News

యంగ్ రెబల్ స్టార్ ప్రభాస్.. డైరెక్టర్ ఓంరౌత్ కాంబోలో రాబోతున్న చిత్రం ఆదిపురుష్. రామాయణ ఇతిహాసం నేపథ్యంలో వస్తోన్న ఈ మూవీలో ప్రభాస్ రాముడిగా.. సీతగా బాలీవుడ్ బ్యూటీ కృతి సనన్ నటిస్తున్నారు. అలాగే రావణుడిగా సైఫ్ అలీ ఖాన్ కనిపించనున్నారు. మరి కొద్ది రోజుల్లో ఈ చిత్రం ప్రేక్షకుల ముందుకి రానుంది.

అయితే తాజాగా ఆదిపురుష్ మేకర్స్ యువీ క్రియేషన్స్, పీపుల్స్ మీడియా ఫ్యాక్టరీ సంయుక్తంగా ఒక ప్రకటన రిలీజ్ చేసిన విషయం తెలిసిందే. అది ఏమిటంటే “ఆది పురుష్‌” సినిమా ప్రదర్శించే థియేటర్లలో ఒక సీటును హనుమంతుడి కోసం ఖాళీ ఉంచడం. ఇందుకోసం ఏర్పాట్లు చేస్తున్నట్టు ఆ ప్రకటనలో చెప్పారు. దానికి సమాధానం కూడా ఆ ప్రకటనలో ఇచ్చారు.

ఎక్కడ రామాయాణ పారాయణం జరిగినా, ఎక్కడ శ్రీరామ కథను ప్రదర్శించినా అక్కడ ఒక ఆసనాన్ని వేస్తుంటారు. అలా వేయడానికి కారణం శ్రీరామ కథను వీక్షించేందుకు ఆ స్థలానికి ఆంజనేయుడు వస్తాడని భక్తుల నమ్మకం. ఆ కారణంగానే మూవీ యూనిట్‌ కూడా ఆంజనేయుడి కోసం ఒక సీటును ప్రత్యేకంగా కేటాయించాలని నిర్ణయం తీసుకున్నట్టు ప్రకటనలో తెలిపింది.

అయితే ఈ హనుమంతుడి సీట్ పక్కన ఉండే సీట్ ధర ప్రస్తుతం వైరల్ అవుతోంది. సాధారణ సీట్ ధర 250 రూపాయలు ఉంటే.. హనుమంతుని సీట్ పక్క సీట్ ధర 500 రూపాయలుగా నిర్ణయించినట్లు తెలుస్తోంది. దీనికి సంబంధించిన వివరాలు ప్రస్తుతం నెట్టింట వైరల్ గా మారాయి.

ఇక మరోవైపు ఈ చిత్రం జూన్ 16న సినిమా విడుదల కానుంది. ఈ నేపథ్యంలో చిత్ర ప్రమోషన్స్ ని వేగవంతం చేసారు మేకర్స్. ఈ సినిమాను టి సిరీస్ సంస్థ 500 కోట్ల భారీ బడ్జెట్ తో నిర్మించింది. ఈ ఏడాది జనవరిలోనే ఈ సినిమా రిలీజ్ అవ్వాల్సి ఉండగా కొన్ని కారణాల వల్ల వాయిదా వేశారు. ఇక ఫైనల్ గా ప్రేక్షకుల ముందుకి రానుంది. ఇప్పటికే ఈ చిత్రం నుంచి రిలీజ్ అయిన ట్రైలర్, పాటలు.. పోస్టర్స్ ప్రేక్షకులను ఆకట్టుకున్నాయి.

Also read: “ఆదిపురుష్” సెన్సార్ రివ్యూ..! సినిమా హిట్టా..? ఫట్టా..?

ప్రతి ఒక్కరి జీవితంలో పెళ్లి అనేది ఒక ముఖ్యమైన ఘట్టం. అలాంటి వేడుకను తమ ఆర్థిక స్థితికి తగ్గట్లుగా వైభవంగా చేసుకోవాలని ప్రతి ఒక్కరూ అనుకుంటారు. ఇక నేటి తరం యువత పెళ్లిలో గతానికి భిన్నంగా కొత్తదనం ఉండాలని కోరుకుంటున్నారు. తమదైన మార్కుతో ఆకట్టుకోవడానికి ప్రయత్నిస్తున్నారు. తమ క్రియేటివిటీని ఉపయోగించి ట్రెండ్ సెట్ చేస్తున్నారు.

అయితే ఆంధ్రప్రదేశ్ కి చెందిన ఓ యువకుడు ఒక అడుగు ముందుకు వేసి పెళ్లి చేసుకోవడం కోసం వధువు కావాలంటూ ఓ కుర్రాడు ఊరంతా పోస్టర్లు అంటించాడు.ఈ పోస్టర్లు చూసిన గ్రామస్తులంతా అవాక్కయ్యారు. న గురించి ఇతరులకు అడగకుండా నేరుగా తననే కలవాలని ఆ వాల్ పోస్టర్లో రాసుకున్నాడు.అసలు ఆ యువకుడు ఎవరు.? ఎందుకు అలా వాల్ పోస్టర్ రాశాడో ఆ వివరాలు ఇప్పుడు చూద్దాం..

బాపట్ల జిల్లా వేటపాలెం లోని రామన్నపేటకు చెందిన అయ్యప్ప కుమార్ (28)కు తన చిన్నతనంలోనే తల్లి చనిపోవడంతో అమ్మమ్మ దగ్గర పెరిగాడు. కరోనాకు ముందు హైదరాబాదులో ఓ చిన్న ప్రైవేట్ ఉద్యోగం చేసేవాడు. కరోనా తర్వాత ఉద్యోగం మానేసి బాపట్ల వచ్చేసాడు. అప్పటి నుంచి తనకు పెళ్లి చెయ్యమని అమ్మమ్మను వేధించేవాడు. అయితే ఉద్యోగం లేకుండా పెళ్లి చెయ్యను అని తన అమ్మమ్మ మందలించేసరికి ఆలోచించి ఈ మార్గాన్ని ఎంచుకున్నాడు అయ్యప్ప.

తన పెళ్లి తానే సెట్ చేసుకోవాలని నిర్ణయించుకున్నాడు. వెంటనే వాల్ పోస్టర్ తయారు చేశాడు. అందులో నేనంటే ఇష్టం ఉన్న అమ్మాయిలు ఎవరైనా ఎటువంటి ఫోన్లు, మెసేజ్లు చేయాల్సిన అవసరం లేకుండా రామన్నపేటలోని మా ఇంటికి వచ్చి ధైర్యంగా నన్ను కలవగలరు. మా ఇంటి వద్దకు వచ్చినప్పుడు ఎవరితో మాట్లాడకుండా నేరుగా నాతో మాట్లాడండి.నా పేరు దేవన నీలకంఠం అయ్యప్ప కుమార్, నా వయసు 28 సంవత్సరాలు, చదువు.. డిగ్రీ బీకాం అని రాసుకున్నాడు.

ఈ పాంప్లెట్లను వేటపాలెంలోని అన్ని ప్రధాన సెంటర్లలో అంటించాడు. దీంతో ఈ వాల్ పోస్టర్ చూసిన గ్రామస్తులంతా అవాక్కయ్యారు. ఈ విషయం పోలీసులకు తెలియడంతో అయ్యప్ప ఇంటికి వచ్చి అతని అమ్మమ్మను విచారించారు. అయ్యప్పకు ఉద్యోగం లేని కారణంగా మానసిక స్థితి నిలకడగా లేదని అతని అమ్మమ్మ పోలీసులకు తెలిపింది. ప్రస్తుతం పరారీలో ఉన్న పోలీసులు అయ్యప్ప కుమార్ కోసం గాలిస్తున్నారు.

లెజెండరీ స్టార్ హీరోల చివరి సినిమాలు చిరస్మరణీయం కావాలని కోరుకుంటారు కానీ ఒక్కోసారి అనూహ్యంగా ఇవి కొత్త మలుపులు తీసుకుంటాయి. ఉదాహరణకు అక్కినేని నాగేశ్వరరావు గారి ఆఖరి చిత్రం మనం. అయితే నలభై ఏళ్ళు ల్యాబ్ లో మగ్గిపోయిన ప్రతిబింబాలు లాస్ట్ మూవీ అయ్యింది.

ఇప్పుడు సూపర్ స్టార్ కృష్ణ వంతు వచ్చింది. ఆయన ఆఖరిగా తెరమీద కనిపించిన సినిమా శ్రీశ్రీ. ముప్పలనేని శివ దర్శకత్వం వహించగా మహేష్ బాబు వాయిస్ ఓవర్ ఇవ్వడం ఫ్యాన్స్ కి గుర్తే. కానీ ఇప్పుడు వేరే చిత్రం తెరపైకి వచ్చింది. 2007లో షూటింగ్ పూర్తి చేసుకున్న ‘ప్రేమ చరిత్ర కృష్ణ విజయం’ చిత్రం త్వరలో ప్రేక్షకుల ముందుకి రానుంది.

శాండల్ వుడ్ లో పేరున్న హెచ్ మధుసూదన్ దర్శకత్వం వహించారు. రకరకాల కారణాల వల్ల ల్యాబ్ నుంచి బయటికి రాలేదు. ఇన్నేళ్లు బయటికి తీసుకొచ్చే చొరవ ఎవరూ చేయలేదు. తాజాగా ఈ చిత్ర ట్రైలర్ ని రిలీజ్ చేసారు మేకర్స్. కృష్ణ జయంతిని పురష్కరించుకుని మే 31న ఈ సినిమా ట్రైలర్‌ను విడుదల చేశారు. వచ్చే నెలలో సినిమాను విడుదల చేసేందుకు సన్నాహాలు చేస్తున్నారు.

ఈ చిత్రానికి శ్రీపాద్‌ హంచాటే నిర్మాత. ‘2007లో సినిమా పూర్తయింది, ఇన్నాళ్లకు నేనే సొంతంగా విడుదల చేస్తున్నాను’ అని డైరెక్టర్ మధుసూదన్‌ తెలిపారు. మొదట దీనికి ‘ప్రేమ చరిత్ర’ అని టైటిల్ పెట్టారు. ఇప్పుడు 16 ఏళ్ల తరవాత ఈ సినిమాను ‘కృష్ణ విజయం’ టైటిల్‌తో ప్రేక్షకుల ముందుకు తీసుకొస్తున్నారు. ట్రైలర్‌ను హైదరాబాద్‌లోని ప్రసాద్ ల్యాబ్స్‌లో ఆవిష్కరించారు.

ఈ ట్రైల‌ర్ లాంచ్ ఈవెంట్‌లో కృష్ణ ప‌ర్సన‌ల్ మేక‌ప్‌మేన్ మాధ‌వ‌రావు, నిర్మాత తుమ్మల‌ప‌ల్లి రామ‌స‌త్యనారాయ‌ణ‌, ల‌య‌న్ సాయి వెంక‌ట్, సీనియ‌ర్ జ‌ర్నలిస్ట్ వినాయ‌క‌రావు ముఖ్య అతిథులుగా పాల్గొన్నారు. య‌శ్వంత్, సుహాసిని జంట‌గా న‌టించిన ఈ చిత్రంలో మెగాబ్రద‌ర్ నాగ‌బాబు, అలీ, ఎమ్మెస్ నారాయ‌ణ కీల‌క పాత్రలు పోషించారు. ఈ చిత్రానికి యం.యం.శ్రీలేఖ సంగీతం సమకూర్చారు.

శుక్రవారం (జూన్ 2) నాడు హౌరా నుండి చెన్నైకి వెళ్తున్న కోరమాండల్ ఎక్స్‌ప్రెస్ ట్రైన్ ఒడిశాలో బహనాగ్ రైల్వే స్టేషన్‌లో ఆగిన గూడ్స్ ట్రైన్ ను ఢీకొట్టడంతో కు ఘోర ప్రమాదం జరిగింది. ఈ ఘటన శుక్రవారం సాయంత్రం 7 :20 లకు జరిగినట్లు తెలుస్తోంది.

ఈ రైలు ప్రమాదంలో ఇప్పటివరకు దాదాపు 237 మందికి మరణించగా, 900 మందికి పైగా క్షతగాత్రులు అయ్యారని అధికారిక సమాచారం. గాయపడిన వారందరిని హాస్పటల్ కు తరలించారు. ఈ ఘటన పై విచారం తెలిపిన కేంద్ర రైల్వే మినిస్ట్రీ హై లెవెల్‌ ఎంక్వైరీకి ఆదేశాలు జారీ చేసింది. అయితే ప్రమాదానికి గల అసలు కారణం బయటికి వచ్చింది. అది ఏమిటో ఇప్పుడు చూద్దాం..
సాఫీగా సాగిపోతున్న రైలు ప్రయాణంలో తమ రైలు పట్టాలు తప్పిందని ప్రయాణికులు తెలుసుకునేలోగా ట్రైన్స్ ఢీ కొని కొందరిని మృత్యువు కబళించింది. కొందరు స్పాట్‌లోనే, మరికొందరు బోగీల్లో ఇరుక్కుపోయి ప్రాణాలు విడిచారు. ప్రమదస్థలం భయనకంగా మారింది. కోచ్‌లు 30 వరకు నుజ్జునుజ్జయ్యాయి. యాక్సిడెంట్ జరిగిన విధానానికి మృతదేహాలు చెల్లాచెదురు అయిపోయాయి. బోగీల్లో చిక్కుకున్న బాధితుల హాహాకారాలతో ఆ ప్రాంతం దద్దరిల్లి పోయింది. అయితే ఈ ఇంత ఘోర ప్రమాదం జరగడానికి గల కారణం బయటకు వచ్చింది.
ఇప్పటిదాకా యశ్వంత్‌పూర్‌ ఎక్స్‌ప్రెస్‌, కోరమండల్‌ ట్రైన్ ను ఢీకొడితే, అది వెళ్ళి గూడ్స్‌ ఢీకొట్టినట్టు అధికారులు చెప్పారు. అయితే అది నిజం కాదని తేలింది. జరిగిన యాక్సిడెంట్ కు సిగ్నలింగ్‌ మరియు టెలికమ్యూనికేషన్‌ ఫెయిల్యూరే కారణం. వేగంగా వస్తున్న కోరమాండల్ ట్రైన్ కి దారి ఇవ్వడం కోసం ఆ ట్రాక్ పైన ఉన్న గూుడ్స్ ని రైల్వే అధికారులు లూప్ లోకి పంపారు. అయితే 110కిలోమీటర్ల వేగంతో ప్రయాణిస్తున్న కోరమాండల్ ట్రైన్ బహెనాగ్ రైల్వే స్టేషన్ కు వచ్చాన తరువాత  సిగ్నలింగ్ లోపం వల్ల గూడ్స్ ఉన్న లూప్ లైన్లో కి వెళ్లింది.
కానీ సిగ్నల్ ప్యానెల్ లో ఆ ట్రైన్ మెయిన్ లైన్ లోనే వెళ్తున్నట్టు చూపించింది. దాంతో మెయిన్ లైన్ వెళ్తుందనుకుని లూప్ లైన్లో వెళ్లి ఆ ట్రాక్ మీద ఉన్న గూడ్స్ ట్రైన్ ని ఢీకొట్టింది. దాంతో కోరమాండల్ భోగీలు కొన్ని గూడ్స్ భోగీల మీద ఎక్కాయి. కోరమాండల్ భోగీలు కొన్ని పక్కనే ఉన్న వేరే ట్రాక్ పై పడ్డాయి. కాసేపటికి పక్క ట్రాక్ పైకి వచ్చిన యశ్వంత్ పూర్ ట్రైన్ ట్రాక్ పై పడిన కోరమాండల్ భోగీలను ఢీకొట్టింది.|
కోరమాండల్ ట్రైన్ గూడ్స్ ని ఢీకొని 16 నిముషాలు అయినా అటువైపు  వస్తుున్న యశ్వంత్ పూర్ ట్రైన్ ను మరో స్టేషన్ లో ఆపలేదు. శుక్రవారం నాడు మొత్తం  సిగ్నలింగ్ వ్యవస్థ కుప్పకూలింది. ఈ ఘోరప్రమాదానికి కారణం సిగ్నల్ మరియు టెలి కమ్యూనికేషన్ టెక్నికల్ సమస్య అని రైల్వే శాఖ స్పష్టం చేసింది. ఇదంతా 15 నిముషాల వ్యవధిలోనే జరిగిందని తెలుస్తోంది.

Also Read: OTTలో ప్రవేశ పెట్టిన కొత్త రూల్ ఏమిటో తెలుసా..?