News

వైయస్ఆర్ టీపీ అధ్యక్షురాలు షర్మిల తన కొడుకు రాజారెడ్డి పెళ్లి వేడుకకు అన్న జగన్మోహన్ రెడ్డిని ఆహ్వానించడానికి తాడేపల్లిలోని సీఎం నివాసానికి వెళ్లిన సంగతి అందరికీ తెలిసిందే. ఆ సందర్భంగా అన్నా చెల్లెలు ఇద్దరు అరగంట పాటు భేటీ అయ్యారు.

అయితే వాళ్ళిద్దరూ ఏం మాట్లాడుకున్నారు కేవలం కుటుంబ వ్యవహారాలే మాట్లాడుతున్నారా లేదంటే రాజకీయ పరంగా ఏమైనా చర్చలు జరిగాయ అనే ఉత్కంఠ అందరిలోనూ నెలకొంది.

అయితే అన్నా జగన్ కు వదిన భారతిలకు పెళ్లి కార్డు ఇచ్చిన షర్మిల పెళ్ళికి తప్పకుండా రావాలని వాళ్ళని ఆహ్వానించి ఆపై మీడియాతో మాట్లాడకుండా డైరెక్ట్ గా గన్నవరం ఎయిర్పోర్ట్ కి కుటుంబ సభ్యులతో సహా వెళ్ళిపోయింది షర్మిల. అప్పుడు మీడియాతో మాట్లాడాల్సిందే అని విలేకరులు పట్టుబట్టగా సీఎం జగన్ గారిని నా కుమారుడు రాజారెడ్డి పెళ్లికి రమ్మని ఆహ్వానించాను జగన్ సానుకూలంగా స్పందించారు.

పెళ్లి అనేది చాలా ముఖ్యమైన విషయం అందరూ నా కుమారుడు పెళ్లికి వచ్చి ఆశీర్వదించాలని కోరుకుంటున్నాను అని మీడియాకు వెల్లడించారు షర్మిల. అయితే రాజకీయంగా ఎలాంటి చర్చ జరగలేదు అని చెప్పకనే చెప్పింది షర్మిల. అయితే షర్మిల తన అన్న దగ్గరికి తన కొడుకు రాజారెడ్డి, కాబోయే కోడలు ప్రియా అట్లూరి తో పాటు మరికొందరు బంధువులతో కలిసి వెళ్ళింది అంతేగాని వెంట తల్లి వై ఎస్ విజయమ్మ రాలేదు.

దీనికి గల కారణాలు తెలియ రాలేదు. కానీ వైయస్ విజయమ్మ కి కొడుకు జగన్ తో ఉన్న విభేదాలు అందుకు కారణం అని రాజకీయ వర్గాలు భావిస్తున్నాయి. వైసీపీ అధ్యక్షురాలు పదవికి కూడా విజయమ్మ రాజీనామా చేసిన సంగతి తెలిసిందే కూతురు వైఎస్ఆర్ టీపీ పార్టీ పెడుతున్నప్పుడు వైయస్ రాజశేఖర్ రెడ్డి అభిమానులు అందరూ కూతురికి అండగా నిలవాలని చెప్పుకొచ్చింది విజయమ్మ. ప్రస్తుతం ఆమె కూతురుతోనే ఉంటుంది

భారత రాష్ట్రపతి ద్రౌపది ముర్ము గురించి ప్రత్యేక పరిచయం అవసరం లేదు. భారతదేశానికి 15వ రాష్ట్రపతిగా ఎన్నికయ్యారు. రాష్ట్రపతి అయిన తొలి గిరిజన మహిళగా చరిత్ర సృష్టించారు. 2022లో జరగిన భారత రాష్ట్రపతి ఎలెక్షన్స్ లో ఎన్డీఏ క్యాండిడేట్ గా పోటీ చేసి విజయం సాధించారు.

రాష్ట్రపతి పదవిని చేపట్టిన ద్రౌపది ముర్ము తన జీవితంలో చాలా వ్యక్తిగత విషాదాలను అధిగమించి, నేడు ఈ స్థాయికి చేరుకున్నారు. అయితే ద్రౌపది ముర్ము వ్యక్తిగత జీవితం గురించి చాలామందికి తెలియదు. ఆమె భర్త, పిల్లలు, కుటుంబం  గురించి ఇప్పుడు చూద్దాం..
రాష్ట్రపతి ద్రౌపది ముర్ము 1958లో జూన్ 20న ఒడిశాలోని రాయరంగ్‌పూర్‌ లో సాధారణ సంతాల్ గిరిజన కుటుంబంలో జన్మించారు. ఆమె  భువనేశ్వర్‌లోని రమాదేవి మహిళా కళాశాలలో ఆర్ట్స్‌లో బ్యాచిలర్ డిగ్రీని పూర్తి చేసింది. ఆ తరువాత ఒడిశా ప్రభుత్వంలో నీటిపారుదల మరియు విద్యుత్ శాఖలో జూనియర్ అసిస్టెంట్‌గా పనిచేసింది. ఆమె రాయ్‌రంగ్‌పూర్‌లోని శ్రీ అరబిందో సమగ్ర విద్యా కేంద్రంలో గౌరవ సహాయ ఉపాధ్యాయురాలు.
ద్రౌపది ముర్ము శ్యామ్ చరణ్ ముర్ముని వివాహం చేసుకున్నారు.  వారికి ముగ్గురు సంతానం. వీరిలో ఇద్దరు కుమారులు, ఒక కుమార్తె. పలు నివేదికల ప్రకారం, ఆమె కుమారులలో పెద్దవాడు లక్ష్మణ్ ముర్ము  25 ఏళ్ళ వయసులో 2009లో మరణించారు. కొన్ని సంవత్సరాల తర్వాత ఆమె రెండవ కుమారుడు 2012లో రోడ్డు ప్రమాదంలో చనిపోయాడు. రెండు ఏళ్ళ తరువాత, ముర్ము భర్త గుండెపోటు కారణంగా మరణించారు. 2009-2015 మధ్య కేవలం ఆరేళ్లలో ద్రౌపది ముర్ము భర్త, ఇద్దరు కుమారులు, తల్లి మరియు సోదరుడిని కోల్పోయింది.
ఆమె కూతురు ఇతిశ్రీ ప్రస్తుతం ఒడిశాలోని యూకో బ్యాంకులో పనిచేస్తోంది. ఆమె 2015లో రగ్బీ ప్లేయర్ గణేష్ హెంబ్రామ్‌ని వివాహం చేసుకుంది. వారికి ఒక కుమార్తె ఉంది. 2015లో మే 18న  జార్ఖండ్ గవర్నర్‌గా ప్రమాణ స్వీకారం చేశారు. అంతకు ముందు ముర్ము ఒడిశాలోని బీజేడీ-బీజేపీ సంకీర్ణ ప్రభుత్వంలో రెండుసార్లు ఎమ్మెల్యేగా మరియు ఒకసారి మంత్రిగా పనిచేశారు. ఆమె ఒడిశా రాష్ట్రానికి మొదటి మహిళా గవర్నర్, దేశంలో గవర్నర్‌గా పనిచేసిన మొదటి మహిళా గిరిజన నాయకురాలు.

Also Read: యశస్విని రెడ్డి భర్త అమెరికాలో ఏ ఉద్యోగం చేస్తారో తెలుసా..?

తెలంగాణ రాష్ట్రంలో కాంగ్రెస్ పార్టీ అధికారంలోకి వచ్చిన దగ్గర నుండి ప్రజల వద్ద ప్రజా పాలన దరఖాస్తులు స్వీకరిస్తున్న సంగతి తెలిసిందే.

క్షేత్ర స్థాయిలో అధికారులు ప్రజల నుంచి ఆరు గ్యారెంటీలకు సంబంధించిన వివరాలను సేకరిస్తున్నారు. జనవరి 6 వరకు ప్రజా పాలన దరఖాస్తులను స్వీకరించనున్నారు. ఆ తర్వాత కూడా దరఖాస్తులను మండల కేంద్రాల్లో ఇవ్వొచ్చని ముఖ్యమంత్రి రేవంత్ రెడ్డి ప్రకటించారు.

ఈ క్రమంలో మంత్రి పొన్నం ప్రభాకర్ ప్రజా పాలన దరఖాస్తుల గడువుపై సంచలన ప్రకటన చేశారు. ప్రజా పాలన దరఖాస్తులు సమర్పించేందుకు జనవరి 6నే చివరి రోజంటూ పేర్కొన్నారు. జనవరి 6 వరకే గ్రామాల్లో శిబిరాలను నిర్వహించనున్నట్లు పేర్కొన్నారు. మళ్ళీ గడువు పొడిగింపు ఉండదంటూ పొన్నం ప్రభాకర్ స్పష్టంచేశారు. అయితే జనవరి ఆరు తర్వాత మండల కేంద్రాల్లో దరఖాస్తులను సమర్పించవచ్చు అని అన్నారు.

మంగళవారం మీడియాతో మాట్లాడిన పొన్నం ప్రభాకర్ కెసిఆర్ ప్రభుత్వంలో ప్రాజెక్టుల్లో అవినీతి జరిగిందని ఢిల్లీ నుంచి గల్లీ వరకు తెలుసన్నారు. కేసీఆర్ ఇచ్చిన స్క్రిప్ట్ ను బీజేపీ నేతలు చదివారంటూ ఫైర్ అయ్యారు. కాళేశ్వరంపై సిట్టింగ్ జడ్జీతో న్యాయ విచారణకు ఇప్పటికే ఆదేశించామని, కేసీఆర్ ను రక్షించేందుకే బీజేపీ సిబిఐ విచారణకు డిమాండ్ చేస్తుందన్నారు.

ఆటో డ్రైవర్లు బిఆర్ఎస్ ట్రాప్ లో పడొద్దంటూ పొన్నం ప్రభాకర్ కోరారు. ఓలా, ఉబర్, ర్యాపిడో, మెట్రో ఇతరత్రా అన్ని వచ్చినప్పుడు లేని సమస్య ఇప్పుడే వచ్చిందా? అని ప్రశ్నించారు.అయినా వారి సమస్యలను పరిష్కరిస్తామంటూ పేర్కొన్నారు. మహిళలకు ఆర్టీసీ బస్సుల్లో ఉచిత ప్రయాణాన్ని వ్యతిరేకిస్తున్నారా? మద్దతిస్తున్నారా అనేది బిఆర్ఎస్ స్పష్టం చేయాలన్నారు. ఆటో డ్రైవర్లతో చర్చలకు తాము సిద్ధమంటూ పేర్కొన్నారు.

సార్వత్రిక ఎన్నికలకు వైఎస్సార్‌సీపీ పార్టీ సిద్ధం అవుతోంది. ఇందులో భాగంగా నియోజకవర్గాల్లో భారీగా మార్పులు చేస్తోంది. దాంతో కర్ణాటక బీజేపీ సీనియర్ నేత అయిన శ్రీరాములు సోదరి, బళ్ళారి మాజీ ఎంపీ జె శాంత పార్టీలో చేరారు.

మంగళవారం నాడు తాడేపల్లి ముఖ్యమంత్రి జగన్ పార్టీ కండువా కప్పి శాంతని ఆహ్వానించారు. 2009 లో బీజేపీ తరపున కర్ణాటక జిల్లాలోని బళ్లారి నుండి శాంత ఎంపీగా పోటీ చేసి గెలిచారు. జగన్ చేస్తున్న అభివృద్ధి చూసి తాను పార్టీలో చేరాను అని, ఈ పార్టీ కోసం సామాన్య కార్యకర్తలాగా పనిచేస్తానని శాంత అన్నారు. శాంతా వాల్మీకి వర్గానికి చెందినవారు.

జగన్ పాలనలో వాల్మీకిలకు ప్రాధాన్యం లభించింది అని చెప్పారు. పార్టీ సిద్ధాంతాలు నచ్చి తాను చేరుతున్నట్టు శాంత తెలిపారు. దేశంలో ఎవరు అమలు చేయలేని పథకాలని జగన్ అమలు చేశారు అని శాంత తెలిపారు. ప్రతి ఒక్కరికి తాను తోడు ఉంటాను అని, అందరం కలిసి జగన్ కి అండగా ఉందామని అన్నారు. అయితే శాంత ఉదయం పార్టీలో చేరారు. సాయంత్రానికి ఆమెకి ఎంపీ సీట్ ని ప్రకటించారు. హిందూపురం లోక్ సభ నియోజకవర్గం సమన్వయకర్తగా శాంతని ప్రకటించారు. శాంత సోదరుడు శ్రీరాములు, గాలి జనార్దన రెడ్డికి అత్యంత సన్నిహితులు.

గాలి జనార్ధన రెడ్డి ప్రోత్సాహంతోనే రాజకీయాల్లోకి అడుగుపెట్టిన శ్రీరాములు, బళ్లారిలో ఎంపీగా గెలిచారు. ఇప్పుడు కర్ణాటక నుండి వచ్చి శాంత హిందూపురంలో పోటీ చేయబోతున్నారు. శాంత సొంత ఊరు గుంతకల్లు అని సమాచారం. ఉదయం పార్టీలో చేరితే, సాయంత్రానికల్లా ఎంపీ సీట్ ఇచ్చేయడం అనేది ఆసక్తికరంగా మారింది. హిందూపురంలో గత ఎన్నికల్లో గోరంట్ల మాధవ్ ఎంపీగా గెలిచారు. ఇప్పుడు ఆయన స్థానంలో శాంతకి అవకాశం ఇచ్చారు. గోరంట్ల మాధవ్ ఈసారి హిందూపురం నుండి పోటీ చేయాలి అనుకున్నా కూడా అవకాశం దొరకలేదు. దాంతో గోరంట్ల మాధవ్ కి మరొక చోట నుండి అవకాశం కల్పిస్తారా? లేదా? అనే విషయం మీద ఇంకా స్పష్టత రావాల్సి ఉంది.

ALSO READ : JANASENA PARTY : జనసేన పార్టీలోకి కొత్తగా చేరిన “చైతన్య” ఎవరో తెలుసా..? ఈమె బ్యాక్‌గ్రౌండ్‌ ఏంటంటే..?

ప్రస్తుత రోజుల్లో ఎమ్మెల్యే అవ్వాలంటే కోట్ల రూపాయలు ఉండాలి. ఎలక్షన్ల సమయంలో లెక్కే లేకుండా ఖర్చు పెడుతూ ఉండాలి. కొంతమంది ప్రతిష్ట కోసం అప్పులు చేసి మరి ఎమ్మెల్యేగా నిలబడి పోటీ చేస్తూ ఉంటారు. డబ్బులు పంచడం ముందు పంచడం చీరలు పంచడం తాయిలాలు ఇస్తూ ఓటర్లను మభ్య పెట్టాలని ప్రయత్నిస్తారు. అయితే ఉండడానికి ఇల్లు కూడా లేని వ్యక్తి 12 లక్షల అప్పు చేసి ఎమ్మెల్యేగా గెలిచి రికార్డు సృష్టించాడు. ఇంతకీ ఎవరు ఆ వ్యక్తి? అతని వివరాలు ఏంటి?

దేశ వ్యాప్తంగా ఉత్కంఠంగా ఎదురుచూసిన నాలుగు రాష్ట్రాల అసెంబ్లీ ఎన్నికల ఫలితాలు వెలువడ్డాయి. మధ్యప్రదేశ్, రాజస్థాన్, ఛత్తీస్‌గఢ్‌లలో బీజేపీ జెండా ఎగరవేసింది. అయితే తెలంగాణలో మాత్రం కాంగ్రెస్‌కు కొంత ఊరట లభించింది. ఎన్నికలు జరిగిన అన్ని రాష్ట్రాల్లో హేమాహేమీలతో తలపడుతూ కొందరు పేద అభ్యర్థులు పోటీకి దిగారు.వారిలో కొందరికి డిపాజిట్ కూడా దక్కకపోయినా. ఒకరు మాత్రం ప్రస్తుతం వార్తల్లో నిలుస్తున్నాడు. అతనే మధ్యప్రదేశ్‌కు చెందిన కమలేశ్వర్ దొడియార్.

మధ్యప్రదేశ్ రాష్ట్రంలోని రత్లాంకు చెందిన కమలేశ్వర్ దొడియార్ ఎన్నికల బరిలో నిలిచాడు. అయితే అతని వద్ద ఎన్నికల్లో పోటీ చేసేందుకు కనీస డబ్బు లేదు. అత్యంత పేదకుటుంబానికి చెందిన కమలేశ్వర్ 12 లక్షల అప్పు తీసుకున్నాడు. మహామహలు రంగంలో ఉన్న తన నియోజకవర్గంలో ఎమ్మెల్యే అభ్యర్థిగా పోటీకి నిలబడ్డాడు. రాష్ట్రంలోనే అత్యధిక ఓట్లు పోలైన ఈ స్థానంలో కాంగ్రెస్ అభ్యర్థి హర్ష్ విజయ్ గెహ్లాట్‌పై కమలేశ్వర్ 4618 ఓట్ల తేడాతో విజయం సాధించాడు. కమలేశ్వర్‌కు 71219 ఓట్లు రాగా, హర్ష్‌కు 66601 ఓట్లు వచ్చాయి. బీజేపీకి చెందిన సంగీతా చారెల్ మూడో స్థానంలో నిలీచాడు. ఇక్కడ మొత్తం 90.08 శాతం ఓటింగ్ జరిగింది.

కమలేశ్వర్ ఒక పూరి గుడిసెలో నివసిస్తున్నాడు. వర్షం కురిస్తే తమ పూరి గుడిసెను టార్పాలిన్‌తో కప్పి వర్షపు నీరు ఇంట్లో పడకుండా లోపల ఉన్నవారు తడవకుండా అవస్థలు పడుతుంటారు. అంత నిరుపేద కుటుంబం నుంచి వచ్చిన కమలేశ్వర్ ఎమ్మెల్యేగా ఎన్నికల బరిలో దిగాడు. ఎన్నికల కౌంటింగ్ జరిగే సమయంలో సమీప ప్రత్యర్థులకు తనకు మధ్య వ్యత్యాసం పెరుగుతుండడంతో చుట్టుపక్కల ప్రజలు కమలేశ్వర్ అభినందనలు తెలుపుతూనే ఉన్నారు. చివరకు భారీ మెజార్టీటీతో గెలిచి రికార్డు సృష్టించాడు. గెలిచిన తర్వాత
తన గెలుపు పత్రాలను అధికారులకు అందజేయడానికి 300కిపైగా కి.మీ. దూరం బైక్‌పై వెళ్లాడు. తన బావ దగ్గర బైక్ తీసుకుని, దానికి ఎమ్మెల్యే స్టికర్ అతికించుకుని కటిక చలిలో ప్రయాణించాడు.ఎమ్మెల్యే అయిన తర్వాత తొలిసారి రాష్ట్ర రాజధాని పర్యటనకు వెళ్లేందుకు కారును ఏర్పాటు చేయాలని ప్రయత్నించినా అది కుదరలేదని తెలిపారు. భోపాల్ చేరుకున్న తర్వాత ఎమ్మెల్యే రెస్ట్ హౌస్‌లో అతిథిగా బస చేశారు. గురువారం ఉదయం అసెంబ్లీకి చేరుకుని ప్రవేశ ద్వారం ముందు సాష్టాంగ పడి ప్రజాస్వామ్య దేవాలయానికి నివాళులర్పించారు. అనంతరం అధికారులకు ఎమ్మెల్యేగా తన ధ్రువీకరణ పత్రాలను సమర్పించారు.

33 ఏళ్ల వయసున్న కమలేశ్వర్ భరత్ ఆదివాసీ పార్టీ నుండి ఎమ్మెల్యేగా విజయం సాధించాడు. ఇతని తల్లి సీతాబాయి కూలి పనిచేస్తుంది. అన్నలు,3 అక్కలలో కమలేశ్వర్ చిన్నవాడు. కూలీ కుటుంబానికి చెందిన కమలేశ్వర్ డిగ్రీ చదివిన తర్వాత కోటకు ఉపాధి నిమిత్తం వెళ్ళాడు. ఇంటి నిర్మాణ కూలీగా పనిచేస్తున్నాడు.

తెలంగాణ అసెంబ్లీ ఎన్నికలు ఇటీవల ముగిశాయి. ఇప్పుడు ఆంధ్రప్రదేశ్ ఎన్నికలకు సిద్ధం అవుతోంది. జనసేన పార్టీ కూడా ప్రచారంలో జోరు పెంచింది. జనసేన పార్టీ అధ్యక్షుడు పవన్ కళ్యాణ్ ఇప్పటికే ప్రచార పనుల్లో యాక్టివ్ గా పాల్గొంటున్నారు.

ఇందులో భాగంగానే జనసేన పార్టీలోకి చేరడానికి ఆసక్తి చూపిస్తున్న నాయకులని పార్టీలోకి ఆహ్వానిస్తున్నారు. ఇదే విధంగా తాజాగా జనసేనలోకి చైతన్య చేరారు. చైతన్య ప్రముఖ వ్యాపారవేత్త, తిరుమల తిరుపతి దేవస్థానం మాజీ చైర్మన్ అయిన డీకే ఆదికేశవులు నాయుడు గారి మనవరాలు.

చైతన్య మంగళగిరిలోని జనసేన పార్టీ ప్రధాన కార్యాలయానికి వచ్చారు. పవన్ కళ్యాణ్ చైతన్యకి కండువా కప్పి పార్టీలోకి ఆహ్వానించారు. దాంతో చైతన్య పవన్ కళ్యాణ్ కి ధన్యవాదాలు తెలిపారు. పవన్ కళ్యాణ్ కూడా చైతన్యకి శుభాకాంక్షలు తెలిపారు. దీనికి సంబంధించిన ఫోటోలని సోషల్ మీడియా ద్వారా షేర్ చేశారు. డీకే ఆదికేశవులు నాయుడు గారు చిత్తూరు జిల్లాకు చెందినవారు. ఆయన కూతురు తేజస్వి. తేజస్వి కూతురు చైతన్య. చైతన్య ఇప్పటికే ఒక ట్రస్ట్ ద్వారా సామాజిక సేవ కూడా చేస్తున్నారు.

జనసేన పార్టీ విధానాలు చైతన్యకి నచ్చడంతో ఈ పార్టీలో చేరదాం అనే నిర్ణయం తీసుకున్నారు. “తాత వారసత్వాన్ని కొనసాగిస్తూ చైతన్య ఇప్పటికే ఎన్నో మంచి పనులు చేస్తున్నారు. ఇలాంటి ఒక వ్యక్తి జనసేన పార్టీలో చేరడం అనేది చాలా మంచి పరిణామం” అని పవన్ కళ్యాణ్ పేర్కొన్నారు. ఎంపీగా ఆదికేశవులు నాయుడు చిత్తూరుని ఎంతో అభివృద్ధి చేశారు.

ఆ తర్వాత తిరుమల తిరుపతి దేవస్థానం బోర్డు చైర్మన్ గా కూడా తిరుమల అభివృద్ధికి తన వంతు కృషి చేశారు. ఇదే విషయాన్ని పవన్ కళ్యాణ్ కూడా చెప్పారు. చైతన్య చేసిన మంచి పనులను, చైతన్య తాత గారు అయిన డీకే ఆదికేశవులు నాయుడు గారు చేసిన మంచి పనులను పవన్ కళ్యాణ్ గుర్తు చేసుకుని అభినందించారు. అలాంటి ఒక గొప్ప నాయకుడి వారసత్వాన్ని కొనసాగిస్తూ, సమాజాభివృద్ధి కోసం చైతన్య కూడా తన వంతు కృషి చేయడానికి ఈ నిర్ణయం తీసుకున్నారు.

ALSO READ : AP POLITICS: కాంగ్రెస్ లో చేరనున్న షర్మిల…. విజయమ్మ దారి ఎటు…? ఆంధ్ర రాజకీయంలో ఏం జరగబోతుంది.?