Off Beat

హస్త సాముద్రిక శాస్త్రం ద్వారా అరచేతిలో ఉండే రేఖలు లేదా గీతల ద్వారా వ్యక్తుల యొక్క జాతకాలను అంచనా వేస్తారనే విషయం అందరికి తెలిసిందే. అరచేతిలోని గీతలు, భవిష్యత్తును సూచిస్తాయని ఎంతోమంది నమ్ముతూ ఉంటారు.

అయితే అరచేతిలో ఉంటే పుట్టుమచ్చల ద్వారా కూడా మనుషుల యొక్క భవిష్యత్తును అర్థం చేసుకోవచ్చని హస్త సాముద్రిక నిపుణులు చెబుతున్నారు. అయితే హస్త సాముద్రిక శాస్త్రం ప్రకారం అరచేతిలో ఉండే పుట్టుమచ్చలు  వేటిని సూచిస్తాయో ఇప్పుడు చూద్దాం..
హస్త సాముద్రిక శాస్త్రం ప్రకారం, ఒక వ్యక్తి అరచేతిలోని జీవనరేఖ మీద పుట్టుమచ్చ ఉన్నట్లయితే అంత శుభకరం కాదని, అనారోగ్య సమస్యలు వస్తాయని అంటున్నారు. పుట్టుమచ్చ హృదయరేఖ మీద ఉన్నట్లయితే ఆ వ్యక్తులకు  ఆరోగ్యపరంగా మంచిది కాదట. అంతేకాక అశుభంగా కూడా పరిగణిస్తారట. పుట్టుమచ్చ కనుక అదృష్ట రేఖ మీద ఉంటే ఆ జాతకుల జీవితం ఎప్పుడూ ఏదో ఒక విషయంలో అలజడికి లోనవుతుందట.
అంతేకాకుండా అరచేతిలోని వివాహ రేఖ మీద పుట్టుమచ్చ ఉంటే ఆ వ్యక్తులకు పెళ్ళికి సంబంధించిన అంతరాయం ఏర్పడుతుందని నిపుణులు చెబుతున్నారు. హస్త సాముద్రిక శాస్త్రం ప్రకారం, అరచేతిలో సూర్య పర్వతం మీద పుట్టు మచ్చ ఉన్నట్లయితే అది ఆ వ్యక్తులకు అశుభంగా పరిగణిస్తారట. ఇలా ఉండడం వల్ల ఆ వ్యక్తుల గౌరవాన్ని దెబ్బతీస్తుందని సూచిస్తున్నారు. అంతే కాకుండా ఇతరులు చేసిన తప్పులకు చాలాసార్లు ఈ వ్యక్తులు శిక్షను ఎదుర్కోవాల్సి వస్తుందని చెబుతున్నారు.
పుట్టుమచ్చ అరచేతిలో ఉండే బుధ పర్వతం మీద ఉంటే ఆ వ్యక్తులకు నష్టాలు కలుగుతాయని సూచిస్తున్నారు. పుట్టుమచ్చ అరచేతిలోని విధి రేఖ మీద ఉన్నట్లయితే ఆ వ్యక్తులకు అశుభ ఫలితాలు కలిగే అవకాశం ఉందని సూచిస్తున్నారు. ఈ వ్యక్తులు జీవితాంతం ఎన్నో కష్టాలను ఎదుర్కోవాల్సి వస్తుందని చెబుతున్నారు. చేసే పని విషయంలోనూ మరియు ఆర్థికంగానూ చాలా ఇబ్బందులు పడాల్సి వస్తుందని హస్త సాముద్రిక శాస్త్ర నిపుణులు సూచిస్తున్నారు.

Also Read: మీ నాలుక రంగుని బట్టి మీకున్న అనారోగ్య సమస్యని గుర్తించచ్చు…ఎలాగో తెలుసా.?

రాజధాని ఢిల్లీకి దగ్గరలో ఉన్న ఘజియాబాద్ నగరంలోని ఓ రహదారి పేరు దుర్గా భాభి మార్గ్.  నేటి తరానికి దుర్గా భాభి గురించి అంతగా తెలియకపోవచ్చు.  దుర్గా భాభి ఒకప్పుడు భగత్ సింగ్‌ను కాపాడడానికి ఆమె నగలను కూడా అమ్మేశారు. ఆయన భార్యగా నటించి, పోలీసుల నుండి భగత్ సింగ్‌ను రక్షించారు.

దేశ స్వాతంత్ర్యం కోసం పోరాడిన విప్లవకారులకు ఎంతగానో సహాయం చేసి, దుర్గా భాభి తన వంతు పాత్రను పోషించారు. భగత్ సింగ్‌ ను కాపడం కోసం తన నగలను సైతం అమ్మిన దుర్గా భాభి ఎవరో  ఇప్పుడు చూద్దాం..

దుర్గా భాభి పూర్తి పేరు దుర్గా దేవి వోహ్రా. ఆమె 1907 అక్టోబరు 7న అలహాబాద్‌లోని షాజాద్‌పూర్ గ్రామంలో  జన్మించారు. ఆమె తండ్రి పండిట్ బాంకే బిహారీ అలహాబాద్ కలెక్టరేట్‌లో నజీర్, అతని తండ్రి మహేశ్ ప్రసాద్ భట్ జలౌన్ జిల్లాలో తానేదార్‌గా చేసేవారు. ఆమె తాత అయిన పండిట్ శివశంకర్ షాజాద్‌పూర్‌లో ఒక భూస్వామి. దుర్గా దేవి పదేళ్ల వయస్సులోనే లాహోర్‌కు చెందిన భగవతి చరణ్ బోహ్రాతో పెళ్లి జరిగింది. ఆమె మామ శివచరణ్ జీ రైల్వేలో ఉన్నత పదవిలో ఉన్నారు. బ్రిటిష్ గవర్నమెంట్ ఆయనకు రాయ్ సాహెబ్ బిరుదు ఇచ్చింది.

భగవతి చరణ్ బోహ్రా రాయ్ సాహెబ్ కుమారుడు అయినప్పటికీ, తన దేశాన్ని బ్రిటిష్ బానిసత్వం నుండి విముక్తి చేయాలనుకున్నాడు. క్రాంతికారి విప్లవ సంస్థలో ప్రచార కార్యదర్శి చేరాడు. 1920లో తన తండ్రి మరణించిన తరువాత, భగవతి చరణ్ వోహ్రా బహిరంగంగా ఉద్యమంలో చేరాడు. అందుకు ఆయన భార్య దుర్గా దేవి పూర్తిగా మద్దతు ఇచ్చింది. ఆమె స్వాతంత్ర్యం కోసం పోరాడిన ఎంతోమందిని కాపాడారు. బ్రిటిష్ వారు లాలా లజపతిరాయ్ ని దారుణంగా కొట్టినపుడు, భగత్ సింగ్ ఒక బ్రిటిష్ జనరల్ ని షూట్ చేశారు.

భగత్ సింగ్ ని బ్రిటిష్ వారి నుండి తప్పించడానికి సుఖ్ దేవ్ దుర్గా దేవిని సహయం అడిగారు. అప్పుడు ఆమె తన మూడేళ్ల కుమారుడితో కలిసి భగత్ సింగ్ భార్యల నటించి, ఆయనను సురక్షితంగా లాహోర్ నుండి కలకత్తాకు పంపించారు. దుర్గా దేవి  భర్త ఎస్హెచ్ఆర్ఏ మెంబర్. అందులోని మెంబర్స్ ఆమెను అందరు దుర్గా భాభి అని పిలిచేవారు. భగత్ సింగ్‌ మరియు అతని అనుచరులను ఉ-రి తీసినందుకు ఆమె లార్డ్ హెలిని చంపే ప్రయత్నం కూడా చేసింది. ఆయన తప్పించుకున్న అతని అనుచరులు గాయపడ్డారు. దుర్గా దేవి లాంటి ఎంతోమంది త్యాగధనులు దేశ స్వాతంత్ర్యం కోసం తమ జీవితాలని అర్పించారు.

Also Read: BHARAT RICE IN HYDERABAD: కేంద్ర ప్రభుత్వం తీసుకొచ్చిన 29 రూపాయల కిలో భారత్ రైస్…హైదరాబాద్ లో ఎక్కడ కొనచ్చు అంటే.?

విడాకులు అనే మాట ఈ మధ్యకాలంలో ఎక్కువగా వినిపిస్తోంది. విడాకులు రాకుండా రెండవ పెళ్లి చేసుకోవచ్చా, అలా చేసుకున్న వారి విషయంలో చట్టం ఏం చెబుతుంది అనేది ఇప్పుడు చూద్దాం..

భార్యాభర్తలు ఇద్దరు పరస్పర అంగీకారంతో విడిపోవాలనుకున్నప్పుడు, ఆ వివాహ బంధాన్ని పునరుద్ధరించడం వీలు  కానప్పుడు మాత్రమే సాధారణంగా విడాకులు మంజూరు చేస్తారు. అయితే కొందరు విడాకులు రాకుండా రెండవ వివాహం చేసుకుంటున్నారు. ఈ నేపథ్యంలో సుమన్ టీవి లీగల్ యూట్యూబ్ ఛానెల్ లో యాంకర్ అడిగిన ప్రశ్నకి న్యాయవాది ఆకుల రమ్యకుమారి గారు ఇలా సమాధానం ఇచ్చారు.
చట్ట ప్రకారం వివాహం జరిగిన తరువాత భార్య లేదా భర్త నుండి విడాకులు రాకుండా రెండవ వివాహం చేసుకోవడం అనేది చట్ట విరుద్ధం అవుతుంది. ఒకవేళ అలా చేసుకుంటే కనుక  IPC సెక్షన్ 494 ప్రకారం బైగమీ కేసు నమోదు చేసే అవకాశం ఉంటుంది. దీని ఫలితంగా ఏడు సంవత్సరాల వరకు జైలు శిక్ష విధించబడుతుంది మరియు రెండవ వివాహం చెల్లదు. అంటే చట్ట ప్రకారం పెళ్లి జరిగిన తరువాత ఆ వ్యక్తి ఇంకొక పెళ్లి చేసుకోవాలి అంటే ఖచ్చితంగా విడాకులు రావాల్సిందే.
ఈ విషయం తెలియక చాలా మంది, లేదా ఏం చేస్తారులే అనుకుని రెండవ పెళ్లి చేసుకుంటుంటారు. ఒకవేళ భార్య లేదా భర్త రెండవ పెళ్లి చేసుకున్న భర్త లేదా భర్త మీద కేసు నమోదు చేసే హక్కు ఉంటుందని వెల్లడించారు. అలాంటి సమయంలో రెండవ పెళ్లి చేసుకున్న వారి పై చట్టరీత్యా చర్యలు తీసుకుంటారు. వారికి ఏడు సంవత్సరాల జైలు శిక్షపడుతుంది.హిందూ వివాహచట్టం ప్రకారంగా డైవర్స్ కోరుతూ దాఖలైన పిటిషన్‌ను ఒప్పుకుంటూ భర్త లేదా  భార్య ప్రమాణ పత్రాన్ని ఇచ్చినట్లు అయితే వారి పెళ్లి రద్దువుతుంది. కానీ, విడాకుల కేసు కోర్టులో పెండింగ్‌లో ఉన్నా రెండవ వివాహం చేసుకోవచ్చని సుప్రీంకోర్టు తీర్పు ఇచ్చింది. దీని గురించి పూర్తి వివరాలు తెలుసుకోవాలి అంటే ఈ వీడియో చూడండి

Also Read: ప్రామిస‌రీ నోట్ రాసేటప్పుడు ఈ 10 విషయాలు తప్పక గుర్తుపెట్టుకోవాలి…లేదంటే అప్పు ఎగ్గొట్టినా ఏం చేయ‌లేరు.!

మెట్లెక్కడం మానేసి లిఫ్ట్ లలో తిరగడం మనకి బాగా అలవాటైపోయింది. లిఫ్ట్ ఎక్కగానే మనం ఫస్ట్ చేసే పని ఏంటంటే.. మిర్రర్ లో మన ఫేస్ చూసుకోవడం.. హెయిర్ స్టైల్ చూసుకోవడం. అసలు మిర్రర్ పెట్టిందే మనకోసం అని ఫీల్ అయిపోతాం. కానీ, అసలు లిఫ్ట్ లలో మిర్రర్ లు ఎందుకు పెడతారో తెలుసా..? ఈ ఆర్టికల్ చదివి తెలుసుకోండి.

లిఫ్ట్ ఎక్కగానే అందరు ఫేస్ నే చెక్ చేసుకుంటారు. కానీ లిఫ్ట్ లో మిర్రర్ వల్ల చాలా ఉపయోగాలు ఉన్నాయి. అసలు మిర్రర్స్ ని పెట్టింది సేఫ్టీ పర్పస్ కోసం. లిఫ్ట్ లో ఉన్నపుడు మనతో పాటు చాలామంది ఎక్కుతారు. మనం మిర్రర్ వైపు చూస్తూ అందరిని గమనించవచ్చు. గుంపు లో ఎవరైనా దొంగతనానికి పాల్పడుతున్నా, లేక మరేదైనా అసాంఘిక కార్యకలాపాలకు పాల్పడుతున్న తేలికగా గుర్తించవచ్చు.

లిఫ్ట్ లలో అద్దాలను మొదటిసారి జపాన్ దేశం ప్రవేశపెట్టింది. వికలాంగులకు, వీల్ చైర్ వినియోగదారులకు మెట్లు ఎక్కడం చాలా ఇబ్బందికరం. అలాంటి వారికి లిఫ్ట్ లు సౌలభ్యం గా ఉంటాయి. కానీ వీరు వీల్ చైర్ లో కూర్చుని వెనక్కి తిప్పడం కొంత కష్టతరం గా ఉంటుంది. ఇతరులకు ఇబ్బంది కలిగే అవకాశం ఉంటుంది. అదే మిర్రర్ ఉంటె.. వెనుక నుంచునే వ్యక్తి సేఫ్ గా వీల్ చైర్ ను తిప్పడం సాధ్యమవుతుంది.

ఎక్కువ ప్లేస్ లేకపోవడం, స్వచ్ఛమైన గాలి తగలేకపోవడం వంటి కారణాల వలన చాలా మందికి క్లాస్ట్రోఫోబియా సమస్య ఎదురవుతుంటుంది. ఇది వారిలో ఆందోళన పెంచుతుంది. ఫలితం గా వారి గుండె చప్పుడు వేగం పెరిగి అరచేతిలో చెమటలు పడుతుంటాయి. అదే లిఫ్ట్ లో అద్దం ఉండడం వలన ఈ ఆందోళనలను తగ్గిస్తుంది. లిఫ్ట్ ఇరుకుగా ఉందనే ఫీల్ లేకుండా చేస్తుంది.

లిఫ్ట్ లో బోరు గా నుంచునే బదులు అద్దం లో వారి రూపాన్ని చూసుకుంటూ ఉంటారు. ఇతరులను గమనిస్తూ ఉంటారు. అదే అద్దం లేకపోతె నేల చూపులు చూస్తూ ఉండాలి. లిఫ్ట్ లో ఉండే ఐదు నిముషాలు కూడా ఎక్కువ కాలం గడిపిన భావన కలుగుతుంటుంది. అద్దం లో రూపాన్ని చూసుకుంటూ ఉండడం వలన లిఫ్ట్ లో ఉన్నంత సేపు వారికి పడిపోతున్నామేమో నన్న భయం కలగకుండా ఉంటుంది.

తల్లిదండ్రులు సంపాదించినటు వంటి ఆస్తిలో సాధారణంగా పిల్లలకు హక్కు ఉంటుందనే విషయం తెలిసిందే. కుటుంబ యజమాని తన ఫ్యామిలీలోని పిల్లలకి ఆస్తిని సమానంగా పంచుతూ వీలునామ రాస్తారు. ఎందుకంటే తమ తదనంతరం వారి పిల్లల మధ్య ఆస్తుల కోసం ఎలాంటి తగాదాలు పెట్టుకోకూడదనే ఉద్దేశ్యంతో సాధారణంగా వీలునామా రాస్తుంటారు.

అయితే ఒక భర్త ఎలాంటి వీలునామా రాయకుండా మరణిస్తే, అతని ఆస్తిలో భార్యకు, కుమారుడికి మరియు  కూతురుకి ఎంత వాటా వస్తుంది. ఒకవేళ ఆ పిల్లలు తల్లికి ఆస్తిని ఇవ్వకుంటే అప్పుడు ఆమె పరిస్థితి ఏమిటీ? ఆ వివరాలను ఇప్పుడు చూద్దాం..
డబ్బు చాలా శక్తివంతమైనది. డబ్బు వల్ల సంబంధాలు విచ్ఛిన్నం కావడానికి ఎక్కువ సమయం పట్టదు. ఒక మనిషి వీలునామా రాయకుండా మరణిస్తే కుటుంబ సభ్యులు ఆస్తిలో ఎవరికి ఎంత వాటా వస్తుంది అనే విషయం పై తగాదాలు పడుతుంటారు. చాలా సార్లు ఊహించని సంఘటనలు జరుగుతాయి. ఆస్తుల కోసం ఎప్పుడు ఊహించని వ్యక్తులు కూడా ఆస్తిలో తమకు వాటా ఉందంటూ తెరపైకి రావచ్చు. అలాంటి వాటికి హిందూ వారసత్వ చట్టం 1956 సమాధానం చెబుతుంది.
హిందూ వారసత్వ చట్టం 1956 ప్రకారంగా ఒక వ్యక్తి సంపాదించిన ఆస్తి పై అతని భార్యకు, పిల్లలకు హక్కు ఉంటుంది. వీరిని షెడ్యూల్‌లోని క్లాస్-1 గా పరిగణిస్తారు. అంటే ఒక వ్యక్తి ఎలాంటి వీలునామాను రాయకుండా చనిపోతే, భార్యకు, పిల్లలు అతని ఆస్తికి సమాన హక్కుదారులు అవుతారు. అంటే ఒక వ్యక్తికి 10 ఎకరాల పొలం ఉండి, అతనికి భార్య, ఇద్దరు కుమారులు, ఇద్దరు కుమార్తెలు ఉండి, అతను వీలునామా రాయకుండా మరణించినట్లయితే షెడ్యూల్‌లోని క్లాస్-1వర్తిస్తుంది. షెడ్యూల్‌లోని క్లాస్-1 ప్రకారం భార్య, కుమారులు, కుమార్తెల అందరికి సమానంగా పంపిణీ చేయబడుతుంది. అలా భార్యకు 2 ఎకరాలు, కుమారులకు, కుమార్తెలకు ఒక్కొక్కరికి 2 ఎకరాల చొప్పున ఇవ్వబడుతుంది. ఒకవేళ ఆ వ్యక్తి పిల్లలు తల్లికి వాటా ఇవ్వకుండా తామే తీసుకుంటే ఆమె 125 సిఆర్పీసీ ప్రకారం పిల్లలు మేజర్లు అయితే వారిపై  ఫామిలి కోర్టులో మెయింటెనెన్స్ పిటిషన్ ను వేసినట్లయితే వెంటనే ఆమెకు మెయింటెనెన్స్ అనేది గ్రాంట్ చేయడం జరుగుతుంది. దీని గురించి పూర్తి వివరాలు తెలుసుకోవాలి అంటే ఈ వీడియో చూడండి..

watch video :

Also Read: ఇది 2వ ప్రపంచ యుద్ధ సమయంలోని పెళ్లి ఆహ్వాన పత్రిక…పత్రిక చివర్లో అప్పటి పరిస్థితులను తెలియజేస్తుంది.

జీవితం అన్నాక ఒడిదుడుకులు సహజం. వాటన్నిటినీ తట్టుకొని ఎదురు వెళ్లి నిలబడే వాళ్ళకి విజయం లభిస్తుంది. అలా ఒక మహిళ ఎన్నో అడ్డంకులు ఎదుర్కొని వ్యాపార సామ్రాజ్యానికి అధిపతి అయ్యారు. ఆమె పేరు అంకితి బోస్.

అంకితి బోస్ ఈ కామర్స్ స్టార్టప్ అయిన జిలింగో సహ వ్యవస్థాపకురాలు. 2015 లో ధ్రువ్ కపూర్ తో కలిసి ఈ కంపెనీ నెలకొల్పారు. అంకితి బోస్ డెహ్రాడూన్ లో పుట్టారు. ముంబైలోని కేంబ్రిడ్జ్ స్కూల్ లో చదువుకున్నారు. ఆ తర్వాత సెయింట్ జేవియర్స్ కాలేజ్ లో గణితం, ఆర్థిక శాస్త్రాన్ని చదివారు.

మెకిన్సే అండ్ కంపెనీ, సీక్వోయా క్యాపిటల్‌లో ఉద్యోగిగా తన కెరీర్ ప్రారంభించాక ఎంతో కష్టపడి అక్కడ ఎదిగారు. అయితే ఒక సమయం తర్వాత ఆగ్నేయాసియాలోని ఫ్యాషన్ మార్కెట్ రిటైలర్‌లు తమ వ్యాపారాలని సరిగ్గా ఆన్ లైన్ లో విస్తరించలేకపోతున్నారు అని ఒక పర్యటనలో ఉన్నప్పుడు అంకితి బోస్ గమనించారు. అప్పుడు ఒక స్టార్టప్ కంపెనీ ప్రారంభించాలి అని నిర్ణయించుకున్నారు.

ఎంతో జీతం వస్తున్న తన ఉద్యోగాన్ని వదిలిపెట్టి సింగపూర్ కి వెళ్ళిపోయారు. అక్కడ అంకితి బోస్ జిలింగో స్థాపించారు. అంకితి బోస్ ఇండోనేషియాలో ఉండే మహిళల కోసం దుస్తులు తయారు చేయడానికి డిజైనింగ్ ప్రోగ్రామ్ నిర్వహించారు. దేశవ్యాప్తంగా కూడా ఎంతో మంది నాయకులను తయారు చేయడానికి, వారికి మద్దతు ఇవ్వడానికి ఎన్నో శిక్షణ కార్యక్రమాలను నిర్వహించారు. 2019 లో వారి కంపెనీ దాదాపు 970 మిలియన్ డాలర్ల విలువ చేసింది. అంటే ఇండియన్ కరెన్సీ ప్రకారం దాదాపు 7957 కోట్ల రూపాయలు. అయితే అంకితి బోస్ తాను స్థాపించిన కంపెనీ నుండి బయటికి వచ్చేయాల్సి వచ్చింది.

అందుకు కారణం అనుమతి లేకుండా అంకితి బోస్ తన జీతాన్ని 10 రెట్లు పెంచేశారు. అంతే కాకుండా కొంత మంది వ్యాపారులకి వివరణ లేకుండా ఎన్నో ఆర్థిక లావాదేవీలు కూడా చేసినట్టు కంపెనీ ఖర్చుల్లో చూపించింది. ఈ కారణంగా ఆమె కంపెనీ తనని సస్పెండ్ చేసింది. తనపై వచ్చిన ఈ ఆరోపణలను కరెక్ట్ అని చూపించడంలో జిలింగో బోర్డు విఫలం అయింది అని అంకితి బోస్ ఒక సందర్భంలో పేర్కొన్నారు. ఈ విషయం మీద వివిధ వాదనలు వినిపించాయి. మరి వినిపించిన వాదనలో ఎక్కడ ఎంత వరకు నిజం ఉంది అనేది తెలియదు.

ALSO READ : 22 ఏళ్ల తర్వాత మళ్ళీ నాగార్జునతో కలిసి నటించిన ఈ సపోర్టింగ్ ఆర్టిస్ట్ ఎవరో గుర్తుపట్టారా.? ఇంతకముందు ఏ సినిమాలో అంటే.?

రైలు ప్రయాణాలు మనకి కొత్తేమి కాదు. ఎంతో హుషారు గా కిటికీ పక్కన కూర్చుని రైల్లో వెళ్ళడానికి మనందరం ఇష్టపడతాం. అదే సమయం లో రైలు పట్టాలకు పక్కగా రకరకాల బోర్డులు కనిపిస్తూ ఉంటాయి. వాటిల్లో ఓ బోర్డుపై W/L అని రాసి ఉంటుంది. అయితే.. ఇలా ఎందుకు రాసి ఉంటుంది అన్న అనుమానం మీకెప్పుడైనా వచ్చిందా..?

వాస్తవానికి ఈ బోర్డుని ప్రజల భద్రతా కోసమే రైల్వే శాఖ ఏర్పాటు చేసింది. ఆశ్చర్యంగా ఉందా..? ఈ బోర్డులు మన భద్రతకు ఎలా ఉపయోగపడతాయో ఈ ఆర్టికల్ లో తెలుసుకుందాం.

మొదట ఈ బోర్డుకి అర్ధం ఏమిటో తెలుసుకుందాం. W/L అంటే విజిల్ / లెవెల్ బోర్డు అని అర్ధం. భారతీయ రైల్వే సంస్థ తెలిపిన వివరాల ప్రకారం.. ఈ బోర్డు లోకో పైలట్లను అప్రమత్తం చేయడం కోసం ఏర్పాటు చేసారు. రైలు పట్టాల వద్ద మ్యాన్ క్రాసింగ్ లేదా అన్ మ్యాన్ క్రాసింగ్ ఉన్న చోట్ల ఈ గుర్తును ఏర్పాటు చేస్తారు.

ఈ బోర్డు గుండా వెళ్లే ప్రతి సారీ లోకో పైలట్ తప్పని సరిగా హారన్ కొట్టాల్సి ఉంటుంది. ఈ బోర్డు పసుపు రంగులో ఉంటుంది. దీనిపైన నల్లని అక్షరాలతో రాస్తారు. తద్వారా ఎంత దూరంలో ఉన్నా ఈ బోర్డు కనిపిస్తూ ఉంటుంది. జనాలని ప్రమాదం బారిన పడకుండా ఉండడం కోసం రైల్వే డ్రైవర్ ఈ బోర్డు మీదుగా వెళ్ళేటపుడు హారన్ మోగిస్తూ ఉంటాడు. నిబంధనల ప్రకారం.. ఈ బోర్డులను 2.100 మిమీ ఎత్తులో రెండు బోర్డులను పెట్టాల్సి ఉంటుంది. అందులో ఒకటి ఇంగ్లీష్ లో ఉంటె.. మరొకటి హిందీలో ఉండాలి.

కేంద్ర ప్రభుత్వం తాజాగా రాజకీయ కురువృద్ధుడు, బీజేపీ సీనియర్ నాయకుడు ఎల్ కె అద్వానీకి దేశ అత్యున్నత పురస్కారం “భారతరత్న” ను ప్రకటించిన విషయం తెలిసిందే. ఈ విషయాన్ని ప్రధాని నరేంద్ర మోదీ ప్రకటించడం విశేషం.

ఈ నేపథ్యంలో అద్వానీకి రాజకీయ, సినీ ప్రముఖులు అభినందనలు తెలుపుతున్నారు. ఈ క్రమంలో అద్వానీ గురించిన వార్తలు వైరల్ అవుతున్నాయి. మరో వైపు భారతరత్న అవార్డు ఎవరికి ఇస్తారు? ఏం ఇస్తారనే విషయం కూడా వైరల్ గా మారింది. ఆ వివరాలు ఇప్పుడు చూద్దాం..
భారతరత్న పురస్కారాన్ని  దేశంలో ఏదైనా రంగంలో అత్యుత్తమ కృషి చేసిన వారికి అందించే అత్యున్నత పౌర పురస్కారం. ఈ పురస్కారంను 1954లో జనవరి 2న దేశ తొలి రాష్ట్రపతి డా. రాజేంద్ర ప్రసాద్ మొదలుపెట్టారు. ఈ అవార్డ్ ను ఇప్పటివరకు 49 మంది అందుకోగా, వారిలో శాస్త్రవేత్తలు, మేధావులు, రచయితలు, సాహిత్యకారులు, పారిశ్రామికవేత్తలు, కళాకారులు, సామాజిక ఉద్యమకారులు, రాజకీయ నాయకులు తదితరులు ఉన్నారు. వీరిలో ఇద్దరు విదేశీయులు ఉన్నారు. భారతరత్న ప్రారంభించిన తరువాత సర్వేపల్లి రాధాకృష్ణన్, చక్రవర్తి రాజగోపాలాచారి, ప్రముఖ శాస్త్రవేత్త, డాక్టర్‌ సివి రామన్‌ 1954లో ఈ పురస్కారాన్ని అందుకున్నారు.

1955 నుండి భారతరత్న పురస్కారాన్ని మరణానంతరం కూడా ఇవ్వడం మొదలుపెట్టారు. ఈ అవార్డుల సెలెక్షన్ ప్రాసెస్ పద్మ అవార్డుల కన్నా భిన్నంగా ఉంటుంది. ప్రధానమంత్రి నేరుగా ఈ అవార్డుల కోసం వ్యక్తుల పేర్లను  రాష్ట్రపతికి సిఫారసు చేస్తారు. వృత్తి, కులం, జెండర్ అనే ఎలాంటి డిఫరెన్స్ లేకుండా ఎవరి పేరును అయినా భారతరత్న అవార్డ్ కు పరిశీలించొచ్చు. ఒక సంవత్సరంలో గరిష్టంగా ముగ్గురికి భారతరత్న అందిస్తారు. అలా అని ప్రతి ఏడాది ఈ అవార్డు తప్పనిసరిగా ఇవ్వాలనే రూల్ లేదు.  ఈ అవార్డు విజేతలను రిపబ్లిక్ డే సందర్భంగా రాష్ట్రపతి సత్కరిస్తారు.
భారతరత్న అవార్డ్ అందుకున్నవారికి రాష్ట్రపతి సంతకంతో ఉన్న ధ్రువీకరణ పత్రం మరియు  మెడల్ అందచేస్తారు. ఈ మెడల్ రావి ఆకు రూపంలో ఉంటుంది. దీనిపై ప్రకాశిస్తున్న సూర్యుడు, భారతరత్న అని దేవనాగరి లిపిలో రాసి ఉంటుంది. మెడల్ వెనుక భగంలో జాతీయ చిహ్నం, దాని కింద సత్యమేవ జయతే అని దేవనాగరి లిపిలో రాసి ఉంటుంది. ఇక ఈ అవార్డ్ అందుకున్న వారికి నగదు ప్రోత్సాహకం ఉండదు. అయితే ప్రత్యేకమైన ప్రాధాన్యత మరియు సదుపాయాలు లభిస్తాయి. 2024లో ఎల్‌కే అద్వానీ మరియు కర్పూరి ఠాకుర్ లకు భారత రత్నఅవార్డ్  ప్రకటించారు. వీరితో ఇప్పటి వరకు ఈ అవార్డులు వచ్చిన వారి సంఖ్య యాబైకి చేరింది.

Also Read: అయోధ్య, జ్ఞానవాపి వెనుక ములాయం సింగ్ యాదవ్ పాత్ర ఏంటి..?