News Page 216
Category:

News

NewsViral

వైరల్ వీడియో: కేక్ కోసం కొట్టుకున్నారు…మాస్క్ ఉందని మరిచిపోయి తినడానికి ఆరాటపడ్డ “పాక్” మంత్రి.!

by Mohana Priya
written by Mohana Priya

కరోనా వ్యాప్తి కొంచెం తగ్గడంతో ప్రజలు బయటకు వస్తున్నారు. మళ్లీ పనులు ఎప్పటిలాగానే మొదలవుతున్నాయి. ప్రతి చోట జనాలు ఎక్కువగానే ఉంటున్నారు. కానీ ఏదేమైనా ఇంకా పూర్తిగా తగ్గలేదు కాబట్టి సామాజిక దూరాన్ని పాటిస్తున్నారు. వీలైనంత వరకు అవసరమైతే తప్ప పెద్దగా బయటికి వెళ్ళని వాళ్లు కూడా ఉంటున్నారు.

fighting for cake in Pakistan

కానీ కొన్ని చోట్ల మాత్రం అసలు కరోనా అనేది ఒకటి ఉంది అనే విషయం మర్చిపోతున్నారు. వివరాల్లోకి వెళితే. ఇటీవల పాకిస్తాన్ లో ముల్తాన్ రోడ్ ప్రారంభించబడింది. పాకిస్తాన్ ఫారిన్ మినిస్టర్ షా మహ్మద్ ఖురేషీ ఈ రోడ్ ని ప్రారంభించారు.

fighting for cake in Pakistan

ఈ ఈవెంట్ కి చాలా మంది హాజరయ్యారు. ఈ సందర్భంగా కేక్ కట్ చేశారు. అక్కడ ఉన్న ప్రజలందరూ కేక్ తీసుకోవడానికి గుంపుగా వచ్చారు. సామాజిక దూరం మర్చిపోయారు. అంతే కాకుండా అక్కడ చాలా మందికి మాస్కులు కూడా లేవు.

fighting for cake in Pakistan

మహమ్మద్ ఖురేషి కూడా కేక్ తిందాం అనుకొని అంతలోపే తాను మాస్క్ ధరించాను అని గుర్తుకి వచ్చి వెళ్ళిపోయారు. అక్కడ జరిగిన ఈ సంఘటనని నైలా ఇనాయత్ అనే ఒక ప్రముఖ జర్నలిస్టు సోషల్ మీడియాలో పోస్ట్ చేశారు. ప్రస్తుతం ఈ సంఘటన కి సంబంధించిన వీడియో సోషల్ మీడియాలో వైరల్ అవుతోంది.

watch video :

News

గుడ్ న్యూస్.. ఇక పై వారానికి మూడు రోజుల సెలవు.. నాలుగు రోజులే ఆఫీస్..!

by Anudeep
written by Anudeep

భారత్ లో ప్రభుత్వం కొత్త కార్మిక చట్టాలను తీసుకురాబోతోంది. ఈ చట్టాల ప్రకారం దేశం లో మూడు రోజుల వారాంతపు సెలవు అమలు లోకి వచ్చే అవకాశం ఉందని తెలుస్తోంది. ఇటీవల సోమవారం ప్రవేశ పెట్టబడిన బడ్జెట్ లో ఈ విషయమై కార్మిక మంత్రిత్వ శాఖ కీలక వ్యాఖ్యలు చేస్తోంది. దేశం లో నాలుగు రోజుల పని, మూడు రోజుల వారాంతపు సెలవులను తీసుకొచ్చే అంశాన్ని పరిశీలిస్తోందని తెలిపారు.

labour chattam

కంపెనీ మరియు ఉద్యోగులు పరస్పర అంగీకారం తోనే ఈ నియమాలు అమలు చేసుకోవచ్చని తెలిపారు. ఈ నియమాల ప్రకారం పని గంటలను 12 గంటలకు పెంచనున్నారు. వారానికి గరిష్టం గా 48 గంటలు పని చేయాల్సి ఉంటుంది. రోజుకు 12 గంటల చొప్పున వారానికి నాలుగు రోజులు పని చేస్తే.. మూడు రోజుల వారాంతపు సెలవు లభిస్తుంది. ఇది ఉద్యోగి, కంపెనీ పరస్పర అంగీకారం పైనే అమలు చేసుకోవచ్చు. అలాగే, ఈపీఎఫ్ఓ కి సంబంధించి కూడా బడ్జెట్ లో పన్ను విధించే అంశాన్ని ప్రస్తావించారు. రూ.2.5 లక్షల కంటే ఎక్కువ మొత్తం లో పెట్టుబడి పెట్టడానికి ఉద్యోగి కంట్రిబ్యూషన్ పై మాత్రమే పన్ను విధించనున్నారు. కంపెనీ ఇచ్చే కంట్రిబ్యూషన్ పై ఎలాంటి భారం ఇకపై ఉండదు.

NewsViral

రెండు జింకలను కొత్త కారుతో ఢీ కొట్టానని బాధపడుతున్నాడు…కానీ మరుసటిరోజు కోటీశ్వరుడు అయ్యాడు.! ఎలాగో తెలుసా.?

by Anudeep
written by Anudeep

కొందరు జాతకాల్లో ఇలా జరగాలి అని ముందే రాసిపెట్టి ఉంటుందో ఏమో.. అదృష్టం తన్నుకుంటూ వచ్చేస్తుంది. ఎవరికీ ఏ విధం గా అదృష్టం తగులుతుందో చెప్పడం చాలా కష్టం. కొంతమందికి కొన్ని సెంటిమెంట్లు కలిసి వస్తే అదృష్టవంతులు అయిపోతారు. అలంటి స్టోరీ నే ఇది కూడా. రాత్రికి రాత్రి ఓ వ్యక్తి ఎలా కోటీశ్వరుడు అయిపోయాడో చూడండి..

deers

ఆంటోనీ డోవ్ అనే వ్యక్తి నార్త్ కరోలినా లో నివసిస్తున్నాడు.ఓ రోజు అతను కొత్త కారుని కొనుక్కుని ఇంటికి తీసుకుని వస్తున్నాడు. అదే సమయం లో రోడ్డుకి అడ్డం గా జింకలు వచ్చాయి. హై వే రోడ్డు కావడం తో అతను కారుని చాలా వేగం గా నడపుతుండడం తో బ్రేక్స్ తో కారుని అదుపు చేయలేకపోయాడు. జింకలను ఢీకొట్టేసాడు. అటు జింకకి బాగా గాయాలు అయ్యాయి.. ఇటు కొత్త కారు కూడా బాగా డామేజీ అయింది. ఆరోజు అతనికి చాలా విచారం వేసింది. కానీ తెల్లారితే అతను శుభవార్త వినబోతున్నాడని అతనికి తెలియదు.

deer on road way

ఆ మరుసటి రోజు ఉదయం అతను కొన్న లాటరీ టికెట్ కి ప్రైజ్ మనీ వచ్చిందని తెలిసింది. దాదాపు వన్ మిలియన్ డాలర్ల ప్రైజ్ మనీ అతనికి లభించింది. ఆ ఆనందం లో అక్కడే అతను మరొక టికెట్ ను కొనుగోలు చేసాడు. దానికి కూడా ప్రైజ్ మనీ లభించింది. మొత్తం రెండు మిలియన్ డాలర్ల ప్రైజ్ మనీ అతన్ని వరించింది. అందులో పన్నులు పోగా.. దాదాపు 10.2 కోట్ల రూపాయలు అతనికి లభించాయి. ఈ డబ్బు తో డోవ్ తన కారు కి రిపేర్ పనులు, తన తల్లి తండ్రుల ఇంటికి రిపేర్ పనులు చేయిస్తానని ఆనందం గా తెలిపాడు.

NewsViral

లంచం తీసుకుంది…నన్ను పట్టుకోండి చూద్దాం అంటూ సీసీ కెమెరాకు హాయ్ చెప్పి నవ్వింది…చివరికి?

by Mohana Priya
written by Mohana Priya

శ్రీకాకుళం కర్మాగారాల తనిఖీ కార్యాలయంలో ఇటీవల జరిగిన ఒక ఘటన చర్చలకు దారి తీసింది. టీవీ 9 కథనం ప్రకారం, సీనియర్ అసిస్టెంట్ అయిన
బి. కుసుమ కుమారి గత 18 సంవత్సరాల నుండి ఉద్యోగం చేస్తున్నారు. కుసుమ కుమారి బాధ్యతారాహిత్యంగా పని చేస్తున్నారు అని కంప్లైంట్ లు ఉన్నాయి.

officer caught taking bribe

ఆ కారణంగా కార్యాలయంలో అధికారులు సీసీ కెమెరాలు పెట్టించారు. ఇటీవల సర్టిఫికెట్ కోసం వచ్చిన ఒక వ్యాపారి దగ్గర లంచం తీసుకున్నారు కుసుమ కుమారి. కుసుమ కుమారి డబ్బులు తీసుకొని నవ్వుతూ ఆ డబ్బులని కెమెరా వైపు చూపిస్తున్న వీడియో ఒకటి బయటికి వచ్చింది.

officer caught taking bribe

అవతల వ్యక్తి మాస్క్ కట్టుకొని ఉండడంతో మొఖం కనిపించలేదు. దీంతో కర్మాగారాల శాఖ డైరెక్టర్ చంద్ర శేఖర్ శర్మ, కుసుమ కుమారిని సస్పెండ్ చేస్తూ నిర్ణయం తీసుకున్నారు. ప్రస్తుతం ఈ వీడియో సోషల్ మీడియాలో వైరల్ అవుతోంది.

watch video :

https://youtu.be/ngQA_8_lQDo

BiographyHuman angleNews

అనాథ శవాన్ని మోస్తున్న మహిళా ఎస్సై అంటూ వైరల్ అవుతున్న ఫోటో వెనక ఒక పోరాటమే ఉంది.!

by Mohana Priya
written by Mohana Priya

కొద్ది రోజుల క్రితం ఒక ఫోటో సోషల్ మీడియాలో వైరల్ అయింది. పోలీస్ యూనిఫాం ధరించిన ఒక మహిళ ఒక అనాధ శవాన్ని మోస్తూ కిలోమీటర్ నడిచారు అనేది ఆ ఫోటో యొక్క సారాంశం. ఈ ఫోటోని చూసిన నెటిజన్లు, అలాగే ప్రముఖులు అందరూ ఆ మహిళని ప్రశంసించారు. ఆవిడ పేరు శిరీష.

story of sub inspector sirisha

శిరీష శ్రీకాకుళం జిల్లా కాశీబుగ్గ సబ్ ఇన్స్పెక్టర్ గా చేస్తున్నారు. సమయం కథనం ప్రకారం శిరీష తండ్రి కొత్తూరు అప్పారావు తాపీ మేస్త్రిగా చేసేవారు. తల్లి రమణమ్మ రోజువారీ ఉద్యోగిగా చేసేవారు. ఆర్థిక పరిస్థితుల కారణంగా శిరీషకి 13 సంవత్సరాలకి పెళ్లి చేశారు. అవగాహన లేని వయసులో పెళ్లి చేసుకున్న శిరీష ఎలాగోలా అత్తవారింటి నుండి బయటపడి తిరిగి తన తల్లిదండ్రుల వద్ద ఉంటూనే చదువుకోవడం ప్రారంభించారు.

story of sub inspector sirisha

శిరీష తండ్రి అప్పారావు గారికి పోలీస్ అంటే చాలా ఇష్టమట. కర్తవ్యం సినిమాలో విజయశాంతిలా శిరీషని చూడాలని అనుకునేవారట. ఫీజు రీయింబర్స్మెంట్ తో ఎం ఫార్మసీ పూర్తి చేసిన శిరీషకి 2014 లో ఎక్సైజ్ కానిస్టేబుల్ గా ఉద్యోగం వచ్చింది. 2014 లో శిరీష ఎక్సైజ్ కానిస్టేబుల్ గా ఉన్న సమయంలో ఒక ఎస్పి “ఆఫ్ట్రాల్ కానిస్టేబుల్” అని అన్నారట.

story of sub inspector sirisha

దాంతో శిరీష 8 నెలల పాటు కానిస్టేబుల్ ఉద్యోగానికి సెలవు పెట్టి తాను సంపాదించిన 1.50 లక్షలతో అనంతపురంలోని ఓ ప్రైవేటు ఇన్‌స్టిట్యూట్‌ లో చేరి శిక్షణ తీసుకొని 2019లో ఎస్ఐగా ఎంపికయ్యారు. శిరీషని ఆఫ్ట్రాల్ అన్న ఎస్పి విశాఖపట్నంలో జిల్లా పరిషత్ లో తనకి సన్మానం చేశారు. శిరీషకి గ్రూప్ వన్ సాధించి డిఎస్పి కావాలి అనేది లక్ష్యం. అందుకోసం శిరీష ప్రయత్నాలు చేస్తున్నారు.

story of sub inspector sirisha

శిరీష చేసిన పనికి హోం మంత్రి సుచరిత, ఎంపీ విజయసాయి రెడ్డి, తెలంగాణ పోలీసులు, తెలంగాణ బీజేపీ చీఫ్‌ బండి సంజయ్ ప్రశంసించడం తోపాటు, మంత్రి సీదిరి అప్పలరాజు సన్మానించారు. ఇవన్నీ తాను జీవితంలో మర్చిపోలేను అని శిరీష అన్నారు. అంతేకాకుండా ఇంక ముందు కూడా తన తండ్రి చూపిన సేవా మార్గం లోనే వెళ్తాను అని అన్నారు.

watch video :

https://youtu.be/ZJTjCTY0qSA

 

News

బడ్జెట్ 2021 తర్వాత ఏ వస్తువుల ధరలు పెరుగుతాయి.? ఏ వస్తువుల ధరలు తగ్గుతాయి.?

by Mohana Priya
written by Mohana Priya

ప్రస్తుతం ఎక్కడ చూసినా నడుస్తున్న ఒకే ఒక్క టాపిక్ బడ్జెట్. బడ్జెట్ సమావేశాలు జరుగుతున్న కారణంగా భారతదేశ ప్రజల ఆలోచనలు మొత్తం బడ్జెట్ మీదే ఉన్నాయి. బడ్జెట్ తర్వాత ధర ఎలా ఉండబోతోంది అనే విషయంపై ప్రజలు అందరూ ఆసక్తిగా ఎదురు చూస్తున్నారు.

budget word origin

2021 సంవత్సరం బడ్జెట్ సమావేశాల్లో మౌలిక సదుపాయాలు అభివృద్ధి చేయడంపై, ఉద్యోగ అవకాశాలు కల్పించడంపై ప్రభుత్వం ఎక్కువగా దృష్టి పెట్టింది. ఆదాయ పన్ను శ్లాబ్ లో ఏ మార్పు చేయలేదు. పెట్రోల్ పై 2.50 రూపాయలు, డీజిల్ పై నాలుగు రూపాయల అగ్రి ఇన్ఫ్రా సెస్ విధించడంతో, పెట్రోల్, డీజిల్ ధరలు పెరిగే అవకాశం ఉంది. అసలు బడ్జెట్ ప్రకటించిన తర్వాత ఏ ధరలు పెరుగుతాయో, ఏ ధరలు తగ్గుతాయో ఇప్పుడు చూద్దాం.

budget word origin

ధరలు పెరిగేవి

# పవర్ బ్యాంక్స్

# జెమ్ స్టోన్స్

# లెదర్ వస్తువులు

# టన్నల్ బోరింగ్ మిషన్స్

# ఛార్జర్స్

# ముడి పట్టు దిగుమతి

# మొబైల్ ఫోన్స్

ధరలు తగ్గేవి

# వ్యవసాయ సామగ్రి

# కాపర్ వస్తువులు

# స్టీల్

# బీమా

# నైలాన్ దుస్తులు

# బూట్లు

# ఐరన్

ఇంక బడ్జెట్ సమావేశాల విషయానికొస్తే, మూడో రోజు కూడా బడ్జెట్ సమావేశాలు జరుగనున్నాయి. ఇందులో ముఖ్యంగా రైతు సమస్యలపై ప్రస్తుతం జరుగుతున్న పోరాటాల గురించి చర్చిస్తారు అనే వార్తలు వినిపిస్తున్నాయి.

Filmy AddaNews

మార్చి 19న శశి

by Mohana Priya
written by Mohana Priya

ఆది సాయి కుమార్  హీరోగా నటించిన చిత్రం శశి. ఈ సినిమాకి శ్రీనివాస్ నాయుడు నడికట్ల దర్శకత్వం వహించగా, శ్రీ హనుమాన్ మూవీ మేకర్స్ బ్యానర్ పై ఆర్పీ వర్మ, రామాంజనేయులు, చింతలపూడి శ్రీనివాస్ శశి సినిమాని నిర్మించారు. ఎక్స్ప్రెస్ రాజా, నాని జెంటిల్ మన్ సినిమాలలో హీరోయిన్ గా నటించిన సురభి ఈ సినిమాలో హీరోయిన్ గా నటించారు.

sashi movie release date

శశి సినిమాకి అరుణ్ చిలువేరు పాటలని సమకూర్చారు. ఇటీవల విడుదలైన టీజర్, అలాగే ఒకే ఒక లోకం నువ్వే అనే పాట ప్రేక్షకాదరణ పొందాయి. శశి సినిమా మార్చ్ 19 వ తేదీన థియేటర్లలోకి రాబోతున్నట్టు సినిమా బృందం అధికారికంగా ప్రకటించింది.

Filmy AddaNews

ప్రధానమంత్రికి యష్ అభిమానుల లేఖ

by Mohana Priya
written by Mohana Priya

2019 లో విడుదలై సంచలనం సృష్టించిన సినిమా కేజిఎఫ్. కన్నడలో రూపొందిన ఈ సినిమా పాన్ ఇండియా సినిమాగా విడుదలయ్యి కేవలం కన్నడ భాషలో మాత్రమే కాకుండా ఇతర భాషల్లో కూడా రికార్డు స్థాయిలో విజయం సాధించింది. రెండున్నర సంవత్సరాల తర్వాత ఇప్పుడు కేజిఎఫ్ 2 ప్రేక్షకుల ముందుకు రాబోతోంది.

yash fans letter to prime minister

ఈ సినిమాకి సంబంధించి యష్ పుట్టిన రోజు సందర్భంగా ఇటీవల విడుదల చేసిన టీజర్ యూట్యూబ్ లో కొత్త రికార్డులు సృష్టించడం మాత్రమే కాకుండా, ప్రేక్షకుల్లో కూడా ఆసక్తి ఇంకా రెట్టింపు అయ్యేలా చేసింది. అయితే, కేజిఎఫ్ 2 జూలై 16 వ తేదీన విడుదల కానున్నట్లు చిత్రబృందం అధికారికంగా ప్రకటించింది.

yash fans letter to prime minister

తమ అభిమాన హీరో సినిమా విడుదల అవుతున్నందుకు యష్ అభిమానులు ప్రధానమంత్రి నరేంద్ర మోడీ గారికి కేజిఎఫ్ 2 విడుదలయ్యే రోజుని నేషనల్ హాలిడే గా ప్రకటించాలని కోరుతూ ఒక లేఖ రాశారు. ప్రస్తుతం ఈ విషయం సోషల్ మీడియాలో వైరల్ అవుతోంది.

Filmy AddaNews

నాలుగు భాషల్లో విశాల్ “చక్ర”

by Mohana Priya
written by Mohana Priya

విశాల్ హీరోగా నటించిన సినిమా చక్ర. ఈ సినిమాకి ఎం. ఎస్. ఆనందన్ దర్శకత్వం వహించారు. శ్రద్ధ శ్రీనాథ్ హీరోయిన్ గా నటించగా, రెజీనా కసాండ్రా ఒక ముఖ్య పాత్రలో నటించారు. విశాల్ ఫిలిం ఫ్యాక్టరీ బ్యానర్ పై ఈ సినిమాని విశాల్ నిర్మిస్తున్నారు. యువన్ శంకర్ రాజా సంగీత దర్శకత్వం వహించారు.

vishal chakra to release in four languages

చక్ర, విశాల్ – యువన్ శంకర్ రాజా కాంబినేషన్ లో వస్తున్న 10వ సినిమా. ఈ సినిమాని తెలుగు, తమిళ, కన్నడ, మలయాళ భాషల్లో విడుదల చేయనున్నట్లు చిత్ర బృందం అధికారికంగా తెలిపింది. డిజిటల్ క్రైమ్స్ నేపథ్యంలో రూపొందిన చక్ర సినిమా ఫిబ్రవరి 19 వ తేదీన థియేటర్లలోకి రానుంది.

News

హైదరాబాద్ మెట్రోలో గుండె తరలింపు

by Mohana Priya
written by Mohana Priya

హైదరాబాద్ మెట్రో ట్రైన్ లో మొట్ట మొదటి సారిగా ఒక గుండెని తరలించారు. నల్గొండ జిల్లాకు చెందిన ఒక రైతు కి బ్రెయిన్ డెడ్ అయ్యింది. దాంతో ఆ వ్యక్తి యొక్క కుటుంబ సభ్యులు గుండె దానం చేయడానికి ముందుకు వచ్చారు. నాగోల్ లోని కామినేని ఆస్పత్రి నుండి జూబ్లీహిల్స్ లోని అపోలో ఆస్పత్రికి గుండెని తీసుకెళ్లారు.

heart transport in hyderabad metro train

అపోలో హాస్పిటల్ నుండి వచ్చిన బృందం 4:40 కి మెట్రో ట్రైన్ లో ప్రయాణం ప్రారంభించింది. 16 స్టేషన్ లని కేవలం 30 నిమిషాల వ్యవధిలో దాటింది. ట్రైన్ దాదాపు 21 కిలోమీటర్లు ప్రయాణించింది. హైదరాబాద్ మెట్రో రైల్ లిమిటెడ్ మేనేజింగ్ డైరెక్టర్ ఎన్. వి. ఎస్ రెడ్డి మాట్లాడుతూ “ఇలా ఒక ప్రాణం కాపాడటం కోసం ట్రైన్ వెళ్లడం ఇదే మొదటిసారి” అని అన్నారు.

Newer Posts
Older Posts