News

ఈ పెళ్లి లో జరిగిన సంఘటన చూస్తే ప్రతి ఒక్కరు షాక్ అవుతారు. ఏదో హిందీ సినిమాల్లో చూపించినట్టు ఈ సంఘటన చోటు చేసుకుంది. ఇక దీని కోసం పూర్తి వివరాల్లోకి వెళితే.. ఉత్తరప్రదేశ్, గోరఖ్ పూర్ లో ఈ సంఘటన చోటు చేసుకుంది. పెద్దలు పెళ్ళి నిశ్చయించారు.

పెళ్లి కూతురు, పెళ్లి కొడుకు దండలు మార్చుకుంటున్న సమయంలో ఒక సంఘటన చోటు చేసుకుంది. దీనితో అక్కడున్న వాళ్లంతా కూడా అవాక్కయ్యారు. గోరఖ్ పూర్ లో ఇది చోటు చేసుకుంది. పెళ్లి సమయంలో వధూ వరులిద్దరూ దండలు మార్చుకుంటూ ఉండగా వధువు మాజీ ప్రియుడు పెళ్లి మండపానికి వచ్చి ఆమె పెళ్లి చీర ముసుగు తొలగించి సింధూరాన్ని ఆమెకి పెట్టేసాడు.

తన మొహం ఎవరికీ కనిపించకుండా ఒక స్కార్ఫ్ ని కట్టుకొని జాగ్రత్త పడ్డాడు. వరుడు మరియు కుటుంబ సభ్యులు అంతా చూస్తుండగానే ఇది జరిగింది. పెళ్లికి వచ్చిన ఒకరు తీసిన వీడియో ఇప్పుడు వైరల్ అయింది. నెట్టింట ఈ వీడియో ఇప్పుడు తెగ చక్కెర్లు కొడుతోంది. ఈ వీడియో చూసిన వారంతా కూడా షాక్ అవుతున్నారు.

watch video:

In UP's Gorakhpur, a spurned youth gatecrashed an ongoing wedding and applied vermilion to the to-be bride. Families and relatives tried to overpower him resulting in a major ruckus at the venue. pic.twitter.com/Ak94I50WRo

— Piyush Rai (@Benarasiyaa) December 7, 2021

అక్కా బావలతో ఉంటూ ఎంబీఏ విద్యార్థిని అక్కడే చదువుకుంటోంది. అయితే ఆమె ఈ నెల 15న కనబడలేదు. ఆమె అదృశ్యం కావడంతో కుటుంబ సభ్యులు పోలీసులకు కంప్లైంట్ చేశారు. అయితే ఇక అసలు ఏమైంది అనేది చూస్తే… 15న కనపడకుండా వెళ్లి పోయిన అమ్మాయి గురించి పోలీసులకు కంప్లైంట్ చేయగా.. కుటుంబ సభ్యులు ఫిర్యాదు మేరకు కేసు నమోదు చేశారు పోలీసులు.

ఈ ఘటన ఉత్తర ప్రదేశ్ లోని గౌతమ బుద్ధ నగర్ లో చోటు చేసుకుంది. స్నేహితురాలికి ఆఖరికి ఆమె బాయ్ అని పెట్టిన మెసేజ్ ఆధారంగా ఆమె ఆచూకీ కనుగొన్నారు. పోలీసులు ఫైనల్ గా ఇంటికి తీసుకెళ్లి అప్పగించారు. ఇక దీని కోసం పూర్తి వివరాల్లోకి వెళితే…

ఆంధ్రజ్యోతి కథనం ప్రకారం…మాన్సీ బంగా అనే యువతి తన అక్క బావలతో కలిసి ఇంట్లో ఉంటూ ఎంబీఏ చదువుతోంది. అయితే ఆమెను వాళ్ళు బాగా కంట్రోల్ చేస్తున్నారని ఆమెకి కోపం వచ్చింది. అలానే ఎప్పుడూ కూడా వాళ్ళు ఆమెని గమనిస్తూ ఉండడంతో విసిగిపోయి ఇంట్లో నుంచి పారిపోయింది.

ట్రైన్ లో చండీగర్ వెళ్లి అక్కడి నుండి ఫ్లైట్లో సూరత్ వెళ్ళింది. అక్కడ తన స్నేహితురాలి సహాయంతో ఒక సెలూన్ లో ఉద్యోగాన్ని సంపాదించింది. అక్కడ నుంచే తన స్నేహితురాలికి బాయ్ అని ఒక మెసేజ్ పెట్టింది. అయితే ఈ మెసేజ్ పోలీసులకు ఎంతగానో ఉపయోగపడింది. సూరత్ నుండి మెసేజ్ వచ్చిందని తెలుసుకున్న పోలీసులు అక్కడికి వెళ్లి ఆమెను అదుపులోకి తీసుకున్నారు. ఫైనల్ గా ఉత్తరప్రదేశ్ కి తీసుకు వెళ్లి ఆమెని అప్పగించారు.

పెళ్లైన చాలా మంది స్త్రీలు తల్లి కావాలి అని పరితపిస్తుంటారు. కానీ కొంత మందికి ఎన్ని సంవత్సరాలు ఎదురు చూసినా కూడా సంతానం కలగరు. ఆ స్త్రీ ఎదుర్కొనే సమస్యల గురించి పట్టించుకోకుండా సమాజం వారిని ఏదో ఒక రకంగా ఇబ్బందికి గురి చేస్తూనే ఉంటుంది.

చుట్టూ ఉన్న బంధువులు కూడా మాటలతో మానసికంగా ఇబ్బందులు పెడుతుంటారు. ఇలాంటి సంఘటనలు ఎదుర్కొన్న కొంత మంది ధైర్యంగా తిరిగి సమాధానం చెప్తే, ఇంకొంతమంది మాత్రం కఠినమైన నిర్ణయాలు తీసుకుంటారు. ఇలాంటి సంఘటన ఇటీవల కర్నూల్ లో జరిగింది.

source : Suman Tv

వివరాల్లోకి వెళితే, సుమన్ టీవీ కథనం ప్రకారం ఆంధ్ర ప్రదేశ్ కర్నూలు నగరం పాతబస్తీకి చెందిన భారతి ఇకండ్ల ప్రభుత్వ పాఠశాలలో టీచర్ గా పనిచేస్తున్నారు. ఆమె తన మేనత్త కొడుకు, సొంత బావ అయిన గోపికృష్ణతో 8 ఏళ్ల క్రితం వివాహం జరిగింది. వారిద్దరికీ పిల్లలు లేరు. ఎంత మంది డాక్టర్లకు చూపించినా, ఎన్ని పూజలు చేసినా కూడా ఫలితం లేదు. దాంతో చుట్టుపక్కల ఉన్నవాళ్లు మాత్రమే కాకుండా, అత్తింటి వారితో సహా అందరూ భారతిని తిట్టడం మొదలు పెట్టారు.

representative image

సొంత భర్త కూడా ఇలాగే అన్నాడు. దాంతో భాధకు గురైన భారతి ఉరివేసుకొని ఆత్మహత్యకి పాల్పడ్డారు. ఇది చూసిన కుటుంబ సభ్యులు భారతిని వెంటనే ఆసుపత్రికి తీసుకెళ్లారు. కానీ ఫలితం లేదు. అత్తింటివారి మాటలు, భర్త మాటలు తట్టుకోలేక భారతి ఇలాంటి నిర్ణయం తీసుకున్నారు అని ఆమె కుటుంబ సభ్యులు పోలీసులకు ఫిర్యాదు చేయడంతో, కేస్ నమోదు చేసిన పోలీసులు ప్రస్తుతం దర్యాప్తు చేస్తున్నారు.

మహిళలు భర్త చేతిలో మోసపోవడంని మనం చూస్తూ ఉంటాము. కానీ భార్య చేతిలో మోసపోయిన భర్త గురించి అరుదుగా జరుగుతూ ఉంటాయి. తాజాగా ఇలాంటి సంఘటన ఒకటి చోటు చేసుకుంది. నవరసాలు పండించి దిమ్మతిరిగేలా షాక్ ఇచ్చింది భార్య.

ఇక దీనికి సంబంధించి పూర్తి వివరాల్లోకి వెళితే.. తమిళనాడులో ఈ ఘటన చోటు చేసుకుంది. చెన్నైలోని కోయంబత్తూర్ కనువాయి ప్రాంతానికి చెందిన విగ్నేష్ అనే ఒక అతనితో వివాహం అయింది. పెద్దల దగ్గర ఉండి వివాహం చేశారు. ఇప్పటికే పెళ్లయి రెండు నెలలు అవుతోంది. అయితే భార్య ప్రవర్తనలో ఎన్నో మార్పులు వచ్చాయి.

ఇది ఇలా ఉంటే గతంలో యామినికి శివ కుమార్ అనే వ్యక్తి తో వివాహం అయింది. అతనితో ఆమె ఉంటూనే మరో వివాహం చేసుకోవడానికి రెడీ అయిపోయింది. అయితే అటు పెద్దలు కానీ ఇటు విగ్నేష్ కానీ కనిపెట్టలేకపోయారు. ఇంకేముంది ఒక రోజు చూసుకుని నగలు డబ్బులు అన్ని సర్దుకుని భర్తకు, అత్తమామలకు షాక్ ఇచ్చింది ఈ యువతి. డబ్బు, నగలు అన్నీ తీసుకుని మొదటి భర్త శివకుమార్ దగ్గరికి వెళ్లి పోయింది.

ఆమె కోసం ఎంత వెతికినా జాడ తెలియలేదు. పైగా ఆమె ఫోన్ చేస్తే స్విచ్ ఆఫ్. ఏం చేయాలో తోచక పోలీసులకు ఫిర్యాదు చేశాడు విగ్నేష్. దీంతో విచారణ లో ఆమెకు ముందే పెళ్లి అయిందని.. ఆమె మొదటి భర్త దగ్గరికి వెళ్లి పోయిందని తెలిసింది. పోలీసులు యామిని తో పాటు ఆమె తల్లిదండ్రుల పై కూడా కేసు నమోదు చేశారు. డబ్బు కోసం ఇంతకి తెగించిందా అని అంతా ఆశ్చర్యపోతున్నారు.

తమిళనాడులో జరిగిన ఒక సంఘటన చర్చలకు దారి తీసింది. వివరాల్లోకి వెళితే, న్యూస్18 తెలుగు కథనం ప్రకారం, తమిళనాడుకు అరియలూర్ జిల్లా జయాన్‌కొండమ్‌ సమీపంలోని పెరియకరుక్కై గ్రామానికి చెందిన రాధాకృష్ణన్ అనే ఒక వ్యక్తి తమిళనాడు రాష్ట్ర రవాణా సంస్థ బస్ కండక్టర్ గా పని చేస్తున్నారు.

రాధాకృష్ణన్ ఇప్పటివరకూ మూడు పెళ్లిళ్లు చేసుకున్నారు. ఇవి మాత్రమే కాకుండా కడలూరు జిల్లాకు చెందిన పరమేశ్వరి అనే మహిళతో వివాహేతర సంబంధంలో సాగించారు. పరమేశ్వరికి భర్త లేరు. ముగ్గురు కూతుర్లు ఉన్నారు. పెద్ద అమ్మాయి వయసు 13 సంవత్సరాలు. రాధాకృష్ణన్ కి పిల్లలు లేరు. దాంతో రాధాకృష్ణను పరమేశ్వరిని ఒప్పించి, తన పెద్ద కూతురుని పెళ్లి చేసుకుంటానని చెప్పారు. ఇందుకు రాధాకృష్ణన్ తల్లి కూడా మద్దతు పలికారు. మైనర్ బాలికని పెళ్లి చేసుకోవడం మాత్రమే కాకుండా వివాహేతర సంబంధం ఉన్న మహిళ కూతురు అని తెలిసి కూడా ఆ బాలికను పెళ్లి చేసుకోవాలి అనుకున్నారు రాధాకృష్ణన్.

పరమేశ్వరి, రాధాకృష్ణన్ తల్లి సమక్షంలో ఒక ఆలయంలో గత ఆగస్ట్ 6వ తేదీన ఆ అమ్మాయిని పెళ్లి చేసుకున్నారు. అమ్మాయిని బలవంతం చేయడంతో గర్భవతి అయ్యింది. ప్రస్తుతం ఆ బాలిక 5 నెలల గర్భవతి గా ఉంది. రాధాకృష్ణన్ గురించి అరియలూరు జిల్లా బాలల సంరక్షణ విభాగ అధికారి కార్తికేయన్‌ కి తెలియడంతో రాధాకృష్ణన్ పై చర్యలు తీసుకున్నారు. మహిళా పోలీస్ స్టేషన్లో కేసు నమోదు చేసి. అతనిని అరెస్ట్ చేశారు. మహిళా పోలీస్ స్టేషన్ ఇన్స్పెక్టర్ మహాలక్ష్మి మాట్లాడుతూ, రాధాకృష్ణన్ పై పోక్సో చట్టం కింద కేసు నమోదు చేశాం అని చెప్పారు. అలాగే పరమేశ్వరిని కూడా అదుపులోకి తీసుకొని విచారించాము అని అన్నారు.

ప్రియురాలిని హత్య చేసిన సంఘటన తాజాగా వెలుగులోకి వచ్చింది. ఛత్తీస్‌గఢ్‌లోని రాయ్‌గఢ్‌లో ఇది చోటు చేసుకుంది. యువకుడిని పోలీసులు అదుపులోకి తీసుకున్నారు. ప్రియురాలి గొంతు కోసి హత్య చేసి ఆమె ఆత్మహత్య చేసుకుందని చెప్పాడు. అయితే మృతదేహాన్ని పోస్టుమార్టం కి తరలించగా అసలు విషయం బయట పడింది.

బాలిక ఆత్మహత్య పై ధరమ్‌జయ్‌గఢ్‌ పోలీసులు రాసిన నివేదికతో అసలు విషయం బయటకు వచ్చింది. బాలిక తో కలిసి సహజీవనం చేస్తున్న యువకుడు ఆమె గొంతు కోసి హత్య చేసినట్లు తేలింది. కానీ ఆత్మహత్య చేసుకున్నట్లు చిత్రీకరించడానికి ప్రయత్నం చేశాడు.

దీంతో నిందితుడిని పోలీసులు అరెస్ట్ చేసి రిమాండ్ పై జైలుకు తరలించారు. నిందితుడు అమర్ సింగ్ మంజ్వార్ ఝోర్ఖాపరా ధరమ్‌జయ్‌గర్ గ్రామం లో ఉంటున్నాడు. అమర్ సింగ్ గత ఏడాది కోర్బా గ్రామానికి చెందిన ధనిరామ్ బైగా కుమార్తె సోన్మతి బైగాను తీసుకు వచ్చాడు.

అందరితో ఆమె అతని భార్య అని చెప్పి నమ్మించాడు. ఆఖరికి ఆమెని చంపేసి సినిమా స్టోరీ మాదిరి మార్చడానికి చూసాడు. కానీ ఆఖరికి పోలీసులకి చిక్కక తప్పలేదు. డిసెంబర్ 11 న సాయంత్రం 4 గంటల ప్రాంతం లో గుర్మా గ్రామం నుంచి తను వచ్చే సరికి ఇంట్లో ఆమె లేదని బయటకు వెళ్లిందని.. తిరిగి రాలేదని కుటుంబ సభ్యులు తెలిపారు.

అయితే ఆమెను వెతకడానికి చెరువు వద్దకు వెళ్లి తిరిగి ఇంటికి వచ్చే సరికి మృతురాలు ఉరి వేసుకొని ఉంది. అయితే విచారణలో సాక్షులు చెప్పిన విషయాలు భిన్నంగా ఉండటం తో పోలీసులు విచారణ చేశారు. దీంతో ఆమెని హత్య చేసినట్లు ఒప్పుకున్నాడు. ఇలా ఆఖరికి పోలిసుల చేతికి చిక్కాడు.

ఎన్నో ఆశలతో కోడలు అత్త వారి ఇంటికి వెళ్తుంది. కానీ ఒక్కొక్కసారి పెట్టుకున్న ఆ ఆశలు కుప్పకూలిపోతుంటాయి. అనుకున్నవన్నీ చెదిరిపోయి దుఃఖంలో మునిగిపోవాల్సి వస్తుంది. అలాంటి దుస్థితి చాలా మంది ఆడవాళ్ళకి ఈ కాలంలో కూడా వస్తోంది. 22 సంవత్సరాల వయస్సు ఉన్న ఈమె కూడా అలానే కష్టాలను చూడాల్సి వచ్చింది.

కోటి ఆశలతో అత్తవారి ఇంట్లోకి అడుగు పెట్టింది. కానీ అవన్నీ కూడా ఒక్కసారే కుప్పకూలిపోయాయి. అసలు ఏమైంది అనే విషయానికి వస్తే… పెళ్లయి 19 రోజులు అయింది అంతే అత్తవారింట్లో అనుమానాస్పద స్థితిలో చనిపోయి కనపడింది. కర్ణాటకలోని హసన్ లో ఈ సంఘటన చోటు చేసుకుంది.

హసన్ జిల్లా అరకలగుడు తాలూకా హొలలగుడు గ్రామానికి చెందిన ఫిజా ఖానుమ్ (22) కి తల్లిదండ్రులు పెళ్ళి నిశ్చయించారు. డిసెంబర్ 2న పెళ్లి జరిపించారు. షాజిల్ మహ్మద్ అనే వ్యక్తి ఆమెను వివాహం చేసుకుని ఇంటికి తీసుకెళ్లాడు. భర్తతో కలిసి పెళ్లయిన తర్వాత ఆమె టూర్ కి వెళ్లి ఎంజాయ్ చేసింది.

టూర్ కి వెళ్లి వచ్చాక ఏమైందో తెలియదు కానీ ఆనందంగా ఉండాల్సిన ఆమె పెళ్ళైన 19వ రోజే విగతజీవిగా అనుమానాస్పద స్థితిలో కనబడింది. ఆమె స్నానానికి వెళ్ళిన సమయంలో గ్యాస్ గీజర్ ఆన్ చేసి తలుపు మూసారని… కావాలనే ఇదంతా చేసి ఆమెను చంపేశారని ఆమె తల్లిదండ్రులు అంటున్నారు.

ఇలా చేయడానికి కారణం అదనపు కట్నం అని ఆమె తల్లిదండ్రులు చెప్పారు. ఇంత ఘోరానికి పాల్పడిన భర్త షాజిల్ మహ్మద్, అత్తా, మరిది పై వరకట్నం వేధింపుల కేసు నమోదు చేశారు పోలీసులు. ప్రస్తుతం ఈ ఘటన పై కేసు నమోదు చేసి దర్యాప్తు చేస్తున్నారు. చనిపోయిన ఆమె మృతి దేహాన్ని పోలీసులు పోస్టుమార్టం నిమిత్తం ఆస్పత్రికి తరలించారు.