News

ఎన్టీఆర్ హోస్ట్ గా దిగ్విజయంగా సాగిపోతున్న షో ఎవరు మీలో కోటీశ్వరులు.. ఎన్నడూ లేని విదంగా టీఆర్పీ రేటింగ్స్ లో ఈ షో దూసుకుపోతుంది. మరోవైపు మా లో ప్రసారం అవుతున్న ‘బిగ్ బాస్’ షో కి ధీటుగా ఈ షో అత్యధిక టీఆర్పీ రేటింగ్స్ ని సాధించింది.

ఎన్టీఆర్ వ్యాఖ్యతకు ముగ్దులైన తెలుగు ప్రజలు నీరాజనం పట్టారు. ఇక ఈ షో కి సెలెబ్రెటీలు కూడా గెస్ట్ గా వస్తున్నారు ఇటీవలే రాజమౌళి, కొరటాల శివ ఈ షో కి వచ్చిన సంగతి తెలిసిందే. తాజాగా హీరోయిన్ సమంత ని ఈ షో కి గెస్ట్ గా తీసుకువచ్చారు నిర్వాహకులు ఈ షో నవరాత్రి కానుకగా ప్రసారం కానుంది. చైతు విడాకుల సంఘటన తరువాత మొట్టమొదటి సారి కెమెరా ని ఫేస్ చేయబోతున్నారు సమంత. ఇక ఈ షో లో ఎలాంటి ప్రశ్నలు సమంత కి ఎదురయ్యాయి అనే ప్రశ్నకి మరో రెండు రోజులు ఆగాల్సిందే. ఈ షో కి సంబంధించి ప్రోమో ని విడుదల చేసారు జెమినీ టీవీ వారు.

https://youtu.be/ksjjwYPcozE

తాజాగా ఐఐఎఫ్ఎల్ వెల్త్ హురున్ ఇండియా రిచ్ లిస్ట్ 2021 జాబితా విడుదల అయింది. ఇందుల శ్రీమంతుల జాబితాలో మహిళల పేర్లు కూడా ఉండడం విశేషం. ఈ జాబితా ప్రకారం బయోలాజికల్ ఈ. లిమిటెడ్ మేనేజింగ్ డైరెక్టర్ మాహిమా రెండు తెలుగు రాష్ట్రాల్లోనూ అత్యంత ధనిక మహిళగా పదిహేనవ స్థానంలో నిలిచారు. ఆమె నికర సంపద విలువ 7700 ల కోట్లుగా ఉంది. ఆల్ ఓవర్ ఇండియాలో ఆమె 231వ ర్యాంకులో ఉన్నారు.

ఆమె లండన్ లోని వెబ్ స్టర్ యూనివర్సిటీ నుంచి బిజినెస్ అడ్మినిస్ట్రేషన్ మానేజ్మెంట్ లో డిగ్రీ పట్టా పొందారు. 2001 నుంచే ఆమె బయోలాజికల్ ఈ. లిమిటెడ్ బాధ్యతలను స్వీకరించారు. ఈ సంస్థ రక్తం గడ్డకుండా ఉండడం కోసం అవసరమయ్యే హెపారిన్ అనే పదార్ధాన్ని తయారు చేస్తుంది. మరో మహిళ ఎన్ ఏసీఎల్ ఇండస్ట్రీస్ చైర్ పర్సన్, నాన్ ఎగ్జిక్యూటివ్ డైరెక్టర్ కె లక్ష్మీరాజు కూడా ఈ జాబితాలో నిలిచారు. ఈమె వేయి కోట్ల ఆస్తుల్ని కలిగి ఉన్నారు. రెండు తెలుగు రాష్ట్రాల్లోనూ, ఆమె 41 వ స్థానంలో ఉన్నారు. ఈ జాబితా తెలుగు రాష్ట్రాల నుంచి మొత్తం 69 మంది వ్యక్తులు ఉన్నారు. వీరి ఆస్తుల విలువ సుమారు రూ.3,79,200 కోట్లుగా ఉంది. గతేడాదితో పోలిస్తే, ఇది 54 శాతం పెరిగిందట.

దుబాయ్ వేదికగా చెన్నై సూపర్ కింగ్స్ జట్టుకి, పంజాబ్ కింగ్స్ జట్టుకి మధ్య జరిగిన మ్యాచ్ లో 6 వికెట్ల తేడాతో పంజాబ్ కింగ్స్ జట్టు విజయం సాధించింది. ఈ మ్యాచ్ లో చెన్నై సూపర్ కింగ్స్ జట్టు బౌలర్ దీపక్ చాహర్ తన గర్ల్ ఫ్రెండ్ జయ భరద్వాజ్‌ కి అందరి మధ్యలో ప్రపోజ్ చేశారు. ఇది చూసిన తన గర్ల్ ఫ్రెండ్ మాత్రమే కాదు చుట్టూ ఉన్న వాళ్లు కూడా సర్ప్రైజ్ అయ్యారు.

మ్యాచ్ ముగిసిన వెంటనే దీపక్ చాహర్ స్టాండ్స్‌ లోకి వెళ్లి అక్కడ మ్యాచ్ చూస్తున్న గర్ల్ ఫ్రెండ్ ప్రపోజ్ చేశారు. దీపక్ చాహర్ అలా ప్రపోజ్ చేయడంతో తన గర్ల్ ఫ్రెండ్ సంతోషంగా ఒప్పుకున్నారు. అక్కడే ఉన్న చెన్నై సూపర్ కింగ్స్ జట్టు సభ్యుల ఫ్యామిలీ మెంబర్స్ కూడా చప్పట్లు కొట్టారు. దాంతో ప్రేక్షకులందరూ, “ఆ అమ్మాయి ఎవరు?” అంటూ సోషల్ మీడియా మొత్తం తెగ వెతికేస్తున్నారు.

కొంత మంది ఏమో ఏకంగా,  “ఆ అమ్మాయి ఫారినర్” అని అంటున్నారు. ఈ నేపథ్యంలో దీపక్ చాహర్ సోదరి, మాలతి చాహర్ స్పందించారు. సోషల్ మీడియా వేదికగా తన సోదరుడికి, జయ భరద్వాజ్ కి అభినందనలు తెలిపారు. అలాగే జయ భరద్వాజ్ ఫారినర్ అనే వార్తలకి స్పందిస్తూ ఈ విధంగా రాశారు, “నాకు వదిన దొరికింది. తను జయ భరద్వాజ్. తను ఫారినర్ కాదు. ఢిల్లీకి చెందిన అమ్మాయి. మీ ఇద్దరినీ దేవుడు ఆశీర్వదించాలని ప్రార్థిస్తున్నాను.” అని రాశారు.

image source: Malti Chahar (Instagram)

డబ్బు ఎంత అవసరమో.. దానిని సంపాదించడం అంత కష్టం కూడా. అనుకోకుండా జాక్ పాట్ తగలడమో.. వ్యాపారం కలిసొస్తేనో.. ఆస్తులు కలిసొస్తేనో తప్ప కోట్లు సంపాదించడం సాధ్యమయ్యే విషయం కాదు. ఈ క్రమం లోనే కొందరు వ్యక్తులు అడ్డదార్లు తొక్కి డబ్బు సంపాదించాలనుకుంటారు. ఈజీ మనీ కోసం వీళ్ళు రకరకాల ప్రయత్నాలు చేస్తూ ఉంటారు.

కడపకు చెందిన ఇద్దరు వ్యక్తులు ఇలాంటి మోసానికి పాల్పడ్డారు. పోలీసులు తెలిపిన వివరాల ప్రకారం, కడప వన్ టౌన్, చాపాడు, దువ్వూరు, మైదుకూరు పోలీస్ స్టేషన్ పరిధిలో కొన్ని కేసులు నమోదయ్యాయి. అన్ని కేసుల కారణం ఒక్కటే. కొన్ని మనీ యాప్స్, లింక్స్ లను క్లిక్ చేయడం వల్ల డబ్బులు నష్టపోయామని ఫిర్యాదులు రావడం తో పోలీసులు షాక్ అయ్యారు. ఈ కేసును సీరియస్ గా ఛేదించాలనుకున్నారు.

విచారణలో తేలింది ఏమిటంటే.. కొందరు వ్యక్తులు దాదాపు వందమందికి మూడు కోట్ల రూపాయలను టోపీ పెట్టారని తేలింది. ఆర్సీసీ, మేకింగ్ మని వంటి కొన్ని యాప్స్ పేరుతొ వీరు బల్క్ లో మెసేజ్ లు పంపుతూ ఉంటారు.ఆ లింక్స్ ను క్లిక్ చేసిన వారికి కొన్ని టాస్క్ లు పూర్తి చేసి పెట్టుబడి పెడితే కమిషన్ వస్తుందని ఆశ చూపిస్తారు. టాస్క్ ను బట్టి పెట్టుబడి పెట్టాలని చెబుతారు.

అలా బాధితులు ఆశకొద్దీ ఎక్కువ డబ్బులు పెట్టి మోసపోతున్నారు. ఇక, ఎవరైనా తక్కువ మొత్తాలలో డబ్బు పెడితే.. వారికి ఎంతో కొంత కమిషన్ ఇచ్చి మరింత పెట్టుబడి పెట్టేవిధం గా ఆశ రేకెత్తిస్తారు. ఇలా వారు వారి స్నేహితులకు కూడా చెప్పి ఇందులో చేర్పించడం వలన వీరు ఎక్కువ మొత్తం లో డబ్బులు గుంజి.. చివరకు టోపీ పెట్టేస్తున్నారు. ఈ కేసులో ఇప్పటికే ఇద్దరు నిందితులను అరెస్ట్ చేసినట్లు కడప ఎస్పీ అన్బురాజన్ పేర్కొన్నారు. దాదాపు 23 బ్యాంకు ఖాతాలు వీరి సొంతం గా ఉన్నాయి. ఇందులో ఉన్న రూ.62.5 కోట్లను పోలీసులు ఫ్రీజ్ చేసారు.

Watch Video:

ఫేస్ బుక్ పరిచయాలు ఎందరి కొంపలనో కొల్లేరు చేస్తున్నాయి. ఫేస్ బుక్ లో గుర్తు తెలియని వ్యక్తులను పరిచయం చేసుకుని మోసపోతున్న అమ్మాయిల సంఖ్య తక్కువేమీ కాదు. తాజాగా.. మరో ఉదంతం చోటు చేసుకుంది. ప్రభుత్వ ఆసుపత్రిలో వైద్యుడి గా పని చేస్తున్న ఓ వ్యక్తి సోషల్ మీడియా లో ఓ మహిళతో పరిచయం పెంచుకున్నాడు.సదరు మహిళకు అప్పటికే పెళ్లయింది.

అయినప్పటికీ.. అతని మాటల మాయలో పడింది. పెళ్లి చేసుకుంటానని సదరు డాక్టర్ నమ్మించడం తో.. ఆమె నమ్మి, భర్తని వదిలేసి అతని వద్దకు వెళ్ళిపోయింది. దాదాపుగా ఐదేళ్ల పాటు ఇద్దరు సహజీవనం చేసారు. ఈ క్రమం లో పలుమార్లు శారీరకం గా కూడా దగ్గరవడం తో ఆమెకు ఓ బాబు పుట్టాడు. అయితే..ఇప్పటికైనా పెళ్లి చేసుకోవాలని ఆమె ఆ డాక్టర్ ని కోరింది.

కానీ, అతను ఏదో ఒక కుంటి సాకుతో తప్పించుకునేవాడు. పెళ్లి చేసుకోవాలంటూ ఒత్తిడి పెంచడం తో ఆమెకు నరకం చూపించడం స్టార్ట్ చేసాడు. అప్పటివరకు నవ్వుతూ, తుళ్ళుతూ గడిచిన రోజులు ఆమెకు భారం గా మారాయి. ఆమెను ఇంట్లోంచి వెళ్ళగొట్టాడు. ఆమె న్యాయం కోసం ఆ ఇంటి ఎదురుకుండానే, రోడ్డు పై కూరలు అమ్ముకుని జీవిస్తోంది. రోజులేనిది ఆమె అక్కడ కొత్తగా కనిపించడం తో చుట్టుపక్కల వారు ఆమె గురించి ఆరా అడిగారు.

దానితో.. ఆమె తనను ఆ డాక్టర్ ఎలా మోసం చేసాడో చెప్పుకొచ్చింది. ఆ పిల్లాడిని చూపించి ఆ డాక్టర్ కు తనకు పుట్టిన కొడుకేనని, కానీ ఆ డాక్టర్ కొడుకుని అంగీకరించడం లేదని చెప్పుకుని వాపోయింది. మరోవైపు సదరు డాక్టర్ చెప్పే వాదన మరోలా ఉంది. ఆమె ఫేస్ బుక్ లో ఎల్ ఐసి ఏజెంట్ గా పరిచయం అయిందని, ఓ రోజు తన తల్లి అనారోగ్యం గా ఉందని తీసుకొచ్చిందని చెప్పుకొచ్చాడు. ఆమె ఇబ్బందుల్లో ఉందని చెప్పడం తో ఆమెకు పనిమనిషి గా ఉద్యోగం ఇచ్చి.. నెలకు పదిహేను వేల జీతం ఇచ్చానని చెప్పుకొచ్చాడు.

అప్పటికే ఆమెకి పెళ్లయిందని.. ఆ కొడుకు ఆమెకు, ఆమె భర్తకు పుట్టిన కొడుకని.. కేవలం స్వార్ధం కోసమే నన్ను బ్లాక్ మెయిల్ చేసి సెటిల్ అవ్వాలని అనుకుంటోందని చెప్పుకొచ్చారు. ఇది ఇలా ఉంటె.. డీఎస్పీ శక్తి సింగ్ స్పందిస్తూ.. సదరు మహిళ డాక్టర్ జీడీ సింగ్ పై కేసు నమోదు చేసిందని, ఆమె ఫిర్యాదు మేరకే ఈ కేసుని దర్యాప్తు చేస్తున్నట్లు పేర్కొన్నారు.