Off Beat

మనం మామూలుగా భార్య భర్తల మధ్య వచ్చే జోక్స్ చదువుతూనే ఉంటాం. వీటిలో కొన్ని నిజ జీవితంతో సంబంధం లేకపోయినా కూడా ఫన్నీగా అనిపిస్తాయి.

అందుకే ఎంతోకాలం నుండి భార్యాభర్తల మధ్య వచ్చే జోక్స్ పాపులర్ అయ్యాయి. అలా ఒక భార్య ఊరికి వెళ్తూ తన భర్తకి కొన్ని విషయాలు మెసేజెస్ రూపంలో చెప్పింది. ఆ భార్య ఏం చెప్పిందంటే.

representative image

# పక్కింటి వాళ్ళని, ఎదురింటి వాళ్ళని పాలు వచ్చాయా, పేపర్ వచ్చిందా అని పొద్దున్నే లేపి చిరాకు పెట్టకండి. వాళ్లు మిమ్మల్ని తిట్టడంతో పాటు, ఊరెళ్ళి వాళ్ళ నిద్ర చెడ కొట్టినందుకు నన్ను కూడా తిట్టుకుంటారు.

# పార్టీలు లాంటివి ఇంట్లో పెట్టకండి. ఇల్లు క్లీన్ చేసుకోవడానికి నాకు రెండు రోజులు పడుతుంది.

# కళ్ళజోడు బాత్రూంలో పెట్టి మర్చిపోకండి.

# అద్దం ముందు గంటలు గంటలు నిలబడి రెడీ అవ్వడం తగ్గించండి. మీరు తొందరగా పని చేసుకుంటారు అని కావాలనే టైం కొంచెం ఫాస్ట్ పెట్టాను. మీరు అదే టైం ఫాలో అవ్వండి.

# నేను లేనన్ని రోజులు, మన పని మనిషి రాదు. వాళ్ళ అమ్మ పనిలోకి వస్తుంది.

# ఇంటర్నెట్ రావట్లేదు అని కంప్లైంట్ ఇవ్వడానికి ఫోన్ చేయకండి. మీకు ఆ ఫోన్ పట్టుకుంటే అర్ధరాత్రి అయినా తెలియట్లేదు అని ఇంటర్నెట్ కట్ చేయించాను.

representative image

# నేను మళ్ళీ తిరిగి వస్తాను అన్న విషయం మర్చిపోకండి.

# పోయినసారి లాగా స్టవ్ ఎన్నిసార్లు వెలిగించినా వెలగడం లేదు అని టెన్షన్ పడి నాకు కాల్ చేయకుండా, ఈసారి వెలిగించే ముందు స్టవ్ ఆన్ చేయడం మర్చిపోకండి.

NOTE: Images used in the article and the featured image are just for representative purpose. But not the actual characters.

ఎక్కడికైనా వెళ్ళినప్పుడు చుట్టుపక్కల కచ్చితంగా ఉండాల్సినవి వాష్ రూమ్స్. ముఖ్యంగా ప్రయాణాలప్పుడు వాష్ రూమ్స్ అందుబాటులో లేకపోవడం వల్ల ఎంతోమంది కి ఇబ్బందులు ఎదురవుతాయి. అందుకే ప్రభుత్వం కూడా ప్రతి చోట, అంటే ప్రయాణాలు మధ్యలో కూడా దారిలో వాష్ రూమ్స్ అందుబాటులో ఉండేలా ఏర్పాటు చేస్తున్నారు. హోటల్స్, మాల్స్, థియేటర్లలో కూడా వాష్ రూమ్స్ అందుబాటులో ఉంటాయి.

అయితే మీరు ఎప్పుడైనా ఒక విషయం గమనించారా? అదేంటంటే, థియేటర్స్, మాల్స్ లో వాష్ రూమ్ డోర్ పూర్తిగా క్లోజ్ అయ్యి ఉండదు. కింద వైపు కొంచెం ఓపెన్ గా ఉంటుంది. అలా ఉండడానికి కొన్ని కారణాలు ఉన్నాయి. అవేంటంటే.

# ఒకవేళ ఎవరికైనా ఆరోగ్య సమస్యలు వచ్చినా, లేదా ఇంకా ఏమైనా ఇబ్బంది అయ్యి వాష్ రూమ్ లో పడిపోవడం వంటివి జరిగితే గుర్తించడానికి సులభంగా ఉంటుంది.

# మాల్స్, రెస్టారెంట్స్ లో ఉండేవి పబ్లిక్ టాయిలెట్స్ కాబట్టి తరచుగా శుభ్రం చేయాల్సి వస్తుంది. అలాంటప్పుడు శుభ్రం చేయడానికి ఈజీగా ఉంటుందని డోర్ కొంచెం పైకి ఉండేలా ఏర్పాటు చేస్తారు.

# వెంటిలేషన్ కి సులభంగా ఉంటుంది. అలాగే వాష్ రూమ్స్ లో వచ్చే వాసన కూడా బయటికి వెళ్లిపోతుంది.

# ఎవరైనా ప్రైవసీని అడ్వాంటేజ్ గా తీసుకొని పబ్లిక్ వాష్ రూమ్స్ లో చేయకూడని పనులు చేస్తే కనిపెట్టే వీలు ఉంటుంది.

# పెద్ద డోర్ కట్టాలి అంటే ప్లాన్ కావాలి. దాంతోపాటు ఎక్కువ మెటీరియల్ వాడాలి, అందుకే ఇలాంటి డోర్స్ కొంచెం ఖర్చును కూడా తగ్గిస్తాయి.

# డోర్ పూర్తిగా కవర్ చేసి ఉంటే కొన్ని సందర్భాల్లో వాష్ రూమ్ లో ఎవరైనా ఉన్నారా లేదా అనే విషయం తెలియదు. డోర్ కింద కొంచెం ఓపెన్ చేసి ఉంటే వాష్ రూమ్ ఖాళీగా ఉందా లేదా అని చూడటానికి ఈజీగా ఉంటుంది.

# ఎప్పుడైనా డోర్ స్ట్రక్ అయిపోయినప్పుడు బయటికి రావడానికి వీలుగా ఉంటుంది.

# టాయిలెట్ పేపర్ లాంటివి అయిపోయినప్పుడు ఇవ్వడానికి కూడా సులభంగా ఉంటుంది.

# లోపల ఉన్న వాళ్లకి బయట వేరే వాళ్ళు ఎదురుచూస్తున్నారనే విషయం తెలుస్తుంది.

డెయిరీ మిల్క్ చాక్లెట్లతో ప్రత్యేక గుర్తింపు సంపాదించుకుంది క్యాడ్బరీ సంస్థ. చాలామంది క్యాడ్బరీ డైరీ మిల్క్ చాక్లెట్లను ఇష్టంగా తింటుంటారు. ముఖ్యంగా పిల్లలు ఈ చాక్లెట్లను ఎంతో ఇష్టపడతారు. ‘మంచిని ఆశిద్దాం.. తియ్యని వేడుక చేసుకుందాం..’ అనేది ఈ దీని టాగ్ లైన్. చాకొలేట్ బ్రాండ్స్ లోనే టాప్ గా ఉన్న ఈ కంపెనీ ఒక 20 ఏళ్ల క్రితం క్రితం చాలా ఇబ్బందుల్లో పడింది. దాని నుంచి ఈ సంస్థ ఎలా బయట పడిందో ఇప్పుడు చూద్దాం..

2003 వ సంవత్సరం లో క్యాడ్బరీ డైరీ మిల్క్ చాకోలెట్స్ లో పురుగులు ఉన్నట్లు చాలా మంది వినియోగదారులు ఫిర్యాదులు చేసారు. వెంటనే మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ పూణే ప్లాంట్ నుంచి తయారైన అన్ని చాకోలెట్స్ ని సీజ్ చేసారు. అయితే దానికి కారణం వ్యాపారాలు వాటిని సరిగా నిల్వ చేయకపోవడమే అని క్యాడ్బరీ సంస్థ తన వాదన వినిపించింది. కానీ దానికి ఎఫ్డీఏ కమిషనర్ పరిశుభ్రతను పాటించక పోవడం, ప్యాకేజింగ్ సరిగ్గా లేకపోవడం వల్లే ఈ సమస్య ఎదురైందని తేల్చి చెప్పారు.

ఈ పరిస్థితుల వల్ల క్యాడ్బరీ సంస్థ సేల్స్ 30 శాతం తగ్గిపోయాయి. ఆ తర్వాత క్యాడ్బరీ సంస్థ ప్యాకేజింగ్ లో పలు మార్పులు చేసింది. అప్పటి నుంచి డైరీ మిల్ చాకొలేట్ డబల్ ప్యాకేజింగ్ తో వస్తోంది. దీని కోసం 15 కోట్లు పెట్టి ఇంపోర్టెడ్ మెషిన్లను తెప్పించారు. దీని వల్ల 10 శాతం చాకొలేట్ మేకింగ్ ప్రైస్ పెరిగింది కానీ చాకొలేట్ రేట్ ని పెంచలేదు ఆ సంస్థ.

అంతే కాకుండా చాకొలేట్ క్వాలిటీ ని చెక్ చేసేందుకు చాలా మంది ఉద్యోగులను ప్రతి చోట ఏర్పాటు చేసారు. దీనికి ప్రాజెక్ట్ విశ్వాస్ అనే పేరు పెట్టారు. అన్ని రిటైల్ స్టోర్స్ లో క్వాలిటీ మేనేజెర్స్ ని నియమించారు. దాంతో పాటు సేల్స్ పెంచేందుకు మార్కెటింగ్ స్ట్రాటజీ ని కూడా ఉపయోగించారు. కొత్త చాకోలెట్స్ ని పెట్టి అమితాబ్ బచ్చన్ తో కొత్త యాడ్స్ చేయించారు. దాంతో డైరీ మిల్క్ సేల్స్ ఆరు నెలల్లో మళ్ళీ పెరిగాయి.

వినియోగదారుల సమస్యను వెంటనే పరిష్కరించడం లో క్యాడ్బరీ సంస్థ వెంటనే స్పందించటం వారికీ పెద్ద ప్లస్ అయ్యింది. ఒక బాడ్ పబ్లిసిటీ ని ఎదుర్కొని ఒక కంపెనీ ఎలా ఎదిగింది అని తెలుసుకోవడానికి ఇదొక మంచి ఉదాహరణ.

మనం ఒక చోటు నుండి వేరే చోటుకు ప్రయాణించడానికి ఎన్నో రకాల వెహికల్స్ ఉన్నాయి. అందులో మనందరం ఎక్కువగా వాడేది బస్, ట్రైన్, లేకపోతే ఫ్లైట్. ఇందులో చాలా మంది ట్రైన్ ప్రయాణాలను ఫ్లైట్ ప్రయాణాల ని ఇష్టపడతారు. అయితే బస్ లో కానీ, ట్రైన్ లో కానీ ఫ్లైట్ లో కానీ ప్రయాణించేటప్పుడు మనం చుట్టుపక్కల పరిసరాలను చూస్తూ ఉంటాం.

కానీ మనం కూర్చున్న బస్ ని కానీ, ట్రైన్ ని కానీ ఫ్లైట్ ని కానీ ఎక్కువగా పట్టించుకోము. మనం ఎన్నో సార్లు ట్రైన్ ఎక్కే ఉంటాము.. మనకి ట్రైన్ టైం కి అందుకోవాలి అన్న ధ్యాసే ఉంటుంది తప్ప..పరిసరాలపై దృష్టి నిలపలేము.

మీరెప్పుడైనా గమనించారా.. ట్రైన్ లో బెర్త్ ల పై విండో సీట్ వద్ద “W” అని రాసి ఉంటుంది. అలాగే.. కార్నర్ సీటు వద్ద “A” అని రాసి ఉంటుంది. అయితే.. ఇలా ఎందుకు రాసి ఉంటుంది అంటే ట్రైన్ ఎక్కడానికి వచ్చిన వారికి విండో సీట్ ఏదో క్లారిటీగా తెలియడం కోసం రాసి ఉంచుతారు. చాలా మంది ఇది ఒక్కటే గమనించుకుని వదిలేస్తారు. కానీ కార్నర్ సీటు లో రాసి ఉన్న “A” అనే అక్షరానికి మాత్రం అర్ధం ఏంటో చాలా మందికి తెలిసి ఉండకపోవచ్చు.

సాధారణంగా విండో సీటు ను “W” అని, మధ్యలోని సీటుని “M” అని, చివరిగా ఉన్న సీటుని “A” అని రాయిస్తారు. “A” అనగా అసైల్ అని అర్ధం. అసైల్ అంటే నడవడానికి వీలుగా ఉండే దారి అని అర్ధం. నడిచే దారికి పక్కగా ఉన్న సీటు కాబట్టే.. చివరిగా ఉన్న సీటుని అసైల్ సీటు అని పిలుస్తారు. ఇక స్లీపర్ క్లాస్ లోకి వచ్చే సరికి ఈ సీట్లను కాకుండా.. లోయర్ బెర్త్, మిడిల్ బెర్త్, అప్పర్ బెర్త్ అని డివైడ్ చేస్తారు.

భారతీయ సంస్కృతి సంప్రదాయాల్లో పెళ్ళికి పెద్ద పీట వేశారు. ప్రతి ఏడాది పెళ్లిళ్ల సీజన్ లో ప్రజల హడావిడి మాములుగా ఉండదు. వివాహ పత్రికలు ముద్రించటం నుంచి పెళ్లి సందడి మొదలవుతుంది. పెళ్లికూతురు, పెళ్లికొడుకు తమ శుభలేఖను జీవితాంతం మధుర జ్ఞాపకంగా దాచి పెట్టుకుంటారు. ఇప్పుడు ఎన్నో రకాల ముద్రణాయంత్రాలు ఉన్నాయి. ఎన్నో రకాల డిజైన్ల శుభలేఖలు అచ్చు వేయిస్తున్నారు. కొన్ని దశాబ్దాల క్రితం చేతిరాతతో మొదటి శుభలేఖ రాసుకుని, ముద్రించేవారు.

ప్రస్తుతం మార్కెట్ లో 10 రూపాయల నుంచి 10 వేల రూపాయల దాకా కార్డులు వున్నాయి అంటే మీరు ఇక అర్ధం చేసుకోవచ్చు. అలాగే కొందరు వివాహ పత్రికలో అచ్చువేయబడిన మేటర్ విషయంలో కూడా చాలా ఖచ్చితంగా వుంటారు. ఎక్కడ అచ్చు తప్పులు వున్నా కార్డులు అన్ని రిటన్ ఇచ్చే పరిస్థితి ఉంటుంది.అలాగే కొంతమంది తమ ముత్తాతలనుండి….నేటి తరం వరకు పేర్లను అచ్చు వేస్తూ వుంటారు. ఇందులో ఎవరి టేస్ట్ వారిది.

అయితే తాజాగా ఒక యువతీ తన ట్విట్టర్ ఖాతా లో 1933 లోని ఒక పెళ్లి శుభలేఖను పంచుకుంది. పాకిస్థాన్ లోకి కరాచీకి చెందిన ఫ్యాషన్ డిజైనర్ సోన్యా బట్లా ఈ ఫొటోను పోస్ట్ చేసింది. ఆమె తాత, నానమ్మ పెళ్లి ఢిల్లీలో జరిగింది. ఆమె పోస్ట్ చేసిన ఈ లేఖ ఫొటో సామాజిక మాధ్యమాల్లో బాగా వైరల్ అవుతోంది. ఈ శుభలేఖ ఉర్దూలో ఉంది. ఆ పత్రిక ఉర్దూలో అందమైన చేతిరాతతో రాయడం కొసమెరుపు.ఉర్దూ కాలిగ్రఫీతో పాత కాగితంలా ఉంది ఆ పెళ్లి పత్రిక.

దాన్ని కొందరు ట్రాన్సలేట్ చెయ్యగా.. ముహమ్మద్ ఇబ్రహీం అనే వ్యక్తి అప్పట్లో తన కుమారుడు హఫీజ్ ముహమ్మద్ యూసఫ్ పెళ్లి కోసం ఈ శుభలేఖ వేయించారని తెలిసింది. ఆ పెళ్లి 1933, ఏప్రిల్ 23లో జరగనున్నట్లు శుభలేఖలో ఉందని అన్నారు. ఢిల్లీలోని కసీమ్ జాన్ వీధిలో పెళ్లి జరుగుతుందని ఉందని చెప్పారు. పెళ్లి కూతురి చిరునామాగా కిషన్ గంజ్ ఉందని అన్నారు. ప్రస్తుతం ఈ శుభలేఖ నెట్టింట వైరల్ గా మారింది.

My grandparents’ wedding invitation circa #1933 #Delhi pic.twitter.com/WRcHQQULUX

— Sonya Battla (@SonyaBattla2) December 30, 2022

మనిషి మాట తర్వాత అంతగా విలువ ఇచ్చేది ప్రామిసరీ నోటు కే. ఒకసారి మనిషి ఇచ్చే మాట కంటే కూడా ఎక్కువ విలువ దానికే ఉంటుంది. అందుకే పెద్ద పెద్ద ఒప్పందాలు ఏమైనా చేసుకునేది ఉంటే ప్రామిసరీ నోటు తప్పనిసరిగా వాడతారు. ఆ నోటు ఉంటే ఇంక తమకు చెందిన దాన్ని వేరే వాళ్ళు చచ్చినా తీసుకోలేరు అనుకుంటారు. కానీ ఆ ప్రామిసరీ నోట్ రాయడానికి కూడా ఒక పద్ధతి ఉంది. ఇప్పుడు చెప్పబోయే రూల్స్ పాటిస్తేనే ఆ ప్రామిసరీ నోట్ చెల్లుతుంది. promissory note validity in telugu

• అప్పు ఇచ్చే వాళ్ళు అప్పు తీసుకునే వాళ్ళు ఇద్దరికీ కచ్చితంగా 18 ఏళ్లు నిండి ఉండాలి. లేకపోతే ఆ ప్రామిసరీ నోటు చెల్లదు.
• ప్రామిసరీ నోటు తయారు చేసేటప్పుడు ఇచ్చే వాళ్ళు తీసుకునే వాళ్ళు కచ్చితంగా అక్కడ ఉండాలి.
• ప్రామిసరీ నోట్ చెల్లే వ్యవధి మూడు సంవత్సరాలు.
• నోట్ మీద రెవెన్యూ స్టాంప్ అంటించి దానిపై అడ్డంగా సంతకం చేయాలి.
• ఆ రెవెన్యూ స్టాంప్ ధర మినిమం ఒక రూపాయి ఉండాలి.
• ప్రామిసరీ నోట్ పై కోటి రూపాయల వరకు అప్పుగా ఇవ్వచ్చు.

• అలా ఎక్కువ మొత్తంలో డబ్బు లావాదేవీలు ఉంటే న్యాయవాదిని కచ్చితంగా తీసుకెళ్లాలి.
• నేను ఫలానా వ్యక్తి దగ్గర అప్పు తీసుకున్నాను. తిరిగి ఆ వ్యక్తి కి గాని లేదా తను సూచించిన మరో వ్యక్తి కి గాని అప్పు గా తీసుకున్న డబ్బులను తిరిగి ఇచ్చేస్తాను. అనే పాయింట్ లేకపోతే ఆ ప్రామిసరీ నోట్ తయారు చేయించినా కూడా ఉపయోగం ఉండదు.

• మతిస్థిమితం లేని వ్యక్తులు ప్రామిసరీ నోటు రాస్తే ఆ నోట్లు చెల్లదు.
• ఒకవేళ అప్పు తీసుకున్న వ్యక్తి డబ్బును ఇవ్వకపోతే ఆ ప్రామిసరీ నోట్ తో డబ్బును తిరిగి వసూలు చేయవచ్చు.

ఇవి ప్రామిసరీ నోట్ తయారు చేసేటప్పుడు దృష్టిలో పెట్టుకోవాల్సిన విషయాలు.