News

ప్రస్తుతం వరుసగా సినిమాలు చేస్తూ బిజీగా ఉన్న హీరోయిన్స్ లో బిజీగా ఉన్న హీరోయిన్లలో ఒకరు రష్మిక మందన్న. తెలుగులో మాత్రమే కాకుండా హిందీ తమిళ్ భాషల్లో కూడా రష్మిక సినిమాలు చేస్తున్నారు. అయితే రష్మిక ఇటీవల ఒక యూట్యూబ్ ఛానల్ కి ఇంటర్వ్యూ ఇచ్చారు. ఇందులో భాగంగా రిలేషన్ షిప్ కి సంబంధించిన విషయాల గురించి మాట్లాడారు రష్మిక.

ఇందులో రష్మికని “మీ కంటే చిన్న వ్యక్తిని మీరు ప్రేమిస్తారా?” అని అడగగా, అందుకు రష్మిక, “వయస్సు అనేది అసలు విషయమే కాదు. ఎదుటి వ్యక్తితో మనకి బాగా అనిపించాలి. మనకు నచ్చాలి. అప్పుడే అది ప్రేమ అవుతుంది” అని అన్నారు.

ఇక సినిమాల విషయానికి వస్తే రష్మిక ప్రస్తుతం తెలుగులో ఆడవాళ్లు మీకు జోహార్లు సినిమాలో నటిస్తున్నారు. ఈ సినిమాలో శర్వానంద్ హీరోగా నటిస్తుండగా, కిషోర్ తిరుమల దీనికి దర్శకత్వం వహిస్తున్నారు. అంతే కాకుండా హిందీలో కూడా రెండు సినిమాల్లో రష్మిక హీరోయిన్ గా నటిస్తున్నారు. ఇవన్నీ మాత్రమే కాకుండా, పుష్ప సినిమాలో శ్రీవల్లిగా ఒక డిఫరెంట్ పాత్రతో అలరించబోతున్నారు రష్మిక.

watch video :

ప్రతి గురువారం, శుక్రవారం మనల్నందరిని అలరిస్తున్న ప్రోగ్రామ్స్ జబర్దస్త్ ఇంకా ఎక్స్ట్రా జబర్దస్త్. ఈ ప్రోగ్రామ్స్ స్టార్ట్ అయినప్పటి నుంచి మెల్లమెల్లగా జనాల్లోకి స్ప్రెడ్ అవుతూ, ఇప్పుడు టాప్ షోస్ గా నిలిచాయి. ఈ రెండు ప్రోగ్రామ్స్ ద్వారా ఎంతో మంది ఆర్టిస్టులు మన ఇండస్ట్రీకి పరిచయం అయ్యారు. ఒక రోజు జబర్దస్త్ లో అనసూయ యాంకర్ గా మనల్ని అలరిస్తుంటే, మరొక రోజు ఎక్స్ట్రా జబర్దస్త్ లో రష్మీ యాంకర్ గా మనల్ని ఎంటర్టైన్ చేస్తారు.

జబర్దస్త్ ద్వారా పేరుతెచ్చుకున్న కమెడియన్స్ లో సుధీర్ ఒకరు. సుధీర్ కి రెండు తెలుగు రాష్ట్రాల్లో ఎంత క్రేజ్ ఉందో ప్రత్యేకంగా చెప్పాల్సిన అవసరం లేదు. అలాంటిది సుధీర్ ఇప్పుడు జబర్దస్త్ వదిలి వెళ్ళిపోతున్నారు అనే వార్తలు వస్తున్నాయి. కొంతకాలంగా షో కి మంచి రేటింగ్స్ రావట్లేదు. టీవీలో కంటే యూట్యూబ్ లో ఎక్కువగా వ్యూస్ వస్తున్నాయి. ప్రతి సంవత్సరం జబర్దస్త్ లో నటించే నటులతో మల్లెమాల అగ్రిమెంట్ చేయించుకుంటుంది. ఈ ఏడాది కూడా కొత్త అగ్రిమెంట్ పై సంతకాలు చేయాల్సి ఉంది. కాని దీనికి సుధీర్ అంగీకరించలేదని సమాచారం.

ఇంతకుముందు అంటే వారికి జబర్దస్ ఒకటి మాత్రమే ఉండేది. ఇప్పుడు జబర్దస్త్ తో పాటు మరి కొన్ని షోస్, అలాగే సినిమాల్లో కూడా సుధీర్ కనిపిస్తున్నారు. దాంతో వాటి వల్ల జబర్దస్త్ కి టైం కేటాయించడం కుదరట్లేదు అని, అందుకే షో చేయడం లేదు అని సుధీర్ చెప్పారు అనే వార్తలు వస్తున్నాయి. మల్లెమాల దగ్గర కూడా సుధీర్ ని ఆపడానికి కారణాలు ఏమీ లేకపోవడంతో, వారు కూడా సుధీర్ నిర్ణయాన్ని అంగీకరించారని సమాచారం. ప్రస్తుతం ఈ విషయం అయితే వైరల్ అవుతోంది.

విజయ్ దేవరకొండ తమ్ముడు ఆనంద్ దేవరకొండ హీరోగా నటించిన పుష్పక విమానం సినిమా ఇవాళ విడుదల అయ్యింది. 2019 లో వచ్చిన దొరసాని తర్వాత, మళ్లీ థియేటర్లలో విడుదల అయిన ఆనంద్ దేవరకొండ సినిమా ఇది. నటనపరంగా ఆనంద్ దేవరకొండ ముందు సినిమాల కంటే చాలా మెరుగుపడ్డారు. హీరోయిన్లుగా నటించిన గీత్ సైని, శాన్వి మేఘన కూడా బాగా నటించారు. సహాయ పాత్రల్లో నటించిన హర్షవర్ధన్, సునీల్ కూడా తమ పాత్రలకు న్యాయం చేశారు. దర్శకుడు దామోదర రాసుకున్న కథ బాగుంది.

ఈ సినిమాకి విజయ్ దేవరకొండ నిర్మాతగా వ్యవహరించారు. సినిమా ప్రమోషన్స్ లో కూడా విజయ్ దేవరకొండ పాల్గొని సినిమా బృందాన్ని ప్రోత్సహించారు. అలాగే ఇవాళ సినిమా థియేటర్ స్పందనని కూడా విజయ్ దేవరకొండ షేర్ చేశారు. హిడెన్ కెమెరాల ద్వారా ప్రేక్షకుల స్పందనని రికార్డ్ చేసి ఆ వీడియోని షేర్ చేశారు విజయ్ దేవరకొండ. ఇది చాలు సినిమా రివ్యూ చెప్పడానికి అని అన్నారు.

ప్రస్తుతం వరుస సినిమాల షూటింగ్ తో బిజీగా ఉన్న హీరోల్లో ప్రభాస్ ఒకరు. రాధే శ్యామ్‌తో పాటు ఆదిపురుష్, సలార్ సినిమాల షూటింగ్ లో కూడా ప్రభాస్ పాల్గొంటున్నారు. బాహుబలి తర్వాత ప్రభాస్ క్రేజ్ భారతదేశం అంతటా వ్యాపించింది. బహుశా ప్రభాస్ తెలియని ఇండస్ట్రీ ఉండదేమో.

అందుకే బాహుబలి తర్వాత వచ్చిన సాహో కూడా తెలుగుతోపాటు ఇతర భాషల్లో కూడా విడుదల అయ్యింది. ఇప్పుడు రాబోతున్న సినిమాలు కూడా పాన్ ఇండియా సినిమాలుగా విడుదల అవుతున్నాయి. ఇటీవల విడుదలైన రాధే శ్యామ్‌ టీజర్ ప్రేక్షకుల ఆసక్తిని ఇంకా పెంచింది.

అయితే ప్రభాస్ ఇండస్ట్రీలోకి అడుగుపెట్టి 19 సంవత్సరాలు అయ్యింది. ఈ సందర్భంగా సోషల్ మీడియాలో ప్రభాస్ ని అభినందిస్తూ చాలా మంది పోస్ట్ చేస్తున్నారు. బండ్ల గణేష్ కూడా సోషల్ మీడియా వేదికగా ప్రభాస్ ని అభినందించారు. బండ్ల గణేష్ ఈ విధంగా ట్వీట్ చేశారు, “అమెరికా వెళ్ళినాడు లిబర్టీ స్టాట్యూ ఇండియా వచ్చినాడు ప్రభాస్ సినిమా చూడకుండా ఉండరు.”

ఇంకొక ట్వీట్ లో బండ్ల గణేష్ ఈ విధంగా పేర్కొన్నారు, “ధర్మం మార్కెట్ లో దొరకదు బ్రదర్ అది బ్లడ్ లో ఉండాలి అది ఇక్కడ నిండుగా ఉంది.” అని రాశారు బండ్ల గణేష్. ఇదిలా ఉండగా బండ్ల గణేష్ హీరోగా నటించిన డేగల బాబ్జీ సినిమా విడుదలకు సిద్ధంగా ఉంది. మరోవైపు ప్రభాస్ కూడా ఇటీవలే ఆదిపురుష్ సినిమా షూటింగ్ కంప్లీట్ చేసుకున్నారు పూర్తి చేసుకున్నారు. ప్రస్తుతం సలార్ షూటింగ్ పనిలో బిజీగా ఉన్నారు.

మెగా కోడలిగా, రామ్ చరణ్ తేజ్ భార్యగా మాత్రమే కాకుండా ఉపాసన కొణిదెల సామాజిక సేవా కార్యక్రమాలతో తనకంటూ ఒక ప్రత్యేక గుర్తింపు తెచ్చుకున్నారు.

ఎప్పుడూ ఈమె సోషల్ మీడియాలో కూడా యాక్టివ్ గా ఉంటూ పర్సనల్ విషయాలను, చరణ్ సినిమాలకు సంబంధించిన విషయాలను ఫ్యాన్స్ తో సరదాగా షేర్ చేసుకుంటూ ఉంటారు. అయితే ఉపాసనని చూసినవాళ్లు తన లైఫ్ లో ఎలాంటి కష్టాలు పడలేదేమో అని అనుకుంటూ ఉంటారు.

ప్రతి ఒక్కరి జీవితంలో కష్టం ఉంటుందని.. అయితే ఎవరి కష్టాలు వాళ్ళవని.. వారి యొక్క బాధకు రెస్పెక్ట్ ఇవ్వాలని ఉపాసన చెప్పారు. లైఫ్ అనేది నిజంగా ఒక టాస్క్ అని అది అంత ఈజీగా ఉండదని కూడా ఆమె అన్నారు. తాను కూడా ఒకానొక సమయంలో చాలా సమస్యలను ఎదుర్కొన్నానని అన్నారు.

లడ్డు అని బాడీ షేమింగ్ పై వచ్చిన కామెంట్స్ తనను ఎంతగానో బాధ పెట్టాయని అన్నారు. ఇప్పుడు మాత్రం చాలా మంది బాగున్నావ్ అని చెబుతూ ఉంటారని.. కాంప్లిమెంట్స్ ఇస్తారని అన్నారు. కానీ వాటిని తీసుకోలేక పోతున్నానని ఆమె చెప్పారు.

ఇలా మారడానికి గంటలు గంటలు వర్కౌట్స్ చేశానని ఆమె ఇంటర్వ్యూలో చెప్పారు. అదేవిధంగా స్త్రీ పురుషుల మధ్య బేధాభిప్రాయాలు అనాసరమని అన్నారు. పైగా ఎవరి బలం వాళ్ళదన్నారు. తన బెస్ట్ ఫ్రెండ్ ట్రాన్స్జెండర్ అని ఆమె ఎంతో యాక్టివ్ గా ఉంటుందన్నారు.

థియేటర్లు మూత పడడం వలన కరోనా లాక్ డౌన్ కాలంలో ఓటిటీల వాడకం మరింత ఎక్కువగా పెరిగింది. మరోవైపు ఓటిటీలు కూడా రకరాల సిరీస్ లు, ప్రోగ్రాంలు, సినిమాలు, టాక్ షోలతో ప్రేక్షకులని ఎంటర్టైన్ చేయడానికి సిద్ధం అవుతున్నాయి. తెలుగు ఓటిటి ఆహ కూడా భిన్నమైన కంటెంట్ తో దూసుకెళ్తున్న సంగతి తెలిసిందే. నందమూరి బాలకృష్ణ హోస్ట్ గా అన్ స్టాపబుల్ అనే టాక్ షోను ఆహా తీసుకొచ్చింది. ఈ షోలో పలువురు సెలెబ్రిటీలను బాలయ్య బాబు మాట్లాడించనున్నారు.

ఇందులో మొదటి ఎపిసోడ్ కి గెస్ట్ గా మంచు కుటుంబం వచ్చారు. అయితే ప్రోగ్రాంలో భాగంగా బేగం అనే ఒక పాపకి బ్రెయిన్ క్యాన్సర్ ఉంది అని, చికిత్సకి డబ్బులు అవసరం అని చెప్పారు. ఇది అంతా చూసిన బాలకృష్ణ ఆ ఖర్చు మొత్తం తాను భరిస్తాను అని చెప్పారు. చెప్పినట్టుగానే బాలకృష్ణ ఆ పాప బాధ్యతను తీసుకున్నారు. దాంతో ఈ విషయం తెలిసిన నెటిజన్లు అందరూ బాలకృష్ణని ప్రశంసిస్తున్నారు.