News

కుమారి ఆంటీ పేరు ఇటీవల కాలంలో ఎంత పాపులర్ అయ్యిందో తెలిసిందే. హైదరాబాద్‌లో కేబుల్‌ బ్రిడ్జి ప్రాంతంలో  ఫుడ్‌ బిజినెస్ చేస్తున్న కుమారి ఆంటీ ఫేమస్ అయింది. ఎంతగా అంటే ఆమె బిజినెస్ ని ట్రాఫిక్ సమస్య వల్ల పోలీసులు క్లోజ్ చేయిస్తే, ఏకంగా ముఖ్యమంత్రి వరకు వెళ్ళింది. ఆయన ఆదేశంతో మళ్ళీ ఆమె షాప్ తెరుచుకున్న సంగతి తెలిసిందే.

ఆమె తరువాత ఆ ప్రాంతంలో స్ట్రీట్ ఫుడ్ బిజినెస్ తో ఫేమస్ అయిన ఆంటీ పేరు అనురాధ. హైదరాబాద్ లోని ఐటీసీ కోహెనూర్ హోటల్‌ మరియు  ఇనార్బిట్ మాల్ దగ్గరలో అనురాధ ఆంటీ ఫుడ్ బిజినెస్ సెంటర్ ఉంటుంది. ఆ వివరాలు ఇప్పుడు చూద్దాం..
ఫుడ్ కు ఫేమస్ అయిన హైదరాబాద్ లో ఇటీవల కాలంలో స్ట్రీట్ ఫుడ్‌ బిజినెస్ లు బాగా పెరిగిపోయాయి. ఆ ఫుడ్ కి రోజు రోజుకి అభిమానులు పెరిగిపోటున్నారు. రోడ్డు పక్కన మంచి రుచికరమైన ఫుడ్ దొరకడం, అది కూడా చాలా తక్కువ ధరకు లభిస్తుండడంతో వాటి దగ్గరకి జనాలు క్యూ కడుతున్నారు. ఇందుకు ఉదాహరణగా కుమారి ఆంటీ పేరు చెప్పుకోవచ్చు. ఆమె ఫుడ్ బిజినెస్ తో చాలా ఫేమస్ అయ్యింది. ప్రస్తుతం ఏక్కడ చూసిన ఆమె గురించిన వార్తలే కనిపిస్తున్నాయి. అయితే అదే ప్రాంతంలో అనురాధ ఆంటీ ఫుడ్ బిజినెస్ చేస్తున్నారు.
ఆమె స్టాల్ లో టేస్టీ దాల్ రైస్, గోబీ రైస్, గోంగూర రైస్, జీరా రైస్, టమాటా రైస్, పెరుగన్నం అందుబాటులో ఉన్నాయి. ఇక నాన్ వెజ్ లో మటన్, చికెన్, లివర్, ఫిష్, తలకాయ, ఫ్రాన్స్ వంటి కర్రీస్ ఉంటాయి. వెజ్ ప్లేట్‌కు 80 రూపాయలు కాగా,  రైస్ అన్‌లిమిటెడ్ గా ఉంది. చికెన్ కర్రీ రూ.120 (అన్‌లిమిటెడ్ వైట్ రైస్/ బగారా రైస్ ),చికెన్ ఫ్రై రూ.150 (అన్‌లిమిటెడ్ వైట్ రైస్/ బగారా రైస్), మటన్ కర్రీ –రూ.200 (అన్‌లిమిటెడ్ వైట్ రైస్/ బగారా రైస్), లివర్‌ కర్రీతో రైస్ 150 రూపాయలు, ప్రాన్స్ కర్రీతో రైస్ 150 రూపాయలు, ఫిష్ కర్రీతో రైస్ 150 రూపాయలు,కాగా నాన్ వెజ్ ఐటమ్స్‌ అన్నింటితో కలిపి తీసుకుంటే 450 రూపాయలు.
ఆమె వద్ద రోజుకు మూడు వందల మంది దాకా ఫుడ్ తింటారు. ఆ లెక్కన ఒక్కోక్కరికి యావరేజ్ గా రూ. 100 చొప్పున రోజుకు 30000 వస్తుంది. ఖర్చులన్ని పోగా 10 వేల రూపాయల వరకు మిగిలే ఛాన్స్ ఉంది. ఈ విధంగా చూస్తే నెలకు మూడు లక్షల దాకా ఆమెకు లాభం వచ్చే అవకాశం ఉంటుందని అంటున్నారు. తక్కువ ధరకు వందల మందికి  ఆహారం అందిస్తున్న ఇలాంటి మహిళలను అందరు మెచ్చుకుంటున్నారు.

Also Read: సాయి కుమారి ఫుడ్ స్టాల్ సంఘటనలో 2 వాదనలు..? మీరు ఎటు వైపు సమర్ధిస్తారు..?

భారతదేశం సర్వ మతాలకి నిలయం. హిందువులు, క్రిస్టియన్లు, ముస్లింలు కలిసికట్టుగా జీవిస్తూ ఉంటారు. అయితే ఎవరి మతాన్ని వారు గౌరవించుకుంటూ ఉంటారు. కొందరు మతాలకు అతీతంగా దేవుని పూజిస్తూ ఉంటారు. తాజాగా అయోధ్య రామ మందిరానికి ముస్లిం భక్తులు రావడం ఇందుకు నిదర్శనం.

తాజాగా హిందూ ఆలయాల్లోకి అన్య మతస్తుల ప్రవేశం పైన మద్రాస్ కోర్టు సంచలన తీర్పు వెల్లడించింది. అసలు విషయంలోకి…అరుల్మిగు పళని దండాయుతపాణి స్వామి ఆలయం, దాని ఉప ఆలయాల్లోకి హిందువులను మాత్రమే అనుమతించేలా ప్రతివాదులకు ఆదేశాలు ఇవ్వాలని కోరుతూ డి సెంథిల్‌కుమార్ అనే వ్యక్తి పిటిషన్‌ దాఖలు చేశారు.

ఈ పిటిషన్‌ పైన విచారణ చేపట్టిన మధురై బెంచ్ అన్యమతస్థుల ప్రవేశంపై ఆలయ ప్రవేశ ద్వారం, ధ్వజస్తంభం దగ్గర, మందిరంలోని ప్రముఖ ప్రదేశాల్లో ‘హిందూయేతరులను అనుమతించరు’ అనే బోర్డులను ఏర్పాటు చేయాలని ఆదేశించింది. ఈ పిటిషన్‌లో ప్రతివాదులుగా తమిళనాడు ప్రభుత్వం తరఫున పర్యాటక, సాంస్కృతిక, దేవాదాయ శాఖ ప్రిన్సిపల్ సెక్రటరీ, కమిషనర్, పళని ఆలయ కార్యనిర్వాహక అధికారిని చేర్చింది.

హిందూ విశ్వాసాలు నమ్మని వారిని ఆలయాల్లోకి అనుమతించవద్దని కోర్టు సూచించింది.ఎవరైనా హిందుయేతరులు ఆలయంలోకి వస్తామని కోరితే దేవతపై విశ్వాసం, హిందూ మతం ఆచారాలు, సంప్రదాయాలను అనుసరిస్తానని…ఆలయ ఆచారాలకు కూడా కట్టుబడి ఉంటాననే హామీని వారి నుండి పొందాలి. అటువంటి హామీతో హిందుయేతరులను ఆలయాన్ని సందర్శించడానికి అనుమతించవచ్చు అని కోర్టు తీర్పు చెప్పింది.అలాగే అటువంటి వ్యక్తులను అనుమతించే సమయంలో ఆలయ రిజిస్టర్‌లో పేరు నమోదు చేయాలని స్పష్టం చేసింది.

అయితే ఈ పిటిషన్ పళని దేవాలయానికి మాత్రమే దాఖలు చేయడంతో కోర్టు ఉత్తర్వులు దానికి మాత్రమే పరిమితం కావచ్చని ప్రతివాదులు చేసిన వాదనను తోసిపుచ్చింది. లేవనెత్తిన అంశం పెద్ద సమస్య.ఇది అన్ని హిందూ దేవాలయాలకు వర్తించాలి,కాబట్టి ప్రతివాదుల అభ్యర్థన తిరస్కరించాం…ఈ ఆంక్షలు వివిధ మతాల మధ్య మత సామరస్యాన్ని,సమాజంలో శాంతిని నెలకొల్పుతాయి అని కోర్టు తెలిపింది. అందువల్ల రాష్ట్ర ప్రభుత్వం, హెచ్‌ఆర్‌ అండ్‌ సీఈ విభాగం, ఆలయ నిర్వహణలో పాలుపంచుకున్న వ్యక్తులందరూ అన్ని హిందూ దేవాలయాలకు ఈ ఆదేశాలను పాటించాలని స్పష్టం చేసింది.

స్ట్రీట్ ఫుడ్ ఆంటీ, అలియాస్ సాయి కుమారి స్టాల్ ని తీసేయమంటూ పోలీసులు ఆదేశాలు ఇవ్వడం, ఇవాళ రేవంత్ రెడ్డి స్టాల్ పెట్టుకోవడానికి అనుమతి ఇవ్వడం తెలిసిందే. నిన్నటి నుండి ఈ సంఘటన గురించి హైదరాబాద్ అంతా మాట్లాడుకుంది.

పబ్లిసిటీ వల్ల ఇలా అయ్యింది అని, తనని పబ్లిసిటీ చేయొద్దు అని సాయి కుమారి అడిగారు. ఇటీవల ఊరి పేరు భైరవకోన సినిమా ప్రమోషన్స్ కోసం ఈ ఫుడ్ స్టాల్ కి వెళ్లిన సందీప్ కిషన్ కూడా సాయి కుమారికి మద్దతుగా సోషల్ మీడియాలో పోస్ట్ షేర్ చేశారు.

అయితే ఈ సంఘటన మీద రెండు వేరు వేరు వాదనలు వినిపిస్తున్నాయి. ఒకటి ఏంటంటే, “సాయి కుమారి చాలా కష్టపడి ఈ స్థాయికి వచ్చారు. దాదాపు పది సంవత్సరాలకి పైగా ఈ స్టాల్ ఉంది. అప్పటి నుండి వంట చేస్తూ, ఇప్పుడు ఇంత మంచి స్థాయికి వచ్చారు. నిన్న ఒక్కరోజు సరిగ్గా నడవకపోవడం వల్ల దాదాపు 50 వేల నష్టం వచ్చింది అంటే వాళ్ళు ఎంత కష్టపడతారో, వారి ఆహారానికి ఎంత మంది అభిమానులు ఉన్నారు అనే విషయం అర్థం అయిపోతుంది. కాబట్టి అలాంటి వ్యక్తిని ఇంకా ప్రోత్సహించాలి కానీ, ఇలాంటి పనులు చేయకూడదు.”

“ఆమె లాంటి వ్యాపారులకి ప్రోత్సాహం కొండంత బలాన్ని ఇస్తుంది. దాంతో వారు ఇంకా గొప్ప స్థాయికి ఎదగగలరు” అని అనే వాళ్ళు కొంత మంది ఉన్నారు. మరి కొంత మంది ఇంకొక రకమైన వాదనను వినిపిస్తున్నారు. అదేంటంటే, “ఈ స్టాల్ అనేది రోడ్ పక్కన ఉంది. భోజనం అనేది బాగుంటే జనాలు రావడం సహజమైన విషయం. ఒకసారి, రెండు సార్లు అంటే కంట్రోల్ చేయగలుగుతారు. కానీ ప్రతిసారి అంటే కంట్రోల్ చేయలేరు. అక్కడ ఎన్నో కంపెనీలు ఉన్నాయి.”

“ఎప్పుడు ట్రాఫిక్ ఉంటుంది. అలాంటప్పుడు, ఇలాంటి ఒక స్టాల్ అక్కడ ఉండడం వలన ట్రాఫిక్ జామ్ అయ్యే అవకాశాలు ఎక్కువగా ఉన్నాయి” అని అంటున్నారు. “ఆమె మరొక దగ్గర ఫుడ్ స్టాల్ పెట్టుకోవడం మంచి నిర్ణయం ఏమో” అని అంటున్నారు. అప్పుడు అటు వాళ్ళ స్టాల్ కూడా బాగా నడుస్తుంది. ఇటు ట్రాఫిక్ జామ్ కూడా ఎక్కువగా ఉండదు అని అంటున్నారు. మీరు ఎటు వైపు సమర్థిస్తారు? ఎవరి చెప్పిన మాట సరైనది అని మీరు అనుకుంటున్నారు?

ALSO READ : అయోధ్య రామ మందిరం మీద మరొకసారి ఈర్షని ప్రదర్శించిన పాకిస్తాన్..! ఈసారి ఏకంగా వారికే లెటర్… ఏం రాశారంటే..?

అయోధ్యలో రామ మందిరం నిర్మాణం మరియు శ్రీరాముని ప్రాణప్రతిష్ఠ నిర్వహించడం పై ప్రపంచ వ్యాప్తంగా ఇండియా పై అభినందనలు, ప్రశంసలు వెల్లువెత్తాయి. కానీ పాకిస్థాన్ ఎప్పటిలాగానే తన బుద్ధిని చూపించింది. రామ మందిరం నిర్మాణం పై విమర్శలు చేసింది.

సుప్రీం కోర్టు అయోధ్యలో రామమందిరంను నిర్మించాలని తీర్పు ఇచ్చినప్పటి నుండి  వ్యతిరేకతను పాకిస్థాన్  ఎప్పటికప్పుడు బయటపెడుతూనే ఉంది. రామ మందిరం ప్రాణప్రతిష్ఠ వేళ అయోధ్య పై ఐక్యరాజ్య సమితికి ఫిర్యాదు చేసింది. ఆ వివరాలు ఇప్పుడు చూద్దాం..
అయోధ్యలోని రామ మందిర ప్రతిష్ఠాపన మహోత్సవం ఎంతో దివ్యంగా, అంగరంగ వైభవంగా జరిగింది. అయోధ్యలో దశాబ్దాల తర్వాత బాబ్రీ మసీదు వివాదం ముగిసి, సుప్రీం కోర్టు తీర్పుతో రామ మందిర నిర్మాణం జరిగింది. 500 ఏళ్ల నుండి ఎదురు చూస్తున్న రామ మందిర ప్రారంభోత్సవంతో భక్తుల చిరకాల కోరిక నెరవేరింది. రామ మందిర ప్రతిష్ఠాపన మహోత్సవంలో ముస్లింలు కూడా పాల్గొనడం ఆమోదించలేని పాకిస్థాన్, రామ మందిరం పై ఫిర్యాదు చేస్తూ ఐక్యరాజ్యసమితికి అధికారికంగా లేఖ రాసింది.
భారతదేశానికి వ్యతిరేకంగా మాట్లాడటంలో ఎప్పుడూ అలసిపోని పాక్ నాయకులలో మునీర్ అక్రమ్ ఒకరు. పాకిస్తాన్ రాయబారి ఉన్న మునీర్ అక్రమ్ రామ మందిరం పై ఐక్యరాజ్యసమితికి లేఖ రాశారు. అందులో
“భారతదేశంలోని అయోధ్యలో కూల్చివేసిన బాబ్రీ మసీదు స్థలంలో రామమందిరాన్ని నిర్మించి, ప్రతిష్టించడాన్ని పాకిస్థాన్ తీవ్రంగా ఖండిస్తున్నట్లు పాక్ రాయబారి మునీర్ అక్రమ్ ఐక్యరాజ్యసమితికి పంపిన లేఖలో రాశారు.ఈ ధోరణి భారతీయ ముస్లింల సామాజిక, ఆర్థిక మరియు రాజకీయ శ్రేయస్సుతో పాటు ఈ ప్రాంతంలో సామరస్యం మరియు శాంతికి తీవ్రమైన ముప్పును కలిగిస్తుంది. భారతదేశంలోని ఇస్లామిక్ వారసత్వ ప్రదేశాల రక్షణ కోసం తక్షణమే జోక్యం చేసుకోవాల్సిన అవసరం ఉంది. బాబ్రీ మసీదు లాగే భారతదేశంలోని ఇతర మసీదులు కూడా ఇలాంటి పరిస్థితులను ఎదుర్కొంటున్నాయి. వారణాసిలోని జ్ఞాన్‌వాపి మసీదు, మథురలోని షాహీ ఈద్గా మసీదుతో సహా ఇతర మసీదులు ఎన్నో అవమానాలు మరియు విధ్వంసాన్ని ఎదుర్కొంటున్నాయని పాకిస్థాన్ లేఖలో వెల్లడించింది.

Also Read: “రాముడికి 1000 మంది మహిళలతో సంబంధం, అంతే కాదు.?”.. ఇంత అసభ్యంగా కామెంట్స్ చేసిన ఈమె ఎవరు.?

మద్యం మత్తులో ఏ విధంగా ప్రవర్తిస్తారో చెప్పాల్సిన అవసరం లేదు. మందు బాబులు బస్సుల్లో, డ్రంక్‌ అండ్‌ డ్రైవ్‌ టెస్టుల చేసే సమయాల్లో వారు చేసే రచ్చకు సంబంధించిన వార్తలు, వీడియోలు వైరల్ అవడం తెలిసిందే.  ఈ మధ్యకాలంలో మద్యం సేవించి పిచ్చిగా ప్రవర్తించే వ్యక్తులలో మహిళలు కూడా ఉంటున్నారు.

పోలీసులు డ్రంక్‌ అండ్‌ డ్రైవ్‌ టెస్టులు చేసే  సమయంలో మద్యం సేవించిన మహిళలు వారిని ఇబ్బంది పెట్టడం కూడా చూస్తూనే ఉన్నాము. తాజాగా ఒక ఆర్టీసీ బస్సులో మద్యం మత్తులో ఒక మహిళ  కండక్టర్‌ని బూతులు ఇట్టాడమే కాకుండా  అతని పై అటాక్ చేసింది. ఈ సంఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. ఈ సంఘటన పై టీఎస్‌ఆర్టీసీ ఎండి సజ్జనార్ కూడా స్పందించారు.
హయత్ నగర్ బస్ డిపో 1 బస్ కండక్టర్‌ ను ఒక యువతి మద్యం మత్తులో బూతులు తిడుతూ, అతని పై దాడి చేసిన  ఇన్సిడెంట్ ఆలస్యంగా బయటికి వచ్చింది. అయితే ఈ ఇన్సిడెంట్ ఎప్పుడు జరిగింది అనేది తెలియలేదు. నెట్టింట్లో వైరల్ అవుతున్న వీడియోలో కనిపిస్తున్న దాన్ని బట్టి, హయత్ నగర్ నుండి అఫ్టల్ గంజ్ మార్గంలో నడిచే 72 బస్ లో ఉదయాన్నే ఒక యువతి మద్యం సేవించి ఎక్కింది. 500 రూపాయల నోటు ఇచ్చి టికెట్‌ ఇవ్వమనడంతో కండక్టర్‌  ఇంత ఉదయం చిల్లర ఉండదని తెలిపాడు.
దాంతో ఆగ్రహించిన యువతి బస్ కండక్టర్‌ని నానా బూతులు తిట్టి, కొట్టడమే కాకుండా తోటీప్రయాణికులు చెబుతున్నా వినకుండా కండక్టర్‌ని కాలుతో తన్నడం, ఉమ్మడం జరిగింది. ఎంత చెబుతున్నా వినకుండా కండక్టర్‌పై దాడి చేసింది. ఆమె ప్రవర్తన భరించలేక చివరికి బస్సును పక్కకు ఆపడంతో ఆమె దిగిపోయింది.

అయితే దిగే ముందు కూడా బస్సులో ఉన్న మరో స్త్రీని సైతం బూతులు తిట్టింది. ఇదంతా ఆ బస్సులో ప్రయాణిస్తున్న ఓ వ్యక్తి  వీడియో తీసి, సోషల్ మీడియాలో షేర్ చేయడంతో వెలుగులోకి వచ్చింది. ఈ సంఘట పై ఎండి సజ్జనార్ కూడా ఆగ్రహం వ్యక్తం చేశారు.

బస్సు కండక్టర్ మీద దాడి చేసి కాలుతో తన్నిన మహిళ

హయత్ నగర్ బస్ డిపో 1కు చెందిన కండక్టర్ మీద ఓ మహిళ మద్యం మత్తులో నానా బూతులు తిడుతూ, దుర్భాష లాడుతూ, కొడుతూ, కాలుతో తన్ని దాడికి పాల్పడిన సంఘటన ఆలస్యంగా వెలుగులోకి వచ్చింది.

బస్సులో ఉన్న తోటి మహిళా ప్రయాణికులు ఎంత వారించినా సదరు… pic.twitter.com/SAZ2gPxSGY

— Telugu Scribe (@TeluguScribe) January 31, 2024

Also Read: అన్నా అని పిలుస్తాను… అతనితో నా పెళ్ళి ఏంటి? వ్యూస్ కోసం మా లైఫ్ తో ఆడుకోవద్దు.!

హైదరాబాద్ లో ఫుడ్ స్టాల్ తో ఫేమస్ అయ్యారు సాయి కుమారి. సోషల్ మీడియా ద్వారా ఫేమస్ అయ్యి, ఇప్పుడు సినిమా ప్రమోషన్స్ కోసం సెలబ్రిటీలు కూడా ఈమె ఫుడ్ స్టాల్ దగ్గరికి వెళ్లడం మొదలు పెట్టారు.

ఇటీవల సందీప్ కిషన్ హీరోగా నటించిన ఊరి పేరు భైరవకోన సినిమా ప్రమోషన్స్ కోసం సినిమా బృందం అంతా కలిసి సాయి కుమారి ఫుడ్ స్టాల్ దగ్గరికి వెళ్లి తిన్నారు. ఇప్పుడు ఎంతో మంది మీడియా వారు, యూట్యూబ్ ఛానల్స్ కూడా సాయి కుమారి ఇంటర్వ్యూలు తీసుకోవడం మొదలు పెట్టారు.

అయితే, నిన్న ఆమె ఫుడ్ స్టాల్ లో వచ్చే జనాల సంఖ్య ఎక్కువ అవ్వడంతో రోడ్ మీద ట్రాఫిక్ జామ్ అవుతోంది అనే కారణంగా ఫుడ్ స్టాల్ తీయాలి అని పోలీసులు చెప్పారు. అప్పటి నుండి ఎంతో మంది సాయి కుమారికి మద్దతుగా సోషల్ మీడియాలో పోస్ట్ లు షేర్ చేయడం మొదలు పెట్టారు. తన స్టాల్ కి వచ్చే జనసందోహాన్ని కంట్రోల్ చేసుకుంటూ హోటల్ నడపమని పోలీసులు సాయి కుమారిని ఆదేశించారు. కానీ రోడ్ మీదకి ఉండడంతో, అంతే కాకుండా వచ్చే జనాల సంఖ్య కూడా ఎక్కువగా ఉండడంతో ఫుడ్ స్టాల్ ఆపమని చెప్పారు.

అనుమతి తీసుకున్నాకే ఫుడ్ స్టాల్ తిరిగి ప్రారంభించమని అన్నారు. అయితే ఇవాళ తెలంగాణ ముఖ్యమంత్రి రేవంత్ రెడ్డి పోలీసులకి సాయికుమారి ఫుడ్ స్టాల్ అలాగే నడపడానికి ఆదేశాలు ఇచ్చారు. అంతే కాకుండా రేవంత్ రెడ్డి త్వరలోనే సాయి కుమారి ఫుడ్ స్టాల్ ని కూడా సందర్శించబోతున్నట్టు సమాచారం. ఏదేమైనా సరే నిన్న సోషల్ మీడియా వల్ల ఫేమస్ అవ్వడంతోనే ఇలాంటి ఇబ్బంది వచ్చింది అనుకున్న వారందరూ కూడా, ఇప్పుడు అదే సోషల్ మీడియా వల్ల సాయి కుమారి సమస్య కూడా పరిష్కారం అయ్యింది అని అంటున్నారు.

ఇండియన్ ఉమెన్ క్రికెటర్ స్మృతి మందనాకి ఇండియాలో యూత్ లో మంచి ఫాలోయింగ్ ఉంది. అమ్మడి అందానికి అందరూ దాసోహం అయిపోయారు. మైదానంలో చక్కటి షార్ట్స్ ఆడుతూ బయట కనిపించినప్పుడు అందమైన నవ్వుతో కుర్ర కారు గుండెల్లో చక్కిలికింతలు పెడుతూ ఉంటుంది. స్మృతి మందనాని ఎందరో డ్రీమ్ గర్ల్ గా ఊహించుకుంటూ ఉంటారు. ఇప్పుడు అందరి అభిమానులుకి స్మృతి షాక్ ఇవ్వనుంది. స్మృతి త్వరలోనే పెళ్లి పీటలు ఎక్కనున్నాదని వార్తలు వినిపిస్తున్నాయి.

ఒక బాలీవుడ్ ప్రముఖుడితో స్మృతి పెళ్లి జరగనుంది అంట. ఈ న్యూస్ ఎప్పటినుండో సోషల్ మీడియాలో వైరల్ అవుతున్న ఇప్పుడు మళ్ళీ తెరమీదకి వచ్చింది.ప్రముఖ బాలీవుడ్ గాయకుడు పాలక్ ముచ్చల్ సోదరుడు పలాష్ ముచ్చల్ తో స్మృతి లవ్ లో ఉందట. ఇద్దరు కలిసి గత కొంతకాలంగా డేటింగ్ చేస్తున్నారనే వార్తలు కూడా ఉన్నాయి. ఈ వార్తలు నిజం చేసేలా పలుమార్లు కలిసి బయటకు కనిపించారు. స్మృతి మందన క్రికెట్ ఆడేటప్పుడు తరచు గ్రౌండ్ కి వచ్చి మద్దతు తెలుపుతూ ఉంటాడు. ఇద్దరూ సోషల్ మీడియాలో ఒకరికి ఒకరు పుట్టినరోజు శుభాకాంక్షలు తెలుపుకుంటూ ఉంటారు. స్మృతి కుటుంబం పలాష్ కుటుంబం కూడా కలిసి కనిపించిన సందర్భాలు ఉన్నాయి. దీంతో ఇరు కుటుంబాల అంగీకారంతో స్మృతి పెళ్లి జరగనుందని అనే వార్త వినిపిస్తుంది.

అయితే ఈ పెళ్లి వ్యవహారం పైన ఇటు స్మృతి గాని అటు పలాష్ గాని ఎటువంటి ప్రకటనలు చేయలేదు.
తాజాగా స్మృతి క్రికెటర్ ఇషాన్ కిషన్ తో కలిసి కౌన్ బానేగా కరోడ్ పతి షోలో కనిపించింది. ఈ సందర్భంగా ఆమె మాట్లాడుతూ భవిష్యత్తులో తన పిల్లలు కూడా క్రికెట్ ఆడతారని చెప్పుకొచ్చింది..