News

కరోనా వ్యాప్తిని అరికట్టడానికి అన్ని దేశాలు లాక్ డౌన్ ని పాటించాయి.. సామాన్యుల నుండి విఐపిల వరకు అందరూ ఈ లాక్ డౌన్ రూల్స్ ని పాటించాల్సిన పరిస్థితి..ప్రస్తుతం లాక్ డౌన్ లో కొన్ని సడలింపులు ఇచ్చారు..దాంతో జనం తమ రోజువారి జీవన విదానాన్ని ప్రారంభించారు..మొన్నీమధ్యే తెలంగాణా ప్రభుత్వం ట్రాఫిక్ రూల్స్ కొన్ని కఠినతరం చేసిన సంగతి తెలిసిందే..తాజాగా కేంద్ర ప్రభుత్వం లైసెన్స్, వాహనాల రిజిస్ట్రేషన్ సంబంధించిన  రూల్స్ మార్చనున్నట్లు సమాచారం.

కేంద్రం మోటార్ వెహికిల్ చట్టానికి సవరణలు చేసే యోచనలో ఉన్నట్లు , కేంద్రం ఇప్పటికే ఈ  అంశంపై కసరత్తు చేపటిన్నట్టు సమాచారం. ఈ మేరకు పరిశ్రామిక వర్గాలు, ఇతరుల నుంచి సలహాలు, సూచనలు సేకరిస్తోంది. కేంద్ర ప్రభుత్వం నోటిఫికేషన్ మేరకు.. ఒక వాహనంలో లోపాలు ఉంటే.. అప్పుడు దాన్ని తయారు చేసిన కంపెనీపై జరిమానా మరింత పెరుగుతుంది. ఈ పెనాల్టీ రూ.10 లక్షల నుంచి రూ.కోటి వరకు ఉండొచ్చునని, జరిమానా మొత్తం వెహికల్ రకం, లోపాల ప్రాతిపదికన మారుతుందని సమాచారం.

ఇదిలా ఉండగా కేంద్ర ప్రభుత్వం డ్రైవింగ్ లైసెన్స్, వెహికల్ రిజిస్ట్రేషన్, ఓల్డ్ వెహికల్స్ వంటి వాటికి సంబంధించిన రూల్స్ మార్పునకు మార్చి నెలలోనే నోటిఫికేషన్ జారీ చేసి, దానిపై పరిశ్రమ వర్గాల నుంచి అభిప్రాయాలు కోరింది. అయితే ఇంతలో కరోనా ముప్పు రావడంతో అదిపక్కకు పోయింది.తాజాగా లాక్ డౌన్ సడలింపుల తర్వాత తిరిగి మరో నోటిఫికేషన్ ని జారీ చేసింది. మళ్లీ సలహాలు, సూచనలు కోరింది.

మోదీ సర్కార్ త్వరలో  “మోటార్ క్యాబ్ రెంట్ స్కీమ్” అనే కొత్త పథకాన్ని లాంచ్ చేయనుంది. ఇందులో భాగంగా కారు, టూవీరల్, సైకిల్ వంటి వాటిని అద్దెకు తీసుకునే అవకాశం కల్పించనుంది. ఇప్పటికే వోగ్, జూమ్, బైక్ రెంటల్ పేరిట ప్రైవేట్ సంస్థలు ఎన్నో ఉన్నాయి..ప్రభుత్వ ఆద్వర్యంలో ఇలాంటి స్కీమ్ వస్తే సొంతంగా వాహనాలు కొనుగోలు చేయలేని వారికి ఎక్కువ మేలు జరుగుతుందని వినియోగదారులు అభిప్రాయపడుతున్నారు.

“న్యూజిలాండ్” ని కరోనా ఫ్రీ దేశంగా మార్చిన ఆ దేశ ప్రధాని జెసిండా ..ఇప్పటికే ప్రపంచ నలుమూలల నుండి జెసిండా ని ప్రశంసల్లో ముంచుతున్నారు..తాజాగా జెసిండా మరో సరికొత్త నిర్ణయం తీసుకున్నారు..ఇక నుండి పాఠశాల స్థాయి విద్యార్ధినులకు శానిటరి ప్యాడ్స్ అందించాలని నిర్ణయించారు జెసిండా.. న్యూజిలాండ్ ను నెలసరి పేదరికం లేని దేశంగా మార్చాలని నిర్ణయించుకున్నారు జెసిండా.

Also read: పాజిటివ్ కేసులు “జీరో”…కానీ “న్యూజిలాండ్” ని కరోనా ఫ్రీ అనడానికి కండిషన్ ఏంటంటే?

కేవలం మన దేశంలోనే కాదు ప్రపంచ వ్యాప్తంగా అమ్మాయిలు నెలసరి సమస్యను ఎదుర్కొంటున్నారు. ఆ సమయంలో వచ్చే ఆరోగ్య సమస్యలు, ప్యాడ్స్ ని కొనుక్కోనేంత ఆర్ధిక స్థోమత లేని వారు అనేకమంది.. ఈ సమస్య మూలంగా  విద్యకు దూరం అవుతున్న అమ్మాయిలెంతో మంది..అటువంటి వారందరి సమస్యను  అర్దం చేసుకున్న జెసిండా, ఆడపిల్లల్ని విద్యకు దూరం చేయకూడదనే ఆలోచనతో వారికి ప్యాడ్స్ ఉచితంగా అందించాలనే నిర్ణయం తీసుకున్నారు.

representative image

Also read: న్యూజిలాండ్ లో కరోనా కట్టడికి కారణం ఆ అమ్మ మనసే…! ఏం చేసారంటే..?

తొలుత 15 పాఠశాలల్లో విద్యార్ధినులకు శానిటరి న్యాప్కిన్స్ అందిస్తామని..వచ్చే ఏడాదికి పూర్తిగా అన్ని పాఠశాలల్లో విద్యార్ధినులకు శానిటరీ ప్యాడ్స్ అందుబాటులో ఉండేలా చూస్తాం అన్నారు జెసిండా.. 9-18 ఏళ్ల వయసున్న అమ్మాయిలు ఏడాదికి 95 వేల మంది నెలసరి సమయంలో స్కూల్ మానేసి ఇంట్లోనే ఉండిపోతున్నారని..ఇకపై ఇక్కడ విద్యార్ధినులకు ఆ సమస్య ఉండదని..ఫాఠశాల విద్యార్ధినులందరికి ఇకపై ప్యాడ్స్, ట్యాంపూన్స్,ఇతర శానిటరీ ఉత్పత్తులు ఉచితంగా అందిస్తామని భరోసా ఇచ్చారు జెసిండా.

representative image

ఇదిలా ఉండగా నెలసరి పేదరికం అనే సమస్య అన్ని దేశాల్లో ఉన్నదే..మన దేశంలో  కూడా ఇప్పటికి  అనేకమంది ప్యాడ్స్ స్థానంలో పాత బట్టలని వినియోగిస్తుంటారు.. దీని మూలంగా అనేక ఆరోగ్య సమస్యలను ఎదుర్కొంటారు.. తమిళనాడుకి చెందిన అరుణాచలం మురుగనాదం, PURE వంటి కొన్ని స్వచ్చంద సంస్థలు ఉచితంగా ప్యాడ్స్ అందిస్తూ తమ వంతు సాయం చేస్తున్నాయి. ప్రభుత్వం ఉచితంగా శానిటరి ప్యాడ్స్ అందించాలనే డిమాండ్ ఎప్పటి నుండో ఉంది..కరోనా కాలంలో ప్రభుత్వాలు ప్రతి నెలా రేషన్ వస్తువులతో ప్యాడ్స్ అందించాలని కోరారు..ఎంత వరకు ఆచరణలోకి వస్తుందో చూడాలి..

డిసెంబర్ 27 నుండి చైనాలో కరోనా కనిపించింది. అంతకుముందు ఎప్పుడూ ఏ హాస్పటల్ లోనూ కరోనా కి సంబంధించిన అనారోగ్య లక్షణాలు ఎక్కడా నమోదు కాలేదు. డిసెంబర్లో ఈ వైరస్ గురించి గుర్తించిన వెంటనే అప్రమత్తం అయ్యాం. వెంటనే జాగ్రత్త చర్యలు తీసుకున్నాం. ఇది చైనా ప్రభుత్వం ఇటీవల విడుదల చేసిన శ్వేత పత్రం లో ఉన్న  సందేశం.

కానీ ఇటీవల హార్వర్డ్ యూనివర్సిటీ వారు నిర్వహించిన ఒక పరిశోధనలో ఇది అబద్ధం అని తేలింది. చైనా వాళ్ళు చేసిన నిర్లక్ష్యం కారణంగా ముందు ఆ వైరస్ గురించి ఎవరికీ తెలియలేదు. తర్వాత పరిస్థితులు వారి చేతిలో నుంచి చేజారిపోయి ఈ వైరస్ ప్రపంచం మొత్తం వ్యాపిస్తోంది. ఎన్నో రకాల నష్టాలు వస్తున్నాయి అవి ఆరోగ్య నష్టాలు కావచ్చు లేక పోతే ఆర్థిక నష్టాలు కావచ్చు.

మొత్తానికి ప్రపంచం మొత్తం స్తంభించిపోయే పరిస్థితి వచ్చింది. దీని కారణంగా మిగిలిన దేశాల ప్రభుత్వాలు అన్ని చైనా మీద ఎంతో కోపంగా ఉన్నాయి. ఇంకా ఎన్ని విమర్శలను ఎదుర్కోవాల్సి వస్తుందో అన్న భయంతో చైనా ప్రభుత్వం ఇలాంటి కథ అల్లింది అని తెలిసింది.

అసలు విషయం ఏంటంటే కరోనా లక్షణాలు గత ఏడాది ఆగస్టులో నే కనిపించాయట. చైనా ప్రజలు చేసిన సెర్చ్ హిస్టరీ చూస్తే అందులో చాలామంది దగ్గు కి సంబంధించిన సమాచారం కోసమే ఎక్కువగా వెతికారు. అప్పటినుండే చైనా ఆస్పత్రులలో అనారోగ్య సమస్య కేసులు ఎక్కువగా నమోదవడం మొదలైంది. వూహాన్ లో  అప్పటికే వైరస్ వ్యాప్తి చెందుతోంది.

“సీ ఫుడ్ కి ఈ వైరస్ కి ఎటువంటి సంబంధం లేదు. సహజంగానే చైనాలో వైరస్ మొదలైంది. వూహాన్ లో అప్పటికే వ్యాపించి ఉందన్న వార్త వినిపించింది. ఎంతోమంది పేషెంట్స్ హాస్పిటల్స్ కి వచ్చినట్టు శాటిలైట్ దృశ్యాల్లో కనిపించింది.అంతే కాదు గూగుల్ లో దగ్గు గురించి చాలామంది చైనా వాళ్ళు వెతికారు అంట.

ముందు మాకు కూడా ఆగస్టులో అనారోగ్యసమస్యలు వచ్చినంత మాత్రాన అది కరోనా గురించి కాదేమో, మాది కేవలం అనుమానం ఏమో అనిపించింది. కానీ ఈ సంఘటనలన్ని పరిశీలించి చూస్తే కరోనా ఆవిర్భావం డిసెంబర్ కంటే ముందే మొదలయింది అని తెలుస్తోంది. ” అని చెప్పారు హార్వర్డ్ పరిశోధకులు.

ఇది కూడా ఎంతవరకు నిజమో తెలియదు. ఎందుకంటే ముందు ముందు పరిశోధనలు పెరిగే కొద్దీ కొత్త కొత్త విషయాలు తెలిసే అవకాశాలు ఉన్నాయి. కాబట్టి అసలు ఈ వైరస్ ఎప్పుడు మొదలైందో ఎలా వచ్చిందో అన్ని విషయాలు చైనా వాళ్ళ కంటే ఇంకెవరికి కరెక్ట్ గా తెలిసే అవకాశాలు లేవు. చైనా మాత్రం ఈ ఆరోపణలను కొట్టిపడేసింది. వాళ్ళు ఒక పరిష్కారం చూపిస్తే మరింత నష్టం జరగకుండా ఆపడానికి వీలవుతుంది.

source: hindustantimes

కరోనా మహమ్మారిని ప్రపంచాన్ని వణికిస్తుంది. లాక్ డౌన్ కారణంగా ఎక్కడి వారు అక్కడ చిక్కుకుపోయిన సంగతి తెలిసిందే. విదేశాల్లో చిక్కుకున్న భారతీయులను స్వదేశానికి తీసుకొచ్చేందుకు ‘వందే భారత్ మిషన్’ ని ప్రవేశపెట్టింది భారత ప్రభుత్వం. ఆ మిషన్ ద్వారా తన భార్యను దుబాయ్ నుండి ఇండియాకి పంపించారు ఓ భర్త. కానీ ఆ తర్వాత గుండెపోటుతో మరణించారు. కంటతడి పెట్టించే ఈ ఘటనకు సంభందించిన వివరాలలోకి వెళ్తే.

 నితిన్ చంద్రన్(28) స్వస్థలం కేరళ. దుబాయ్‌లోని ఒక కన్‌స్ట్రక్షన్ కంపెనీలో మెకానికల్ ఇంజనీర్‌గా పనిచేస్తున్నాడు. అతని భార్య అతిరా గీతా శ్రీధరన్(27) . ప్రస్తుతం ఆమె 8 నెలల గర్భవతి. డెలివరీ కోసం భార్యను చంద్రన్ కేరళలోని తన ఇంటికి “వందే భారత్ మిషన్” ద్వారా పంపించారు. దుబాయ్ నుండి మే 7 న గీత ఇండియాకి వచ్చారు. చంద్రన్ మాత్రం విధుల కారణంగా అక్కడే ఉండిపోయారు.

గీతకు జూలైలో డెలివరీ జరగనుంది. కానీ ఇంతలో అనుకోని విషాదం నెలకొంది.గల్ఫ్ న్యూస్ కథనం ప్రకారం.. సోమవారం రాత్రి నిద్రలో ఉండగా చంద్రన్‌కు హై బిపి వల్ల గుండెపోటు వచ్చి నిద్రలోనే మరణించారు. ఆ విషయాన్ని వైద్యులు ధృవీకరించారని చంద్రన్ స్నేహితుడు తెలిపాడు. ఈ విషయం తెలుసుకున్న చంద్రన్ కుటుంబసభ్యుల ఒక్కసారిగా షాక్ కి గురయ్యారు. కొద్ది రోజుల్లో తండ్రికాబోతున్నారు అని సంతోషించేలోపే ఇలా జరగడం బాధాకరం.