News

సంగారెడ్డిలో ఇటీవల జరిగిన ఒక సంఘటన చర్చలకు దారి తీసింది. వివరాల్లోకి వెళితే వన్ ఇండియా తెలుగు కథనం ప్రకారం, సంగారెడ్డి జిల్లాలోని కంది మండలం చిమ్నాపూర్ కి చెందిన ఒక యువతిని, కొండాపూర్ మండలం మల్కాపూర్ కి చెందిన మాణిక్ రెడ్డి అనే ఒక యువకుడికి ఇచ్చి పెళ్లి చేయాలని పెద్దలు నిర్ణయించారు.

ఆరు నెలల క్రితం వారిద్దరికీ ఎంగేజ్మెంట్ కూడా జరిగింది. పెళ్లికి ముందు కట్నకానుకల విషయాల గురించి కూడా మాట్లాడుకున్నారు. అందుకు కూడా యువతి కుటుంబం అంగీకరించింది. ఈనెల 12వ తేదీన పెళ్లి చేయాలని అనుకున్నారు. పెళ్లికి ఇంకో గంట సమయం ఉంది అనగా పెళ్లి కొడుకును తీసుకురావడానికి సాంప్రదాయం ప్రకారం అమ్మాయి తరపు బంధువులు అబ్బాయి ఇంటికి వెళ్లారు. వాళ్ళ ఇంటికి తాళం వేసి ఉంది.

అక్కడ ఆ అబ్బాయి వాళ్ళ కుటుంబం లేదు. వారి కుటుంబానికి కట్నం కింద 25 లక్షల రూపాయలను 25 కిలోల బంగారాన్ని ఇచ్చారు. అదంతా తీసుకొని మాణిక్ రెడ్డి వెళ్ళిపోయాడు. ఏం చేయాలో తెలియని మాణిక్ రెడ్డి కుటుంబ సభ్యులు కూడా ఊరు విడిచి వెళ్లిపోయారు. యువతి కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు. ఆ పెళ్లి కొడుకుని, వారి కుటుంబాన్ని పట్టుకోవడానికి గాలింపు చర్యలు చేపట్టారు. ఈ విషయంపై ఆ యువతి మాట్లాడుతూ అతను ఒక అడ్వకేట్ అని, బార్ అసోసియేషన్ మెంబర్ అని, అతను అలా చేస్తాడు అని అనుకోలేదు అని చెప్పారు.

కట్టుకున్న భార్య నే చంపేసి పొలాల్లో పడేసాడు భర్త. అసలు ఏమైంది అనే విషయాన్ని చూస్తే..న్యూస్ 18 కథనం ప్రకారం బీహార్ లోని భోజ్ పూర్ జిల్లాలో సొంత వదినతో వివాహేతర సంబంధం పెట్టుకుని భార్యని చంపేసి పొలంలో పడేసాడు. ఈ సంఘటన చూసిన గ్రామస్తులు భయంతో పోలీసులకు సమాచారం ఇచ్చారు.

పోలీసులు స్పాట్ కి చేరుకొని కేసును స్టడీ చేశారు. చనిపోయిన మహిళ మెడ దగ్గర గాయం అయినట్లు గుర్తించారు. ఆమెకి ఉరేసి చంపి మృతదేహాన్ని పొలంలో పడేశారని తెలుసుకున్నారు. అల్లుడు పై పోలీసులకు ఫిర్యాదు చేశాడు. ఇచ్చిన ఫిర్యాదు మేరకు నిందితుడిని విచారించారు దాంతో అసలు విషయం బయటపడింది. అయితే ఈ జంటతో పాటు అతని వదిన కూడా అదే ఇంట్లో ఉండేదని.. వదిన పోస్ట్ మాస్టర్ గా పని చేస్తోందని తెలుస్తోంది.

తర్వాత ఆ వ్యక్తి కూడా పోస్ట్ ఆఫీస్ లో పని చేయడం మొదలు పెట్టాడు. దీంతో వదిన మరిది మధ్య చనువు బాగా పెరిగింది. ఇద్దరూ బాగా దగ్గర అవడంతో వివాహేతర సంబంధాన్ని కొనసాగించింది. భార్యకు ఈ విషయం తెలియడంతో భర్తని నిలదీసింది. ఆమెకు ఇష్టం లేకపోతే వెళ్ళిపో అని చెప్పాడు.

బాధితురాలు

విసిగిపోయిన భార్య పుట్టింటికి వెళ్లిపోయింది. కానీ వాళ్ల మధ్య సంబంధం మాత్రం అలానే ఉంది. అయితే కొన్ని రోజుల తర్వాత ఇంక అలా ప్రవర్తించను బాగా ఉంటానని భర్త చెప్పడంతో ఆమె పుట్టింటి వాళ్ళు భర్తతో పంపించారు. కానీ మళ్ళీ బుద్ధి మారలేదు. భార్యని ఎలాగోలా తొలగించుకోవాలని ఆత్మహత్య చేసుకున్నట్లుగా చిత్రీకరించాలని ప్లాన్ వేశారు వదిన మరిది. ఫైనల్ గా ఆమెకి ఉరి వేసి చంపేశారు. పొలంలో బాడీని పడేయడంతో దొరికిపోయారు.

ఈమె బస్సు ఎక్కడుందో ప్రయాణికులంతా కూడా ఇబ్బంది పడ్డారు. ఏదో మద్యం తాగి ఉందేమోనన్న అనుమానం కూడా అందరికీ కలిగింది. సాఫీగా సాగే ప్రయాణం అప్పటినుండి కూడా రచ్చ రచ్చ అయిపోయింది. అసలు ఏమైంది అనేది చూస్తే… న్యూస్ 18 కథనం ప్రకారం కోయంబత్తూరు డిపోకు చెందిన బస్సు 50 మంది ప్రయాణికులతో ఈరోడ్ నుంచి మధురైకి వెళుతోంది. బస్సు కరూర్ కి చేరుకుంది. అక్కడ శాంతి అనే ఒక మహిళ బస్సు ఎక్కింది.

ఆమెకు సీటు లేకపోవడంతో ఆమె ముందు వైపు నిల్చుంది. ఆ స్టాప్ లో ఆమె ఒక్కరే ఎక్కారు. బస్సు ఎక్కిన కొంతసేపటికి ఏదో వాసన రావడంతో ప్రయాణికులు చాలా ఇబ్బంది పడ్డారు. ఒక వ్యక్తి ఆమె దగ్గరికి వెళ్లి మద్యం తాగిందేమో అని చూస్తూ ఉన్నాడు. శాంతి బస్సులో ఉన్న వాళ్లందర్నీ బండ బూతులు తిట్టడం మొదలు పెట్టింది. ఆమె మద్యం తాగి ఉందని అందరికీ అర్థమయ్యి ఓపికగా కూర్చుంది.

ఆమె మాత్రం అస్సలు ఆపకుండా తిడుతూనే ఉంది. ప్రయాణికుల అందరికీ కూడా ఆమె ప్రవర్తనతో విసుగు కలిగింది. డ్రైవర్, కండక్టర్ చెప్పినా సరే ఆమె వినిపించుకోలేదు. అలానే ఆమె రెచ్చిపోవడంతో పోలీస్ స్టేషన్ కి నేరుగా తీసికెళ్లారు. బస్సు దిగాలని చెప్తే కూడా ఆమె తిడుతూనే ఉంది.

ఎలాగోలా బలవంతంగా బస్సు నుంచి ఆమెను దింపేశారు. స్టేషన్ ఎస్ఐ ఈ ఘటనపై విచారిస్తాం అని చెబితే బస్సులో ప్రయాణికులు అక్కడి నుంచి వెళ్లిపోయారు. ఫైనల్ గా ఆమె మద్యం తాగి బస్సు ఎక్కింది అని నిర్ధారించారు. ఇలాంటి ప్రవర్తన మరొకసారి జరిగితే అరెస్ట్ చేస్తామని హెచ్చరించారు. కొంచెం సేపటికి ఆమెకి తాగిన మత్తు దిగింది. చివరికి ఆమె చేసిన రచ్చ తెలుసుకుని క్షమించమని పోలీసులను కోరింది కానీ ఈ వార్త మాత్రం వైరల్ గా మారింది.

విలన్ పాత్రలను అద్భుతంగా చేసి ప్రకాష్ రాజ్ పాపులారిటీ సంపాదించుకున్నారు. తనకి వచ్చిన మంచి అవకాశాలను వినియోగించుకుంటూ కెరియర్ లో మంచిగా సక్సెస్ అయ్యారు. అయితే ప్రకాష్ రాజ్ రీల్ లైఫ్ లో మాత్రమే విలన్ అని రీయల్ లైఫ్ లో ఆయనకీ మంచి మనసు ఉందని ప్రకాష్ రాజ్ ఎన్నో సందర్భాల్లో నిరూపించుకున్నారు.

తాజాగా ఆయన మరో మంచి పని చేసి ప్రశంసలు పొందారు. ఆర్థిక సమస్యల వల్ల ఇబ్బందులు పడుతున్న ఒక యువతికి ప్రకాష్ రాజ్ సహాయం అందించారు. శ్రీ చందన అనే ఒక అమ్మాయి టాలెంట్ తో పరీక్షల్లో మంచి మార్కులు సాధించారు. బ్రిటన్ లో మాస్టర్ చదివే అవకాశాన్ని ప్రకాష్ రాజ్ ఆమెకి కల్పించారు.

అయితే ఆమె బ్రిటన్ కి వెళ్ళడానికి ఆమె ఎన్నో కష్టాలు ఎదుర్కొంది. తన తండ్రి కూడా మరణించడంతో కష్టాలు మరింత ఎక్కువ అయ్యాయని తెలుసుకున్న ప్రకాష్ రాజ్ ఆమె కి సహాయం అందించి కెరియర్ లో స్థిరపడేలా చేశారు. శ్రీ చందనకు ప్రకాష్ రాజ్ ఆర్థిక సహాయం తో పాటు మాస్టర్స్ కి అయ్యే ఖర్చు కూడా భరించారు. అలానే ఆమెకి ఉద్యోగం కూడా వచ్చేలా చేసారు ప్రకాష్ రాజ్.

భార్యాభర్తలు అన్నాక అభిప్రాయ భేదాలు, మనస్పర్థలు సహజంగానే వస్తూ ఉంటాయి. ఉన్నట్లుండి ఆవేశంలో అఘాయిత్యాలు చేసుకోవడం మాత్రం సరికాదు. సాధారణంగా ఆర్ధిక ఇబ్బందుల వల్లో, ఆకలి బాధల వల్లో, లేక భర్త చెడు అలవాట్లు ఇబ్బంది పెడుతుంటేనో.. ఉండే ఇక్కట్లు అన్ని ఇన్ని కావు.

ఇలాంటి ఇబ్బందులు ఉన్నా కూడా ఎందరో భార్యలు ధైర్యంగా నిలబడి సంసారాలను చక్కదిద్దుకుంటున్నారు. కానీ, బెంగళూరుకు చెందిన ఈ జంట సంసారం అల్లకల్లోలం అయ్యింది.

న్యూస్ 18 కధనం ప్రకారం, బెంగళూరు కు చెందిన అమృతహళ్లిలోని వీరన్ పాళ్యాలో సంగీత, వినయ్ లు నివాసం ఉంటున్నారు. వీరికి కొన్నేళ్ల క్రితమే పెళ్లయింది. ఇద్దరిదీ చీకు చింతా లేని జీవితం. వారికొచ్చే జీతాలతో జీవితాంతం సుఖంగా గడిపేయచ్చు. ఇద్దరికీ ఆకర్షణీయమైన జీతం లభిస్తోంది.

వీరిద్దరికి పెళ్ళైన తరువాత కొంతకాలం బాగా అన్యోన్యంగానే ఉన్నారు. ఎంతో అన్యోన్యంగా ఉన్నా ఈ జంట మధ్య ఏమి జరిగిందో తెలియదు. మనస్పర్థలు రావడంతో భార్య సంగీత తీవ్ర మనస్థాపానికి గురి అయింది. వినయ్ వలన ఆమె ఏమి ఇబ్బందులు పడుతోందో తెలియదు. వినయ్, సంగీత ల మధ్య నిత్యం ఘర్షణ జరుగుతుండేది.

గత కొన్ని రోజులుగా సంగీత వినయ్ తో గొడవల కారణంగా తీవ్ర మనస్తాపానికి గురి అయింది. కనీసం ఉద్యోగంలో తన విధులను కూడా సక్రమంగా నిర్వర్తించలేకపోయింది. ఈ క్రమంలో ఆమెపై ఒత్తిడి పెరిగింది. ఎంత చర్చించుకున్నా వినయ్ లో మార్పు రాకపోవడంతో ఆమె సహించలేకపోయింది. ఆ దుఃఖంలో ఆత్మహత్య చేసుకుంది. క్షణికావేశంలో తీసుకున్న నిర్ణయం ఆమె ప్రాణాలను బలిగొంది. ఆమె ఆత్మహత్య చేసుకున్న గదిలో సూసైడ్ నోట్ కూడా లభ్యమైంది. అయితే… ఈ నోట్ లో ఏముంది అన్న విషయాన్ని మాత్రం పోలీసులు వెల్లడించలేదు.

ఈ మధ్య చిన్న పిల్లలకు మొబైల్ ఫోన్ ను అలవాటు చేయడం ఎక్కువ అయిపోతోంది. మొబైల్ ఫోన్ ఇవ్వని పక్షంలో వారు మరింతగా మారం చేయడం కూడా పెరుగుతోంది. తాజాగా.. మొబైల్ ఫోన్ వాడొద్దని తల్లి తండ్రులు మందలించినందుకు మనీషా అనే స్కూల్ విద్యార్థిని ఆత్మహత్యకు పాల్పడింది.

ఈ ఘటన ఖమ్మం జిల్లా కారేపల్లి మండలం పేరుపల్లి గ్రామంలో చోటు చేసుకుంది. మనీషా అనే అమ్మాయి బూడిగ నరేశ్, ఉమారాణి దంపతుల కుమార్తె. కరోనా లాక్ డౌన్ సమయంలో ఆన్ లైన్ పాఠాల కోసం మనీషా ఫోన్ కి అలవాటు పడింది.

అయితే తిరిగి పాఠశాలలు మొదలయిన ఆమెకు ఫోన్ అలవాటు పోలేదు. ఇటీవల ఆమె తల్లితండ్రులు ఫోన్ ఎక్కువగా వాడుతున్నావని, ఫోన్ వాడకాన్ని తగ్గించాలని హెచ్చరించడంతో ఇంట్లో ఉన్న కలుపు మందు తాగేసి ఆమె బలవన్మరణానికి పాల్పడింది. ఉన్నట్లుండి ఆమె వాంతులు చేసుకోవడంతో ఏమైంది అంటూ కుటుంబ సభ్యులు అడిగేసరికి అసలు విషయం చెప్పింది. వెంటనే ఆమెను ప్రభుత్వ ఆసుపత్రికి తరలించారు. చికిత్స తీసుకుంటుండగా పాప మరణించింది. తల్లి ఉమారాణి ఈ విషయమై ఫిర్యాదు చేయగా.. కారేపల్లి ఏఎస్ఐ కృష్ణ ప్రసాద్ కేసు నమోదు చేసుకుని దర్యాప్తు చేస్తున్నారు.