News

కొంతమంది ఉద్యోగులు పనిచేసామా, జీతం తెచ్చుకున్నామా అనే ఒరవడితోనే ప్రవర్తిస్తూ ఉంటారు. కానీ కొందరు మాత్రం తీసుకున్న జీతానికి న్యాయం చేస్తూ ఉంటారు. మొన్న ఒక కానిస్టేబుల్ అలాగే బాధ్యతగా ప్రవర్తించి పురుగుల మందు తాగిన రైతుని రెండు కిలోమీటర్లు భుజాన మూసుకొని హాస్పిటల్ కి తీసుకెళ్లి రక్షించిన సంగతి అందరికీ తెలిసిందే.

ఇప్పుడు అలాంటి బాధ్యత గల ఒక మహిళ ఉద్యోగి బాధ్యతగా ప్రవర్తించి అందరిచేత శభాష్ అనిపించుకుంటుంది. ఎవరా అమ్మాయి? ఏం చేసింది? వివరాల్లోకి వెళ్దాం. ఒకప్పుడు మహాత్మా గాంధీ అన్నట్టు పల్లెటూర్లు దేశానికి పట్టుకొమ్మలు అనే మాట సీఎం జగన్ అక్షరాల నిజం చేస్తున్నారనే చెప్పొచ్చు.

అధికారంలోకి వచ్చిన తర్వాత ఆయన వాలంటీర్ల వ్యవస్థను తీసుకువచ్చారు. ఇప్పుడు ఇవాళ్లంటీర్లకు వ్యవస్థ దేశానికి తలమానికంగా నిలుస్తుంది. లబ్ధిదారులకు ఇంటికే నేరుగా వెళ్లి పింఛన్లు అందించే ప్రక్రియ ఎంతో మంది వృద్ధులకు మేలు కలిగిస్తుంది. వాలంటీర్లు కూడా ఎంతో బాధ్యతగా పింఛనుదారులు వేరే ప్రాంతాలలో ఉన్నప్పటికీ ఎన్నో ప్రయాసలకు తట్టుకొని వెళ్లి పెన్షన్లు అందిస్తున్న విషయం తెలిసిందే. కొంతమంది సొంత ఖర్చులు పెట్టుకొని మరీ అక్కడికి వెళ్లి లబ్ధిదారులకు పెన్షన్ అందిస్తున్నారు. ఇప్పుడు మనం చెప్పుకోబోయే అమ్మాయి కూడా ఆ కోవకు చెందిన అమ్మాయే.

అల్లూరు సీతారామరాజు జిల్లా పాటిగరువుకు చెందిన గ్రామ వాలంటీర్ కిరసాయిని రోజా రాణి తోటి ఉద్యోగులకు ఆదర్శంగా నిలిచింది. శుక్రవారం ఆమె పెళ్లి బంధుమిత్రులు అందరూ వచ్చారు. అయితే ఆ రోజు ఒకటో తారీకు కావటంతో పింఛను దారులు ఎంతో ఆత్రుతగా వారికి రావలసిన పింఛన్ కోసం ఎదురు చూస్తూ ఉంటారు. ఇలాంటి సమయంలోనే రోజా రాణి కీలకమైన నిర్ణయం తీసుకుంది. తన పెళ్లి కన్నా ముందు పింఛన్దారులకు కళ్ళల్లో ఆనందం చూడాలి అనుకుంది. అందుకోసం తన పెళ్లి సంబరాలను పక్కనపెట్టి ఉద్యోగానికి ప్రాధాన్యత ఇచ్చింది. పెళ్లి బట్టల లోనే లబ్ధిదారులకు పింఛన్లను పంపిణీ చేసింది. నిజంగా ఆమె డెడికేషన్ కు హ్యాట్సాఫ్ చెప్పాల్సిందే

హుజురాబాద్ మండలంలోని, జూపాకలో, సమ్మక్క-సారలమ్మ జాతర ఎంతో ఘనంగా జరిగింది. లక్షల మంది భక్తులు సమ్మక్క-సారలమ్మ దర్శనం కోసం, వారి దీవెనల కోసం తరలివచ్చారు. ఫిబ్రవరి 21 నుండి ఫిబ్రవరి 24 వరకు ఈ జాతర జరిగింది. ప్రతి ఏడు లాగానే ఈ సంవత్సరం కూడా ఎంతో ఘనంగా ఈ వేడుకని నిర్వహించారు.

రాష్ట్ర ప్రభుత్వం కూడా ఈసారి ఇంకా ఘనంగా వేడుకని నిర్వహించి, దర్శనం కోసం వచ్చిన భక్తులకి అన్ని వసతులని కల్పించడానికి ఎంతో కృషి చేశారు. పలువురు రాజకీయ, సినీ ప్రముఖులు కూడా సమ్మక్క సారలమ్మ జాతరకి వెళ్లి దేవతలని దర్శించుకున్నారు. వారి దీవెనలు అందుకున్నారు.

అయితే ఈసారి సమ్మక్క-సారలమ్మ జాతర ఆదాయం శుక్రవారం జిపి ఆఫీస్ లో లెక్కించారు. ఇందులో ఆదాయం ఎంత వచ్చిందో, కానుకలు ఎన్ని వచ్చాయో అనేది లెక్క పెట్టారు. దేవాదాయశాఖ ఈవో సుధాకర్, జాతర కమిటీ చైర్మన్ సదానందం, సమ్మక్క-సారలమ్మ జాతర ఆదాయం 5,53,855 రూపాయలు వచ్చినట్టు తెలిపారు. ఇందులో టికెట్ల ద్వారా 71 వేల రూపాయలు వచ్చాయి. వేలం ద్వారా 72 వేల రూపాయలు వచ్చాయి. హుండీ ద్వారా 4 లక్షల 855 రూపాయలు వచ్చాయి. ఇదే విషయాన్ని అధికారిక బృందం తెలిపారు. ఇతర కానుకలను కూడా భక్తులు సమర్పించుకున్నారు. ఈ కార్యక్రమంలో ఎండోమెంట్ అధికారులు, మాజీ చైర్మన్లు అయిన రాజిరెడ్డి, నిరంజన్ రెడ్డి, ఇతర డైరెక్టర్లు కూడా పాల్గొన్నారు.

ALSO READ : ఆ మహానుభావుడి గుర్తుగానే రామేశ్వరం కేఫ్ కి ఈ పేరు పెట్టారా..? ఏంటి ఈ కేఫ్ యొక్క ప్రత్యేకత..?

కుటుంబ కలహాలతో ఒక రైతు ఆ-త్మ-హ-త్య చేసుకుని అపస్మారక స్థితిలో ఉంటే ఆ వ్యక్తిని రెండు కిలోమీటర్లు పొలం గట్లపై తన భుజాలు మూసుకుంటూ వెళ్లి ఆసుపత్రిలో చేర్చి అతని ప్రాణాలు కాపాడి అందరి ప్రశంసలు పొందుతున్నాడు ఒక కానిస్టేబుల్. ఆ కానిస్టేబుల్ బాధ్యతకి, డెడికేషన్ కి ఇప్పుడు అందరూ ప్రశంసిస్తున్నారు. ఈ ఘటన కరీంనగర్ జిల్లాలో జరిగింది.

అసలు ఏం జరిగిందంటే కరీంనగర్ జిల్లా, వీణవంక మండలం, భేతిగల్ కి చెందిన కుర్ర సురేష్ బుధవారం ఇంట్లో గొడవపడి కోపంగా పొలం వద్దకు వచ్చి పురుగుల మందు తాగాడు. అది గమనించిన స్థానికులు పోలీసులకి సమాచారం ఇవ్వగా బ్లూ కోల్డ్స్ కానిస్టేబుల్ జయపాల్, హోమ్ గార్డ్ కిన్నెర సంపత్ లు అక్కడికి చేరుకున్నారు. అయితే సమయస్ఫూర్తిగా వ్యవహరించి అపస్మారక స్థితిలో పడి ఉన్న సురేష్ ని జయపాల్ భుజాన వేసుకొని ఏకంగా రెండు కిలోమీటర్ల వరకు పొలాల గట్ల మీద మోసుకుంటూ వచ్చారు.

అనంతరం కుటుంబ సభ్యుల సహాయంతో జమ్మికుంట ప్రభుత్వాసుపత్రికి తరలించారు. ప్రస్తుతం అతని పరిస్థితి నిలకడగా ఉందని వైద్యులు తెలిపారు. శ్రమించి రైతు ప్రమాణాలు కాపాడిన బ్లూ కోల్డ్స్ కానిస్టేబుల్, ఇతర సిబ్బందిని ఎస్ఐ వంశీకృష్ణ, స్థానిక నేతలు అభినందించారు. ఇంకా ఇలాంటి డెడికేషన్ ఉన్న ఉద్యోగులు ఉన్నారు కాబట్టే ఆయా వ్యవస్థలని ప్రజలు ఇప్పటికీ నమ్ముతున్నారు.

చెయ్యి తడవకపోతే పని జరగని ఈ రోజుల్లో, ఆ పని చేస్తే మాకు ఏంటి లాభం అని ఆలోచించే ఉద్యోగులు ఉన్న సమాజంలో ఇలాంటి ఉద్యోగులని చూస్తే నిజంగా సమాజం మీద, మనుషుల మీద నమ్మకం ఏర్పడుతుంది. ఏమాత్రం ఫలితం ఆశించకుండా సమయం స్ఫూర్తిగా వ్యవహరించి ఒక నిండు ప్రాణాన్ని కాపాడిన జయపాల్ లాంటి ఉద్యోగులు పలువురు ఉద్యోగులకి ఆదర్శం అంటూ అతనిపై ప్రశంసల వర్షం కురిపిస్తున్నారు నెటిజన్స్. హ్యాట్సాఫ్ టు జయపాల్

టాలీవుడ్ లో రీరిలీజ్ ట్రెండ్ కొనసాగుతున్న విషయం తెలిసిందే. మార్చి మొదటి వారంలో స్టార్ హీరోల సినిమాలు రీరిలీజ్ అవుతున్నాయి. వాటిలో నటసింహం నందమురి బాలకృష్ణ నటించిన సమరసింహారెడ్డి కూడా ఉంది. ఈ చిత్రం అప్పట్లో రిలీజ్ అయ్యి, సంచలనం సృష్టించిన విషయం తెలిసిందే.

బాలకృష్ణ, దర్శకుడు బి.గోపాల్ కాంబోలో తెరకెక్కిన సమరసింహారెడ్డి మూవీ బాక్సాఫీస్ దగ్గర ఇండస్ట్రీ హిట్ గా నిలిచింది.  ఈ మూవీ రికార్డ్ స్థాయిలో వసూళ్లను సాధించి ప్రొడ్యూసర్లకు లాభాలను అందించింది. తెలుగులో వచ్చిన ఫ్యాక్షన్ చిత్రాలలో ఈ మూవీ సెన్సేషన్ గా నిలిచింది. మార్చి2 న ఈ సినిమా రీరిలీజ్ కానుంది.
నందమూరి బాలకృష్ణ హీరోగా నటించగా, సిమ్రాన్, అంజలా ఝవేరి, సంఘవి హీరోయిన్లుగా నటించారు. జయ ప్రకాష్ రెడ్డి విలన్ గా నటించారు. ఈ చిత్రానికి రచయిత విజయేంద్ర ప్రసాద్ కథను అందించారు. ఈ చిత్రం అప్పట్లో29 సెంటర్లలో సిల్వర్ జూబ్లీ జరుపుకుంది. బాలకృష్ణ కెరీర్ లో ఈ మూవీ బిగ్గెస్ట్ బ్లాక్ బస్టర్స్ లో ఒకటిగా నిలవడమే కాకుండా పలు రికార్డులను బ్రేక్ చేసింది. ఈ మూవీ విడుదల అయ్యి  25 ఏళ్ళు పూర్తి చేసుకున్న సందర్భంగా పెద్ద ఎత్తున రీ రిలీజ్ చేయడానికి ప్లాన్ చేస్తున్నారు. మార్చి2 న ఈ మూవీని రెండు తెలుగు రాష్ట్రాల్లోనే కాకుండా కర్ణాటకలో రీరిలీజ్ థియేటర్స్ సంఖ్య కూడా ఎక్కువగానే ఉండనుంది.

నైజాంలోనే 100 దాకా స్క్రీన్స్ లో విడుదల చేయనున్నారు. ఆంధ్రలో 250 వరకు స్క్రీన్స్ లో రీరిలీజ్ కాబోతుంది. రెండు తెలుగు రాష్ట్రాలలో కలిపి 350 వరకు స్క్రీన్స్ లో రీ రిలీజ్ చేయనుండగా, కర్ణాటక మరియు ఇతర ప్రాంతాలలో కలిపి 50 వరకు స్క్రీన్స్ లో రీరిలీజ్ కి రెడీ అవుతుంది. దాంతో మొత్తం 400 వరకు స్క్రీన్స్ లో రీ రిలీజ్ కానుంది.  ఈ మూవీ రీ రిలీజ్ లో మంచి వసూళ్లను సాధిస్తుందన్న నమ్మకంతో మేకర్స్ ఉన్నారు. రీరిలీజ్ లో ఈ మూవీ వసూళ్లు ఎలా ఉండనున్నాయో వేచి చూడాలి.

Also Read: రిలీజ్ అయిన 5 ఏళ్ల తర్వాత OTT లోకి వచ్చిన ఈ సినిమా చూసారా.? కామెడీ మాములుగా లేదుగా.?

ఓ గ్రామంలోని వారంతా ఒక్కటై, పెళ్లికి వచ్చిన అతిథులకు వడ్డించడానికి రుచికరమైన బిర్యానీని, నోరూరించే స్వీట్లతో విందు భోజనాలు సిద్ధం చేశారు. పెళ్లి కోసం బాజభజంత్రీలు రాగానే  కానియ్యండి అంటూ అంగరంగ వైభవంగా పెళ్లి చేశారు.

అయితే గ్రామస్తులందరు కలిసి పెళ్లి జరిపించింది. మనుషులకో, జంతువులకో కాదు. పెళ్లి జరిపించింది రోడ్డుకు. ఇలా అందరు కలిసి రోడ్డుకు పెళ్లి చేయడం సోషల్ మీడియాలో వైరల్‌గా మారింది. ఆ గ్రామం ఏమిటో? ఈ పెళ్లి జరిపించడం వెనుక ఉన్న ఉద్దేశ్యం ఏమిటో ఇప్పుడు చూద్దాం..

రోడ్డుకి అంగరంగ వైభవంగా పెళ్లి చేసిన గ్రామం పేరు కొడియాత్తూరు. ఈ గ్రామం కేరళ రాష్ట్రంలోని కోజికోడ్‌ జిల్లాలో ఉంది.  కొడియాత్తూరు గ్రామంలో రోడ్డు సమస్య ఎక్కువగా ఉంది. పన్నెండు వందల మీటర్ల పొడవు మరియు మూడున్నర మీటర్ల వెడల్పు కలిగి ఉన్న రోడ్డును 1980 లో నిర్మించారు. అయితే ఈ రోడ్డును అప్పడు గ్రామంలో ఉన్న జనాభాకు తగ్గట్టు నిర్మించారు.  కానీ ఇప్పుడు ఆ గ్రామం పెద్దదిగా మారడంతో రోడ్డు చాలా ఇరుకుగా మారింది.

ప్రస్తుతం ఆ గ్రామంలో ఉంటున్నవారి సంఖ్య మూడు రెట్లు పెరగడం, ఆ రోడ్డు చిన్నగా ఇరుకుగా మారడంతో ఆ గ్రామస్తులకు  ఇబ్బందులు ఎక్కువ అవుతున్నాయి. రోడ్డును విస్తరించడానికి చాలా అడ్డంకులు ఏర్పడ్డాయి. రోడ్డు విస్తరించాలని ప్రయత్నించినప్పుడల్లా ఏదో ఒక ఆటంకం ఏర్పడి , ఎన్ని ప్రయత్నాలు చేసినా కూడా ఫలించలేదు.  అయితే రోడ్డు విస్తరించాలంటే గ్రామంలోని కొన్ని కుటుంబాలు తమ ఇళ్లను కోల్పోవాల్సిన పరిస్థితి ఏర్పడింది. దాంతో గ్రామస్తులంతా ఏం చేయాలా అని మదనపడ్డారు. చివరికి వారంతా కలిసి ఒక నిర్ణయానికి వచ్చారు.

అందులో భాగంగా ‘కొడియాత్తూరు వికాస సమితి’ పేరుతో ఒక సంఘాన్ని స్థాపించారు. ఆ తరువాత రోడ్డు విస్తరణలో ఇంటిని  కోల్పోయే వారికి ఎంత పరిహారం, రోడ్డు విస్తరణకు అయ్యే ఖర్చు ఎంత అనేది అంచనా వేశారు. మొత్తం కలిపి 60 లక్షల రూపాయల ఖర్చవుతుందని లెక్క వేశారు. విరాళాలల రూపంలో గ్రామంలోని 15 మంది కలిపి 15 లక్షల రూపాయలు విరాళంగా  ఇచ్చారు. మిగిలిన 45 లక్షల రూపాయల గురించి ప్రయత్నించారు. అలాంటి టైమ్ లోనే గ్రామస్తులకు గత సంప్రదాయం జ్ఞాపకం వచ్చింది.  అదే కురి కల్యాణం. ఉత్తర శతాబ్దాల క్రితం కురి కల్యాణం ద్వారా ఒకరికొకరు సహకరించుకుని ఆర్థికంగా తోడ్పడేవారు.

ఇక రోడ్డు విస్తరణకు కోసం కురి కల్యాణం నిర్వహించాలని నిర్ణయించారు. ఆదివారం (ఫిబ్రవరి 25 ) నాడు గ్రామస్తులంతా రోడ్డుకు పెళ్లి చేశారు. అంటే గ్రామంలోని ప్రజలంతా కలిసి సామూహికంగా భోజనాలు చేసి, ఆ తరువాత చదివింపులు చేస్తారు. భోజనం చేసిన తరువాత ఎవరికి తోచినంతా వారు సాయం చేస్తారు. ఈ పెళ్ళికి గ్రామస్తులే కాకుండా ఇతర గ్రామాల ప్రజలు కూడా వచ్చారు. ఈ పెళ్లి వల్ల వచ్చిన డబ్బును ఉపయోగించ, రోడ్డు విస్తరణ పనులు చేపట్టనున్నారు.

Also Read: ఒక్క నెలలో అయోధ్య రామునికి ఎన్ని కోట్ల విరాళాలు వచ్చాయో తెలుసా? ఎన్ని లక్షల మంది దర్శించుకున్నారు అంటే.?

ఈ ఏడాది జనవరి 22న అంగరంగ వైభవంగా అయోధ్య రామాలయం లో రామ్ లల్లా ప్రాణ ప్రతిష్ట జరిగింది. ఆ రోజు నుంచి బాలరాముడిని దర్శించుకోవడానికి భక్తులు తండోపతండాలుగా వస్తున్నారు. జనవరి 23 నుంచి దాదాపు 60 లక్షల మంది భక్తులు రాముడిని దర్శించుకున్నారని రామాలయ ట్రస్ట్ కార్యాలయం ఇన్చార్జి ప్రకాష్ గుప్తా తెలిపారు.

ఈ నెల రోజుల వ్యవధిలో అయోధ్య రామాలయానికి 25 కోట్ల మేర విరాళాలు వచ్చాయి. 25 కిలోల బంగారు, వెండి ఆభరణాల తో పాటు చెక్కులు, డ్రాఫ్ట్ రూపంలో భక్తులు సమర్పించినట్లు రామజన్మభూమి తీర్థ ట్రస్టు వెల్లడించింది. శ్రీరామనవమి రోజున 50 లక్షల మందికి పైగా భక్తులు బాలరాముడిని దర్శించుకుంటారని అంచనా వేస్తున్నారు.

అయితే ట్రస్ట్ బ్యాంకు ఖాతాలలోకి నేరుగా ఆన్లైన్ లావాదేవీల ద్వారా వచ్చిన ఆదాయం గురించి తమకు తెలియదని వివరించారు. ఆలయంలో వినియోగించని వెండి, బంగారంతో చేసిన పాత్రలు సామాగ్రిని రామలల్లాకు విరాళంగా ఇస్తున్నారని, భక్తుల భక్తిని దృష్టిలో ఉంచుకొని స్వీకరిస్తున్నామని వెల్లడించారు. వెల్లువలా వచ్చి పడుతున్న భక్తుల కానుకలు, విరాళాలను సునాయాసంగా లెక్కించటానికి వీలుగా ఆలయంలో ఎస్ బి ఐ నాలుగు ఆటోమేటిక్ హైటెక్నాలజీ కౌంటింగ్ మిషన్లు ఏర్పాటు చేసిందని రామాలయ ట్రస్ట్ అధికారి ప్రకాష్ గుప్తా వెల్లడించారు.

విరాళాలకు సంబంధించిన రసీదులను జారీ చేయడానికి 12 కంప్యూటరైజ్డ్ కౌంటర్లు సిద్ధం చేశామని, ట్రస్ట్ ద్వారా ఆలయ ప్రాంగణంలో అదనపు విరాళాలు, పెట్టెలను కూడా ఏర్పాటు చేశామని ప్రకాష్ గుప్తా వివరించారు. విరాళాలు లెక్కింపు కోసం త్వరలోనే అన్ని సౌకర్యాలతో కూడిన పెద్ద గదిని కూడా నిర్మించనున్నట్లు ఆయన చెప్పారు. బాల రామునికి బహుమతులుగా వచ్చిన ఆ బంగారము, వెండి ఇతర విలువైన వస్తువులను కరిగించి నిర్వహణ కోసం భారత ప్రభుత్వానికి అప్పగించనున్నారు.

విరాళాలకు సంబంధించి ఎస్ బి ఐ తో ట్రస్ట్ అవగాహన ఒప్పందం కుదుర్చుకుందని కూడా వివరించారు. ఈ ఒప్పందం ప్రకారం విరాళాలు, చెక్కులు, డీడీలు నగదు వేరే వాళ్లకు సంబంధించి ఎస్ బి ఐ జవాబుదారీగా వ్యవహరిస్తుంది. నగదు విరాళాల లెక్కింపు రోజుకి రెండుసార్లు రెండు షిఫ్టులలో జరుగుతుందని ఇందుకు అనుగుణంగా ఎస్ బి ఐ సిబ్బందిని పెంచిందని వివరించారు.