News

రూపాయి రూపాయి నువ్వు ఏం చేస్తావు అంటే మనిషికి మనిషికి మధ్య దూరాన్ని పెంచుతాను అందట.ఇది ఒక సినిమా డైలాగ్ కానీ ప్రస్తుత సమాజానికి సరిగ్గా ఈ డైలాగ్ సరిపోతుంది. ఎందుకంటే నేటి రోజులలో బంధాలకి, బంధుత్వాలకి విలువలకి,ఆప్యాయతలకి, అనుబంధాలకి అసలు విలువ లేకుండా పోయింది. డబ్బు కోసం ఒక మనిషి ఎంత కింది స్థాయికి అయినా దిగజారటానికి వెనకడుగు వేయడం లేదు అలాంటి సంఘటన ఒకటి కర్ణాటకలోని దావణగెరె లో జరిగింది.

అసలు ఏం జరిగిందంటే దావణగెరె కు చెందిన స్నేహ అనే 25 ఏళ్ల మహిళ 2 ఏళ్ల క్రితం ప్రశాంత్ అనే యువకుడిని ప్రేమ వివాహం చేసుకుంది. దావణగెరె లో ఓ అద్దె ఇంట్లో కాపురానికి కూడా దిగారు. అనంతరం రెండు నెలల క్రితం తాను గర్భవతినని పుట్టింటికి వెళ్లాలని చెప్పి వెళ్ళిపోయింది. తర్వాత భర్త ఎన్నిసార్లు ఫోన్ చేసి ఇంటికి రమ్మని అడిగిన స్నేహ అందుకు నిరాకరిస్తూ వచ్చింది. దీంతో అనుమానం వచ్చిన ప్రశాంత్ స్నేహ ఒకప్పుడు చెప్పిన చిరునామాకు వెళ్లి చూడగా ఆమె అక్కడ లేదు.

ఆ తర్వాత కొద్ది రోజులకు స్నేహ ఇన్స్టాగ్రామ్ లో పోస్ట్ చేసిన ఒక ఫోటో చూసిన ప్రశాంత్ ఒక్కసారిగా నివ్వెర పోయాడు. స్నేహ మరొక వ్యక్తిని వివాహం చేసుకొని ఫోటో పోస్ట్ చేయడంతో కంగుతిన్న ప్రశాంత్ పోలీసులకు కంప్లైంట్ ఇచ్చాడు. కంప్లైంట్ ఫైల్ చేసిన పోలీసులు విచారణ జరిపిస్తే అసలు నిజాలు బయటపడ్డాయి. అయితే ఈ విచారణలో స్నేహ ఇంతకుముందే రెండు పెళ్లిళ్లు చేసుకున్నట్లు తేలింది.

మొదట మేలుకొటే నివాసి మహేష్ తో పెళ్లి జరిగింది తర్వాత అతనిని విడిచిపెట్టి బెంగళూరుకు చెందిన వెంకటేష్ అనే వ్యక్తిని రెండో పెళ్లి చేసుకుంది తర్వాత ప్రశాంత్ ని వివాహం చేసుకుంది ఇప్పుడు అతనిని వదిలిపెట్టి రఘు అనే వ్యక్తిని నాలుగో పెళ్లి చేసుకుంది. ప్రశాంత్ ఫిర్యాదు మేరకు స్నేహను అరెస్టు చేశారు. నాలాగా మరొకరు మోసపోకూడదని కంప్లైంట్ ఇచ్చాను అని చెప్పుకొచ్చాడు ప్రశాంత్.

చెన్నైలో పుట్టినరోజు నాడే ఒక మహిళా టెక్కీ దారుణంగా మరణించింది. ఈ సంఘటన దేశవ్యాప్తంగా సంచలనం సృష్టించింది. ఆమె మాజీ క్లాస్‌మేట్ ఈ దారుణానికి ఒడిగట్టిందని తెలుస్తోంది. గొలుసుతో కట్టేసి, పెట్రోల్ పోసి  సజీవదహనం చేసినట్టుగా పోలీసులు వెల్లడించారు.

పోలీసుల దర్యాప్తులో మృతురాలు చెన్నైలోని ఒక ఐటీ కంపెనీలో సాఫ్ట్‌ వేర్‌ గా పనిచేస్తున్న నందిని అని తెలిపారు. ఆమెను చంపిన వ్యక్తి  మృతురాలి మాజీ లవర్ వెట్రిమారన్‌ అని సమాచారం. పోలీసులు నిందితుడిని కస్టడీలోకి తీసుకొని దర్యాప్తు చేపట్టారు. ఆ వివరాలు ఇప్పుడు చూద్దాం..
మదురైకి చెందిన నందిని చెన్నైలో సాఫ్ట్‌వేర్ ఇంజినీర్‌గా పనిచేస్తోంది. చెన్నైలోనే తన బంధువుల ఇంట్లో నందిని ఉంటోంది. ఆమెకు పదవతరగతి నుండి పాండి మహేశ్వరితో స్నేహం ఉంది. పాండి మహేశ్వరి చెన్నైలో లింగ మార్పిడి ఆపరేషన్‌ చేయించుకుని, తన పేరును వెట్రిమారన్‌గా మార్చుకుంది. ఇద్దరూ చెన్నైలో సహజీవనం చేస్తున్నారని, లింగమార్పిడి తరువాత కూడా వారి సహజీవనం కొనసాగిందని తాంబరం పోలీస్ కమిషనర్  వెల్లడించారు. వారిద్దరూ గత ఎనిమిది నెలలుగా తోరైపాక్కంలోని ఒక ప్రైవేట్ ఐటీ కంపెనీలో కలిసి పనిచేస్తున్నారని తెలిపారు.
అయితే నందిని రాహుల్‌ అనే వ్యక్తిని ప్రేమిస్తుందని తెలిసి, పగ పెంచుకున్నాడు. దీంతో ప్లాన్ ప్రకారం నందిని బర్త్ డే కోసం ఓ సర్ ప్రైజ్ ప్లాన్ చేస్తానని చెప్పి బయటికి తీసుకెళ్ళాడు. ఈ క్రమంలో వీరిద్దరూ కలిసి పలు ప్రాంతాలు తిరిగారు. గుడికి, ఆ తరువాత హోటల్ కి వెళ్ళి భోజనం చేశారు. చివరికి పొన్మార్ రోడ్ సమీపంలో ఫ్లాట్ కి నందిని తీసుకెళ్ళాడు. ప్లాట్‌కి తీసుకెళ్లాడు. సర్ ప్రైజ్చేస్తానని చెప్పి, నందిని కళ్లకు గంతలు కట్టాడు. ఆ తరువాత చేతులు, కాళ్ళు కట్టేసి, బ్లేడ్ తో మణికట్టు, మెడ కోసి, పెట్రోల్ పోసి నిప్పంటించి, అక్కడి నుండి పరారీ అయినట్టు పోలీసులు వెల్లడించారు.

Also Read: విద్యార్థుల కోసం ఈ ఉపాధ్యాయుడు చేసిన పని చూస్తే హ్యాట్సాఫ్ అనాల్సిందే..! అసలు విషయం ఏంటంటే..?

తెలంగాణలో కాంగ్రెస్ అధికారంలోకి వచ్చిన తర్వాత మహిళలందరికీ ఉచిత బస్సు ప్రయాణాన్ని కల్పించిన సంగతి తెలిసిందే. అయితే ఈ పథకాన్ని ప్రవేశపెట్టిన తర్వాత తెలంగాణలో ఏ బస్సులు ఖాళీగా ఉండడం లేదు ఎక్కువ శాతం మహిళలందరూ ఉచిత బస్సు ప్రయాణానికి ప్రాధాన్యత ఇస్తున్నారు.

తెలంగాణ వ్యాప్తంగా మహిళలకు పల్లెవెలుగు, ఎక్స్‌ప్రెస్‌ బస్సుల్లో తెలంగాణ ప్రభుత్వం ఉచిత బస్సు సదుపాయాన్ని అందిస్తోంది. ఈ నెల 9వ తేదీ నుంచి ఈ పథకాన్ని అమల్లోకి తీసుకొచ్చింది.

ఇదిలా ఉంటే ఈ ఉచిత బస్సు ప్రయాణం వల్ల కొన్ని సమస్యలు తలెత్తుతున్నాయి అన్న విషయం ఆర్టీసీ ఎండి సజ్జనర్ దృష్టికి వచ్చింది.దీనిపై స్పందించిన ఆయన మహిళలందరిని ఉద్దేశిస్తూ ఒక వీడియో విడుదల చేశారు. తక్కువ దూరం ప్రయాణించే మహిళలు సైతం ఎక్స్‌ప్రెస్‌ బస్సుల్లో ఎక్కువగా వెళ్తున్నట్లు యాజమాన్యం దృష్టికి వచ్చిందని సజ్జనార్‌ తెలిపారు. దీనివల్ల దూర ప్రాంత ప్రయాణికులకు తీవ్ర అసౌకర్యం కలుగుతోందన్నారు.

తక్కువ దూరం ప్రయాణించే వారు పల్లె వెలుగు బస్సుల్లో ఎక్కి సిబ్బందికి సహకరించాలని సజ్జనార్‌ కోరారు. అలాగ కొందరు మహిళలు అనుమతించిన స్టేజీల్లో కాకుండా మధ్యలోనే బస్సులను ఆపమని సిబ్బందిపై ఒత్తిడి తెస్తున్నారని దీంతో ప్రయాణ సమయం పెరుగుతోందని చెప్పుకొచ్చారు.ఇకపై ఎక్స్‌ప్రెస్‌ బస్సులను కేవలం అనుమతించిన స్టేజీల్లోనే ఆపుతామని ఆయన తేల్చి చెప్పారు. దూర ప్రాంత ప్రయాణికులకు ప్రాధాన్యత ఇచ్చి సిబ్బందికి సహకరించాలని సజ్జనార్‌ కోరారు.

తల్లితండ్రుల తర్వాత పిల్లలకు మంచిని నేర్పిస్తూ, విద్యాబుద్ధులు భోధించేది గురువు. అయితే కొందరు టీచర్లు కేవలం విద్యార్ధులకు పాఠాలను చెప్పడమే కాకుండా, వారి అభివృద్ధి పట్ల కూడా ప్రత్యేకమైన శ్రద్దను చూపుతుంటారు.

ప్రభుత్వ పాఠశాలకు వెళ్ళే విద్యార్థులకు టీచర్లు క్రమశిక్షణ నేర్పించాల్సి వస్తుంది. ఓ పాఠశాల హెడ్ మాస్టార్ గురువుగానే కాకుండా విద్యార్థులకు అవసరమైన సేవలను చేస్తున్నారు. ఈ క్రమంలో విద్యార్థులకు స్వయంగా హెయిర్ కట్ చేసి వార్తల్లో నిలిచారు. ఆ హెడ్ మాస్టార్ ఎవరో? ఇప్పుడు చూద్దాం..
ఆంధ్రప్రదేశ్ లోని అల్లూరి జిల్లాలో ఉన్న హుకుంపేటలోని ట్రైబల్ వెల్ఫేర్ బాయ్స్ స్కూల్ లో సుమారు 300 మందికి పైగా స్టూడెంట్స్ చదువుకుంటున్నారు. మారుమూల ప్రాంతాలకు నుండి వచ్చిన గిరిజన పిల్లలు ఈ స్కూల్ లోనే చదువుకుంటూ, అక్కడే ఉంటున్నారు. ఆ పాఠశాలలో టీచర్లు, సిబ్బంది కలిపి 10 మంది వరకు ఉన్నారు. అయితే వారందరినీ అందరికీ నడిపించే హెడ్ మాస్టార్ మాత్రం ప్రత్యేకం అని చెప్పవచ్చు. ఆయన తన వృత్తిపరమైన బాధ్యతను చక్కగా నిర్వర్తిస్తూ, ఆ స్కూల్ లోని స్టూడెంట్స్ పట్ల ప్రత్యేక శ్రద్ధ కూడా తీసుకుంటున్నారు.
ఈ పాఠశాలలో బాలాజీ ప్రధానోపాధ్యాయుడుగా పని చేస్తున్నారు. ప్రధానోపాధ్యాయుడు అయినప్పటికీ ఆ పాఠశాలలోని విద్యార్థులను చాలా ప్రేమతో చూసుకుంటున్నాడు. వారి తల్లితండ్రులు తమ పై ఉంచిన నమ్మకానికి అనుగుణంగా అక్కడి పిలల్లకు విద్య, వసతి సౌకర్యాలు చూస్తూ, ఓ కుటుంబ పెద్దలా ఆయన బాధ్యతలు నిర్వర్తిస్తున్నారు. హెడ్ మాస్టార్ లా కాకుండా, స్టూడెంట్స్ కు అవసరమైన సేవలను సైతం చేస్తున్నారు. విద్యార్థుల్లో చదువుతో పాటు క్రమశిక్షణ కూడా ఉండాలని బోధిస్తూ, స్టూడెంట్స్ ను తీర్చిదిద్దుతున్నారు.
ఆ క్రమంలో స్వయంగా తానే విద్యార్థుల యూనిఫామ్, హెయిర్ స్టైల్ విషయంలో ప్రత్యేక చర్యలు కూడా తీసుకుంటున్నారు. బార్బర్ రాకపోవడంతో, జుత్తు పెరిగిపోయిన విద్యార్థులకు వారి సమ్మతితో హెడ్ మాస్టార్ బాలాజీ కత్తెర పట్టుకుని క్షురకుడులా మారి ఖాళీ సమయంలో హెయిర్ కట్ చేస్తున్నారు. ఆయన సందర్భాన్ని బట్టి స్టూడెంట్స్ కి అవసరమైన సేవ చేస్తూ ఆదర్శంగా నిలుస్తున్నారు. విద్యార్థులు అందరు పాఠశాలలో క్రమశిక్షణతో కనిపించాలని, వారికి  క్రమశిక్షణ నేర్పించాలనే ఉద్దేశ్యంతో ఇలా సేవ చేస్తున్నానని ప్రధానోపాధ్యాయుడు బాలాజీ వెల్లడించారు.

Also Read: అంగన్‌వాడీ కార్యకర్తల విచిత్రమైన నిరసన చూసారా..? ఏం చేసారంటే..?

ప్రస్తుతం శీతాకాలం ఉష్ణోగ్రతలు రోజురోజుకీ పడిపోతున్నాయి. ఏజెన్సీ ఏరియాలలో మైనస్ డిగ్రీలు నమోదు అవుతున్నాయి. ఈ తీవ్రమైన చలికి ప్రజలందరూ ఇబ్బందులు పడుతున్నారు.

రాబోయే మూడు రోజుల్లో ఉష్ణోగ్రతలు మరింత పడిపోతాయని తెలంగాణ స్టేట్ డెవలప్మెంట్ ప్లానింగ్ సొసైటీ వెల్లడించింది. ఆదిలాబాద్, కొమరం భీమ్ ఆసిఫాబాద్, నిర్మల్, జగిత్యాల, జయశంకర్ భూపాలపల్లి, పెద్దపల్లి, మంచిర్యాల జిల్లాలకు ఆరెంజ్ అలెర్ట్ ను జారీ చేసింది.

తెలంగాణలోని మిగతా జిల్లాలకు ఎల్లో ఎలెర్ట్ జారీ చేసింది. ఈ ఏడు జిల్లాల్లోనూ రాబోయే మూడు రోజులు పది డిగ్రీల కంటే తక్కువ ఉష్ణోగ్రతను నమోదు అవుతాయి అని తెలియజేసింది. ఆదిలాబాద్, కొమరం భీం ఆసిఫాబాద్ జిల్లాల్లో మరి తక్కువగా టెంపరేచర్లు నమోదయ్య అవకాశం ఉందని చెప్పింది. తెలంగాణలో ఉన్న 23 జిల్లాల్లో గత కొద్దిరోజులుగా 15 డిగ్రీల కంటే తక్కువగానే ఉష్ణోగ్రతలో నమోదు అవుతున్నాయి. ఈ తక్కువ ఉష్ణోగ్రతలు కారణంగా రాష్ట్రంలోని ప్రజలు ఓనికిపోతున్నారు. రాత్రి సమయంలో బయటికి రావాలంటే జడుస్తున్నారు. రాబోయే రోజుల్లో మరింత తక్కువగా ఉష్ణోగ్రతలు నమోదయ్య అవకాశం ఉందని హెచ్చరికలు జారీ చేసింది