కొంతమంది ఇది మా ఆచారం ఎప్పటినుండో వస్తున్నా సంప్రదాయం అని అంటారు.ఎందుకంటే సంప్రదాయాన్ని ఒక రూల్ ల పాటిస్తారు అందరూ.ఏదైనా సంప్రదాయాన్ని మూలలలోకి వెళ్లి పరిశీలిస్తే ఆ ఆచారం పెట్టడానికి గల కారణం అర్ధం అవుతుంది.కాలానికి అనుగుణంగా ఈ ఆచారవ్యవహారాలు అనేవి మారుతూ వస్తుంటాయి.అయితే ఆషాడం లో పెళ్లి అయిన కొత్త దంపతులు ఒకచోట కలిసి ఉండకూడదు అనే నియమం ఒకటి ఉంది.దానిని నేటికీ చాలామంది పాటిస్తారు.ఆషాడం మాసంలో దంపతులు ఎందుకు కలిసి ఉండకూడదు దానికిగల కారణాలు ఏంటో ఇప్పుడు చూద్దాం ..

పూర్వం రోజులలో ఇప్పటిలాగా రకరకాల ఉద్యోగాలు ,వృత్తులు లేవు ఎవరైనా సరే వ్యసాయం మీదే ఆధారపడి జీవించాల్సిందే.అయితే ఆషాడ మాసంలో విపరీతమైన వాతావరణ మార్పులు సంభవిస్తాయి.ఎక్కువగా చలి ఉండడం ,అకారణంగా వర్షాలు పడడం లాంటివి జరిగి నదులు ,కలువులలో వైరస్ ,బాక్టీరియా లాంటివి ఎక్కువ వృద్ధి చెందుతాయి.దీంతో పెళ్లి అయిన కొత్త దంపతులు కలిసి ఉంటె గర్భం దాల్చితే ఆషాడ మాసంలో ఉన్న వాతావరణ పరిస్థితుల దృష్ట్యా పుట్టబోయే బిడ్డ ఆరోగ్యానికి మంచిది కాదు అని ఈ నియమం పెట్టినట్టు తెలుస్తుంది.

ఆ సమయంలో కొత్తగా పెళ్లి అయిన అమ్మాయి పుట్టింట్లో ఉండడమే శ్రేయస్కరమని అప్పట్లో పెద్దలు భావించారు.పైగా ఆషాడ మాసంలో గర్భం దాల్చితే తొమ్మిది నెలలు పూర్తి అయ్యేటప్పటికి చైత్ర మాసం వస్తుంది.చైత్ర మాసంలో కాన్పు అవ్వాలంటే ఆ మాసంలో ఉన్న అధిక వేడి దృష్ట్యా గర్భిణీ స్త్రీకి అలాగే పుట్టబోయే బిడ్డకు మంచిది కాదు అని ఈ నియమం పెట్టినట్లు తెలుస్తుంది.

ఆషాడ మాసం తర్వాత వచ్చే శ్రావణ మాసం అన్నివిదాలాగాను మంచిది.శ్రావణ మాసంలోనే రకరకాల యజ్ఞయాగాదులు నిర్వహిస్తారు.అందుకే శ్రావణ మాసంలో కొత్తగా పెళ్లి అయిన అమ్మాయి గర్భం దాల్చితే తల్లికి అలాగే పుట్టబోయే బిడ్డగా మంచిది అని తిరిగి మళ్ళీ శ్రావణ మాసంలో అమ్మాయిని అత్తవారింటికి తీసుకువస్తారు.

సంప్రదాయాలు అంటే ఎప్పటినుండో ఆచరిస్తూ వస్తున్న కొన్ని విషయాలు.కొన్ని సందర్భాలలో కొంతమంది చేసే విషయాలను ప్రశ్నిస్తే ఇది మా ఆచారం అని చెప్తూ ఉంటారు.అసలు సరిగ్గా ఆలోచిస్తే అసలు ఆ ఆచారం ఎలా పుట్టిందో,ఎందుకు మొదలైందో తెలుస్తుంది.మనకు కనిపించే సంప్రదాయాల వెనకాల ఎన్నో ప్రయోజనాలు ఉంటాయి కానీ చాలాసార్లు ఆ ఉపయోగాలు అన్ని ఆనాటి కాలానికి అనుగుణంగా ఉపయోగపడేవి అయ్యి ఉంటాయి.అయితే మంగళవారం తలస్నానం చెయ్యకూడదు అనే ఆచారం వెనకాల ఉన్న రహస్యం ఏంటో ఇప్పుడు తెలుసుకుందాం..

అనాది కాలంలో ఇంట్లో నీరు వచ్చే ఏర్పాటు గాని ,నీటిని ఎక్కువగా దాచుకొనే అవకాశం గాని ఉండేది కాదు.నీటిని తేవాలంటే ఎంతో దూరం నడిచి వెళ్లి తీసుకురావాల్సి వచ్చేది.దీంతో స్నానాలకు చాలావరకు దగ్గరలో ఉన్న నదులకు గాని లేదా కాలువ ల దగ్గరకి గాని వెళ్లేవారు.అయితే కొన్ని రోజుల తర్వాత ఇంట్లోనే బాత్ రూమ్ లు నిర్మించుకున్నారు .కానీ నీటి కోసం చాలా దూరం నడిచి తేవాల్సిన ఇబ్బందులు మాత్రం తప్పలేదు.దీంతో ఆడవారు తలస్నానం చెయ్యడానికి ఎంతో నీరు అవసరం అవుతుంది.

కాబట్టి మంగళవారం ఒకరోజు తల స్నానం చెయ్యడం ఆపిన నీటి వాడకం కొంత తగ్గుతుంది. ఎంతో దూరం నుండి నీటిని తెచ్చే అవసరం కూడా తప్పుతుంది అని మంగళవారం తల స్నానం చెయ్యకూడదు అనే నియమాన్ని పెట్టారు.అంతేకాకుండా ప్రతీరోజు తల స్నానం చేస్తే తల నొప్పి ,తల దిమ్ము వచ్చే అవకాశాలు కూడా ఎక్కువగా ఉంటాయి కాబట్టి వారంలో ఒక్కరోజు తల స్నానం చెయ్యడం ఆపిన ఇటువంటి ఆరోగ్య సమస్యలు తలెత్తకుండా ఉంటాయని కూడా మంగళవారం తల స్నానం చెయ్యకూడదు అనే నియమాన్ని పెట్టినట్లు తెలుస్తుంది.