News

ఇటీవల ముంబైలో జరిగిన ఒక సంఘటన చర్చలకు దారి తీసింది. వివరాల్లోకి వెళితే, టైమ్స్ ఆఫ్ ఇండియా కథనం ప్రకారం 19 సంవత్సరాల వయసు గల షైజాన్ ఆగ్వాన్ అనే ఒక వ్యక్తి సోషల్ మీడియా ద్వారా ఒక టీనేజ్ అమ్మాయిని కలిశాడు. ఆ అమ్మాయి ఒక చార్టెడ్ అకౌంటెంట్ కూతురు. వారిద్దరూ సోషల్ మీడియా ద్వారా ఫ్రెండ్స్ అయ్యారు.

ఒకసారి ఆ అమ్మాయి ఇంకా తన కుటుంబ సభ్యులు తమ ఇంట్లో లేని సమయంలో షైజాన్ ఆ అమ్మాయి ఇంటికి వెళ్లి వాళ్ల లాకర్ లో ఉన్న బంగారు ఆభరణాలని, 14 లక్షల విలువచేసే వస్తువులను అలాగే కొంత డబ్బుని, ఒక ఐ ఫోన్ ని దొంగిలించాడు. ఇదంతా ఆ అమ్మాయి అంతకుముందు షైజాన్ దగ్గర వదిలేసిన వాళ్ళ ఇంటి డూప్లికేట్ తాళం చెవి సహాయంతో చేశాడు.

జనవరి 27వ తేదీన వెకేషన్ నుండి వచ్చిన తర్వాత ఆ కుటుంబం దొంగతనం జరిగిందని తెలుసుకుని పోలీసులకు కంప్లైంట్ ఇచ్చారు. పోలీసులు ఆ అమ్మాయిని కన్విన్స్ చేయడంతో అమ్మాయి జరిగిన విషయం మొత్తం చెప్పి తను తన తాళంచెవి ని అతని దగ్గర వదిలేసింది అని కూడా చెప్పింది. దాంతో షైజాన్ ని మజగావ్ పరిధిలో అరెస్ట్ చేశారు.

ఒక్కరోజు సీఎం.. ఒక్కరోజు లో ఏమి చేస్తాం అని అనిపిస్తుంది. కానీ ఒక్కోసారి జీవితం లో అద్భుతం గా గడిపాము అని అనుకోవడానికి కొన్ని క్షణాలు చాలు. సినిమాలలో అయితే, ఒక్కరోజు సీఎం (ఒకే ఒక్కడు), ఒక్కరోజు పవర్ ఫుల్ స్పెషల్ ఫోర్స్ ఆఫీసర్ (రేసుగుర్రం).. ఇలా ఛాన్స్ వచ్చినప్పుడు హీరోలు ఇరగదీసేస్తుంటారు. అదే నిజ జీవితం లో అంత కాకపోయినా కొంత ఇరగదీయొచ్చు అని ఈ అమ్మాయి ప్రూవ్ చేసింది. ఇంతకీ ఆ ఒక్క రోజు సీఎం గారి కథ ఏంటో తెలుసుకుందాం.

ఉత్తరాంఖండ్ రాష్ట్రము లో నేషనల్ గర్ల్ చైల్డ్ డే సందర్భం గా హరిద్వార్ కు చెందిన సృష్టి గోస్వామి అనే అమ్మాయి ని ఒక్కరోజు సీఎం గా ఎంపిక చేసారు. ఉత్తరాంఖండ్ రాష్ట్ర వేసవి రాజధాని గా ఉన్న గైర్ సేయిన్ నగరం నుంచి ముఖ్యమంత్రి హోదా లో ఆమె పరిపాలన బాధ్యతలను ఒక్కరోజుకు స్వీకరించారు. ఆ ఒక్క రోజులోనే రాష్ట్ర ముఖ్యమంత్రిగా ప్రజలకు అందుతున్న పలు పధకాల గురించి, సంక్షేమ కార్యక్రమాల గురించి తెలుసుకుంది.

ఐఏఎస్, ఐపీఎస్ అధికారులతో సమావేశం అయ్యి రాష్ట్రము లో శాంతి భద్రతల గురించి తెలుసుకుంది. రాష్ట్ర అసెంబ్లీ లో మూడు గంటల పాటు నిర్వహించే మాస్ అసెంబ్లీ సభలలో కూడా పాల్గొంది. ఈ సమయం లో ప్రస్తుతం ముఖ్యమంత్రి త్రివేంద్ర సింగ్ రావంత్ ఆమెకు సలహాలను, సూచనలను అందించారు.

సృష్టి గోస్వామి హరిద్వార్ లో దౌలత్ పూర్ కు చెందిన అమ్మాయి. ఆమె ప్రస్తుతం అగ్రికల్చరల్ బిఎస్సి చదువుతోంది. ఆమె తండ్రి ప్రవీణ్ గోస్వామి. కుటుంబ పోషణార్ధం ఆయన కిరానా షాపు నిర్వహిస్తున్నారు. ఆమె తల్లి సుధా గోస్వామి. ఆమె కూడా అంగన్ వాడి వర్కర్ గా పని చేస్తున్నారు. సృష్టి సామాజిక కార్యకలాపాల పట్ల చాలా ఆసక్తి గా ఉంటారు.

ఆమె 2018 లోనే బాలల అసెంబ్లీ కి ప్రాతినిధ్యం వహించింది. ఒక్కరోజు సీఎం గా అవకాశం రావడంతో ఆమె ఆనందానికి హద్దు లేదు. ఆ అవకాశం ఇచ్చిన త్రివేంద్ర సింగ్ కు ధన్యవాదాలు కూడా చెప్పుకుంది.

ప్రేమ విషయం లో ఒక్కొక్కళ్ళు ఒక్కో నిర్వచనం చెబుతుంటారు. కానీ అర్ధం చేసుకోవడం తో పాటు మెచూరిటీ తో ఆలోచిస్తూ మసలుకుంటేనే ఏ ప్రేమ జీవితం అయిన నిలుస్తుంది. క్షణికావేశం లో తీసుకున్న నిర్ణయాలు ఎక్కువ సార్లు నష్టాన్నే కలిగిస్తాయి. అలాంటి నష్టం ఖరీదు రెండు నిండు ప్రాణాలు. ఒకరి కోసం ఒకరు అనాలోచితం గా ప్రాణాలు తీసుకున్నారు.

source: news18

గోవిందు పల్లి కి చెందిన మనీషా, రాకేష్ లు ఒకరినొకరు ప్రేమించుకున్నారు. అయితే, ఎక్కువ డబ్బులు సంపాదిస్తే.. వారి వివాహానికి ఇంట్లో పెద్దలు అభ్యంతరం చెప్పకుండా ఉంటారు అని భావించి రాకేష్ తన ప్రయత్నాలు ప్రారంభించాడు. దుబాయ్ కి వెళ్తే.. తక్కువ టైం లో ఎక్కువ డబ్బులు సంపాదించుకోవచ్చని అతని సన్నిహితులు చెప్పడం తో.. అతను దుబాయ్ కి వెళ్ళాడు. అక్కడకి వెళ్లిన తరువాత కూడా వీరిద్దరూ ఒకరినొకరు మర్చిపోలేదు. రాకేష్ రోజు మనీషా తో ఫోన్ మాట్లాడేవాడు. కానీ.. వీరి కథ సుఖంతమవ్వలేదు.

ఇంతలో మనీషా తల్లి తండ్రులు ఆమె కు మరో సంబంధం చూడడం తో ఆమె బాధ భరించలేకపోయింది. తాను మరొకరిని ప్రేమించినట్లు తల్లితండ్రులకు చెప్పలేక, తన ప్రియుడిని మోసం చేసి మరోవ్యక్తిని పెళ్ళాడలేక నలిగిపోయింది. క్షణికావేశం లో ఆత్మహత్యకు పాల్పడింది. ఈ విషయం దుబాయ్ లోని రాకేష్ కు కూడా తెలియడం తో తీవ్ర దిగ్బ్రాంతి చెందాడు. అతను కూడా ఆత్మహత్య కు పాల్పడ్డాడు. ఆత్మహత్య కు పాల్పడే ముందు ఓ సెల్ఫీ వీడియో ను తీసుకున్నాడు..

“నా కోసమే తాను ఆత్మహత్య చేసుకుని చనిపోయిందని.. తాను లేని ఈ లోకం లో నేను కూడా బతకలేనని.. తాను కూడా ఈ లోకం వీడిపోతున్నట్లు చెబుతూ ఓ సెల్ఫీ వీడియో ను తీసుకుని తన తల్లికి పంపాడు. క్షణికావేశం లో వారు తీసుకున్న నిర్ణయం ఇరు కుటుంబాలను క్షోభ పెట్టింది. వారు మనసులోనే మధనపడడం మాని, విషయం తల్లి తండ్రులకు చెప్పి ఉంటె పరిస్థితి మరోలా ఉండేదని ఇరు కుటుంబాలకు తెలిసిన వారు అభిప్రాయపడుతున్నారు. ఏదైనా విషయం మనలని కలవరపెడుతున్నపుడు మనం దానిని తలుచుకుని కుమిలిపోవడం కంటే.. ఎదుటివారితో చర్చించడమే మేలు.