ఒకే ఒక్క వీడియో ద్వారా సోషల్ మీడియాలో ఫేమస్ అయ్యారు బర్రెలక్క అలియాస్ శిరీష. డిగ్రీ చదివినా కూడా ఉద్యోగాలు రాకపోవడంతో, బర్రెల వ్యాపారం చేసుకుంటున్నాను అని ఒక వీడియో చేశారు. దాంతో సోషల్ మీడియాలో ఫేమస్ అయ్యారు. సోషల్ మీడియాలో ఆ పాపులారిటీ సంపాదించిన తర్వాత, రాజకీయాల్లోకి కూడా అడుగు పెట్టారు. కానీ గెలవలేకపోయారు. అయినా కూడా వచ్చే ఎన్నికల్లో పోటీ చేస్తాను అని చెప్పారు. ఇటీవల బర్రెలక్కకి వెంకటేష్ అనే వ్యక్తితో పెళ్లి జరిగిన సంగతి తెలిసిందే. ఆ తర్వాత రాజకీయాల్లో పాల్గొంటారా? లేదా? అనే అనుమానం వ్యక్తం అయ్యింది.
ఇందుకు సమాధానం చెప్తూ, తన భర్తకి కూడా రాజకీయాలు అంటే ఇష్టం అని, పెళ్లయ్యాక కూడా ఇద్దరు కలిసి రాజకీయాల్లో పోటీ చేస్తారు అని చెప్పారు. ఇప్పుడు చెప్పినట్టుగానే లోక్ సభ ఎన్నికల నామినేషన్స్ లో పాల్గొన్నారు. మంగళవారం నాడు నాగర్ కర్నూల్ పార్లమెంట్ నుండి స్వతంత్ర ఎంపీ అభ్యర్థిగా బర్రెలక్క తన నామినేషన్ వేశారు. నామినేషన్ పత్రాలు సమర్పించడానికి వచ్చినప్పుడు, బర్రెలక్కతో పాటు, తన భర్త, మిగిలిన కుటుంబ సభ్యులు, దగ్గర బంధువులు, స్నేహితులు ఉన్నారు. ఈ వీడియో సోషల్ మీడియాలో ప్రత్యక్షం అయ్యింది. దాంతో బర్రెలక్క మాట నిలబెట్టుకున్నారు అంటూ అందరూ అభినందిస్తున్నారు.
ఈ స్థానం నుండి బీఆర్ఎస్ పార్టీ తరపున ఆర్ ఎస్ ప్రవీణ్ కుమార్ కూడా ఎన్నికల్లో నిలబడుతున్నారు. గతంలో ప్రవీణ్ కుమార్ బర్రెలక్కకి మద్దతు ఇవ్వడం మాత్రమే కాకుండా, బీఎస్పీలోకి రావాలి అని ఆహ్వానం అందించినట్టు వార్త ప్రచారంలో ఉంది. మరి ఈసారి ఇద్దరూ ప్రత్యర్థులుగా నిలబడుతున్నారు. గతంలో బర్రెలక్క ఓడిపోయినా కూడా ఇప్పుడు మళ్లీ రాజకీయాల్లోకి వస్తున్నారు. తన ధైర్యాన్ని కోల్పోలేదు. మళ్లీ నామినేషన్ వేశారు. ఈసారి తన భర్తతో కలిసి రాజకీయాల్లో పోటీ చేస్తున్నారు. తన భర్తకి కూడా రాజకీయాలు అంటే ఇష్టం అని చెప్పారు. మరి ఈసారి ఎన్నికల ఫలితాలు ఎలా ఉంటాయి, ఈసారి బర్రెలక్క గెలుస్తారా అనేది తెలియాలి అంటే వేచి చూడాల్సిందే.
watch video :
ALSO READ : RCB తో మ్యాచ్ లో 300 స్కోర్ చేయడానికి కమిన్స్ పెద్ద ప్లాన్…మార్క్రమ్ స్థానంలో ఎవరిని అంటే.?
మే 2014న ఇండియాకి 14వ ప్రధానమంత్రిగా ప్రమాణ స్వీకారం చేశారు. నరేంద్ర మోడీ పూర్తి పేరు నరేంద్ర దామోదరదాస్ మోడీ. ఆయన గుజరాత్ లో 1950లో జననం సెప్టెంబర్ 17న వాద్నగర్లో జన్మించారు. అక్కడే ఆయన సెకండరీ విద్యను కంప్లీట్ చేశారు. 8 సంవత్సరాల వయసులో ఆర్ఎస్ఎస్తో పరిచయం ఏర్పడింది. మోదీ పాఠశాల నుంచి వచ్చిన వెంటనే వాద్నగర్ స్టేషన్ దగ్గరలో ఉన్న తండ్రి టీ దుకాణానికి వెళ్లేవారు. టీ అమ్మడంలో తండ్రికి సహాయం చేసేవారు.
తన కుంటుంబం చిన్నతనంలో నిర్ణయించిన ప్రకారంగా మోడి 18 ఏళ్ల వయస్సులో, 17 ఏళ్ల వయసు ఉన్న జశోదాబెన్ మోడీని వాద్నగర్ కుల సంప్రదాయంలో పెళ్లి చేసుకున్నారు. అయితే వివాహం అయిన వెంటనే ఆమెను, కుటుంబాన్ని విడిచిపెట్టి వెళ్లిపోయాడని తెలుస్తోంది. రెండేళ్ల తర్వాత తిరిగి వచ్చిన మోదీ కుటుంబాన్ని కలిశారు. మోడి తల్లి ఒత్తిడితో, జశోదాబెన్ వారి వైవాహిక జీవితాన్ని కొనసాగించడానికి మోడి ఇంటికి వచ్చింది. కానీ మోడి ఈ ఏర్పాటును వ్యతిరేకించాడు.
తన సిద్ధాంతాల ప్రకారమే తన జీవితాన్ని కొనసాగిస్తానని వెల్లడించాడు. అంతే కాకుండా జశోదాబెన్ చదువు కోవాలని ప్రోత్సహించాడు. ఆ తరువాత ఆమెను ఎప్పుడు భార్యగా వెల్లడించలేదు. ఆ తర్వాత 1985లో బీజేపీతో కలిశారు. నాలుగు దశాబ్దాల తర్వాత చట్టబద్ధంగా ఎన్నికల అఫిడవిట్లో వెల్లడించాల్సి రావడం, ఆయన పెళ్లి గురించి గుజరాత్ రాజకీయాలలో గుసగుసలు వినిపించడంతో జశోదాబెన్ ని భార్యగా బహిరంగంగా ఒప్పుకున్నారు. 2014 లో ఎన్నికల అఫిడవిట్లో వివాహ విషయాన్ని ప్రస్తావించడంతో అందరికీ తెలిసింది. జశోదాబెన్ మోడి ఒక రిటైర్డ్ టీచర్.
