Off Beat

మనం సాధారణంగా ఫైవ్ స్టార్ హోటల్స్ కి వెళ్ళినపుడు వారు ఇచ్చే ఆతిధ్యం, అక్కడి ఫుడ్, వాతావరణం ఎలా ఉంది అని చూస్తాం. అది నచ్చితే మళ్ళీ మళ్ళీ ఆ హోటల్ కే వెళ్ళాలి అనుకుంటాం. అయితే మనం ఎన్ని సార్లు ఫైవ్ స్టార్ హోటల్స్ కి వెళ్లినా ఒక విషయాన్ని గమనించం. అదేంటంటే ఫైవ్ స్టార్ హోటల్స్ లోని రూమ్స్ లో సీలింగ్ ఫ్యాన్స్ ఉండవు. మనం ఇప్పటివరకు  ఫైవ్ స్టార్ హోటల్స్ లో మనం ఎక్కువగా ఏసి లు ఉండటమే చూసాం. ఫైవ్ స్టార్ హోటల్స్ లో ఎక్కువగా సెంట్రల్ ఏసీ లనే వాడుతూ ఉంటారు నిర్వాహకులు.

కానీ అసలు ఫైవ్ స్టార్ హోటల్స్ లో ఎందుకు ఫ్యాన్స్ ఉండవో ఇప్పుడు తెలుసుకుందాం.. అసలు ముందు ఫైవ్ స్టార్ హోటల్స్ నిర్మించడానికి కొన్ని నిబంధనలు ఉంటాయి. ముందుగా మనం ఒక కమర్షియల్ బిల్డింగ్ లేదా హోటల్ కట్టాలి అనుకుంటే బిల్డింగ్ కంట్రోల్ కమిషనర్ ని అనుమతి తీసుకోవాలి. అప్పుడు వాళ్ళు ఆ బిల్డింగ్ ఎంత ఎత్తులో కట్టాలో దానికి పర్మిషన్ ఇస్తారు. ఈ నిబంధనలు కేవలం మెట్రో పోలిటన్ సిటీస్ కే పరిమితం. బీచ్ సైడ్ హోటల్స్ లేదా సిటీ చివరన ఉన్న హోటల్స్ కి ఈ నిబంధనలు వర్తించవు.

అయితే ఇప్పుడు బిల్డింగ్ కంట్రోల్ కమిషనర్ అనుమతి ఇచ్చిన ఎత్తులోనే ఈ ఫైవ్ స్టార్ హోటల్స్ ని కడతారు. కానీ వారికి ఎక్కువ ఫ్లోర్స్ వస్తే.. ఎక్కువ రూమ్స్, తద్వారా ఎక్కువ మంది కస్టమర్స్ వస్తారు. అందుకే సాధారణం కన్నా ఫైవ్ స్టార్ హోటల్స్ రూమ్స్ ని తక్కువ ఎత్తు ఉండేలా కడతారు. అప్పుడు ఎక్కువ ఫ్లోర్స్ కట్టే అవకాశం ఉంది. ఈ కారణంగానే రూమ్స్ లో ఫ్యాన్స్ బిగించరు. అంతే కాకుండా ఫ్యాన్స్ ని ఇన్స్టాల్ చెయ్యడం.. వాటిని మైంటైన్ చెయ్యడం చాలా కష్టం తో కూడిన విషయం. అందుకే మాక్సిమం ఏసీ లనే వినియోగిస్తారు.

అంతే కాకుండా ఫైవ్ స్టార్ హోటల్స్ లో ఎక్కువగా స్ప్రింగ్ బెడ్స్ నే వాడుతూ ఉంటారు. ఈ క్రమం లో ఎవరైనా కస్టమర్స్ బెడ్ పై జంప్ చేసినా వారికి ఫ్యాన్స్ తగిలి ప్రమాదాల బారిన పడకుండా ఫ్యాన్స్ వినియోగాన్ని తగ్గించారు హోటల్స్ నిర్వాహకులు. మొత్తంగా ఫైవ్ స్టార్ హోటల్స్ లో ఫ్యాన్ లేకపోవడం వెనుక వారి బిజినెస్ స్ట్రాటజీ తెలుస్తోంది కదూ..

మనం ఇప్పటికీ కొన్ని చోట్ల మిలిటరీ హోటల్ అని బోర్డు చూస్తూ ఉంటాం. మిలిటరీ హోటల్ అంటే మిలిటరీ కి దానికి ఎటువంటి సంబంధం లేదు. మిలిటరీ లో పని చేసేవారికి దృఢంగా ఉండేదుకు మాంసాహారం ఎక్కువగా ఇస్తూ ఉండేవారు. ఇదివరకు కాలం లో శాఖాహారులు ఎక్కువగా ఉండేవారు. వారు ఇబ్బంది పడకుండా ఉండేదుకు మాంసాహార హోటల్ అని చూడగానే తెలిసేలాగా మిలిటరీ హోటల్ అని పేర్లు పెట్టారు. ఇప్పటికీ కొన్ని చోట్ల అదే పేర్లను కొనసాగిస్తున్నారు. అంతేగాని ఆ హోటల్స్ మిలిటరీ వాళ్ళ చేత నడపబడవు. వాటికీ మిలిటరీ కి సంబంధం లేదు.

పూర్వం భోజన హోటళ్ళు చాలా తక్కువ ఉండేవి. అన్నాన్ని అమ్ముకోకూడదని ఒక అలిఖిత నియమం ఉన్నందున ఎవరైనా బాటసారులు, అభ్యాగతులు వస్తే ఎంత లేని వారైనా కనీసం అన్నం మజ్జిగ పెట్టి పంపేవారు. తర్వాత ఆ పద్ధతి పోయి హోటల్స్ పుట్టుకొచ్చాయి. టిలో బ్రాహ్మణ హోటళ్ళు మొదటివి. వంట బ్రాహ్మణులు చేసే వారు. శాకాహారం లభించేది. అన్ని వర్ణాల వారూ వెళ్ళే వారు. ఇవి ఇప్పటికీ ఏదో ఒక రూపంలో కొనసాగుతున్నాయి. ఉడుపి హోటళ్ళు ఈ కోవకు చెందినవే.

మాంసాహారులు తినదగిన ఆహారం లభించేది కాదు. ఒక వేళ దొరికినా ఏ మాంసం వండుతున్నారో అని అనుమానంతో వెళ్ళేవారు కాదు. వారికోసం హిందూ మిలిటరీ భోజన హోటల్స్, రాజుల భోజన హోటల్స్.గోదావరి జిల్లాలలో మాంసాహార భోజనశాలలను రాజుల భోజన హోటల్ అని అంటారు. అది నడిపే వాళ్ళు రాజులూ కారు వండేవారు రాజులూ కారు.

అలాగే శాకాహార భోజన హోటళ్లను బ్రాహ్మణ బోజన హోటల్ అనడం కూడా మనం చూస్తాం. ప్రస్తుత కాలం లో మాంసాహారులు కూడా పెరగటం వల్ల హోటల్స్ విషయం లో అటువంటి ఇబ్బందులు ఏవి లేవు. ఇంతకుముందు కాలం లో చాలా మంది ఆడవాళ్ళూ ఇంట్లో మాంసాహారం వన్డే వాళ్ళు కాదు. అందుకే అటువంటి పరిస్థితుల్లో మిలిటరీ హోటల్స్ కి వెళ్లేవారు.

ప్రేమ అందమైనది. ప్రేమికులకు ప్రపంచం అందంగా కనిపిస్తుంది. కానీ ఈ అందమైన ప్రేమ అందరికీ దొరకదు. శాశ్వతమైన ప్రేమ, చిరకాల ప్రేమ, నేను లేకుండా నువ్వు లేనని చెప్పే ప్రేమ దొరకడం అదృష్టం అనడంలో సందేహం లేదు. నేటి ఆధునిక కాలంలో ప్రేమ కూడా ఆధునికంగా మారింది. ఇది వరకు కాలం లో లేఖల ద్వారా తెలుపుకున్న ప్రేమ ఆ తర్వాతి కాలం లో ఫోన్స్ కి చేరింది.

అయితే చివరికి మన సోల్ మేట్ మనకి దొరికిన తర్వాత తన ఫోన్ నెంబర్ దొరకకపోతే ఏం చేస్తాం.. అయితే ఇటువంటి సంఘటన ఒకటి తాజాగా జరిగింది. ఓ బార్ లో ఒక యువకుడికి తన సోల్ మేట్ దొరికింది. అక్కడ వారు తమ అభిరుచులను పంచుకున్నారు. చివరిలో వెళ్లిపోయేటపుడు ఆమె తన ఫోన్ నెంబర్ ఇచ్చింది. కానీ అందులో రెండు నంబర్స్ ని ఇవ్వకుండా.. కనుక్కోమని చెప్పింది. ఈ మొత్తం సంఘటన వివరాల్ని ఆ యువకుడి కజిన్ ట్విట్టర్ లో పోస్ట్ చేయడం తో ప్రస్తుతం ఈ విషయం వైరల్ గా మారింది.

ట్విట్టర్ యూజర్ హాల్ తన కజిన్ కి, తనకు మధ్య జరిగిన చాట్ ని పోస్ట్ చేసి ఈ విషయాన్నీ సోషల్ మీడియా లో వెల్లడించాడు. అందులో అతను తన “సోల్‌మేట్”ని కలుసుకున్నట్లు చెప్పాడు. అతను ఆమె నంబర్ తీసుకున్నావా.. అని అతనిని అడిగినప్పుడు, అతను ఇలా సమాధానమిచ్చాడు. చాలా వరకు తీసుకున్నాను అని. ఆ తర్వాత ఆమె అతడికి రాసి ఇచ్చిన స్లిప్ ని ఫోటో తీసి పంపాడు. అందులో తన ఫోన్ నెంబర్ లో రెండు అంకెలను ఆమె రాయకుండా కనుక్కోమని అతడికి చెప్పింది.

దీంతో హాల్ కజిన్ ఆ ఫోన్ నెంబర్ కి ఉన్న అన్ని ప్రాబబిలిటీస్ ని ట్రై చేసి కనుక్కొనేందుకు ట్రై చేసాడు. దానికి సంబంధించిన ఫోటో ని కూడా హాల్ పోస్ట్ చేసాడు. హాల్ కజిన్ తాను పజిల్స్ ని బాగా సాల్వ్ చేస్తా అని చెప్పడం తో ఆమె ఇలా చేసినట్లు తెలుస్తోంది. అయితే ఈ ట్వీట్ వైరల్ కావడం తో ఆ అమ్మాయి హాల్ ని సంప్రదించి అతడి కజిన్ ని తనని కలవమని కోరినట్లు హాల్ తెలిపాడు. ఏదేమైనా చివరికి హాల్ కజిన్ అతడి సోల్ మేట్ ని కలవడం తో నెటిజన్లు సంతోషం వ్యక్తం చేసారు.

భారతదేశపు అత్యంత సంపన్న వ్యాపార దిగ్గజం, ప్రముఖ వ్యాపారవేత్త ముఖేష్ అంబానీ కొడుకు అనంత్ అంబానీ, రాధిక మర్చంట్ ల వివాహ ప్రీ వెడ్డింగ్ వేడుకలు మార్చి ఒకటి నుంచి మూడవ తేదీ వరకు గుజరాత్ లోని జాంనగర్ లో అంగరంగ వైభవంగా జరిగాయి. ప్రీ వెడ్డింగ్ ఫంక్షన్ లో బిల్ గేట్స్, మార్క్ జుగర్ బర్గ్ తో పాటు బాలీవుడ్ ప్రముఖులు చాలామంది ఈ పెళ్ళికి హాజరు అయ్యారు.

పెళ్లి కోసం ముఖేష్ అంబానీ 1000 కోట్ల వరకు ఖర్చు పెడుతున్నట్లు సమాచారం. ఇది దేశంలోనే అత్యంత ఖరీదైన వివాహం. ఖర్చులో ఎక్కువ భాగం అలంకరణలు, ప్రత్యక్ష ప్రదర్శనల కోసం ఖర్చు చేస్తున్నారు. మూడు రోజులకు భోజనాలు ఖర్చు 200 కోట్ల పైనే అని తెలిసింది. అతిథులకు ఏర్పాట్లతో పాటు వేడుక కోసం ప్రత్యేకంగా సెట్టింగులు వేయించి మరీ ఈ వేడుకను నిర్వహించారు. అన్నదానంతో మొదలైన వేడుకలకు హస్తాక్షర్ తో ముగింపు పలికారు.

ఈ వేడుకలో రెండు గంటల పాటు ఆడి పాడినందుకు పాప్ సింగర్ రిహనా కు ఏకంగా 52 కోట్లు చెల్లించారంట. సినిమా సెట్టింగ్ లను తలపించేలా వేసిన సెట్టింగులు, అతిధుల కోసం ఫైవ్ స్టార్ హోటల్ ను మరిపించేలా చేసిన ఏర్పాట్లకు మొత్తంగా కలిపి ఈ వేడుకకు ముకేశ్ అంబానీ అక్షరాల 1260 కోట్లు ఖర్చు పెట్టాడని ఒక అంచనా. ఇంకా ఎక్కువ ఖర్చే అయి ఉండవచ్చు అంటున్నారు ఆర్థిక నిపుణులు.

అయితే ఈ పెళ్లి వేడుకలు చూస్తున్న సామాన్య జనం మాత్రం కొడుకు పెళ్లికి అంత ఖర్చు అవసరమా, ఒక పూట తిండికి లేని వాళ్ళు చాలామంది ఉన్నారు వారి కోసం ఉపయోగించవచ్చు కదా, ముఖేష్ తలుచుకుంటే కొడుకు పెళ్లి కోసం ఖర్చుపెట్టిన డబ్బుతో దేశం యొక్క ఆర్థిక స్థితిగతులను మార్చేయగలడు అంటున్నారు. కానీ మరి కొందరు మాత్రం అతను సంపాదించుకున్నాడు ఖర్చు పెట్టుకుంటున్నారు మధ్యలో మీకేంటి అన్నట్లు మాట్లాడుతున్నారు.

ప్లాస్టిక్ సర్జరీ గురించి అందరికి తెలుసు. కానీ, ఈ సర్జరీ లో ప్రాసెస్ ఏంటి అనేది చాలా మందికి తెలియదు. చాలామంది ఈ సర్జరీ లో ప్లాస్టిక్ వాడతారు అనుకుంటారు. కానీ, ఈ సర్జరీ లో ప్లాస్టిక్ ని అస్సలు వాడారు. మరో ఎలా చేస్తారో ఇప్పుడు తెలుసుకుందాం. గతం తో పోలిస్తే.. ప్రస్తుతం ప్రపంచం లో అందం పై అందరికి శ్రద్ధ పెరిగింది. అందం గా కనిపించడం కోసం ఒకప్పుడు ఫేస్ ప్యాక్ లు వేసుకోవడం, క్రీములు అవీ.. ఇవీ రాసుకునే వారు. ఈ ట్రెండ్ ఇప్పటికీ కొనసాగుతోంది.

మరో వైపు సినీ తారలు అయితే.. ఏకం గా ప్లాస్టిక్ సర్జరీలు కూడా చేయించేసుకుంటూ ఉంటున్నారు. ముఖం పై ఉండే చిన్న చిన్న లోపాలను సైతం వారు సవరించుకోవడానికి వెనుకాడడం లేదు. ఇది నిజానికి రిస్క్ తో కూడుకున్న పనే. ఎందుకంటే.. సర్జరీ ఏ మాత్రం అటు ఇటు అయినా.. ఫేస్ పాడైపోతుంది. ఇది ఎంత రిస్క్ అయినా కూడా కొందరు సెలెబ్రిటీలు వెనుకాడకుండా సర్జరీ చేయించుకుని మరింత అందం గా మారారు.

లిప్స్, చీక్స్ వంటి ముఖ భాగాలు ఎంతో సెన్సిటివ్ గా ఉంటాయి. ఈ సర్జరీ చేసే సమయం లో ఫేస్ కి ఒక ఇంజక్షన్ ఇస్తారు. దీనివల్ల ముఖం వరకు స్పర్శ తెలియదు. ఏ భాగం అయితే అందాన్ని చెడగొడుతోందో.. ఆ భాగాన్ని తొలగించి మిగతా చర్మాన్ని కావాల్సినట్లు గా మౌల్డ్ చేస్తారు. ఇందులో ప్లాస్టిక్ ని అస్సలు ఉపయోగించారు. ప్లాస్టికో అనే గ్రీక్ పదం నుంచి ఈ సర్జరీ కి పేరు పెట్టారు. గ్రీకు భాషలో ప్లాస్టికో అంటే మౌల్డ్ చేయడం అని అర్ధం. అందుకే ఈ సర్జరీ కి ఆ పేరు వచ్చింది.

మనం చిన్నప్పుడు స్కూల్ డేస్ లో ఒక ఎక్స్పరిమెంట్ చేసేవాళ్ళం.. గుర్తుందా..? కొవ్వొత్తిని వెలిగించి దానిపై గ్లాస్ బోర్లిస్తే.. కాసేపటికి కొవ్వొత్తి ఆరిపోయేది. అదే గ్లాస్ బోర్లించి కొంత గ్యాప్ వదిల్తేనో.. లేక కొంత గాలి వెళ్లే ప్లేస్ ఉంటేనో ఆ కొవ్వొత్తి వెలుగుతూనే ఉండేది. దీనికి కారణం ఏంటంటే గాలి లో ఉండే ఆక్సిజెన్. అది ఉన్నప్పుడే కొవ్వొత్తి కాంతివంతం గా మండేది.

మరి నీటిలో కూడా ఆక్సిజెన్ ఉంటుంది కదా.. మరి నీరు పొయ్యగానే మంట ఎందుకు ఆరిపోతుంది..? అని ఎప్పుడైనా ఆలోచించారా..? నీటిలో ఉండే ఆక్సిజెన్ ఎందుకు మండదో మనం ఇప్పుడు తెలుసుకుందాం. నీటి ఫార్ములా H2O . నీరు అనేది ఉదజని కాలిపోగా మిగిలిన బూడిదే. ఉదజని అంటే హైడ్రోజెన్. ఇది కాలడం వలన ఏర్పడ్డ ద్రవ పదార్థమే నీరు.

కర్బన పదార్ధం కాలడం వలన ఏర్పడిన బూడిదనే మనం నీరు అంటున్నాం. ప్రకృతి లో సహజం గా జరిగే ఈ పధ్ధతి వలెనే నీరు ఏర్పడింది. కాలగా మిగిలిన బూడిద కాబట్టే, నీరు ప్రత్యేకం గా మండదు. ఇలా ఏర్పడ్డ నీటినే మనం శుద్ధిచేసి రకరకాలు గా వాడుకుంటున్నాము. మనం రోజు స్నానం చేసే నీరు కూడా బూడిదే. అందుకే “విభూతి స్నానం” అన్న పేరు కూడా వాడుక లోకి వచ్చి ఉంటుంది అని ఒక వివరణ కూడా ఉంది.

2002 లో వ్యాపార దిగ్గజం ధీరూభాయ్‌ అంబానీ మరణాంతరం అంబానీ సోదరుల మధ్య మనస్పర్థలు మొదలు అయ్యాయి. తల్లి కోకిలాబెన్‌ బిడ్డల మధ్య సయోధ్య కోసం ఎంతో ప్రయత్నించింది. చివరకు విడిపోయి.. వ్యాపారాలు పంచుకోవాలనే ఒప్పందానికి వచ్చారు అంబానీ బద్రర్స్‌. ఆయిల్‌, పెట్రోకెమికల్స్‌ వ్యాపారాలను అన్న ముఖేష్ అంబానీ ఎంచుకుంటే.. పవర్‌, టెలికామ్స్‌, ఫైనాన్షియల్‌ సర్వీసెస్‌ను తమ్ముడు అనిల్‌ తీసుకున్నాడు.

అప్పటి నుంచి ఇద్దరిదీ ఎడమొహం పెడమొహం. కలుసుకున్న సందర్భాలు చాలా అరుదు. బోర్డు సమావేశాల్లో ప్లాస్టిక్‌ నవ్వులతో ఎదురుపడ్డా.. ఆప్యాయంగా పలకరించుకుందే లేదు. అయితే వ్యాపారంలో.. ముఖేష్‌ అంబానీ సంపద.. పెరుగుతూ పోతోంది.

ఆసియాలోనే అపర కుబేరుడు అయ్యాడు ముఖేష్‌ అంబానీ. కానీ, అనిల్‌ అంబానీ సంపద మాత్రం దారుణంగా పడిపోయింది. ప్రస్తుతం అన్న ముకేశ్ అంబానీ దేశంలోనే అత్యంత ధనవంతుడు. కానీ తమ్ముడు అనిల్ అంబానీ మాత్రం దివాలా తీశారు. ఈయన కూడా ఒకప్పుడు దేశంలో అత్యంత సంపన్నుడి హోదాను అనుభవించారు. అయితే ఇప్పుడు మాత్రం పరిస్థితులు తలకిందులయ్యాయి.

ఒక కేసు విషయమై బ్రిటన్‌ కోర్టుకు అందించిన డాక్యుమెంట్లలో అనిల్ అంబానీ.. తన సంపద జీరో అని పేర్కొన్నట్లు బ్లూమ్‌బర్గ్ తెలిపింది. ‘నా ఇన్వెస్ట్‌మెంట్ల విలువ క్షీణించింది. నా అప్పులు పరిగణలోకి తీసుకుంటే నా సంపద విలువ జీరో. నా పేరు మీదు చెప్పుకోదగ్గ లేదా విక్రయించి సొమ్ము చేసుకోగల ఆస్తులు ఏమీ లేవు’ అని అనిల్ అంబానీ పేర్కొన్నారని వివరించింది.

అనిల్ అంబానీకి ఈ పరిస్థితి ఎందుకు వచ్చింది? అన్నదమ్ములు ఇద్దరూ ఒకే చోటు నుంచి ప్రయాణాన్ని ప్రారంభించారు. కాలం గడిచేకొద్ది అన్న అందనంత ఎత్తుకు వెళ్లగా.. తమ్ముడేమో పాతాళానికి చేరుకున్నాడు. ముకేశ్ అంబానీ, అనిల్ అంబానీ ఇద్దరూ 2005 తండ్రి ఆస్తులను సమంగా పంచుకున్న విషయం తెలిసిందే. 2007 అంటే కుటుంబం విడిపోయి రెండేళ్లు గడిచిన తర్వాత ఇద్దరు అన్నదమ్ముల మధ్య సంపద విలువలో అతిస్వల్ప వ్యత్యాసం మాత్రమే ఉండేది.

ఫోర్ట్స్ 2007 ధనవంతుల జాబితాలను గమనిస్తే.. అనిల్ అంబానీ సంపద 45 బిలియన్ డాలర్లు. ముకేశ్ అంబానీ సంపద విలువ 49 బిలియన్ డాలర్లు. సంపద విలువ పరంగా 2006లో అనిల్ అంబానీ అన్నను మించిపోయారు కూడా. దేశంలోని అత్యంత ధనవంతుల్లో అప్పుడు లక్ష్మీ మిట్టల్, అజీమ్ ప్రేమ్‌జీ తర్వాత మూడో స్థానంలో ఉన్నారు. అప్పట్లో అనిల్ అంబానీ దగ్గర అన్న కన్నా రూ.550 కోట్ల సందప ఎక్కువగా ఉండేది.

12 ఏళ్ల తర్వాత అంటే ఇప్పుడేమో అన్నదమ్ముల సంపద పూర్తి వ్యతిరేక దిశల్లో ఉంది. పోర్బ్స్ రియల్‌టైమ్ నెట్‌వర్త్ ప్రకారం 2019 మార్చిలో అనిల్ అంబానీ సంపద విలువ 1.9 బిలియన్ డాలర్లు (దాదాపు రూ.13,110 కోట్లు). 2007తో పోలిస్తే ఏకంగా 90 శాతం సంపద హరించుకుపోయింది. అదే సమయంలో ముకేశ్ అంబానీ సంపద 54 బిలియన్ డాలర్లుగా (దాదాపు రూ.3,72,600 కోట్లు) ఉంది. 2007తో పోలిస్తే సంపద 10 శాతం పెరిగింది. గతేడాది అనిల్ అంబానీ బిలియనీర్ల జాబితాలో చోటు కోల్పోయిన విషయం తెలిసిందే.

ముకేశ్ అంబానీ గత 12 ఏళ్ల కాలంలో రిలయన్స్ రిటైల్, రిలయన్స్ జియో వంటి కొత్త కొత్త వెంచర్లతో దూసుకెళ్లారు. ఆయిల్ అండ్ గ్యాస్ బిజినెస్‌ను మరింత విస్తరించారు. అదేసమయంలో అనిల్ అంబానీ తన సంపదను కోల్పోతూ వచ్చారు. టెలికం వ్యాపారం దెబ్బతింది. తెలియని వ్యాపారాల్లోకి ఎంట్రీ ఇచ్చి చేతులు కాల్చుకున్నారు. ఇన్‌ఫ్రాస్ట్రక్చర్, డిఫెన్స్ వ్యాపారాల్లోకి ప్రవేశించారు. దీంతో అప్పులపాలయ్యారు.

దూరదృష్టి, పట్టుదల అనే అంశాలు ముకేశ్ అంబానీని ఏ వ్యాపారంలోనైనా లీడర్‌గా నిలిపాయి. అనిల్ అంబానీ వేగంగా రాబడులను అందించే వ్యాపారాల్లో ఇన్వెస్ట్ చేసి నష్టపోయారు. అనిల్ చివరకు కుటుంబం నుంచి సంక్రమించిన టెలికం వ్యాపారాన్ని కూడా నిలుపుకోలేకపోయారు.

2002లో ముకేశ్ అంబానీయే టెలికం వ్యాపారాన్ని ప్రారంభించారు. ఆస్తుల పంపకంలో ఇది తమ్ముడికి వెళ్లింది. అయితేనేం ఆర్‌కామ్ ప్రారంభమైన దాదాపు 14 ఏళ్ల తర్వాత మళ్లీ రిలయన్స్ జియోను ఏర్పాటు చేశారు ముకేశ్ అంబానీ. దీన్ని కేవలం మూడేళ్ల కాలంలోనే టాప్ 3 టెలికం సంస్థల్లో ఒకటిగా నిలిపారు.

ముకేశ్ అంబానీ ఏ వ్యాపారాన్ని అయినా దగ్గరగా పర్యవేక్షిస్తారు. ఎప్పటికప్పుడు తగిన వ్యూహాలతో ముందుకెళ్తారు. క్షేత్ర స్థాయిలో కంపెనీ పరిస్థితి ఎలా ఉందో గమనిస్తూ ఉంటారు. ఇలాంటి లక్షణాలు అనిల్ అంబానీకి అబ్బలేదు. దీంతో కొత్తగా సంపాదన విషయాన్ని పక్కన ఉంచితే ఉన్న డబ్బునే నిలుపుకోలేకపోయారు. కానీ కష్ట కాలాల్లో తమ్ముడిని ఆదుకుంటూనే ఉన్నాడు ముఖేష్‌ అంబానీ. కష్ట సమయాల్లో అండగా నిలిచినందుకు అ‍న్నకు, వదినకు కృతజ్ఞతలు చెప్పాడు అనిల్‌ అంబానీ.